TITUS
Alexanderroman (Johann Hartlieb)
Part No. 356
Previous part

Chapter: Epil.  
Paragraph: Epil.  
Line: 7660   Die beschliessung des puͦchs vnd wer es zuͦ dem tütsch gemacht hatt.


Line: 7661     Allergenädigste fuerstin, das puech hab ich, doctor Harttlieb, dier vnd deinem
Line: 7662     gemachel vnd kchinden zu dewtczsch gemachtt nach dem rechtten techst, als es
Line: 7663     Sand Ewsebius geschriben hatt. Es sindt auch ettleiche andrew puecher, die
Line: 7664     auch sagen vonn dem leben Alexanders. Ich kan aber nichtt versteen, daz sy
Line: 7665     pewärtt sein. Darumb haltte ich nicht dauon. Allergenädigste fraw vnd fuerstin,
Line: 7666     nymb dicz mein arbaitt genadigkleichen von mier auf vnd habe daz an den
Line: 7667     manigfelttigen genaden vnd trewen, so du mier, meinem weyb vnd kchinden
Line: 7668     tagleich thuest vnd gethann hast, wann wie wol daz sunder arbaitt nichtt gesein
Line: 7669     mag, so beuiltt noch tawrtt mich doch gar nichcz, wamitt ich deinen genaden
Line: 7670     gediennen mag oder kan. Daz machett dein hochgeadeltter muett, so du zu
Line: 7671     allen tugendten vnnd kchunsten hast. Daz kumbtt von der wol vnd geleichgeschickten
Line: 7672     conplex, so dein leibe hatt. Den selben deinen leibee vnd dein thyeff,
Line: 7673     gross vernwnfft geruech der aynig gott, vnnser lieber herr Jhesus Christus in
Line: 7674     langwerender gesundthaitt behaltten. Amen.

Line: 7675     Daz gegenwuerttig puech hatt schreiben laßenn der allerdurchlewchttigist
Line: 7676     hochgeporen fuerst vnd herr, herr Albrechtt, pfalczgraue bey reynn, herczog
Line: 7677     in bayren vnd graue zu vohburgk vnd ist geschechen vnd geendett von des
Line: 7678     hernach benannttenn schreibers hannden an dem abendt des heiligen lerär Sand
Line: 7679     Ieronimus, des romischen stuels cardinal nach Christi Jhesu, vnnsers
Line: 7680     liebenn herrenn gepuerdt vierczechen hundertt, darnach in dem vyerundfunffczigisten
Line: 7681     iaren.


Line: 7682   Iohannes Frawndorffer vonn tyerenstain auss osterreich

This text is part of the TITUS edition of Alexanderroman (Johann Hartlieb).

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.