TITUS
Text collection: OFr.Corp.
Corpus of Old Frisian Texts
On the basis of several editions
prepared by Thomas F. Shannon,
Berkeley, 1999.
TITUS version by Jost Gippert,
Frankfurt a/M, 3.10.1999 / 1.6.2000 / 1.3.2003
Text: 10_Gebote
Die altostfriesischen 10 Gebote
nach den Hunsigoer Handschriften H1 und H2
On the basis of the editions published in
Walther Steller,
Abriss der altfriesischen Grammatik,
Halle: Max Niemeyer Verlag, 1928,
p. 91
and (especially for the page number of the manuscript,
which is not named but is most probably H2),
Wilhelm Heuser,
Altfriesisches Lesebuch mit Grammatik und Glossar,
Heidelberg: Carl Winter, 1903,
p. 88
entered by Thomas F. Shannon,
Berkeley, 30.6.1999.
TITUS version by Jost Gippert,
Frankfurt a/M, 1.10.1999
Chapter: _
Sentence: 0 Hir is scriuen alsa dene bode, sa god selua ief Moysi in monte Synai, uppa tha berchte (= berche) Synai on tuam stenena teflu[m].
Tha scelen wita allera monnalik, ther cristen send.
Sentence: 1 Primun mandatum, thet erste bod: minna thinne god fore feder ende moder mith inlekere herta.
Sentence: 2 het other bod: minna thinne euncristena [127] like thi selwm.
Sentence: 3 het thredde bod: fira thene sunnandei and there helche degan.
Sentence: 4 het fiarde bod: minna thine feder end thine moder, hu thu longe libbe.
Sentence: 5 het fifte: thet thu thi nowet ne ower hore.
Sentence: 6 het sexte: thet thu nenne mon ne sle.
Sentence: 7 het sogende: thet thu nowet ne stele.
Sentence: 8 het achtende: thet thu thi nowet ne vrsuere, ne nen falesk withscip ne driue.
Sentence: 9 het niugende: thet thu nenes thines euncristena wiues ne gereie.
Sentence: 10 het tiande: thet thu nenes thines euncristena godes ne ierie.
Der Text basiert hauptsächlich auf H2; Korrekturen nach Steller, meistens aus H1; wenn nicht, offensichtlich.
Sentence: 1 Thit is thiu forme kest end thes kenenges Kerles ieft en riucht alra Fresena, thet alra monnahwelic (= monna hwelik) end sine gode bisitte alsa longe saret vn fon werkat (= vnforwerkat) hebbe.
Sentence: 1 Thit is thiu other kest: frethe alla godes husem and alla godes monnem, bi tua and sogentega pundem, end thet pund scel wesa bi sogen agripineskera pennenga; thruch thet Colene het bi alde tidem Agripina en (bi) alde noma.
Sentence: 2 Tha was thiu mente te fir en thi penning te suer; tha warther elowad en elagad wither tha tua end sogentech punda tua en sogentech scillenga Rethnathes slachta.
Sentence: 3 Thriu pund tha frana, thet is en end tuintech scillenga, vmbe thes kenenges bon.
Sentence: 1 Thet is thiu thredde kest, thet allera monnahwelic (= monna hwelik) a sinem bisitte, umbe rauad (= vnberauad), hit ne se thet (ma) hine mith tele and mith rethe end mith riuchte thingathe urwinne, sa hebbere alsa den riucht, sa him thenna thi asega deme ande dele nei liuda kere end londriuchte.
Sentence: 2 And thi asega ne ach nenne dom to delane, hit ne se thet hi fara tha keisere to Rume sueren hebbe end al ther ekeren se.
Sentence: 3 Sa ach thi asega te witane alle riuchtlike thing, thet send kesta and londriucht.
Sentence: 4 Hi scel dema tha letha alsa tha liaua, tha fiunde alsa friunde, wande thi asega bitecnath thene prester.
Sentence: 5 Thi prester anda thi asega, hia scelen alle riuchtlike thing dema ande dela, alsa scelen hia hira sele bihalda.
Sentence: 1 Thet is thiu fiarde kest, thet tian merka scelde (= sceldech) se - and thiu merk bi fiwer wedum ande thera weda ec bi tuelef pennengum - thi ther and otheres wera fare vmbe teldere tele and vmbe thingathes, ande buta asega ledene and liuda orleue.
Sentence: 1 Thet is thiu fifte kest thet ma thredknia laua ende emes laua end aldafederes laua end edeles laua halda mote mith dedethum, uter stride mith tuelef monnem enda tha withum.
Sentence: 1 Thet is thiu sexte kest, thet ma caplond and godes huses egin, ther ma ta (= tha) helgum iewen ieftha bockat hebbe, thet sel ma halda uter stride mith sogen monnem enda withum; end thera monna ne scel nen wesa monslachtech, ni menethech, ni a hordome sa fir biullen thet thi (= hi) enre karfesta sceldech se.
Sentence: 1 Thet is thiu sogende kest, thet alle Fresan a fria stole sitte; thet ief him thi keneng Kerl, thruch thet hia cristen urde end tha suthera kenenge henzeg end herec (= hereg) urde and clipscelde gulde bi asega dome and ther mithe capade hira etheldom and hira fria halsar; wande alle Fresa[n] north herden an tha grimma herna.
Sentence: 1 Thet is thiu achtende kest, theter nen huskerl with sinne hera te suithe ne stride.
Sentence: 2 Sa wet sa thet were ther ma fon thes keninges haluen sogte til ene monne, geuet him ouerkome, thet hi sines haudes sceldech se, ief hi bisoke, - thet hine sikerade tuelewasum enda withum; wande (= wanne) ther ne thor nen huskerl wither sinne hera thene kening kempa leda; ande thi huskerl sceler ondertia ender suera sine hera; ieft hit his (= is) londraf, sa scelen suera fiwer ethele men end fiwer frimen, tha se ein erva, end fiwer letslaga ther er ungebern vere (= eingebern were) and frihelse iwen ethele were.
Sentence: 3 Alsa skel ma tha kenenge riuchta.
Sentence: 1 Thet is thiu niugende kest, frethepennengar te ieldane ande huslotha thruch thes kenenges bon, bi tuam rednathes slagta pennengum.
Sentence: 2 Sa wa sa hir ur sitte end thes riuchtes werne, sa bete hit ande fellet mit (= mith) tua ande tuintege scillengum ende thes kenenges wald, ther mithe te capiane sogen streta, rume and rennande, suther te farane, thria an londe and fiwer a wetere.
Sentence: 3 Thera weter stretena is aster thiu Elue, thiu other the Wisere, thiu thredde thiu Emese, thiu fiarde thet Rin.
Sentence: 4 Thiu asterste londstrete is up to Hamburch and ut ti Geuere, thiu midleste up ti numigerde forda (= Mimigerdeforda) and ut to Emetha, thiu thredde up to Coforda and ut to Stauere.
Sentence: 5 Ac ief Fresena capmen an thira sogen stretena eng werthe benert, ieftha birawad werthe a Saxena merkum ur riucht, sa scelmat him fella mith tian liudmerkum, ande tha frana sin bon, thet is enendtuintech scillenga.
Sentence: 6 Ac kemthet him fon thes biscopes haluen, sa achmat ti fellane of tha tinse end of tegetha (and) him hira scatha to fellane ieftha bende.
Sentence: 1 Thet is thiu tiande kest, thet Fresan ni thuren nene hereferd firra fara, sa aster tore Wisere and wester to tha Fli, bethiu thet hia hira lond bihelde wither thet hef and wither there (= thene?) hethena here.
Sentence: 2 Tha bed thi kenenk Kerl, thet hia firra tha hereferd fore, aster til Hiddeseckere ande wester til Cincfallum.
Sentence: 3 Tha bihelden hit tha liude wither thene keneng, thet hia nene hereferd firra fara ne thorste, sa aster til there Wisere and wester to tha Fli.
Sentence: 4 Thruch thet sa scelen alle Fresa fon tha northliudem fri wesa.
Sentence: 1 Thit iste (= Thet is) thiu ellefte kest.
Sentence: 2 Frethe alle widem and wesum and alle vnierige bernum and alle warlasa liudem, palmerum and runfaru[m] (= rumfarum) and alle riuchte pilegrimum and alle riuchte (= 0) karefestru[m], helgena sendebodum, bi tian liudmerkum and tham tuiwalde bote, ther wi (= wich) and wepen uresueren hebbe, thruch frethe and nethe, end enantuintech scillenga tha frana.
Sentence: 1 Thet is thiu tuelefte kest.
Sentence: 2 stiurc frethe (= Stiurkfrethe) ande husfrethe ande thingfrethe and herefrethe, alder ma sueslika triua louad, bi tuam ande thritega hreilmerkum, thet is achtenda half merk gratera merka, and ter of en and tuintech scillinga tha frana.
Sentence: 1 Thet is thiu thredtendeste kest.
Sentence: 2 Feldfrethe, ther liude louiat, bi tiam (= tian) liudmerkum, bi fellede monnem and bi onfeste lithem; thiu merk bi fiuwer wedum, thera weda ek bi tuelef pennengum.
Sentence: 1 Thet is thiu fiurtendeste kest.
Sentence: 2 Ief hwa of herenede ieftha of othere nethe, ieftha of fengnese kemht (= kemth), ande hi muge bikenna sine ethel ende sine eckerar and sine federstatha, ac ief sin brother ieftha sine balemunda ieftha sin athem ieftha sin stiapfeder sin lond urbruden hebbe ur sinne willa ieftha ur sine wald ieftha ur sine louethe, sa ach hi to farane uter stride uppa sin egen erwe, mith allera Fresena riuchte.
Sentence: 1 Thet is thiu fiftendeste kest.
Sentence: 2 Ief wa wida ieftha fon'na (= famna), ief en otheres monnes wif nede nimth and him mith riuchtere redene ur come (= urkume), ief hi biseka welle and hi mith copscelde (= kompscelde) unnen werthe, sa ach hi to lesane sin haud mith tuelef merkum etta liudem ande hire othere tuelef merk te werielde, thet is fiuwer and tuintech gratera merka, end (= and) of tha fiwer and thuintechga (= fiuwer and tuintechga) merku[m] tha frana ti fellane enentuintech scillenga; fon tha werielde thene thrimenat te nimane, tha tua del fon tha tuelef merkum thera liuda, thes frana bonnes.
Sentence: 3 Thet is riucht, thet him sine friund ther to helpe, ief hit selua nebbe, thruch thet theter ne mei nen mon sines berna blodes with seka.
Sentence: 1 Thet is thiu sextendeste kest, thet alle Fresa hira frethe mith fia bete.
Sentence: 2 Thruch thet skelen hia wesa a Saxina merkum uster (= uter) stok and uter stupa, uter besma and uter skera and uter alle pinum; hit ne se thet hi urdemet and urdeled werthe an liuda warue mith riuchtere tele and bi asega dome, bi liuda londriuchte and bi skeltata bonne and bi thes keiseres ieftha sines weldega boda orleue, sine ferra hond uppa thingstapele of te slanne umbe tuede deda (= tue dededa).
Sentence: 3 Ac ief hi hauddeda ieden hebbe, nagtbrond ieftha othere hauddeda, bi asega wisdome and bi liuda riuchte ach hi to ieldane mith sine halse, ief hi fia nebbe; efne ielt alle thi ther hongat.
Sentence: 4 Morth mot ma mith morthe kela bi liuda kere, nas bi godes riuchte, wand god bad a nethe, thrug thet ma erga stiure.
Sentence: 1 Thet is thiu sogentendeste kest and thes kenenges Kerles ieft, thet alle Fresa(n) thingie bi tuira tele and bi riuchtes asega dome, and allera monna welik witet him selua anda withum, wet he geden hebbe.
Sentence: 2 Mith thrim monnem mei ma alne tigtega bifella, buta dathe aud (= and) aubera dolge, bi scriueres worde and bi asega dome and bi liuda riuchte, ieftha mith sines selues sele te [fellane, hit ne se thet hi en wed den hebbe anda urpena warue ieftha anda heida thinge, sa ne mei hi thes weddes nene withe biada, wande en ierech mon mei mith siner ferra hond urwedia and mith sinere tunga utmela (= urmela) al sin riucht.
Sentence: 3 Thit send tha sogentene kesta, ther Fresan mith hira fia capaden and hia fon riuchte bruca scelen alsa longe sa hia libbe wither alle here and alle husingar.
Sentence: 4 Tha bad thi kening Kerl, thet hia alle afte thing and alle riuchte thing helde and louade alsa longe sa se lifde; and huwasa (= hwasa) birawade, thet hi birawad urde fara godes agnem and fara alla godes helgum, a himilrike and erthrike, tho (= to) tha ewga liwe.]
Text: Londriucht
Londriucht
Die 24 altostfriesischen Landrechte
On the basis of the edition by
Karl Freiherr von Richthofen,
Friesische Rechtsquellen,
Berlin 1840,
p. 41ff.
as republished in
Wilhelm Heuser,
Altfriesisches Lesebuch
mit Grammatik und Glossar,
Heidelberg: Carl Winter, 1903
p. 45-53
entered by Thomas F. Shannon,
Berkeley, 30.6.1999.
TITUS version by Jost Gippert,
Frankfurt a/M, 2.10.1999
Chapter: I
I.
Sentence: 1 Thit is thet forme londriucht allera Frisona, thet allera monna hwek an sina gode bi-sitte and an sina eina hauun umberauad, hit ne se, thet-ma hini mith tele and mith rethe and mith riuchta thingathe ur-winne; and hi thenne werne thrira riuchta thingatha, ief-tha thriv liod-thing bi ur-mode and dol-stride ur-sitte, ther him fon thes kininges haluon ebeden se to hebbande and to haldande, and hi nahwedder dwa nelle red ni rivcht ne dithinges bidda; sa mot hi hebba tha onferd, thi ther er utana onsprek, hit ne se, thet hi thenne biade thera fiuwer ned-skininga en, ther thi fria Frisa fon riuchta hach te dwande.
Sentence: 2 [28] Ther-efter dwe hi, alsa him sin asyga dome (= deme) and dele to lioda londriuchte.
Sentence: 3 Thiv forme ned-skininge is, thet him sin bonnere nen thing e-keth nebbe; thiv other, thet him sin fiand him (= 0) thene wi ur-stode mith wige and mith wepne; thiv thredde thet him wind and wetir withir wrden were and hi dika skolde withir thene salta se and withir thet wilde hef; thiu fiarde, thet hi alsa sechte-siak were, thet hi to tha thinge nawet kuma ne machte.
Sentence: 4 Thit sint tha fiuwer ned-skininga, ther hini thi fria Frisa mith bi-skirma skil and him thi kinig Kerl selua sette and ur-ief alle Frison.
Sentence: 1 Thit is thet other londriucht: Sa hwersa thiu moder hiri kindis erue ur-kapath tha ur-wixlath, mith hiri frionda rede, er thet kind ieroch se; like him thi kap, alsa hit ieroch se, sa halde hit-ne, likere him ....
Sentence: 2 sa thet kind un-geroch is, thet hit nahwedder froste ne hungere ne na-nena uni-dena (unidena) dathe ne urfari.
Sentence: 1 Thit is thet thredde londriucht: Sa hwersa en ungeroch kind ut of londe let werth, thruch sellonge tha thruch hiri-gongar, antha hethena thiade, ist thenne tha kinde eskepen, thet hit to londe kumi and to liodon sinon; sa gunch hit oua sin ein erue, uter stef and uter strid and uter liodskelde and uter frana wald and uter alle ertichta; sa hwasa hit ther of drifth, sa brekth hi ther-on tian merk with tha liode, and en and twintich skillinga tha frana.
Sentence: 1 Thit is thet fiarde londriucht: Sa hwersa feder and moder hiara dochter eine flet-ieue ieuath and hia ut-beldath mith afta gode and mith hiara fria erue and thenne lede mith kape tha mith wixle [30] of tha liod-garde ana enne otherne and tha hionon hiara god mis-gunge and hiare meni aken werthe and hia an thet god unriuchte spreka willat; sa hach hiv te wetande hiri god mith twam ded-ethon.
Sentence: 2 Ac ief hiri brother tha flet-ieua brida wili and tiona, sa mot hiuse tiona and halda mith twam hondon anda withon buta stride; thet is londriucht allera Frisona.
Sentence: 1 Thit is thet fifte londriucht: to hwamsama en god ief-tha en lond askie, sa ondwarde thi haldere mith rivchtere tele, and quethe: 'Thet lond, ther thu mi to askast and to thinge umbe lathast and un-rivchte to-sprekst, thet kapade ik et ena rumfara; hi latte inur berch betha fel and flask and sin lif thredda.
Sentence: 2 Nune (= Nu ne) thurstu mi firor to nena werande driua; ik wille thit eine halda mith alsa-dena rivchte, alsa mi thi [31] asyga delt.
Sentence: 3 Thruch thet, thet min werand is eferin thruch godis willa an thet suthroste kinigrike, vmbe thet skil ik thet erue halda mith sivgun ded-ethon anda withon buta stride.(')
Sentence: 1 Thit is thet sexte londriucht: Sa hwersa twene brother send and thi other thenne en wif halath and bi there wiue thenne en bern tivcht, sa weldegath him sin feder efter sine degon enne riuchtene swes-del.
Sentence: 2 Sa sin kind ieftha sinis kindis kind hini ur-leuath, sa thes kindes alder nawet ne leuath, sa wili thet kind dela and thi fidiria nele and queth thet, thet hi ena kni niar se; sa hach thet kind thenne antha were to tiande, mith fiuwer moder-megon and mith achta feder-megon, ief him sina friond helpa willath.
Sentence: 3 Ac willath hini sina friond eta withon ur-tia, sa hach thet kind thenne framde man mith [32] sine fia te kapande, ther mith him gunge to tha withon stonda, and halde iuen-godene del ediles lauon; thach thet kind se wel ena halua kni bi-efta.
Sentence: 4 Ther is alsa ni kindis-kind ediles lauon alsa thes monnis ein kind.
Sentence: 1 Thit is thet siugunde londriucht, thet-ther allera fri-monna hwelik hach to haldande sines feder laua and sinere moder laua and sines ediles laua and sinere alda-moder laua and sines thredknilingis laua and iahwelikes fri-monnes laua.
Sentence: 2 Sa ma utana on-sprekth, sa hach-ma hia to haldande, mith twilif monnon an tha withon buta stride.
Sentence: 1 Thit is thet achtande londriucht, thet-ther iahwelik erua mi leda sines thredknilingis deda mith twam with-ethon.
Sentence: 2 Sa hwet-sa ther-under bi-sken is, dolch sa dath, sa mi thi thredkniling efter thes otheres [33] dathe spreka, et steue mire stonda, wed mire dwa, and riucht mire umbe sines thredknilingis deda und-fa.
Sentence: 3 Ac mire eruana allerek leda sinne thredknilig to dathe and to dolge, mith twam ded-ethon; thruch thet hi ne mi nawet unt-kuma sina berena blode.
Sentence: 4 Thet is lond-riucht allera Frisona.
Sentence: 1 Thit is thet niugunde londriucht: Sa hwersa en mon sa fir on-efuchten werth, thet hi blodich stont, ief ther lhapth (= hlapth) sin thredkniling ief en sibbera mon inur tha frasa and firor fiucht, tha ahwedder se fremo ief-tha fere, and him sin friond thenne wili et tha withon swika and to tha withon tella and queth thenne: thu hest thit efuchten thruch thine er-seke and thruch thinne alda nith; sa is thera twira niar tha withon, ther tha otheron ehulpen heth; and queth, thet hit eden nebbe thruch [34] nene er-seke ne thruch nenne aldene nith, ne were thruch hiara twira sibbe; forth skil hi gunga and iechta skil hi ielda, wn[dunga] skil hi beta and sinne friond skil hi of seke leda.
Sentence: 1 Thit is thet tiande londriucht: Sa hwersama ena eina monne bi-tegath there twira wenda en, rendes ief-tha raues, thiuuethe thredda wordi[s], sa hach sin here fori hiri te gungande, oua tha heligon enne eth to swerande, thet sin eina mon se thes tichta sikur and unskeldich.
Sentence: 2 Jef sin hera hini wili et tha withon ur-tia, sa hach thi eina mon en het isern to dregande, hwande hine mi antha withon nen marra riucht werka.
Sentence: 1 Thit is thet andlofte londriucht: Sa hwersa en dede eden werth fon harses houe tha fon ritheres horne tha fon hundis tothe tha fon hona itsile tha [35] fon swines tuske and hi thenne wili bi-seka, ther (= thet) thi nat sin is, sa is thi thera twira niar tha withon, thi clagire, thet hit eden hebbe thes otheres nat, alsare him thes tichta bi-tigath.
Sentence: 2 Forth skil hi gunga and iechta skil hi beta; ther ne mi nen frana nenne fretho fon thingia.
Sentence: 1 Thit is thet twilifte londriucht: Sa hwersa en tichta let werth fon harses houe tha fon ritheres horne tha fon hundes tothe tha fon hone itsile tha fon swines tuske, ief thet en ungeroch kind deth ief-tha enes monnes skalk deth ief-tha enes monnes un-afte wif deth, ief-tha ther werth en ergera dede ur-bek eden mith bekwardiga wepne and bi un-willa, sa skilma thera deda allerek aiechta beta; ief hi ia wili, sa ne mi ther nin (= nen?) frana nenne fretho fon bi-tella; wili hi bi-seka, sa skil hi an tha withon mith twilif hondon und-swera.
Sentence: 1 [36] Thit is thet thredtinde londriucht: Sa hwasa bi-fuchte ief-tha bi-rauade widua and wesa ief-tha walubora, sa skilma thet al twi-bete beta and tha liodon thene fretho bi tian liod-merkon and thriu pund tha frana, thet is en and twintich skillinga, thruch thes kininges bon; and allera degana hwelik, alsa longe sa hi mith tha raue bi-sitte, sa felle hi tha frana en and twintich skillinga, thruch thet, thet hiu is an thes kininges mundelinge; and ne thrur (= thur) nen widue ne hiri kind ond-wardia umbe lond ne umbe letar ne umbe nene mantela ne umbe nene thing-lesne, er thet kind ieroch is; ekkor skilun hia ondwardia umbe alle tha thing, ther-ma him fon riuchtes haluon to-sekth ief-tha to-sprekth, bi asyga dome and bi lioda londriuchte.
Sentence: 1 Thit is thet fiuwertinde londriucht: Sa hwersa [37] en mon sa fir on-efuchten werth, thet hine to there flecht makath; fliuch hi thenne inna en hus ief-tha hof and thana ut-biot al thet to betande, thet hi ebreken heth; sa is thet al twi-bete, therma him ther-efter in deth and fretho-fest and en-bete alle thet hi ut-fiucht and fretho-las.
Sentence: 1 Thit is thet fiftinde londriucht: Sa hwersama ena monne bi-tegath thes swarta-swanges ief-tha there hagosta wapuldepene ieftha en mon unskeldech mith enere haued-leina be-bunden werth, wili his ia, sa skil hit aiechta beta mith fiftine enzon, thera enza allerek bi twintich panningon; hit ne se, thet hit bi-seka wille, sa skil hi mith fiuwer monnon an tha withon und-swera, and thet fifte en fia-eth.
