TITUS
Alexanderroman (Wernigeroder Handschrift)
Part No. 6
Previous part

Chapter: 8  
Neptanabus täuscht Philippus


Verse: 191    Do nü der zeit vil hin köm,
Verse: 192    Und die fraw do vernam

Verse: 193    Daz der künig komen solt,
Verse: 194    Sie hiez und wolt

Verse: 195    Daz der selb Neptanabus
Verse: 196    Zu ir köm in ir haüs.

Verse: 197    Sie sprach: 'ich han nach dir gesant:
Verse: 198    Rat an, tü mir bekänt,

Verse: 199    Wie ich nü gevär:
Verse: 200    Und wirt dez mein her gewar

Verse: 201    Daz ich kinds swanger sey,
Verse: 202    Er tut mich dez lebens frei.

Verse: 203    'Nain,' sprach der von Egipten lant,
Verse: 204    'Ez hat Amon also gewant

Verse: 205    Der got, daz der her dein
Verse: 206    Sach daz in dem slaff sein,

Verse: 207    Wie dich beslief der got Amon:
Verse: 208    Er sach in in der förm

Verse: 209    Als du in secht, da er bey dir
Verse: 210    Slief. du gelaub mir,

Verse: 211    Ez waz der würm den er sach,
Verse: 212    Von dem im vil hilf beschach

Verse: 213    In dem streit, daz er gesigt.'
Verse: 214    Do der her kom, sie sprach: 'ich bit,

Verse: 215    Her, du genad mich.'
Verse: 216    Er sprach zu ir: 'nicht fürht dich:

Verse: 217    Ich waiz wol daz ez ist beschehen
Verse: 218    Mit kraft dez gocz, müzz ich jehen:

Verse: 219    Dar umb sul wir frölich sein:
Verse: 220    Du gepirst vil leiht ain kindlein

Verse: 221    Von dem wir güt und er
Verse: 222    Habent ymmer mer.'

Verse: 223    Da nü der künig ob tisch saz
Verse: 224    Und die künigin mit im azz,




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.