TITUS
Author: Hartmann 
Hartmann von Aue
Book: Erec 
Erec


On the basis of the edition by
A. Leitzmann,
Erec von Hartmann von Aue,
Halle/Saale 1939
(Altdeutsche Textbibliothek, 39)
entered by Richard Schrodt, Vienna;
TITUS version by Jost Gippert
Frankfurt a/M, 28.2.1998 / 21.6.1998 / 3.10.1999 / 1.6.2000 / 2.3.2003

[For easy referencing, the poem was divided into groups of hundred verses each. J.G.]



Verse group: (1) 
Verse: 1    bî ir und bî ir wîben.

Verse: 2    diz was Êrec fil de roi lac,
Verse: 3    der vrümekeit und sælden phlac,

Verse: 4    durch den diu rede erhaben ist.
Verse: 5    nû riten si unlange vrist

Verse: 6    neben einander beide,
Verse: 7    ê daz si über die heide

Verse: 8    verre in allen gâhen
Verse: 9    zuo rîten sâhen

Verse: 10    einen ritter selbedritten,
Verse: 11    vor ein getwerc, dâ enmitten

Verse: 12    eine juncvorouwen gemeit,
Verse: 13    schœne unde wol gekleit.

Verse: 14    nû wunderte die künegîn
Verse: 15    wer der ritter möhte sîn.

Verse: 16    er was ze harnasche wol,
Verse: 17    als ein guot kneht sol.

Verse: 18    Êrec der junge man
Verse: 19    sîn vrouwen vrâgen began

Verse: 20    ob erz ervarn solde.
Verse: 21    diu vrouwe des niht enwolde:

Verse: 22    si bat in dâ bî ir tweln.
Verse: 23    ein juncvrouwen begunde si ûz weln

Verse: 24    die si möhte senden dar.
Verse: 25    si sprach: ʽrît und ervar

Verse: 26    wer der ritter müge sîn
Verse: 27    und sîn geverte, daz magedîn.'

Verse: 28    diu juncvrouwe huop sich an die vart,
Verse: 29    als ir geboten wart,

Verse: 30    dâ siz getwerc rîten sach.
Verse: 31    mit zühten si zuo im sprach:

Verse: 32    ʽgot grüeze iuch, geselle,
Verse: 33    und vernemet waz ich welle.

Verse: 34    mîn vrouwe hât mich her gesant,
Verse: 35    diu ist künegîn überz lant:

Verse: 36    durch ir zuht gebôt si mir
Verse: 37    daz ich iuch gruozte von ir,

Verse: 38    und weste gerne mære
Verse: 39    wer der ritter wære

Verse: 40    und disiu maget wol getân.
Verse: 41    muget ir mich daz wizzen lân,

Verse: 42    âne schaden ir daz tuot:
Verse: 43    mîn vrouwe vrâget wan durch guot.'

Verse: 44    daz getwerc enwolde ir niht sagen
Verse: 45    unde hiez si stille dagen,

Verse: 46    unde daz si in vermite:
Verse: 47    ez enweste war nâch si rite.

Verse: 48    diu maget enlie niht umbe daz
Verse: 49    si enwolde rîten vürbaz,

Verse: 50    den ritter vrâgen mære
Verse: 51    selben wer er wære.

Verse: 52    daz getwerc werte ir den wec:
Verse: 53    daz sach diu künegîn und Êrec

Verse: 54    daz ez si mit der geisel sluoc
Verse: 55    die ez in der hant truoc,

Verse: 56    über houbet und über hende
Verse: 57    ze sîner missewende,

Verse: 58    daz si mâl dâ von gewan.
Verse: 59    mit solher antwurt schiet si dan

Verse: 60    wider zuo ir vrouwen
Verse: 61    unde liez si schouwen

Verse: 62    wie sêre si was geslagen.
Verse: 63    daz begunde si vil tiure klagen

Verse: 64    dazz ir sô nâhen was geschehen
Verse: 65    daz siz muoste ane sehen.

Verse: 66    Êrec dô ahten began,
Verse: 67    der ritter enwære dehein vrum man,

Verse: 68    daz er ez vor im vertruoc
Verse: 69    daz sîn getwerc die maget sluoc.

Verse: 70    er sprach: ʽich wil rîten dar,
Verse: 71    daz ich iu diu mære ervar.'

Verse: 72    diu vrouwe sprach: ʽnû rît enwec.'
Verse: 73    zehant huop sich Êrec,

Verse: 74    unz er in sô nâhen kam
Verse: 75    daz daz getwerc die rede vernam.

Verse: 76    ʽmuget ir wêniger mir gesagen,
Verse: 77    wes hânt ir die maget geslagen?

Verse: 78    ir hânt sêre missetân.
Verse: 79    ir soldetz durch zuht lân.

Verse: 80    iuwern herren sult ir mir nennen:
Verse: 81    mîn vrouwe wolde in erkennen

Verse: 82    und daz schœne magedîn.'
Verse: 83    daz getwerc sprach: ʽlâ dîn klaffen sîn.

Verse: 84    ich ensage dir anders niht
Verse: 85    wan daz dir alsam geschiht.

Verse: 86    waz wolde si der mære
Verse: 87    wer mîn herre wære?

Verse: 88    ir ensît niht wîse liute,
Verse: 89    daz ir sô vil hiute

Verse: 90    gevrâget von mînem herren:
Verse: 91    ez mac iu wol gewerren.

Verse: 92    wiltû daz ich dichs erlâze,
Verse: 93    sô rît dîne strâze

Verse: 94    und hebe dich der sunnen haz.'
Verse: 95    Êrec der wolde ouch vürbaz,

Verse: 96    wan daz getwerc imz niht vertruoc:
Verse: 97    mit der geisel ez in sluoc,

Verse: 98    als ez die maget hete getân.
Verse: 99    ouch wolde er sich gerochen hân,
Verse group: (2) 
Verse: 100    wan daz er wîslîchen
Verse: 101    sînem zorne kunde entwîchen.

Verse: 102    der ritter hete im genomen den lîp,
Verse: 103    wan Êrec was blôz als ein wîp.

Verse: 104    er gelebete im nie leidern tac
Verse: 105    dan umbe den geiselslac

Verse: 106    und schamte sich nie sô sêre
Verse: 107    wan daz dise unêre

Verse: 108    diu künegîn mit ir vrouwen sach.
Verse: 109    als im der geiselslac geschach,

Verse: 110    mit grôzer schame er wider reit.
Verse: 111    alsô klagete er sîn leit

Verse: 112    (schamvar wart er under ougen):
Verse: 113    ʽvrouwe, ich enmac des niht verlougen,

Verse: 114    wan irz selbe habet gesehen,
Verse: 115    mir ensî vor iu geschehen

Verse: 116    eine schande alsô grôz
Verse: 117    daz ir nie dehein mîn genôz

Verse: 118    eines hâres mê gewan.
Verse: 119    daz mich ein sus wênic man

Verse: 120    sô lasterlîchen hât geslagen
Verse: 121    und ich im daz muoste vertragen,

Verse: 122    des schame ich mich sô sêre
Verse: 123    daz ich iuch nimmer mêre

Verse: 124    vürbaz getar schouwen
Verse: 125    und dise juncvrouwen,

Verse: 126    und enweiz zwiu mir daz leben sol,
Verse: 127    ez ensî daz ich mich des erhol

Verse: 128    daz mir vor iu geschehen ist.
Verse: 129    ich ensterbe in kurzer vrist,

Verse: 130    sô sol ichz versuochen.
Verse: 131    vrouwe, ir sult geruochen

Verse: 132    daz ich in iuwern hulden var.
Verse: 133    der himelkeiser bewar,

Verse: 134    vrouwe, iuwer êre.
Verse: 135    ir gesehet mich nimmer mêre,

Verse: 136    ichn gereche mich an disem man
Verse: 137    von des getwerge ich mâl gewan.

Verse: 138    ist daz mich got sô gêret
Verse: 139    daz er mîn heil mêret,

Verse: 140    daz mir dar an gelinget
Verse: 141    sô doch mîn muot gedinget,

Verse: 142    sô kum ich über den dritten tac,
Verse: 143    ob ich vor siechtuome mac.'

Verse: 144    der küneginne was vil leit
Verse: 145    daz er alsô junger reit

Verse: 146    ûf sô grôze vreise:
Verse: 147    si bat in lân die reise.

Verse: 148    sô lange er dô urloubes gerte
Verse: 149    unz daz si ins gewerte.

Verse: 150    ouch dâhte der juncherre,
Verse: 151    im wære daz ze verre,

Verse: 152    ob er zen selben zîten
Verse: 153    hin wider wolde rîten

Verse: 154    dâ er sînen harnasch hâte,
Verse: 155    und daz er alsô drâte

Verse: 156    in nimmer genæme
Verse: 157    (swie schiere er wider kæme,

Verse: 158    sô wæren si im entriten gar),
Verse: 159    und îlte in nâch alsô bar.

Verse: 160    dô er in begunde gâhen nâ,
Verse: 161    dô kam er rehte ûf ir slâ

Verse: 162    von den im schade was geschehen.
Verse: 163    vil schiere begunde er si ane sehen.

Verse: 164    zuo in enwas im niht ze gâch:
Verse: 165    er reit in alsô verre nâch

Verse: 166    daz er si sach und si in niht.
Verse: 167    er tete als dem dâ leit geschiht:

Verse: 168    der vlîzet dicke sich dar zuo
Verse: 169    wie erz mit vuoge widertuo.

Verse: 170    si enkâmen ûf dem wege
Verse: 171    ûzer sîner ougen phlege

Verse: 172    des vil langen tages nie
Verse: 173    unz daz der âbent ane gie.

Verse: 174    nû sach er wâ engegen im schein
Verse: 175    ein hûs geheizen tulmein,

Verse: 176    des wirt der herzoge îmâin.
Verse: 177    dâ reit der ritter vor im in:

Verse: 178    dâ wart er emphangen wol,
Verse: 179    sô man ze vriundes hûse sol

Verse: 180    und als dem wirte wol gezam.
Verse: 181    ich sage iu durch waz er kam

Verse: 182    mit sîner vriundîn.
Verse: 183    ez hete der herzoge îmâîn

Verse: 184    hôchzît dâ vor zwei jâr:
Verse: 185    saget diu âventiure wâr,

Verse: 186    sô hete er si dô zem dritten.
Verse: 187    an eine wise enmitten

Verse: 188    hete er hôhe an eine stat
Verse: 189    einen sparwære ûf gesat

Verse: 190    ûf eine stange silberîn.
Verse: 191    diz muoste jærlîche sîn

Verse: 192    ze vreunden sîner lantdiet.
Verse: 193    von der rede er niemen schiet,

Verse: 194    niuwan daz gelîche
Verse: 195    arme unde rîche,

Verse: 196    alte unde junge
Verse: 197    durch schœne handelunge

Verse: 198    ze sîner vreude kæmen
Verse: 199    swenne siz vernæmen.
Verse group: (3) 
Verse: 200    swes vriundinne den strît
Verse: 201    behielte ze sîner hôchzît

Verse: 202    daz si diu schœniste wære,
Verse: 203    diu næme den sparwære.

Verse: 204    den hete der ritter genomen
Verse: 205    zwir, ouch was er komen

Verse: 206    daz er in zem dritten næme:
Verse: 207    und ob ez alsô kæme,

Verse: 208    sô hete er in immer mêre
Verse: 209    âne strît mit voller êre.

Verse: 210    nû sagete man daz mære
Verse: 211    daz dâ manec wîp schœner wære

Verse: 212    dan des ritters vriundîn.
Verse: 213    dô was sîn vrümekeit dar an schîn:

Verse: 214    er was alsô vorhtsam
Verse: 215    daz er in mit gewalte nam.

Verse: 216    in getorste dâ nieman bestân:
Verse: 217    strîtes wart er gar erlân.

Verse: 218    nû enweste Êrec niht
Verse: 219    umbe dise geschiht,

Verse: 220    wan daz er im durch sîn leit
Verse: 221    ûf âventiure nâch reit.

Verse: 222    nû begunde sîgen der tac.
Verse: 223    ein market underm hûse lac:

Verse: 224    dâ kam er geriten in.
Verse: 225    die burc meit er durch den sin

Verse: 226    daz er sîn iht würde gewar
Verse: 227    dem er hete gevolget dar.

Verse: 228    nû er suochende reit
Verse: 229    wer in durch sîne vrümekeit

Verse: 230    des nahtes næme in sîne phlege,
Verse: 231    nû vant er an dem wege

Verse: 232    von den liuten grôzen schal.
Verse: 233    diu hiuser wâren über al

Verse: 234    beherberget vaste:
Verse: 235    der sich sîn ze gaste

Verse: 236    wolde underwinden,
Verse: 237    den kunde er niender vinden.

Verse: 238    ouch was er habelôs dâ gar.
Verse: 239    er enhete sich niht gewarnet dar:

Verse: 240    wan in kam diu reise gâhes an,
Verse: 241    als ich iu dâ vor gesaget han.

Verse: 242    er enhete dâ niht mêre
Verse: 243    (daz bekumberte in dô sêre)

Verse: 244    wan daz phert und sîn gewant.
Verse: 245    ouch was er dâ unerkant,

Verse: 246    daz im niemen zuo sprach
Verse: 247    noch ze guote ane sach.

Verse: 248    die gazzen wâren spils vol,
Verse: 249    als ez ze hôchzîten sol.

Verse: 250    nû reit er also wîselôs
Verse: 251    unz daz er verre vor im kôs

Verse: 252    ein altez gemiure.
Verse: 253    dô im dô sô tiure

Verse: 254    die herberge wâren,
Verse: 255    eins weges begunde er vâren

Verse: 256    der in dar brâhte:
Verse: 257    wan er im gedâhte

Verse: 258    des nahtes belîben dâ,
Verse: 259    wan er enmöhte anderswâ.

Verse: 260    daz hûs er schouwen begunde
Verse: 261    und enwânde daz er vunde

Verse: 262    ieman dar inne:
Verse: 263    daz vreute sîne sinne.

Verse: 264    er gedâhte: ʽmîn dinc daz vert nû wol,
Verse: 265    wan ich in einem winkel sol

Verse: 266    belîben hinne unz an den tac,
Verse: 267    sît ich niht wesen baz enmac.

Verse: 268    des gan man mir doch âne strît:
Verse: 269    ich sihe wol daz ez œde lît.'

Verse: 270    als er in daz hûs kam
Verse: 271    und er der winkel war genam,

Verse: 272    welher im dar zuo töhte
Verse: 273    dâ er inne belîben möhte,

Verse: 274    dô sach er sitzen dâ
Verse: 275    einen man, der was grâ,

Verse: 276    sîn hâr von alter snêwîz.
Verse: 277    des hete er dannoch guoten vlîz

Verse: 278    daz ers nâch reinem site phlac:
Verse: 279    vil wol gestrælet ez lac

Verse: 280    über sîn ahsel ze tal.
Verse: 281    nâch der âventiure zal

Verse: 282    sô hete der selbe altman
Verse: 283    eine schâfkürsen an

Verse: 284    und des selben ûf einen huot:.
Verse: 285    diu wâren beidiu alsô guot

Verse: 286    als in sîn state leite:
Verse: 287    er enphlac niht rîcheite.

Verse: 288    sîn gebærde was vil hêrlîch,
Verse: 289    einem edeln manne gelîch.

Verse: 290    ein krücke was sîn stiure,
Verse: 291    der dâ saz in dem gemiure.

Verse: 292    diz was Êrecke leit:
Verse: 293    wan er vorhte die gewonheit,

Verse: 294    er solde in ûz getriben hân,
Verse: 295    als im vor was getân.

Verse: 296    daz phert er ze stete bant:
Verse: 297    dar ûf leite er sîn gewant.

Verse: 298    sîn hende habete er vür sich,
Verse: 299    einem wol gezogenem manne gelich,
Verse group: (4) 
Verse: 300    und gienc dâ er den alten sach.
Verse: 301    mit zwîvel er zuo im sprach:

Verse: 302    ʽherre, mir wære herberge nôt.'
Verse: 303    diu bete machete in schamerôt.

Verse: 304    als in der alte hete vernomen,
Verse: 305    er sprach: ʽnû sît mir willekomen

Verse: 306    ze dem und ich nû haben mac.'
Verse: 307    des genâdete im Êrec fil de roi lac.

Verse: 308    nû hete er ingesindes
Verse: 309    niuwan eines kindes

Verse: 310    (diu was ein diu schœniste maget
Verse: 311    von der uns ie wart gesaget)

Verse: 312    und der hûsvrouwen.
Verse: 313    dar an man mohte schouwen

Verse: 314    daz er rîches muotes wielt,
Verse: 315    daz er den gast sô arm enthielt.

Verse: 316    dem kinde rief er dar.
Verse: 317    er sprach: ʽgenc und bewar

Verse: 318    dises herren phert, tohter mîn,
Verse: 319    der unser gast geruochet sîn,

Verse: 320    und begenc ez sâ ze vlîze
Verse: 321    daz ich dirs iht verwîze.'

Verse: 322    si sprach: ʽherre, daz tuon ich.'
Verse: 323    der megede lîp was lobelich.

Verse: 324    der roc was grüener varwe,
Verse: 325    gezerret begarwe,

Verse: 326    abehære über al.
Verse: 327    dar under was ir hemde sal

Verse: 328    und ouch zebrochen eteswâ:
Verse: 329    sô schein diu lîch dâ

Verse: 330    durch wîz alsam ein swan.
Verse: 331    man saget daz nie kint gewan

Verse: 332    einen lîp sô gar dem wunsche gelîch:
Verse: 333    und wære si gewsen rîch,

Verse: 334    sô engebræste niht ir lîbe
Verse: 335    ze lobelîchem wîbe.

Verse: 336    ir lîp schein durch ir salwe wât
Verse: 337    alsam diu lilje, dâ si stât

Verse: 338    under swarzen dornen wîz.
Verse: 339    ich wæne got sînen vlîz

Verse: 340    an si hâte geleit
Verse: 341    von schœne und von sælekeit.

Verse: 342    Êrecken muote ir ungemach.
Verse: 343    zuo ir vater er sprach:

Verse: 344    ʽwir sulns die juncvrouwen erlân.
Verse: 345    ich wæne siz selten habe getân:

Verse: 346    ez zimt mir selbem vil baz.'
Verse: 347    dô sprach der alte daz:

Verse: 348    ʽman sol dem wirte lân
Verse: 349    sînen willen, daz ist guot getân.

Verse: 350    uns gebristet der knehte:
Verse: 351    von diu tuot siz mit rehte.'

Verse: 352    diu juncvrouwe des niht enliez
Verse: 353    si entæte als si ir vater hiez.