Sentence: 1 Thit is thet sextinde londriucht: Sa hwersa en mon ieftha en wif steruat and [38] hiara erue and otheres hiara god leuath and hia befta hiam ne leuath feder ne moder, brother ne swester, kind ne kindis-kind and thera sibbosta sex honda nen nis, sa hagon tha iuin-knilingar to there were to tiande, tha sibbe ther to kniande, iuin-fir on to fande mith iuin-sibba hondon; hit ne se, thet ther en kumi, ther thenne se there were allera swesost, sa hach thiv hond tha laua to nimamde (= nimande).
Sentence: 2 Jef thet ac ne se, sa dele-se tha friond under hiam, al with thiv, ther hia sibbe se and knia mugi.
Sentence: 1 Thit is thet siuguntinde londriucht: Sa hwersa en mon tha otheron sin god to haldande deth, sa is thet riucht, thet hit him ondwarde thes selua dis, ther hit hebba wili; hit ne se, thet-tet him ofnimi thrira haued-neda hwelik, ned-raf ief-tha ned-brond tha nacht-thiuvethe.
Sentence: 2 Jef thet is liodcuth, thet [39] him sines godes se ur-bruden tha ur-burnen tha thes nachtes thermithi ur-stelen se, sa ne thur hi ther-umbe nene ondwarde dwa, thruch thet ther ne mi nen mon otheres monnes god firor an plicht nema, thare sin ein god.
Sentence: 1 Thit is thet achtatinde londriucht: Sa hwersa en wif ena monne bi-tegath, thet hi-se nedgad hebbe, wili hi ia, sa betere hiri mith fullere bote; hit ne se, thet hi be-seke; sa skil hi und-swera mith achta hondon sinera kest-friondon antha withon, sa ne thur hi firor nen fia reka ne selua fach sitta.
Sentence: 1 Thit is thet niv[gun]tinde londriucht: Sa hwasa binna folke fiuchte, sa bete hi tha monne mith twifaldere bote and tha liodon thene fretho and thriu pund tha frana.
Sentence: 2 Ac hwersama benetha werpth opa enne mon, ther nen dolch neth, and ma thet queth, hi se mith bamon [40] al to-slein ief-tha hi se equerked, sa motma thet mith twilif hondon und-swera.
Sentence: 3 Jef ther dolch is and ma thes nawet ne iecht, sa mot thi erua mith twilif sinra thredknilingon swera an tha withon, sa hachma hini to ieldande.
Sentence: 1 Thit is thet twintegoste londriucht: Sa hwersa North-man an thet lond hlapath and hia enne mon fath and bindath and ut of londe ledath and eft withir to londe brangath and hini ther to thwingath, thet hi hus barne and wif nedgie and man sle and godis-hus barne and hwet-sa hi to lethe dwa mi, alsa hi thenne vnd-fliuch ief-tha lesed werth and withir to londe kumth and to liodon sinon and hi mugi bi-kanna brother and swester and lond-ethele and erue and sinera aldera hof and hus, sa fari hi oua sin ein erue uter liodskelde.
Sentence: 2 Sa willath him tha liode thing [41] to-seka and sinne opa werpa, thruch thet grate morth, ther hi er mith tha witsingon efremid heth, sa mire thenne afara thene warf gunga and iechta mire tella; enne eth hach hi thenne opa tha heligon to swerande, thet hit al dede bi there nede, alsa him sin here bad, ther hi was liues and lethana en vn-weldich mon.
Sentence: 3 Sa-ne thuruon him tha liode ne frana to-halda seka ni sinna, thruch thet thi frana ne machte him thes fretha waria; thi skalk skolde dwa, alsa him sin hera bad, thruch thes liues willa.
Sentence: 1 Thit is thet en and twintegoste londriucht: To hwam-sa-ma en lond and en erue askie and to-spreke, sa ondwarde thi, ther mat him to askie, and quethe: 'Thet erue, ther thu mi umbe to-sext and mi umbe to thinge lathast, thet lefde mi min edila and min aldafeder and min alde-moder.(') [42] Jef hit queth, hwanat him come, ief hi mi bi-sekth and queth, thet ik hia nomia skille, sa nomie ik hia son; bi thiu mot ik thet erue halda buta stride mith ded-ethon.
Sentence: 1 Thit is thet twa and twintegoste londriucht: Thet etheles wiues werthmond stont bi achta pundon and bi achta enzon and bi achta skillingon and bi achta panningon.
Sentence: 2 Thet is londriucht allera Frisona, thet aller monna hwek sines godes walde, alsa longe sa hit un-for-wrocht hebbe.
Sentence: 3 Sa hwasa otherne seke et houi and et huse mith ena up-riuchta fona, oni lioda orloui and oni frana bonne, enes dom-liachtes dis and bi skinandere sunna, sa hwetsa hi ther fiucht inur hof and inur hus, thet skilma mith twifaldere bote beta, and alle thet hi ut-fiucht of there ned-were, sa is thet al efrethe and en-bete.
Sentence: 4 Thes [43] hagon him tha liode to helpande and thi frana, umbe thet, thet him thi hauedlasa hiri to-ferin was.
Sentence: 1 Thit is thet thriu and twintegoste londriucht: Ather (= Alther) en wif se on-efuchten and hiu se mith berne and nebbe nawet erges eden, blodelsa ne blodrunnanda deda ni dath ni dolch ni nena othera morth-deda, and hiu se sa fir on-efuchten inur tha benena burth (= burch), thet thet bern and thiu berthe of liue werthe; ief hi ie there dede, sa hach hi to fellande and to ieldande, mith ur-ielde and mith ielde, tha berthe and tha morthdede.
Sentence: 2 Thet ield and thera lioda wed alsa hage, alsa tha liode louiat, and thet ur-ield bi twilif merkon, and there wiue hiri liod-werdene mith twilif merkon to fellande.
Sentence: 3 Ac ief hiu sterue, sa hachma hia and tha berthe mith siugun ieldon [44] to ieldande, achta pund tha frana and achta enza and achta skillinga and achta panninga, thet is hiri riuchta werthma.
Sentence: 4 Ac ief hi bi-seke, sa sikure hine anda withon mith twilif monnon ief-tha hi gunge tha niugun skero, ac ief hi there ordela nahwedder dwa nelle, sa wesere enes berskinzes campa binna thrium et-melon to fiuchtande, ief-tha ene sone alsa-den, bi asyga dome and bi lioda riuchte, thet hiu se nathelik and godilik.
Sentence: 1 Thit is thit fiuwer and twintigoste londriucht: Sa hwasa to otheron fari nachtes to houi and to huse, bi slepandere thiade and bi unwissa wakandon, mith enere glandere glede, and al thet god barnt, ther hi heth an houi and an huse, an weron and an weruon; ief hi ia wili, sa skil hi kuma et thera fiuwer hernana hwelik [45] mith tian merkon, weddia skilre an dom with tha liode and et there hirth-stidi mith sinere haued-lesne, and tha monne sin god twi-ielde to ieldande, alsa hit sina bura ief-tha sine umbi-burar mith him swera willath.
Sentence: 2 Jef hi bi-seka wili, sa skil hi et there herna hwek and stride with-stonda mith fiuwer berskinzia campon, and et there hirth-stidi mith tha fifta campa, thruch thet, thet ma morth skil mith morthe kela.
Sentence: 3 Thit send tha siuguntine liodkesta and tha fiuwer and twintich londriucht, ther alle Frisa mith hiara fia kapadon and mith riuchte bruka skilun, ief-se moton; hwande thi kinig Kerl bed, thet-se alle riuchte thing hilde and ouonade, alsa longe sa-se lifde; and hwasa hia bi-rauade, thet hi bi-rauad wrde fare godis achnon and fara alle godis heligon, ther an [46] himulrike send and an irthrike.
Text: Fres.Frid.
Fon Alra Fresena Fridome
Das Privilegium Karls des Großen
On the basis of the diplomatic edition by
P. Sipma (Hrsg.),
Fon alra fresena fridome, xi-xvi (ms.), 12-16.
Snits: F. Koster, 1948
entered by Thomas F. Shannon,
Berkeley, 28.1.1999
TITUS version by Jost Gippert,
Frankfurt a/M 28.1.1999 / 23.2.1999 / 19.9.1999
Chapter: _
Sentence: 1 Thit was to there stunde /
Sentence: 2 tha thi kening kerl riuchta bi gunde.
Sentence: 3 Tha waster ande there saxinna merik /
Sentence: 4 liudingerus en hera fele steric.
Sentence: 5 Hi welde him alsa waldlike / tha gethan (= Hi welde him tha getha alsa waldlike)
Sentence: 6 ther (= thet) hi fon riuchta scolde bi halda tha kening kerlis kairslica rike.
Sentence: 7 Ac welde hi ma duan /
Sentence: 8 hi welde tha sterka fresan vnder sinne tegetha tian.
Sentence: 9 Hi bi badit efter alle sine rike /
Sentence: 10 thet ma hine heta scode (= scolde) [Hs. S. 67] koning waldelike.
Sentence: 11 tha thi kening kerl thit under stod.
Sentence: 12 tornig was him hir umbe si (= sin) mod.
Sentence: 13 Hi let hit tha fresum tha kundig duan /
Sentence: 14 hodir hia thene nia kening mith him mith stride welde bi stan.
Sentence: 15 Tha fresen gadere komin /
Sentence: 16 uppa thit bodisclskip (= bodisskip) se anne god red ge nomin.
Sentence: 17 Thi fresa fele sterka
Sentence: 18 hi / forim (= hia forin) tha and tha saxinna merka.
Sentence: 19 Tha sassiska hera{n} thit for nomin /
Sentence: 20 up tha felda ia fresum to ionis komen.
Sentence: 21 Tha fugtin se alsa grimlik (= grimlike) /
Sentence: 22 of slogma tha saxu{m} bethe thene erma and thene rika.
Sentence: 23 Thag to tha lesta.
Sentence: 24 feng ma of tha sax{um} heran and ridderan tha besta.
Sentence: 25 Iha band ma alsa sere /
Sentence: 26 mith ene sterka mere.
Sentence: 27 Ia latten se tha waldelike /
Sentence: 28 alder iha thene kening kerl ur nomin ande sine rike /
Sentence: 29 tho (= tha) hi thet for nomen (= nom) /
Sentence: 30 thet him thi saxinna hera alle bundin kom.
Sentence: 31 Wel was him ande sine hei /
Sentence: 32 thi (= hi) bad tha stulta fresa godne dei.
Sentence: 33 Hi nom se tha ande palas sin /
Sentence: 34 hi scanctu{m} bethe mede ande win.
Sentence: 35 tha fresan forin utes konis (= koningis) howe /
Sentence: 36 to iher londe iha weder kom (= komin) mith halika lowe.
Sentence: 37 Aldus dus heb hi ur sten /
Sentence: 38 hu ta sterka fresa his witthene saxa tha for gen.
Sentence: 39 [Hs. S. 68] Thit sce ther na to ener stunde /
Sentence: 40 thet ta romera heran with thene kening kerl (strida) bi gunden /
Sentence: 41 stultlike weldin iha (= iha weldin stultlike)
Sentence: 42 thene tins bi halda (fon) tha keninglika rike.
Sentence: 43 thi kening thit serlike /
Sentence: 44 kundegia let alle sine keni{n}grike.
Sentence: 45 Iha komin alle to samene /
Sentence: 46 ther werin ande sine rike sibbe ande framede.
Sentence: 47 Tha fresan thit mere for nomin /
Sentence: 48 to thes keningis howe vne lathadis se ther komin.
Sentence: 49 Iha werin ther nette ande god /
Sentence: 50 wand iha drogin enir stultere lauwa mod.
Sentence: 51 Iha sprekin ther to fara tha keni{n}gge wigandlike.
Sentence: 52 Iha welde allena fiugta witha romera heran fore thet kairslike rike.
Sentence: 53 Iha nomin tha scerpa suerd and ihera honda /
Sentence: 54 iha gegin (= gengin) to fara there burig stonda.
Sentence: 55 Tha heran binna there burig thit ge segin /
Sentence: 56 uppa thene feld ion tha fresan to stride (iha) tha tegin.
Sentence: 57 En ordil (= ordel) warth ther up ge hewin.
Sentence: 58 monig diore wigand warth nither tha there ge slagin.
Sentence: 59 tha to there stunde /
Sentence: 60 thi fresa hastelike on tha heran fiugta bi gunde.
Sentence: 61 serlike tha heran umbe tha segin.
Sentence: 62 alle balde se to there burg flegin.
Sentence: 63 thi fresa folgade mit vn [Hs. S. 69] tuiuilika sinne.
Sentence: 64 hu hi tha burg kreftlike wnne.
Sentence: 65 thag uppa thet leste
Sentence: 66 wnnin iha tha burg and heran tha besta.
Sentence: 67 tha porta gundtma bi sluta /
Sentence: 68 thi kening kerl mith sine folke waster abuta.
Sentence: 69 Iha fundent and ihera rede /
Sentence: 70 iha welde tha kening kerle iowa bethe burg ande liude.
Sentence: 71 thi kening thogte ande sine mode /
Sentence: 72 hu hi tha stulta fresa thisse waldelika deda lania scolde mith eniga gode.
Sentence: 73 hi iof him mitha allere arista /
Sentence: 74 iefta tha masta.
Sentence: 75 tuintech merka fon brondrada golde /
Sentence: 76 ther thi fresa iera / het (= hec) tha kairscipe to tegetha iowa scolde.
Sentence: 77 thiu iefte ther hi hede tha fresum ge dan /
Sentence: 78 thiu moste emmer and emmer mare velika (= mar evelika) stan.
Sentence: 79 ther hi ta (= to) bad kairslike /
Sentence: 80 thet se ne scolde nen hera thuwingga waldelike.
Sentence: 81 hit ne were thet iha bi iera goda willa welde thet dua /
Sentence: 82 thet se anne hera wolde und fa.
Sentence: 83 thag (ne) wenik ande mine sinne /
Sentence: 84 thet hia bi willa angne hera ge winne.
Sentence: 85 nowet allena tha keningge and thisse bode nogade /
Sentence: 86 thes heliga pawis gregorius weld hi hir to fogade.
Sentence: 87 hi bed hit ita pawis tha /
Sentence: 88 thet hi tha fresan mitha gastelika riuchte [Hs. S. 70] welde bi fa.
Sentence: 89 hewelike alle hi to bonne se dede /
Sentence: 90 ther tha fresum to brogte enige nede.
Sentence: 91 Alder bi bad hit thi kening kerl opinbere /
Sentence: 92 thet fresan iera het (= hec) nige redian him kere.
Sentence: 93 tha kairslika crona hi uppa ihera huwid (= hawid) sette /
Sentence: 94 alder umbe hi se scera lette.
Sentence: 95 thag ief se thet ne wolde nowet dua /
Sentence: 96 ut mostin se him ihera her leta frilike waxa.
Sentence: 97 thet hit alle liude magte tha sian /
Sentence: 98 thet hi se fri hede ge dan.
Sentence: 99 hi bi bad hit him tha keninglike /
Sentence: 100 alle thi fresa ther were sterik and rike.
Sentence: 101 thet iha anne slag and ihera witta hals scolde him vnd fa /
Sentence: 102 ther efter moste hi ridder bi liwa.
Sentence: 103 Wepin scolde hi ther effter drega alle scone /
Sentence: 104 and sine scelde moste hi melia tha kenlika (= keninglika) crona.
Sentence: 105 thet hi thissa iefta tha fresum hede evelike dan /
Sentence: 106 ther hi kenigan (= keningan) and hertigan to witscipe up nom and ondris monege halike man.
Sentence: 107 thach to (tha) lesta /
Sentence: 108 hu hit tha efterkumanda evelike wiste.
Sentence: 109 Ande tha brewm hit ma bi scref /
Sentence: 110 fon tha ieftum ther abuta nowet ur ietin bi lef.
Sentence: 111 thet insigil thet was fon tha brondrada golde /
Sentence: 112 hu hit alle liude wiste thet thius ief ewelike ston [Hs. S. 71] da scolde.
Sentence: 113 thisse bref ma tha fri fresa iof and sine hond /
Sentence: 114 mith dole and mit haru{m} hi wider for and sine ain frilike lond.
Sentence: 115 Aldus mugin hit alle liude for stan
Sentence: 116 thet thi kening kerl thene fresa vmbe thet kreftlike strid fri hewet ge dan.
Erklärungen:
Seiten in der Handschrift werden in eckigen Klammern (z.B. [f. xyz]) angegeben ("f." bedeutet "Folio", d.h. Handschriftblatt).
Eckige Umklammerung (<>) kennzeichnet Formen, die beim Lesen wegzulassen sind (z.B. Doppelschreibungen).
Runde Klammern kennzeichnen Alternativlesungen (z.B. für offensichtliche Fehler). Dabei bezeichnet (= XYZ) eine Alternative zu der im Text gegebenen Form, (XYZ) hingegen Formen, die an der jeweiligen Stelle hinzuzufügen sind.
In zweifelhaften Fällen sind die Vorschläge mit einem Fragezeichen versehen.
Doppelte Anführungszeichen (") geben ein Trema (Umlautszeichen) über dem vorangehenden Buchstaben an.
Chapter: _
HIER BIGHINT THET FRESKE RÍÍM
Folio: 0a
Sentence: 1 IK sculde sega of ic cude
Sentence: 2 Hoe di fridom aerst bigude.
Sentence: 3 That thio werrild erst dede forgan
Sentence: 4 And thio other dede ingaen.
Sentence: 5 Aldus biscriuet ALWYN
Sentence: 6 Thi Master in tha boke sijn.
Sentence: 7 Tha thi flode dede opgaen
Sentence: 8 And dedet alle forslaen,
Sentence: 9 Ther thio wralde hede bifaen
Sentence: 10 Bede wijf ande man
Sentence: 11 Thi inghel nitha to ther eerde quam.
Sentence: 12 Noe in sine rade nom
Sentence: 13 And seghede him openbare
Sentence: 14 Thet thi himelsche konig forbolgen ware
Sentence: 15 And alle thio wralde scolde voergan
Sentence: 16 Om tha sonda ther ther was daen.
Sentence: 17 And sprack hi solde nade ontfaen.
Folio: 0b
Sentence: 18 Alther omme thet hij bi sine bodum lewed hadde
Sentence: 19 And hi inthine wald scolde gaen
Sentence: 20 Anden holt ontfaen
Sentence: 21 Ther nimmermeer solde forgaen
Sentence: 22 And alther van en arka dwaen
Sentence: 23 Ther hi and tha sijn scold ingaen.
Sentence: 24 And en gans lewend onfaen
Sentence: 25 And hi naut ne segede bi sine liwe
Sentence: 26 Hother tha manne ner tha wiwe.
Sentence: 27 Noe naut ne leet
Sentence: 28 Ther him thi inghel dwaen heet
Sentence: 29 In then wald dede hi gaen
Sentence: 30 Thet selwa holt dedi hi onfaen
Sentence: 31 And thet selwa werck dede hi dwaen
Sentence: 32 Nene man hijt segede
Sentence: 33 Sonder tha himelsche konige ther tha bode wt gewen hade.
Sentence: 34 The leider the diwel thet fornom
Sentence: 35 Mit falskheit hi to ther frowa com
Sentence: 36 And fregede openbare
Sentence: 37 Hwer her Noe ginzen ware
Sentence: 38 Hio segede weder tha diwel tho
Sentence: 39 Hio ne cudes (= cudet) nat forstan
Folio: 1a
Sentence: 40 Hwer her Noe ware gan.
Sentence: 41 Want hine woldes (= woldet) her naut cund dwaen
Sentence: 42 Thi diwel sprack tha wiwe weder to
Sentence: 43 Wel hio sinen raed dwaen
Sentence: 44 Her Noe scoldet wol segan
Sentence: 45 Hwer hi waer gaen.
Sentence: 46 Jesta (= Jefta) hat hi in tha walde wilde dwaen
Sentence: 47 The leider thet quade wijf
Sentence: 48 Her trowa hio thin divel gaf
Sentence: 49 Hio wildet him naet hellen dwaen
Sentence: 50 Alst herre cund ware dan.
Sentence: 51 Thi divel nom most and mackade tha wive anen soten dranck
Sentence: 52 Ther her Noe evele bisanck
Sentence: 53 Thi divel sprack ther frowa to
Sentence: 54 Hio scolde her Noe van tha drancke gewan
Sentence: 55 Als hi wt tha walde come this ewendis gaen
Sentence: 56 Hi scolde her síjn werck wol cund dwaen.
Sentence: 57 Thet wijf thet naut ne leet
Sentence: 58 Thet her thi devel dwaen heet.
Sentence: 59 The leider tha her Noe this ewendes tho hws com gaen
Folio: 1b
Sentence: 60 Sine fol quade wijf dede him thine dranck kund dwaen
Sentence: 61 And fragede openbare
Sentence: 62 Hwer hi gangen ware
Sentence: 63 Jefta hot hi inda wald hade dan
Sentence: 64 Hor hijt heer aut cunt welde dwan.
Sentence: 65 Her Noe sprack her weder to
Sentence: 66 Hine wildet her naut cund dwan
Sentence: 67 Want hit forboden had thi inghele
Sentence: 68 Uan tha himele
Sentence: 69 Bi sine liwe
Sentence: 70 Thet hijt ne segede tha manne ner tha wiwe.
Sentence: 71 Thet quade wijf him thine dranck dede dwan
Sentence: 72 Ther him fol qualike biquam
Sentence: 73 Do hi thine dranck thredda tijd dede ontfan
Sentence: 74 Her Noe sprack, nu scil icket thi cund dwan
Sentence: 75 Hot ic in tha walde habbe dan
Sentence: 76 And thet scilt riocht forstan.
Sentence: 77 Thi inghel van himel to mi com
Sentence: 78 And mi in sine raed nom
Sentence: 79 And seide mi openbaer
Folio: 2a
Sentence: 80 Thet thi himelsche koning for/bolgen waer
Sentence: 81 And alle thio wralde scolde wrgan
Sentence: 82 Bede wijf ende man
Sentence: 83 And al thatter lyf had untfan.
Sentence: 84 Sonder mi ande thi end wse sonen cone
Sentence: 85 And harra frowan scone.
Sentence: 86 And wi scilla in tha arck gan
Sentence: 87 Ther ick in tha walde habbe dan.
Sentence: 88 Tha thisse reden vas edan
Sentence: 89 Tha dede thi dach up gaen
Sentence: 90 And her Noe dede weder thi da walda gan
Sentence: 91 Thi leider thi divel thet fornom
Sentence: 92 Tho hand hi tho tha wive com
Sentence: 93 And sprack hor hio
Sentence: 94 Him this aut cund wilde dwan
Sentence: 95 Hwer her Noe were gaen
Sentence: 96 Jef hot (= Jefta hi) in tha walde hede dan
Sentence: 97 Hio sprack tha divel weder to
Sentence: 98 Hio wilde him this mackia frod
Sentence: 99 Want hit her Noe segede openbare
Sentence: 100 Thet thi himelsche koning forbolghen ware.
Sentence: 101 Thet alle thio wrald scolde forgan
Sentence: 102 And hot thi himel hadde bifaen,
Sentence: 103 And hi had ene arka dan
Folio: 2b
Sentence: 104 Ther wi scillad in gaen.
