TITUS
Johannes Fischart, Geschichtsklitterung
Part No. 79
Previous part

Paragraph: 26      Zu end des bestimten Fleschenbüchleins stund für ein Mönchisch Korallen Corollari, Schulerisch Appendix, Historisch Supplement, Musicisch Cadentz, der Artzet Misch vnd fiat, Dialectisch Ergo, Retorisch Quamobrem, Notarisch inn krafft Page: 56   diß Brieffs, der Prieffschreiber hiemit Gott befohlen, das Osterlich Allerleiluia, das Teologisch inn ewigkeyt Amen : ja für der Schneider knopff, der Spinnerinn schlupff, der Rimpffer Martsch, Pretspiler Lurtsch, das Schachtisch Matt, das Säuferisch Nägleinklopffen, Gaucklerisch Nemt so für gut, Betlerisch Danckhabt, jedermans Adi, der Kaufleut Summa summarum, vnd für die zwo zugebene Biren (aber 'Mantissa obsonum vincit', die zugab vbertrifft schier die Schuldgab) da, sag ich noch eynmal, stund, eyn kleyn Anhänglin vnd Tractetlin, dessen Titul war70 wie nun gleich folgen würd. Aber die schandliche Mäuß vnd Ratten, Schaben vnd Maden, oder (daß ich weniger lüg) sonst schädliche Thier, hatten den anfang vnd das forder theil (hei daß jhnen der Teuffel das hinder theyl gesegene) gar vernaget : Also daß ich desselbigen, neben den Berosischen vnd Römischen Aneteichen vnnd Antiquarijs, den Armen Protsamschluckern, Winckelschlupffern, Wändschabern, Steynweschern, Seulengaffern, Tulkräpsen vnd Heydochsen, Page of re-edition: 47  noch inn mangel stande. Gleichwol hab ich denselben schimmeligen Steynschabern, vnnd Müntzgaffern, die auch eyn gebuckleten Schröter für eyn Antiwitet auffheben, vnd jedes Mißgewechß auffkleben, zu ergetzung, von wegen Altwibitet, dannoch den vberrest hiemit wollen einpringen : damit möcht jhr mit dem Guttaruff Glucktratrara singen.71



Page: 57  
Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.