TITUS
Johannes Fischart, Geschichtsklitterung
Part No. 617
Previous part

Paragraph: 3      KOenig Bittergroll5, als jhm die, so auß der niderlag, da Hauptmann Wurststumpen von Kuttelnbach die stumpen dahinden ließ, vnnd entkuttelt ward, entkamen6, den Handel, wie es mit dem Gaucklerteuffel ergangen, referierten, ward er so gichtig, böß vnd kiebig, daß er vor zorn ein Nuß mit dem Arß auffgebissen het, fürnämlich da er vernam, daß jhm auch die Teuffel abgesagt hetten : vnnd hielt die gantz Nacht raht : Page: 497   zu letzt beschlossen seine Hauptleut, Herr Hastiueau Schöllkopff, Pfankratz Streichdenbart, Hannibal Truckinsgseß, Clade Toucquedillon, Nickel von Degenrauschenburg, Sebald von der Beseichten Scheiden, vnd der Freyherr von Schnuderentingen, er were7 mit seim Heer so mächtig, daß er auch alle Teuffel, wann sie kämen, bestreiten könt. Welches doch Picrochol nit so gar kont glauben, gleichwol verzagt er nicht : Sondern schicket mit den Hauptleuten Streckdenstiel vnd Niergentan, sechzehen hundert Reuter zu leichten Pferden zum Scharmützel das Land zuberennen, alle mit geweiheten Fanen, wol genetzt vnnd besprengt mit Weihwasser, vnd ein jeder ein Pfaffenstol, hinden am Rucken abfligen für ein Feldzeichen, auff daß sie auff allen fall, wa sie die Teuffel antreffen8, beid durch krafft dises Gringorianischen Wassers, vnnd auch der Kerseufelstol vnd kehrtheuffelstol, sie vertriben vnd verjagten.

Next part



This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.