TITUS
Johannes Fischart, Geschichtsklitterung
Part No. 72
Previous part

Paragraph: 19      Da nun gedachte Maulwerff vnd Rubentelber oder Schantzgräber, aber nit Schatzgräber, an disem vnerwercklichen werck lang gegraben, vnnd nichts erhaben, brachen sie den Kasten an eim ort auff : Hei botz tausent hundert Frantzosen da hett einer sein lust gesehen, wie sich die arme Teuffel duckten, als die Weinsteyn so hauffenweiß zu jhnen hagelten : biß der verständigst vnter jhnen, der eynmal eyn Meßner gewesen, das Weinwasser auß allen Maltzenlägelin vnnd Pascalerfläschlin hieß gegen dem Wetter zuspritzen, da hört es auff, als wann man Sanct Antoni Rubenschnitz vorstellt, dann man muß eym Heyligen dienen, mit dem das jhn mag versünen.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.