Sentence: 105 Tha thisse reden was edan
Sentence: 106 Tha dede thi divel da[n]na ghan
Sentence: 107 And thochte an sine mode
Sentence: 108 Hi scoldes (= scolde) him dwan gode hode
Sentence: 109 An ewende tha her Noe tho hws com
Sentence: 110 Thi divel thet wel fornom
Sentence: 111 Inthine walde dede hi gaen
Sentence: 112 And tha arka dede hi al to slan
Sentence: 113 Ther her Noe hadde dan.
Sentence: 114 This morgens tha her Noe inthine wald com
Sentence: 115 And thet onsach
Sentence: 116 Thet thio arke to broken lach
Sentence: 117 Hi sprack owi, and owach
Sentence: 118 Hot scode ic e gheboren
Sentence: 119 Nu hab ic thine himelsche koning logen.
Sentence: 120 And bin selwe al bidrogen.
Sentence: 121 Thi inghel van tha himele neder cam
Sentence: 122 And dede her Noe traste dwaen
Sentence: 123 And seide hwerom hi that hadde dan
Folio: 3a
Sentence: 124 That hi there frowa sijn wirck/had cund dan
Sentence: 125 Want hijt him al forbeden hede.
Sentence: 126 Her Noe sprak weder to tha inghele
Sentence: 127 Hit (= Thi) hadde him drancke dan (= edan)
Sentence: 128 Ther hi itter frowa hadde untfaen
Sentence: 129 Thi inghel sprack him weder tho
Sentence: 130 Thi (= Thine) dranck had di divel dan
Sentence: 131 Ther fan scil werda bidregen manich man
Sentence: 132 Thi inghel lat thisse reden al stan
Sentence: 133 And sprack thet thio stond al omcomen ware
Sentence: 134 Thet alle dio wralde scolde vorgan
Sentence: 135 Om thet torn ther tha himelsce koning waer dan
Sentence: 136 Mer thio wralde scolde xx. dage stan
Sentence: 137 Om tha nede ther thi himelsche koning hadde dan
Sentence: 138 Om thet wirck ther thi divel hadde to slaen.
Sentence: 139 Ho thet wirck werde weder dan.
Sentence: 140 Tha thisse reden was edan
Sentence: 141 Thi inghel hof up sinen foet
Sentence: 142 And sloch thet thi twra op spranck
Sentence: 143 Tha thi slach was edan
Folio: 3b
Sentence: 144 Tha dede theer een scoen weter/wt gaen
Sentence: 145 Tha dedi thi inghel mit siner hand ther infan
Sentence: 146 And dede tha arka om ghaen
Sentence: 147 And sprack ther (= thet) her Noe also scolde dwan,
Sentence: 148 This ewendis als hi thana wold gaen,
Sentence: 149 And him thi divel scolde ni[n]ne meer scad dwan.
Sentence: 150 Tha thisse reden was edan
Sentence: 151 thi ingel dede weder to tha himele flian,
Sentence: 152 And her Noe dede thet selwa dwan
Sentence: 153 Ther hi van tha inghele hadde onfaen.
Sentence: 154 Tha thio arke was edan
Sentence: 155 Tho hant thi ingel weder tho her Noe quam
Sentence: 156 And sprack (openbere) thet dio tyt come[n] ware
Sentence: 157 Thet all dio wralde scolde forgan
Sentence: 158 And hi scolde tho hand in tha arke gan
Sentence: 159 Mit sine wive and soním
Sentence: 160 And hiarra frouwem sconim.
Sentence: 161 Thi jngel sprack her Noe to (openbeer)
Folio: 4a
Sentence: 162 Thet hi scolde van alla dieran (nima)/twer thet thi himelsche koning hadde dan
Sentence: 163 And scolde tha in tha arka tian
Sentence: 164 Bihalva dio slanga thio scolde buta tha arka staen
Sentence: 165 Want om hiara scilde
Sentence: 166 Had vorloren thi arsta man Godis hilde.
Sentence: 167 Tha dis reden was dan
Sentence: 168 Her Noe dede in tha arke gaen
Sentence: 169 Mit sinre scere ther thi himelsce koning hadde beden
Sentence: 170 And dede tha arka to dwan.
Sentence: 171 Tho hand tha thet was dan
Sentence: 172 Do dede di divel in tha arka gan
Sentence: 173 Tho hand cudet her Noe wol forstaen
Sentence: 174 Thet thi divel ther was ingan.
Sentence: 175 And sprack him to hot hi ther sochte
Sentence: 176 Jefto hot nimeer thet hi brochte.
Sentence: 177 Thi divel sprack thet hi der naet sochte,
Sentence: 178 Ner nin mere ne brochte.
Sentence: 179 Mer hijt hadde wol forstan
Sentence: 180 Thet thi himelsche koning ware forbolgan
Sentence: 181 And thio wralde solde vorgan
Sentence: 182 Bi haele ther in there arke ware onfaen.
Folio: 4b
Sentence: 183 And hi ther jerne wold bi stan
Sentence: 184 Ief hi moste jefta dorsta dwan.
Sentence: 185 Her Noe sprack tha divel to,
Sentence: 186 Hi scolde ther wt bitha bode
Sentence: 187 Ther thi himelsche koning hadde daen
Sentence: 188 Tho hand da hi dit it her Noe hadde forstaen
Sentence: 189 Hi sprack, hi wilder gerne boven wt gan.
Sentence: 190 Neen sprack her Noe thu scilta híír beneden wtgan.
Sentence: 191 So ne constu mi nin scada dwan
Sentence: 192 Thi divel dat ne leet
Sentence: 193 Ther him her Noe dwan heet
Sentence: 194 Hi dede bineden wt gan
Sentence: 195 And een graet stuck meede wt nom
Sentence: 196 Her Noe thine haza nom.
Sentence: 197 And in thet gat dede dwan
Sentence: 198 And mit tha hocka bislaen
Sentence: 199 Tha ne cude him thet weter nin scada dwan
Sentence: 200 Want hadde thi divel ther bowen wt gan
Sentence: 201 Hi hadda tha arka mit tha helscha fiore al fordan
Sentence: 202 Tha dede thi floed op gan
Folio: 5a
Sentence: 203 And dedet al forslan
Sentence: 204 Ther a lijf wan
Sentence: 205 And thio arka dede boppe alle tha birgan gaen
Sentence: 206 Ther inther wralde weren bifan
Sentence: 207 Tha tha XL. daghem (= daghen) om komen gan
Sentence: 208 Tha dede thi himelsce koning sine nethe dwan
Sentence: 209 And leet thet weter weder forgan
Sentence: 210 And bad tha arka stille stan
Sentence: 211 Op tha twine berghen ther Armenia sint namd.
Sentence: 212 Aldus ist io bicand.
Sentence: 213 Tha her Noe thet fornom
Sentence: 214 Thet thio arke stille stoed
Sentence: 215 Thet finster hi ontsloch (=ontsloet)
Sentence: 216 And leet thine roeck wt flian
Sentence: 217 Thi roeck dede als manich ontrow man
Sentence: 218 Naet weer hi to sine hera com
Sentence: 219 Tho hi naet weder com
Sentence: 220 Tha leet hi tha duwa wt flian
Sentence: 221 Thio duwa dede als een trou man
Sentence: 222 Weder hio to her hera com
Sentence: 223 And brochte him een groen laf thet hijt mocht onsian
Folio: 5b
Sentence: 224 Thet thio plagge were forgan.
Sentence: 225 Tha thit was dan
Sentence: 226 Tha leet hi een other wt flian
Sentence: 227 Tho hand hio weder com
Sentence: 228 And dede op tha arka flian
Sentence: 229 Hio bithiodet ene man
Sentence: 230 Ther manich land scil wassa onderdan.
Sentence: 231 Thit willa wi nu leta staen.
Sentence: 232 Tha her Noe that onsach
Sentence: 233 Thet thio plagge was forgan
Sentence: 234 Tha dede hi uter arcka gan
Sentence: 235 That hi that fornom
Sentence: 236 Thet hi neder bi tha birga com
Sentence: 237 Thi ingel tho him quam.
Sentence: 238 And sprack hi scolde een alter dwan
Sentence: 239 Als thi alter were dan
Sentence: 240 Thi himelsche koning scolde to him comnia (= comma) gan
Sentence: 241 Her Noe thet ne leet
Sentence: 242 Ther him thi ingil dwan heet
Sentence: 243 Tha di alter was dan
Sentence: 244 Thi himelsche koning com to him gan
Folio: 6a
Sentence: 245 And sprack, hi scolde twa wirck/onfaen
Sentence: 246 Ther there wrald <wrald> scolde fromia bede cruud
Sentence: 247 And wijngarda and hia bethe scolde spruta.
Sentence: 248 Altohand tha her Noe thet hede fornomen
Sentence: 249 Thet thi himelsche koning was comen
Sentence: 250 Her Noe him sijn offer brochte
Sentence: 251 And beed him inlyke
Sentence: 252 Thet hi him gewa wolde sijn hemelrijke
Sentence: 253 And hi dede tha plantia cruíd and wijn
Sentence: 254 And hio woxen bede herde fijn
Sentence: 255 Tho thi (= thet) was dan
Sentence: 256 Nu hored ho hit her Noe was forgan
Sentence: 257 So fula hi van tha wine nom
Sentence: 258 Thet hi in ene sleep com
Sentence: 259 Ther omme ward wrmaledijt cam.
Sentence: 260 Thit wolla wi leta staen
Sentence: 261 And een other willa wi onfaen
Sentence: 262 Tha her Noe in tha sleep lach
Sentence: 263 Manich wonder hi tho sach
Folio: 6b
Sentence: 264 Thet arste was thet hi thriástera sach wel scone
Sentence: 265 Want se drogen alla cronen
Sentence: 266 Want hit thochte him inther mere
Sentence: 267 Thet hit sijn ain thria sone[n] were.
Sentence: 268 Want hi dat wol ansach
Sentence: 269 Al ther hi in thine slepe lach
Sentence: 270 Thet tha thria stera in tha firmamente deden opgan
Sentence: 271 Tho hand dede this ene opgan
Sentence: 272 And dede tha twa to dele slan.
Sentence: 273 Tha dit was forgan
Sentence: 274 Tha deden tha twa opgan
Sentence: 275 And deden da ene tho dele slan.
Sentence: 276 Thit stoed als him tochte alther hi lach
Sentence: 277 In thine slepe op thine selwa dach
Sentence: 278 Ther nei naet lang een stond com
Sentence: 279 Thet thio ene weder wan
Sentence: 280 Thet hio dede lijka hage gan
Sentence: 281 Thet ne stoed naet lang thet tha twa deden opgan
Sentence: 282 And deden da ene neder slaen
Sentence: 283 Thet sese dede suime
Sentence: 284 Bitioestera an her scine
Sentence: 285 Thet ne was met (= net) bi grote noet
Folio: 7a
Sentence: 286 Thet hio so drowich stoet
Sentence: 287 The leider ase him tochte daer hi lach
Sentence: 288 Nei manichen sconen dach
Sentence: 289 Unt hit eft thio ene wan
Sentence: 290 And dede tha twa nether slaen
Sentence: 291 Want se waren hem te to riuchte (= her to riuchte) onderdan
Sentence: 292 Thit stoed ene clene tijd thet thisse thria
Sentence: 293 Deden him sceda and stria
Sentence: 294 Tha wart thio ene tha twa onder-dan
Sentence: 295 Want hit mit riochte was also gan.
Sentence: 296 Nu scil j forstan
Sentence: 297 Om this thria stera ther sint opgan
Sentence: 298 Thio arste bithioed Seme ther thi arste koning was
Sentence: 299 Ther disse wralde neitha flode a kas
Sentence: 300 This koning feerde in siner hand en faen
Sentence: 301 Thi was also hwijt so thi swan
Sentence: 302 Ther on stoed melad ene lawa sonder band
Folio: 7b
Sentence: 303 Ho hit alla liode were bicand.
Sentence: 304 Thet hi were thi arsta fri boren man
Sentence: 305 Ther this wrald e ghewan.
Sentence: 306 Thit willa wi nu leta staen
Sentence: 307 And en other rijm onfaen.
Sentence: 308 Tha her Cam thet an sach
Sentence: 309 Thet sijn feder in tha slepe nakend lach
Sentence: 310 Hi ging to sine broderen to hand
Sentence: 311 And dedet himmen bicand
Sentence: 312 Thet ni mere, ther sine feder bisceen were
Sentence: 313 Tha her Semme thet fornom
Sentence: 314 Hastelijke hi to sine feder com
Sentence: 315 And dede hine mit en clade bifaen
Sentence: 316 Mit Japhet dio (= di) gode man.
Sentence: 317 Tha her Noe thet fornome
Sentence: 318 Thet sine kinde[n] to him come
Sentence: 319 Hi stoed op acka (= alsa) ene forwodat man
Sentence: 320 And sprack thet wrmaledijt were Cam.
Sentence: 321 And seide ther nei mitter fere
Sentence: 322 <Dat> thet Sem benedijt were
Folio: 8a
Sentence: 323 And Japhet scolde wassa ene man
Sentence: 324 Ther manich land scolde wassa onderdan
Sentence: 325 And hi deldet al mit era
Sentence: 326 Thine erdske hera and thria stera
Sentence: 327 Want hi (het) Semme farra in Azia land
Sentence: 328 And jef him thine scoen fana an sine hand
Sentence: 329 And alther mede ene crona scene
Sentence: 330 Thio was wrocht van karbonkelstene
Sentence: 331 Want hi alther wrwrocht openbare
Sentence: 332 Alle fol XL. jare.
Sentence: 333 Nu horad ho her Noe him tha crona gaf
Sentence: 334 Ho hoge hise him biplach
Sentence: 335 Hi het him thet hise feste hilde
Sentence: 336 So hi sine gode trowa wilde
Sentence: 337 Want hi alle dat folck in Azialand,
Sentence: 338 Leta scolde sonder pand
Sentence: 339 Want hi him thine nia noma jef
Sentence: 340 And hi heet hine melchisedech
Sentence: 341 And tha her Abraham van tha stride com
Sentence: 342 This selva koning him to ghins com.
Sentence: 343 And dede him traest, ende jof him bede wijn end broet.
Sentence: 344 Thet bitiodat godis flask and bloet
Folio: 8b
Sentence: 345 Ther thi himelsche koning soer/minigum ti goede had dan
Sentence: 346 It thisse koning thi fridom arst begoede instaen
Sentence: 347 Ther thio wralde hadde bifat
Sentence: 348 Want tha thi koning to stole sat
Sentence: 349 Sijn riocht dede hi cund dwan to hand
Sentence: 350 Over alle Azia land
Sentence: 351 And bat him dat
Sentence: 352 Thet hia naet bildia scolden hara god.
Sentence: 353 Thit is thet othere, so fijr so hit se openbere
Sentence: 354 Hwa so otherum sijn goed thet (= het) ondwan
Sentence: 355 Thi scilt him twi scete weder jan
Sentence: 356 Jefta to tha altere gan
Sentence: 357 And sijn rioucht alder dwan.
Sentence: 358 Thit is thet tredde,
Sentence: 359 Hwa so otherne dath mitter hand
Sentence: 360 So moet hi rema thet land
Sentence: 361 Hwant hi had mitter blodega onlia (= mitten blodega onsla)
Sentence: 362 Uerwrocht al dat land van Azia.
Sentence: 363 Thit was thet fiarde,
Sentence: 364 Hwer so was een man
Sentence: 365 Ther mit tha fridom was bifan
Sentence: 366 And nimt ene frowa ther naut fri is boren
Folio: 9a
Sentence: 367 So had hi thine fridum al verlóren.
Sentence: 368 So moet hi al to hand,
Sentence: 369 Rema al Azia land
Sentence: 370 And bat thet hiat feste hilde
Sentence: 371 So fijr hia lewa wilde,
Sentence: 372 Hit ni were thet ther een ander ewe come
Sentence: 373 Ther him thit riocht binome
Sentence: 374 And se moste tha ewe wol onfan
Sentence: 375 Mer thio ewe scil immer also wassa dan
Sentence: 376 Thet hio io fan io fridom naet qwjt cwd dwan.
Sentence: 377 Thit riocht hildese manighen dach scone
Sentence: 378 Al ont thi dach (= dad) thine koning nome.
Sentence: 379 Jc wene thet thi koning ald ware
Sentence: 380 Bi nioghen (= niogenda?) half hundert jare.
Sentence: 381 Tha thi koning starf
Sentence: 382 Her Emur dat ryke bihwarf
Sentence: 383 Tha hi dat fornome (= fornom)
Sentence: 384 Thet hi in thet rike kome (= kom)
Sentence: 385 Hi let biada al to hand
Sentence: 386 Tha wijsta in alle Azia land
Sentence: 387 And sprack hia scolde him wassa onderdan
Folio: 9b
Sentence: 388 And tins en tianda jan.
Sentence: 389 Tha wijste to samen comen and sprekan
Sentence: 390 Hiara riucht were also dan
Sentence: 391 Thet se ninne (= nine) man wilde wassa onderdan
Sentence: 392 And wilde hise naet fri leta stan
Sentence: 393 Hia wilde him sijn haud of slan.
Sentence: 394 Thi konink sprack,
Sentence: 395 Hi wilde habba tins and thine crona
Sentence: 396 And thine fana scona.
Sentence: 397 And alle thet land scolde him wassa onderdan.
Sentence: 398 Tha tha wijste thisse reden heden vorstan
Sentence: 399 Se deden al to hand to fara thine koning gan
Sentence: 400 And dede him thet hoft of slaen
Sentence: 401 And deden him bitha wege hwan
Sentence: 402 Ho hit alle liode mochte sian
Sentence: 403 Thet hiat tha konige hat (= hadden) dan
Sentence: 404 End hia van hiara ewa naet wilde gan
Sentence: 405 Want him thi arsta koning bad
Sentence: 406 And himmen so hage bifolen had
Sentence: 407 Melchisedech ther himmen gaf tha crona
Sentence: 408 And thine fana scone
Sentence: 409 And thine fridome aller best
Folio: 10a
Sentence: 410 And that wine (= And bad that se hine) hilde al so fest
Sentence: 411 So hia god[es] hilde
Sentence: 412 And hiara lewend bihalda wilde.
Sentence: 413 Thit onstoet manichen dach scone
Sentence: 414 Efter tha slachta this koniges kone
Sentence: 415 Aldus fule ween ic datter tele were
Sentence: 416 Sexta half hundert jere
Sentence: 417 Thet se sonder koning weren,
Sentence: 418 Unt her Moises op thine berch Sinai com
Sentence: 419 And tha ewa it Gode nom.
Sentence: 420 Thit wil ic nu leta bliwa
Sentence: 421 Van her Japhet wil ic scriva.
Sentence: 422 Hi jof Japhet ene crone
Sentence: 423 Thi (= Thio) was van golde scone
Sentence: 424 Hwant hi ther overwrocht hadde openbaer
Sentence: 425 Al omme tha fyftene jaer
Sentence: 426 Ende ene fana hi him gaf
Sentence: 427 Ghebonden an ene staf
Sentence: 428 Thi fana was fan (= also) rade so bloet.
Sentence: 429 Nu horad wat daer in screwen stoet
Sentence: 430 That him scolde wesa onderdan al Europa land,
Sentence: 431 And tins and tianda gewa to siner hand.
Sentence: 432 Thit wil ic leta stan
Folio: 10b
Sentence: 433 It Camme wil icket onfaen.
Sentence: 434 Naet hi Cam ne gaf, mer hi sprack openbere
Sentence: 435 Thet hi verdomet were.
Sentence: 436 Theth (= Thech) heet hine in Affrica vare
Sentence: 437 And sprack openbare
Sentence: 438 Thet dio helle alther ware
Sentence: 439 End der manich wnderlyck thing scolde scan
Sentence: 440 Eer thio wrald scolde forgan
Sentence: 441 Want hit arst van him cam
Sentence: 442 Thetma tha afgoden beden an
Sentence: 443 And aeck van tha sijn wt spronghen
Sentence: 444 Tha twa and sawintich tongen
Sentence: 445 Therma manighen scada van nom
Sentence: 446 Want hit aeck van him com
Sentence: 447 Thatma tha tawer lyst bigude onfaen
Sentence: 448 Ther fan wart manich man binna Ninnive bidrogen.
Sentence: 449 Want Nino mackad tha sted scone
Sentence: 450 Hio was sine rikes een crone,
Sentence: 451 Hwant thet falsche riocht van him quam
Sentence: 452 Alder om wart fordomet binna Babilonie manich man.
Folio: 11a
Sentence: 453 Uan Sem een man com
Sentence: 454 Theert riocht wr Semis slacht an nom.
Sentence: 455 This willa wi nu leta bliwa wel suime
Sentence: 456 To wsa arsta ryme.
Sentence: 457 Aldus bescriuet ALWIIN
Sentence: 458 Thi master in tha boke sijn
Sentence: 459 Thet van Noe and sijn jongerin
Sentence: 460 Wt weren spretten
Sentence: 461 Bij sijner lyf-stonde,
Sentence: 462 Een and twintich tusunde.
Sentence: 463 Nu ist comen to ende
Sentence: 464 Thet rijm van Noë and van sijn kinde.
Sentence: 465 Nu wil ic io thet Freske rijm onfaen
Sentence: 466 And letad (= leta) io forstaen
Sentence: 467 Ho hit him dede forgan
Sentence: 468 Aldus biscriuet Josephus thi wigand
Sentence: 469 Intha scrifta is hi wol bikant
Sentence: 470 En bithiot in tha boke sijn
Sentence: 471 Thetter in Azia stonde en hachtijt in
Folio: 11b
Sentence: 472 And tho ther selva hachtijt altha wijsta to samen comen
Sentence: 473 And enen rad thet se nomen
Sentence: 474 Tolwe that se koren
Sentence: 475 Hia were alle wel boren
Sentence: 476 And gewen hemmen tha wald and thinen rede
Sentence: 477 Hot se mit tha folka dede.
Sentence: 478 Tha tolf enen rad nomen
Sentence: 479 Al deer se to samen comen
Sentence: 480 Ene keel dedense onfan
Sentence: 481 And deden al thet folk ther ingan
Sentence: 482 Ther in tha lande was bifan
Sentence: 483 And hetenze thanna faran
Sentence: 484 And fan tha lande keran
Sentence: 485 Tha gevenze himmen mede thine fana and tha crone
Sentence: 486 To ene waerteken scone
Sentence: 487 In huck land thet se come
Sentence: 488 Thet hit alle lioda fornome
Sentence: 489 Thet se were to wera
Sentence: 490 Al fri boren hera.
Sentence: 491 That (= Tha) dit was dan
Sentence: 492 Mit sorge deden se danna faran
Sentence: 493 Se foren manigen sconen dach unt se dat fornomen
Sentence: 494 Thet se onder ghene donhowe comen.
Folio: 12a
Sentence: 495 Tha se ther comen farran
Sentence: 496 Tha deden se slapa gan
Sentence: 497 Want se mit sorge weren bifan
Sentence: 498 Tha hit to der midda nacht com
Sentence: 499 Tha thre kelen deden opstaen
Sentence: 500 And deden dannan farran
Sentence: 501 Al unt se thet fornomen
Sentence: 502 Thet se nei Ybernia comen
Sentence: 503 Tha dede thi ene keel an lande gan
Sentence: 504 Tha thi land gung was dan
Sentence: 505 Tha twene deden al tho hand
Sentence: 506 Keren to selves land.
