TITUS
Alexanderroman (Johann Hartlieb)
Part No. 192
Previous part

Chapter: 188d  
Paragraph: 188  
Das Leben der Pragmany
Page: 241 

Line: 4598   Wie der pragmany leben sey. CLXXXVIII


Line: 4599     Daz volck vnd alle geschlächtt der pragmannen vnd was yee von in koͮmen vnd
Line: 4600     entsproßen ist, daz lebtt gar aines raynnen, schlechtten, ainfolttigen lebens
Line: 4601     wann vnder in allen ist nyemandt yee gewesen in leben, oder noch darynne ist,
Line: 4602     der kain vermaylung, vnsytten, schandt, schmach, laster oder vnpildt yee
Line: 4603     gelytten oder ainem andern gethan hab vnd allee vnczymleiche ding sindt in
Line: 4604     verr, wider vnd fromdt. All vnnßer geschlächtt vnd volck, weyb vnd man,
Line: 4605     sindt mitt solleichen guetten sytten komen vnd erczoͮgen in ain solleiche erbre
Line: 4606     gewonhaitt, daz nyemandt vnder vns begertt andders oder willen hatt,
Line: 4607     dann allain zu dem, daz die natur mit rechtter beschaydenhaitt zu aller nott
Line: 4608     begertt vnd ayschett. Vnder vns ist kain widerwärttigkaitt; alles, daz yedem
Line: 4609     begegentt, daz duldet vnd leydett er gar willigcleich, vnd wem kainerlay
Line: 4610     widerfuer, daz ewch vnczimleich bedäwchtt, daz bekumertt vns gar nichcz,
Line: 4611     wann was zuefäl, zuestande oder einfäl vns geschiechtt, daz leyden wier alles
Line: 4612     gerenn durch vnnßers gottes willen. Wier schäczen vns auch nichtcz sein notduerfft,
Line: 4613     dann daz wier geleich wol haben mugen, vnd was wier nichtt gehaben
Line: 4614     mugen, daz beduncktt vns zuuuil sein, ob wier daz hetten. Darumb haben wier
Line: 4615     allczeitt genueg vnd vns czerrynnett nymmer weder klain noch groß. Was wier
Line: 4616     vns neren sullen, des haben wier gar genueg, es kumbtt auch vns gar leichtt
Line: 4617     ann, wann alles, daz wier haben, nyeßen vnd geprawchenn, daz wächst vns
Line: 4618     auss der erde, die durch vns mitt kainem eyßen nyee verserett wardt. Wann
Line: 4619     souil tregtt die erde, des nichtt nott ist kainem menschleichem geschlächtt, sy
Line: 4620     zu offenn. Wann die mischung der elementt wurckt aus der erde alles, daz wier
Line: 4621     beduerffen, vnd was darauss nichtt wächst, daz wär vns gar zuuil zuhaben. Bey
Line: 4622     vns ist kain geytt, wann wier haben all ainmuettigleichen genueg.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.