| Ms. line: 5 | In themo eristen tage thero ostruno |
| Ms. line: 6 | giengun zuo thie iungiron |
| Ms. line: 7 | zi themo heilante quedenti: |
| Ms. line: 8 | uúar uuili thaz uuir garauuemes thir |
| Ms. line: 9 | zi ezzanne ostrun? |
| Ms. line: 10 | Senu ther heilant quad: |
| Ms. line: 11 | faret in burc, |
| Ms. line: 12 | inti íu ingangenten |
| Ms. line: 13 | ingegin loufit man íu |
| Ms. line: 14 | uuazzares zuibar tragenti: |
| Ms. line: 15 | folget imo in hus |
| Ms. line: 16 | in thaz her ingengit zi sumemo. |
| Ms. line: 17 | Inti quedet thanne themo hérren |
| Ms. line: 18 | thes huses: meistar quidit: |
| Ms. line: 19 | min zít nah ist, |
| Ms. line: 20 | mit dir duon ih ostron |
| Ms. line: 21 | mit minen iugiron. |
| Ms. line: 22 | Inti her giougit íu |
| Ms. line: 23 | mihilan soleri gistreuuitan, |
| Ms. line: 24 | inti thar garauuet uns. |
| Ms. line: 25 | Tho giengun sine iungiron |
| Ms. line: 26 | inti fundun soso her in quad, |
| Ms. line: 27 | inti garauuitun ostrun. |