Verse: 354    daz phert begienc ze vlîze
Verse: 355    ir hende vil wîze:

Verse: 356    und wære daz got hie ûf erde rite,
Verse: 357    ich wæne in genuocte dâ mite,

Verse: 358    ob er solhen marschalc hæte.
Verse: 359    swie si schine in swacher wæte,

Verse: 360    sô weiz ich daz wîp noch man
Verse: 361    süezern schiltkneht nie gewan

Verse: 362    dan Êrec fil de roi lac,
Verse: 363    dô si sînes pherdes phlac.

Verse: 364    im zam von solhem knehte
Verse: 365    sîn vuoter wol mit rehte.

Verse: 366    hie wart der gast berâten
Verse: 367    als si des state hâten.

Verse: 368    guote teppeche gespreit
Verse: 369    unde dar ûf geleit

Verse: 370    alsô rîchiu bettewât
Verse: 371    sô si diu werlt beste hât,

Verse: 372    mit samîte bezogen,
Verse: 373    dem daz golt was unerlogen,

Verse: 374    daz daz bette ein man nie möhte erwegen
Verse: 375    und selbe vierde müeste legen,

Verse: 376    und dar über gebreit
Verse: 377    nâch grôzer herren werdekeit

Verse: 378    kulter von zendâle,
Verse: 379    rîche und gemâle--

Verse: 380    diu wâren bî dem viure
Verse: 381    des âbendes vil tiure.

Verse: 382    si geleisten wol ein reine strô:
Verse: 383    dar über genuocte si dô

Verse: 384    eines bettes âne vlîz,
Verse: 385    daz bedahte ein lîlachen wîz.

Verse: 386    ouch was dâ ritters spîse:
Verse: 387    swes ein man vil wîse

Verse: 388    möhte in sînem muote
Verse: 389    erdenken ze guote,

Verse: 390    des heten si die überkraft
Verse: 391    und volleclîche wirtschaft,

Verse: 392    doch mans ûf den tisch niht truoc.
Verse: 393    in gap der reine wille genuoc

Verse: 394    den man dâ ze hûse vant:
Verse: 395    wan er ist aller güete ein phant.

Verse: 396    nû muget ir hœren mære
Verse: 397    wer dirre alte wære,

Verse: 398    daz er den gast sô wol emphie
Verse: 399    und ers durch armuot niht enlie.
Verse group: (5) 
Verse: 400    er hete dâ vor gehabet ê
Verse: 401    guotes und ouch êren mê.

Verse: 402    er was ein grâve rîche,
Verse: 403    vil gar unlasterlîche

Verse: 404    sîns erbes verstôzen
Verse: 405    von sînen übergenôzen.

Verse: 406    in enhete dehein sîn bôsheit
Verse: 407    in dise armuot geleit:

Verse: 408    ez was von urliuge komen.
Verse: 409    im hete diu überkraft genomen

Verse: 410    allez daz er ie gewan.
Verse: 411    sô vil enwas dem rîchen man

Verse: 412    grôzer êren niht verlân
Verse: 413    daz er einen kneht mohte hân.

Verse: 414    nû truoc er dise armuot
Verse: 415    und diu hûsvrouwe guot

Verse: 416    in ir alter mit listen:
Verse: 417    und swâ si der habe misten,

Verse: 418    ir nôt si bedahten
Verse: 419    mit zühten swie si mahten,

Verse: 420    daz mans iht würde gewar.
Verse: 421    daz ouch ir ie alsô gar

Verse: 422    diu armuot oberhant gewan,
Verse: 423    daz weste lützel ieman.

Verse: 424    dem wirte was diu arbeit
Verse: 425    die er von grôzer armuot leit

Verse: 426    dâ wider süeze als ein mete
Verse: 427    dâ engegen und im diu schame tete.

Verse: 428    der alte wirt hiez koralus
Verse: 429    und diu hûsvrouwe sus,

Verse: 430    karsinefîte,
Verse: 431    ir tohter ênîte.

Verse: 432    swen dise edelarmen
Verse: 433    niht enwolden erbarmen,

Verse: 434    der was herter dan ein stein.
Verse: 435    der juncvrouwen œheim

Verse: 436    was der herzoge îmâîn,
Verse: 437    des diu hôchzît solde sîn,

Verse: 438    der herre von dem lande.
Verse: 439    ir geburt was âne schande.

Verse: 440    nû sagen wir ouch dâ bî
Verse: 441    von wiu diu rede erhaben si.

Verse: 442    dô daz phert was begangen,
Verse: 443    ʽnû enlât iuch niht belangen'

Verse: 444    sprach der wirt zem gaste.
Verse: 445    Êrecken muote vaste

Verse: 446    sîn schade den er dâ vor gewan:
Verse: 447    den wirt er vrâgen began

Verse: 448    waz der schal von den liuten
Verse: 449    möhte bediuten

Verse: 450    den er in dem markete hete gesehen.
Verse: 451    dô begunde im der wirt jehen

Verse: 452    wiez umbe die rede was getân,
Verse: 453    als ich iu gesaget hân,

Verse: 454    beide umbe die hôchzît
Verse: 455    und ouch des sparwæres strît.

Verse: 456    als er im gesagete daz,
Verse: 457    dô vrâgete er aber vürbaz

Verse: 458    von dem ritter mære,
Verse: 459    ob er weste wer er wære,

Verse: 460    der vor im ûf daz hûs reit,
Verse: 461    als ich iu ê habe geseit,

Verse: 462    und hal in doch sîn ungemach.
Verse: 463    der alte alsus sprach:

Verse: 464    ʽin erkennet allez diz lant:
Verse: 465    erst îdêrs fil niut genant'

Verse: 466    und sagete sîn geverte gar
Verse: 467    unde daz er komen dar

Verse: 468    mit sîner âmîen wære
Verse: 469    ze nemen den sparwære.

Verse: 470    alsô schiere er diz vernam,
Verse: 471    mit vrâge er vürbaz kam,

Verse: 472    unz im der wirt tete erkant
Verse: 473    wiez umbe in selben was gewant.

Verse: 474    als er ims begarwe jach,
Verse: 475    Êrec stuont ûf unde sprach:

Verse: 476    ʽgenâde, wirt und herre,
Verse: 477    daz ez mir iht gewerre.

Verse: 478    sît ez sô umbe iuch stât,
Verse: 479    sô suoche ich helfe unde rât.

Verse: 480    ûf genâde sô sî iu bejehen,
Verse: 481    mir ist ein leit von im geschehen

Verse: 482    daz ich immer klagen sol,
Verse: 483    ez ensî daz ich michs erhol.

Verse: 484    sîn getwerc mich harte sêre sluoc,
Verse: 485    daz ich im durch nôt vertruoc:

Verse: 486    er was gewâfent und ich blôz,
Verse: 487    des ez dô benamen genôz.

Verse: 488    grôz laster muoste ich dô vertragen.
Verse: 489    daz sol mîn herze immer klagen,

Verse: 490    mirn gevüege got noch den tac
Verse: 491    daz ich ez gerechen mac.

Verse: 492    ûf solher âventiure wân,
Verse: 493    als ich nû gesaget hân,

Verse: 494    sô bin ich im her nâch geriten.
Verse: 495    râtes muoz ich iuch biten:

Verse: 496    beide helfe unde heil
Verse: 497    stât vil gar âne teil,

Verse: 498    herre, in iuwer hant.
Verse: 499    möhtet ir mir umbe îsengewant
Verse group: (6) 
Verse: 500    getuon deheiner slahte rât
Verse: 501    (ich sage iu wie mîn muot stât),

Verse: 502    sô enwürde er strîtes niht vermiten.
Verse: 503    mit rosse bin ich wol geriten:

Verse: 504    sô soldet ir mich lân rîten
Verse: 505    mit iuwer tohter ênîten

Verse: 506    ûf die selben hôchzît.
Verse: 507    ich behabete den strît

Verse: 508    daz si schœner wære
Verse: 509    (und næme den sparwære)

Verse: 510    dan des ritters vriundîn.
Verse: 511    nû sehet ob ez müge sîn

Verse: 512    und tuotz ûf daz gedinge,
Verse: 513    ob mir alsô gelinge

Verse: 514    daz mir der sige belîbe,
Verse: 515    sô nim ich si ze wîbe.

Verse: 516    dar umbe endurfet irz niht lân,
Verse: 517    si enhât an mir niht missetân,

Verse: 518    ez mac wol mit êren sîn.
Verse: 519    ich künde iu den vater mîn:

Verse: 520    der ist der künec lac genant.
Verse: 521    beide liute unde lant,

Verse: 522    lîp und allez daz ich hân
Verse: 523    mache ich ir undertân,

Verse: 524    daz si des muoz walten.'
Verse: 525    dô begunden dem alten

Verse: 526    von jâmer vil tougen
Verse: 527    truoben diu ougen:

Verse: 528    weinens sîn herze wart gemant
Verse: 529    mit dirre rede sâ zehant

Verse: 530    daz er kûme vür brâhte
Verse: 531    die rede der er gedâhte.

Verse: 532    er sprach: ʽherre, disen spot
Verse: 533    sult ir lâzen durch got.

Verse: 534    iuwer rede ist vil verlâzenlich.
Verse: 535    nû hât got über mich

Verse: 536    verhenget swes er wolde:
Verse: 537    anders dan ez solde

Verse: 538    sô ist mîn leben nû getân.
Verse: 539    daz wil ich von gote hân:

Verse: 540    des gewaltes ist alsô vil,
Verse: 541    er mac den rîchen swêne er wil

Verse: 542    dem armen gelîchen
Verse: 543    und den armen gerîchen.

Verse: 544    sîn gewalt ist an mir worden schîn.
Verse: 545    durch got sult ir erbeten sîn

Verse: 546    daz dirre schimph belîbe.
Verse: 547    ir getuot ze wîbe

Verse: 548    mîner tohter wol rât,
Verse: 549    wan si des guotes niht enhât.

Verse: 550    swie grôzen bresten ich nû dol,
Verse: 551    doch sult ir mir gelouben wol,

Verse: 552    ich hân gesehen ê den tac
Verse: 553    daz iuwer vater der künec lac

Verse: 554    mich gesellen nande.
Verse: 555    wir nâmen in sînem lande

Verse: 556    beide mit ein ander swert.
Verse: 557    daz ir nû mîner tohter gert,

Verse: 558    mich entriege mîn wân,
Verse: 559    daz hânt ir durch schimph getân.'

Verse: 560    Êrec wart von der rede rôt.
Verse: 561    er sprach: ʽherre, welch nôt

Verse: 562    twinget iuch ûf den wân
Verse: 563    daz ichz durch schimph habe getân?

Verse: 564    daz sult ir ûz dem muote lân
Verse: 565    und mîniu wort vür ernest hân.

Verse: 566    waz solde mir iezuo der spot?
Verse: 567    jâ bite ich mir sô helfen got

Verse: 568    ze sêle und ze lîbe,
Verse: 569    als ich mir ze wîbe

Verse: 570    iuwer tohter gerne nemen wil.
Verse: 571    des engibe ich iu kein langer zil

Verse: 572    wan an die selben hôchzît,
Verse: 573    daz sich endet der strît,

Verse: 574    ob mir nû iuwer helfe vrumt
Verse: 575    daz mir mîn dinc ze heile kumt.

Verse: 576    ir armuot hœre ich iuch klagen:
Verse: 577    der sult ir stille gedagen.

Verse: 578    ez enschadet iu niht gegen mir,
Verse: 579    wan ich ir guotes wol enbir.

Verse: 580    ouch hete ich einen swachen muot,
Verse: 581    næme ich vür mînen willen guot.

Verse: 582    nû gedenket dar zuo.
Verse: 583    sît daz der strît sol wesen vruo,

Verse: 584    sô ensûmet uns niht mêre.
Verse: 585    an iu stât gar mîn êre:

Verse: 586    und wizzet rehte âne wân,
Verse: 587    ich leiste als ich gelobet hân.'

Verse: 588    der alte was der rede vrô.
Verse: 589    er sprach: ʽsît irz meinet alsô,

Verse: 590    sô haben wir hie zehant
Verse: 591    vil schœnez îsengewant,

Verse: 592    beidiu behende unde guot.
Verse: 593    des kunde mich diu armuot

Verse: 594    noch nie betwingen
Verse: 595    noch ûf den zwîvel bringen

Verse: 596    daz ichs würde âne,
Verse: 597    ichn behieltez nâch wâne,

Verse: 598    ob es mînem vriunde würde nôt,
Verse: 599    (der selbe wille mirz gebôt

Verse: 600    daz ichz im lîhen solde)
Verse: 601    unz mirs got gunnen wolde.
Verse group: (7) 
Verse: 602    sô hete ich ie einen site
Verse: 603    daz ich im selbe dâ mite

Verse: 604    vil willeclîchen was bereit,
Verse: 605    unz mir daz alter an gestreit:

Verse: 606    daz hât mir gar die kraft benomen.
Verse: 607    nû ist ez uns ze staten komen,

Verse: 608    daz ez uns vremder bete erlât
Verse: 609    und tuot uns unwirde rât.

Verse: 610    ouch hân ich unze her
Verse: 611    beide schilt unde sper

Verse: 612    zesamene behalten.'
Verse: 613    des genâdete er dem alten.

Verse: 614    er bat im ez zeigen dar,
Verse: 615    durch daz er næme war

Verse: 616    ob ez im reht wære,
Verse: 617    ze enge noch ze swære.

Verse: 618    dô was ez behende unde guot.
Verse: 619    des gewan er vil rîchen muot,

Verse: 620    Êrec fil de roi lac.
Verse: 621    vil schiere gienc ûf der tac

Verse: 622    daz si solden rîten
Verse: 623    hin zen hôchzîten.

Verse: 624    dô der tac vol erschein,
Verse: 625    dô riten si ûf tulmein.

Verse: 626    dâ hiez si der herzoge îmâîn
Verse: 627    grôze willekomen sîn.

Verse: 628    ir komennes nam in wunder.
Verse: 629    nû nâmen si in besunder

Verse: 630    und sageten im ir geverte gar,
Verse: 631    war umbe Êrec was komen dar,

Verse: 632    und bâten in râtes dar zuo.
Verse: 633    er sprach: ʽich sage iu waz ich tuo.

Verse: 634    beide lîp unde guot
Verse: 635    unde willeclîcher muot

Verse: 636    sol iu dar zuo sîn bereit,
Verse: 637    her gast, durch iuwer vrümekeit

Verse: 638    und durch mîner nifteln êre.
Verse: 639    ouch volget mîner lêre

Verse: 640    und lât mich si vazzen baz.'
Verse: 641    Êrec der widerredete daz.

Verse: 642    er sprach: ʽdes ensol niht geschehen.
Verse: 643    er hæte harte missesehen,

Verse: 644    swer ein wîp erkande
Verse: 645    niuwan bî dem gewande.

Verse: 646    man sol einem wîbe
Verse: 647    kiesen bî dem lîbe

Verse: 648    ob si ze lobe stât
Verse: 649    unde niht bî der wât.

Verse: 650    ich lâze ouch hiute schouwen
Verse: 651    ritter unde vrouwen,

Verse: 652    und wære si nacket sam mîn hant
Verse: 653    unde swerzer dan ein brant,

Verse: 654    daz mich sper unde swert
Verse: 655    volles lobes an ir wert,

Verse: 656    oder ich verliuse daz leben.'
Verse: 657    ʽgot sol iu gelücke geben'

Verse: 658    sprach der herzoge îmâîn:
Verse: 659    ʽouch sult ir des gewis sîn

Verse: 660    daz iuwer ellenthafter muot
Verse: 661    iu gevüeget allez guot.'

Verse: 662    mit dirre rede si kâmen
Verse: 663    dâ si messe vernâmen

Verse: 664    von dem heiligen geiste:
Verse: 665    des phlegent si aller meiste

Verse: 666    die ze ritterschefte sinnent
Verse: 667    und turnieren minnent.

Verse: 668    dô was bereit der imbîz.
Verse: 669    man dienete in in allen vlîz.

Verse: 670    alsô der dô ergie,
Verse: 671    menneclîch ze vreuden vie

Verse: 672    dar nâch als in dûhte guot
Verse: 673    und in lêrte sîn muot.

Verse: 674    ir spil was umbe die stat
Verse: 675    dâ der sparwære was ûf gesat.

Verse: 676    nû nâmen si alle besunder war,
Verse: 677    wenne îdêrs fil niut dar

Verse: 678    mit sîner âmîen kæme
Verse: 679    und den sparwære næme,

Verse: 680    als er ouch ê hete getân.
Verse: 681    nû sâhen si dort zuo gân

Verse: 682    Êrecken mit vrouwen ênîten.
Verse: 683    er vuorte si an sîner sîten

Verse: 684    hin dâ er den sparwære sach.
Verse: 685    ze des ritters gehœrde er sprach:

Verse: 686    ʽvrouwe, lœset diu bant
Verse: 687    und nemet den sparwære ûf die hant.

Verse: 688    wan daz ist wâr âne strît,
Verse: 689    hiest niemen schœner dan ir sît.'

Verse: 690    dem ritter was daz ungemach.
Verse: 691    vil unwirdeclîche er sprach:

Verse: 692    ʽlât den sparwære stân!
Verse: 693    ez ensol iu niht sô wol ergân,

Verse: 694    ir dürftiginne.
Verse: 695    war tuot ir iuwer sinne?

Verse: 696    lânt in ir der er baz gezeme
Verse: 697    und diu in von rehte neme.

Verse: 698    daz ist hie mîn vriundîn:
Verse: 699    der sol er billîchen sîn.'
Verse group: (8) 
Verse: 700    Êrec sprach: ʽherre guot kneht,
Verse: 701    ir habet den sparwære âne reht

Verse: 702    genomen disiu zwei jâr.
Verse: 703    nû wizzet rehte vür wâr,

Verse: 704    es enmac niht mêre geschehen,
Verse: 705    es enwellen iu die liute jehen.

Verse: 706    ez muoz under uns beiden
Verse: 707    diu ritterschaft scheiden.'

Verse: 708    er sprach: ʽjungelinc, ob iu wære
Verse: 709    der lîp zihte mære,

Verse: 710    sô liezet ir enzît
Verse: 711    iuwern kintlîchen strît,

Verse: 712    wan ir in nû schiere wirs lât,
Verse: 713    sô ez an den lîp gât.

Verse: 714    ich sage iu vor wie iu geschiht.
Verse: 715    irn erbarmet mir niht:

Verse: 716    als ich iu nû gesige an,
Verse: 717    des ich nie zwîvel gewan,

Verse: 718    alsô stât hin ziu mîn muot
Verse: 719    daz ich danne dehein guot

Verse: 720    næme vür iuwern lîp.
Verse: 721    sweder man oder wîp

Verse: 722    iu dise rede gerâten hât,
Verse: 723    der minnet ob iu missegât.'

Verse: 724    Êrec sprach: ʽherre,
Verse: 725    ich hân mich alsô verre

Verse: 726    nû der rede ûz getân:
Verse: 727    ich enwil ir niht wandel hân.'