Sentence: 507 Tha thi koning thet nie meer vernam
Sentence: 508 Tho tha selva lande thet hi quam
Sentence: 509 An bigonde tha folke to freia wel openbare
Sentence: 510 Hwerana hia comen were
Sentence: 511 Hia spreken tha konige weder to alto hand
Sentence: 512 Hia wer comen wt Asia land
Sentence: 513 Uan Sem ther thi arsta konige (= konig) was
Sentence: 514 Ther thisse wrald e gekas
Sentence: 515 And hia weren to wera
Folio: 12b
Sentence: 516 Al fri boren hera.
Sentence: 517 Tha thi koning van Ybernia thet fornom
Sentence: 518 Hi dede himme grat era dom
Sentence: 519 Hi gaf himmen thet selve land
Sentence: 520 Thet se mosten wonia sonder tins end pand
Sentence: 521 So lang thio werreld stan scolde
Sentence: 522 Of hia ther vonia wolde.
Sentence: 523 Nu horad ho thit land is dan inder fere
Sentence: 524 Om thet ene fiarndel geed thet windermere
Sentence: 525 And thet other thi frana see meide (= mede)
Sentence: 526 And thet tredde thio engeheide
Sentence: 527 And thet fiarde is mit bamum al om bi fan
Sentence: 528 Ther nimmermeer ne(n) folk kan gan.
Sentence: 529 Thit willa wi nu leta stan
Sentence: 530 Een other willa wi onfan
Sentence: 531 Nu horad hot tha sawen kelen deden dwan
Sentence: 532 Hia dede hiara seil <an> op tian
Sentence: 533 End deden danna farran
Folio: 13a
Sentence: 534 Unt se thet fornomen
Sentence: 535 Thet se tha amse op comen
Sentence: 536 Tha se to lande comen
Sentence: 537 Ene rede thet se nomen
Sentence: 538 And deelden al mit erum hiara here
Sentence: 539 An sawen scere
Sentence: 540 Want se alther lewenden (= leweden) ellic in sijn land
Sentence: 541 Sonder rawe and sonder pand
Sentence: 542 Se leveden manigen dagh scone
Sentence: 543 Al ont thi leider thio tyd come
Sentence: 544 Thet se thine queade raed deden ongan
Sentence: 545 Ther himmen thi divel dede cund dwan
Sentence: 546 Want hia tha herferd heden dan
Sentence: 547 Tha se disse herferd deden bistan
Sentence: 548 Tha deden se to farra thine koning gan.
Sentence: 549 Tha se to farra thine koning comen tha spraken se openbare
Sentence: 550 Thet se sonder riocht ware
Sentence: 551 Hoder hise wilde onfan
Folio: 13b
Sentence: 552 And sijn riocht wilde cund dwan
Sentence: 553 Si wolden him to riocht wassa onderdan.
Sentence: 554 Tha thi koning thet hade vernomen
Sentence: 555 Thet se ther waren comen
Sentence: 556 Hi dede se onfan blydelike
Sentence: 557 Want hi heder op raden rijkelijke
Sentence: 558 Want hise dorste na mit scride (= stride) bistan
Sentence: 559 Unt se there selve mit wilkore come an
Sentence: 560 Thet se nomen thin aindom
Sentence: 561 It this selves koniges handom.
Sentence: 562 Tha dit was dan
Sentence: 563 And hise hadde onfaen
Sentence: 564 Tha deden (hi) himmen sine riochten cund dwan
Sentence: 565 Tha riochta hi sine Sister gaf ho hi mochte wol scerpe
Sentence: 566 Bi riochta tha Freeske merka.
Sentence: 567 Nu wil ic io this quaeda ridders nama cund dwan
Sentence: 568 Heten was hi Johan.
Folio: 14a
Sentence: 569 Thit selve was thi nama sijn
Sentence: 570 Aldus bescriuet mester ALWIIN
Sentence: 571 Tha se thine riochten (= riochter) hadden onfan
Sentence: 572 Tha deden se dana farran
Sentence: 573 Unt se thet fornomen
Sentence: 574 Thet se to Gronen-borghe komen
Sentence: 575 Wol smine thi koning efter cam
Sentence: 576 Mit Johan sijn dochter man
Sentence: 577 To Gronenborge hij een huus wrochte
Sentence: 578 And heet thet hi over Freeske merke riochte.
Sentence: 579 And bad that hia van hiara Gode scolden gan
Sentence: 580 And warda sijn afgodum onderdan.
Sentence: 581 Thet selva bod deden hia ontfan
Sentence: 582 And wirden al mit onrechte
Sentence: 583 Des leide divels knechte.
Sentence: 584 It thissa selva koning bigude thi arsta aindom instan
Sentence: 585 Ther thit land e gewan
Sentence: 586 Dech so stoed hit mer een half jere.
Folio: 14b
Sentence: 587 Tha thi koning dede dana kere
Sentence: 588 To sijn ain land
Sentence: 589 Tha Fresen thet fornamen to hand
Sentence: 590 To Gronen borge thet se comen
Sentence: 591 Enen rad thet se nomen
Sentence: 592 Hia deden hiara hera onfan
Sentence: 593 And sijn haud deden se him of slan
Sentence: 594 And nommet (= nomment) bi tha here
Sentence: 595 An worpend an ginne dunhowa mere
Sentence: 596 And nomen tha frowa bither hand
Sentence: 597 And sentenze weder to Deenmerke in her ain land.
Sentence: 598 And heten thet hioet segede to wera
Sentence: 599 Tha koning her riochta hera
Sentence: 600 Thet hia tha koning graet torn hadden dan
Sentence: 601 Thet hia sine riochter heden dad slain.
Sentence: 602 Thio frowa thet naet ni leet
Sentence: 603 Ther her tha Fresen heet
Sentence: 604 Hio foer al to hand
Sentence: 605 Weder in hiara ain land
Sentence: 606 Tegins her thi koning com
Folio: 15a
Sentence: 607 And sprack openbere
Sentence: 608 Thet hio welkoma were
Sentence: 609 And sprack hio scoldet him cund dwan
Sentence: 610 Ho hit in Fresland were dan
Sentence: 611 Thio frowe sprack tha koning to, ic selt io wol cund dwan
Sentence: 612 Ho thet riocht in Fresland is dan
Sentence: 613 Hio sprack, wi and awach
Sentence: 614 Thet ic thet land à bi sach
Sentence: 615 Tha divels knechten to samen thet se comen
Sentence: 616 Thine quaede raed thet se nomen
Sentence: 617 Mine allerliaveste deden se onfan
Sentence: 618 And deden him thet haud of slan.
Sentence: 619 End thi leider thet hi nu rottad in ghin donhowe mere.
Sentence: 620 Ghelijke of hi een thiaf were.
Sentence: 621 Nu her koning is t io cund dan
Sentence: 622 Ho hit ws ermum in Fresland is forgan
Sentence: 623 Want hi t io alle gader to tornedan (= Want hit is io allegader to torne dan)
Sentence: 624 Hot willa i hier om nu dwan.
Folio: 15b
Sentence: 625 Ack wil ic jo cund dwan
Sentence: 626 Ic wene thet ic se mit ene kinde bifan
Sentence: 627 Bij mijn ful lauwe man
Sentence: 628 Ther mi thio quaede thiede bi nom
Sentence: 629 Tha thi koning thit hede forstan
Sentence: 630 Hi dede sijn haud neder slan
Sentence: 631 Nene andert him tha (= hi ther) frouwa jof
Sentence: 632 Sijn haud hi naut op hof
Sentence: 633 Mer ginck op sine palaes
Sentence: 634 Ther sine stede winne was
Sentence: 635 Ende sente bodan al to hand
Sentence: 636 Efter alle Danmerke land,
Sentence: 637 And bad thet tha wijste come
Sentence: 638 Him to bata and to frome
Sentence: 639 Tha himmem tha (= that) botscap was dan
Sentence: 640 Tho fara thine koning hia comen gan.
Sentence: 641 Thi koning sprack openbere
Sentence: 642 Thetter grat leid to lande comen were
Sentence: 643 An himmen tha Fresen grat onriocht heden dan
Sentence: 644 Hia heden sijnen riochter dad slan.
Folio: 16a
Sentence: 645 And hi wilde se mit stride bistan
Sentence: 646 And hia scolde him helpe dwan
Sentence: 647 Tha wijste spreken openbere
Sentence: 648 Thet hi herde onfroed were
Sentence: 649 Hia woldet him forraden thet hi tha herferd naet scolde ongan
Sentence: 650 Tha Fresen scolden him sonder twivele dad slan
Sentence: 651 Hia were alle divele.
Sentence: 652 Tha (= Thi) konig dede tha herferd bistan
Sentence: 653 An deder ther wijste reed om gan.
Sentence: 654 Nu hored ho hi (= hit) dede forgan
Sentence: 655 Thi (= Thio) Frouwe was mit kinde bifan
Sentence: 656 Tha thio frouwe this kindes nas
Sentence: 657 Als thio tyd om komen was
Sentence: 658 Tha dedema thet kind sin feders nama cund dwan
Sentence: 659 Aldus moge ijt forstan
Sentence: 660 Tha thet kind boren was to hant
Sentence: 661 Sprang thet ni meer in Fresland
Sentence: 662 Thet ther in Deenmerken een kind were boren
Sentence: 663 Ther se alle scolden werda bi verloren.
Folio: 16b
Sentence: 664 Tho hant da se thet vornomen
Sentence: 665 Tho samen thet se comen
Sentence: 666 And spraken openbare
Sentence: 667 Thet thet selve kind boren were
Sentence: 668 Ther himmen fele van seged were
Sentence: 669 Want hia sijns fol jerne ombare
Sentence: 670 Tha wijsta spreken thet se hadden forstan
Sentence: 671 And hia wilde een rad ongan
Sentence: 672 Ther tha kinde scolde swre bislan
Sentence: 673 Hia wolde allen thit haud ofslan
Sentence: 674 Ther nat fri wer dan
Sentence: 675 Hit wer man ofta wijf
Sentence: 676 Hia wolde him nimma thet lijf
Sentence: 677 Bihalva to were Magnus thin houske ridder
Sentence: 678 Hi moste wol allene in land gan
Sentence: 679 Wan hi was himmen to riochte onderdan
Sentence: 680 Theth (= Thech) was hi to were
Sentence: 681 This koniges hagesta ridder
Sentence: 682 Thit herscip stoed een tijd unt se ther to comen
Folio: 16Aa
Sentence: 683 Thet se thin aindom weder nomen.
Sentence: 684 Thit leta wi nu bliva
Sentence: 685 Van tha kinde wil ic scriwa
Sentence: 686 Thet kind wox binnan twam daghen
Sentence: 687 Al (= Als) oder binnan tolwum plagen
Sentence: 688 Hit wox meer binna ene jare
Sentence: 689 So en other binna fiower jerum for ware
Sentence: 690 Tha hi was XV. jeer ald
Sentence: 691 Tha was hi stolt en balt
Sentence: 692 Hia dede op tha streta gan
Sentence: 693 Hi dede se alle te dele slan
Sentence: 694 Mit siner ferdere hand antwere
Sentence: 695 Ther him lyk boren were.
Sentence: 696 Tho hand thit een jonghelijn onsach
Sentence: 697 This ondede ther hi plach
Sentence: 698 Hi dede to him gan,
Sentence: 699 Ende seide hi scolde sijn spil leta stan
Sentence: 700 And scolde gan to ghin dun howa mere
Sentence: 701 Ther sijn fader wrrotad lijck ene scaker were,
Sentence: 702 And him hadden (= haddent) tha Fresen to torn dan
Folio: 16Ab
Sentence: 703 And hi ther om solde wreke dwan
Sentence: 704 Were hi en wel gheboren man
Sentence: 705 Tha thi junghera thissa word hadde forstan
Sentence: 706 Hi dede sijn haud to dele slan
Sentence: 707 Ene lawa moed dedi hi on fan
Sentence: 708 And ghing to fara siner moder stan
Sentence: 709 And fregede openbere
Sentence: 710 Hwer sine fader were
Sentence: 711 Ne wilde hiat him nat suime cund dwan
Sentence: 712 Hi wolder her thet hawet of slan.
Sentence: 713 Tha thio frowe thet forstoet
Sentence: 714 Hio wart bi drouet in her moet.
Sentence: 715 To tha jonghere thet hio sprack
Sentence: 716 Forwar wil ic thi sega dat,
Sentence: 717 Thine feder was een man
Sentence: 718 Tha Fresen weren him onderdan
Sentence: 719 Hia deden him inet (= met) quade rade
Sentence: 720 Thet haud of slan foldrade,
Sentence: 721 Thi leider in ghin donhowe mer
Sentence: 722 Rottad hi als en scaker.
Sentence: 723 Nu ist thi alle candich (= cundich) dan
Sentence: 724 Ho hit thine fader is forgan,
Folio: 17a
Sentence: 725 Wiltu thi (= tha) Fresen bistan mit kijf
Sentence: 726 Ic hab dis anxta hit costa din lijf
Sentence: 727 Tha thi jonghera dit hade forstan
Sentence: 728 To fara thine koning ghingh hi stan,
Sentence: 729 Naet langera hi stoet
Sentence: 730 Mer hi sochte this koniges foet
Sentence: 731 Thi konig seide wel saen
Sentence: 732 Thet thi jonghera scolde op staen
Sentence: 733 En vragede wat hi sochte
Sentence: 734 Of wat nimere hi brochte;
Sentence: 735 Thi jonghera sprack openber to den koning
Sentence: 736 Him were seyd jamerlijke thing
Sentence: 737 Tha Fresen heden hia (= hiar) riochter fan
Sentence: 738 Thet was mine feder johan
Sentence: 739 Ther hia to riochte scolden wasa onderdan
Sentence: 740 And habbad him thet haud ofslan
Sentence: 741 And hit is mi seid openbere
Sentence: 742 Thi (= Thit) ene ver wytlike mere.
Sentence: 743 Thet hi in ghin don howe mere
Sentence: 744 Rottad als en mordenere.
Sentence: 745 Her koning ho lange wil j alhier to stan
Folio: 17b
Sentence: 746 Thet ghi hier om nin herferd/willad dwan.
Sentence: 747 Ne wil j ther naet om dwan
Sentence: 748 So moet ic self tha herferd bistan
Sentence: 749 Ho hit mi erme scil forgan
Sentence: 750 End wracka thet mi tha Frezen habbad dan
Sentence: 751 Al scolde ic thin daden gan (= dad ongan).
Sentence: 752 Tho thi koning thet forhorde
Sentence: 753 Thet thi jonghera sprac disse worde.
Sentence: 754 Hi sprac al onsaligha man
Sentence: 755 Nu laet disse rede stan,
Sentence: 756 Want wiltu thisse herferd bistan
Sentence: 757 Hia scillad thi sonder twivel dad slan
Sentence: 758 Neen sprac thi junghera tha koninge to
Sentence: 759 Hit scil niet also
Sentence: 760 Ghi scillad mi ghewa and mine hand
Sentence: 761 Thet aller sconste want
Sentence: 762 En alther tho scil ic habba an miner were
Folio: 18a
Sentence: 763 Tha aller besta seghelere
Sentence: 764 Ther thit water connad bowa
Sentence: 765 And alther to dat beste lyth an trowa
Sentence: 766 Ther in disse land is fol weel.
Sentence: 767 End gewa mi ther to een keel
Sentence: 768 Ther se van sulcker hude
Sentence: 769 Thet hit moghe daia wynd wage and flode
Sentence: 770 Ik moet tha reise bistan
Sentence: 771 Ho hit mi erme scil forgan
Sentence: 772 Ic scilze fan zonder twivel
Sentence: 773 Hia ondrege mi thi leda divel
Sentence: 774 And wilse hir bringha to lande
Sentence: 775 Her koning to jowes selves hande
Sentence: 776 And aeck so wil ic se van hiara riocht qwijt dwan
Sentence: 777 Ther hia van semme hadde onfan
Sentence: 778 And tins en tianda mi gewa,
Sentence: 779 So gerna so hia willad lewa.
Sentence: 780 Thi koning sprac nu ic thi letten naet ne mach
Sentence: 781 Nu moet ic di orlof gewa dach (= thech)
Sentence: 782 End lete thi wta lande fara,
Folio: 18b
Sentence: 783 God wse liawa Hera
Sentence: 784 Thi leet thi weder comnia sond
Sentence: 785 And jof him segelen, keel, lyth end wand.
Sentence: 786 Tha disse reden was dan
Sentence: 787 Tha dede thi jonghera tho tha kele gan
Sentence: 788 End dede mit tha folke thet seil op tian
Sentence: 789 End foer so lange ont hi dat fornam
Sentence: 790 Thet hi to Grone-borge cam
Sentence: 791 End com to ther selva hachtyd
Sentence: 792 Ther al tha Fresen weren blyd
Sentence: 793 End ther hia to samen weren comen
Sentence: 794 End habbad graete onsalicheid vernomen
Sentence: 795 Ther manigha Freze zware biquam
Sentence: 796 Thit willa wi nu leta stan.
Sentence: 797 Tha thi jonghera an dit land cam
Sentence: 798 Hi dede thet diore wand to handa tian
Sentence: 799 Manich Freze dede hit on sian.
Folio: 19a
Sentence: 800 Hi bede also weel
Sentence: 801 Sauwen riochteren indeen keel
Sentence: 802 Hia wolden wrsian
Sentence: 803 Ho hit in da keel were dan.
Sentence: 804 Tho hand tha thi jonghera thet hede fornomen
Sentence: 805 Thet hia to him weren comen
Sentence: 806 Hi dede se mit nide ontfan blydelike
Sentence: 807 Ther himen alle bicom zwaerelyke
Sentence: 808 Uan sine selves lijthe
Sentence: 809 Machad hise alle blide
Sentence: 810 So fele hia tha diore lijthe nomen
Sentence: 811 Thet se in eene slaep comen.
Sentence: 812 Tho thi jonghera thet hadde forstan
Sentence: 813 Thet se mit slape weren bifan
Sentence: 814 Hi dede sijn seil op tian
Sentence: 815 And dede tha rickan thana faran
Sentence: 816 Ende dedense (= dedese) to ene stene festa sluta
Sentence: 817 Thet hia ther <wer> weren buta
Sentence: 818 Tho thi jonghera thet fornam
Sentence: 819 Thet hi to jenne dun howe mer cam
Folio: 19b
Sentence: 820 Hi sprac j heren ghi moghen wol upstan.
Sentence: 821 Nu scil j ju lan ontfaen
Sentence: 822 Ic wene thet comen is thi dach
Sentence: 823 Ther ic na wralde liawer sach
Sentence: 824 In thisse dun howe mere
Sentence: 825 Rottad min fader als en mordenere
Sentence: 826 Thit habba j min koning end mi to laster dan
Sentence: 827 Hir scil j wirck lan ontfan
Sentence: 828 Nu vil ic jo thre keren cund dwan,
Sentence: 829 Keset huc j willad omgan
Sentence: 830 Thi arsta ker is aldus dan
Sentence: 831 Hor jo liawera se thet ic jo allen thet haud dwe of slan,
Sentence: 832 Than ic jo hir an gronde lete gan
Sentence: 833 Than j thine aindom to miner hand onfan.
Sentence: 834 Om thet torn ther j mi habbad dan.
Sentence: 835 Tha sawen heran nomen thine aindom
Folio: 20a
Sentence: 836 Ther manigha Freza quaelikébicom.
Sentence: 837 Want se deden alle van hiarra Gode gan
Sentence: 838 End worde tha divele onderdan.
Sentence: 839 Tha thit was dan
Sentence: 840 Thi jonghera on thet hise (= on se thet hi) sprang,
Sentence: 841 Mit feste bandu[m] hise thwang
Sentence: 842 Wol openbere
Sentence: 843 Lyck ofze thiawen were.
Sentence: 844 Tho hi dat hadde dan
Sentence: 845 Hi dede sijn seil op tian
Sentence: 846 Ende fordede (= ferde) tha heran woldelyke
Sentence: 847 Tho danmerken in this koniges ryke.
Sentence: 848 Tho thi koning thet fornom
Sentence: 849 Thet thi jonghera weder to land com
Sentence: 850 Hi dede him to ghins gan
Sentence: 851 And had hine blidelijke onfaen
Sentence: 852 An tha hia thet an saghen
Sentence: 853 Thet tha Frezen bonden laghen
Sentence: 854 Him sce na wralda liawera dach.
Folio: 20b
Sentence: 855 Nu moghi hera hot hi plach
Sentence: 856 Hi sprac tha herum to
Sentence: 857 J Heran nu horad hir to
Sentence: 858 Hot ic jo wolle nu dwan
Sentence: 859 J scillad nu onfan
Sentence: 860 Tha zwersta riocht à wrald ontfeng ing man
Sentence: 861 Om thet torn ther j mi habbad dan
Sentence: 862 Tha ghing thi koning op sijn palas
Sentence: 863 Ther sine sted winnige (= winninge) was.
Sentence: 864 Thi Koning sente bodan al to hand
Sentence: 865 In tha sawen seland
Sentence: 866 And bot thet se to fara him come
Sentence: 867 End thine aindom an nome
Sentence: 868 Ne wilde hiat nat dwan
Sentence: 869 Hi wilde tha sawen thet haud of slan.
Sentence: 870 Tho hand tha Frezen comen
Sentence: 871 Tha hia tha boetscap heden vernomen
Folio: 21a
Sentence: 872 Thet zware riocht habbet/hia nomen
Sentence: 873 Ther himmen quaelike is bikomen
Sentence: 874 Wt this koniges handum
Sentence: 875 Tha dedense al mit scandu[m].
Sentence: 876 Tho se thit hadden dan
Sentence: 877 Tho dede thi koning himme[n] sijn riocht cund dwan.
Sentence: 878 Nu wil ic io leta forstan
Sentence: 879 Ho tha zwera riocht (= sint) dan.
Sentence: 880 Thet arst scil j forstan
Sentence: 881 Ghi scillad onsen efgod bidda an
Sentence: 882 Ende ghi scillad van tha kristena gan
Sentence: 883 Thit was sondelijke dan.
Sentence: 884 Thet other ther se on momen (= nomen)
Sentence: 885 Alse tha kinden in tha wralde komen
Sentence: 886 So dedema himmen tha holtena wittha om thine hals slan,
Sentence: 887 Ho hit alla liode mochte onsian
Sentence: 888 That hia ghinzen weren van hiara gode
Sentence: 889 End stonden to this divels bode.
Folio: 21b
Sentence: 890 Thit is thet tredde,
Sentence: 891 In huc land of hws so se come
Sentence: 892 Thet se allermanlyk tha foten in tha hand nome
Sentence: 893 Aldus was hit jammerlyke dan
Sentence: 894 Ther se it tha koning hadden ontfan.
Sentence: 895 Thit is thet fiarde riocht
Sentence: 896 Ther thi koning hadde wrocht
Sentence: 897 Al thet qwick there was fat
Sentence: 898 Thet hiat wt tha lande thi tha koninge lat
Sentence: 899 Selve mosten hia mit tha regge end ther hand
Sentence: 900 Bowa hiara ain land
Sentence: 901 Ho hia ther nat bet to come
Sentence: 902 Thet hia thine fridom weder nome.
Sentence: 903 Thet fyfte ther se hadden ontfan
Sentence: 904 Nu horad ho hiarra scoen weren dan
Sentence: 905 Fan ruga peerdis hudum werense dan
Sentence: 906 Ther se wr hiara foten scolden tian.
