TITUS
Johannes Fischart, Geschichtsklitterung
Part No. 314
Previous part

Paragraph: 27      Am Prangfinger oder (verzeicht mir)90 am arsfinger der rechten hand, hett er ein Ring, Spiral oder Pretschetweiß, wie91 die Seiler, Schiffleut vnnd Bronnentrögler die Seil zusamen legen92, gemacht, vnnd darein versetzt ein außbündige Besenbalach, Page: 230   sampt eim93 außgespitzten Diamant, vnd vberauß schützigen94 Smaragd vom95 Paradisischen fluß Physon, oder auff Junitremelisch Pischon. Dann Hans96 Carvel, Oberster Jubilirer vnnd Gestein händeler des Königs von Melinde schätzt sie auff den werd der sechtzig97 tausend million98 flämmischer99 Hämmel der grösten Woll, sampt neun tausent Englischer Rosen Nobel, acht Hundert Gulden Real, vnd 94 Portugalischer Ducaten vom Guldenen Ritter, vnnd 18 Wilhelms Schild. Die Fuckart von Augspurg schätztens nicht geringer100 nach specie bestimpter ablosung, als 900 tausent schurckens, 60 tausent Phillippisch Klinghart vnverruffen, 50000 Peter von Löven. 40000 Arnolds Gulden. 30000 Borbonisch Postulatz, sampt Säcken voll Grivan, vier Eiser, Johannes Brast Pfenning, Königsteiner Batzen vnd Saltzburger gröschlein. Ein gering gelt für einen der keins hat : O die Steyn hatten grosse krafft, wann er auff dem Banck lag, empfand er kein Feder : Vnnd ful nur allzeit auff den ars, wie die Katzen vnd Herren auff die Füß : Vnnd wann er auff den Arß ful, so schads jm nichts am Kopff : das macht die Kinderpauschen waren wol gestopfft.



Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.