TITUS
Ulrich von Eschenbach, Alexander
Part No. 52
Previous part

Chapter: 74  
Permenio erobert Tharsis


Verse: 6263       Permêniônem er rîten lieʒ
Verse: 6264    gegen der stat die Tharsis hieʒ,

Verse: 6265    die daʒ volc von dem lande
Verse: 6266    dannoch selbe brande.

Verse: 6267    die stat was ungefuoge wît.
Verse: 6268    Permêniô kam bî der zît,

Verse: 6269    dô sie wol halp was verbrant.
Verse: 6270    des volkes ungedult er ervant.

Verse: 6271    er gap den Persânen trôst.
Verse: 6272    er sprach 'ir sît der sorgen erlôst,

Verse: 6273    die ir gegen dem fürsten traget.
Verse: 6274    mîn munt von im die rede iu saget;

Verse: 6275    welt ir im wesen undertân,
Verse: 6276    er wil iuch âne swære lân

Verse: 6277    und wil iu sîn mit helfe bî,
Verse: 6278    er machet iuch vor Darîô vrî.

Verse: 6279    nû wartent, ir hêrren, ob ir
Verse: 6280    wellent daʒ geloben mir,

Verse: 6281    sô muget ir tôdes vrî genesen
Verse: 6282    und immer âne swære wesen.'

Verse: 6283    sie sprâchen 'als der künic kumet,
Verse: 6284    ist iht daʒ uns gegen im vrumet,

Verse: 6285    des sî wir niht erbolgen
Verse: 6286    und wellens gerne volgen.'

Verse: 6287    under des dô die rede geschach,
Verse: 6288    Alexandrum man rîten sach

Verse: 6289    in die stat ze Tharsis.



Next part


This text is part of the TITUS edition of Ulrich von Eschenbach, Alexander.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.