TITUS
Johannes Fischart, Geschichtsklitterung
Part No. 381
Previous part

Paragraph: 6      Auff solchs gleich in frischer that also warm vnd heiß, wie man die Pastetlin frißt, schafft er jm einen grossen Sophistischen 'Supermagister'16 genannt Herr Trubalt17 Holofernes, der18 vnser Strotzengurgelchen sein Namenbüchlin, sein Abecetäflin, das groß Lehrprett, damit Hercules seinen Lehrmeister Linum todt schlug, garbald lehret, daß ers im sinn in vnd außwendig, hindersich vnd fürsich kont, wie die Segmüller. Vnd in solchem Läßwerck vnd Schreibbüchlin üben pracht er fünff jar vnnd drey Monat zu. Darnach lehret er jhn den Donat, den Facet, Theodolet, vnd Alanum in Parabolis, vnnd verzert 13 Jar, sechs Monat Page of re-edition: 209  vnd zwen darmit : Dann wer reden will lehrnen19, muß vor stammlen lehrnen20. Page: 270   'Iuxta illud, Minorans se maiorabitur' : der kleinst muß den grösten dienen.21 Hiezwischen solt jhr aber auch wissen, daß er die Gottische Schrifft hat lehrnen schreiben, wie deren Exempel etlich Lazius vnd Goropius zeigen. Er schrib auch alle Bücher, dann die Truckerkunst war noch nit auffkommen, der Gutenberger zu Straßburg vnd die Schäfer von Mentz warn noch in 'Lumpis' Abraham : Drumb22 trug er allzeit ein grossen wüsten schreibzeug, vnnd pennal, welcher wag siben tausent quintal nach Venedischem gewicht zu Nörnberg gelifert, vnd daß calamar war so groß vnnd dick als der groß Pfeiler zu Enach vnd der gegossenen Seulen eine in der Abtei zu Schafhausen : daneben hing an einer dicken Fallpruckketten ein dintenhorn, welchs so viel hielt als die Bambergische Brutkessel23.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.