Folio: 22a
Sentence: 907 Thet sexte is als thi koning scolde to stride
Sentence: 908 Tha Frezen dede hi to fora him gan jefta ride.
Sentence: 909 Ho hia worden slagen doet
Sentence: 910 Ofta brocht hi se in grater noet.
Sentence: 911 Aeck dede hi himmen ene zwarta fane
Sentence: 912 Ho hit alle liode mochten siane
Sentence: 913 Thet hia tha koning weren onderdane.
Sentence: 914 Thit is thet sawende riocht
Thet hi himmen dede gewa
Sentence: 915 Thins end tianda van al hiara hewa
Sentence: 916 And alder to tolwe pond panniga
Sentence: 917 Thet weren alle goldena bisantiga.
Sentence: 918 And alle tha hws ther weren dan
Sentence: 919 Ther sculden sonderlinge bisantiga fan
Sentence: 920 Tha deden tha liode en clenera timmer dwan
Sentence: 921 Ho hia tha konige nin tian (= tiande) torsten jan
Folio: 22b
Sentence: 922 Tho dede thi wind thet wirck al to slan.
Sentence: 923 Ther tha Frezen hadde dan
Sentence: 924 Tha se thet fornomen
Sentence: 925 Tho samen thet se comen
Sentence: 926 Enen rad dat se momen (= nomen)
Sentence: 927 End hia wolden wt tho (= tha) lande gan
Sentence: 928 End letad (= leta) thit land ferdomet stan.
Sentence: 929 Want hia thine zwera tianda naet langhera mochten jan:
Sentence: 930 Ther himmen thi koning hede cund dwan (= dan).
Sentence: 931 Nu moghe ghi forstan
Sentence: 932 Hu ther Frezena jelde weren dan
Sentence: 933 Hwa so ene Freze doet sloge mit wolde
Sentence: 934 Thet hine mit ene onrena zwine golde.
Sentence: 935 Thi koning sprac hi wilde habba tha crone
Sentence: 936 End thine fana scone
Sentence: 937 Ne wilde hiane him naet ian
Folio: 23a
Sentence: 938 Hi wilde himmen thet haud ofslan.
Sentence: 939 Tho da heren thit hadden vernomen
Sentence: 940 Tho samen een raet thet se nome[n]
Sentence: 941 Op ther Emze thine Fana thet se growen
Sentence: 942 Tha crona hia tha koning jowen
Sentence: 943 And spraken openbere
Sentence: 944 Thet thi fana verloren were
Sentence: 945 End hiat ietta naet cuden forstan
Sentence: 946 Hwelck hiara hit hede dan
Sentence: 947 Thi fana als ic wene lach under ther erde
Sentence: 948 Fyfta half hundert jere verwirde.
Sentence: 949 Tho thit was fergan also
Sentence: 950 Tha sprac thi konig tha heru[m] to,
Sentence: 951 J scillad in jo land borgen end sloet dwan
Sentence: 952 So moge j mi naet ongan.
Sentence: 953 Tha Frezen spraken tha konig weder tho,
Sentence: 954 Her koning hit scil naet also
Sentence: 955 Hia wilde liauwera thine dad onghan
Folio: 23b
Sentence: 956 Than hia ing meer borgh wilde onfan.
Sentence: 957 Thi koning leet dit aldus bistan
Sentence: 958 End thochte thet hia him nimmer scada mochte dwan.
Sentence: 959 Nu horad hot thi koning ontfeeng to lane
Sentence: 960 Om tha zwera riocht ther hi[m] (= hi him) hadde dane.
Sentence: 961 Thet arste laster thet se thine ridder hadden onfan,
Sentence: 962 And deden him thet haud of slan.
Sentence: 963 Thet other is aldus dan.
Sentence: 964 Tho se that herferd mit karle dede ongan
Sentence: 965 Tha deden se den nia Keiser wol onsote
Sentence: 966 Binden bede handen ende fote.
Sentence: 967 And se gewen this koniges manne
Sentence: 968 Aldus was ther (= thet) other laster dane
Sentence: 969 Thit is thet tredde,
Sentence: 970 Tho se weder van Rome comen
Sentence: 971 And heden thin fridom weder nomen
Sentence: 972 To samen thet se comen
Sentence: 973 Een rad thet se nomen
Sentence: 974 Thet hws to Gronen-borge dede se to slan.
Folio: 24a
Sentence: 975 Ther thi koning sine riochter hadde dan.
Sentence: 976 Thit is thet fierde end is aldus dan
Sentence: 977 This koniges kind deden se fan
Sentence: 978 And deden hit bitha Amse an ene thurne bam hwan
Sentence: 979 Ho hit alla liode mochte sian
Sentence: 980 Thet se et tha koninge to laster heden dan.
Sentence: 981 Thit fyfte is aldus dan
Sentence: 982 Thet hia thine fridom it Karle habbad ontfan.
Sentence: 983 End sint tha koning ontgan
Sentence: 984 Want hia him eer al weren onderdan
Sentence: 985 Aeck gaf thi himelsche koning an twarra
Sentence: 986 Sauwen wtferkerne karran.
Sentence: 987 Tho se to Rome komen
Sentence: 988 Om tha zwarre riocht ther se itta koning heden nomen.
Sentence: 989 Nu horad and ghi scillad forstan
Sentence: 990 Hu ws tha Godis nade cam
Sentence: 991 Sinen jnghel hi neder sant
Sentence: 992 To Northumbrana in thet land.
Sentence: 993 Tho thi jnghel thet vernom
Folio: 24b
Sentence: 994 To sinte Wilbrord thet hi com
Sentence: 995 Hi sprac to him openbare
Sentence: 996 Thet thi himelsche koningh verbolghen waere.
Sentence: 997 Om thet torn ther thi koning van Danmerkum tha Frezem hadde dan.
Sentence: 998 Tha hitha Frezen alther to hadde thwingen (= thwangen?)
Sentence: 999 Thet se van tha himelsche koning weren gangen.
Sentence: 1000 And beden tha afgoden an
Sentence: 1001 Thit dede hi ther omme dwan
Sentence: 1002 Ho se scolden van tha (= ther) riochta weerheid gan
Sentence: 1003 Ther se itta arste koning hadden ontfaen.
Sentence: 1004 Tho thio ander werreld bigude instan
Sentence: 1005 Hi scolde up stan
Sentence: 1006 Tho tha mere scolde hi gan
Sentence: 1007 Al ther scolde hi een keel finda stan
Sentence: 1008 Al ther finstu twa rema an
Sentence: 1009 Ic scil wassa din leidis man.
Sentence: 1010 Tha thisse reden was dan
Sentence: 1011 Tho dede sinte Wilbrord,
Folio: 25a
Sentence: 1012 Mit tha jnghel gan to this scipis bord.
Sentence: 1013 Tha se inden keel comen gan
Sentence: 1014 Tha deden se thet seil optian
Sentence: 1015 End for manighem (= manighen) schonen dach ont se dat fernomen
Sentence: 1016 Thet se ther don howe comen
Sentence: 1017 Tha dede thi jnghel van him sceida
Sentence: 1018 Ende seide that him god moste leida.
Sentence: 1019 Thet sprac thi jnghel, hi scolde fara an thit land
Sentence: 1020 Hijr scolde teken scane maniger hand.
Sentence: 1021 Thet arste alstu thet fornimste
Sentence: 1022 Alstu tha Amse opcomste,
Sentence: 1023 Alther finstu sawen thurrad baman stan
Sentence: 1024 Tha scillad thanne ni blosman ontfan.
Sentence: 1025 Thet other, alstu to Bentim comste gan
Sentence: 1026 So deth thi houske Ridder Magnus (thi) wol onfan
Sentence: 1027 Thech sciltu mit thine foet an thine steen buch (= berch) slaen
Folio: 25b
Sentence: 1028 Ther scil ene scone burna wt gan.
Sentence: 1029 Thet tredde is aldus dan
Sentence: 1030 Tha sex selanden scillad thi werda onderdan
Sentence: 1031 End thi sawen (= sawende) scil thi weder stan.
Sentence: 1032 End menich torn thi dwan
Sentence: 1033 Thech scil hit thi to riochta werda onderdan.
Sentence: 1034 Aldus is thet fiarde dan
Sentence: 1035 Als thi tha sawen zelanden sind werden onderdan
Sentence: 1036 So sciltu op tha Amse gan
Sentence: 1037 And thine scona fana wt ther erde tian.
Sentence: 1038 Want hi leget openbare
Sentence: 1039 Of hi tha selva dei mackad ware.
Sentence: 1040 Thet fyfte ther wil ic thi sega van
Sentence: 1041 Twa herferd sciltu mit himme[n] ongan
Sentence: 1042 Beda (= Bedera) sciltu thin sighe hwerva,
Sentence: 1043 Als this is dan so scil tu sterwa
Sentence: 1044 Ent wt tha lande scilma di fera
Sentence: 1045 And tho Wtracht in thine doem kera.
Folio: 26a
Sentence: 1046 Tho disse reden was dan
Sentence: 1047 Tha dede thi jnghel van him flian
Sentence: 1048 And bad thine ricka
Sentence: 1049 Thet hi to disse land treka
Sentence: 1050 Thi ricka thet ne leet
Sentence: 1051 Ther him thi jnghel dwan heet.
Sentence: 1052 Hi dede tho tha lande tian
Sentence: 1053 Thech was hi mit sorghe bifan
Sentence: 1054 Tha hi to lande com
Sentence: 1055 Tha blomen (= bomen) tha blosmen weder nomen
Sentence: 1056 Bihalva thi ene bam
Sentence: 1057 Ther hia deden thine konigis sin on-<heden> hwan,
Sentence: 1058 Thi ricka ghing wt (= wnt) hi thet fornom.
Sentence: 1059 Thet hi to Magnus to Bentim com.
Sentence: 1060 Thi houske ridder ontfeng him wel sote
Sentence: 1061 Thech so staet hier thin steen mit tha fote
Sentence: 1062 Een born ontsprang ther wt tha stene
Sentence: 1063 Ther deepte hise in alghemene
Sentence: 1064 Ther op tha borg weren bi fan
Sentence: 1065 Bede frow ande man
Folio: 26b
Sentence: 1066 Al dede hise bikera
Sentence: 1067 End mit heilige scrifte lera
Sentence: 1068 Tho dit was dan
Sentence: 1069 Tha deden tha ricken beide to ther wisere (= tha wisen) gan
Sentence: 1070 And bigond to prediken and to leran
Sentence: 1071 En to Gode wel bikeran
Sentence: 1072 Al ther deden se danna keren
Sentence: 1073 Unt se thet fornomen
Sentence: 1074 Thet se to tha Flediepe komen
Sentence: 1075 To (= Tho) se ant land comen
Sentence: 1076 Thet folk himmen to ghins quam
Sentence: 1077 And bigudense tho fiochten an
Sentence: 1078 Thine ricka dedense verdewa (= verdriewa)
Sentence: 1079 An sijn prediken wolde hia nat lieuwa.
Sentence: 1080 Thi jnghel tha thi him quam
Sentence: 1081 And sprac hi scolde weder to lande gan
Sentence: 1082 Eft wert hi verdreven also
Sentence: 1083 This wart thi rika herde onfro.
Sentence: 1084 Thi jnghel to him quam wol suime
Sentence: 1085 End seid, thit folck scil wassa dine.
Folio: 27a
Sentence: 1086 Du scilta weder gan ant land
Sentence: 1087 Want God hatse jowen in thijn hand.
Sentence: 1088 Thi ricka weder an thet land quam
Sentence: 1089 Tha heiliga hi to helpe nam
Sentence: 1090 And bigude to prediken and to leren
Sentence: 1091 End tha liode to gode keren.
Sentence: 1092 Tha dit was dan
Sentence: 1093 Tha dede hi weder to scipe gan.
Sentence: 1094 Ont hi thet fornom
Sentence: 1095 Thet hi to Bentim weder com
Sentence: 1096 Tho leet hi bodia al to hand
Sentence: 1097 To fara hin (= him) tha sawen Selant.
Sentence: 1098 Als hi thet had fornomen
Sentence: 1099 Thet tha Frezen to fara him weren komen.
Sentence: 1100 Hi sprac, hia scolde tha Nordska konig ongan
Sentence: 1101 End wirda tha Romske koning onderdan
Sentence: 1102 Aeck scil thi to slan jo efgode
Sentence: 1103 End stan to this himelsche koniges bode.
Folio: 27b
Sentence: 1104 Nu scil j mi gewa thine zwera tianda
Sentence: 1105 Den wil ic masteren senda
Sentence: 1106 Ther jo kerka end Godis hws scillad dwan
Sentence: 1107 Al ther so scillad jo kinden thine kersten doen (= kerstendoem) ontfaen
Sentence: 1108 Aeck moet j op thine achtende daghe
Sentence: 1109 Gan binna ther kerka wage
Sentence: 1110 And nede it that himelsche koning soka
Sentence: 1111 Uor jo end jo eldera mit offer and mit boka
Sentence: 1112 Ho hia itta himelsche koninge
Sentence: 1113 Ontfan moghe tha ewighe woninge
Sentence: 1114 Hier efter so scil ghi io afgoden to slan
Sentence: 1115 End wirda tha himelsche koning wnderdan
Sentence: 1116 Ther jo nei sines selves bijlde wrochte
Sentence: 1117 End io to siner nede brochte
Folio: 28a
Sentence: 1118 End leet tha heliga kristen/heit that himelryk ontsluta.
Sentence: 1119 Ther stad alle mislavighe liode buta
Sentence: 1120 And het jo in tha paradise gan
Sentence: 1121 Ief thi an riochte bodim (= botim) willad stan
Sentence: 1122 And van jo alda zwarheid gan
Sentence: 1123 Ther jo thi koning van Danmerken hadden (= hadde) dan
Sentence: 1124 End ghi bet nei nin efgode hwerwe
Sentence: 1125 So scil j bisitta thet himelsche erwe
Sentence: 1126 Ther jo jESUS CHRISTUS to brochte
Sentence: 1127 Tha hi jo mis (= mit) sine blode kofte
Sentence: 1128 Thet erwe is scoen an himelryke
Sentence: 1129 Hia dragad tha crone ewelyke
Sentence: 1130 Owach hot hi fula verliost
Sentence: 1131 Ther thisse salicheid naet ne tziost.
Sentence: 1132 Tha baman ther in tha paradise stad
Sentence: 1133 Nimmermeer hia brackad ner forgad
Sentence: 1134 Ther is thera sotera fogela sang
Sentence: 1135 Ther is blytscap zonder vergang
Sentence: 1136 Ther stad tha manich fald
Sentence: 1137 Also thicht so thi grena wald
Sentence: 1138 Hwa so deth crued moghe onfan
Folio: 28b
Sentence: 1139 Nimmermeer hi sterwa ne kan
Sentence: 1140 Hwa so thet holt bicriga can
Sentence: 1141 Hine wert alder ner wijf ner man
Sentence: 1142 Noch sleep noch honger moghe him derra
Sentence: 1143 Aldus ist in tha paradijs antwerra.
Sentence: 1144 Thio helle is dan jammerlyc
Sentence: 1145 Ther is fior ende pijc
Sentence: 1146 Ther is honger, torst, frost end zwevel
Sentence: 1147 Uenijn end maniger handa euel
Sentence: 1148 Awi end awach
Sentence: 1149 Ther is tiosternisse sonder dach
Sentence: 1150 Ther geet thi divel wt end ijn
Sentence: 1151 Ther is thio ewelijke pyn
Sentence: 1152 Hi doet manighe edele fan
Sentence: 1153 And doet se to ther hella tian
Sentence: 1154 Eend (= Een) baem steed in ther helle
Sentence: 1155 Ther stad fiower divelen bi al stille,
Sentence: 1156 En dwat tha selen op hwan
Sentence: 1157 Om tha sonda ther se habbad dan
Sentence: 1158 End sint se slan fol sere
Sentence: 1159 Thet seg ic jo verwere
Sentence: 1160 Binna ther helle porta ther leid,
Sentence: 1161 Een draka hat Pathmos alst scrifte seid.
Folio: 29a
Sentence: 1162 Nu horad ho this dracka is dan
Sentence: 1163 Hi is mit M hornen om bifan
Sentence: 1164 Ac seg icket openbere
Sentence: 1165 Hine (mei) sterwa nimmermeere
Sentence: 1166 End jo eldera habbad him ontfan
Sentence: 1167 To ene koninck
Sentence: 1168 Om tha jammerlijke thinck
Sentence: 1169 Thet i tha kaninck van Danmerkum sint werden onderdan
Sentence: 1170 End sint van joe God gan
Sentence: 1171 Nu hab icket jo mit werdum seid fol korte
Sentence: 1172 Ho hit sted binna ther hel porte
Sentence: 1173 Thi ther theer in wil gan
Sentence: 1174 Nimmermeer hi ther wt comma ne can.
Sentence: 1175 Nu horad ho hit steed in himelrijke
Sentence: 1176 Thet wil ic jo segen lovelijke
Sentence: 1177 Ther is thi fader end thi sone
Sentence: 1178 End thio heilige gast scone
Sentence: 1179 This scil j liowa fastelijke
Sentence: 1180 This tre sint een weer God alghelijke
Sentence: 1181 Elkes neen God sonder himmen is
Folio: 29b
Sentence: 1182 Thet scil j wita seet siker this
Sentence: 1183 End thi sone neder to ther eerde com this seet wijs
Sentence: 1184 Om tha sonde ther Adam end Ewa deden in tha paradijs
Sentence: 1185 J scillad liowa thet thio tijd is komen
Sentence: 1186 Thet tha joden him thet lijf habbad binomen
Sentence: 1187 End habbad him in den steen gheleid.
Sentence: 1188 Aldus had ws thet scrifte seid
Sentence: 1189 Alst an den tredda daghe quam
Sentence: 1190 Ther middernacht hi op stoet
Sentence: 1191 Thet was al tha sine goet
Sentence: 1192 Een lawa moet dede hi ontfan
Sentence: 1193 Tha helle dede hi alle to slan
Sentence: 1194 End binam tha divel al sijn crefte
Sentence: 1195 Aldus seid ws thet heilige screfte,
Sentence: 1196 Ho hi nimmermeer ne muchte
Sentence: 1197 Nin scada dwan ho wijs ne (= hi) wrochte.
Sentence: 1198 Nu sint i leider mit sonden bifan
Sentence: 1199 End sint tha divele worden onderdan
Sentence: 1200 Ther jo God hede van qwijt dan.
Sentence: 1201 Tho hi thit hadde dan in ther helle
Sentence: 1202 Hi nam Adam end Ewa and al hiara selle
Folio: 30a
Sentence: 1203 Hi ghing mit ene grotelijke scaere
Sentence: 1204 And deed se in tha scone paradijs vare,
Sentence: 1205 Tha jenne ther sine willa hadden dan
Sentence: 1206 Tha leet hi jo jeldera bi hiara konige stan
Sentence: 1207 End al tha jenne ther weren fonden.
Sentence: 1208 Mit falskheid end mit quaeda sonden.
Sentence: 1209 Tho thit was alle gader dan
Sentence: 1210 Tho dede hi weder to sine jonghera gan
Sentence: 1211 And sprac, hia scolden sine frede ontfan
Sentence: 1212 And so scolde dwan ellick kerstijn
Sentence: 1213 Ther thet himelrijke wolde habba sijn
Sentence: 1214 Li (= Hi) let forstan wol scere
Sentence: 1215 Hoet om thet alde Testament en thet nie were
Sentence: 1216 Hi was bi himmen fiouwertich dage
Sentence: 1217 Als ickt in tha screfte saghe
Sentence: 1218 Tha dede hi tho himel gan,
Folio: 30b
Sentence: 1219 Manich dede hi dat onsian
Sentence: 1220 Tho tha fyftichste daghe sente hi sjne heiliga gast
Sentence: 1221 Neder to ther eerde end dede sijn jongherum trast
Sentence: 1222 End hia ontfenghen him blijdelijke
Sentence: 1223 In fioriga tonga waerelyke
Sentence: 1224 End biguden prediken openbere
Sentence: 1225 Thet CHRISTUS weer god were
Sentence: 1226 Thine onlauwa deden se to stera
Sentence: 1227 Thine cerstena lawa deden se lera
Sentence: 1228 And habbad mit graete arbeid
Sentence: 1229 Brat (= Brocht) alle tha cristenheid
Sentence: 1230 Al ther om habbad hia onfan
Sentence: 1231 Uan Gode thet joge lan.
Sentence: 1232 Thit willa wi nu leta staen
Sentence: 1233 Thissen lawa scil j ontfan
Sentence: 1234 Thet thi selva konig sit an himelrijke
Sentence: 1235 To sine feders hand waerelijke
Sentence: 1236 Liowa scillad j also wal
Sentence: 1237 That thi weldiga koning to tha junxta dage coma scal
Sentence: 1238 And riochta al to lijke
Sentence: 1239 Thin arma and thin rike
Folio: 31a
Sentence: 1240 Then goda scil j jan (= scil hi dan) prijse.
Sentence: 1241 End then quada van him wijse
Sentence: 1242 Al ther moet him al to gins gan
Sentence: 1243 Beide wijf end man
Sentence: 1244 Ther goed jefta qwaet habbad dan
Sentence: 1245 Tha moten ther wirck end (= wircken) lan ontfan
Sentence: 1246 Tha gooda to tha ioga liande (= lande)
Sentence: 1247 Tha qwada in thin ewighe brande
Sentence: 1248 Thit scil sele end lijf to gader ontfan
Sentence: 1249 An huc ne (= hucne) wei thi koning se hat gan
Sentence: 1250 J scillad liowa <t>
Sentence: 1251 Thet this koning jo sonde wil forjowa
Sentence: 1252 So i dwe therom riowa
Sentence: 1253 End i scillad liowa
Sentence: 1254 Thet thisse werald scil vergan
Sentence: 1255 End ene other scil instan
Sentence: 1256 Thet scil ewelyke bliwa.
Sentence: 1257 Hier fan wil ik naet meer scriwa.
Sentence: 1258 GHI scillad sprecka al nei mi
Sentence: 1259 Ther sine sende leet si
Sentence: 1260 Ic hab sonde dan
Sentence: 1261 Fan ther tijd ther ic se cude bigan.
Sentence: 1262 In tochtum and in werdum
Sentence: 1263 And in manighe falska wirkum
Folio: 31b
Sentence: 1264 Ho ick se habbe dan
Sentence: 1265 So wil ic gerne an botum stan
Sentence: 1266 End bid thine himelsche hera
Sentence: 1267 Thet hi mi sine nede wil to kera.
Sentence: 1268 Nu scil i jo haud nederslan
Sentence: 1269 So wil ic jo van jower zwaerheid qwijt dwan
Sentence: 1270 Tha Frezen deden harra haud neder slan
Sentence: 1271 End hi hatze van tha ban qwijt dan.
Sentence: 1272 Nu horad hot hi sprac;
Sentence: 1273 J scillad dwan minen rede
Sentence: 1274 J scillad wandelia joa wede
Sentence: 1275 Ther j itta konigen habbad untfan
Sentence: 1276 So moghe ghi mit heren mit erum gan
Sentence: 1277 Aeck scil i scilden end scone zwird untfan
Sentence: 1278 So moghe i mit thine konige to stride gan
Sentence: 1279 Thech so scil i jova tianda
Sentence: 1280 Thine Keiser bringa jefta senda.
