TITUS
Alexanderroman (Johann Hartlieb)
Part No. 32
Previous part

Chapter: 23  
Paragraph: 30  
Darius' Zinsboten

Line: 752   Wie die poten Dary nach dem zins komen. XXX


Line: 753     Als nun Phylippus vnd Olimpiades wider mitt ainander veraynnett wuerden
Line: 754     vnd zu guetten frewndten worden waren, da was langczeitt daz lanndt capadocia
Line: 755     in großen frewden. Vber ettleiche czeitt da kamen von kunig Dario auss
Line: 756     persya gesanntt gross mochttig potten vnd vordertten den zynnss vnd gultt an
Line: 757     kunig Phylippen, wann der kunig Darius was so mochttig, daz er gar vil kunig
Line: 758     beczwungen hett, im alle iare gultt vnd czinns zugeben. Nun was kunig Phylipp
Line: 759     auch czynßpär. Darumb komen die potten Darii zuuordern den
Line: 760     zynnss, als sy dann vor vil czeitten den albeg gehabtt hetten. Da daz erhortt
Line: 761     Alexander der iunge, er besanntt die potten fuer offenn ratt in dem palast vnd
Line: 762     sprach zu in: 'Ir seytt potten vnd soltt wider reytten zu kunig Dario vnd im
Line: 763     sagenn, die weyl kunig Phylipp kainen sun hett, die weyl hett er ain hennen,
Line: 764     die legtt im alle tag ain guldein ay. Dasselb hab er geren geben Dario. Als pald
Line: 765     aber kunig Phylipp ainen sun gewan, da wardt die henne vrleg vnd woltt kain
Line: 766     aye mer legen vnd darumb well Phylippus dem kunig kchain zynnss, gultt,
Line: 767     noch tributt geben. Daz sage ich ewch darumb, daz ir ewch paldt von dem
Line: 768     lanndt hebtt vnd es kunig Dario sagtt'. Mitt dem gab er den potten vrlawb vnd
Page: 120  Line: 769     belayttet sy auss dem kunigkreich sicher, wann Alexander hett sein volck als
Line: 770     starck vnd kchuen gemachtt, hyett er sy nichtt belaytt, sy hietten die potten all
Line: 771     erschlagen. Alexander der stuendt auf in dem sal vnd sprach: 'O ier lieben
Line: 772     kchryechen, seydt mändleich vnd gebtt nyemand kchainen zynnss. Wier wellen
Line: 773     von andern lanndenn zynnss erlangen. Vnd frewett ewch, wann ich wil ewr
Line: 774     getrewer vorgeer sein vnd in allen notten fuer ewch steen.' Da daz erhorttern
Line: 775     die kchryechen, die anttwuertten im mitt lawtter stymbe gemainckleich vnd
Line: 776     ruefften: 'Gelobtt sey Alexander, der vns erlost hatt vonn aller diennstparigkaitt'.
Line: 777     



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.