TITUS
Alexanderroman (Johann Hartlieb)
Part No. 341
Previous part

Chapter: 296f  
Paragraph: 333  
Ptholomeus erobert das Land der Saxen
Page: 331 

Line: 7433   Wie der weiß Ptholomeus zoch in das land saxen vnd nam das ein. CCCXXXIII


Line: 7434     Da nun der weys Ptholomeus daz ersach vnd nichtt anders verstuendt,
Line: 7435     dann daz alle gotter zornig waren auff die kchriechen, er besameltt all sein
Line: 7436     machtt, weyb vnd kchindt vnd alles guett vnd fuer auf daz mer mitt in vnd daz
Line: 7437     ander volck vnd auch viech czoch auf dem lanndt vnd kerett gein norden vnd
Line: 7438     westen vnd woltt suechen ain lanndt, darynne er vnd die seinen wonen mochtten.
Line: 7439     Also kam er durch rawßen vnd lyttaw vnd durch prawßen, da vandt er gar
Line: 7440     ain schoͮnn, weytt lanndt an daz mer stozzendt, daz hiess sachßen. Daselbst
Line: 7441     schlueg er sich nyder vnd prachtt mitt im solleichen grossen reichtumb ann
Line: 7442     goldt vnd silber, daz es nyemandt gesagen mochtt. Er fuertt auch mitt im
Line: 7443     ettleich fuersten, diee sein mag waren, den tayltt er daz ander lanndt. Wie aber
Line: 7444     er daz lanndt gewunn vnd es behieltt, daz stett geschriben in dem puech, daz da
Line: 7445     sagtt von vrsprung der sachßen. Zu der zeitt sameltten sich funff fuersten:
Line: 7446     Phiton, Illirius, Calca vnd zwenn vetternn Neumenes, die czugen mitt grozzem
Line: 7447     heer auf den vnuerczagtten Anthigonum. Anthigonus der begegent in gar
Line: 7448     mandleich vnd straytt mitt in. Er gesygtt vnd schlueg seiner veindt gar ain
Line: 7449     groͮße menig. Die funff fuersten fluchen in ain klain castell vnd santten poͮtten
Line: 7450     zu dem verrättleichen morder Antthypatro vnd patten vmb hilff inn.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.