TITUS
Minor Old High German Monuments
Part No. 105
Previous part

Text: Merig.  
Page: B121  
Manuscript: Karlsr._Donauesch._A_III_57  
Merigarto

Cod. Karlsr. (Landesbibl.) Donaueschingen A III 57, p. 1r

1.


Ms. page: 1r  
Line: 1     .........   demo mere duo gab:
Line: 2     daz ubergie iz ni sît,   sô David chuît.
Line: 3     iz ... louffit fruo   unt îlit uuider in zi nôna.
Line: 4     dô er derda unt daz mere giskiet,   duo ni liez er derda doh âna uuazzer nieht.
Line: 5     Ûz der erda sprungan   manigslahte prunnen,
Page: B122   Line: 6     manig michil sê,   in hohe unt in ebene,
Line: 7     uuazzer gnuogiu,   di skef truogiu,
Line: 8     dei diu lant durhrunnen,   manigin nuz prungin,
Line: 9     der dâ kûme uuâre,   ub iz an demo skeffe dar nichome.
Line: 10     michili perga   skinun duo an der erda.
Line: 11     die sint vilo hôh,   habant manigin dichin lôh.
Line: 12     daz mag man wunteren   daz dâr ie ieman durh chuam.
Line: 13     dâmit sint dei rîche   giteilit ungelîhi.


De maris diversitate.


Line: 14     Nû sage uuir zêrist   fon ḍẹṃọ ṃẹṛẹ ṣộ ịẓ ist.
Line: 15     daz nist nieht in ieglîchere stete   al in einemo site:


Cod. Karlsr. (Landesbibl.) Donaueschingen A III 57, p. 1v


Ms. page: 1v  
Line: 16     nâh ieglîchemo lante   uuân iz sînen sito uuente,
Line: 17     nâh leglîcher erda   uuân iz fara uuerda.
Line: 18     Der verit fone Arabia   iu Egiptiland in sînem uuerva.
Line: 19     der, chuît man, vara   uber daz rôta mere;
Line: 20     des griez sî sô rôt   als ein minig unt ein pluot.
Line: 21     indes unt diu erda gêt,   sô dunchit daz mere rôt.


De lebirmere.


Line: 22     Ein mere ist giliberot,   daz ist in demo uuentilmere uuesterot.
Line: 23     sô der starche uuint   giuuirffit dei skef in den sint,
Line: 24     ni magin die biderbin vergin   sih des nieht iruuergin,
Line: 25     si ni muozzin folevaran   zi des meris parm.
Line: 26     ah, ah denne!   sô ṇị chomint si danne.
Line: 27     si ni uuelle got lôsan,   sô muozzin si dâ fûlon.


De Reginperto episcopo.


Line: 28     Ih uuas zÛztrehte   in urliugefluhte.
Line: 29     uuant uuir zuêne piskoffe hêtan,   die uns menigiu sêre tâtan.
Line: 30     duone maht ih heime uuese,   [duo] skuof in ellente mîn uuese.
Line: 31     Duo ih zÛztrichte chuam,   dâ vand ih einin vili guoten man,
Line: 32     den vili guoten Reginpreht.   er uopte gemo allaz reht.
Line: 33     er uuas ein uuîsman,   sô er gote gizam,
Line: 34     ein êrhaft phaffo   in aller slahte guote,
Line: 35     der sagata mir ze uuâra   sam andere gnuogi dâra,
Line: 36     er uuâre uuîle givarn in Íslant,   dâ'r michiln rîhtuom vant,
Line: 37     mit meluue iouh mit uuîne,   mit holze erlîne:
Line: 38     daz choufent si zi fiure.   dâ ist unito tiure.
Line: 39     dâ ist alles des fili   des zi râta triffit unt zi spili,
Line: 40     niuuana daz dâ ni skînit sunna:   si darbint dero wunna.
Line: 41     fon diu uuirt daz îs dâ   zi christallan sô herta,
Line: 42     sô man daz nur dâr ubera machot,   unzi diu christalla irgluot.
Line: 43     dâ mite machint si iro ezzan   unte heizzint iro gadam,
Line: 44     dâ gît mau ein erlîn skît   umbe einin phenning.
Line: 45     dâ mite ........   ...............



Page: B123  
2.