Verse: 728    zehant schieden si sich dâ
Verse: 729    unde wâfenten sich sâ,

Verse: 730    der ritter als im wol tohte,
Verse: 731    Êrec als er mohte.

Verse: 732    îdêrs was wol worden gar:
Verse: 733    wan er hete sich gewarnet dar

Verse: 734    als man ze ritterschefte sol.
Verse: 735    sîniu sper wâren geverwet wol.

Verse: 736    er was gezimieret:
Verse: 737    sîn ros was gezieret

Verse: 738    mit rîcher kovertiure
Verse: 739    (diu was Êrecke tiure).

Verse: 740    sîn wâpenroc alsam was,
Verse: 741    samît grüene als ein gras,

Verse: 742    mit rîchen borten umbestalt.
Verse: 743    als uns diu âventiure zalt,

Verse: 744    sô was sîn harnasch lobelîch,
Verse: 745    er selbe einem guoten ritter gelîch.

Verse: 746    Êrec ouch dort zuo reit.
Verse: 747    sîn schilt was alt swære lanc und breit,

Verse: 748    sîniu sper unbehende und grôz,
Verse: 749    halp er und daz ros blôz,

Verse: 750    als imz sîn alter sweher lêch.
Verse: 751    gelücke sîn helfe im niht verzêch.

Verse: 752    under al dem liute
Verse: 753    ʽgot gebe dir heil hiute'

Verse: 754    sprach ein gemeiner munt.
Verse: 755    nû rûmte man inz zestunt

Verse: 756    zeinem wîten ringe.
Verse: 757    Êrecke dem jungelinge

Verse: 758    gezam vil wol sîn ritterschaft:
Verse: 759    sîn ellen gap im grôze kraft.

Verse: 760    si ruorte beide ein grôzer zorn.
Verse: 761    diu ros si nâmen mit den sporn:

Verse: 762    dô sach man schenkel vliegen.
Verse: 763    dô begunde jenen triegen

Verse: 764    sîn hôchvertiger wân:
Verse: 765    er wânde ein kint bestanden hân.

Verse: 766    zesamene liezen si strîchen.
Verse: 767    dô bevant er wærlîchen

Verse: 768    daz Êrec degenes ellen truoc.
Verse: 769    mit der tjost er im sluoc

Verse: 770    den schilt an daz houbet.
Verse: 771    dâ von wart er betoubet

Verse: 772    daz er kûme gesaz.
Verse: 773    vil selten geschach im daz.

Verse: 774    diu tjost wart sô krefteclich
Verse: 775    daz diu ros hinder sich

Verse: 776    an die hehsen gesâzen.
Verse: 777    der muote was erlâzen

Verse: 778    der ritter îdêrs unz an die stunt:
Verse: 779    diu wart im sît garwe kunt.

Verse: 780    die schefte vlugen in von der hant
Verse: 781    zebrochen über des schiltes rant.

Verse: 782    dô von in gelîche
Verse: 783    vil harte lobelîche

Verse: 784    wol diu vünfte tjost ergie,
Verse: 785    daz ir deweder vervâlte nie,

Verse: 786    wan daz si diu sper ûf stâchen
Verse: 787    daz si gar zebrâchen,

Verse: 788    dô hete ir Êrec niht mêre.
Verse: 789    des gesûmte er sich sêre.

Verse: 790    doch hete er daz alte sper
Verse: 791    sînes swehers gehalten her

Verse: 792    unz an die jungesten vart.
Verse: 793    dar umbe hete erz dar gespart:

Verse: 794    grôz und gedigen was der schaft.
Verse: 795    ouch hete er sînes lîbes kraft

Verse: 796    harte wol enthalten dar,
Verse: 797    schône unde vil gar.

Verse: 798    als er daz sper ze hant genam
Verse: 799    (sîn schilt im wol ze halse zam),
Verse group: (9) 
Verse: 800    er begunde ein wênic rîten
Verse: 801    ûz gegen vrouwen ênîten

Verse: 802    dâ er si weinende sach.
Verse: 803    über des schiltes rant er sprach:

Verse: 804    ʽgehabet iuch wol, guot vrouwe maget.
Verse: 805    ich bin noch vil unverzaget:

Verse: 806    iuwer sorge sol sich enden.'
Verse: 807    daz ros begunde er wenden

Verse: 808    daz ez in gegen dem ritter truoc.
Verse: 809    daz sper er undern arm sluoc.

Verse: 810    der ritter im engegen kam
Verse: 811    wol gewarnet alsam.

Verse: 812    si liezen zesamene strîchen
Verse: 813    alsô krefteclîchen

Verse: 814    sô si meiste von ir sinnen
Verse: 815    ûz den rossen mohten gewinnen.

Verse: 816    sô sêre zesamene si stâchen
Verse: 817    daz dem ritter brâchen

Verse: 818    die darmgürtel beide
Verse: 819    (dô gelebete erm nie sô leide),

Verse: 820    surzengel und vürbüege.
Verse: 821    doch er guot ellen trüege,

Verse: 822    Êrec in von dem rosse schiet
Verse: 823    ze spotte aller der diet.

Verse: 824    als Êrecke dô sô wol geschach
Verse: 825    daz er den ritter nider stach,

Verse: 826    von im enthielt er hôher baz.
Verse: 827    daz tete er umbe daz

Verse: 828    daz ieman des möhte jehen
Verse: 829    daz im diu schande wære geschehen

Verse: 830    daz er in ligende hete erslagen.
Verse: 831    er wolde bezzer wort bejagen:

Verse: 832    er erbeizte und hiez in ûf stân.
Verse: 833    zesamene liezen si dar gân.

Verse: 834    dô sach man si vehten
Verse: 835    gelîch zwein guoten knehten.

Verse: 836    daz viur in ûz den helmen vlouc.
Verse: 837    si vâhten als den liuten touc

Verse: 838    dies diu grimme nôt gebat:
Verse: 839    wan si hâten gesat

Verse: 840    umbe den sige vil hôhez phant:
Verse: 841    ez galt ze gebenne dâ zehant

Verse: 842    minner noch mêre
Verse: 843    wan beide lîp und êre.

Verse: 844    dem tâten si vil gelîch.
Verse: 845    ir vehten was manlîch.

Verse: 846    des triben si vil und genuoc,
Verse: 847    unz daz îdêrs Êrecken sluoc

Verse: 848    ûf den helm, daz er gie
Verse: 849    von dem slage ûf diu knie.

Verse: 850    als vrouwe ênîte daz ersach,
Verse: 851    grôz wart ir ungemach.

Verse: 852    si begunde ir gesellen klagen.
Verse: 853    si wânde er wære erslagen

Verse: 854    und er belibe des slages dâ.
Verse: 855    ûf spranc er und begunde sâ

Verse: 856    den schilt ze rücke wenden
Verse: 857    und gap ze beiden henden

Verse: 858    daz swert mit grimmen muote
Verse: 859    und vaht sam er wuote.

Verse: 860    er machete in des schiltes bar
Verse: 861    und hiu in im von der hant gar:

Verse: 862    des im vil lützel der vertruoc
Verse: 863    der slac engegen slage sluoc.

Verse: 864    sît daz er im entlêch sîn guot,
Verse: 865    daz galt er als jener tuot

Verse: 866    der dâ mêre entnemen wil.
Verse: 867    si beide spilten ein spil

Verse: 868    daz lîhte den man beroubet,
Verse: 869    der vünfzehen ûf daz houbet.

Verse: 870    ouch wurden si eteswenne gegeben
Verse: 871    beidiu dâ vür und ouch dâ eneben.

Verse: 872    mit grimme si verbunden.
Verse: 873    einer ellenlanger wunden

Verse: 874    möhte er vil wol sîn bekomen
Verse: 875    derz phantreht solde hân genomen.

Verse: 876    dâ wart vil manec gebot geleit
Verse: 877    und dem ein widergelt geseit.

Verse: 878    ir ietweder enwoldez lâzen:
Verse: 879    wan dem wære verwâzen

Verse: 880    beidiu sîn êre und ouch daz leben.
Verse: 881    dar nâch sô wart daz spil gegeben

Verse: 882    mit manegem viurînen slage
Verse: 883    von vruo unz hin nâch mittem tage,

Verse: 884    daz in der gebote zeran
Verse: 885    sô sêre daz die zwêne man

Verse: 886    muoden begunden.
Verse: 887    si enmohten noch enkunden

Verse: 888    ir gebot mit kreften niht gelegen
Verse: 889    noch die arme alsô geregen

Verse: 890    als si tâten unze dar.
Verse: 891    nû hâten si sich alsô gar

Verse: 892    erwüetet und ervohten
Verse: 893    daz si niht mêre enmohten.

Verse: 894    ir slege wîplîchen sigen:
Verse: 895    sô garwe wâren si erwigen

Verse: 896    daz dâ von niht schade geschach.
Verse: 897    îdêrs dô zÊrecke sprach:

Verse: 898    ʽenthalt dich, edel ritter guot.
Verse: 899    wir velschen beide ritters muot
Verse group: (10) 
Verse: 900    dâ mit und wir ie mitten tuon:
Verse: 901    ez ist sunder prîs und âne ruom.

Verse: 902    unser blœdez vehten
Verse: 903    enzimt niht guoten knehten.

Verse: 904    unser slege engânt niht manlîchen,
Verse: 905    wir vehten lasterlîchen.

Verse: 906    obz iuwer muot niht vervât
Verse: 907    vür zageheit, sô ist mîn rât,

Verse: 908    daz wir diz blœde vehten lân
Verse: 909    und eine wîle ruowen gân.'

Verse: 910    dô was Êrec der rede vrô.
Verse: 911    ze ruowe sâzen si dô:

Verse: 912    ir houbet si enbunden.
Verse: 913    und als si des emphunden

Verse: 914    daz si geruowet hâten,
Verse: 915    zesamene si dô trâten

Verse: 916    und griffen an ir altez spil,
Verse: 917    als ich iu nû sagen wil.

Verse: 918    mit guoter kunst, mit niuwer kraft
Verse: 919    und mit alsô gelîcher meisterschaft

Verse: 920    si spilnde beliben.
Verse: 921    dâ siz vil lange getriben,

Verse: 922    daz witzige unde tumbe
Verse: 923    die stuonden dar umbe

Verse: 924    mit nihte erkiesen kunden
Verse: 925    weder zuo den stunden

Verse: 926    eins ougen wæger hæte.
Verse: 927    diz beleip lange stæte:

Verse: 928    wederm geviele der gewin,
Verse: 929    des was zwîvel under in,

Verse: 930    unz daz Êrec der unge man
Verse: 931    begunde denken dar an

Verse: 932    waz im ûf der heide
Verse: 933    ze schanden und ze leide

Verse: 934    von sînem getwerge geschach.
Verse: 935    und als er dar zuo ane sach

Verse: 936    die schœnen vrouwen ênîten,
Verse: 937    daz half im vaste strîten:

Verse: 938    wan dâ von gewan er dô
Verse: 939    sîner krefte rehte zwô.

Verse: 940    ûf den helm er verbant
Verse: 941    mit vil williger hant.

Verse: 942    doch jener die besten würfe warf
Verse: 943    der kein zabelære bedarf,

Verse: 944    dô half disen daz ern nie
Verse: 945    ûz den slegen komen lie,

Verse: 946    und gewan ez eine wîle
Verse: 947    sô sêre mit der île

Verse: 948    unz er doch daz spil verlôs
Verse: 949    und gelac vor im sigelôs.

Verse: 950    sînen geiselstreich er rach.
Verse: 951    als erm den helm abe brach,

Verse: 952    dô lôste erm ouch daz hüetelîn
Verse: 953    als er solde erslagen sîn,

Verse: 954    wan daz er des geruochte
Verse: 955    daz er genâde suochte.

Verse: 956    ʽdurch got erbarme dich,
Verse: 957    edel ritter, über mich.

Verse: 958    êre an mir elliu wîp
Verse: 959    unde lâz mir den lîp

Verse: 960    und gedenke dar an
Verse: 961    daz ich dir, tugenthafter man,

Verse: 962    solh herzenleit niht hân getân:
Verse: 963    dû maht mich wol bî lîbe lân.'

Verse: 964    des antwurte im Êrec dô.
Verse: 965    er sprach: ʽwie redet ir nû sô?

Verse: 966    ir spottet mîn âne nôt.
Verse: 967    jâ woldet ir niuwan mînen tôt:

Verse: 968    sô stüende iuch ze ringe
Verse: 969    iuwer vürgedinge

Verse: 970    und iuwer grôzer übermuot.
Verse: 971    jâ næmet ir dehein guot

Verse: 972    an disem strîte vür mîn leben.
Verse: 973    doch hât mir got die sælde gegeben

Verse: 974    daz sich diu rede verkêret hât:
Verse: 975    sehet, nû getuon ich guoten rât

Verse: 976    daz ich deheine miete
Verse: 977    vür mînen lîp biete:

Verse: 978    swie mirn got anderswâ bewar,
Verse: 979    ich bins vor iu sicher gar.

Verse: 980    hetet ir iuwer hôchvart
Verse: 981    ein lützel baz an mir bewart,

Verse: 982    sehet, daz wære iu nû guot.
Verse: 983    nû hât iuch iuwer übermuot

Verse: 984    hiute hie gevellet
Verse: 985    und dem schaden gesellet.'

Verse: 986    er sprach: ʽwie meinet ir daz?
Verse: 987    ich gediente nie iuwern haz,

Verse: 988    wan ich iuch nie mêre gesach.'
Verse: 989    Êrec aber dô sprach:

Verse: 990    ʽnû schamet iuch durch mîne bete,
Verse: 991    als ich mich gester tete,

Verse: 992    dô ich von iuwern schulden
Verse: 993    die schame muoste dulden

Verse: 994    diu mînem herzen nâhen gie.
Verse: 995    ouch geheize ich iu hie

Verse: 996    daz iu iuwers getwerges tuht
Verse: 997    und sîn grôziu unzuht

Verse: 998    nimmer alsô vil gevrumt
Verse: 999    sô si iu ze schaden hiute kumt.'
Verse group: (11) 
Verse: 1000    der ritter aber dô sprach:
Verse: 1001    ʽgeschach iu ie ungemach

Verse: 1002    von mînen schulden, deist mir leit.
Verse: 1003    ouch hât mich iuwer vrümekeit

Verse: 1004    der selben schulde hie ze stat
Verse: 1005    wol ze buoze gesat.

Verse: 1006    nû geruochet mir den lîp lân.
Verse: 1007    und habe ich iht des getân

Verse: 1008    des ich von rehte engelten sol,
Verse: 1009    daz widerdiene ich harte wol.'

Verse: 1010    Êrec erbarmde sich dô.
Verse: 1011    zuo dem ritter sprach er sô:

Verse: 1012    ʽnû wil ich iuch leben lân:
Verse: 1013    des enhetet ir mir niht getân.'

Verse: 1014    nû gap er im des sicherheit
Verse: 1015    daz er im wære bereit

Verse: 1016    ze leisten swaz ern hieze,
Verse: 1017    daz er in leben lieze.

Verse: 1018    als diu sicherheit was getân,
Verse: 1019    dô hiez er in ûf stân.

Verse: 1020    und als si zuo den stunden
Verse: 1021    ir houbet beide enbunden,

Verse: 1022    er sprach: ʽnû sult ir mich gewern,
Verse: 1023    des enwil ich niht enbern,

Verse: 1024    ez enmüeze mîn vrouwe diu künegîn
Verse: 1025    wider ir laster gêret sîn.

Verse: 1026    ir butet ir grôz ungemach,
Verse: 1027    daz ir nie leider geschach:

Verse: 1028    wider si sô habet ir vil getân.
Verse: 1029    des sult ir ir ze buoze stân:

Verse: 1030    wande siz vil sêre klaget.
Verse: 1031    iuwer getwerc sluoc ir maget

Verse: 1032    gester umbe dise zît:
Verse: 1033    ouch sluoc ez mich alsam sît

Verse: 1034    daz ich disiu mâl gewan.
Verse: 1035    sehet, ich binz der selbe man.

Verse: 1036    ouch hete ich iu immer nâch geriten
Verse: 1037    ê ir des wæret vermiten

Verse: 1038    ich enwürde an iu gerochen.
Verse: 1039    daz ich bin sus zebrochen

Verse: 1040    under mînen ougen
Verse: 1041    (jâ enmuget irs niht gelougen)

Verse: 1042    und daz iuwer getwerc ie
Verse: 1043    solh unzuht begie

Verse: 1044    daz ez die maget hât geslagen,
Verse: 1045    daz enwil ich niht vertragen:

Verse: 1046    von rehte sol ez garnen daz.
Verse: 1047    unde sage iu umbe waz:

Verse: 1048    jâ tete im sîn unzuht sô wol,
Verse: 1049    daz man im es lônen sol.

Verse: 1050    ich wil mich ûz der ahte lân,
Verse: 1051    ezn soldez der maget niht hân getân.

Verse: 1052    ich nim disem hunde ein gæbe phant:
Verse: 1053    daz ist niuwan sîn hant,

Verse: 1054    daz ez immer mêre
Verse: 1055    baz vrouwen êre.'

Verse: 1056    daz enhâte doch der guote
Verse: 1057    niht in sînem muote

Verse: 1058    daz er alsô tuon solde,
Verse: 1059    wan daz er gerne wolde

Verse: 1060    daz getwerc warnen dâ mite
Verse: 1061    daz ez ez dar nâch vermite,

Verse: 1062    und liez ez âne grôze bete
Verse: 1063    daz er im des niht entete.

Verse: 1064    doch rach erz ze rehte:
Verse: 1065    er hiez ez zwêne knehte

Verse: 1066    ûf einen tisch strecken
Verse: 1067    unde wol durchrecken

Verse: 1068    mit guoten spizholzen zwein,
Verse: 1069    daz ez ûf sînem rücke schein

Verse: 1070    dar nâch wol zwelf wochen.
Verse: 1071    sîn unzuht wart gerochen

Verse: 1072    daz daz bluot abe im ran.
Verse: 1073    nû begunde wîp unde man

Verse: 1074    under in gemeinlîchen jehen,
Verse: 1075    im wære gar rehte geschehen,

Verse: 1076    sît manz in solher unzuht vant.
Verse: 1077    ez was maliclisier genant.

Verse: 1078    Êrec dô ze dem ritter sprach
Verse: 1079    (sîn tweln was im ungemach):

Verse: 1080    ʽnû enweiz ich wes ir bîtet
Verse: 1081    daz ir niht enrîtet

Verse: 1082    ze mîner vrouwen der künegîn.
Verse: 1083    ir soldet nû geriten sîn.

Verse: 1084    in ir gewalt sult ir iuch ergeben
Verse: 1085    und lebet swie si iuch heize leben.

