TITUS
Johannes Fischart, Geschichtsklitterung
Part No. 54
Previous part

Paragraph: 62      Nun wolauff du meins Hertzens ein Schatz, jhr meine holdselige Lehrkinder, erschwinget vnnd erspringt euch, vnnd leset das vberig leibschützlich vnd Nierenkitzelig, mit lust, nicht mit wust, das ist, daß euch vor rollendem lachen vnd lachendem rollen kein Nestel zerspring, vnd es im Bauch ein aufflauff bring, ich halt sonst die Naß zu. Hiezwischen vergeßt nicht mir einen auff ein gleichs zuzutrincken, Page: 40   ich will euch Bürgen setzen, innsonderheyt so euch der Dörrschnabel reutet : Sauffts gar auß, dann halb trincken ist bettlerisch, es ertrinckt im Mör kein Fisch : jetz das maul gewischt, vnnd dahinden gefist, so seit jhr zum lesen gerüst. ' Subscripsit'. Inn Freuden Gedenck Mein.



Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.