TITUS Texts: Johannes Fischart, Geschichtsklitterung

TITUS
Johannes Fischart, Geschichtsklitterung
Part No. 335

Paragraph: 8 Vorzeiten haben die Traces vnd Creter durch weisse stein die freudenreiche glückfertige tag verstanden, durch schwartze die traurige vnglückselige :¹⁶ wie¹⁷ solche stein die Juden Christo nachwurffen, Page: 240 vnd heut von vilen böß bottschafftbringern auffgelesen vnd Damnoclamantisch gebraucht werden : Mir nit des Bottenbrods, ich will mich des Trinckgelts behelffen. Jtem macht nicht der vilsprachmalerisch Eisenthurn inn seinen Calendern etlich Tag mit schwartzen widerwertigen. (.) Etlich mit Roten vnglückhafft, etlich gemeynes Vnglücks, vor dem grossen behüt vns Got. Was? Ist nit die nacht traurig, öd, schwermütig, schläfferig vnlustig, schrecklich, Gespänstgrausend, Hechssenführig, Katzenmautzig, Todenleychig, vnnd etwas Höllischer art? Daß sich auch ein sprichwort daher angespunnen¹⁸, die Nacht sey niemands Page of re-edition: 186 Freund, vnnd derwegen vnholdselig,¹⁹ vnfreundlich, ja Feindselig vnnd feindlich? Dann sie ist schwartz, dunckel vnnd Finster auß mangel : was aber mangel leidet, ist vnuollkommen vnd derhalben vnglückhafft.

This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.