TITUS
Alexanderroman (Wernigeroder Handschrift)
Part No. 44
Previous part

Chapter: 38  
Eroberung Thebens


Verse: 1503    Dannen schied der held
Verse: 1504    Und riht sein feld

Verse: 1505    Für Thebea der stat.
Verse: 1506    Die pürger er pat

Verse: 1507    Und fleht im ze sende
Verse: 1508    Vier hundert ellende

Verse: 1509    Ritter im ze helf,
Verse: 1510    Alt und jung welf,

Verse: 1511    Die mit im zügent
Verse: 1512    Und in streit tügent:

Verse: 1513    So wolt er sie sagen
Verse: 1514    Frey in den tagen.

Verse: 1515    Die pürger versmehten daz
Verse: 1516    Und wolten nit tün waz

Verse: 1517    Er geböt und hiez.
Verse: 1518    Dez lacht daz kind Olimpiadis.

Verse: 1519    Er begund nachen
Verse: 1520    Der stat: daz versmahen

Verse: 1521    Tet den von Thebea,
Verse: 1522    Und sprachen zu im sa

Verse: 1523    Daz sie im nymmer undertann
Verse: 1524    Würden, die weil sie möchten han

Verse: 1525    Daz leben in dem leib:
Verse: 1526    Süzz sprachen mann und weib.

Verse: 1527    Der künig sprach: 'so peyt:
Verse: 1528    Seit ir nü als manlich seit,

Verse: 1529    So zieht her auz auf den plann,
Verse: 1530    Ich will euch williclich bestann

Verse: 1531    Mit meiner klain ritterschaft:
Verse: 1532    Ir habt doch ain größ kraft.'

Verse: 1533    Sie bestund ain törhait:
Verse: 1534    Zu streit würden berait

Verse: 1535    Und zugen aüz für daz tör.
Verse: 1536    Allexander da vör

Verse: 1537    Ir erbait ritterlich.
Verse: 1538    Also hub der streit sich.

Verse: 1539    Waz sol ich sagen mer?
Verse: 1540    Von Thebea die bürger

Verse: 1541    Begunden ser seygen
Verse: 1542    Von töd: sie müsten neygen

Verse: 1543    Dem künig. ir wart erslagen,
Verse: 1544    Als ich hört sagen,

Verse: 1545    Hundert tausent oder mër.
Verse: 1546    Die andern begunden ser

Verse: 1547    Gen der stat fliehen.
Verse: 1548    Allexander in nach ziehen

Verse: 1549    Begund piß an die mawͤr:
Verse: 1550    Da hub sich ain stwͤrm sawͤr.

Verse: 1551    Die ynnern saczten sich
Verse: 1552    Zu wer manlich:

Verse: 1553    Doch waz ez gar ein wind,
Verse: 1554    Wann die pesten vor sind

Verse: 1555    All hie auß erslagen.
Verse: 1556    Da von sie verczagen

Verse: 1557    Musten an der leczst.
Verse: 1558    Allezander der nechst

Verse: 1559    Hiez allenthalben an
Verse: 1560    Die stat mit stwͤrm gan.

Verse: 1561    Daz tet man und beschach
Verse: 1562    Daz man kürczlich sach

Verse: 1563    Die veind auf der mawͤr.
Verse: 1564    Sie heten laidig nachgepawͤr:

Verse: 1565    Die edeln pürger
Verse: 1566    Lieden groß swër.

Verse: 1567    Die porten wurden auf getann,
Verse: 1568    Die feint müst mann ein lann:

Verse: 1569    Da ward der merertail erslagen.
Verse: 1570    Allexander hiez sagen

Verse: 1571    Daz man sie fürpaz nem
Verse: 1572    Gefangen: daz zem

Verse: 1573    Wol seiner krön.
Verse: 1574    Da gepöt der frön

Verse: 1575    Die mawͤr nider prechen.
Verse: 1576    Seinen zorn er rechen

Verse: 1577    Begund do, der her güt.
Verse: 1578    Er het ain solhen müt,

Verse: 1579    Wer sich an in
Verse: 1580    Gab mit willen sein,

Verse: 1581    Daz er den liez walten
Verse: 1582    Seiner guten alten

Verse: 1583    Reht und gewonhait
Verse: 1584    Und tet in fürpaz kain laid.

Verse: 1585    Mit dem zwang er
Verse: 1586    Vil land und leut on ser.

Verse: 1587    Wenn er aber mit gewalt
Verse: 1588    Müst twingen, der engalt

Verse: 1589    Öft seiner hoffart.
Verse: 1590    Süzz waz dez hern art.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.