TITUS
Alexanderroman (Johann Hartlieb)
Part No. 348
Previous part

Chapter: 296m  
Paragraph: 340  
Viele Fürsten kämpfen gegen Anthigonus

Line: 7543   Wie vil fürsten wider Anthigonum stritten. CCCXXXX


Line: 7544     Selencus der fuerst prachtt auss asya auch gar grozze menig guettes, streyttpares
Line: 7545     volckes. Der selb Selencus hett gar vil lanndt in orientt beczwungen mitt
Line: 7546     seinen gesellen, die er von Alexandern heer nam. Wan er besazz am ersten
Line: 7547     babiloniam mitt grozzem gewaltt vnd machtt sy im vnderthan vnd gehorsam.
Line: 7548     Daz reich barithan gewann er auch mitt seinen großen streytten. Er was auch
Line: 7549     czogen in indiam vnd den hawbttman, den Alexander gesecztt hett, der hett
Line: 7550     sich des landes vnderwunden, den schlueg er zu toͮde vnnd vnderwandt
Line: 7551     sich der lanndt aller. Da nun die fuersten all zusamen komen waren vnd vast
Line: 7552     grozze machtt ann volck vnd guett zusamen prachtt hetten, da czugen sye auf
Line: 7553     Antthygonum. Der begegentt in mitt gar krefftiger hanndt. Der grawssamleich
Line: 7554     streytt wardt erhabenn. Da wardt gar herttigcleich gestrytten. In dem
Line: 7555     streytt viellen die aller grosten fuersten vnd herren, die in allem kchriechen
Line: 7556     lanndt waren. Da wuerden auch souil lewtt erschlagen, daz sy vor gestanck
Line: 7557     nyemandt geczelen machtt noch kundt. Antthygonus wardt auch geschlagen
Line: 7558     zu tode, doch wuerden die seinen syghafft an dem streytt.



Next part


This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.