Verse: 1086    saget ir rehte wer ir sît
Verse: 1087    und umbe unseren strît

Verse: 1088    und wer iuch dar zir habe gesant.
Verse: 1089    alsô bin ich genant,

Verse: 1090    Êrec fil de roi lac.
Verse: 1091    ich kum morgen, ob ich mac.

Verse: 1092    ich rîte ze mîner wîle:
Verse: 1093    dar sint niuwan siben mîle.

Verse: 1094    nû gedenket an iuwer sicherheit.'
Verse: 1095    der ritter dô enwec reit,

Verse: 1096    er und sîn vriundîn
Verse: 1097    unde daz getwergelîn,

Verse: 1098    gegen dem künege artûse.
Verse: 1099    nû was er ze sînem hûse
Verse group: (12) 
Verse: 1100    wider entwichen in daz lant
Verse: 1101    (daz was karadigân genant),

Verse: 1102    dô der hirz was gejaget,
Verse: 1103    als iu ê ist gesaget.

Verse: 1104    nû was ez alsô ergangen
Verse: 1105    daz den hirz hete gevangen

Verse: 1106    der künec artûs mit sîner hant.
Verse: 1107    daz reht daz dâ von wart benant

Verse: 1108    daz was im gevallen,
Verse: 1109    daz er undern megeden allen

Verse: 1110    eine küssen solde,
Verse: 1111    swelhe er wolde.

Verse: 1112    dô si ze karadigân wâren komen,
Verse: 1113    dô wolde der künec hân genomen

Verse: 1114    sîn reht nâch der gewonheit.
Verse: 1115    dôz im ze rehte wart geseit,

Verse: 1116    dô bat in diu künegîn
Verse: 1117    daz ez gevristet müeste sîn

Verse: 1118    unz sim gesagete mære
Verse: 1119    wiez ergangen wære

Verse: 1120    und waz ir geschach ze leide
Verse: 1121    von dem ritter ûf der heide,

Verse: 1122    und sagete im vil rehte wie
Verse: 1123    ez ir des selben tages ergie.

Verse: 1124    si sprach ʽgeselle, ich wil dir klagen:
Verse: 1125    sus und sô wart mîn maget geslagen

Verse: 1126    und Êrec fil de roi lac.
Verse: 1127    umbe den selben geiselslac

Verse: 1128    schiet er vor leide
Verse: 1129    von mir ûf der heide.

Verse: 1130    er sprach: ʽgeloubet, vrouwe mîn,
Verse: 1131    ich wil iu immer vremde sîn

Verse: 1132    ze britanje in dem lande,
Verse: 1133    ichn gereche mîne schande.

Verse: 1134    und ob ich mich errechen mac,
Verse: 1135    sô kum ich über den dritten tac.'

Verse: 1136    herre, der ist morgen.
Verse: 1137    gedingen unde sorgen

Verse: 1138    hân ich umbe den jungelinc,
Verse: 1139    wie nû stên sîniu dinc.

Verse: 1140    ich enmohte in nie erwenden.
Verse: 1141    got welle in uns senden.

Verse: 1142    geselle, nû bite ich dich
Verse: 1143    durch sîne liebe und durch mich

Verse: 1144    daz dû dîns rehtes niht ennemest
Verse: 1145    ê daz dû danne vernemest

Verse: 1146    wie im sîn dinc ergangen sî.
Verse: 1147    mir wære liep, er wære ouch bî.

Verse: 1148    nû bît niuwan unz morgen vruo:
Verse: 1149    gelinget im, er kumt dar zuo.'

Verse: 1150    disiu bete was getân
Verse: 1151    ûf dem hûs ze karadigân.

Verse: 1152    dô hete walwân und der vriunt sîn,
Verse: 1153    der truhsæze keîin,

Verse: 1154    sich ze handen gevangen
Verse: 1155    und wâren gegangen

Verse: 1156    niulîch von den vrouwen
Verse: 1157    vür daz kastel schouwen.

Verse: 1158    beide si dô sâhen
Verse: 1159    disen ritter zuo gâhen

Verse: 1160    verre ûz dem walde.
Verse: 1161    nû tâten siz balde

Verse: 1162    der küneginne kunt.
Verse: 1163    ûf stuont si zestunt:

Verse: 1164    ir vrouwen si zuo ir nam,
Verse: 1165    an ein venster si kam,

Verse: 1166    daz si war næme
Verse: 1167    wer dâ geriten kæme.

Verse: 1168    dâ stuont si und diu ritterschaft
Verse: 1169    bî ein ander zwîvelhaft

Verse: 1170    wer der ritter möhte gesîn.
Verse: 1171    dô sprach diu künegîn:

Verse: 1172    ʽez ist benamen der man,
Verse: 1173    als ich verre kiesen kan

Verse: 1174    und als mir mîn gemüete seit,
Verse: 1175    dem Êrec dô nâch reit.

Verse: 1176    nû sehet, ir sint drîe:
Verse: 1177    daz getwerc und sîn âmîe

Verse: 1178    rîtent mit im dort her.
Verse: 1179    ez ist nieman wan er.

Verse: 1180    jâ vert er sam er rîte
Verse: 1181    ûzer einem strîte.

Verse: 1182    ez mac iu dâ bî sîn erkant,
Verse: 1183    im ist der schilt unz an die hant

Verse: 1184    vil nâch verhouwen gar,
Verse: 1185    sîn harnasch aller bluotvar.

Verse: 1186    ich wil iu zewâre sagen,
Verse: 1187    er hât Êrecken erslagen

Verse: 1188    und ist durch ruom her komen
Verse: 1189    daz er den sige hât genomen.

Verse: 1190    oder er hât den ritter gesant
Verse: 1191    sigelôsen in diz lant

Verse: 1192    durch unsers hoves êre
Verse: 1193    des selben gedinge ich sêre.'

Verse: 1194    nû jâhen si alle der künegîn,
Verse: 1195    der eintwederz möhte wol sîn.

Verse: 1196    ê diu rede wære getân,
Verse: 1197    îdêrs ûf karadigân

Verse: 1198    gegenwürtic über den hof reit
Verse: 1199    zeinem steine, der was breit,
Verse group: (13) 
Verse: 1200    ein wênic ûf an eine stat
Verse: 1201    vor der grêde gesat.

Verse: 1202    der was gemachet ûf dem hûs
Verse: 1203    daz der künec artûs

Verse: 1204    dâ erbeizete und ouch ûf saz.
Verse: 1205    der ritter gedâhte wâ er baz

Verse: 1206    erbeizen möhte dan ouch dâ:
Verse: 1207    bî dem steine erbeizete er sâ.

Verse: 1208    als man in diu ros emphie,
Verse: 1209    mit dem getwerge er dô gie

Verse: 1210    und mit sîner vriundîn
Verse: 1211    mit zühten vür die künegîn.

Verse: 1212    diu bôt im hêrlîchen gruoz.
Verse: 1213    nû viel er ir an den vuoz,

Verse: 1214    er sprach: ʽvrouwe rîche,
Verse: 1215    nû emphâhet genædeclîche

Verse: 1216    in iuwer gewalt einen man
Verse: 1217    dem got deheiner êren gan:

Verse: 1218    den ich dâ meine daz bin ich.
Verse: 1219    wider iuch vergâhete ich mich:

Verse: 1220    des entwanc mich dehein nôt,
Verse: 1221    wan daz mirz mîn schalcheit gebôt.

Verse: 1222    des sol ich iu ze buoze stân:
Verse: 1223    wan ich dar an gevolget hân

Verse: 1224    tumbes herzen râte
Verse: 1225    nû riuwetz mich ze spâte.

Verse: 1226    jâ warne ich mich ze unzît
Verse: 1227    sam der hase sô er in dem netze lît:

Verse: 1228    des ist mîn riuwe worden breit.
Verse: 1229    ez ist et als man dâ seit,

Verse: 1230    daz unrehter hôchmuot
Verse: 1231    dem manne lîhte schaden tuot.

Verse: 1232    des hân ich mich enstanden
Verse: 1233    nâch grôzen mînen schanden

Verse: 1234    und bin es an ein ende komen:
Verse: 1235    wan er hât mir nâch benomen

Verse: 1236    zuo den êren daz leben.
Verse: 1237    ich wil mich schuldic ergeben:

Verse: 1238    iu ist von mir geschehen leit.
Verse: 1239    ich binz der iu widerreit

Verse: 1240    gester ûf der heide.
Verse: 1241    daz ist mir komen ze leide

Verse: 1242    daz ich die unzuht vertruoc
Verse: 1243    daz mîn getwerc die maget sluoc.

Verse: 1244    der unvuore umbe den geiselslac
Verse: 1245    hât mich Êrec fil de roi lac

Verse: 1246    wol ze buoze gesat,
Verse: 1247    als in mîn wâriu schulde bat.

Verse: 1248    er gevalte mich mit sîner hant
Verse: 1249    und hât mich, vrouwe, her gesant,

Verse: 1250    daz ich der selben schulde
Verse: 1251    gewinne iuwer hulde

Verse: 1252    und gar in iuwerm dienste stê.
Verse: 1253    dannoch sage ich iu mê:

Verse: 1254    ir endurfet umbe in niht sorgen:
Verse: 1255    er kumt iu selbe morgen

Verse: 1256    und bringet mit im eine maget
Verse: 1257    daz iu nieman ensaget

Verse: 1258    daz er dehein schœner habe gesehen,
Verse: 1259    muoz er der wârheite jehen.'

Verse: 1260    von disen mæren wurden dô
Verse: 1261    vil herzenlîche vrô

Verse: 1262    artûs und diu künegîn
Verse: 1263    und lobetens unsern trehtîn,

Verse: 1264    daz im alsô jungen
Verse: 1265    sô schône was gelungen

Verse: 1266    und im sîn êrstiu ritterschaft
Verse: 1267    mit lobelîcher heiles kraft

Verse: 1268    iedoch alsô gar ergie:
Verse: 1269    wan er begundes vor nie.

Verse: 1270    oder ez wære
Verse: 1271    gar ein nîdære,

Verse: 1272    sô truoc im dâ niemen haz.
Verse: 1273    ez wart nie man geminnet baz

Verse: 1274    von einem ingesinde,
Verse: 1275    wan er hetez von kinde

Verse: 1276    umbe si gedienet sô
Verse: 1277    daz si des alle wâren vrô.

Verse: 1278    zem ritter sprach diu künegîn:
Verse: 1279    ʽiuwer buoze diu sol ringer sîn

Verse: 1280    dan ir doch gearnet hât.
Verse: 1281    ich wil daz ir hie bestât

Verse: 1282    und unser ingesinde sît.'
Verse: 1283    daz muoste ouch wesen âne strît.

Verse: 1284    alsô diu rede geschach,
Verse: 1285    der künec zuo den rittern sprach:

Verse: 1286    ʽnû suln wir in ze lône
Verse: 1287    emphâhen vil schône.

Verse: 1288    wir suln mit rehte einem man
Verse: 1289    derz sô wol gedienen kan

Verse: 1290    aller êren gunnen.
Verse: 1291    er hât es wol begunnen

Verse: 1292    daz er ze lobenne sol geschehen.'
Verse: 1293    des begunden si dô alle jehen.

Verse: 1294    dô ez alsô was komen,
Verse: 1295    als ir dâ vor habet vernomen,

Verse: 1296    daz Êrecke sô wol gelance
Verse: 1297    daz er îdêrs betwanc

Verse: 1298    ûf dem hûs ze tulmein,
Verse: 1299    der ie ein wârer degen schein,
Verse group: (14) 
Verse: 1300    und dô vrouwe ênîte
Verse: 1301    behertet wart mit strîte,

Verse: 1302    sîns gelückes wâren dô
Verse: 1303    vil herzenlîche vrô

Verse: 1304    arme unde rîche
Verse: 1305    und jâhen alle gelîche,

Verse: 1306    dâ enwære dehein zwîvel an,
Verse: 1307    er enwære der tiuriste man

Verse: 1308    der ie kæme in daz lant.
Verse: 1309    dâ was nieman zehant

Verse: 1310    dem sîn sige wære leit:
Verse: 1311    si prîsten sîne manheit.

Verse: 1312    ir spil begunden si mêren
Verse: 1313    dô ze sînen êren.

Verse: 1314    grôz buhurt huop sich dâ
Verse: 1315    unde tanzen anderswâ.

Verse: 1316    in entwâfente der herzoge îmâin:
Verse: 1317    in ir schôz leite in

Verse: 1318    daz kint vrouwe ênîte
Verse: 1319    ze ruowe nâch dem strîte.

Verse: 1320    ir gebærde was vil bliuclîch,
Verse: 1321    einer megede gelîch.

Verse: 1322    si enredete im niht vil mite:
Verse: 1323    wan daz ist ir aller site

Verse: 1324    daz si zem êrsten schamic sint
Verse: 1325    unde blûc sam diu kint.

Verse: 1326    dar nâch ergrîfent si den list
Verse: 1327    daz si wol wizzen waz in guost ist,

Verse: 1328    und daz in liep wære
Verse: 1329    daz si nû dunket swære,

Verse: 1330    unde daz si næmen,
Verse: 1331    swâ si sîn reht bekæmen,

Verse: 1332    einen süezen kus vür einen slac
Verse: 1333    und guote naht vür übeln tac.

Verse: 1334    dô bat in der herzoge îmâîn
Verse: 1335    daz er die naht geruochte sîn

Verse: 1336    mit im durch alle minne
Verse: 1337    mit sîner vriundinne

Verse: 1338    und bats ouch den geswîen.
Verse: 1339    des begunde in Êrec verzîhen.

Verse: 1340    sus antwurte er im dô:
Verse: 1341    ʽherre, wie tæte ich danne sô,

Verse: 1342    solde ich mînen wirt lân
Verse: 1343    der mir vil guotes hât getân?

Verse: 1344    er emphienc mich gester,
Verse: 1345    er und iuwer swester,

Verse: 1346    in grôzer unkünde wol
Verse: 1347    und sô daz ich ez dienen sol:

Verse: 1348    ich weiz wol, baz enmohter.
Verse: 1349    er gap mir sîne tohter:

Verse: 1350    durch daz sô lât ez âne zorn.
Verse: 1351    ern wirt von mir sô niht verborn.

Verse: 1352    solde ich nû von im wenken,
Verse: 1353    sô möhte er wol gedenken

Verse: 1354    er engulte sîner armuot,
Verse: 1355    des er weizgot niene tuot.

Verse: 1356    ich sol mit im vil gerne sîn.
Verse: 1357    mîn stæter wille wirt im schîn:

Verse: 1358    und suln wir leben halbez jâr,
Verse: 1359    ich mache in rîche, daz ist wâr,

Verse: 1360    mirn gebreste des guotes.
Verse: 1361    mirn zerinnet niht des muotes,

Verse: 1362    ich enbringe in ûf die vart
Verse: 1363    daz er nie rîcher wart.'

Verse: 1364    dô sprach der herzoge îmâîn:
Verse: 1365    ʽsît ir bî mir niht wellet sîn,

Verse: 1366    sô suln wir bî iu bestân,
Verse: 1367    mit iu ze herbergen gân.'

Verse: 1368    des genâdete im vil verre
Verse: 1369    Êrec der herre,

Verse: 1370    und sîn sweher tete alsô.
Verse: 1371    ûf stuonden si dô.

Verse: 1372    bî handen si sich viengen,
Verse: 1373    ze herverge si giengen

Verse: 1374    und vuorten vrouwen ênîten
Verse: 1375    dâ enzwischen an ir sîten.

Verse: 1376    dô hete si wünnen genuoc,
Verse: 1377    wan si ûf ir hant truoc

Verse: 1378    den gewunnen sparwære:
Verse: 1379    daz was wol vreudebære.

Verse: 1380    sus hâte diu maget
Verse: 1381    sæleclîche bejaget

Verse: 1382    von lobe michel êre:
Verse: 1383    doch vreute si sich mêre

Verse: 1384    von schulden ir lieben man
Verse: 1385    den si des tages dô gewan.

Verse: 1386    ein man den vreuden nie verdrôz,
Verse: 1387    des kurzwîle was vil grôz.

Verse: 1388    zen herbergen was grôzer schal.
Verse: 1389    dâ muoste er geste âne zal,

Verse: 1390    ritter unde vrouwen,
Verse: 1391    den selben âbent schouwen:

Verse: 1392    wande si ladeten gar
Verse: 1393    alle die et kâmen dar

Verse: 1394    zuo den hôchzîten.
Verse: 1395    der vater vrouwen ênîten

Verse: 1396    enmöhtez niht erziuget hân:
Verse: 1397    ez muoste an dem herzogen stân.

Verse: 1398    von sînem hûse man dar truoc
Verse: 1399    spîse ebene genuoc.
Verse group: (15) 
Verse: 1400    als im erschein der ander tac,
Verse: 1401    Êrec fil de roi lac

Verse: 1402    der enwolde dâ niht langer tweln.
Verse: 1403    sîn unmuoze begunde er zeln

Verse: 1404    und sprach er müeste rîten
Verse: 1405    und vüeren vrouwen ênîten.

Verse: 1406    dô bat in ir œheim,
Verse: 1407    der herzoge von tulmein,

Verse: 1408    daz er si müeste vazzen baz:
Verse: 1409    Êrec der widerredete daz.

Verse: 1410    golt und silber er im bôt.
Verse: 1411    er sprach des wære im unnôt:

Verse: 1412    beide ros und gewant,
Verse: 1413    dar zuo beslôz Êrec die hant,

Verse: 1414    wan daz er ein phert nam,
Verse: 1415    daz ir ze rîtenne gezam,

Verse: 1416    von ir nifteln, einer maget:
Verse: 1417    diu was, sô man saget,

Verse: 1418    mit dem herzogen dâ
Verse: 1419    unde sîn niftel nâ.

Verse: 1420    vil güetlîche si in es bat,
Verse: 1421    alsô lange unz ûf die stat

Verse: 1422    daz er ez von ir emphie.
Verse: 1423    und wizzet wol daz vordes nie

Verse: 1424    in der werlde dehein man
Verse: 1425    schœner phert mê gewan.

Verse: 1426    ez was ze michel noch ze kranc,
Verse: 1427    sîn varwe rehte harmblanc,

Verse: 1428    sîn man tief unde reit,
Verse: 1429    sîn brust starc unde breit,

Verse: 1430    mit ganzem gebeine,
Verse: 1431    ze grôz noch ze kleine.

Verse: 1432    sîn houbet truocz ze rehte hô.
Verse: 1433    ez was senfte unde vrô,

Verse: 1434    mit langen sîten
Verse: 1435    (man mohtez wol gerîten)

Verse: 1436    rücke und vuoz guot genuoc:
Verse: 1437    hei wie rehte sanfte ez truoc!

Verse: 1438    ez gienc vil drâte über velt
Verse: 1439    schône sam ein schef enzelt:

Verse: 1440    dar zuo und ez sanfte gie,
Verse: 1441    sô gestrûchetez doch nie.