Cod. Karlsr. (Landesbibl.) Donaueschingen A III 57, p. 2r


Ms. page: 2r  
Line: 46     Daz ih ouh hôrte sagan,   daz ni uuillih nieht firdagin,
Line: 47     daz in Tuscane   rin ein uuazzer scône
Line: 48     unt sih daz perge   an ein wisin unter derda,
Line: 49     unte man sîn sô manga   uuola zehen iûche lenga,
Line: 50     An daz selbo velt   sluogin zuêne hêren ir gizelt,
Line: 51     die manigi zîte   uuârn in urliuges strîte.
Line: 52     Duo si des wurtin sat,   duo sprâchin si einen tag,
Line: 53     daz siz suontin,   mêra andere ni hônten.
Line: 54     Dâ daz uuazzer unter gie,   ein samanunga dâ nidar viel:
Line: 55     diu endriu irbeizta,   dâ'z uuidar ûz uuâzta.
Line: 56     Dâ gieng ein man,   uaolt dâ bî giruouuan:
Line: 57     der vernam alla die râte,   die doberan tâtan.
Line: 58     Duo'rz rehto vernam,   duo gier zi demo hêrren,
Line: 59     er sagtimo gisuâso   dero vîante gichôsi.
Line: 60     Er bat in sîn stillo,   hiez in iz nieht meldin,
Line: 61     unte gie mit an die stat,   dâ er ê eino lag,
Line: 62     unte vernam selbo   dero vîante gechôse.
Line: 63     Ûf scoub er den tag,   lobtin uuider an die selbin stat.
Line: 64     mit den er uuolta,   legt er sich an des uuazzeres ûzpulza.
Line: 65     nâh diu si dâ firnâmen,   die suona si frumitan. -
Line: 66     daz ist ouh ein wunter,   daz scrîbe uuir hier unter.

Line: 67     Ein uuîzzer prunno pî Rome   springit vili scône,
Line: 68     demo dei ougin sêrezzin,   der îli si dâr mite nezzin:
Line: 69     uber churze stunt   sint si imo gisunt.
Line: 70     In Môrlant ist ein sê,   der machot den lîb scône:
Line: 71     der sih dermite bistrîchit,   diu hût imo glîzzit.
Line: 72     Allesûa ist ein prunno,   der machot suozze stimma.
Line: 73     der heis ist,   gitrinchit er sîn einist,
Line: 74     er singit sô luto,   deiz wunterint dei liūto.
Line: 75     Sumelîh prunno   irleidit uuînis wunne.
Line: 76     zeinem urspringe   chuît man zuêne rinnen,
Line: 77     suer des einin gisuppha,   daz der ibilo gihukka;


Cod. Karlsr. (Landesbibl.) Donaueschingen A III 57, p. 2v


Ms. page: 2v  
Line: 78     der ava des anderen gileche,   daz der niehtes irgezze.
Line: 79     Man chuît, ouh sî ein prunno,   da man abe prinne
Line: 80     fone huorgiluste,   inbîzzers sô inen durste.
Line: 81     Ouh sagant maniga,   ein uuazzer sî in Campania,
Line: 82     daz nieman sî sô umbâra,   gitrinchet ẹṛ dâra,
Line: 83     ịẓ ṣị̂ uuîb odo man,   si megin sâ chindan.
Line: 84     die ouh gihalten uuellent iro giburt,   die buozziut dâ den durst.
Line: 85     Zuêne prunnen sint in Sicilia,   chumit đara zuo charl oda uuiniga
Line: 86     unte choren di des einin,   sôni durffin si chindes meṇden:
Line: 87     an dem anderen   magin ṣị c̣ḥịṇṭ vuuocheren.
Line: 88     Ouh sint zuô aha   unte in gilîchimo pada:
Line: 89     diu eina ist dâ sô guot,   daz si daz skâf uuîz machot;
Line: 90     ab dem andren iz suarz uuirdit,   ub iz in ofto trinchit.
Line: 91     uuerdent dei uuazzer zisamine gimiscit   unte uuirt iz dâr mite gitrenchit,
Line: 92     sô chodint si, diu uuolla   irsprechila mittalla.
Page: B124   Line: 93     In Idumea,   chuît man, ouh sî ein aha,
Line: 94     diu uuantele die varauua   des iâres vier uuerba:
Line: 95     drî mânot ist si truoba,   drî ist si grasegruona,
Line: 96     drî pluotvara,   drî ist si lutter alagaro.
Line: 97     Allesuâ ist ein sê,   ........
Line: 98     der uuirt drîo stunt sô bitter,   ê der tag uuerda tunker:
Line: 99     after diu ist er in munde   suoz unte lindi.
Line: 100     In Sardinia   ni sint nieht diebe manega,
Line: 101     daz ist fone diu   unt ih sag iu,
Line: 102     daz ein prunno dâ springit,   dei siechin ougin er erzinit;
Line: 103     der ouh ieht firstilit,   porlanga erz ṇịẹṇị ḥịlit:
Line: 104     gisuerit er meinnes   unte gitrinchit er sîn einist,
Line: 105     daz gisûne er so fliusit,   daz er noh sa uuegiskîmen chûsit.
Page:    Section:    Manuscript:    Ms. page:   



Next part


This text is part of the TITUS edition of Minor Old High German Monuments.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.