TITUS
Alexanderroman (Johann Hartlieb)
Part No. 194
Previous part

Chapter: 188f  
Paragraph: 190  
Die Gleichheit der Pragmany

Line: 4636  
Wie si all geleich leben. CLXXXX


Line: 4637     Es ist kainer vnder vns, der kainer hilff oder trostes von dem andern beger,
Line: 4638     
noch yee begerett hab, so lanng wier gewesen sein in dißem tottleichem leben,
Line: 4639     
wann was ainer hatt, daz hatt auch der ander. Wier leben in rechtter gemain
Line: 4640     
vnd nyemandt hatt vor dem andern kainerlay. Darumb bedoͮrff ainer des
Line: 4641     
andern hilff noͮch trostes nichtt. Bey vns ist weder neyde noch hazz, wann die
Line: 4642     
statt, diee neyd vnd hazz gibtt vnd machtt, die ist nichtt bey vns, wann es ist
Line: 4643     
pey vns nyemandt edler, dann der ander, nyemandt ist ob dem andern, alle
Line: 4644     
ding sindt geleich bey vns vnd darumb mag nyemandt dem anndern weder
Line: 4645     
neyde noch hazz tragen. Wann der gruendt des rechtten neydes ist nichtt
Line: 4646     
anders, dann ainem andern nichtt gunnen, was im liebes oder lustes widerfertt
Line: 4647     
vnd daz der selb neyder daz nichtt auch gehaben mag. Des enist pey vns nichtt,
Line: 4648     
wann wier sein all geleich, so haben wier all geleich genueg. Wier sein all vast
Line: 4649     
reich vnd haben all genueg, wann die armuett, die tragen wier all geleich.
Line: 4650     
Darumb so sein wier all geleich reich. Inn allem vnnserm lanndt
Line: 4651     
geschiechtt nymmer kain gerichtt, darumb ist zangken vnd hadern auch nichtt
Line: 4652     
pey vns, wann wo nichtt gerichtt sindt, da bedarff nyemandt kainer widerrede.
Line: 4653     
Wier beduerffen auch darumb kaines richtters noch straffers, wann nyemandt
Line: 4654     
ist vnnder vns, der vnrechtt oder kainerlay straffleiche sach thuee.



Next part



This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.