TITUS
Guido de Columnis, Buch von Troja
Part No. 125
Previous part

Paragraph: (125) 
Sentence: 2071       Als Ulixes entwachte, wunderte er sich swinde dises Gesichtes.
Sentence: 2072    Er fragte dye meyster, erkenner kunfftiger dinge, und yn vor geleit den traum, was er doch bedeute.
Sentence: 2073    Sie quornen alle obireyn, das er beozeichente, das yn seyn son ermorden werde.
Sentence: 2074    Des erschrag Ulixes, und synen son Telamatum ließ er vahen und festiglich behalden.
Sentence: 2075    Er selber Ulixes koß ym eyne stat uß, das er sicher wer.
Sentence: 2076    Er ließ sie bewaren mit eyner mauren und eyner zcogebrugken und leite do vor vil huter.
Sentence: 2077    Ulixes hausfraw Circze ging swanger und gebar Telagenum.
Sentence: 2078    Als der XV jar alt wart, fragte er dy muter, wu syn vater wer.
Sentence: 2079    Noch vil beten lö berichte sie yn, wu er wer.
Sentence: 2080    Er nam orläp von der muter und wolde zu dem vater.
Sentence: 2081    Als er vor die brugke quam zu den hutern, die wolden yn zu Ulixes nicht lassen und worden yn geweldiglich weg treiben.
Sentence: 2082    Als wart er zcornig und slug yn yn den nagken mit der faust und slug ym die kete des halses enczwey, das er starp.
Sentence: 2083    Die andern huter warff er in den graben von der brugke.
Sentence: 2084    Ulixes wolde sehen, was do wer, und dochte, ab es des gefangen sones knechte wern, und hatte ein schos sper in syner haut.
Sentence: 2085    Als er sach eynen unbekanten man, schos er mit dem schos sper zu ym.
Sentence: 2086    Aber Telagenus irgreiff das sper und schos widder zu ym und wunte yn yn den tod.
Sentence: 2087    Ulixes vil zu der erden.
Sentence: 2088    Er frogte strandeln[d]e an den werten, wer er doch wer, und gedochte an synen traum.
Sentence: 2089    Telagenus fragete Ulixes wydder, wer er wer.
Sentence: 2090    Er sprach:
Sentence: 2091    Ich byn Ulixes.

Next part


This text is part of the TITUS edition of Guido de Columnis, Buch von Troja.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.