Verse: 1442    der satel was alsam,
Verse: 1443    daz ez dem pherde wol gezam:

Verse: 1444    daz gesmîde sam ez solde
Verse: 1445    von rôtem golde.

Verse: 1446    waz sol des langiu mære
Verse: 1447    wie daz geworht wære?

Verse: 1448    des muoz ich iuch vil verdagen:
Verse: 1449    wan solde ichz iu allez sagen,

Verse: 1450    sô würde der rede ze vil.
Verse: 1451    den lop ich iu enden wil

Verse: 1452    mit vil kurzen worten:
Verse: 1453    die darmgürtel wâren borten.

Verse: 1454    alz ez im gezogen wart,
Verse: 1455    diu reise enwart niht mê gespart.

Verse: 1456    vrouwe ênîte urloup nam,
Verse: 1457    als einem kinde wol gezam,

Verse: 1458    vil heize weinende,
Verse: 1459    ze rîten in ellende

Verse: 1460    von ir lieben muoter.
Verse: 1461    diu sprach: ʽrîcher got vil guoter,

Verse: 1462    dû geruoche mînes kindes phlegen.'
Verse: 1463    mit triuwen langer wart der segen.

Verse: 1464    nû errahte daz scheiden
Verse: 1465    manegen trahen in beiden

Verse: 1466    unde dar zuo ir vater.
Verse: 1467    unsern herren got bater

Verse: 1468    daz er ir müeste walten.
Verse: 1469    Êrec sagete dem alten,

Verse: 1470    swenne im sîn bote kæme,
Verse: 1471    swaz er von dem vernæme,

Verse: 1472    daz er dar nâch tæte:
Verse: 1473    wan er den willen hæte

Verse: 1474    ze tuone sîner armuot buoz.
Verse: 1475    dô neic er im an den vuoz

Verse: 1476    und was des gedingen vrô.
Verse: 1477    urloup nâmen si dô

Verse: 1478    von allem dem gesinde dâ
Verse: 1479    unde schieden sich sâ

Verse: 1480    unde riten von dan.
Verse: 1481    Êrec enwolde nieman

Verse: 1482    mit im von stete rîten lân:
Verse: 1483    mit heile bat er si dâ bestân.

Verse: 1484    alsô si dô beide
Verse: 1485    kâmen ûf die heide,

Verse: 1486    Êrec begunde schouwen
Verse: 1487    sîne juncvrouwen.

Verse: 1488    ouch sach si vil dicke an
Verse: 1489    bliuclîchen ir man.

Verse: 1490    dô wehselten si vil dicke
Verse: 1491    die vriuntlîchen blicke.

Verse: 1492    ir herze wart der minne vol:
Verse: 1493    si gevielen beide ein ander wol

Verse: 1494    und ie baz unde baz.
Verse: 1495    dâ envant nît noch haz

Verse: 1496    ze blîbenne dehein vaz:
Verse: 1497    triuwe und stæte si besaz.

Verse: 1498    nû riten si vil drâte,
Verse: 1499    wan er gelobet hâte
Verse group: (16) 
Verse: 1500    ze komenne an dem selben tage.
Verse: 1501    nâch der küneginne sage

Verse: 1502    westen die guoten knehte
Verse: 1503    alle vil rehte

Verse: 1504    die zît wenne er solde komen:
Verse: 1505    ouch hâten siz vernomen

Verse: 1506    von dem ritter der dâ kam,
Verse: 1507    an dem er den sige nam.

Verse: 1508    diu ros wâren in bereit.
Verse: 1509    dô genôz er sîner vrümekeit.

Verse: 1510    mit dem künege artûse
Verse: 1511    riten von dem hûse

Verse: 1512    gâwein und persevâus
Verse: 1513    und ein herre genant alsus,

Verse: 1514    der künec iels von gâlœs,
Verse: 1515    und estorz fil roi ares,

Verse: 1516    lucâns der schenke schein in der schar,
Verse: 1517    dar zuo diu massenîe gar,

Verse: 1518    daz sin emphiengen alle
Verse: 1519    mit ritterlîchem schalle,

Verse: 1520    geselleclîchen unde wol,
Verse: 1521    als man lieben vriunt sol

Verse: 1522    der verlorner vunden ist.
Verse: 1523    gegen im was zer selben vrist

Verse: 1524    über den hof gegangen,
Verse: 1525    daz er würde emphangen,

Verse: 1526    mîn vrouwe diu künegîn.
Verse: 1527    si hiez in willekomen sîn:

Verse: 1528    sîner âventiure was si vrô.
Verse: 1529    vrouwen ênîten nam si dô,

Verse: 1530    si sprach: ʽvrou maget wol getân,
Verse: 1531    dirre kleider sult ir wandel hân.'

Verse: 1532    nû vuorte si diu rîche
Verse: 1533    in ir heimlîche.

Verse: 1534    dâ was ir ein bat bereit,
Verse: 1535    und wart nâch ir arbeit

Verse: 1536    gebadet vaste schône.
Verse: 1537    diu vrouwe mit der krône,

Verse: 1538    ir lieben gast si kleite:
Verse: 1539    wan dâ was bereite

Verse: 1540    vil rîchez gewant.
Verse: 1541    si nâte selbe mit ir hant

Verse: 1542    in ein hemde daz magedîn:
Verse: 1543    daz was wîz sîdîn.

Verse: 1544    daz hemde si bedahte,
Verse: 1545    daz manz loben mahte,

Verse: 1546    mit einem rocke wol gesniten
Verse: 1547    nâch kerlingischen siten,

Verse: 1548    weder zenge noch ze wît:
Verse: 1549    der was ein grüener samît

Verse: 1550    mit spannebreiter lîste,
Verse: 1551    dâ si si in brîste,

Verse: 1552    mit gespunnem golde
Verse: 1553    beidenthalp sô man solde,

Verse: 1554    von ietweder hende
Verse: 1555    an der sîten ende.

Verse: 1556    ouch wart vrouwen ênîten
Verse: 1557    gegurt umbe ir sîten

Verse: 1558    ein rieme von îberne:
Verse: 1559    den tragent die vrouwen gerne.

Verse: 1560    vür ir brust wart geleit
Verse: 1561    ein haftel wol hande breit,

Verse: 1562    daz was ein gelpher rubîn:
Verse: 1563    doch überwant im sînen schîn

Verse: 1564    diu maget vil begarwe
Verse: 1565    mit ir liehten varwe.

Verse: 1566    der roc was bevangen,
Verse: 1567    mit einem mantel behangen

Verse: 1568    der im ze mâze mohte sîn,
Verse: 1569    daz geville hermîn,

Verse: 1570    daz dach ein rîcher sigelât.
Verse: 1571    disiu küneclîche wât

Verse: 1572    was gezobelt ûf die hant.
Verse: 1573    ein borte ir hâr zesamene bant:

Verse: 1574    der was ze mâze breit,
Verse: 1575    kriuzwîs überz houbet geleit.

Verse: 1576    sô guot was des schapels schîn,
Verse: 1577    ez enmohte borte bezzer sîn.

Verse: 1578    ir kleit was rîch, si selbe guot.
Verse: 1579    nû bedahte vrouwe armuot

Verse: 1580    von grôzer schame daz houbet,
Verse: 1581    wan si was beroubet

Verse: 1582    ir stat vil vrevenlîchen.
Verse: 1583    si muoste danne entwîchen,

Verse: 1584    von ir hûse sî vlôch:
Verse: 1585    rîcheit sich in ir gesæze zôch.

Verse: 1586    alsô schœne schein diu maget
Verse: 1587    in swachen kleidern, sô man saget,

Verse: 1588    daz si in sô rîcher wât
Verse: 1589    nû vil wol ze lobe stât.

Verse: 1590    vil gerne ich si wolde
Verse: 1591    loben als ich solde:

Verse: 1592    nû enbin ich niht sô wîser man,
Verse: 1593    mirn gebreste dar an.

Verse: 1594    solh sin ist mir unkunt.
Verse: 1595    ouch hât sich manec wîser munt

Verse: 1596    in wîbes lobe gevlizzen,
Verse: 1597    daz ich niht möhte wizzen

Verse: 1598    welhen lop ich ir vunde,
Verse: 1599    ez ensî vor dirre stunde
Verse group: (17) 
Verse: 1600    baz gesprochen wîben.
Verse: 1601    si muoz von mir belîben

Verse: 1602    ungelobet nâch ir rehte,
Verse: 1603    wans gebrist mir tumben knehte.

Verse: 1604    doch bescheide ichz sô ich beste kan
Verse: 1605    und als ichz vernomen han,

Verse: 1606    sô was ûzer strîte:
Verse: 1607    ez was vrouwe ênîte

Verse: 1608    diu aller schœniste maget
Verse: 1609    diu ie, sô man saget,

Verse: 1610    in des küneges hof kam.
Verse: 1611    diu küneginne si nam

Verse: 1612    vriuntlîchen bî ir hant
Verse: 1613    und gienc dâ si den künec vant

Verse: 1614    sitzen nâch sînem rehte
Verse: 1615    mit manegem guoten knehte

Verse: 1616    dâ zuo der tavelrunde.
Verse: 1617    die zer selben stunde

Verse: 1618    dâ gesâzen oder sît,
Verse: 1619    der hete einer âne strît

Verse: 1620    an lobe den besten gewin.
Verse: 1621    des jâhen si alle under in,

Verse: 1622    wande er nâch sage nie
Verse: 1623    deheine lôsheit begie

Verse: 1624    unde tugent sô manecvalt
Verse: 1625    daz man in noch zalt

Verse: 1626    zeim dem tiuristen man
Verse: 1627    der ie stat dâ gewan:

Verse: 1628    des hete er zem sedel guot reht,
Verse: 1629    gâwein der guote kneht.

Verse: 1630    dâ bî Êrec fil de roi lac
Verse: 1631    und lanzelot von arlac

Verse: 1632    und gornemanz von grôharz
Verse: 1633    und li bels côharz

Verse: 1634    und lais hardîz
Verse: 1635    und meljanz von lîz

Verse: 1636    und maldwîz li sages
Verse: 1637    und der wilde dodines

Verse: 1638    und der guote gandelus.
Verse: 1639    bî dem saz êsus,

Verse: 1640    dar nâch der ritter brîên
Verse: 1641    und îwein fil li roi vrîên

Verse: 1642    unde zallen êren snel
Verse: 1643    îwân von lônel.

Verse: 1644    ouch saz ir dâ mêre,
Verse: 1645    îwân von lafultêre

Verse: 1646    und onam von galiot
Verse: 1647    und gasosîn von strangot.

Verse: 1648    ouch saz dâ zehant
Verse: 1649    der mit dem guldîn bogen genant,

Verse: 1650    tristram und gârel,
Verse: 1651    blîobleherîn und titurel,

Verse: 1652    garedeas von brebas,
Verse: 1653    güs von strauz und baulas,

Verse: 1654    gaüros von rabedic
Verse: 1655    und des küneges sun von ganedic,

Verse: 1656    lis von quinte carous,
Verse: 1657    isdex von mun dolerous,

Verse: 1658    îthêr von gaheviez,
Verse: 1659    maunis und der kal galez,

Verse: 1660    grangodoans und gareles
Verse: 1661    und estorz fil ares,

Verse: 1662    galagaundris und gâlœs
Verse: 1663    und fil dou giloles,

Verse: 1664    lohût fil roi artûs,
Verse: 1665    segremors und praürâûs,

Verse: 1666    blerios und garredoineschscin,
Verse: 1667    los und troimar lo meschschin,

Verse: 1668    brîên lingo mathel
Verse: 1669    und equinot fil cont haterel,

Verse: 1670    lernfras fil gaîn
Verse: 1671    und henec suctellois fil gawîn,

Verse: 1672    lê und gahillet,
Verse: 1673    von hochturasch maneset,

Verse: 1674    und batewain fil roy cabcaflir,
Verse: 1675    ....

Verse: 1676    galopamur, daz ist wâr,
Verse: 1677    fil îsabon und schonebâr,

Verse: 1678    lanfal und brantrivier,
Verse: 1679    malivliôt von katelange und barcinier,

Verse: 1680    der getriuwe gothardelen,
Verse: 1681    gangier von neranden

Verse: 1682    unde scos der bruoder sîn,
Verse: 1683    der küne lespîn

Verse: 1684    und machmerit parcefâl von glois
Verse: 1685    und seckmur von rois,

Verse: 1686    inpripalenôt und estravagaot,
Verse: 1687    pehpimerôt und lamendragot,

Verse: 1688    oruogodelet
Verse: 1689    und affibla delet,

Verse: 1690    arderoch amander
Verse: 1691    und ganatulander,

Verse: 1692    lermebion von jarbes,
Verse: 1693    fil mur defemius a quater bardes.

Verse: 1694    nû hân ich iu genennet gar
Verse: 1695    die tugenthaften schar.

Verse: 1696    ir was nâch der rehten zal
Verse: 1697    vierzec und hundert über al.

Verse: 1698    nû vuorte si diu künegîn
Verse: 1699    gegen der menigîn.
Verse group: (18) 
Verse: 1700    der wunsch was an ir garwe.
Verse: 1701    als der rôsen varwe

Verse: 1702    under wîze liljen güzze,
Verse: 1703    und daz zesamene vlüzze,

Verse: 1704    und daz der munt begarwe
Verse: 1705    wære von rôsen varwe,

Verse: 1706    dem gelîchete sich ir lîp.
Verse: 1707    man gesach nie ritterlîcher wîp.

Verse: 1708    alsô si dô under die
Verse: 1709    von êrste zuo der tür in gie

Verse: 1710    und si sitzen gesach,
Verse: 1711    schame tete ir ungemach.

Verse: 1712    diu rôsen varwe ir entweich,
Verse: 1713    nû rôt und danne bleich

Verse: 1714    wart si dô vil dicke
Verse: 1715    von dem aneblicke,

Verse: 1716    ze gelîcher wîse als ich iu sage:
Verse: 1717    als diu sunne in liehtem tage

Verse: 1718    ir schîn vil volleclîchen hât,
Verse: 1719    und gâhes dâ vür gât

Verse: 1720    ein wolken dünne und niht breit,
Verse: 1721    sô enist ir schîn niht sô bereit

Verse: 1722    als man in vor sach.
Verse: 1723    sus leit kurzen ungemach

Verse: 1724    diu juncvrouwe ênîte
Verse: 1725    von schame unlange zîte.

Verse: 1726    dô si zer tür in gie,
Verse: 1727    ir schœnez antlütze gevie

Verse: 1728    der wünneclîchen varwe mê
Verse: 1729    und wart schœner dan ê:

Verse: 1730    ei wie wol ez ir gezam
Verse: 1731    dô ir varwe wandel nam!

Verse: 1732    von grôzer schame daz geschach:
Verse: 1733    wan si nie mê gesach

Verse: 1734    sitzen ensamt sô manegen helt
Verse: 1735    von ganzen tugenden ûz erwelt.

Verse: 1736    dô diu maget in gie,
Verse: 1737    von ir schœne erschrâken die

Verse: 1738    zer tavelrunde sâzen
Verse: 1739    sô daz si ir selber vergâzen

Verse: 1740    und kapheten die maget an.
Verse: 1741    dâ enwas dehein man,

Verse: 1742    ern begunde ir vür die schœnsten jehen
Verse: 1743    die er hæte gesehen.

Verse: 1744    der künec gegen ir gie:
Verse: 1745    bî der hant er si vie,

Verse: 1746    vrouwen ênîten,
Verse: 1747    und sazte si besîten

Verse: 1748    unde anderhalp sîn
Verse: 1749    die tugenthaften künegîn.

Verse: 1750    nû gedûhte ouch den künec zît
Verse: 1751    daz er den ritterlîchen strît

Verse: 1752    zehant enden wolde.
Verse: 1753    ir wizzet daz er solde

Verse: 1754    sîn reht hân genomen
Verse: 1755    (daz habet ir ê wol vernomen),

Verse: 1756    von diu daz imz sô wol ergie
Verse: 1757    daz er den wîzen hirz gevie,

Verse: 1758    diu mit gelîchem mære
Verse: 1759    diu schœniste dâ wære,

Verse: 1760    daz er die kuste an ir munt.
Verse: 1761    des hâte er unz an die stunt

Verse: 1762    durch die künegîn erbiten.
Verse: 1763    nû enwart niht dâ wider gestriten,

Verse: 1764    si enwære diu schœniste dâ
Verse: 1765    und über die werlt ouch anderswâ.

Verse: 1766    wan ich sage iu rehte wie
Verse: 1767    ir schœne vür die andern gie:

Verse: 1768    als ob an einer vinstern naht
Verse: 1769    die sterne wæren unbedaht,

Verse: 1770    daz man si möhte wol gesehen,
Verse: 1771    sô müeste man von schulden jehen,

Verse: 1772    si wæren wol genæme
Verse: 1773    ob in schœners niht enkæme.

Verse: 1774    und sô den mânen sîn zît
Verse: 1775    in der naht her vür gît,

Verse: 1776    sô hât man die wolgetânen
Verse: 1777    ze nihte bî dem mânen:

Verse: 1778    si dûhten lobebære,
Verse: 1779    ob der mâne niene wære

Verse: 1780    und ob er si niht enlaschte
Verse: 1781    mit sînem liehten glaste.

Verse: 1782    sus swachete ir varwe
Verse: 1783    die vrouwen begarwe.

Verse: 1784    ouch vuor der künec ungebeit
Verse: 1785    behalten sîn gewonheit,

Verse: 1786    als im si sîn vater liez
Verse: 1787    (sîn vater utpandragôn hiez),

Verse: 1788    daz er den kus næme dâ
Verse: 1789    und ouch niender anderswâ

Verse: 1790    wan swâz die guoten knehte
Verse: 1791    gesageten im ze rehte.

Verse: 1792    ûf stuont der künec dâ:
Verse: 1793    sîn reht nam er sâ

Verse: 1794    von sînes neven vriundîn.
Verse: 1795    daz mohte wol âne haz sîn,

Verse: 1796    wan Êrec was sîn künne.
Verse: 1797    nû huop sich michel wünne

Verse: 1798    ûf dem hûs ze karadigân.
Verse: 1799    daz was ze liebe getân
Verse group: (19) 
Verse: 1800    im und sîner vriundîn.
Verse: 1801    wâ möhte grœzer vreude sîn

Verse: 1802    dan man dâ hâte zaller zît?
Verse: 1803    si vlizzen sich enwiderstrît,

Verse: 1804    alle die dâ wâren,
Verse: 1805    vrœlîchen gebâren.

Verse: 1806    dô gedâhte der tugentrîche
Verse: 1807    Êrec vil ritterlîche

Verse: 1808    an sînes swehers armuot
Verse: 1809    unde sande im schœnez guot

Verse: 1810    bî sînem boten in sîn hûs
Verse: 1811    (daz gap im der künec artûs),

Verse: 1812    zwêne soumære,
Verse: 1813    der bürde was vil swære.

