TITUS
Johannes Fischart, Geschichtsklitterung
Part No. 274
Previous part

Paragraph: 9      Vnser sprach ist auch ein sprach, vnnd kan so wol ein Sack nennen, als die Latiner 'saccus'. Ich glaube, man meint vnsere Vorfahren haben stäts geschlaffen, vnd nit eben mit so grossem bedacht gewußt jren lieben Kindern Namen zugeben, als die Griechen vnd Latiner. Wir haben jetz das frey Regiment, was dörffen wir vns nach den Sclavischen Römern nennen, die Herren nach den Knechten? Welche Rümling doch, da sie das Keysertumb einhatten, so trotzig gewesen, daß sie vns zur schmach jhre Knecht Getas vnnd Dacos genannt haben. Wie solt es sich reimen, wann die Griechen jre Kinder Xerxes vnd Mardonios, die Römer die jren Perses vnd Stichos, die Sirier Dama, die Frigier Midas genant hetten, die Siger nach den Vberwundenen?

Next part



This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.