TITUS
Old Georgian Hagiographical Texts, vol. I
Part No. 49
Previous part

Chapter: IV  
Line of ed.: 20        4. და ვითარ წარადგინეს ნეტარი იგი ტფილისს შინა წინაშე მძლავრისა
Line of ed.: 21     მის, რომელსა სახელი ერქუა ბუღა, აყუედრებდა იგი მას და ეტყოდა:
Line of ed.: 22     "ანუ არა უწყოდე შენ, რამეთუ განრინებად იყავ სივლტოლითა შენითა ჴელთაგან
Line of ed.: 23     ჩემთა, რამეთუ არავინ არს განდგომილთაგანი, რომელსა-ცა არა ვსძლე,
Line of ed.: 24     და არცა რომელი განემზადების წყობად ჩუენდა და არა ვერეოდეთ, რამეთუ
Line of ed.: 25     აჰა ესერა მოგუცნა თქუენ ღმერთმან დღესა ამას მოსასრველად ჴელთა
Line of ed.: 26     ჩუენთა"?!

Line of ed.: 27        მიუგო მას სანატრელმან კოსტანტი და ჰრქუა: "მეცა უწყი, ვითარმედ
Line of ed.: 28     ღმერთმან მიგუცნა ჴელთა თქუენთა, არამედ არა სიყუარულისა თქუენისათჳს,
Line of ed.: 29     არცა საქმეთა თქუენთათჳს კეთილთა, არამედ რამეთუ არა დავიმარხენით
Line of ed.: 30     ჩუენ მცნებანი მისნი, ამისთჳს-ცა ნათესავითა მით ურჩებისაჲთა განგუკაფნა
Line of ed.: 31     ჩუენ, რამეთუ მრავალგზის ისრაჱლი-ცა მისცის უფალმან ჴელთა უცხოთესლთასა,
Line of ed.: 32     რაჟამს არა ვიდოდიან იგინი გზათა მისთა. ხოლო ჩემდა კეთილ
Line of ed.: 33     არს, რამეთუ დამამდაბლა მე უფალმან, რაჲთა დავიმარხნე მცნებანი მისნი*.

Line of ed.: 34        და სიმჴნით დაითმენდა იგი უკეთურისა მის მძლავრებათა, რამეთუ
Line of ed.: 35     ეჴსენა მას სიტყუაჲ იგი ღმრთისაჲ, რომელსა იტყჳს: "ნეტარ იყვნეთ თქუენ,
Line of ed.: 36     რაჟამს გდევნიდენ და გყუედრიდენ, და თქუან ყოველი სიტყუაჲ ბოროტი
Line of ed.: 37     თქუენდა მომართ სიცრუვით ჩემთჳს"*.

Line of ed.: 38        და ვიდრე პყრობილ-ღა იყო მოწამჱ ქრისტჱსი ტფილი[ს] შინა,
Line of ed.: 39     მიწერა წიგნები ყოველთა მიმართ მეუდაბნოეთა ქალაქისათა და მამასახლისთა
Line of ed.: 40     მონასტრისათა, რომელსა წერილ იყო ესრეთ: Ms. page: B_135  "უწყი მე, რამეთუ
Page of ed.: 168   Line of ed.: 1     გასმიეს თქუენ, რაჲ-ესე მოაწია ღმერთმან ჩემ ზედა ცოდვათა ჩემთათჳს,
Line of ed.: 2     არამედ გევედრები თქუენ, წმიდანო მამანო, და ჭეშმარიტნო მოღუაწენო
Line of ed.: 3     ქრისტჱსნო, რაჲთა მოიჴსენოთ სურვილი ჩემი და სარწმუნოებაჲ თქუენდა
Line of ed.: 4     მომართ, და ინებეთ ჩემთჳს ლოცვისა ყოფაჲ უფლისა მიმართ, არა ხოლო
Line of ed.: 5     თუ, რაჲთა-მცა მიჴსნა მე ჴელთაგან უსჯულოჲსათა, არამედ რაჲთა მომცეს
Line of ed.: 6     მე ძალი ქრისტემან, ჭეშმარიტმან ღმერთმან, წინა-მდებარისა ამისთჳს საფრჴისა,
Line of ed.: 7     რომელი დაურწყავს მტერსა ჩემსა, რომელსა ჰნებავს დაბრკოლებაჲ
Line of ed.: 8     ჩემი გზისა მისგან, რომლისათჳს ჰსურის სულსა ჩემსა".

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.