Sentence: 1281 Want thi jnghel had mi seid openbere
Sentence: 1282 J scillad fri wirda van alle landis hera.
Folio: 32a
Sentence: 1283 End ghi scillad ontfaen jone ald fridom sonder twivel
Sentence: 1284 End ongaen thine lede divel.
Sentence: 1285 Thech moet ghi ther manich strijd <om> onghan.
Sentence: 1286 Eer ghi thine fridom scillad ontfan.
Sentence: 1287 Tho dit was een tijd verlijden
Sentence: 1288 Tha bodan comen tho him rijden
Sentence: 1289 Hi solde to Wtracht gan
Sentence: 1290 Tha bisorghe end thet rijke ontfan.
Sentence: 1291 And hoda hit digerlijke
Sentence: 1292 Bi sine hoge himelrijke
Sentence: 1293 Uerlor een man an rechte
Sentence: 1294 Hi scolde thet to plichte (nima).
Sentence: 1295 Nu horad hot hi tha boden sprac to
Sentence: 1296 J scil verstan that seg ic jo
Sentence: 1297 Ic wil tha zwerheid naet ontfan
Sentence: 1298 Ic wil liauwera in een gastelijk levend gan
Sentence: 1299 Than tha zwerheid wilde onfan
Sentence: 1300 And scolde bi riochta wol sterke
Sentence: 1301 Al tha Freeske merka
Sentence: 1302 Want ic hab daen graet arbeid
Sentence: 1303 Eer ic se brochte to ther riochte waerheid
Folio: 32b
Sentence: 1304 End scolde ic thit wirck leta blíva ondan
Sentence: 1305 Want hiarra herta is so sere mit sorge bifan
Sentence: 1306 Hia ne connen van Gode naet forstan
Sentence: 1307 Scil ic thinne van him sceida
Sentence: 1308 To hand scilse thi divel verleida
Sentence: 1309 And wirda tha efgoden and thine koning weder onderdan
Sentence: 1310 Ther himmen had manigen scada dan
Sentence: 1311 Want hise thuang to manighe armicheid
Sentence: 1312 End alther to mit manighe onhouskheid
Sentence: 1313 Ther se ic (= it) him hadden ontfaen
Sentence: 1314 And van hiarra koning weren ongan
Sentence: 1315 Thech was hiara riocht also dan
Sentence: 1316 Bihalva tha koning van himelrijke
Sentence: 1317 Thin scillad se eeria sikerlijke
Sentence: 1318 Tho hi hadde dan thisse reden
Sentence: 1319 Ther hi to tha bodim sede.
Sentence: 1320 Thi jnghel neder quam van tha trone
Sentence: 1321 End sprac hi soldet sonder tuivel done,
Folio: 33a
Sentence: 1322 Wt tha lande scolde hi farra
Sentence: 1323 En to Wtracht in thine dome (= dom) kera
Sentence: 1324 End alther tho (= tha) hode onfaen
Sentence: 1325 Dech sciltu eer ti Rome gan
Sentence: 1326 Alstu wesen hast to Rome
Sentence: 1327 In thit land thu (= sciltu) weder come
Sentence: 1328 End maniger hode (= manigerhande) dwan
Sentence: 1329 In t land
Sentence: 1330 That (= Tha) fiower scillad thi stan ther hand
Sentence: 1331 Da thre scillad wird bihot
Sentence: 1332 Uan tha hera to Monster thet wil God.
Sentence: 1333 Thech sciltu dwan this landis besta.
Sentence: 1334 MAGNUS scil tu thet riocht bifesta.
Sentence: 1335 Hwil thet tu wt biste wol sterke
Sentence: 1336 Thet hi riochte over Freeske merke
Sentence: 1337 End hi scil thor manighe land
Sentence: 1338 Thin fana fera in siner hand
Sentence: 1339 Want hi was van aldis boren
Sentence: 1340 In Freesland van liodum wtfercoren
Folio: 33b
Sentence: 1341 Thech is hi nu tha konings hogésta tianstman.
Sentence: 1342 Tho hi thet hadden (= hadde) dan
Sentence: 1343 Do dede hi wt tha lande tian
Sentence: 1344 To Wtracht in thine dom
Sentence: 1345 Al thet herscip him to ghins com
Sentence: 1346 And habbad him blidelijke ontfan
Sentence: 1347 Tha bazuna dedense blian
Sentence: 1348 Tha clocka dedense hluda
Sentence: 1349 End tha liacht to ghins him cruda
Sentence: 1350 End mit grata winnena sang
Sentence: 1351 Ontfenghen hia him tha streta lang
Sentence: 1352 Hia dede althet besta lijth onslan
Sentence: 1353 End deden him blijdelijke ontfan
Sentence: 1354 End deeldent al to lijkum
Sentence: 1355 Armen end rijkum
Sentence: 1356 End se goden (= galden?) al to wera
Sentence: 1357 Welcoma wse riochta hera
Sentence: 1358 Want hi dede ther binna manich teken dwan
Sentence: 1359 Thit leta wi nu stan.
Sentence: 1360 Tha gengense in een keel tha heran
Sentence: 1361 Mit him end deden dan feran
Sentence: 1362 Unt se thet vernomen
Sentence: 1363 Thet se to Romera borch comen
Sentence: 1364 Tho se to Romen come an
Folio: 34a
Sentence: 1365 Hia gengen to fara thine paus stan,
Sentence: 1366 End spreken hit were also bihworven
Sentence: 1367 Thet hiara here were doet storven.
Sentence: 1368 End hia heden koren alghelijke
Sentence: 1369 Wilbrord to een here bede arm end rijke
Sentence: 1370 Hor hi tha bifellinghe aut wille (= wilde) dwan
Sentence: 1371 Than ther hia (= Tha hera ther) heden ontfan.
Sentence: 1372 Nu scil j wita dat
Sentence: 1373 Hot thi paus Paus Columbanus sprac
Sentence: 1374 Letad mi nu io brief sian
Sentence: 1375 An io riochter to fara mi gan
Sentence: 1376 And jowe ker wil ic verstaen
Sentence: 1377 Ho ghi hine habbad dan
Sentence: 1378 Hor mit kape so mit bede
Sentence: 1379 Hor mit stride so mit walde
Sentence: 1380 Is hit van dissum ing à trouwa
Sentence: 1381 So moet j (= hi) thine kerker scowa
Sentence: 1382 Ther can hi nimmermeer wtgan
Sentence: 1383 Er hi thine dath had untfan
Folio: 34b
Sentence: 1384 Want ic verbanne thisse karran/end wirka
Sentence: 1385 Thet (hi) mer naet mede com to eniger kerka
Sentence: 1386 Want hit Petrus wrbeden hat ther thi arsta paus was
Sentence: 1387 Ther thisse wrald acas.
Sentence: 1388 Tho thit was dan
Sentence: 1389 Hi het sinte Wilbrord to fara him stan
Sentence: 1390 Nu saltu zware een eed
Sentence: 1391 Ther al biscopum scil wasa wreed
Sentence: 1392 End (= Dattu) biriochte to lijka
Sentence: 1393 Thine arma and thine rika
Sentence: 1394 And al ewenliker wecht
Sentence: 1395 End wrbiede al onriocht
Sentence: 1396 Thet thu biriochte wida ende wesan
Sentence: 1397 Ende alle werlasan
Sentence: 1398 End alla tha onnosele end bedfirdige manne
Sentence: 1399 Ther him helpa naet ne canne
Sentence: 1400 Jefter hertoghen jefta grewan jefta ing landis hera
Sentence: 1401 Thin land wolde wrstera
Sentence: 1402 Ofta then stoel to Wtracht wolde onfiochta,
Folio: 35a
Sentence: 1403 Thet sciltu mit tha liwe biriochta.
Sentence: 1404 Thech sciltu mi werda onderdan
Sentence: 1405 End aeck helpe dwan
Sentence: 1406 Jef mij in tha Romska ryke
Sentence: 1407 Imma dwan wolde ing onlyke
Sentence: 1408 Ac sciltu helpe dwan tha hilliga grewe
Sentence: 1409 Of that imma wolde strewa
Sentence: 1410 Ac sciltu colne borch helpe dwan
Sentence: 1411 Of himmen wolde imma ing onriocht dwan.
Sentence: 1412 And alther mostu tha wiinga ontfan
Sentence: 1413 Hoder icket thi cund hab dan.
Sentence: 1414 Alhier bi wil ic thisse stawinge leta stan
Sentence: 1415 Ther thu to riochte in thijn eed scilt ontfan,
Sentence: 1416 Mer ic bifele thi to riochtane lyke
Sentence: 1417 Bi thine hoghe himelryke
Sentence: 1418 And bi thiner sele
Sentence: 1419 And bi thine lesta ordele
Sentence: 1420 Thu ne moste hor om thwang ner om goet
Sentence: 1421 Tha riochta weerheid slan onder thine foet.
Sentence: 1422 End leta tha wirde vergan (= voertgan)
Sentence: 1423 Mer tha leina sciltu to beke slan.
Folio: 35b
Sentence: 1424 Tho gaf hi him brief end sigel an tha hand
Sentence: 1425 And seide, thet hi foer to Colne in 't lant.
Sentence: 1426 Tha hi thet brief van tha Pause hadde ontfaen
Sentence: 1427 Orlof nam hi end danna dede hi gan
Sentence: 1428 Tho hi op tha streta com
Sentence: 1429 Thi Keyser Constantinus him bider hand nom.
Sentence: 1430 To en ghifte (= gaste) hi him ontfing
Sentence: 1431 Thit was sine sellen een liaw thing,
Sentence: 1432 Tho hi cam op this koniges palas
Sentence: 1433 To hand hi this keisers foten cas
Sentence: 1434 Hi sprak hor hi tha arma Fresen an sine liode (= hode) aet wolde ontfan
Sentence: 1435 Want himmen thi Nordske koning graet onriocht hadde dan
Sentence: 1436 Want hi hadze al ther to thwangen
Sentence: 1437 Thet hia gode sint ontgangen
Sentence: 1438 End sint sine onrene efgoden worden onderdan
Folio: 36a
Sentence: 1439 Her koning wolde i thisse bede ontfan
Sentence: 1440 Ther om wil ic jo mijn thanc end thianst gewa
Sentence: 1441 Al tha daghen ther ic lewe.
Sentence: 1442 Thi keyser sprac him weder to,
Sentence: 1443 Hi scolde op stan end wassad (= wassa) fro
Sentence: 1444 Hi wilde mene rad (= in ene red) gan
Sentence: 1445 Hor hit <it> moghe scan
Sentence: 1446 Thet icse dwe onfan.
Sentence: 1447 Tho deden tha heren mit tha rede and twa gan
Sentence: 1448 End letent aldus bistan.
Sentence: 1449 Sinte Wilbrord danna thet hi foer unt hi thet vernom
Sentence: 1450 Thet hi to Colne com.
Sentence: 1451 Al ther had hi tha wiinga ontfan.
Sentence: 1452 Tho thit alle was dan
Sentence: 1453 Orlof thet hi nom,
Sentence: 1454 Weder tho lande thet hi com
Sentence: 1455 En ni meer had hi vernomen
Sentence: 1456 Thet to lande was ghecomen
Sentence: 1457 Een biscop (= bodscap) him to quam to wera
Sentence: 1458 Uan Magnus thi houska riddere
Sentence: 1459 Thet tha Frezen wilden van hiara gode gan
Sentence: 1460 And wirda tha divele onderdan
Sentence: 1461 Tho hant als hi thet fornom
Sentence: 1462 Weder to lande thet hi com
Folio: 36b
Sentence: 1463 Tho tha Frezen thet vernomen
Sentence: 1464 Thet hi to lande were komen
Sentence: 1465 Hja dedem (= deden) him to ghins gaen
Sentence: 1466 Ende him blidelyke onfaen
Sentence: 1467 Ende spreken oppenbere
Sentence: 1468 Wesed wel coma ws riochta here
Sentence: 1469 Hi sprac himmen weder to
Sentence: 1470 God thi motet lanja jo.
Sentence: 1471 Hi leet scone kerck-hof werka
Sentence: 1472 Al ther op setta scone kerka
Sentence: 1473 Ther dedense hiara daden bigrowa
Sentence: 1474 Therma jetta mei biscowa
Sentence: 1475 In ther (= tha) kerken dedense hiara kinden depan
Sentence: 1476 It elker kerke set hi sindringe papan,
Sentence: 1477 Ther se in tha scrifte wol leerde,
Sentence: 1478 End thet folck to gode bikeerde.
Sentence: 1479 Thit leta wi nu stan,
Sentence: 1480 Nu horad ho thet riocht to rome was dan
Sentence: 1481 Hit forden mit graetera ere
Folio: 37a
Sentence: 1482 To Constantinopole twa and sáventich keisere
Sentence: 1483 Aller eek dede thet riocht to Rome it otheru[m] ontfane
Sentence: 1484 Want hit mit riochte scolde also gane
Sentence: 1485 Thi lesta koning was heten aldus
Sentence: 1486 In riochta nama Constantinus.
Sentence: 1487 Somme waren se heiden dan
Sentence: 1488 Somme heden hia thine cristena nama ontfan
Sentence: 1489 Thech riochten se to liike
Sentence: 1490 Armen and rijkum
Sentence: 1491 Widu[m] end wesu[m]
Sentence: 1492 Hja weren onder hiara riocht sonder fresu[m].
Sentence: 1493 Tho hit com to Constantinus thi koning
Sentence: 1494 Graete nethe thetma van him ontfing
Sentence: 1495 Want alle liode binna Rome
Sentence: 1496 Gengen sonder pand thet was een graet fridome
Sentence: 1497 Therma van him vernomen hath
Sentence: 1498 Thit stoed manighen sconen dach
Sentence: 1499 Al ont thi dad coem
Sentence: 1500 And thine Keiser nom.
Sentence: 1501 Tho hadde hi ene sone tein
Sentence: 1502 Thet is weer end onverlein
Folio: 37b
Sentence: 1503 Constantinus was thi name sijn
Sentence: 1504 Aldus bitiode icket jo in tha rijm
Sentence: 1505 This had thet Romske rike onfan
Sentence: 1506 Thech dede hi onharsim van Rome danna gan
Sentence: 1507 Tha hi tha crona hadde onfan
Sentence: 1508 Tha dede hi in sijn ain land gan
Sentence: 1509 Tha hi in sijn ain land coem
Sentence: 1510 Tha wiista hi to samen nom.
Sentence: 1511 Tha wysta to samen comen
Sentence: 1512 And spraken, hot nimeers hi hadde vernomen
Sentence: 1513 Jefta hwerom hise badat (= bodat) hadde
Sentence: 1514 Thi keiser sprac to himmen foldrade.
Sentence: 1515 Jck spreck jemma wether to
Sentence: 1516 Thet mach ic nu seggen jo
Sentence: 1517 Jc habbad (= habba) in tha Romska bokum wol forstan
Sentence: 1518 Thet Greeckra heron van aldes thet keiserscip habbad ontfan
Sentence: 1519 Tho hit thisse heren leten stan
Sentence: 1520 Tha deden tha heren van Egipten ontfan
Sentence: 1521 End deden 't wol biriochtan.
Folio: 38a
Sentence: 1522 Tho hit leten tha heren wt harra wald,
Sentence: 1523 Tha noment tha Medien in hiara bihald
Sentence: 1524 End mackense al to mislyken
Sentence: 1525 Wnt se tha Ateenra heeren weer verlyken.
Sentence: 1526 Tha habbad tha quaeda Romera in harra hand wntfan
Sentence: 1527 Ho hit quam thet hiase deden ontfan.
Sentence: 1528 Thet leet ic nu bliwa
Sentence: 1529 Want hier van wil ic naet meer sciwa (= scriwa).
Sentence: 1530 Thech so scolden hit tha Romera
Sentence: 1531 Nei alda riocht naet fera
Sentence: 1532 Bihalva twene koningan
Sentence: 1533 Ther ic jo wol nama can.
Sentence: 1534 Romolus was thi arsta nand
Sentence: 1535 Hi was in use lande boren end wol bicand
Sentence: 1536 And Numa was thi ora koning wt verkoren
Sentence: 1537 Hi was binna Rome togen end boren
Sentence: 1538 Wi habbet thet riocht ontfangen thach
Folio: 38b
Sentence: 1539 End habbad foerd manighen/sconen dach
Sentence: 1540 Want ws sted heet Constantinopole
Sentence: 1541 And bitiodat clavere fole
Sentence: 1542 Een frede
Sentence: 1543 And ene doem ther mede
Sentence: 1544 Ther van alda thingu[m] is wtboren
Sentence: 1545 And alle thing hevet verkoren.
Sentence: 1546 Nu horad j heren wil ghi minen rad dwan
Sentence: 1547 So willa wi romra van hiara riocht qwyt dwan
Sentence: 1548 End willad nima thi wser hand
Sentence: 1549 End leta stan thet Romera land
Sentence: 1550 So machma himmen maniga scade dwa
Sentence: 1551 Theth (= Thech) toer wi in wse lande nimman nin tianda gewa
Sentence: 1552 Want wi habbad tha zwird in wser hand
Sentence: 1553 Ther wi scillad mede thwinga thet land,
Folio: 39a
Sentence: 1554 Thet se ws thins end tjanda Gewa
Sentence: 1555 Al so lang so se lewa.
Sentence: 1556 Tha wysta spreken hja wolden then selwa rad an gan
Sentence: 1557 End wolden Romera heran van hiarra erum qwyt dwan.
Sentence: 1558 Thit meer com al to hand
Sentence: 1559 Springan an thet Romera land.
Sentence: 1560 Thet thi keiser were dan gan
Sentence: 1561 And woldeze van hiara riocht qwv"t dwan.
Sentence: 1562 Thit immer (= nimeer) to fara thine Paus quam
Sentence: 1563 End thi boda thine Paus vernam
Sentence: 1564 Hi seide openbere
Sentence: 1565 The (= Tha) Paus een leid nimere
Sentence: 1566 Thet thi keiser ware danna gan
Sentence: 1567 End had tha alle thet land onbiriocht leten stan.
Sentence: 1568 Sinte Peters lene dede hi onfan
Sentence: 1569 End tha arma Romeru[m] graet onriocht wolde dwan.
Sentence: 1570 Tha thi Paus thit hadde vernomen
Sentence: 1571 In sinte Peters dom is hi komen
Sentence: 1572 Tha clocka leet hi hluda san
Sentence: 1573 And bad thet alla tha wysta to fara him come gan.
Sentence: 1574 Tha tha wysta thet boetscap hadden vernomen
Folio: 39b
Sentence: 1575 To fara thine Paus thet se comen
Sentence: 1576 And spreken openbare
Sentence: 1577 Hot ther nymeers to lande comen ware
Sentence: 1578 Hia wolde thet forstan
Sentence: 1579 Hwerom thet unhlud were dan
Sentence: 1580 Thet ther binna Rome wrsteret manich man
Sentence: 1581 Had hiit imma buta reden dan
Sentence: 1582 Hja wilde him thet haved ofslan.
Sentence: 1583 Thi Paus sprac tha herum weder to
Sentence: 1584 Hit is sonder reden naet dan thet seg ic jo.
Sentence: 1585 Thi keiser hadde mit on erim dan
Sentence: 1586 Thet hi ware danna gan
Sentence: 1587 And leet thet Romsche ryke onbiriocht stan.
Sentence: 1588 Nu doetma graeta sonda dwan
Sentence: 1589 Ack doetma sinte Pieters goed onfan
Sentence: 1590 And al ther to manige scada dwan
Sentence: 1591 Hier riochtma on lyke
Sentence: 1592 Armem and ryke.
Folio: 40a
Sentence: 1593 Ack so moet nie man hier/hwerva
Sentence: 1594 This moet sinte Pieter manich offer thirva.
Sentence: 1595 Owach ho scilt user erma zele forgan
Sentence: 1596 Ther to tha riochta habbad zworan
Sentence: 1597 Nu is thi eed forloren
Sentence: 1598 Ther wsa hera to sine jonghera sprac openbare
Sentence: 1599 Ho manich zwird in tha huse ware
Sentence: 1600 Tha hi thine dad scolde ongan
Sentence: 1601 Thi jonghera sprac weder san
Sentence: 1602 Thet ther were twa zwird ther fere
Sentence: 1603 Wsa hera sprac thet ther anoch were
Sentence: 1604 Nu horad hot thisse twa zwird
Sentence: 1605 Ws bitiodat in ther wird.
Sentence: 1606 Thet aerste zwird als ic mene
Sentence: 1607 Bitiodat ws tha sinne scene.
Sentence: 1608 Hwant hjo alla ting forliocht,
Sentence: 1609 Thet zwird alla gastelyke ting biriocht
Sentence: 1610 Thet selva zwird foerd usa hera an siner hand
Sentence: 1611 Tha hi hier neder com int land.
Folio: 40b
Sentence: 1612 Al eer hi tha minskheid had ontfan
Sentence: 1613 Tho tha birghe van Sinay
Sentence: 1614 Aron end Moisi
Sentence: 1615 This twine heren hise alther jef
Sentence: 1616 In tha herda stene mit sine fingheru[m] hi se screef.
Sentence: 1617 And sprac thet hia alle thing biriocht (= biriochte) gelyke
Sentence: 1618 Nei ther scold ther weren sondlyke
Sentence: 1619 Hwant ther nin nede van screwen was
Sentence: 1620 Thas (= Tha) wse here al hier comen was.
Sentence: 1621 Sinte Peter hi thet zwird gaf do
Sentence: 1622 And sprac sinte Peter to
Sentence: 1623 Hi scolde groet ting in thisse riochte dwan
Sentence: 1624 And nin man to dada slan
Sentence: 1625 Therom bleef thit zwird in tha scede stan
Sentence: 1626 Bihalva tha gin an thwera
Sentence: 1627 Ther mit sionnia (= simonia) waren bifan openbere
Folio: 41a
Sentence: 1628 Jefta mit stryde and hi ne wol/de an ninne bodim (= nine botim) stan
Sentence: 1629 So most thune in thine kerker dwan.
Sentence: 1630 Thech mostu thine man
Sentence: 1631 Thria ti howe bodian
Sentence: 1632 Ni wil hi thin naet comman san
Sentence: 1633 So mostu hine thin fiarda daghe to bonna dwan
Sentence: 1634 And bi sluta hine (= him) thinne thet path
Sentence: 1635 To mine ryke lath.
Sentence: 1636 Want aldus spreckt thi Paus in tha boke sijn
Sentence: 1637 Thetma alla liode tria scolde bodia ijn
Sentence: 1638 End an thine fiarda daghe
Sentence: 1639 Wranderia hiara op clage
Sentence: 1640 Jef se wolde an nene banne staen
Sentence: 1641 And hit wse Here hadde selve dan
Sentence: 1642 Tho hi to tha paradise com gan
Sentence: 1643 And sprac thria hot her Adam hadde dan
Sentence: 1644 Jefta hwer hi were ghan.
Sentence: 1645 Her Adam sprac him weder to
Sentence: 1646 Ther ws allen was onfro
Folio: 41b
Sentence: 1647 Hi had thet bod broken siker/lyke
Sentence: 1648 Ther ws allen biquam zwarlyke.
