TITUS
Alexanderroman (Johann Hartlieb)
Part No. 34
Previous part

Chapter: 22a  
Paragraph: 32  
Olympides wird entführt

Line: 785   Wie Olympiades gefangen ward vnd Phylippus starb. In dem XXXII


Line: 786     Das selb lanndt hett ainer ynne von kunig Phylippo, der hyess Panasana vnd
Line: 787     was geporenn von dem geschlächtt Oreste. Derselb Pansana hett vast holtt
Line: 788     Olimpiades vnd sameltt gar ain großes heere vnd czoch in capadocia fuer des
Line: 789     kunigkch Phylippen palast vnd nam darauss mitt gewaltt die kunigin Olimpiades.
Line: 790     Phylippus straytt mitt im vnd wardt syglos. Panasana der iagtt auch
Line: 791     Phylippum vnd ranntt in seinen rugkch ain gleyßende lanczen, daz er fuer tode
Line: 792     lage auf dem veldt. Da wardt gross iamer vnd layde, wann mänigcleich hieltt,
Line: 793     daz der kunigkch Phylippus erstochen vnd tode wär. Vnd darumb wardt in
Line: 794     hochem muett enczucktt der Panasana vnd gieng mitt gewaltt in den palast
Line: 795     Phylippi vnd nam dar auss mitt frauel die kunigin Olimpiades vnd fuertt sy
Line: 796     von dem ynndern palast. Geleich zu der czeitt kam Alexannder von armenia
Line: 797     vnd hett die beczwungenn, da erhortt er soleich layde. Er eylett resch vnd paldt
Line: 798     fuer den palast zu sechen sein liebe muetter. Da nun sach Olimpiades iren
Page: 121  Line: 799     lieben sun, da schray sy lawtt vnnd mitt heller stymbe vnd sprach zu irem
Line: 800     lieben sun: 'O lieber sun Allexander, wo ist dein grozzer syg, der dier vonn den
Line: 801     gottern geben ist? Wann die gotter gesagett haben, du solltest mein erloßer vnd
Line: 802     beschiermer sein. Wie läst du dein muetter so in großem leyden, wann dein
Line: 803     vatter erschlagen ist, so pin ich gefanngen. Wie richest du vns?' Da daz Alexannder,
Line: 804     der getrew frewndt seiner muetter erhortt, er was vast laydig vnd
Line: 805     beraytt sich zu streytt vnd des was auch Pannsana beraytt. Sy kamen zu samen
Line: 806     in den streytt. Alexander der durchranntt Pansanam mitt ainem gleyßenden
Line: 807     sper, daz er totter lag vnder dem pfaͤrdt. Daz sach sein muetter. Die andern
Line: 808     wuerden alle erschlagen von den getrewen kchryechenn. Da kam ain pott, der
Line: 809     sagtt im laydige mer, diee Alexanders hercz vast betruebetten, wann er sprach,
Line: 810     sein vatter wär erschlagenn. Er naygett sich gegen seiner muetter vnd eylett
Line: 811     paldt mitt waynnenden augen vnd betruebttem herczen zu seinem vatter. Da in
Line: 812     ersach Phylippus, er sprach gar liepleich zu Alexandro: 'Lieber sun der mein,
Line: 813     yecz wil ich froleich sterben, so du mich gerochen hast vnd den vngetrewen
Line: 814     Pansanam ertottet hast, der mein vnderthan geweßen ist vnd an mier so vbel
Line: 815     gethann hatt vnd mein groster veindt gewesen ist'. Als er dißew wortt volsprach,
Line: 816     da gieng im sein sele auss. Wie kchlägleich sich Alexander stellt ob
Line: 817     seinem vatter, daz ist kchawm zu beschreiben vnd er schwuer pey dem gott
Line: 818     Amon, daz er an allen rechenn woltt Phylippen tode, die an im schuldig waren.
Line: 819     Daz geschach. Er hiess Phylippum gar kostleichen bestatten vnd machtt im ain
Line: 820     grab mitt grozzer czyerhaytt vnd legtt darein seinen vatter. Er bewainett sein
Line: 821     sterben, als dann der kchryechen sytt ist.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.