| Ms. line: 28 | Luzila stunta ni gisehet ir mih, |
| Ms. line: 29 | abur luzila stunta gisehet ir mih, |
| Ms. line: 30 | uuanta ih faru zi minemo fater. |
| Ms. line: 31 | Tho quadun sume fon sinen iungiron |
| Ms. line: 1 | untar in zuuisgen: |
| Ms. line: 2 | uuaz ist thaz her quidit uns: |
| Ms. line: 3 | luzila stunta ni gisehet ir mih, |
| Ms. line: 4 | abur luzila stunta gisehet ir mih, |
| Ms. line: 5 | inti ih faru zi themo fater? |
| Ms. line: 6 | Tho quadun sie: uuaz ist thaz |
| Ms. line: 7 | thaz her quidit: luzila stunta? |
| Ms. line: 8 | uuir ni uuizun uuaz er quidit. |
| Ms. line: 9 | Tho forstuont ther heilant |
| Ms. line: 10 | thaz sie uuoltun inan fragen, |
| Ms. line: 11 | inti quad in: fon thiu suohet ir nu |
| Ms. line: 12 | untar íu uuantih quad: |
| Ms. line: 13 | luzila stunta ni gisehet ir mih |
| Ms. line: 14 | inti abur luzila stunta gisehet ir mih. |
| Ms. line: 15 | Uuar uuar quidih íu, |
| Ms. line: 16 | uuanta ir vvuofet inti riozet, |
| Ms. line: 17 | thisu uueralt gifihit: |
| Ms. line: 18 | ir birut abur gitruobte, |
| Ms. line: 19 | oh iuuuer gitruobnessi |
| Ms. line: 20 | uuirdit giuuentit in gifehon. |
| Ms. line: 21 | Thaz uuib thannez birit gitruobnessi habet, |
| Ms. line: 22 | uuanta quam ira zít: |
| Ms. line: 23 | thanne siu gibirit then kneht, |
| Ms. line: 24 | iu ni gihugit thera arbeiti thuruh |
| Ms. line: 25 | gifehon, uuanta giboran ist man |
| Ms. line: 26 | in mittilgart. Sentence: 6 Inti ir uuarliho |
| Ms. line: 27 | nu habet ir gitruobnessi: |
| Ms. line: 28 | abur gisihih íuuuih, |
| Ms. line: 29 | inti gifihit íuuuer herza, |
| Ms. line: 30 | inti iuuueran gifehon nioman ni nimit fon íu, |
| Ms. line: 31 | inti in themo tage mih íouuihtes [[ni fraget]]. |
