TITUS
Alexanderroman (Johann Hartlieb)
Part No. 199
Previous part

Chapter: 188fd  
Paragraph: 195  
Was Sorge und Angst macht

Line: 4713   Was sorg vnd angst macht. CLXXXXV


Line: 4714     Sorg vnd angst prichtt vnnßern schlaff nichtt in kain weys, noch die schwären
Line: 4715     gedancken zerstrawen nichtt vnnser gemuett. Wier gedencken nymmer hocher
Line: 4716     noch grozzer zu werden, dar vmb sein wier offt in stillem fride. Kain hochfartt
Line: 4717     ist bey vns, wann nyemandt begertt vber den andern zu sein. Wier wunschen
Page: 245  Line: 4718     kaines reichs, noch begeren nichtt, daz nyemandt vnder vns sey. Allen gewaltt
Line: 4719     der werltt schäczen wier fuer ain große sargfeltigkaitt, wann wer vil lewtt hatt,
Line: 4720     der muess vil sorg vmb sy haben vnd manigerhanndt nottduerfft in
Line: 4721     zuraychen. Wann wie groͮss der werltt reichtumb ist, so wierdt er doch verczertt.
Line: 4722     Wann woͮ großer reichtumbe ist, da ist vil, die in verczeren vnd verwueesten.
Line: 4723     Vnd wann ich dier die sach rechtt erczellen sol, so ist der herr aines
Line: 4724     großen volckes ir aller kchnechtt. Des alles achtten wier nichtt, wann vnnser
Line: 4725     yegleicher hatt nichtt mer zuuersorgen seinthalben, dann seinen leibe. Dem ist
Line: 4726     dann gar leichtt zu wartten, wann daz erdtreich gibtt im speyss, so gibtt im die
Line: 4727     fluett der wazzer getranck. Pey vns ist auch kchain schonn gewandt noch
Line: 4728     kchlayde, wann wier sein von erde koͮmen vnd wellen wider zu erde werden.
Line: 4729     Darumb wellen wier die erde, die wier mitt fuezzen tretten, nichtt mitt schonnen
Line: 4730     kchlayden bedecken. Wann aber die natur ettleiche gelyder zu offnner
Line: 4731     arbaitt gegeben vnd geschickt hatt vnd ettleiche gelyder zuuerporgen dingen
Line: 4732     geordentt hatt, welleiche gelyder dann zu offen wercken gehoren, da ist nichtt
Line: 4733     nott, daz man daz verperg oder zuedeck, welleiche gelyder aber durch scham
Line: 4734     willenn zu haymleichen wercken gehoren vnd darczue geschaffen sindt, die
Line: 4735     selben haimleichen gelyder verpergen wier vnd deckchen sy zuee mitt matten,
Line: 4736     geflochtten von pinczen oder anderm waychem gewächs.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.