Sentence: 1649 Unse Hera sprak nu thu thet haste dan
Sentence: 1650 Nu sciltu thine dad ongan
Sentence: 1651 End alla tha gin ther habbad of scillad habba lyf
Sentence: 1652 Hi (= Hit) se man jefta wyf
Sentence: 1653 And hi dedene qwyt van tha Paradise
Sentence: 1654 In ene wrbanda minscha wise
Sentence: 1655 End het him in graet arbeid gan
Sentence: 1656 Hine and alla minschan.
Sentence: 1657 Owach thet hi thine wilker gaf
Sentence: 1658 Hwant hine thi divel bidrach
Sentence: 1659 Hwant hi selva tha helle cas
Sentence: 1660 Tha thet bod broken was.
Sentence: 1661 Owach hot scolde thi leide inghel scopen (= scapen?)
Sentence: 1662 Tho hi dede tho ther helle hlopen (= hlapen?)
Sentence: 1663 Mit sine selves wilkere end overmode
Sentence: 1664 Hwant him nin man ther to thwinga kode.
Sentence: 1665 Therom moet hi in ther helle bliwa
Folio: 42a
Sentence: 1666 Hwant hi sine scepper wolde verscua.
Sentence: 1667 End also moet hi altha jennen verstan
Sentence: 1668 Ther unharsim van disser wrald willad gan.
Sentence: 1669 And hiara riochta masterscip naet wassa willad onderdan
Sentence: 1670 Want Adam hadde thine ferde to broken
Sentence: 1671 Ther God twiska himel end eerde hadde scopen
Folio:
Text: Skelt.Riucht
Skeltana Riucht
Das altwestfriesische Schulzenrecht
On the basis of the critical edition by
Walther Steller,
Das altwestfriesische Schulzenrecht,
Breslau: M. & H. Marcus, 1926,
p. 13-36
entered by Thomas F. Shannon,
Berkeley, 28.6.1999.
TITUS version by Jost Gippert,
Frankfurt a/M, 2.10.1999
Chapter: I
I.
Sentence: 1 Thit is landriucht [thera] Fresena and skeltanriucht.
Sentence: 2 Thi grewa, ther an Freslande [grewa] wessa skel, hi skel wessa fulre berde bern and sin riucht unforlern.
Sentence: 3 Hi skel ti Suthermutha inkoma and koma to Franekere [in thet del] mith werdere were, mith thes koninges iefte, mith breve and mith insigele.
Sentence: 4 Ther agen hine tha Fresen to undfane and riuchtes ti stedigiane; ther ach him thi asega enne frethe ti delane and hine him selva ti bannane, thet him emma aut unriuchtes dwe.
Sentence: 5 Thenne agen him tha liude thenne frethe ti sterkiane; ther ach thi grewa allera manna likum sin len ti iewane, ascha hit an sinre were hede, one fia.
Sentence: 6 [So thes grewa komste keth is, so is sin frethe, binna there komste, thi dadslachta fiower and sextich pund.]
Sentence: 1 Thit is riucht thet thi fria Fresa ni thor fira hereferd fara, thur ban ni thur bod, than mittha ebba wt and mittha flode up, truch tha ned, thet hi thenne ower alle degan wera skel with thenne salta se and with thenne wilda witsing, mith fif wepnem, mith spada and mith forka, mith skelde and mith swerde and mith etkeres orde [thur thet, thet hi thenne ower waria skel], bi enre liudwerthene, ther hit him keth worde mith boda iefta mith bakne.
Sentence: 2 Iefta sexasum swera, thet hit him mith boda ni mith bakne keth ni worde.
Sentence: 1 Thit is riucht, thet thi fria Fresa ach sines selves deda ti witane uppa tha helgum mith mara riuchte than him se emma over ti tiugane; hit ne se so fir bithingad mith skelta banne and mith asega dome, thet tha niugen tiuch sines einne ath binima.
Sentence: 1 Thit is riucht, thet thi fra Fresa thet wita mot, mith hwelkere meta thes dikes and weges hi litha muge mit mara riuchte than hine thi grewa ther to banne, thet hi thet werk ther hi ne moge.
Sentence: 1 Thit is riucht, thet thi fria Fresa wita mot uppa tha helgum an there hemmerke, ther hi inne erwed is and ein an sinre were hede, hwer se thes koninges ande thes santes [land], thet hi thet wise and naut ne litikie.
Sentence: 1 Thit is riucht, so hwer so ma tha fria Fresa ene underhewa lawegath, thet hi tha winne ewen penninge, alther hit mith kape wint, thiu penninge.
Sentence: 2 Ief hine thi foged up sennath, thet hi an unwonnena lande sitte, so is hi niar mith sine sowen orkendum thenne foged ti iechtane and thera alleralik skeldigia mith sunderga ethe.
Sentence: 3 Ief him thes berst, thi foged dwe ther mede thet hi wolle.
Sentence: 1 Thit is riucht, thet thi feder ne ach nene manne sine dochter ti iewane ower hire willa, thur thet hiu nautes wald ni ach mer hera leithena.
Sentence: 2 And iefth hi se ower hire willa [and ower hire wald] and hire misskith an tha onwilla, so ach hi thet beta mith frethe and mith festa, also hise mith sinre hand forslain hede.
Sentence: 1 Thit is riucht, thet nemma thenne mund ni ach and there wida, niwere hire sone, ief hi ierich se; ieftha thi selva, ther tha aftinga thenne ach; of thi sone ni liwath, so ach hi thes mundes fiower penningan min than twa merk.
Sentence: 1 There famna riucht is: ti eftinge twer skillingan [thes mundes].
Sentence: 1 This is riucht, ief hi thenne munsket ni wolle iewa and riucht wif aftes undfan, thet thi thes monandeis and also ford alle tha fif degan unt thenne sateris dei ban thelda skel and aller deganalikes thes halsfenges twirasum undsuora iefta thenne mundsket lesta; ande thes sateris deis thenne mundsket twiskette lasta, ieftha an stride withstan ieftha thredda kest half bodel iewa binetha balkem.
Sentence: 1 Thit is riucht lutheres lana, thet thi sone ach sinre moder tolef ier aller [ieralikes to] lan ti iewanne fif skillingan, as hi sine breid halath, thet hi unewemmed se fan [wan-] warlashed.
Sentence: 1 Thit is riucht, of hi wemmed is and hit sin moder kenna ni welle, so ach hit mith ene athe an hia ti brengane and ther methe ti werane thet lan sinre moder.
Sentence: 1 Thit is riucht.
Sentence: 2 So thi iongere brother en wif nimt, [thet] hi and sin wif sine aldera brothere iewa skel fif skillingan; and thet word, thet hi thet bed reme sine iongera brothere and sine wive.
Sentence: 3 Thet is takeres riucht.
Sentence: 1 Thit is riucht, thet to there haudsto sken gan fiower wegan alle theralik skel wessa bred fiower molles fota umbe tha fiower halva, hit ne stande an stedes overe.
Sentence: 2 Ieftha hit se, thet thera fiowera en an thene herewei kume, so mei thi herewei wel wessa bethe, herewei and kerikwei al bi enre brede.
Sentence: 1 Thit is riucht, thet umbe thet hof buta thes wedeles werpe skel en wei gan, ther se sex an tuntiga mollesfota bred, and thenne (ach) thi skelta mith banne ti haldane.
Sentence: 2 Ther agen frethe on alle tha, ther thet godes hus sekath; of hem emma theron skathath, so skel hi twiskette beta.
Sentence: 1 Thit is riucht, thet thi fria Fresa ni thor thes grewa ban thelda, ni were twisk thire sumeres nacht and lettera ewen nacht; ther antwiska ni thor hi leng ban thelda [ner bod], ni were thre degan, thet hi biwollen thana kume; so ne thor hi nen koninges ban thelda, er thet ier umbekumeth.
Sentence: 1 Thit is riucht, thet thi fria Fresa (ni thor) bi thes grewa banne an stride withstan, hit ne se thet hine sin skelta overherich tiuge.
Sentence: 1 Thit is riucht, thet thi fria Fresa skel thenne over, ther hi bi banne warath with thenne salta se et sente Benedictus missa wrocht habba iefta mith twam skillingum aldus over nacht beta with thenne skelta, also lange so hit unewrocht is unt sumeris nacht; [and efter sumeris nacht] thet grundieth thet thet salte weter inleth ande tha liudem skathath an hiara notum, aldus over nacht unt lettera ewennacht mith twam pundum beta [ande tha liudum tha nota fella, so fir so him thet god warath].
Sentence: 1 (1) Thit is riucht, thet thi fria Fresa thenne sil, ther hi bi banne warath, et sente Benedictus missa skel tiande and temande habba, iefta mith twam skillingum with thine skelta aldus over nacht beta.
Sentence: 2 (2) Thit is riucht ief thi skelta ther over thine sil ban lede ti wanwerke biskawath thenne sil mith this koninges orkendum and mith tha asega, ief tha liude biseka wollath, so is thi skelta niar mith tha asega tiuge ti iechtane, than tha liude an tha helgum ti undsworane.
Sentence: 3 (3) Thit is riucht et there silrode bi tha sile thet thet menwerk wesa skel over thrim and sextich fotum.
Sentence: 1 Thit is riucht, alder thi fria Fresa thritich punda werth erves heth an sinre were thet hi horses and wepnes ewarad wesa skel ti ther landwere.
Sentence: 2 Ief him thes berst, so skel hi with sine frana mith twam pundum beta.
Sentence: 3 Thit is riucht, thi ther tventiga punda werth [erves] an sinre were hath, thet thi skel habba truch lang wepen, iefta mith twam pundum beta.
Sentence: 4 Thit is riucht, thi ther tolef punda werth heweth erwes, thet hi skel habba spere and skeld ti ther liudwere, iefta mith twam pundum beta.
Sentence: 5 Thit is riucht, thi ther lessa hath, hi skel habba koker and boga ti ther liudwere ief mith twam pundum beta.
Sentence: 1 Thit is riucht so hwerso ma en wif an nede nimth and ma hit tha frana klagath, so is hit riucht thet ma hire folgia skel ti tha fordele ther hiu inne is, mith tha asega.
Sentence: 2 Ande thi frana skel hire fregia hu hiu alder kome, hoder willem so unwillem.
Sentence: 3 So hwoder so hiu spreckt, so skel hiu thach an thes frana were thria nachta sitta thur tha ned ther ma ther klagade.
Sentence: 4 Thes thredda deis so ach hia thi frana an [thene] warf ti brengane and twene stewan to settane, hire willa ti bariane.
Sentence: 5 Etta othera stewe stande hire megan, etta othera hire man.
Sentence: 6 Geith hiu ti tha manne hiu brukes wel ther om thet hiu nautes wald ni ach ni were hira lithena [thera ach hiu tha wald].
Sentence: 7 Geith hiu ti tha megum, so skel thi man hia twiielde ielda and hi skel breke and brand thelda and achtich punda iewa herem and liudem ande thera [sibbista] sexa allerlik, ief se therin bitiugad wordath, brand and breke thelda and mith enre haudlesne beta.
Sentence: 8 So hwam so ma thes ekes bitigath, thet hi ther mede an fulleste were, so skel hi mith twam pundum beta, iefta sexasum unswora.
Sentence: 1 Thit is riucht an there hemmerke, ther thes santes land and thes koninges and thes huskerles on lenth and leith, thet hit thes fiarda ieris under del kuma skel, [is't] thet thi klagere ther se and hit uppa tha helgum brenga thet thiu ier tele umbekumen se and hi mith mara riuchte dela skelle than hit langera aldus undeld wesa skelle.
Sentence: 2 Is thet thi klagere habbe ein ieftha afte underhewa and truchstrinszede ritherne, so skel hi etta thinge efter twolefta dei thinges biginna and sin land meta mit riuchta gretwerde mith sine thingmanne.
Sentence: 3 Ief hia sinne eth ni wollath unfan thet hi tha fiower thing thingia skel; etta fifta thinge, so is hi niar thenne eth ti sworane and sinne del ti winnane, than her is therwia skelle.
Sentence: 4 Of hit so kume, thet hi tha fif thing thingia ni muge er there festa, so mot hi an there festa afte ban leda umbe tha hemmerke al unt hit ful bithingad is.
Sentence: 1 Thit is riucht umbe en hemmerke del ther ma bigent etta efta thinge efter tolefta dei thet thi skelta mot al umbe sowen nacht efta ban leda ti tha fifta thinge unt thi [mensing] eth sworen is.
Sentence: 2 Thit is riucht thet thi asega dela skel thet hia skelle etta haude bigenna bi ewen nachte [bi sente Benedictus].
Sentence: 3 Buppa ther klesie skelleth hia alle deled habbe, thur thet thet thiu ku an thine feld skel; thet ach thi skelta ti bannane thet hia also leste.
Sentence: 4 So is thet riucht, thet thi skelta thes monia skel et ewen nachte, hwoder so hia so den habbe so him thi asega delde.
Sentence: 5 Ief hia so den ni habbeth, so ach hem thi asega et aller husa likum twene skillingan ti delane.
Sentence: 6 So ach thi skelta there biwisda bote to moniane fiower thing al umbe sowen nachta and thet fifte thing ti hiara fordele and ther ti tiugane thet ban.
Sentence: 7 So ist riucht, ief ma tha achte skillingan achtia ni wolle, thet thi asega skel twa pund dela tha grewa, tha skelta tian skillingan.
Sentence: 8 So ist riucht thet hi tha bote et allar mannalikum mith sunderga tiuge winna skel.
Sentence: 1 Thit is riucht, ief thiu hemmerke unedeled is et sumeris nacht, so is thera allarlik ther thes wernde tha grewa twa pund skeldich.
Sentence: 2 Thit is riucht, ief thera [liudena] enech unwillich is thet hi [ni] dela ni wolle, thet thi skelta thes unwilliga del waria skel, and mith tha williga and feld fara ande tha hemmerke mith tham dela.
Sentence: 1 Thit is riucht, alder thi fria Fresa up en erwe thingia welle thet hi an bannena thinge kuma skel mith sine thingmanne, mith efta gretwerde greta skel and bitigia him thes thet hi en erwe an sinre were habbe unriuchte, ther hi him mith riuchte rema skel.
Sentence: 2 So ach him thi other andwerdia and fregath him, hwer thet erwe lidzie.
Sentence: 3 So ach him thi asega ti delane, thet hi him thet erwe wise mith steve and mith tiuge.
Sentence: 4 Thet thing skel wesa thes selva deis over sowen nachtem uppa tha erwe.
Sentence: 1 Thit is riucht, thet hi hine these selva deis bi midda morna, bi sunna upgange mith tha twam skeltum and mith sinra bura sowen, mith tha asega and mit thes otheres burem sowen, mith efta tiuge lathia skel ti ther landwere et sine fordele; and ach him thi asega ti delane thet hi and feld fara skel, is thet hit wera wolle.
Sentence: 2 Of hi kuma ni wolle ti ther landwere, so ist riucht thet ma [eft] thingia skel en thing, thet other, thet thredde and thet fiarda; etta fifta thinge thenne frethe on winna asma skel mith riuchta landriuchte.
Sentence: 1 Thit is riucht thet nen man sin erwe forkapia ni mot, hit ne se bi thes erwenama mode, him ne dere hunger ieftha herefird.
Sentence: 2 Ief hi so sundich se en man thet hi thet land rema wolde om sine sunda to betane, so ach hit sin erwenama ti biadane tha fiarda penninge min [to iewane] than hit se anda werthe.
Sentence: 3 Ief hit emma kapath one thes erwenama mode, als thi man than sterfth, ther thet erwe seld hath, so ach thi erwenama en frethe up tha god and erwe, and thi other nene fia fullinga.
Sentence: 1 (1) Thit is riucht, thi ther to stride thingia wolle, thet ma lessa bigreta ni mei ti tha ketelfange than fiower ensa and fiower tundeste thremmen penning.
Sentence: 2 Ief sin kempa an tha ordele bifalt, so skel hi twiskette beta and twa pund tha grewa thes raffretha and twa thes stridfretha.
Sentence: 3 (2) Thit is riucht, as ma ti lessa stride thingia wolle, thet thi onthingere nenna kempa [ni] winna ni thor and thi haldare skel ne winna ti tha ketelfange and [bethe] ther on sken ian.
Sentence: 4 (3) Thit is riucht thet thi asega, ther thet strid mith bithingad is skel dela thet thet ordel an there kerikawalle wesa skel et there haudsto ther thi dekma to geth; hit ne se mith thes haud presteres orlewe thet hit se et there capella ther thi skelta ban let ther thet strid mede bithingad is.
Sentence: 1 Thit is riucht, thet thi ketel an tha kerswalle hangia skel buta thes wedeles werpe and walla ande thi prester uppa tha hofwalle stan and ordel wia with ene skillinge penninga.
Sentence: 2 So ach thi kempa buta tha hofwalle stan and infan to stede.
Sentence: 3 So thi strideth efter sworen is, so skel thi skelta and thi asega and thi prester and fiower thes koninges orkendan, hia sowen, thes threddes deis tha hand skawia binna there kerika; tha thre mith tha prestere [thet hiara fiower se] and thi ena mith tha skelta and mith tha asega [thet hiara thre se].
Sentence: 4 Ief hia her aut sennath, so is thi prester and tha thre mith him niar tha hand ti helane, than tha thre ti urbarnane.
Sentence: 5 Werth hi skawath ti helre hand, so skel thi [other] thenne mena eth festia and tha grewa twa pund [iewa].
Sentence: 6 Werth hi berned, so skel hi tha grewa twa pund iewa thes stridfretha and twa thes raffretha and sine dekene iewa hed and her; ieftha mith sine fia beta and thenne eth festia.
Sentence: 1 (1) Thit is riucht ief thi fria Fresa werth to stride bithingad and hi kweth thet hi einlikes godes so fule an sinre were ni habbe thet hi wepen and wrichta winna ni moge and beta ief him an uppa felle, so ach him thi asega ti delane thet thet sowen sinra bura wita sken bi tha ethe ther hia tha koninge ti helde sworen and bi hiara selva sele, hwoder hi an sinre were so grat god hede thes deis ther ma hine mith tha stride bigrette.
Sentence: 2 Sedgiath hia him so grat god, so hi mith stride bigret warth, so skel hi thet mara strid ongan; ni sedgiath hia sin god naut so grat, so skel hi thet lessa strid ongan.
Sentence: 3 (2) Thit is riucht, ther thi ti swerdkempa thingia wolle, thet hi lessa bigreta ni mei than thria pund and achte ensa, so is thet thi stridwerthega sket.
Sentence: 4 So skel thi fria Fresa tha othere an sinne bannena thinge to thingia en thing, thet othere, thet thredde and thet fiarde.
Sentence: 5 Etta fiarda thinge so skelma thet strid weddia.
Sentence: 6 So ist riucht, thet hi enne berend habba skel and thi berend so grat god habba thet hi thet stridwerthega sket al lesta muge; also hine under gretwerd lette, also skel hi under berendskip stan unt thi strideth sweren is.
Sentence: 7 (3) Thit is riucht, thet hia etta thinge thenne eth swora sken and thenne witheth hera.
Sentence: 8 So skel hi tha hand uppa tha helega lidza and thi asega skel him thine eth stawia, thet him god also helpe and tha helega.
Sentence: 9 So ach thi asega thine onthingere monia thet hi up lidze ief hi riucht habbe.
Sentence: 10 So skel hi tha hand uplidza and thi asega skel hem thine eth stawia, thet him god also helpe ande tha helega.
Sentence: 11 So skel hi swigia and thi other swora.
Sentence: 12 Nu skelma him stawia thet him god so helpe ande sine helega, thet hi thine eth riuchte swora and unmenes.
Sentence: 13 Nu skel hi swigia and thi other kwetha: ʽso ik thenne eth riuchte swore and unmenes.'
Sentence: 14 Nu skel hi swigia, and thi other swora, and thi asega skel him [thene eth] stawia: ʽso ik hine na birawade an he and an stre, ner an goda etbera fia.'
Sentence: 15 Nu skel hi swigia and thi other swara: ʽthet ik him so god ni birawade so thria pund [and acht ensa].'
Sentence: 16 Nu skel hi swigia and thi other swora thet hi birawad habbe also god so thria pund and achte ensa, hit [ne] were bettera ief hit skolde.
Sentence: 17 Nu skel hi swigia and thi other swora so hi ni iuwe unriuchte fulleste sunder riucht frana wald.
Sentence: 18 Nu skel hi swigia and thi other swora, so hi mith sinre unriuchte fulleste sunder riucht frana wald.
Sentence: 19 Nu skel hi swigia and thi other swora: so ik nu mith mara riuchte thet raf wither hine hi beta skel.
Sentence: 20 Nu skel hi swigia and thi other swora, so forth, so hi nu mith riuchte thet raf with mi beta skel.
Sentence: 1 (1) Nu thi strideth sworen is, nu is thet riucht thet hi ene berend habba skel, ief hine thi borgia ni wolle, ther hine er borgad hede; so skel hi hine borgia en and tuntich nachta.
Sentence: 2 Thi berend skel wesa also rike thet hi thine stridwerthega sket al lesta muge ther gretwerd ther let was; so skel hi tha berenda waria unt tha ettekere biwexlad send.
Sentence: 3 Ief hi thine kempa winna ni mei, so ach hi thet uppa tha helegum ti brengane thet hit him ned binome; so ach hi eft en an tuntich nachta.
Sentence: 4 Ief him eft brekth, thet hi thine kempa winna ni mei, so ach hi eft en an tuntich nachta.
Sentence: 5 Als tha thria and sextich nachta umbekumen sind, so skel ma thet strid bifiuchta binna tha banne ther hit binna bisworen is.
Sentence: 6 So ach thi skelta thine kere hwer hi thet thing ketha lete.
Sentence: 7 Nu agen hia tha kempan ther ti brengane ther thet strid ledath and ach him thi asega thine kampstal to wisane.
Sentence: 8 Thi kampstal skel wesa thria and sextich fota bred, molles fota umbe alle halva; ther agen tha kempan binna ti wesane and tha gretwerderen, thi skelta and thi asega.
Sentence: 9 Hwaso ekker ingeth, so is hi twa pund skeldich tha grewa.
Sentence: 10 Efter tham ther thi skelta bannes bigent, so ach him thi asega ti delane thet hia binna thrim degem thet strid bifiuchta sken mith tha sex wepnem.
Sentence: 11 Nu sken tha swerd ewen lang wesa, ande thi skelta ande thi asega sken tha wepen skawia and ewende and an morne.
Sentence: 12 So sken tha wepen an tha kampstal bida al ther se tha kempan brengath.
Sentence: 13 Hira skel habba aider twa swerd; ief him thet other breke iefta unsprenge, thet hi ti tha otherum fe, ief hi moge.
Sentence: 14 (2) Thit is riucht, so hwer so thi fria Fresa up otherne en strid thingia wolle, thet hi kuma skel an thing and en other and thet thredde and binna tha thrim thingem sine stedan alle nima skel, ief hi se habba wolle.
Sentence: 15 Etta fiarda thinge nenne stede ni ach, ni were thet strid weddia.
Sentence: 16 Ieftha thet fifte thing, thet skel to sine fordele wesa umbe thet thinglase.
Sentence: 17 (3) Thit is riucht, so thi fria Fresa ti stride thingia welle and thi other tha uta habba welle thet hi binna thrim thingum kuma skel ief hi tha uta habba welle.
