TITUS
Johannes Fischart, Geschichtsklitterung
Part No. 530
Previous part

Paragraph: 8      Vmb die zeit, wan man die Nuß schwingt, hüteten34 des Grandgusiers35 vnderthan Bangart oder Bannwarter, vnnd sonst die nächst vmbligend Hirten derselbige gegene der weingärten vnd Reben, auff daß die Staren vnnd sonst jhres geschlechts vögel nit die Trauben abfressen36. So kamen eben damals die Wassernotelenbecken vnnd Käßkrapffener von Lerne daher mit eim gantzen Hörzug Karren getrottelt37 vnnd geschottelt, die zehen oder tausent last Nuteln, Baurenküchlein vnd Page: 384   Käsfladen in die Stat führen wolten. Die gedachte Bangart baten sie bescheidenlich jnen nach gemeinem lauff des kauffes vmb das gelt etlich Käßstrauben zukauffen zugeben : Dan jr solt wissen, das es aus 'Merulæ' Kockai erfarung, eyn recht Amprosisch vnd Männisch essen ist, frische Notelpauntzen zu den Trauben nüchtern einnemmen, fürnemlich zu den Hindischen Muscatellertrauben, Stockbören, Knusselen, vnd Spantrauben, wan eyner villicht verstopfft ist : Dann sie treibens von eym Knebelspieß lang38 vollkommen handvöllig, wie die Westerischische Ael : Ja offt wann sie dencken eyn Fürtzlein zulassen, so bescheissen sie sich gar, daher heissen sie die Herbstduncken vnd Herbstbescheisser.

Page of re-edition: 297 
Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.