TITUS Texts: Johannes Fischart, Geschichtsklitterung

TITUS
Johannes Fischart, Geschichtsklitterung
Part No. 77

Paragraph: 24 Nun zu vnsern Flaschen : die mitler vnter denselben stund auff eim lustigen, rostigen, grossen, fetten, dicken, kleynen, schmutzigen, rotzigen, kleberigen vnnd verschimmelten Büchlein, welchs viel stärcker, doch nicht vil besser, als rosen roche. Darinnen hat man seinen stammen, nach rechter Altwilischer Cantzelijscher Teutischer Schrifftartlickeyt, vnnd Artschrifftlichkeyt beschriben⁶⁶ gefunden, nit auff Papir, nit in Wachß, nit in Geißfell, nit in marmor, sonder auff Olmen oder Rüstbaumrinden : welche doch das schabenessig⁶⁷ vnd Madenfressig⁶⁸ alter wider das verbott Keysers Justinian im anfang der Digest in fine Page: 55 wider die vorteilhaffte vnnd Papirsparsame Schreiber, also verzert, abgenützt, durchlöchert, zerkerfft, vergettert, zerflötzt, abgeetzt vnd zerfetzt hat, daß man kaumlich den anfang vnd das end am rand vnd bort hat können erkennen.

This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.