Sentence: 18 Ief ma hine mith stride bigret, so skel hi kwetha, hi ni thor bi thes skelta banne iechtwerd ni sekwerd dwan, ni nen thing ti unfane thur thet thet hi ther hus ni hof ni heth.
Sentence: 19 (4) Thit is riucht thet hi sine skelta monia skel ther hi to tiucht an sine nesta buran.
Sentence: 20 So ach him sin asega ther ti delane, thet hi thet uppa tha helegum wita mot hwer sin hus ande sin hof se, hit ne se thet hine thi skelta mith tha efta thinge inhalia welle.
Sentence: 21 Ief hine thi skelta bihlest, so ach hi uppa tha helegum ti sworane, hwer sin hus and sin hof se.
Sentence: 22 Nu skel hi sinra bura twene habba ther hine borgie and also rike se, thet hia thine stridwerthega sket lesta muge, ief hine thi skelta hina leth, thet hi alder andwerda skel.
Sentence: 1 Thit is riucht, thet thi grewa ther hir ban leth thes fiarda ieris bodthing halda mot ther hi wolle.
Sentence: 2 Thit is riucht ho hise halda wolle, thet ma hia ketha skel et allar haudkerkena likum thi prester efter Cristis morne [er ieresdei] thet hia thi grewa halda welle efter sumeres nacht er lettera ewennacht.
Sentence: 3 Thit is riucht, so thi grewa bodthing halda welle, thet hi skel thenne ban up iewa, sowen wikum er ma hia halde, tha skelta and hi ach [nen dom ti delane and] nene ban ti ledane [bihalva umbe nedseken] hit ne se thet ther [en] here an land kume ieftha thet ma [en] wif an nede nime, iefta [thet man] man an huse sle, so mot hi ther rida and sine ban leda.
Sentence: 1 (1) Thit is riucht, thet tha skeltan ketha skellath allerlik binna sine ambuchte thes monandeis et allere dernike sex wikem er ma hia halde and aldus keda: Bodthing keth ik io ower sex wikem an thesse selva dei thes monandeis ti haldane and thes tiesdeis, thes wednesdeis, thes thunresdeis, thes frideis, thes saterisdeis and thes monandeis.
Sentence: 2 Tha sowen degan alle agen hia se ti bannane bi thes koninges banne also ti haldane and ti lestane.
Sentence: 3 So hwa so [se] ther ni sekth, husmanne, so skel hi with thine skelta beta mith twam pundum.
Sentence: 4 (2) Thit is riucht thet tha skeltan thes niogenda deis, thes tiesdeis, thes koninges ban upiewa skent tha grewa alder hiat unfengen.
Sentence: 5 (3) Thit is riucht thet thi grewa thene tiesdei and thenne wednesdei and thenne thunresdei, tha thre degan, also riuchta skel tha liudem, so ma dede an tha bannena bodthinge, thet ma ther riuchta ni machte.
Sentence: 6 So hetath tha thre degan fimelthing.
Sentence: 1 (1) Thit is riucht thet tha skeltan ther tha bodthing haldath and midda dei et underne bannes bigonnen habba sken truch tha strid ther ma greta skel bi sunna upgange.
Sentence: 2 (2) Thit is riucht, so thiu sinne sigande is ande thiu ku tha klewen dane deth, so ne thor thi fria Fresa efter tham thes deis an stride with stan truch thet thet hi er gret ni was.
Sentence: 3 (3) Thit is riucht thet thi fria Fresa ni thor ban thelda fan grewa ner fan skeltum efter sunna sedle.
Sentence: 4 (4) Thit is riucht thet tha liude ther tha bodthing and tha fimelthing halden habbath thet hia ni thorwen efter tham ti there iertele grewa ni skelta ban thelda.
Sentence: 1 Thit is riucht ief thi landseta kweth thet hi thet land ti a here undhant habbe, thet thi hera niar is to witane uppa tha helegum hwanne thet deithing se, than thi landseta.
Sentence: 1 Thit is riucht, alder en man bilift and hire thet wif alles formeth thet hiu etta grewe kwethan skel thet hiu ene berde an hire habbe ther hi an hire tilad habbe and hius hire alles biwene, nu skel thi erfnama hire thet god ande thenne sette bifesta ti hire riuchta deithinge.
Sentence: 2 So is riucht deithing tian monathan.
Sentence: 3 Nu skel hiu binna tha iere and binna dei tha berde birekenia.
Sentence: 4 So skelma hire thet god an hand bisetta (bifesta) mith tha skelta and mith tha asega and mith thes koninges orkendum and mith tha efta tiuge.
Sentence: 5 Nu skel hiu thet god also god andwerdia, so hiut unfucht, ief hiu tha berde ni brength.
Sentence: 6 So sken hia waria twa wif fan aider kenne en, thet hiu naut erges ne dwe.
Sentence: 7 Ak sken hia waria twene man fan aidere kenne en thet ma hire unriuchtis ne dwe.
Sentence: 8 Nu sken tha fif thet god niata unt thiu berde birekenad is, thet thiu berde libbande an tha wrald kome.
Sentence: 9 Ief hia umbe tha berde sennath, ief thet wif kweth, ther fan thes erfnama halem warade thet thet kind naut libbande an tha wrald ni kome, nu hia there berde iath thet hiu ther were, nu send tha twa niar uppa tha helegum ti brengane thet thiu berde en thesse wrald libbade.
Sentence: 10 So ach hiu enne frethe an tha lande and in tha gode thet emma rawe iefta aut unriuchtis dwe.
Sentence: 1 Thit is riucht ief ther en owerlendich man sterfth, so ach thi frana sin god ti bifane, ier and dei ti haldene; ief ther sinra eng efter kumth binna iere and binna dei, tha erfnama ti iewane.
Sentence: 2 Ief ther nemma [efter] ni kumme, thi frana ti habbane thine half del, and thruch sine sele thine other del.
Chapter: XXXVIII
XXXVIII.
Sentence: 1 Thit is riucht, ief thi fria Fresa thriu efte thing binna tha iere socht heveth, so ni mei thi frana niar kuma him than hit uppa tha helegum wita mot hweder hi tha othere socht hebbe than ni habbe.
Sentence: 1 Ief ther emma deth owererd and owerskere and owerdelfta and owermetha, so skelma hit mith twam skillingum beta also lange so hit naut of ni leth; ief hit of leth so skel hi tha nota fella twiskette and tha grewa twa pund ti fretha.
Sentence: 2 [God wreke unriucht thing!]
Sentence: 1 Ief ma enne huskerl et howe upklagath, so skel thi grewa tha skeltum biada thet hia thine man to howe bodie.
Sentence: 2 So skel thi skelta tha bannare biada thet hi thine man bodie ti howe twene degan and sinra bura ehere.
Sentence: 3 Ief hi naut ni welle kuma, so ach hine thi skelta thes thredda deis selva to howe bodia and sinra bura ehere.
Sentence: 4 Ief hi naut kuma ni wolle, so ach hine thes fiarda deis et howe owerherich ti tiugane.
Sentence: 5 So ach thi asega him twa pund ower ti delane truch tha owerhernese etta howe.
Sentence: 6 So skel thi grewa, thi skelta and thi asega biada thet hia to sine fordele fare and ther twa pund ti echtane and ti howe to brengane, iefta hia moten an sinra bura ehere.
Sentence: 7 Ief hit emma ther wereth so skel thi asega allarlikum twa pund updela ther hit [ther] wereden.
Sentence: 8 Niogen hwarva skelma hine bodia and thi skelta thria owerherich tiuga mith sowen thes koninges orkendum, erma him mith riuchte ti brande iefta ti breke dela muge.
Sentence: 9 Ief hi thes alles owerherich worth, so ach ma hine mith here and mith brande ti sekane.
Sentence: 10 So hi berned is so ach thi grewa of hi ther is thenne asega ti bannane thet hi riucht dele.
Sentence: 11 [Ief thi grewa ther naut is, so ach thi skelta thene asega ti bannane, thet hi riucht dele.] So ach [hine] thi asega frethelas ti lidzane [ti delane] and sin god.
Sentence: 12 So ach thi asega to delane thet thi skelta thet erwe bifan skel ti herena hand and ti lioda hand al unt hi thingath herena helde and liuda mith sundrega bote so hi owerbered heth, hit ne se thet hi bet thingia muge.
Sentence: 13 Ief hit naut thingath binna iere and binna dei, so agen heran and liuda mith tha erwa ti dwane thet ther hiara willa se.
Sentence: 1 Thit is riucht, alder thi fria Fresa thruch klage to howe lathad werth and hi to andwerde kumth and gretword owernimth ande hi thet bi tha riuchte biwereth also lange so thiu sunne skinande is, so ne thor hi to tha dei efter senna sedle hweder wed ian ni ban thelda, so skel ma hine al nies bodia also hi er naut bodad ni were.
Sentence: 1 Ief thi grewa ene manne bitigath thet hi owerherich fan howe genge ande him thi asega twa pund updelde and him nenes weddes ni bitigath, so is hi niar twirasum ti unriuchtane than eng thing ti onfane.
Sentence: 2 So ne thor hi ther an riucht forstan thruch thet hi ther unebodad kom.
Sentence: 1 Ief ma enne man ti howe bodath ande hi [ther] gretword owernimth and nachtferst iarath, so ach him thi grewa nachtferst ti iewane one asega dome and hi sin wed to iewane thet hi thes mornes kume and an riuchte stande.
Sentence: 1 (1) Ief ma enne man ti howe bodath ande hi [ther] gretword owernimth and hi ther ti hand an riuchte stan wolle, and thi grewa hit fersta wolle and him sin wed heth iewa so ne thor hi nen [wed] iewa, ni nen owerhernese beta want hi [ther] an riuchte stan wolle.
Sentence: 2 So skel hi mith riuchta one skatha thana rida.
Sentence: 3 Ief ma hine fir up spreka wolle, so skelma hine nies bodia.
Sentence: 4 (2) Ief ma tha bannare an tha bodeskipe dustslek iefta blodresne deth iefta thera eng ther hi mith bodeskipe ther ut bodath, so is sin bote twibete and tha grewa twa pund ti fertha iefta sexasum ti (un)riuchtane.
Sentence: 1 Thit is riucht, alder en strid mith thes skelta banne ande mith thes asega dome sened is ande thi onthingare in en otheres skelta banne ieftha an thene othera sprekth and hi hine to stride lathath, so skel hi kwetha, [thet] hi ni muge hine to stride lathia thruch thet hit him er to sochte bi thes skelta banne ther er thesse skelta was, ni bi thes asega dome and bi thara bura ehere: thet tu mi kestigade ti tolef [manna] ethum and thi asega thet deithing delde and ik alle tach et tha wisida deithinge and also efte and riuchte, so ik nu mith riuchta ni thor with thi an stride ongan.
Sentence: 2 Ief thu thes biseka wolle, so wedde ik thi alsoden tiuch ascha thi asega delt.
Sentence: 3 So delt him thi asega thet efte tiuch.
Sentence: 4 Thest hit blikande [libbande] se, so skel hit tiuga thi skelta, ther him tha ban ower lette and thi asega ther tha ethan stawade thest hia libbath.
Sentence: 5 Ief hia ni libbath, so sken sowen thes koninges orkendan ther binna tha banne seten se allarlik swera mith sunderga ethe, thet hiat mith agum sage and mith arem herde, thet thi asega tha ethan stawade and hi tha lathe alle tach bi thes skelta banne, ther hi nemde, and bi thes asega dome.
Sentence: 6 So sken swora sowen this koninges orkendan and fella thenne asega dom and swera thet hiat mith agem sege and mith arem herde thet thi asega tha ethan alle stawade.
Sentence: 7 So sken hia sowen sedzia, en afara and tha sex folgia ther hia ther mede were thet hi him er to sochte bi thes skelta banne and bi thes asega dome thet hi him tolef ethan weddade and alle tach also fir so hi se hera wolde, thet mith mare riuchte thiu dede stan skel, than hi se unslita skel.
Sentence: 1 Thit is riucht, thet ma mith this dada tiuge naut wera ni mei, ni were fiower deda: en umbe strid ase hi sened heth iefta bifochten; thet other umbe en erwe, hwoder hit onthingad were so ni were, [iefta bisened]; thet thredde umbe bodel hwoder hit him er to sochte [iefta bisened], thet fiarde umbe hof frethe.
Sentence: 1 Thit is riucht, ief en man ina otheres epena slat spreka welle an sin erwe, so skel hi him to kuma mith twira tele and mith thes asega dome.
Sentence: 2 Ief hi ther in ower wolle, so skel hi hine kestigia mith tolef [manna] ethum iefta ti ene swerdkempa.
Sentence: 3 So skelma tha bithingia mith efta bannem and mith efta deithingum.
Sentence: 1 (1) Thit is riucht, alder ma ene manne sin god ofstelt and hi kumith mith tha frana bi thes bures huse and hi ther seka wolle, so skel hi orlewes bidda ande thet god nemma ther hi ther inne seka welle.
Sentence: 2 Nu ist riucht thet hi(t) him fregia skel, hot hi seka wolle; so skel hit namnia.
Sentence: 3 Ief hit so den god se thet ma hit muge an hande [bi]luka iefta under skate bihella, so skel thi frana ingan and sowen mith hem thes koninges orkendan mith gripianda handem and ermem, and unegerd and uneskoch and wraxle, thet ma nen god indrega ni muge ther hia skathia methe muge tha unskeldega manne.
Sentence: 4 Ief hia thet [thiuftigade] god ther inne findath, is hit en willen klath and hit se uneferwad, so mot hit to sine inuerke tian, thet hi tha skep hede [ther tha ulle drogen, ther thet klath fan makad worde].
Sentence: 5 Ief hit linnen is so mot hit to sine eckere tian, thet hit ther on were [thet flax ther on woxe] ther hi thet klath of makade.
Sentence: 6 So sken it swera twene sinra bura thet hi alsoden land hede ther thet flax on waxa machte, iefta hi tha skep hede, ther ma tha ulle of skara machte.
Sentence: 7 Ief hit wrocht gold is, so mot hit to [sine] inwerke tian; ief hit unwrocht is, so skel hit to sine werende tian, iefta ti tha tolneda merkede, [iefta to ene feld farende manne.]
Sentence: 8 (2) Ief ma en god binna enes mannes kamere bifarth ande ther en rekhol is inne and hit so den god is thet ma hit ther in werpa muge, so is hi niar sexasum uppa tha helegum thet god to witane and skethelas wether ti iewane than hi thiaf wesa thorwe.
Sentence: 9 Ief ma hit binna sine thredda slette fint, iefta binna sine huse bidolwen, so skel hi skeldich wessa iefta enne skeldegera winna.
Sentence: 10 Ief hi nenne skeldegera ni heth, so skel hi thet god wether iewa enskette and otherskette, and tha frana ther thet god binna sine banne nimen is, thet werield ti iewane ower alle sine hine, ther ierich send, ther hi binna sine dorim heth.
Sentence: 11 So is thet wetherield fiower ensa and fiowertundesta thrimen penning.
Sentence: 12 (3) Ief thi frana mith tha liudem ene thiuviga gode folgath and hi to enes mannes huse kumth, so skel hi baria hot hi ther inne seka wolle.
Sentence: 13 Ief ma him werth mith wige and mith wepne thet hi thet [bi-] namade god seka ni mot, ief hi ther biseka welle thet hi there sekne ni wernde, so skel thet tiuga thi bannare and sowen sinra galiuda.
Sentence: 14 So hit thi bannare tiuged heth, so skel hi thet riucht [god] wether iewa iefta also grat god, ande tha grewa twa pund.
Sentence: 1 Ief en man ina en bodel thingia welle ande ther en sibbera is binna, so skel hi thia fiower thing alle thingia bi efta deithingum.
Sentence: 2 Etta fifta thinge so ach hi tha inferd ief hi mot; ief hi naut mot, so ach thi skelta thine wach in ti brekane ande hine ther in ti brengane, ief hi mot.
Sentence: 3 Alle tha ther hit mith wige ieftha mith wepne werath, so is hiara allarek tha grewa twa pund skeldich.
Sentence: 4 Ief hi ther in mot, so skel hit an fara flette al bithingia and ief hi heth tha ta, so heth hi ther mithe sin bodel bihalden and sin god.
Sentence: 5 Ief him thera ta berst, so ach thi onthingere enne frethe an tha gode, thet him emma aut unriuchtes dwe.
Sentence: 1 So hwer so ma en god lawegath and thi sibbista mith thinge ti tha huse kumth, so ach thi asega tha allarsibbista in ti delane etta forma thinge.
Sentence: 2 So hi in komen is, so ach hi enne frethe [an tha gode] an fara flette, unt hit bithingad is, hwoder hiara eftera erwa se; so hoder hiara thet biredath thet hi eftera erwa se, so ach hi thine frethe an tha gode and thi other thet god ti remane.
Sentence: 1 So hwer so ma en bodel lawegath nevem and niftem and hia ewenkne send, so hia ti tha fordele kumath so agen hia in ti farane and thes bodles to moniane mith efta orkenskipe tham ther kameran and kaian inne warade.
Sentence: 2 So ach him thi asega ti delane thet hia agen to weddiane allar ek otherum riucht bodeldel.
Sentence: 3 So hia thet [riucht bodeldel bi-] wedded habbath so [sken hia forth drega riucht bodeldel, ascha hiat ther inne habbath and thet an twa dela.
Sentence: 4 So] skel thi asega dela thet hia forth drege, gold and wede ief hiat habbath, and ku and ei, hiara kwikfia and enka ande anderke.
Sentence: 5 So agen hia en feld ti farane and thet erwe ti delane, thet fireste allar arst ande thet neste allar lest.
Sentence: 6 Thet sken tha binna sowen nachtem alle den habba al ti tha huse, hit ne se, so hit him ned binime.
Sentence: 7 Ther skel thi skelta hia to banna thet hia also leste; thet skel wesa thes winteres also thes sumeres, thet ne mei owerfan hoder feste ni fire, mer ther mot ma umbe bodel thingia umbe sowen nacht.
Sentence: 8 Ief thes burblikande godes aut owerleren is, ther hi einlike an siner were hede, tha hi allar nest an sunda liwe was, an skepena wede, ieftha an wrochta golde ieftha an fiowerfotada skette, so skel thi ther kameran and kaian warade thet winna ief [for] ful del nima, hit ne se thet hit him an nedrawe of nimen se.
Sentence: 9 Ief ma ther ange skelda in askath, wollath hia ian, so sken hia tha ielda.
Sentence: 10 Ni wollath hia naut ian, so skel hi swora, ther thet god askath thet hit an thet menbedle iewe tham ther kameran and kaian warade.
Sentence: 11 So skel thi other swora thet hi thet [binamede god] unfenge and an thet menbedle warade.
Sentence: 12 Nu ne mei hi fir skelda ian, ther kameran and kaian warath, than hi mith ku and mith ei ielda mei, and mith bodle binetha [tha] balkum.
Sentence: 13 Ief hit firther ieth so send tha erwa niar thine kere ti habbane hwoder hia unswore than hia ielde.
Sentence: 1 Thit is riucht hwoder hiara sinena so lengera liwath, so ach hi tha besta thriu klathan an ti habbane soma thine otherne ti ther molda bifelt.
Sentence: 2 So hia thet bodel delath, so skel hi tha nima with tha berwede, ande ther ni skel on wesa gold ni selver, ni pellefthredda, ni wede ni worma.
Sentence: 3 Thit is riucht alder ma en bodel dela skel, so skel ma hit also dela asmat samenade.
Sentence: 4 Ief hiara en kweth thet him bodel lavegad se, so skel ma hit ut reda mith koninges orkendum ascha hit inkomen is an skepena wede, ief an wrochta golde, iefta an fiower fotada skette, thet hit binna iere and dei in thet menbedle kome.
Sentence: 1 Thit is riucht etta menbedle: ief thi man kweth thet hi sin erwe seld habbe and in thet menbedil biwerid, so skelmat him fella, ief hit awa mith werde mei an tha burskipe ther hit to seld havit.
Sentence: 2 Ief thio frowe kweth thet hio thet hire seld have, mei hiu thet awa an tha burskipe, ther hiot seld havit, so skelmat here fella.
Sentence: 3 Ief thet bern kweth thet hit thet sin seld have, so skelmat him fella of tha menbedle, ther hit awe mith werde an da burskipe ther it to seld have.
Sentence: 1 Thit is riucht, alder en bodel bithingad werth, and thi unwilliga sin del naut nima ne wel, so ach thi frana this unwilliga del to nimane an therpe and an felda, unt hi to tha huse kome, so ach hi tha thine del to wariane over al.
Sentence: 1 (1) Thit is riucht so hwer so thi skelta en thing halt, thet hi skel biada [riucht] aller mannalikum, ief him emma autis bitigath [so skel hi tian] lada and bota.
Sentence: 2 Ief him emma than aut up spreka welle, so skel thi huskerl [selva] tha bannere biada thet hi thine skelta askie.
Sentence: 3 So skel thi bannare kwatha: ʽHer skelta, ik askie io and banne io ther to mith mines hera banne thet i tha manne riucht andwerd iowe.' Ief hi nelle, so ne ach him nimma iowa lada ner bota, ner nimma sine ban thelda.
Sentence: 4 (2) Thit is riucht an hwelik ban so thi asega kumth and him emma aut up sprekth, so skel hi an tha selva banne aller mannalikum ieva lada ande bota.
Sentence: 5 Iefta hi ne mot nenne dom dela.
Sentence: 1 Thit is riucht an hweleka banne so thi asega enne man askath, thet hi him allidigis iowe lada and bota, hit ne se thet hit mith sine willa fersta wolle.
Sentence: 1 Thit is riucht: hwa so en hors ti dada slaith so ist this landis riucht thet mat ielda mith thrim ensem ande mith twene skilling' ti fretha, hit ne se thet thi other kwatha wolle ther thet hors ach thet him ther mer on ti skatha worden se and hi ther umbe kestigia welle.
Sentence: 2 This hinxtis bote this livis thredde half enze; this oxa bote this livis twa enza; there ku bote thes livis thritich panninga; thes feringes bote thes livis acht penningen and twa enza and twer skillingan ti fartha.
Sentence: 1 Thit isti riuchta bodeleth ther thi iene suara skel ther kamer and kaian warath.
Sentence: 2 So ach hi up to nimane mith siner winnistra hand sine winstra gara and haldane up.
Sentence: 3 So skel hi fan siner furdera hand twer fingeran ther up lidzia and suara thanne.
Sentence: 4 And thi asega stowie him thine eth: thet hi ne have an tha menbedle helid ner hindrad an ha ner an stre, an korne ner an kla[the], an therpe ne an filda, an wepne ne an wede, an golde ne an gara, an selvere ne an slaina panninga, an here ne an hede, binitha ther erthe, ne buppa ther erthe, also god so fiower panningan.
Sentence: 5 Also bruke I livis ande lethana and alle thara hevena ther I nu have iefta ford winne.
Sentence: 6 Thet io god also hilpe and alle sine heiliga also i thene eth riuchte suore and unmenes, hit ne se thet i [iu] binna iere and binna dei bet bithinka muge [ande riuchte thene eth] and I betrie thanne thine [meneth] skada with thine ther I britsen have.
Copyright TITUS Project,
Frankfurt a/M, 15.6.2010.
No parts of this document may be republished in any form
without prior permission by the copyright holder.