TITUS
Johannes Fischart, Geschichtsklitterung
Part No. 547
Previous part

Paragraph: 7      Etlich starben ohngeredt, etlich redeten ohngestorben, etlich starben vnd redeten, etliche redeten vnnd starben. Andere rufften62 von heller Stimm, Confessio, Confessio, 'Confiteor, Miserere, In manus'. Es war ein solch geschrey von erschlagenen, daß der Prior mit allen seinen Mönchen hinauß gieng, vnnd als sie die arme Leut also tod vnd verwund inn denn Reben ligen sahen, erbarmeten etlich sich vber sie, höreten63 etlich Beicht. Aber vnder des die Priester beicht hörten64, liefen die junge Mönchlin alle an dz ohrt, da bruder Jan sich prauchet, vnnd fragten Fr. 'Iohannes', können65 wir dir helffen?66 da67 sagt er, macht den schelmen Page of re-edition: 311  allen kragab68. Flugs sie hin, werffen jhre Kappen oben auff den nechsten Rebenhalter, fangen an wetzen vnnd schleiffen, wie der best Säumetziger, vnd stechen den Feinden, wie den Hünlin die Gurgel ab, vnnd fertigen69 sie also70 inn ein par stunden hinweg : So bald lehrnt das Kalb von der Ku : So gern greiffen die nach dem messer, denen es verbotten ist. Wist jhr mit was eisen vnnd messer sies thaten? Mit schönen guvetlin vnnd stümpflin, welchs kleine halbe Messerlin sind, damit die kinder diser Land die Nuß schelen vnd ergrübelen, gestalt wie die Taschenmesser : darvon die Seckelabschneider ein muster genommen.

Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.