Verse: 1814    si truogen silber unde golt
Verse: 1815    (wan er was der tohter holt),

Verse: 1816    daz er sich schône kleite
Verse: 1817    und er sich wol bereite

Verse: 1818    ze varne in sînes vater lant:
Verse: 1819    daz was destregâles genant.

Verse: 1820    bî sînem boten bater
Verse: 1821    den künec lac sînen vater

Verse: 1822    daz er sînen sweher alten
Verse: 1823    zweier hiuser lieze walten,

Verse: 1824    diu er im benande
Verse: 1825    in sînem lande,

Verse: 1826    und daz si wæren sîn eigen.
Verse: 1827    mit namen begunder si zeigen,

Verse: 1828    montrevel und rôadân.
Verse: 1829    daz was allez getân.

Verse: 1830    als er diu hiuser zim gewan,
Verse: 1831    dô wart der edel man

Verse: 1832    ergetzet swes im ie gewar:
Verse: 1833    unnôtic wart er gar.

Verse: 1834    man tete in alsô rîche
Verse: 1835    daz er sich hêrlîche

Verse: 1836    mit in begân mohte,
Verse: 1837    als sînem adel tohte.

Verse: 1838    nû grîfe wir wider an die vart
Verse: 1839    dâ von der rede begunnen wart.

Verse: 1840    dô Êrec hin ze hove kam
Verse: 1841    und der künec sîn reht genam,

Verse: 1842    vrouwe ênîte reizte daz,
Verse: 1843    diu dort als ein engel saz

Verse: 1844    mit schœne und ouch mit güete,
Verse: 1845    daz Êreckes gemüete

Verse: 1846    vil herzenlîche nâch ir ranc.
Verse: 1847    der tage dûhte in ze lanc,

Verse: 1848    daz er ze langern zîten
Verse: 1849    ir minne solde bîten

Verse: 1850    dan unz an die næhsten naht.
Verse: 1851    ouch truoc si im bedaht

Verse: 1852    einen willen dem gelîch,
Verse: 1853    daz ez wære wætlîch,

Verse: 1854    und hetez nieman gesehen,
Verse: 1855    daz dâ wære geschehen

Verse: 1856    ein vil vriuntlîchez spil.
Verse: 1857    zewâre ich iu daz sagen wil,

Verse: 1858    dâ was der minnen gewin:
Verse: 1859    diu minne rîchsete under in

Verse: 1860    und vuocte in grôzen ungemach.
Verse: 1861    dô einz daz ander ane sach,

Verse: 1862    dô enwas in beiden niht baz
Verse: 1863    dan einem habeche, der im sîn maz

Verse: 1864    von geschihte zougen bringet,
Verse: 1865    sô in der hunger twinget:

Verse: 1866    und als ez im gezeiget wirt,
Verse: 1867    swaz ers dâ vür mêre enbirt,

Verse: 1868    dâ von muoz im wirs geschehen
Verse: 1869    dan ob ers niht enhete gesehen.

Verse: 1870    alsô tete in daz bîten wê
Verse: 1871    zuo der mâze und dannoch mê.

Verse: 1872    ir beider gedanc stuont alsô:
Verse: 1873    ʽjâ enwirde ich nimmer vrô,

Verse: 1874    ich engelige dir noch bî
Verse: 1875    zwô naht oder drî.'

Verse: 1876    ez gerten ir sinne
Verse: 1877    anderre minne

Verse: 1878    (dar nâch si gemâzet sint)
Verse: 1879    danne dâ ein sunder kint

Verse: 1880    sich nâch sîner muoter sent,
Verse: 1881    diu ez guotes hât gewent,

Verse: 1882    sô si im ir gruoz diutet
Verse: 1883    und im die hende biutet

Verse: 1884    vor dem dâ von im leit geschiht.
Verse: 1885    untiurre engerten si des niht

Verse: 1886    des si doch gewunnen sît.
Verse: 1887    nû was ouch briutennes zît,

Verse: 1888    wan ez wære in beiden liep getân.
Verse: 1889    nû enwolde in des niht erlân

Verse: 1890    der tugenthafte artûs,
Verse: 1891    er enbrûte in sînem hûs

Verse: 1892    ze vreuden sînem lande.
Verse: 1893    zehant er ûz sande,

Verse: 1894    swar er mohte gereichen,
Verse: 1895    brieve und wortzeichen,

Verse: 1896    daz im die vürsten kæmen
Verse: 1897    und alle diez vernæmen

Verse: 1898    von allen landen wîten
Verse: 1899    ze sînen hôchzîten.
Verse group: (20) 
Verse: 1900    diu brûtlouft wart gesprochen
Verse: 1901    in der phingestwochen.

Verse: 1902    nû nenne ich iu die grâven gar
Verse: 1903    unde ouch der vürsten schar

Verse: 1904    diu zuo den hôchzîten kam
Verse: 1905    dâ Êrec vroun ênîten nam.

Verse: 1906    ez wâren rîche geste:
Verse: 1907    grâve brandes von doleceste

Verse: 1908    (der brâhte in sîner schar
Verse: 1909    vünf hundert gesellen dar,

Verse: 1910    der geziuc was lobelîch,
Verse: 1911    zuo im gekleit alle gelîch)

Verse: 1912    unde grâve margôn,
Verse: 1913    geboren von glufiôn,

Verse: 1914    die herren von alte montanje
Verse: 1915    (deist nâhen bî britanje)

Verse: 1916    und grâve libers von treverîn
Verse: 1917    mit zehenzec gesellen sîn,

Verse: 1918    der rîche grâve gundregoas
Verse: 1919    und der herre maheloas,

Verse: 1920    von dem glesînen werde genant.
Verse: 1921    sus stuont ez umbe sîn lant

Verse: 1922    daz dar über benamen nie
Verse: 1923    dehein ungewiter ergie:

Verse: 1924    ouch was dâ grôzer gemach,
Verse: 1925    wan man dâ nie wurm gesach:

Verse: 1926    dâ enwart nie kalt noch heiz,
Verse: 1927    als manz von der wârheit weiz.

Verse: 1928    gresmurs fîne posterne
Verse: 1929    (den sach man dâ gerne)

Verse: 1930    und sîn bruoder gimörs genant
Verse: 1931    (der wert avalôn hiez sîn lant):

Verse: 1932    des sælde enwas niht kleine,
Verse: 1933    wan er minnete ein feine,

Verse: 1934    diu hiez margül.
Verse: 1935    ouch kam dâvît von luntagül:

Verse: 1936    der herzoge gülgüzins kam dar
Verse: 1937    mit hêrlîcher schar:

Verse: 1938    der hôhe bois sô hiez sîn gewalt.
Verse: 1939    nû sint iu die herzogen gezalt

Verse: 1940    und die grâven über al.
Verse: 1941    nû vernemet ouch der künege zal.

Verse: 1942    ir wâren zehene, sô man zalt,
Verse: 1943    vünve junc und vünve alt,

Verse: 1944    alle gewaltic unde rîch.
Verse: 1945    besunder hâten si sich

Verse: 1946    gesellet ritterlîchen,
Verse: 1947    die jungen zir gelîchen,

Verse: 1948    die alten zuo den alten:
Verse: 1949    diu mâze wart behalten.

Verse: 1950    die jungen wâren, sô man seit,
Verse: 1951    gelîch geriten und gekleit:

Verse: 1952    die alten wâren rehte alsam,
Verse: 1953    zer mâze als ouch in gezam.

Verse: 1954    nû prüeve ich iu der jungen wât:
Verse: 1955    samît unde sigelât

Verse: 1956    zesamene geparrieret,
Verse: 1957    enmitten gezieret

Verse: 1958    mit vêhen gevillen,
Verse: 1959    vil rehte nâch ir willen

Verse: 1960    ze enge noch ze wît gesniten.
Verse: 1961    diu ros diu die jungen riten

Verse: 1962    garwe swarz sam ein raben,
Verse: 1963    diu enkunden niht wan draben.

Verse: 1964    dise riten vor in daz lant.
Verse: 1965    ir iegelîch vuorte ûf der hant

Verse: 1966    vier mûze einen sparwære.
Verse: 1967    diu schar was lobebære:

Verse: 1968    ir brâhte iegelîcher dar
Verse: 1969    driu hundert gesellen in sîner schar.

Verse: 1970    an ir wât was der vlîz.
Verse: 1971    der êrste künec carnîz

Verse: 1972    (schorces sîn lant hiez)
Verse: 1973    und der künec von schotten angwisiez

Verse: 1974    mit zwein sünen sîn
Verse: 1975    (genant was einer côîn

Verse: 1976    und der ander goasilröt)
Verse: 1977    und künec bêals von gomoret.

Verse: 1978    diz was diu junge ritterschaft.
Verse: 1979    nû kâmen dar mit hêrschaft

Verse: 1980    vünf alte künege rîche.
Verse: 1981    die wâren ouch gelîche

Verse: 1982    beide geriten und gekleit.
Verse: 1983    si hâten an sich geleit

Verse: 1984    ir alter ein gezæme wât,
Verse: 1985    als manz von in vernomen hât,

Verse: 1986    den besten brûnât den man vant
Verse: 1987    über allez engellant.

Verse: 1988    diu geville wâren grâ,
Verse: 1989    daz nieman anderswâ

Verse: 1990    dehein bezzer enmohte hân,
Verse: 1991    ze riuzen noch ze pôlân.

Verse: 1992    si was lanc unde breit,
Verse: 1993    allenthalben drûf geleit

Verse: 1994    dickiu blech von golde,
Verse: 1995    daz gewürhte als ez solde,

Verse: 1996    guot unde wæhe
Verse: 1997    unde alsô spæhe

Verse: 1998    daz man ez volprîsen muoz,
Verse: 1999    gezobelt breit ûf den vuoz.
Verse group: (21) 
Verse: 2000    der zobel was daz nie dehein man
Verse: 2001    deheinen bezzern gewan

Verse: 2002    noch tiurern envant
Verse: 2003    über allez connelant.

Verse: 2004    des landes phliget der soldân,
Verse: 2005    wan ez ist im undertân:

Verse: 2006    ez ist lanc unde wît.
Verse: 2007    conne beslozzen lît

Verse: 2008    zwischen den landen beiden,
Verse: 2009    den kriechen und den heiden.

Verse: 2010    der beste zobel kumt von dan
Verse: 2011    den diu werlt ie gewan.

Verse: 2012    diz was der vürsten kleit.
Verse: 2013    dar under hâten si geleit

Verse: 2014    rîche bellize alsam
Verse: 2015    als ez der obern wât gezam.

Verse: 2016    ir iegelîches huot
Verse: 2017    was von zobel harte guot.

Verse: 2018    geriten wâren si vil wol,
Verse: 2019    als ich iu sagen sol,

Verse: 2020    ir phert blanc snêwîz.
Verse: 2021    an in was aller der vlîz

Verse: 2022    der rîchen alten wol gezam:
Verse: 2023    ir gereite guot alsam,

Verse: 2024    von guotem golde was sîn schîn.
Verse: 2025    daz daz gesmîde solde sîn,

Verse: 2026    daz was von silber durchslagen,
Verse: 2027    mit liehtem golde übertragen,

Verse: 2028    ir darmgürtel borten breit.
Verse: 2029    dô disiu schar reit

Verse: 2030    ze britanje in daz lant,
Verse: 2031    ir iegelîchem ûf der hant

Verse: 2032    ein schœner habech saz,
Verse: 2033    sehs mûze oder baz.

Verse: 2034    dô was guot kurzwîle
Verse: 2035    des weges drî mîle.

Verse: 2036    si vunden guote beize dâ:
Verse: 2037    beide bach unde lâ

Verse: 2038    lâgen antvogele vol.
Verse: 2039    swaz ein habech vâhen sol,

Verse: 2040    des vunden si dâ vil.
Verse: 2041    man gesach ouch nie vederspil

Verse: 2042    sô manegen schœnen vluc getuon.
Verse: 2043    den antvogel und daz huon,

Verse: 2044    den reiger und den vâsân
Verse: 2045    sâhen si vor in ûf stân,

Verse: 2046    den kranech an dem gevilde
Verse: 2047    und die gans wilde.

Verse: 2048    ouch vuorten ir knappen
Verse: 2049    des tages von den trappen

Verse: 2050    ir satel vol behangen,
Verse: 2051    wan dâ was gar gevangen

Verse: 2052    swaz ir wart gestoubet.
Verse: 2053    vil garwe beroubet

Verse: 2054    wart daz gevilde
Verse: 2055    an vogelen und an wilde:

Verse: 2056    swâ der hase erschrecket wart,
Verse: 2057    daz was sîn jungeste vart.

Verse: 2058    dô si nâch der beize riten
Verse: 2059    unde vriuntlîchen striten,

Verse: 2060    under in was ein bescheiden haz:
Verse: 2061    ir iegelîch wolde daz dâ baz

Verse: 2062    sîn habech gevlogen hæte,
Verse: 2063    als man ouch noch tæte.

Verse: 2064    nû reit der künec artûs
Verse: 2065    engegen in von sînem hûs

Verse: 2066    mit sîner massenîe gar
Verse: 2067    und emphienc die hêrlîchen schar

Verse: 2068    mit vil grôzer werdekeit:
Verse: 2069    ir komennes was er vil gemeit.

Verse: 2070    ez wurden die guoten knehte
Verse: 2071    emphangen nâch ir rehte

Verse: 2072    und vil baz behalten.
Verse: 2073    nû nenne ich iu die alten.

Verse: 2074    daz was der künec jernîs
Verse: 2075    von riel, biderbe unde wîs.

Verse: 2076    der brâhte mit im dar
Verse: 2077    eine lobelîche schar,

Verse: 2078    driu hundert gesellen.
Verse: 2079    der alter hœret zellen:

Verse: 2080    in was daz houbet gar
Verse: 2081    und der bart snêvar,

Verse: 2082    nider gewahsen alsô tief
Verse: 2083    daz er in ûf die gürtel swief.

Verse: 2084    der aller jungest, daz ist wâr,
Verse: 2085    der hete vierzic und hundert jâr.

Verse: 2086    nû vernement waz ir mêre sî.
Verse: 2087    der getwerge künec bîl êî1

Verse: 2088    und sîn bruoder brîans genant:
Verse: 2089    antipodes hiez ir lant.

Verse: 2090    ez enwurden einer muoter kint,
Verse: 2091    die bruoder geheizen sint,

Verse: 2092    nie ungelîcher danne sî,
Verse: 2093    brîans und bîlêî.

Verse: 2094    uns saget daz wâre mære
Verse: 2095    daz brîans langer wære

Verse: 2096    dan iemen bî sînen zîten
Verse: 2097    in allen landen wîten

Verse: 2098    anderhalbe spanne:
Verse: 2099    sô saget man uns danne
Verse group: (22) 
Verse: 2100    daz dehein getwerc enwære noch sî
Verse: 2101    kurzer danne bîlêî.

Verse: 2102    swes im an wahsenne gebrast,
Verse: 2103    daz hete der wênige gast

Verse: 2104    vol an dem muote.
Verse: 2105    ouch envant man an dem guote

Verse: 2106    niht sînen ebenrîchen.
Verse: 2107    er kam dar hêrlîchen.

Verse: 2108    sîn geselleschaft was grôz:
Verse: 2109    er brâhte dar zwêne sîne genôz,

Verse: 2110    ouch herren über getwerge lant.
Verse: 2111    die wâren alsô genant,

Verse: 2112    grigoras und glecidolân.
Verse: 2113    die künege ich genant hân.

Verse: 2114    nû emphienc der künec artûs
Verse: 2115    ze karadigân in sînem hûs

Verse: 2116    dise rîchen geste
Verse: 2117    sô er mohte beste.

Verse: 2118    nû was komen der tac
Verse: 2119    daz Êrec fil de roi lac

Verse: 2120    solde nemen vrouwen ênîten.
Verse: 2121    wes möhten si langer bîten?

Verse: 2122    wan si wârens beidiu vrô.
Verse: 2123    zesamene gap si dô

Verse: 2124    eines bischoves hant
Verse: 2125    von cantwarje ûz engellant.

Verse: 2126    dô huop sich dâ ein hôchzît
Verse: 2127    daz man ir vollen lop gît.

Verse: 2128    dâne erschein dehein armuot.
Verse: 2129    dâ was sô manec ritter guot

Verse: 2130    daz ich iu zeiner mâze
Verse: 2131    wil sagen von ir vrâze:

Verse: 2132    wan si ahten mêre
Verse: 2133    ûf ander êre

Verse: 2134    danne daz si vræzen vil.
Verse: 2135    dâ von ich iu kurze wil

Verse: 2136    gesagen von der wirtschaft.
Verse: 2137    dâ was alles des diu kraft

Verse: 2138    des liute und ros solden leben:
Verse: 2139    des wart in âne mâze gegeben,

Verse: 2140    wan daz man des næme
Verse: 2141    als es menlîch zæme.

Verse: 2142    bûhurt, tanzen huop sich hie,
Verse: 2143    sô der imbîz ergie,

Verse: 2144    unde werte unz an die naht.
Verse: 2145    sô wart dâ trûren bedaht.

Verse: 2146    alsô si des verdrôz,
Verse: 2147    sô was ir vreude sus grôz.

Verse: 2148    zen vrouwen si giengen
Verse: 2149    die si schône emphiengen.

Verse: 2150    dâ was diu handelunge guot.
Verse: 2151    dar zuo vreuwete in den muot

Verse: 2152    daz vil süeze seitspil
Verse: 2153    und ander kurzwîle vil,

Verse: 2154    sagen unde singen
Verse: 2155    und snelleclîchen springen.

Verse: 2156    dâ was aller künste kraft,
Verse: 2157    von allen ambeten meisterschaft.

Verse: 2158    die aller besten spilman
Verse: 2159    die diu werlt ie gewan

Verse: 2160    und die meister wâren genant,
Verse: 2161    der was dâ zehant

Verse: 2162    driu tûsent unde mêre.
Verse: 2163    ez geschach nie grœzer êre

Verse: 2164    weder vordes noch sît
Verse: 2165    dan zuo der selben hôchzît.

Verse: 2166    swaz der diete dar kam,
Verse: 2167    diu guot umbe êre nam,

Verse: 2168    der entete man eines niht rât.
Verse: 2169    den gelimph varndez volc hât,

Verse: 2170    swâ man einem vil gît
Verse: 2171    und dem andern niht, des hât er nît

Verse: 2172    und vluochet der hôchzît.
Verse: 2173    des kam dâ niemen in den strît,

Verse: 2174    wan si wurden rîche
Verse: 2175    alle gelîche.

