TITUS
Guido de Columnis, Buch von Troja
Part No. 58
Previous part

Paragraph: (58) 
Sentence: 821       Priamus, der konigk, antwerte ane rat und vorbedechtikeit:
Sentence: 822    Mich wundert dyner werbunge.
Sentence: 823    Du heischt das, das man von eynem obirwunden kaume hische.
Sentence: 824    Du vorderst gnugkthuunge den Crichen, und sie sint eyne sache dises kriges.
Sentence: 825    Sie haben mir mynen vater, bruder und nesten und dy meynen irmordet, myne stat Troya zu grunde gestoret und die mynen gefangen und in ewigen dinste behalden, mine swester Exionam entfurt, die vor war gekebest wirt als eyne bufynne.
Sentence: 826    Dennoch wolde ich geswegen und mich kriges entslaen haben und sante zu yn Anthenor, das sie mir doch myne swester wider geben.
Sentence: 827    So wolde ich alle schaden vorswegen haben.
Sentence: 828    Was mynen boten dar obir zu antwert wart, das wist ir und ich wol.
Sentence: 829    Ich kan zcwar uwer bete nicht irhoren, ich wolde ee gar vorterben.
Sentence: 830    Do von so ist Agamenon des sicher, das ich keynen fride mit den Crichen haben wil, wenn sie haben mich al zcu swinde geleidiget, und weret ir nicht boten, ich lise uch irwurgen umb der wart wille, die ir uns vorgelegt habet.
Sentence: 831    Gebet weg von mir.
Sentence: 832    Ich mag uch nicht an gesehen.
Sentence: 833    Das lachte Dyomedes und sprach:
Sentence: 834    Konigk, magestu ane zcoren nicht geseyn, weil du uns siest, so mustu zcornen, weil du lebest, sint die Crichen also stargk hie sint, das sie von dyner stat nicht [czihen] wollen, sie haben dir sie denne an gewonnen.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.