TITUS
Alexanderroman (Johann Hartlieb)
Part No. 190
Previous part

Chapter: 188b  
Paragraph: 186  
Dindimus' Antwort an Alexander

Line: 4555   Wie Dindimus Allexandro antwurt gab. CLXXXVI


Line: 4556     Dindimus, der kunig pragmannorum, thett Alexandern schreibenn ain episteln,
Line: 4557     als hernach stett. Da mitt gab er im anttwuertt. Diee epistel: 'AIs Alexander
Line: 4558     begerett zu wißen, was rechtte vnd ware weyßhaytt sey, ob du daz nichtt
Line: 4559     wayst vnd doch darnach begierleich fragest, daz ist gross an dier zu loben,
Line: 4560     wann rechtte vnd ware weyßhaitt ist vbertreffendt alle kunigkreich vnd allen
Line: 4561     schacz der erden. Wann kunigkreich vnd schäcz der werltt gewynnett man mitt
Line: 4562     grozzenn sorgen vnd arbaitten, so erlangt man die weyßhaitt mitt eingeczogem
Line: 4563     gemuett vnd mitt ynnwendiger betrachttung vnd mag doch kain reich
Line: 4564     die lenge sunder rechtte weyßhaitt besteen. Wann weleicher kchayßer oder
Line: 4565     kunig weyßhaitt vnd der waren phylozophia mangeltt vnd daran ist, der mag
Line: 4566     nichtt gehayßenn ain kunig, sunder ain dienner aller der, die mitt im wonen
Line: 4567     vnd wanndeln. Alexander, als du begerest vnser gepott vnd leben zuwißen,
Line: 4568     dier daz auss zulegen bedunckt mich sein gar vnmugleich, wann ich hab wol
Line: 4569     woͮrtt vnd synne, dier daz zusagen. Du hast aber nichtt oren, daz du daz
Line: 4570     gehoͮren oder mercken mugst. wann dein gemuett ist so gar weytt schwayffende
Page: 240  Line: 4571     vnd vmbfaren, yecz mitt krieg, yecz mitt nottczwang, yecz mitt notduerfft
Line: 4572     den deinen zuraychen, yecz da kchunttschafft zusendten, yecz ander
Line: 4573     strazz zusuechen, daz ich an dier erkenn die meinen geschrifft oder meinee
Line: 4574     wortt mugt begreiffen, wann die sytten vnd gewoͮnhaitt, auch daz leben vnd
Line: 4575     statutt der pragmanden sindt gar verr von deinem leben. Darumb hett ich mier
Line: 4576     gancz fuergesecztt zuschweygen vnd woltt dier damitt vrlawb geben haben,
Line: 4577     wann ich ways wol, daz ich souil reden nichtt kan, daz ich all dein schwayff
Line: 4578     gedancken zusamen pringen mag. Wann du pist so hoͮch vnd vast beladen mitt
Line: 4579     maniger sorgfelttigkaitt, daz du noch mynnder magst gelusmen vnd zuegehoren,
Line: 4580     dann ich dier gesagen mag.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.