Verse: 2176    man gap dâ vil starke.
Verse: 2177    von golde drîzec marke

Verse: 2178    die gap man dâ vil manegem man
Verse: 2179    der vor nie gewan

Verse: 2180    eines halben phundes wert.
Verse: 2181    si wurden alle sô gewert

Verse: 2182    des wætlîch nimmer mêre ergât.
Verse: 2183    beide ros unde wât

Verse: 2184    gap man der swachen diet
Verse: 2185    die vordes nieman beriet.

Verse: 2186    alsô wart daz wol behuot
Verse: 2187    daz dâ nieman umbe guot

Verse: 2188    dem anderen nît truoc:
Verse: 2189    man gap in allen genuoc.

Verse: 2190    dâ enwart nieman geschant:
Verse: 2191    man gap in allen zehant.

Verse: 2192    emphâhens zeran in nie
Verse: 2193    unz daz diu hôchzît zegie,

Verse: 2194    unz an den vierzehenden tac.
Verse: 2195    sus brûte Êrec fil de roi lac.

Verse: 2196    als diu brûtlouft nam ende,
Verse: 2197    nû schiet mit rîcher hende

Verse: 2198    vil vrœlîchen dan
Verse: 2199    manec wol sprechender spilman.
Verse group: (23) 
Verse: 2200    die sprâchen alle
Verse: 2201    mit gelîchem schalle

Verse: 2202    wol den hôchzîten:
Verse: 2203    Êrecke und vrouwen ênîten

Verse: 2204    wunschten si aller sælekeit.
Verse: 2205    diu was in doch nû bereit

Verse: 2206    lange unde manec jâr.
Verse: 2207    ir wunsch wart volleclîche wâr,

Verse: 2208    wan zwei gelieber wurden nie
Verse: 2209    unz ez der tôt undervie,

Verse: 2210    der allez liep leidet
Verse: 2211    sô er liep von liebe scheidet.

Verse: 2212    ouch wolden urloup hân genomen
Verse: 2213    die vürsten die dar wâren komen.

Verse: 2214    nû lancte die hôchzît
Verse: 2215    der wirt vierzehen naht sît.

Verse: 2216    Êrecke ze liebe tete er daz,
Verse: 2217    wan er in sînem herzen saz,

Verse: 2218    und ouch durch vrouwen ênîten.
Verse: 2219    zen andern hôchzîten

Verse: 2220    stuont ir vreude alsam ouch ê:
Verse: 2221    ir enwart niht minner, ir wart mê.

Verse: 2222    nû jâhen des genuoge,
Verse: 2223    ez wære âne vuoge

Verse: 2224    ob ein alsô guot man
Verse: 2225    solde scheiden von dan,

Verse: 2226    dâ enwürde ein turnei genomen,
Verse: 2227    sît si durch vreude wæren komen

Verse: 2228    ze britanje in ir lant.
Verse: 2229    des antwurte gâwein zehant,

Verse: 2230    die solden ouch si vinden dâ.
Verse: 2231    einen turnei nam er sâ

Verse: 2232    wider dise vier gesellen,
Verse: 2233    der namen hœret zellen:

Verse: 2234    entreferich und tenebroc,
Verse: 2235    mêlîz und meljadoc.

Verse: 2236    der turnei wart gesprochen
Verse: 2237    über drî wochen

Verse: 2238    von dem næhsten mântage.
Verse: 2239    nâch der âventiure sage

Verse: 2240    sô solde der turnei sîn
Verse: 2241    zwischen tarebrôn und prûrîn:

Verse: 2242    daz was in gelîche gelegen,
Verse: 2243    in beiden ze halben wegen.

Verse: 2244    nû schieden dise viere man
Verse: 2245    mit urloube von dan,

Verse: 2246    daz si sich bereiten dar zuo,
Verse: 2247    wan ez enwas in niht ze vruo.

Verse: 2248    Êrec fil der roi lac
Verse: 2249    maneger gedanke phlac,

Verse: 2250    wie er dar sô kæme
Verse: 2251    als sînem namen gezæme,

Verse: 2252    wan er vor der stunde
Verse: 2253    turnierens nie begunde.

Verse: 2254    vil dicke gedâhte er dar an,
Verse: 2255    in swelhem werde ein junger man

Verse: 2256    in den êrsten jâren stât,
Verse: 2257    daz er daz immer gerne hât.

Verse: 2258    er vorhte den langen itewîz.
Verse: 2259    deste grœzeren vlîz

Verse: 2260    gâben sîne ræte
Verse: 2261    wie erz dâ wol getæte.

Verse: 2262    dô enwas er niht sô rîche
Verse: 2263    daz er volleclîche

Verse: 2264    mohte mit dem guote
Verse: 2265    volziehen sînem muote.

Verse: 2266    swaz aber im des gebrast
Verse: 2267    (daz meinte daz er dâ was gast:

Verse: 2268    sîn lant was im verre),
Verse: 2269    artûs der herre

Verse: 2270    gap im swaz er vor gesprach.
Verse: 2271    doch was er im dar an gemach

Verse: 2272    daz es in iht bevilte.
Verse: 2273    er entweich sîner milte

Verse: 2274    mit bete swâ er mohte,
Verse: 2275    als sîner schame tohte.

Verse: 2276    er hæte wunder getân,
Verse: 2277    möhte er gehabet hân

Verse: 2278    nâch sînem willen volle hant.
Verse: 2279    als ez im nû was gewant,

Verse: 2280    dar nâch sazte er sînen muot.
Verse: 2281    sîn harnasch enwas sô guot

Verse: 2282    noch solch sîn geselleschaft,
Verse: 2283    als ob er hete des guotes kraft.

Verse: 2284    nâch sîner maht vienc erz an.
Verse: 2285    nû pruofte der junge man

Verse: 2286    drîe schilte gelîch
Verse: 2287    und driu gereite alsamelîch

Verse: 2288    mit einem wâfen garwe:
Verse: 2289    doch schiet si diu varwe.

Verse: 2290    der ein im hurtlîch genuoc was,
Verse: 2291    ûze ein liehtez spiegelglas

Verse: 2292    (vil verre glaste des schîn),
Verse: 2293    dar ûf ein mouwe guldîn,

Verse: 2294    zer mâze sô si solde,
Verse: 2295    innen gar von golde.

Verse: 2296    der ander von sinopel rôt:
Verse: 2297    dar ûf slahen er gebôt

Verse: 2298    ein mouwen von silber wîz:
Verse: 2299    diu was geworht in solhen vlîz
Verse group: (24) 
Verse: 2300    daz man si sô kurzer stunde
Verse: 2301    niht baz erziugen kunde

Verse: 2302    und innen dem erren gelîch:
Verse: 2303    der was genuoc ritterlîche.

Verse: 2304    alsô wart der dritte var,
Verse: 2305    von golde ûze und innen gar,

Verse: 2306    dar ûf ein mouwe zobelîn,
Verse: 2307    diu niht bezzer mohte sîn,

Verse: 2308    dar über ein buckel geleit:
Verse: 2309    von silber schône zebreit

Verse: 2310    diu rîs, ze breit noch ze smal,
Verse: 2311    si beviengen daz bret über al:

Verse: 2312    daz bestuont diu mouwe.
Verse: 2313    inner halp ein vrouwe

Verse: 2314    an dem vordern orte:
Verse: 2315    der schiltrieme ein borte

Verse: 2316    mit guotem gesteine:
Verse: 2317    des enwas er niht eine.

Verse: 2318    si wâren innen alle gelîch,
Verse: 2319    die riemen alsamelîch.

Verse: 2320    nû pruofte er nâch der ahte
Verse: 2321    sô er behendeclîchest mahte

Verse: 2322    drî banier samelîch,
Verse: 2323    einem iegelîchen schilte sîn gelîch.

Verse: 2324    dar zuo Êrec der junge man
Verse: 2325    mit artûses helfe gewan,

Verse: 2326    des küneges von britanje,
Verse: 2327    vünf ros von spanje,

Verse: 2328    helme von poitiers,
Verse: 2329    halsberge von schamliers,

Verse: 2330    îserkolzen von glenîs.
Verse: 2331    der herre junc unde wîs

Verse: 2332    ziegelîchem rosse vuorte er
Verse: 2333    von lôfanige zehen sper,

Verse: 2334    von etelburc die schefte,
Verse: 2335    geverwet ze ritterschefte.

Verse: 2336    sîn helm gezieret schône:
Verse: 2337    ein engel ûz einer krône

Verse: 2338    von golde geworht schein.
Verse: 2339    wâpenroc und kovertiure al ein,

Verse: 2340    beidiu genuoc kuntlîch,
Verse: 2341    grüener samît phelle rîch,

Verse: 2342    zesamene geparrieret,
Verse: 2343    mit borten wol gezieret.

Verse: 2344    vünfzehen knaben er gewan,
Verse: 2345    sô behende daz dehein man

Verse: 2346    deheine tiurere envant
Verse: 2347    ze britanje überz lant.

Verse: 2348    iegelîches harnasch was guot,
Verse: 2349    ein panzier und ein îsenhuot

Verse: 2350    und ein kiule wol beslagen.
Verse: 2351    sîniu sper truoc ein wagen

Verse: 2352    hin dâ der turnei solde sîn,
Verse: 2353    zwischen tarebrôn und prûrîn,

Verse: 2354    ê dan Êrec würde bereit.
Verse: 2355    als ich ê hân geseit,

Verse: 2356    dâ was ouch turneies zil:
Verse: 2357    guoter ritter kam dar vil.

Verse: 2358    als er wolde rîten
Verse: 2359    und von vrouwen ênîten

Verse: 2360    dô begunde scheiden,
Verse: 2361    von den gesellen beiden

Verse: 2362    ein getriuwiu wandelunge ergie,
Verse: 2363    unde sage iu rehte wie:

Verse: 2364    der vil getriuwe man,
Verse: 2365    ir herze vuorte er mit im dan,

Verse: 2366    daz sîn beleip dem wîbe
Verse: 2367    versigelt in ir lîbe.

Verse: 2368    an der sambeztages naht
Verse: 2369    kam mit aller sîner maht

Verse: 2370    der künec artûs dar.
Verse: 2371    er brâhte sîn massenîe gar.

Verse: 2372    nû wâren die besten dâ ze wege
Verse: 2373    geherberget nâch ir phlege.

Verse: 2374    die uopten ritterlîchen schal.
Verse: 2375    die herberge wâren über al

Verse: 2376    mit liehten bestaht
Verse: 2377    deiswâr alle die naht.

Verse: 2378    Êrec herbergete dort
Verse: 2379    von den andern an ein ort.

Verse: 2380    deheines schalles er began:
Verse: 2381    er lebete als ein vol karger man

Verse: 2382    ungiudeclîchen
Verse: 2383    und enwolde sich niht gelîchen

Verse: 2384    einem guoten knehte,
Verse: 2385    und von allem rehte.

Verse: 2386    giudens urloup möhte er hân
Verse: 2387    derz dicke vür in hete getân:

Verse: 2388    er endûhte sich niht sô vollekomen
Verse: 2389    noch an manheit vernomen,

Verse: 2390    daz ez im erloubet möhte sîn.
Verse: 2391    swelher der gesellen sîn

Verse: 2392    durch geselleschaft geruochte
Verse: 2393    daz er sîn herberge suochte,

Verse: 2394    der wart schône emphangen dâ
Verse: 2395    mit gruoze baz dan anderswâ:

Verse: 2396    an swelhen andern dingen
Verse: 2397    erz niht enmohte bringen,

Verse: 2398    dâ schein sîn wille alsô
Verse: 2399    daz ir iegelîcher was vrô
Verse group: (25) 
Verse: 2400    swâ er im ze lobenne geschach.
Verse: 2401    in minnete allez daz in sach.

Verse: 2402    er tete alsam der sælden schol:
Verse: 2403    man enspræche im anders niht sô wol.

Verse: 2404    nû lebete disiu ritterschaft
Verse: 2405    mit gewonlîcher vreuden kraft,

Verse: 2406    als man ze turneien phlac.
Verse: 2407    morgen an dem suntac

Verse: 2408    tâten si als ez in was gewant:
Verse: 2409    si hiezen ir îsengewant

Verse: 2410    vegen unde riemen.
Verse: 2411    dâ was lützel iemen

Verse: 2412    wan den turnierens wol gezam.
Verse: 2413    alsô dô vür kam

Verse: 2414    vil kûme mitter tac,
Verse: 2415    Êrec fil de roi lac

Verse: 2416    der wâfente sich sâ
Verse: 2417    ê iemen anderswâ,

Verse: 2418    daz er die êrsten tjost næme
Verse: 2419    und in vür kæme,

Verse: 2420    swâ er des state vunde.
Verse: 2421    nû wâren ouch zer stunde

Verse: 2422    vür komen ûf den selben muot
Verse: 2423    gesellen zwêne, ritter guot:

Verse: 2424    und als si in gesâhen,
Verse: 2425    zuo im begunden si gâhen

Verse: 2426    ûf vil gewissen sin.
Verse: 2427    der ein tjostierte wider in:

Verse: 2428    den selben er von dem rosse stach.
Verse: 2429    dem andern alsam geschach.

Verse: 2430    ir rosse er niene ruochte,
Verse: 2431    wan daz er vürbaz suochte

Verse: 2432    ritterschefte mêre.
Verse: 2433    dô geviel im diu êre

Verse: 2434    diu in an lobe zierte,
Verse: 2435    daz er vünfstunt tjostierte

Verse: 2436    alsô daz nie ritter baz.
Verse: 2437    zwô genâde vuocten im daz:

Verse: 2438    sælde und grôze werdekeit,
Verse: 2439    die hâte got an in geleit.

Verse: 2440    dise tjost hete er genomen
Verse: 2441    ê ieman wære ze velde komen,

Verse: 2442    wan si was genuoc vruo.
Verse: 2443    doch riten si enmitten zuo

Verse: 2444    von ietwederem teile.
Verse: 2445    ze grôzem sînem heile

Verse: 2446    menneclîch diu ros sach
Verse: 2447    dâ er die ritter abe stach,

Verse: 2448    dô si dâ liefen hin und her.
Verse: 2449    si sprâchen alle: ʽjâ, herre, wer

Verse: 2450    mac disiu ros erlediget hân?
Verse: 2451    ez hât benamen Êrec getân.'

Verse: 2452    vil wol wart er geprîset dâ.
Verse: 2453    nû huop sich ouch sâ

Verse: 2454    vil rîch diu vespereide
Verse: 2455    enmitten ûf der heide.

Verse: 2456    des wart vil guot diu ritterschaft,
Verse: 2457    daz ietwedernthalp ir kraft

Verse: 2458    wac vol gelîche.
Verse: 2459    dô wart ritterlîche

Verse: 2460    genuoc getjostieret
Verse: 2461    und wol gepunieret

Verse: 2462    und geslagen mit dem swerte.
Verse: 2463    die wîle der turnei werte,

Verse: 2464    Êrec fil de roi lac
Verse: 2465    grôzer unmuoze phlac.

Verse: 2466    swer im gewartet solde hân,
Verse: 2467    der endorfte diu ougen ruowen lân:

Verse: 2468    man sach in dort unde hie.
Verse: 2469    baz turnierte ritter nie.

Verse: 2470    si nâmen alle sîn eines war:
Verse: 2471    er was ie der êrste dar

Verse: 2472    und der jungeste dan.
Verse: 2473    Êrec den prîs gewan

Verse: 2474    des âbendes ze beiden sîten:
Verse: 2475    des jâhen si âne strîten.

Verse: 2476    er reit unz im diu naht benam.
Verse: 2477    dô man ze herberge kam,

Verse: 2478    ander rede dô niemen phlac
Verse: 2479    wan: ʽÊrec fil de roi lac

Verse: 2480    der ist der vaz tuonde man
Verse: 2481    den unser lant ie gewan

Verse: 2482    von sînen jâren.
Verse: 2483    er enmöhte baz gebâren.'

Verse: 2484    des wart grœzlîche gejehen.
Verse: 2485    im was des âbendes geschehen

Verse: 2486    dâ von er prîs bejagete.
Verse: 2487    morgen als ez tagete,

Verse: 2488    Êrec ûf machte sich.
Verse: 2489    sîin êrste vart was ritterlich:

Verse: 2490    zuo der kirchen er gie
Verse: 2491    und ergap sich im dem noch nie

Verse: 2492    voller genâden zeran:
Verse: 2493    ez enwart ouch nie gar vrumer man,

Verse: 2494    an im enstüende sîn rât:
Verse: 2495    wan der in vor im hât

Verse: 2496    an allen sînen dingen,
Verse: 2497    der versehe sich gelingen.

Verse: 2498    Êrec trûwete im vil sêre
Verse: 2499    umb sîn ritterlîche êre,
Verse group: (26) 
Verse: 2500    daz er der geruochte phlegen.
Verse: 2501    als sich endete der segen,

Verse: 2502    schilt und ros was im bereit.
Verse: 2503    nû diuhte mich diu genendekeit

Verse: 2504    lobelîch unde grôz,
Verse: 2505    daz er âne wâfen blôz

Verse: 2506    und gesellelôs ze velde kam,
Verse: 2507    wan daz er vünf knaben zuo im nam.

Verse: 2508    der iegelîcher vuorte driu sper.
Verse: 2509    diu selben vertete er

Verse: 2510    ze rehter tjost unde bar,
Verse: 2511    daz des niemen wart gewar

Verse: 2512    von sînem teile.
Verse: 2513    nâch disem heile

Verse: 2514    stal er sich wider in,
Verse: 2515    als ez niender wære umbe in.

Verse: 2516    nû hâte vrouwe melde
Verse: 2517    vruo gesant ze velde

Verse: 2518    einen garzûn besehen
Verse: 2519    waz Êrecke wære geschehen

Verse: 2520    zêren und ze prîse.
Verse: 2521    daz tete der wortwîse

Verse: 2522    dem künege artûse erkant.
Verse: 2523    die er ligende noch vant,

Verse: 2524    die begunde er strâfen
Verse: 2525    und beruofen umbe ir slâfen.

Verse: 2526    er sprach: ʽwes liget ir hie?
Verse: 2527    wer bejagete noch ie

Verse: 2528    mit slâfe dehein êre?
Verse: 2529    hiute hât Êrec sêre

Verse: 2530    gurbort sper unde swert.
Verse: 2531    got gebe im heil swenne er sîn gert.

Verse: 2532    ich wil im immer guotes jehen:
Verse: 2533    ich hân an im ersehen

Verse: 2534    alsô manlîch getât
Verse: 2535    des er immer êre hât.'

Verse: 2536    sus machete er im vriunde mê
Verse: 2537    und stuont ze prîse baz dan ê.

Verse: 2538    ein kurze ruowe er dô nam.
Verse: 2539    wan als schiere er wider in kam,

Verse: 2540    dô wâren si alle ûz komen
Verse: 2541    und hâten messe vernomen,

Verse: 2542    als sis beginnen solden
Verse: 2543    die turnieren wolden.

