TITUS
Johannes Fischart, Geschichtsklitterung
Part No. 623
Previous part

Paragraph: 3      DA4 der Mönch die Bittergrollischen Gesellen sahe on ordnung also dauon schnellen, kont er wol erachten, daß sie den Gurgelstrossa6 vnd sein Volck vberfallen würden : vnd bekümmert sich hefftig, daß er jhnen nicht beiständig solt6 sein. Darnach ersah er, was für Hundsfisel7 diese zwen Birsschützen seine verwarer wern8, daß sie nemlich wie die Rappen den Wölffen, allzeit liber dem grösten hauffen wern gefolgt9, etwas Page: 501   zuerbeuten, derhalben sie dann allzeit10 gegen dem thal zuschileten, da die andere hinab ritten, als daß sie da eim11 losen Klosterpsalter12 außwarten mußten. Zu dem Sillogisirt vnnd schloß er bei sich13 selbs, diß Gesind hie weiß nicht viel Kriegsprauch, dann sie haben nie kein verlobung noch trew von mir genommen, vnd haben mir meinen Gottslesterer, dise schöne Mäderfochtel noch nie abgefordert, derhalben mag ichs wagen : Zuckt darauff flugs die Fochtel, schlug14 auff den Schützen zur rechten, hieb15 jhm eins streichs die halßtrosseladern sampt der Weinstraß biß zum Lufftror ab, zuckt16 noch einmal vnd öffnet jm das Spinalmarck zwischen dem andern vnnd dritten Ruckknochel. Da ful der arm Schütz vngeschossen vnd vngesegnet Todt zur Erden. Folgends warff er seinen Gaul zur Lincken vmb, strich17 auff den andern, welcher als er seinen Gesellen todt vnnd den Mönch jhm vberlegen vermerckt, schry vnd floh er, vnd floh vnd schri Gotts jämmerlich. Ha Page of re-edition: 387  Herr Prior, ich ergib mich, O Herr Prior mein Freund, O mein Heyliger Herr Prior. Der Mönch rufft nicht deß weniger auch hingegen, Ha Herr Posterior, mein Freund, O mein heiloser Herr Posterior, man wird dir18 die Posteriora herumb keren : Ha, rufft der Schütz, mein lieber Herr Prior, mein Edeler Keyser? O Herr Prior, daß euch Gott wöll zum Abt machen. Bei meim heyligen Aronskleid, schwur der Mönch, ich will dich19 hie zum Cardinal machen, daß dir die roht Kapp herab hencken soll : Wie? jhr Picrochollisten, Solt jhr die Geistliche hie Rantzionen? euch am Geistlichen Fleisch oder Fleischlichen Geist vergreiffen? Ich will dir20 jetzund also par mit meiner hand ein rohts Hütlin auffsetzen. Aber der Schütz schrie jmmer fliehend fort, Herr Prior, Herr Prior, O heiliger zukünfftiger Page: 502   Abt, mein Ehrwürdigster Herr Cardinal, O mein Herr vberall? Ha, ha, hes, nein Herr Prior, mein groß GrandPrior von Malta, ha, heiß, nein mein hertzlieber Herr Prior, ich ergib mich. Vnd ich gib dich, sprach der Mönch, allen Teuffeln für eigen, wollen sie sich mit keim Schelmen zahlen lassen, will ich jhnen morgen meiner Brüder einen schicken : Spaltet jhm hiemit gleich den Schedel, daß jm das Hirn an der Haut der Hirnschalen auff die achsel hing, wie ein Doctorhäublin, daß jnnwendig rot, außwendig schwartz ist : vnd also zur Erden todt nidersanck. Auff solche that, gab der Mönch seim Pferd die Sporen, Ritt21 stracks dem Pfad nach, welchen22 die Feind fürgenommen hatten, die23 dann bei der Landstrassen den Gurgelstroßlinger24 vnnd sein Gesellschafft zu jhrem nachtheil betretten hatten : Dann sie bereit durch vngläublichen streit, dessen von der Gurgelstrosen, mit seim zuvor außgeropfften Baum25, vnd des Kampffkeibs26, Lobkund27, Artsichwol28 vnd anderer gewaltiger Wehr, also geringert waren, daß jhnen die Katz inn alle macht den Rucken hinauff lieff, vnd anfiengen als vor eim gewissen Todt zufliehen. Ja29 aller massen, wie jhr an eim Esel secht, wann jnen die Junonische Roßprämen stechen, hin vnd wider ohn weiß vnd weg laufen, seine bürd von jm schütteln, Zaum vnd riemen zerreissen, ohn vnterlaß wie ein Veitsdäntzer springen vnd hindenauß schlagen, vnd niemand wissen mag, wer jn darzu treibet, dann niemand sicht, wer jhn anrhüret. Also flohen diese Leut, als Page of re-edition: 388  ob sie vnsinnig weren, vnnd nichts von sich selbs wüßten, noch wer sie jaget, dann es nichts als ein Panischer Laubplattrauschender schrecken war, den sie jhnen so steiff einbildeten, als ob jhnen der Hencker auff dem Rucken wer. Welchs als es der Mönch ersah, Page: 503   das nur jr sinn zufliehen vnd zu Fersengeben stund, stieg er von seim Roß, trat30 auff ein grossen Hügel der im weg stund, vnnd mähet mit außgestreckten Armen mit seiner Fochtel vnter dise flüchtige Protverderber, wie ein anderer Todenvorläuffer der Höllen. Tödtet vnd erlegt auch so vil, vnd ließ sie so dapffer durch die Prenn lauffen, daß jhm sein fochtel entzwey prach, da gedacht er, das es genug werd sein, weil jhm die Wehr inn der faust erstarret war, auch wußt, das stäts etliche vberzulassen,31 so32 die zeittung heimpringen. Derhalben erhascht er eines der erschlagenen Spiß, vnnd stellt sich wider auff den Hügel, zusehen wie die Todten vnter einander zabelten33 vnnd grabelten34, vnnd die vberige, die daher Ritten drüber bürtzelten,35 doch ließ er jnen jre Wehr, Spieß vnd Büchssen nemmen. Aber die so die Pilger gefesselt führten, hieß36 er freundtlich absteigen, vnd gab den gedachten Pilgern jhre Pferd, vnd behielt sie bei jm, sampt dem gefangnen Duckendilen. Gleichwol redet er jnen freundtlich zu, vnnd tröstet sie, das besser sey gefangen, als gehangen : besser im Schiffpruch jhm mit eim hacken den arm durchstechen, vnd sich also retten lassen, als ersauffen : wiewol einmahl ein vndanckbarer Gauch einen drumb verklagt.



Next part


This text is part of the TITUS edition of Johannes Fischart, Geschichtsklitterung.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.