TITUS
Johannes Fischart, Geschichtsklitterung
Part No. 50
Previous part

Paragraph: 58      Jhr Poeten dörft euch des nicht schämen, eben so wenig als ich vnnd der Sauressich Cato von Vtica, der allzeit den Vnmut zuverdistilliren, pflegt zuschlafftrinckeliren : was hat den großleberigen Democrit also gekizelt, dann daß50 er täglich für sein ordinari Diät vier vnnd viertzig Nussel Wein tranck? Kont doch jener Predikautz51, wie im Sauffteuffel steht, am besten predigen, wann er eyn rausch hat : Vnd die Stentorisch Chorbassisten, müssen warlich jr stimm mit Wein zurüsten : Was schads dem Ennio, wann jhme52 schon der neidig tropff Horat, der auch an dem bein gehuncken hat, beschuldigt, sein gedicht zeigten meh Weins an dann Liecht, vnd stinck mehr nach der Weinkant, als dem Vnschlitbrand, mehr nach dem Weintranck, dann dem ölgestanck : Was schad es jhm? es hat jhm dannoch wol geschmackt, beiß jm eyner jetz eyn Or ab. Deßgleichen was schadets mir, daß auch eyn loser Klemdenhund vnnd Maulfranck gleicher gestalt von meinen Büchern halt : kleien und minckelend Hundsmarck gehört in Page: 38   denselben hudler53. Aber wie vil nützlicher, schützlicher, hitziger, kützeliger ist vns der geruch vnnd die krafft vom Rebensafft, als daß schwermütig schmutzig öl : die Ampel vnnd der taache verschlucken viel öls, vnd werden doch nit feißter daruon. Was soll das nüchtern gestänck, wann man nach nüchterkeit schmeckt, 'Ieiunum olet', Nüchtern stinckt eym der Athem, wann man voll ist, schmeckt mans nicht : Ich bin Bienenart, mit öl töd man mich, mit Wein macht man mich lebendich. Nun ist dannoch eyn Bienlin, auch eyn feins Thierlin, dz Honig scheißt.

Page of re-edition: 33 
Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.