TITUS
Johannes Fischart, Geschichtsklitterung
Part No. 35
Previous part

Paragraph: 43      Ein solcher Grillus vnd Silenus, sagt Alcibiad, wer sein Preceptor Socrates. Wie so? Da so, Dann gleich wie solche Hanfgebutzte Apoteckergeschir vnd Weinbüchsen von ausen häßlich vnd greßlich vberaußscheinen14, vnnd doch zu jnnerst mit herrlichem schleck vnd Confect seind geschicket vnnd gespicket, von Balsam, Bisam, Latwergen, Sirup, Julep, Treseneien, vnd anderen kostbaren fantaseien, wie sie ins Reiffen gemusterter Abecedeck zufinden. Also wer auch der Weisest15 Lerer Socrat euserlichem schein nach von gestalt gering anzusehen, also das so du nach erstem anplick ein vrtheil von jm hetst sollen fellen, würdest16 jhne gleich so wol wie der Phisionomygaffer Zopyrus nicht einer Lorischen zwibelschelf oder Knoblauchsbutzen werd gehalten haben, so Bäurisch quartiert von leib war er, so Seeländisch lam von vnfechterischen geberden, so Franciscanisch von zugespitzter Elennasen oder (wie etlich wöllen) Schafsnasen, mit eim glatzenden kopff, eingezogenem halß, haarigem nacken, darzu allzeit lachend, vbersichtig vnd augensperrig wie ein Stier, dem gebunden seind alle vier, von sitten einfaltig, von Kleidung presthafftig, zu Weibern (Aber villeicht Page: 29   nit zum Alcibiad17) vnglückhafftig, im Regiment vntauglich, tranck eim jeden so viel zu als eim andern, war mit allen vberwerflich, redgeb vnnd schimpflich, darmit er seinen hocherleuchten verstand18 decket glimpflich. Aber so du jhm hetst sollen in die Hertzbüchs hinein schawen, würdest ein Recht himmlischen vnschetzbaren Indianischen geruch von edelem gewürtz gefület haben, ein mehrer dann Menschliche klugheit, ein vnüberwindlichen standmut, vnermeßliche nüchterkeit, gewißbestimte genügung, vollkommenen trost, vernünfftige geringachtung alles dessen, darumb jederman so tollgirig zabelt vnd grabelt, laufft vnd schnaufft, machet vnd wachet, kriegt vnd betrügt, wült Page of re-edition: 26  vnd stilt, wandelt vnd handelt, fecht vnd recht vnd alle hertzbefridung verschmecht.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.