| Ms. line: 15 | Fora themo itmalen tage |
| Ms. line: 16 | ostrunu tho uuesta ther heilant |
| Ms. line: 17 | thaz quam zít |
| Ms. line: 18 | thaz her fuori fon therru uueralti |
| Ms. line: 19 | zi themo fater: |
| Ms. line: 20 | mit diu her minnota sine |
| Ms. line: 21 | thie dar uuarun in mittilgarte, |
| Ms. line: 22 | in ente minnota sie. |
| Ms. line: 23 | Erstuont tho fon themo muose |
| Ms. line: 24 | inti legita sin giuuati; |
| Ms. line: 25 | mit diu her intfieng sabun |
| Ms. line: 26 | bigurta sih. |
| Ms. line: 27 | Thanan tho santa uuazzar in labal |
| Ms. line: 28 | inti bigonda thuuahan fuozzi |
| Ms. line: 29 | sinero iungirono |
| Ms. line: 30 | inti suuerban mit themo sabane |
| Ms. line: 31 | themo her uuas bigurtit. |
| Ms. line: 1 | Quam her tho zi Simone Petre, |
| Ms. line: 2 | inti quad imo Petrus: |
| Ms. line: 3 | trohtin, uuesgistu mir nu fuozzi? |
| Ms. line: 4 | Tho antlingita ther heilant |
| Ms. line: 5 | inti quad imo: thaz ih tuon |
| Ms. line: 6 | thaz ni uueistu nu: |
| Ms. line: 7 | thu uueist iz after thisiu. |
| Ms. line: 8 | Tho quad imo Petrus: |
| Ms. line: 9 | ni uuesgistu mir fuozzi |
| Ms. line: 10 | zi euuidu. |
| Ms. line: 11 | Tho antlingita imo ther heilant: |
| Ms. line: 12 | obih thih ni uuasgu, |
| Ms. line: 13 | thanne ni habes teil mit mir. |
| Ms. line: 14 | Tho quad imo Simon Petrus: |
| Ms. line: 15 | trohtin, nalles eccrodo mine fuozzi, |
| Ms. line: 16 | oh henti inti houbit. |
| Ms. line: 17 | Tho quad imo ther heilant: |
| Ms. line: 18 | thiede subri ist ni bitharf |
| Ms. line: 19 | ni sí thaz her fuozzi uuasge, |
| Ms. line: 20 | oh ist al subri. |
| Ms. line: 21 | Inti ir birut subre, |
| Ms. line: 22 | nalles alle. |
| Ms. line: 23 | Her uuesta uuer daz uúas |
| Ms. line: 24 | thie inan salta, |
| Ms. line: 25 | bithiu quad her: |
| Ms. line: 26 | ni birut alle subre. |
