TITUS
Kartlis Cxovreba: Part No. 383

Page of edition: 386 
Line of edition: 1 
    ხოლო აღაშენა სიმაგრე საბა მტბევარ ეპისკოპოსმან, მახლობელად ტბეთის
Line of edition: 2 
    ეკლესიასა და სახელ-სდვა მას სუეტი. და შეკრიბა მაშინ მან ერი თჳსი და შევიდეს
Line of edition: 3 
    მას შინა თჳთ საბა მტბევარ ეპისკოპოსი, და ეზრა ანჩელ ეპისკოპოსი, და შავშეთის
Line of edition: 4 
    აზნაურნი, და განძლიერდა მას შინა.

Line of edition: 5 
    ხოლო მოავლინა მუნ პარკიმანოსმან იოვანე ხ/არტულარი, სახელით ვალანგ,
Line of edition: 6 
    ლაშქრითა დიდ-ძალითა, და თანა-მოსცა მას ძე გურგენ კლარჯისა დემეტრე, რე-ცა
Line of edition: 7 
    შესატყუენელად ქუეყანისა მკჳდრთა, რომელი-ესე იქმნა ესრეთ. რამეთუ მიიქცეს ერნი,
Line of edition: 8 
    სოფელნი უგუნურ-უსუსურნი ცნობითა და გონებითა. და გამოადგინეს ლაშქარნი
Line of edition: 9 
    სუეტსა მას ტბეთისასა, და ჰბრძოდეს ძლიერად მრავალ-ღონედ. და ღმერთმან განაძლიერნა
Line of edition: 10 
    მყოფნი იგი სუეტსა მას შინა მადლითა და მეოხებითა წმიდათა მოციქულთათა და
Line of edition: 11 
    ლოცვითა წმიდათა ამათ მღდელთ-მოძღუართათა. და ვითარ-ცა ერთ-გულნი
Line of edition: 12 
    და ჭეშმარიტნი მარტჳლნი საღმრთონი თავთა თჳსთა სიკუდილად განსწირვიდეს, და
Line of edition: 13 
    ჴორციელთა უფალთათჳს თავთა თჳსთა განსწირვიდეს, და სისხლთა დასთხევდეს
Line of edition: 14 
    სიტყჳსაებრ მოციქულთასა, და / განძლიერდებოდეს. ყოველთა-ვე ეტყოდეს, ვითარმედ:
Line of edition: 15 
    "ნუ-მცა შეგჳტყუებენ ჩუენ ლიქნანი ესე და საფასენი მსწრაფლ წარმავალნი, არამედ
Line of edition: 16 
    მოვიგოთ მადლი ერთგულებისა და გჳრგჳნი ახოვნებისა". რამეთუ მბრძოლნი იგი გარე
Line of edition: 17 
    მოდგომილნი მათდა ლიქნიდეს აღთქმითა და ქადაგებითა კეთილითა და საფასეთათა:
Line of edition: 18 
    ხოლო ესე-ვითარად რა ღელვად აღტეხილად იგუემებოდა აღმოსავლეთი, მსწრაფლ
Line of edition: 19 
    ეწია რისხვა უმსჯავროსა მას მეფესა კოსტანტინეს, მსგავსად-ვე ივლიანეს უსჯულოსა,
Line of edition: 20 
    უწყალოებისათჳს ბაგრატ მეფისა ჩუენისა, მოოჴრებისათჳს მამულისა მისისა, და
Line of edition: 21 
    მოსწრაფედ მოუწერა პარკიმანოსს პროედროსსა თჳსსა, რათა მსწრაფლ შეიქცეს იგი
Line of edition: 22 
    ლაშქრით-ურთ თჳსით და მოვიდეს კოსტანტინეპოლედ. და წარვიდა იგი, ესმა რა ესე.

Line of edition: 23 
    და ვითარ-ცა გარდაიცვალა ესე კოსტანტინე მეფე, დაუტევა შემდგომად მისსა მეფობა
Line of edition: 24 
    რომანოზს, ნათესავსა და მიმდგომსა-ვე თჳსსა.

Line of edition: 25 
    ამისსა შემდგომად წელსა მესამესა სანატრელმან დედოფალმან მარიამ, დედამან
Line of edition: 26 
    ბაგრატ მეფისამან, შეიმოსა სიმჴნე და ახოვნება, რამეთუ ნაშობი იყო ბრწყინვალეთა
Line of edition: 27 
    მათ ძლიერთა და დიდთა / მეფეთა არშაკუნიანთა და წარვიდა კოსტანტინეპოლედ
Line of edition: 28 
    წინაშე რომანოზ მეფისა, ვედრებად მისა, რათა მშჳდობა-ყოს აღმოსავლეთისათჳს და
Line of edition: 29 
    რათა არღარა იყოს ბრძოლა ბერძ/ენთა და ქართველთა, და გლახაკნი დაწყნარებულ
Line of edition: 30 
    და მყუდრო იყვნენ, და რათა მიუთხრეს პატივი ძესა თჳსსა ბაგრატს მეფესა წესისაებრ
Line of edition: 31 
    სახელისა.



Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.