TITUS
Johannes Fischart, Geschichtsklitterung
Part No. 48
Previous part

Paragraph: 56      Vnd die Exempel des Alceons, des Rabulischen Aristophans, vnd Alckmans bezeugens : so sagt Sophocles von Eschilo, der Wein hab jm sein Tragedien, wie eyn 'Spiritus familiaris', geschmidt, vnnd ist an seinen vollen Cabiris vnd Jasonsgesellen wol zusehen. So lehrt auch der Pindarisirend Pindarus, man soll Alten Wein trincken, aber auß neuen Poeten frisch blumen prechen. Was geht vns die vnpoetisch neu Postimelisseisch ketzerei an, die alten Marckstein seind nit zuverrucken : was setzt man die Musas so trucken? Wa ist jr Bronnencaballischer huffschlag? Ist es wasser, so ist es warlich mehr dann Artischoisch Weinstarck, dieweil es nur die, so drumb bettelen, also auff Oraculisch verzuckt vnd verpithisirt : Kommen nit Verß vnd Reimen vom singen oder singen vom Reimen? Wie reimt vnnd stimpt sich aber eyn außgetrocknet heysere stimm? pringt aber wasser nicht roscht? macht nicht der eingegossen Wein die Pfeiff resch? Derhalben 'Potor esse volo, Quia cantor esse volo'. Ich Trinck daß ich sing vnd sinck, vnd sing daß ich trinck, spring vnnd hinck : Ich bin eyn Page: 37   Hofmann, kan Senff essen, vnd doch nicht weinen : Kont nit der Heß mit seinen Weingetränckten Versen die Psalmen schön außtrucken? O jhr Potulente Poeten, potirt der pott vnd Page of re-edition: 32  bütten, vnnd potionirt euch potantlich mit potitioniren, compotiren vnnd expotiren, dann potiren vnd appotiren kompt von petiren vnd appetiren, vnnd pringt potate poesei, dieweil potantes sind potentes. Vnnd Potentaten sind Potantes. Vnd wie vnser Horatius singt


Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.