Ms. line: 15 | Thoh uuiduru fon then heroston |
Ms. line: 16 | manage giloubtun in inan, |
Ms. line: 17 | oh thuruh thie Phariseos |
Ms. line: 18 | ni iahun es, |
Ms. line: 19 | thaz her fon theru samanungu |
Ms. line: 20 | uzforuuorpfan ni vvurdi. |
Ms. line: 21 ![]() | Sie minnotun manno diurida |
Ms. line: 22 | mer thanne gotes diurida. |
Ms. line: 23 | Ther heilant riof inti quad: |
Ms. line: 24 | therde giloubit in mih |
Ms. line: 25 | ni giloubet in mih, |
Ms. line: 26 | oh in then therde mih santa. |
Ms. line: 27 ![]() | Therde mih gisihit |
Ms. line: 28 | gisihit then therthe mih santa. |
Ms. line: 29 | Ih lioht in mittilgart quam, |
Ms. line: 30 | thaz îogiuuelih thiede giloubit |
Ms. line: 31 | in mih in finstarnesse ni uuonet. |
Ms. line: 1 | Oh oba uuer gihorit minu uuort |
Ms. line: 2 | inti thiu ni heltit, |
Ms. line: 3 | ih ni duomu inan. |
Ms. line: 4 | Ni quam ih zi thiu thaz ih duomti |
Ms. line: 5 | mittilgart, oh thaz ih heile |
Ms. line: 6 | mittilgart. Sentence: 5 Therde mih úozernit |
Ms. line: 7 | inti ni intfahit minu uuort, |
Ms. line: 8 | er habet ther inan duomit: |
Ms. line: 9 | thaz uuort thaz ih sprah |
Ms. line: 10 | thaz duomit inan in themo iungisten |
Ms. line: 11 | tage. Sentence: 6 Uuanta ih fon mir selbemo |
Ms. line: 12 | ni bin sprehenti, |
Ms. line: 13 | oh therde mih santa fater, |
Ms. line: 14 | her mir bibot gap |
Ms. line: 15 | uuaz ih quede oda uuaz ih sprehe, |
Ms. line: 16 ![]() | inti ih uueiz thaz sin bibot |
Ms. line: 17 | lib euuin ist. |
Ms. line: 18 | Thiu ih sprihu, |
Ms. line: 19 | soso mir ther fater quad, |
Ms. line: 20 | so sprichu. |
Ms. line: 21 | Thiz sprah in ther heilant, |
Ms. line: 22 | inti thana gieng inti gibarc sih fon in. |
Ms. line: 23 | Mit diu er so managiu zeihan teta |
Ms. line: 24 | fora in, ni giloubtun in inan, |
Ms. line: 25 ![]() | thaz uuort Esaiases thes uuizagen |
Ms. line: 26 | gifullit vvurdi thaz her quad: |
Ms. line: 27 | trohtin, uuer giloubit unser gihornessi, |
Ms. line: 28 | inti truhtines arm uuemo ist intrigan? |
Ms. line: 29 | Thisiu quad Esaias, |
Ms. line: 30 | thanne her gisah sina diurida |
Ms. line: 31 | inti sprah fon imo. |