TITUS
Alexanderroman (Johann Hartlieb)
Part No. 345
Previous part

Chapter: 296j  
Paragraph: 337  
Anthigonus will Roxa und Hercules mit List ausschalten

Line: 7494   Wie Anthigonus woltt Roxam vnd Herculem mit listen erledigen. CCCXXXVII


Line: 7495     Vnder den was der vnuerczagtt Anthygonus. Der sameltt gar vil guetter vnd
Line: 7496     vast streyttpär mannen vnd sprach, er woltt Herculem, den sun Alexanders,
Page: 333  Line: 7497     ledigen von seiner väncknuss. Da verstuenden ettleich fuersten wol, daz er es in
Line: 7498     vntrew thett vnd selber geren herr vnd kunig in kchryechen gewesen wär. Sy
Line: 7499     sameltten gar ain gross volck vnd zugen wider Antthygonum auf wazzer vnd
Line: 7500     auf lannde vnd strytten mitt im. In dem streytt wardt syglos Antthygonus vnd
Line: 7501     sein sun Demetricus. In dem syg wuerdenn gesellen Cassander vnd der iung
Line: 7502     Ptholomeus vnnd zugen mitt einander mitt vast groͮzzem heer in macedo. Da
Line: 7503     lytten sy grozze nott. In den wueesten hawßernn da waren gewachsen souil
Line: 7504     mäws, raczen vnd poͮßer thyer vnd wuerm, daz sy dem heer grozzen vngemach
Line: 7505     thetten vnd auch gar vil lewtt vnd viech vmbprachtten vnd sy mitt
Line: 7506     gifftigen pißen vnd hecken tötten. Darnach komen sy wider in macedonia. Zu
Line: 7507     derselben zeitt was nun Hercules vierczechen iar altt. Da sameltt sich alles
Line: 7508     volck, fuersten vnd edling, burger, handtwercker vnd pawren vnd santten zu
Line: 7509     Cassander, daz er irenn herren Herculem ledig liess, wann sy woltten inn
Line: 7510     haben vnd haltten fuer iren rechtten erb kunig vnnd sprachen: 'Wie woͮl Roxa
Line: 7511     ain poͮss wortt hatt vnd in vnlewndten geuallen ist, so ways doch nyemandt
Line: 7512     kain rechtte warhaitt. Darumb wellen wier Herculem haltten fuer ainen rechtten
Line: 7513     erben'. Sy sprachen mer: Moͮchtt Cassander fuerpringen mitt rechtt, daz
Line: 7514     Roxa ir stätt zuprochen hiett, so woltt sy geren rechtt vber sy geen laßenn vnd
Line: 7515     sy prennen, als dann zu der czeitt gewonhaitt vnd sytt.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.