TITUS
Alexanderroman (Johann Hartlieb)
Part No. 333
Previous part

Chapter: 289  
Paragraph: 324  
Begräbnis Alexanders/ Wieviel Städte er gebaut hat

Line: 7341   Wie Allexander bestät ward. CCCXXIIII. Wie vil er stett pawett. CCCXXV


Line: 7342     Alexander lebtt drewunddreyßigk iare vnd hett in czwolff iarenn alle werltt im
Line: 7343     vnderthan vnd gehorsam gemachtt. Er hett gepawen zwolff stett vnd die all
Line: 7344     nach seinem namen genenett. Er hatt gepawen ein statt vnd nennett die alexandria
Line: 7345     an die statt, da sein wunderleich rozz Buffaly begraben wardt. Er hatt mer
Page: 328  Line: 7346     gemachtt vnd gepawen alexandriam die hochen in den stainwendten, darnach
Line: 7347     hatt er aber gepawen ain statt vnd sy genantt alexandriam bey dem kunig Porus
Line: 7348     vnd ain statt in scitia gepawen vnd genantt alexandria vnd ain statt genantt
Line: 7349     alexandria in babilonia vnd ain statt genantt alexandria bey massagetas vnd ain
Line: 7350     statt in egipptten, die hayst alexandria, da er begraben ligtt. Vnd bey origata
Line: 7351     hatt er gepawenn ain statt genantt alexandria vnd ain statt genantt alexandria
Line: 7352     hatt er gepawen bey granieto, auch ain statt genantt alexandria bey traiado vnd
Line: 7353     aynn statt alexandria genantt hatt er gepawenn bey tygris, dem grozzen wazzer
Line: 7354     vnd ain statt genantt alexandria pey dem gepirge schanttos. In allen den stetten
Line: 7355     hatt er an yegleich thor mitt kchriechischen puechstaben geschriben, warumb
Line: 7356     er die selben stett gepawenn hatt vnd gab yegleicher ettleichen kchriechischen
Line: 7357     puechstaben zu fueren in ir panyer vnd iren schiltt zu ainer gedächttnuss
Line: 7358     seines lebenns.




Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.