TITUS
Johannes Fischart, Geschichtsklitterung
Part No. 521
Previous part

Paragraph: 13      Also ward Gargantua angezogen82 vnnd Gubernirt, vnnd pracht solche weiß durch täglichen geprauch inn ein gute gewonheit, vnnd nach seins alters vermöglichkeit zu grossem nutz, wie jhr hört. Welches wiewol es erstlich schwer scheinet, jedoch ward es durch stäte vbung so leicht, süß vnnd angenem, daß es viel meher ein kurtzweil für ein König, als befleissigung vnd lehr eines Schulers war. Gleichwol Herrkundlob83 auff daß er jhm von diser strengen sinn vnnd Leibsbemühung zuzeiten eine fristung gebe, gieng er jhm etwann in eim Monat ein schönen Tag auß, an dem sie morgen Frü auffprachen, vnd entweders84 gehn Gentili85 zogen,86 oder zu Charantonsprucken,87 oder Sant Claudi, oder Montrouge, aber nit Rotenburg bey Tübingen, dahin die studenten wöchlich vmb guten Wein walfarten, Papir zuholen, welchs sie gleich so wolfeil ankompt, als wann die Nörenbergischen Bierbrauwer gärlichs höfen in Türingen holen : oder es stattlicher zuvergleichen, als wann man das 'Pallium' zu Rom holet. Vnnd daselbs pliben sie als dann Page: 375   den gantzen Tag, vnnd machten des besten dings gut geschirr, als man erdencken mag : rammelten, rolleten, luderten, trancken genug, spileten, sungen, jauchtzeten, kögelten, dantzeten, kälberten sich etwann auff einer schönen grünen Wisen, bürtzelten, suchten Vogelnester, namen Spatzen auß, fiengen Wachtelen, triben Federspiel, bestelten ein Lerchenherd, angelten : fiengen Frösch, Krebseten, gruben Schnekken, badeten, fiengen Ael, besahen die Binenkörb, hauten Gerten vnd Meyen, machten Weidenflöten vnd Holderpfeiffen, stelten den Kautzen auff den Kloben, führten einander Page of re-edition: 290  auff dem Schlitten den Berg auff vnnd ab, vogelten. Vnd übten ein jungen Sperwer.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.