TITUS
Alexanderroman (Johann Hartlieb)
Part No. 44
Previous part

Chapter: 41b  
Paragraph: 42  
Clitomacus bittet führ Theben

Line: 1002   Wie ain gerader man kam vnd sein stat erwarb. XXXXII


Line: 1003     In sein heere was komen ain man von thebas, der gab sich auss, er woltt mitt
Line: 1004     den allerpestenn schiermen, ringen vnd springen, ob im auch ain kchron werden
Line: 1005     mochtt. Die mär komen pald fuer Alexandrum. Er gepott den seinen
Line: 1006     rittern, daz sy im des vnd aller kchuerczweyl statt thetten. Von stundt wardt
Line: 1007     besanntt ain starcker wolbehenndter vechtter. Da wardt geleich were dar
Line: 1008     gelegtt vnd yettwederm scherm gehaltten. Gar maisterleich vnd wol wardt
Line: 1009     geschiermett. Aber der purger vonn thebas, genannt Clitomacus der gesygett.
Line: 1010     Er kam fuer Alexandrum vnd begertt der kchronn seines siges, den er erleich
Line: 1011     erfochtten hett. Alexander sprach zu im: 'Du hast noch zway außgeben, die
Line: 1012     bewär ich auch, so wil ich dier dann nach deinem verdiennen begabenn.'
Line: 1013     Clitomacus der purger von thebas rang vnd sprang da, daz er vor allen kchryechen
Line: 1014     den preys gewan. Als er kam fuer Alexandrum vnd begerett der kchronn
Line: 1015     seines siges, den er gar ritterleich errunngen vnd ersprungen hett, da fragtt in
Line: 1016     Alexander, wer er wär vnd vonn was geschlächtt er geporen waͤr. Chlitomacus
Line: 1017     sprach: 'Ich hayss Chlitomacus vnd pin gepoͮren von fuerstleichem stamen
Line: 1018     vnd ich hett ain moͮchttige statt, ee du mein kunigk warest; seydt aber du mein
Line: 1019     herr worden pist, so hab ich nichtt mer, dann was du mier gibst.' Alexander
Line: 1020     was weys vnd verstuendt wol, daz er herr was zu thebas vnd gab im erlawbnuss,
Line: 1021     auch goldt vnd silber, daz er sein statt thebas wider pawen soltt in der
Line: 1022     eren der dreyer gotter: Der erst gott hyess Hercules, der was der pest schiermer,
Page: 128  Line: 1023     vnd in des Mercury ere, der was der pest ringer, vnd in des Polluxis, der
Line: 1024     was der pest steyger vnd springer. Also wardt thebas wider angefangen zu
Line: 1025     pawen. Daz hett auch der abttgott Appollo vor gesagtt: wann der himel
Line: 1026     newnczig mal vmbgieng, so wuerdt man thebas wider pawen. Nun waren von
Line: 1027     der czeitt newnczig tag vergangen. Wie kostleich die statt gepawen wardt, das
Line: 1028     vindett man in dem puech Virgily.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.