TITUS
Guido de Columnis, Buch von Troja
Part No. 113
Previous part

Paragraph: (113) 
Sentence: 1723       Das globde Amphymacus zu volbrengen und hilt das gar heymlich.
Sentence: 1724    Aber nicht ist so heymlich, das nicht geoffenbart werdet, und die gebuwer sprechen, das die erde uß wirfft und offenbart heimliche ding.
Sentence: 1725    Man waiß nicht, wie der rat des koniges geoffinbart wart.
Sentence: 1726    Und zcu staden swuren Anthenor und Eneas mit yren helffern, die stat zu verraten, und wurden des eyn, das sie vor den konigk nicht kommen worden wenn mit macht, sint sie in der stat gar mechtig waren und starg von frunden und magen und waren euch die reichsten, also das sie dem konige vil nahe gleich waren.
Sentence: 1727    Do von so dachten sie manche wege, wie sie mit den Crichen zu rede omochten kommen, die stat zu verraten, nemende habende sicherheit von den Crichen, das sie yrer frunde und habe sicher weren.
Sentence: 1728    Dornoch hieß Priamus Eneaß und Anthenor in den rat und meynte zu enden, das er ym vorgesaczt hatte.
Sentence: 1729    Aber sie quomen noch dem, als sie eyn waren worden, mit vil gewopenten.
Sentence: 1730    Als das Priamus sahe, sagete er Amphymaco, das er an sich hilde.
Sentence: 1731    Am andern tage lud der konigk die von Troye gar vor sich.
Sentence: 1732    Alß sie do waren, sprach Eneas, das es bequeme were, mit den Crichen zu reden umb süne und fride.
Sentence: 1733    Das vorvolworten die von Troya mittenandir.
Sentence: 1734    Do der konigk do widder sprach, sagete Eneas:
Sentence: 1735    Herre, worumb seyt yr hir wydder?
Sentence: 1736    Wir wollen mit den Crichen eynen fride handeln und süne, es sy uch lip adder leit.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.