TITUS
Notker, De Musica 2-5 (F)
Part No. 3
Previous part

Chapter: 4  
Line: 16     DE OCTO MODIS ÷ Tér oúh tia lî\rûn
Line: 17     uuérbe . dér uuérbe sia ze_démo méze . dáz sî úber-dénetiu ne\hélle .
Line: 18     nóh sî fóre sláchi ze únlûtréiste nesî. Díu hóhesta uuár\ba .
Line: 19     únde diú níderôsta . dîe sínt fóre ún-méze úngezâmestûn.
Line: 20     Be díu lóbetôn friges únde dores . tîa métenskáft . tíu únder
Line: 21     diên zuéin íst. Únde álso dores uuóltôn éteuuáz náheren sîn
Line: 22     dero níderôstûn . dánne dero óberostûn . sô uuóltôn friges . éte\uuáz
Line: 23     náheren sîn dero óberostûn dánne dero níderostûn. Dîe
Line: 24     zuô uuárbâ námôt musica . nâh_tiên sélbên gentibus dorium .
Page: 338  
Manuscript page: F12  
Line: 1     modum únde frigium. Únder diên zuískên íst tonus . táz íst íro zuéio ún\derskéit.
Line: 2     Óbe frigio íst lidius . téro únderskéit íst tonus. Óbe lidio
Line: 3     íst éines semitonii hóhôr mixolidius . únde óbe démo hóhôr éines to\ni
Line: 4     ypermixolidius. Nóh tánne sínt trî únder dorio. Níderôr éi\nes
Line: 5     semitonii íst ypolidius . únder démo níderôr éines toni ypofri\gius .
Line: 6     únde áber éines toni níderôr ypodorius. Táz íst ter níde\rosto.
Line: 7     Fóne démo íst hína-ûf ter áhtodo . únde der óberosto ypermi\xolius.
Line: 8     Án dîen octo modis . íh méino ypodorio . ypofrigio . ypolidio .
Line: 9     dorio . frigio . lidio . mixolidio . ypermixolidio . sínt úns keóuget octo
Line: 10     species . diapason simphonię . án dîen uuír fíndên ûf-stîgendo fó\ne
Line: 11     demo níderôsten ze demo óberôsten díse síben únderskéita .
Line: 12     tonum . tonum semitonium . tonum tonum semitonium tonum. Pe díu líu\tet
Line: 13     tíu óberôsta uuárba . duplum gágen dero níderostûn. Únde
Line: 14     be_díu férnín. Úbe dáz ypodorius modus íst . tánne uuír stíllôst
Page of ed. Piper: 856 
Line: 15     ána-uáhên ze_síngenne . únde úbe ypofrigius íst . tánne uuír éines
Line: 16     toni hóhôr ána-fáhên . únde ypolidius tánne zuéio . únde do\rius
Line: 17     tánne éines diatesseron . únde frigius tánne éines dia\pente
Line: 18     hóhôr . únde ypermixolịdius dánne uuír fólles diapason .
Line: 19     íh méino zuíualat hóhôr . dáz uuír dánne hóhôr ána-fáhen
Line: 20     nemugen . uuánda óuh sélbez taz sáng . nôte stîgen sól fóne
Line: 21     déro stéte dâr iz ána-gefángen uuírt . únz tára sîn hóhi
Line: 22     gât . íh méino uuîlôn ióh ze_demo áhtodên buôh-stábe . dér
Line: 23     zuíualt líutet . tánne dér buôh-stáb . ze démo iz ána\fiêng.
Line: 24     Ménnisken stímma nemág fúre fiêrualt nî\eht
Page: 339  
Manuscript page: F13  
Line: 1     keréichet uuérden. Tíu fiêr-uálti íst sô ze_férménne . álsô
Line: 2     íh nû chád . táz fóne demo êristen ána-fánge in ypodorio . sô .B.
Line: 3     íst . álde .C. zuíualt íst hína-ûf hóhi ze_demo .B. álde ze_demo .C.
Line: 4     in ypermixolidio . únde áber dánnân zuíuált hína-ûf ze_sîne
Line: 5     áhtoden buôh-stabæ . dér ímo zuíualt . únde énemo fiêruált
Line: 6     líutet. Târ máht tû chîsen . úbe dáz sáng férrôr stîget fóne
Line: 7     sînemo ána-fánge . dánne ze demo áhtôden buóh-stabe . sô díu fóre\genámda
Line: 8     ántiphona tuôt . dáz iz tánne in permixolidio . ána-ze\fahenne
Line: 9     ne-íst . uuánda án démo modo nîo-man úber den áhto\den
Line: 10     buóh-stab kestîgen ne-mág. Áber an sô-uuélichemo buôh-stá\be
Line: 11     ímo hóho ána-uáhentemo gebrístet . ába démo stúrzet er nô\te .
Line: 12     án daz nídera alphabetum . ze démo sélben buôh--stábe . álso
Line: 13     er óuh sâr dánnân . úbe iz ímo peníderêt . uuídere ûf-kestépfen
Line: 14     mág án daz óbera. Ána-fáhendo hábet er geuuált ze erhé\uénne
Line: 15     sô nídero . álde sô hóho er uuíle . áber sô er erhéuet . únde
Line: 16     fúrder gerúcchet . sô ne-hábet síngendo nehéin geuuált . níderôr
Line: 17     álde hóhôr . ze_fáhenne . âne ába duplo in simplum . álde ábe simplo
Page of ed. Piper: 857 
Line: 18     in duplum . álso er chúnnent, mág án demo monochordo . álde án de\ro
Line: 19     órganûn. Tér die suégela méze . dér bórgee dés sélben . dés
Line: 20     án dero lîrûn ze_bórgenne íst . uuánda úbe die êristûn ze láng
Line: 21     uuérdent . sô sínt sîe sélben únhélle . únde hábent héisa lûtûn .
Line: 22     dóh óuh tie ándere sîn lûtréiste. Uuérdent sie áber ze chúrz .
Line: 23     tánnân sínt tie áfterôsten ze_chléin-stimme . dóh tie êristen
Line: 24     gnûog lûtréiste sîn. Fóne díu chédên dáz éinero élno lángíu
Page: 341  
Manuscript page: F14  
Line: 1     suégela . fóne dero zúngûn ûf . án demo êristen buôhstábe . ze chúrz
Line: 2     sî . únde zuêio lángíu ze láng sî . únde áber únder diên zuískên
Line: 3     gágen ánderro hálbero lángíu gelímflîh sî. Sô hábet tiu áhtô\da
Line: 4     âne hálb diametrum . éinero élno dodrantem in léngi . únde diu
Line: 5     fínfta-zênda mêr dánne trientem . dáz chît den trítten téil
Line: 6     éinero élno.

Next part


This text is part of the TITUS edition of Notker, De Musica 2-5 (F).

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.