TITUS
Alexanderroman (Wernigeroder Handschrift)
Part No. 97
Previous part

Chapter: 222  
Ein Wilder wird mit Hilfe eines Mädchens gefangen


Verse: 4489    Also lag er alda
Verse: 4490    Drei tag und yesa

Verse: 4491    Zoch er von dannen hin
Verse: 4492    Zu ainem waßer, da köm in

Verse: 4493    Ain wilder man ungeheür.
Verse: 4494    Wer in sach, der swür tewͤr

Verse: 4495    Daz er nÿ gesech solich kunder:
Verse: 4496    Ez nam sie all wünder.

Verse: 4497    Er waz rauch als ein swein
Verse: 4498    Und grisgramt mit den zennen sein

Verse: 4499    Reht als tünd die wilden sewͤ.
Verse: 4500    Ain stym gynge auz seiner kewͤ

Verse: 4501    Als auz aines ochsen münd,
Verse: 4502    Reden waz im unkünd.

Verse: 4503    Er sprach: 'möht wir dicz künder
Verse: 4504    Vachen, daz wolt ich sünder.'

Verse: 4505    Er hiez im pald bringen dar
Verse: 4506    Ain töchter, die waz nackent gar,

Verse: 4507    Und stalt die ain tail von in,
Verse: 4508    Ob der man gewün syn

Verse: 4509    Zu vahen daz megetein,
Verse: 4510    Ob er also gefangen sein

Verse: 4511    Möcht werden. daz geschach.
Verse: 4512    Da er die tochter ersach,

Verse: 4513    Da wolt er sie hann geczückt:
Verse: 4514    Da komen sie auf in gerükt

Verse: 4515    Und brahten in gefangen dar
Verse: 4516    Für Allexander. der nam war

Verse: 4517    Dez wunders an dem man
Verse: 4518    Und hiez in do dänn

Verse: 4519    Werffen in ain fewͤr:
Verse: 4520    Do erschray er ungehewͤr.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.