TITUS
Alexanderroman (Wernigeroder Handschrift)
Part No. 47
Previous part

Chapter: 43  
Eroberung Lacedomias


Verse: 1713    Von dannen zöch er sa
Verse: 1714    Für die stat Lacedomia:

Verse: 1715    Die waz grözz und weit.
Verse: 1716    Allexander an der zeit

Verse: 1717    Schikt sein pöten dar
Verse: 1718    Und hiez in sagen für wär,

Verse: 1719    Er riet in trewlich
Verse: 1720    Daz sie bedahten sich

Verse: 1721    Und im mit gutem synn
Verse: 1722    Erczaigten ir minn

Verse: 1723    Da mit daz sie im geben
Verse: 1724    Den zins, so wolt er leben

Verse: 1725    Mit in gar tügentlich.
Verse: 1726    'Und wann ich daz sich

Verse: 1727    Daz ir mir gern hulden,
Verse: 1728    So sult ir von mir dulden

Verse: 1729    Er und wirdickeit:
Verse: 1730    Daz sey euch von mir geseit.'

Verse: 1731    Daz volk ain torhait bestünd,
Verse: 1732    Als noch vil dik tünd

Verse: 1733    Die törn die nit weiß sind,
Verse: 1734    Und taten als daz sie plint

Verse: 1735    Wern und saczten sich
Verse: 1736    Zu wer gar manlich,

Verse: 1737    Daz sie doch half klain.
Verse: 1738    Allexander der rain,

Verse: 1739    Auf mer und auf land
Verse: 1740    Er an sie wand

Verse: 1741    Als manlich und vast:
Verse: 1742    Er liez in kain rast.

Verse: 1743    Da von ir manger lag tüt.
Verse: 1744    Da rüften sie in der nöt

Verse: 1745    An den künig Allexander,
Verse: 1746    Daz er sie genäd. da sprach er:

Verse: 1747    'Daz wer peßer vor gewesen,
Verse: 1748    So wer manger genesen

Verse: 1749    Der daz leben sein
Verse: 1750    Hat verlorn in diser pein.

Verse: 1751    Genad sol alczeit berait
Verse: 1752    Sein den die mein gelait

Verse: 1753    Und huld begern sind.'
Verse: 1754    Also sprach Philippen kind.

Verse: 1755    Sie swürn im huld.
Verse: 1756    Er sprach: 'ich gedüld

Verse: 1757    Fürpaz waz ye nücz und güt
Verse: 1758    Sey.' dannen schied der früt

Verse: 1759    In daz land Cecilia:
Verse: 1760    Dye namen in zu hërn sa

Verse: 1761    On aller slaht nöt.



Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.