TITUS
Johannes Fischart, Geschichtsklitterung
Part No. 354
Previous part

Paragraph: 4      Er schnitzelt jhm auch von eim grossen Balcken vnnd Schlaiffen ein Rabicanisch Pferd zum jagen, darnach eins Page of re-edition: 197  auß dem Trottbaum zum täglichen brauch. Auch von einer Schwartzwäldischen Tannen,4 vnnd Goliatischen Weberbaum, zwey Maulthier sampt dem Sattel, für die lange weil damit vmbzuspacieren inn der Stuben vnd Kammer : folgends noch zehen oder zwölff zu dem prangen, vnnd siben zur Post : vnnd legt solche Berckgenosse Caballen5 alle zu sich6 schlaffen : daß war sein Stall für solche Ogiers Broifort, Rolands Bridelor, Renalds Baiard : Keysers Adrian Borysthenes, Keysers Veri Volucris, Phöbi Phlegon, Neptuni Scyphius (mag wol Noe Schiff sein, vnnd hindersich, gelesen ein Fisch) deß Plutons Alastor (mag wol hindersich ein Roßstall sein) deß Achillis Balias, den Kyllarhengst deß Castor (mag wol hindersich heissen, der daß Roß stach) Dunckt euch aber daß wunderlich, ha, so dencket wie Ehrlich die Pferd etwann7 mit fürstmäsigen Ehrenseulen seind von den Agrigentinern begraben worden, wie der groß Alexander seinem Kuköpflin ein leichtend8 Liecht9 gehalten, auch Keyser Octauius vnnd Hadrian jhren Gäulen gethan, vnnd Keyser Commodus sein Pferd Prasin inn dem Vatican bestattet : wie solt sie einer dann Page: 255   nit inn sein Gemach stellen, wann sie wie dise Pferd kein Sträu bedörffen vnd keinen Mist machen. Ließ doch Keiser Caius Ligula Caligas, sein pferd 'Incitatum' neben sich an der Tafel sein Futer auß eim Guldinen Beckin essen, vnnd wie den Apuleischen Venusesel Wein drauß trincken : ja sein höchster schwur war, bei seins Leibhengst gesundheit. Ja er machts doch zu seim Mitpriester : vnnd wolts letzlich gar zum Burgenmeyster machen, wie jener Rollfinck sein Pferd, seins10 trabs halben zu eim Paduanischen Doctor : Jedoch meinet Mögeintzer im Antimachiauell, es wer besser 'Incitatissimi' Gäul weren Burgermeyster, Vögt, Pfleger vnnd Amptleut, dann die 'Scheleratissimi'. Ich nem des Goßlarischen Jungherrn Gaul Ramel darfür, der kont am Berg angebunden, also rammeln vnd stampfen, daß er mit dn wolgescherfften Hufeisennegeln ein Goldader entblöset. Haha mit disem Pegaso halt ichs, der scharet vns kein Wasser herfür, sonder gelt zum Wein, das möcht den Poeten gut sein. Mir nit Königs Henrichs Ronsardischen Gaul Haber11, dan ich könt jm nicht lang habern reychen, wann er mir Gomhoberisch das Aug außthurniert. Nur her Sant Märtens pferd, dz hielt König12 klug vnd weiß werd.

Page of re-edition: 198 
Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.