TITUS
Minor Old High German Monuments
Part No. 25
Previous part

Text: Georgsl.Tsch. 
Page: M242 
XIX. Georgslied

(Tschirchs Herstellung)

Cod. Pal. (Heidelb.) lat. 52, 200v


Ms. page: 200v 
Line: 1     1. Gorio vuor zi mahalo   mit michilemo herio,
Line: 2     vona dero marko   mit michilemo folko.
Line: 3     vuor er zi demo ringe,   zi heuîgemo dinge.
Line: 4     Daz ding was mârista,   gote liobôsta:
Line: 5     virliez er wereltrîchi,   giwan er himilrîchi.
Line: 6     Daz giteta selbo   der mâro grâbo Gorio.

Line: 7     2. Dô spuonun inan alla   kuninga so manega:
Line: 8     woltôn si inan irkêren :   ni wolta er in es hören.
Line: 9     Herti was daz Gorien muot,   ni hôrta er in es, so eigi ich guot,
Line: 10     nube er al gifrumiti   des er zi gote digitî.
Line: 11     Daz giteta selbo   Sancte Gorio.

Line: 12     3. Dô teuton si inan sare   zi demo karkâre.
Line: 13     dar mit imo do vuorun   engila dê skônun.
Line: 14     Dar vand er zwei wîb,   ginerita er daz iro lîb :
Line: 15     do worhta er so skôno   daz imbîz in frôno.
Line: 16     Daz zeichan worhta dâre   Gorio zi wâre.


Cod. Pal. (Heidelb.) lat. 52, 201r


Ms. page: 201r 
Line: 17     4. Gorio dô digita,   inan druhtîn al giwerêta;
Line: 18     Inan druhtîn al giwerêta,   des Gorio zi imo digita :
Line: 19     den tumbon teta er sprechentan,   den toubon hôrentan,
Page: M244   Line: 20     den blinton teta er sehentan,   den halzon gangentan.
Line: 21     ein sûl stuont êr manig iâr:   ûz sprang der loub sâr.
Line: 22     Daz zeichan worhta dâre   Gorio zi wâre.

Line: 23     5. Bigonta ez der rîcho man   vilo harto zurnen,
Line: 24     Tacianus wuoto   zurnta iz wuntardrâto :
Line: 25     er quat, Gorio wâri   ein goukelâri,
Line: 26     hiez er Gorion vâhan,   hiez inan uzziohan,
Line: 27     hiez inan slahan harto   mit wuntarwasso swerto.
Line: 28     Daz weiz ih, daz ist ala wâr :   ûf irstuont sih Gorio dâr,
Line: 29     ûf irstuont sih Gorio dâr,   wola predigôt er dâr.
Line: 30     die heidenon man   giskanta Gorio drâto fram.

Line: 31     6. Bigonta ez der rîcho man   vilo harto zurnen.
Line: 32     Do hiez er Gorion hintan,   an ein rad wintan.
Line: 33     Zi wâre sagên ih iz iu,   sie brâchun inan in zehaniu.
Line: 34     Daz weiz ih, daz ist alawâr,   ûf irstuont sih Gorio dâr.
Line: 35     ûf irstuont sih Gorio dâr,   wola predigôt er dâr.
Line: 36     die heidenon man   giskanta Gorio vilo vram.

Line: 37     7. Do hiez er Gorion vâhan,   hiez inan harto villen;
Line: 38     man gihiez inan mullen,   zi pulver al virbrennen.
Line: 39     Man warf inan in den brunnun:   er was sâliger sun.
Line: 40     Bolôtôn si dâr ubari   steino michil menigî;
Line: 41     bigontôn si inan umbigân,   hiezun Gorion ûf irstân.
Page: M246   Line: 42     Michil teta Gorio dâr,   sô er io tuot in wâr.
Line: 43     Daz weiz ih, daz ist alawâr,   ûf irstuont sih Gorio dâr:
Line: 44     ûf irstuont sih Gorio dâr,   ûz sprang der wâhi sâr.
Line: 45     die heidenon man   giskanta Gorio vilo vram.

Line: 46     8. Gorio einen tôten man   ûf hiez er stantan:


Cod. Pal. (Heidelb.) lat. 52, 201v


Ms. page: 201v 
Line: 47     er hiez inan dare zi imo gân,   hiez inan sâr sprechan.
Line: 48     Dô segita ...   ... giloubet iz,
Line: 49     sô wârun virlorena,   demo tiufele al bitrogena.
Line: 50     Daz kunta uns selbo   Sancte Gorio.

Line: 51     9. Do gieng er zi dero kamero   zi dero kuninginno:
Line: 52     bigonta er sie lêren,   bigonta si imo es hôren.
Line: 53     Elossandria,   si was togalîcha:
Line: 54     si îlta sâr wola tuon,   den iro sanc spentôn.
Line: 55     Si spentôta iro triso dâr:   daz hilfit sia manig iâr:
Line: 56     vona êwon unzin êwon   sô si in ginâdôn.
Line: 57     Daz irdigita selbo   hêrro Sancte Gorio.

Line: 58     10. Gorio huob dia haut ûf,   irbibinôta Abollîn,
Line: 59     gibôt er ubar den hellehunt:   dô vuor er sâr in abgrunt.
Line: 60     ihn nequeo Vuisolf
Page:    Section:    Manuscript:    Ms. page:  



Next part


This text is part of the TITUS edition of Minor Old High German Monuments.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.