TITUS
Old Georgian Hagiographical Texts, vol. I
Part No. 116
Previous part

Chapter: 15  
Line of ed.: 6        [ი^ე]. და ვითარცა მოიწინეს მახლობელად იშხანსა, გამოეცხადა ღმრთისა
Line of ed.: 7     მიერ ნეტარსა გრიგოლს და ღირსსა საბას იშხნისა პირველი დიდებულებაჲ,
Line of ed.: 8     დაბასა მისსა წმიდანი ეკლესიანი, და ეუწყა, ვითარმედ კუალად განახლებად
Line of ed.: 9     არს პირველებრ ჴელითა საბანისითა. და ეცნობა გზაჲ-ცა მისავალად,
Line of ed.: 10     რამეთუ მის ჟამისა კაცთაგან მიუვალ იყო ადგილი იგი. და მი-რაჲ-ვიდეს
Line of ed.: 11     იშხანს. ფრიად უხაროდა პოვნაჲ დიდებულისა მის ადგილისაჲ. რამეთუ იყო
Line of ed.: 12     მას შინა ნუგეშინის-საცემელი სულიერი და ჴორციელი. და საბას მუნთქუეს-ვე
Line of ed.: 13     გულს-ედვა დადგომაჲ, ხოლო ნეტარმან გრიგოლ ჰრქუა: "ძმაო, პირველად
Line of ed.: 14     ვიხილნეთ ძმანი ჩუენნი ხანცთას შინა მყოფნი და ნებითა ღმრთისაჲთა და
Line of ed.: 15     ლოცვითა მათითა კუალად მოიწიო ადგილსა ამას წმიდასა". და მიერ წარმოსლვასა
Line of ed.: 16     მათსა მოიწინეს წინაშე ძეთა კურაპალატისათა და დაულოცეს ნუგეშინის-ცემით
Line of ed.: 17     სიკუდილისათჳს მამისა მათისა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.