TITUS
Alexanderroman (Wernigeroder Handschrift)
Part No. 100
Previous part

Chapter: 238  
Wilde Gegenden


Verse: 4552    Der künig wolt nit më

Verse: 4553    Beleiben da. von dann er zöch
Verse: 4554    Gen ainem perg der höch

Verse: 4555    Waz uber all möß.
Verse: 4556    Dar uber ging ain enge strözz,

Verse: 4557    Dar zoch er uber mangen tag, '
Verse: 4558    Daz er luczel rü pflag

Verse: 4559    Von slangen und von ungeziber.
Verse: 4560    Da koment sie in ain tal nider

Verse: 4561    Da ez als vinster ynn waz,
Verse: 4562    Sie dauht alle sampt daz

Verse: 4563    Ez nymmer tag würd da.
Verse: 4564    In dem tal wüchs sa

Verse: 4565    Fruht reht sam die veygen.
Verse: 4566    Sie müsten vast auf steygen

Verse: 4567    Den perg wol aht tag,
Verse: 4568    Daz in die vinsterin nit gelag,

Verse: 4569    Pizz sie zu oberst hin auf komen.
Verse: 4570    Aller erst ward in benomen

Verse: 4571    Die vinsterin, und da köm in her
Verse: 4572    Ain liehter wolk mit sünen sper.

Verse: 4573    Dez würden sie erfrewet gar.
Verse: 4574    Der künig mit seiner werden schar

Verse: 4575    Da zoch er den perg ze tal
Verse: 4576    Aber dürch ainen steig smäl,

Verse: 4577    Da koment sie in ain weit land,
Verse: 4578    Da man aber paumen vand

Verse: 4579    Als in dem tal, da von ich ee
Verse: 4580    Sagt. noch hörent më!

Verse: 4581    Da ynn entspringet sicherlich
Verse: 4582    Ain waßer, daz ist milch gleich

Verse: 4583    Und speiset die menschen hart wöl,
Verse: 4584    Reht als gutëw köst söl

Verse: 4585    Tün: so tet der selb pach.
Verse: 4586    Da pey zoch er mit gutem gemach

Verse: 4587    Wol hündert tagwayd.
Verse: 4588    Auf der selben haid

Verse: 4589    Sach er ainen perg höch,
Verse: 4590    Der sich in die wolcken zoch.

Verse: 4591    Den perg begund er ziehen hin an.
Verse: 4592    Da sach man auf dem perg stan

Verse: 4593    Büsch, die warn also dik
Verse: 4594    Daz weder weg noch stig

Verse: 4595    Dar uber ging dan ain
Verse: 4596    Klainer steig allain.

Verse: 4597    Da zoch er mit ungehag
Verse: 4598    Pizz an den sibenden tag.




Next part


This text is part of the TITUS edition of Alexanderroman (Wernigeroder Handschrift).

Copyright TITUS Project, Frankfurt a/M, 9.2.2010. No parts of this document may be republished in any form without prior permission by the copyright holder.