Verse: 2544    ein lützel âz er unde tranc:
Verse: 2545    vil enliez in der gedanc

Verse: 2546    den er hin wider hâte.
Verse: 2547    vil wunderlîchen drâte

Verse: 2548    wâfente sich dô menlich:
Verse: 2549    alsam tete er sich.

Verse: 2550    daz geschach nie sô schiere
Verse: 2551    sô daz si die gesellen viere,

Verse: 2552    entreferich tenebroc
Verse: 2553    mêlîz und meljadoc,

Verse: 2554    über jenez velt sâhen
Verse: 2555    mit ir baniere gâhen.

Verse: 2556    si hâten grôze kraft
Verse: 2557    und genendige ritterschaft,

Verse: 2558    manege banier rîche,
Verse: 2559    von varwe misselîche.

Verse: 2560    Êrec unde gâwein
Verse: 2561    und swaz dâ ritterschefte schein,

Verse: 2562    ûf machten si sich sâ.
Verse: 2563    dô hôrte man dâ

Verse: 2564    michel kroîeren
Verse: 2565    vor den banieren.

Verse: 2566    Êrec der êrste an si kam,
Verse: 2567    als einem ritter gezam.

Verse: 2568    wâpenroc und krône
Verse: 2569    machete in ûz schône

Verse: 2570    unde sô daz dâ zehant
Verse: 2571    dehein ritter was sô verre erkant.

Verse: 2572    Êrec der herre
Verse: 2573    kam hin vür sô verre

Verse: 2574    daz er tjostierens state gewan.
Verse: 2575    engegen in reit ein vrum man:

Verse: 2576    der hôchvertige landô
Verse: 2577    sûmte tjostierens si dô.

Verse: 2578    der hetez vordes âne wân
Verse: 2579    alsô dicke wol getân

Verse: 2580    daz man in nande
Verse: 2581    zem besten in sînem lande.

Verse: 2582    Êrecke dô sô wol geschach
Verse: 2583    daz er in von dem rosse stach.

Verse: 2584    er urborte sich sêre,
Verse: 2585    wan dannoch vertete er mêre

Verse: 2586    zwelf sper enzwischen den scharn.
Verse: 2587    des muoste in sîn grôz tuht bewarn

Verse: 2588    daz er unbekumbert dô beleip.
Verse: 2589    alsô lange er daz treip

Verse: 2590    unz man im den schilt zestach
Verse: 2591    und mit slegen sô zebrach

Verse: 2592    daz er im ze nihte tohte.
Verse: 2593    als er gewerlîchest mohte,

Verse: 2594    sô staphete er ûz von in.
Verse: 2595    schilt und ros gap er hin:

Verse: 2596    ûf ein anderz er gesaz
Verse: 2597    und warnte sich mit schilte baz

Verse: 2598    und mit niuwem baniere.
Verse: 2599    dazn tete er nie sô schiere
Verse group: (27) 
Verse: 2600    ê er die sîne zuo sach varn.
Verse: 2601    nû enmohte er zwischen den scharn

Verse: 2602    getjostieren mêre.
Verse: 2603    nû wart dâ vil sêre

Verse: 2604    geslagen und gestochen,
Verse: 2605    manec sper zebrochen,

Verse: 2606    dô beidenthalp diu ritterschaft
Verse: 2607    mit sô williger kraft

Verse: 2608    zesamene liezen strîchen.
Verse: 2609    nû enmohte sich gelîchen

Verse: 2610    der schal von den scheften
Verse: 2611    niwan dâ von windes kreften

Verse: 2612    ein walt begunde vallen.
Verse: 2613    dô tete erz vor in allen,

Verse: 2614    Êrec fil de roi lac,
Verse: 2615    wande er den mântac

Verse: 2616    maneges ros erledegete dâ.
Verse: 2617    diu liez er von der hant sâ,

Verse: 2618    daz er ir deheinez nam,
Verse: 2619    wan er dar niene kam

Verse: 2620    ûf guotes gewin.
Verse: 2621    dar an kêrte er sînen sin,

Verse: 2622    ob er den prîs möhte bejagen.
Verse: 2623    ich wil ouch iu zewâre sagen,

Verse: 2624    sîn lîp wart lützel dâ gespart.
Verse: 2625    dô der turnei stânde wart,

Verse: 2626    dô sach man in sô dicke
Verse: 2627    niender als in der dicke,

Verse: 2628    dâ er muoste emphâhen unde geben.
Verse: 2629    man sach in manlîche leben.

Verse: 2630    als er getjostierte genuoc
Verse: 2631    und mit dem swerte gesluoc

Verse: 2632    unz daz er muoden began,
Verse: 2633    durch ruowe entweich er von in dan.

Verse: 2634    als er von dem rosse gesaz,
Verse: 2635    ein soldier nam daz

Verse: 2636    und seite ims genâde unde danc.
Verse: 2637    sîn ruowe werte unlanc.

Verse: 2638    als er den helm abe gebant,
Verse: 2639    sîn knaben wâren dâ zehant

Verse: 2640    und lôsten im daz hüetelîn,
Verse: 2641    als er erküelet solde sîn,

Verse: 2642    des im doch niht state geschach,
Verse: 2643    wan er die sîne sach

Verse: 2644    vlühteclîche entwîchen
Verse: 2645    und doch müezeclîchen:

Verse: 2646    sô ruhten si ie baz und baz.
Verse: 2647    nû begunde in bedunken daz,

Verse: 2648    si wæren enschumphieret nâch.
Verse: 2649    ze rosse wart im alsô gâch,

Verse: 2650    daz er des helmes vergaz.
Verse: 2651    mit blôzem houbete er ûf saz:

Verse: 2652    von geschihte begreif er
Verse: 2653    beide schilt unde sper.

Verse: 2654    dô enwart niht langer gebiten:
Verse: 2655    schône kam er in geriten

Verse: 2656    mit sîner baniere.
Verse: 2657    enwære er niht schiere

Verse: 2658    den sînen ze helfe komen,
Verse: 2659    si müesten schaden hân genomen

Verse: 2660    unde enschumphieret sîn.
Verse: 2661    daz was dar an wol schîn,

Verse: 2662    si wâren alle entwichen dan:
Verse: 2663    ze wer enthielt sich nieman

Verse: 2664    von al der massenîe
Verse: 2665    niuwan die drîe:

Verse: 2666    her gâwein der edel man,
Verse: 2667    der doch nie lasters teil gewan

Verse: 2668    unde aller tugende wielt,
Verse: 2669    fil dou gilules bî im hielt

Verse: 2670    und segremors: dise drî
Verse: 2671    enthielten vaste wider sî.

Verse: 2672    si tâtenz dâ, wizzet daz,
Verse: 2673    sô nie drî ritter baz,

Verse: 2674    wan si mit stichen noch mit slegen
Verse: 2675    von stete niemen mohte erwegen.

Verse: 2676    doch müesten si sîn gevangen,
Verse: 2677    und wære daz ergangen

Verse: 2678    von der grôzen überkraft
Verse: 2679    (diust aller dinge meisterschaft,

Verse: 2680    wider si niemen niht enamc),
Verse: 2681    wan daz Êrec fil de roi lac

Verse: 2682    schône in geriten kam,
Verse: 2683    als vriunde an der nôt gezam,

Verse: 2684    rehte sam des windes dôz.
Verse: 2685    sîn manheit was alsô grôz

Verse: 2686    daz er si alle drâte
Verse: 2687    umbe gekêret hâte.

Verse: 2688    noch muoste erz en blanden
Verse: 2689    grimme den handen,

Verse: 2690    esn wære anders niht geschehen.
Verse: 2691    als diz die sîne heten ersehen,

Verse: 2692    nû kêrten si wider dâ zehant.
Verse: 2693    wider in tjostierte boidurant.

Verse: 2694    den edeln ritter entsazte er
Verse: 2695    ouch mit sînem sper.

Verse: 2696    guot wort bejagete er dâ.
Verse: 2697    die vîende enschumphierte er sâ,

Verse: 2698    er eine in kurzer wîle
Verse: 2699    wol driu teil einer mîle.
Verse group: (28) 
Verse: 2700    dar kam im sîn geselleschaft
Verse: 2701    ze helfe mit ir kraft

Verse: 2702    und tâten si âne widerstrît
Verse: 2703    vaste unz an ir hâmît.

Verse: 2704    daz dritte ros gap er hin.
Verse: 2705    harte schœnen gewin

Verse: 2706    hete sîn geselleschaft begân,
Verse: 2707    des âne in niht enwære getân.

Verse: 2708    sîn genôz des tages manec man
Verse: 2709    der von im dâ vil gewan.

Verse: 2710    grôz was ir bejaget.
Verse: 2711    des wart im dô genâde gesaget

Verse: 2712    und gezam si deste mêre
Verse: 2713    ze sprechen sîn êre.

Verse: 2714    dô dûhte von im vollen grôz
Verse: 2715    daz er durch sîn houbet blôz

Verse: 2716    von ungewarheit niht vermeit
Verse: 2717    daz er schône in reit

Verse: 2718    und sô genendeclîchen
Verse: 2719    die vîende tet entwîchen.

Verse: 2720    gâwein tetez des tages dâ
Verse: 2721    guot als ouch anderswâ

Verse: 2722    und nach sîner gewonheit.
Verse: 2723    diu was, sô man seit,

Verse: 2724    daz nimmer dehein man gesach,
Verse: 2725    swâz im ze tuone geschach

Verse: 2726    daz man ritterschaft urborte,
Verse: 2727    er enschine dâ ie in dem worte

Verse: 2728    daz ez niemen vür in tæte:
Verse: 2729    des ist sîn lop noch stæte.

Verse: 2730    vil ritterlîchen stuont sîn muot:
Verse: 2731    an im enschein niht wan guot,

Verse: 2732    rîch und edel was er genuoc,
Verse: 2733    sîn herze niemen nît entruoc.

Verse: 2734    er was getriuwe
Verse: 2735    und milte âne riuwe,

Verse: 2736    stæte unde wol gezogen,
Verse: 2737    sîniu wort unbetrogen,

Verse: 2738    starc schœne und manhaft.
Verse: 2739    an im was aller tugende kraft.

Verse: 2740    mit schœnen zühten was er vrô.
Verse: 2741    der wunsch hete in gemeistert sô,

Verse: 2742    als wirz mit wârheit haben vernomen,
Verse: 2743    daz nie man sô vollekomen

Verse: 2744    ans künec artûses hof bekam.
Verse: 2745    wie wol er im ze gesinde zam!

Verse: 2746    ûf êre leit er arbeit.
Verse: 2747    harte grôze manheit

Verse: 2748    erzeigete er den tac:
Verse: 2749    âne Êrecken fil de roi lac

Verse: 2750    sô bejagete dâ niemen mêre:
Verse: 2751    wan er bejagete guot und êre.

Verse: 2752    zwêne ritter vienc er dâ zehant:
Verse: 2753    der ein ginses was genant,

Verse: 2754    der ander gaudîn de montein:
Verse: 2755    dise vienc gâwein.

Verse: 2756    Êrec fil de roi lac
Verse: 2757    den lâze ich vor den einen tac

Verse: 2758    (vürbaz engetar ich),
Verse: 2759    wan man saget, sîn gelich

Verse: 2760    ze britanje enkæme nie:
Verse: 2761    kam aber er dar ie,

Verse: 2762    daz mohte Êrec wol gesîn:
Verse: 2763    daz was an sînen tugenden schîn.

Verse: 2764    dô dâ ir vîende wâren getân
Verse: 2765    in hâmît, als ich gesaget hân,

Verse: 2766    Êrec vrâgen began
Verse: 2767    ob her ûz dehein man

Verse: 2768    wolde tjostieren mêre
Verse: 2769    durch sîner âmîen êre.

Verse: 2770    dô jach ein ritter zehant,
Verse: 2771    der was roiderodes genant,

Verse: 2772    daz er tjostieren wolde,
Verse: 2773    obz mit vride wesen solde.

Verse: 2774    des was Êrec vil vrô:
Verse: 2775    vride gelobete er im dô.

Verse: 2776    engegen im er ze velde reit,
Verse: 2777    wan er an sîner manheit

Verse: 2778    was vil unerværet:
Verse: 2779    daz hâte er dicke bewæret.

Verse: 2780    zuo ein ander was in ger.
Verse: 2781    âne vælen zwelf sper

Verse: 2782    vertete ir ietweder dâ.
Verse: 2783    nû erbeizete von rosse sâ

Verse: 2784    der tugenthafte Êrec
Verse: 2785    unde gap daz enwec.

Verse: 2786    ûf daz vünfte er dô saz:
Verse: 2787    bereite was ime daz.

Verse: 2788    sîn ernest des gedâhte,
Verse: 2789    daz er ouch volbrâhte:

Verse: 2790    er enwolde si niht mê sûmen,
Verse: 2791    er bat im ez rûmen.

Verse: 2792    daz sper er undern arm sluoc.
Verse: 2793    guot wille si zesamene truoc.

Verse: 2794    nû erriet er in daz ers emphant
Verse: 2795    zen vier nageln gegen der hant.

Verse: 2796    alsô sêre er in stach
Verse: 2797    daz im daz vürbüege brach.

Verse: 2798    darmgürtel und surzengel brast,
Verse: 2799    sam ez wære ein vûlez bast.
Verse group: (29) 
Verse: 2800    im beleip ein swachez phant,
Verse: 2801    der zoum zebrochen in der hant.

Verse: 2802    er viel dô im misselanc
Verse: 2803    von rosse wol drîer schefte lanc.

Verse: 2804    daz er in dem satel gesaz,
Verse: 2805    vil sêre prîste Êrecken daz,

Verse: 2806    wan er hâtes êre.
Verse: 2807    dâ enwas ze tuon niemêre.

Verse: 2808    nû hete der turnei ende.
Verse: 2809    âne missewende

Verse: 2810    schiet diu massenîe dan.
Verse: 2811    Êrec der tugenthafte man

Verse: 2812    wart ze vollem lobe gesaget.
Verse: 2813    den prîs hete er dâ bejaget,

Verse: 2814    und den sô volleclîchen
Verse: 2815    daz man begunde gelîchen

Verse: 2816    sîn wîsheit salomône,
Verse: 2817    sîn schœne absolône,

Verse: 2818    an sterke samsônes genôz.
Verse: 2819    sîn milte dûhte si sô grôz,

Verse: 2820    diu gemâzete in niemen ander
Verse: 2821    wan dem milten alexander.

Verse: 2822    sîn schilt was zebrochen,
Verse: 2823    mit spern sô zestochen,

Verse: 2824    man hete viuste dâ durch geschoben.
Verse: 2825    sus verdiente Êrec sîn loben.

Verse: 2826    dô daz mære ûz kam
Verse: 2827    und vrouwe ênîte vernam

Verse: 2828    sô grôze tugent zellen
Verse: 2829    von Êrecke ir gesellen,

Verse: 2830    dô was ir sîn manheit
Verse: 2831    beide liep unde leit.

Verse: 2832    daz ir liebes dran geschach,
Verse: 2833    daz was daz man im wol sprach.

Verse: 2834    daz si leides dran gewan,
Verse: 2835    daz was, si weste wol ir man

Verse: 2836    in sô getânem muote,
Verse: 2837    im enwolde got mit huote

Verse: 2838    genædeclîchen bî gestân,
Verse: 2839    sô vorhte si in unlange hân,

Verse: 2840    wan er den lîp ûf êre
Verse: 2841    solde wâgen sêre,

Verse: 2842    und wan erz versuochte,
Verse: 2843    sô ein zage enruochte

Verse: 2844    man spræche im übel oder guot.
Verse: 2845    ouch hâte sich vil snelle ir muot

Verse: 2846    der zweier eines bewegen,
Verse: 2847    daz ir ze manne wære ein degen

Verse: 2848    lieber dan ein arger zage,
Verse: 2849    unde lie swache klage

Verse: 2850    und was sîner manheit
Verse: 2851    beide stolz und gemeit.

Verse: 2852    dô der turnei was ergân,
Verse: 2853    der künec reit ûf karadigân

Verse: 2854    mit sîner massenîe.
Verse: 2855    ir iegelîches âmîe

Verse: 2856    emphienc den ir mit vreuden dô.
Verse: 2857    ouch tete alsô

Verse: 2858    vrouwe ênîte.
Verse: 2859    unlange zîte

Verse: 2860    beliben si ze hove dâ.
Verse: 2861    urloubes gerte er sâ

Verse: 2862    ze dem künege artûse
Verse: 2863    rîten heim ze hûse

Verse: 2864    in sînes vater lant:
Verse: 2865    daz was destregâles genant.

Verse: 2866    des mohte in dunken grôziu zît:
Verse: 2867    wan er was dar niht komen sît

Verse: 2868    daz er was ein kindelîn.
Verse: 2869    wie möhtes baz zît sîn?

Verse: 2870    als im dô ze muote wart
Verse: 2871    umbe die heimvart,

Verse: 2872    dô nam er an sich
Verse: 2873    sehzec gesellen, die er gelich

Verse: 2874    zuo ime kleite
Verse: 2875    unde wol bereite.

Verse: 2876    die vuorte der tugenthafte man
Verse: 2877    zuo geselleschefte dan.

Verse: 2878    sînen boten er sande
Verse: 2879    vor hin heim ze lande,

Verse: 2880    derz sînem vater tæte kunt.
Verse: 2881    ouch rante er dâ ze stunt

Verse: 2882    hin gegen karnant
Verse: 2883    (sô was ir houbetstat genant)

Verse: 2884    unde vant den künec dâ
Verse: 2885    unde sagete im sâ

Verse: 2886    waz im sîn sun enbôt.
Verse: 2887    des emphienc er rîchez botenbrôt:

Verse: 2888    wan ez gelebete der künec lac
Verse: 2889    nie vrœlîchern tac

Verse: 2890    danne den dô er vernam
Verse: 2891    daz im sîn lieber sun kam.

Verse: 2892    er was rüemic unde vrô.
Verse: 2893    vil drâte besande er dô

Verse: 2894    beidiu mâge unde man,
Verse: 2895    der er vünf hundert gewan,

Verse: 2896    und reit engegen im drî tage.
Verse: 2897    nâch der âventiure sage

Verse: 2898    sô emphiengen si alle gelîche
Verse: 2899    harte vriuntlîche
Verse group: (30) 
Verse: 2900    Êrecken mit sînem wîbe.
Verse: 2901    ez endorfte vrouwen lîbe

Verse: 2902    baz erboten werden nie
Verse: 2903    dan ouch ir dô man si emphie.

Verse: 2904    der alte künec lac
Verse: 2905    vil grôzer vreuden phlac,

Verse: 2906    wan si gâben im beide
Verse: 2907    schœne ougenweide,

Verse: 2908    Êrec mit vrouwen ênîten.
Verse: 2909    ze swederer sîten

Verse: 2910    er sînhalp sach, sô vreute er sich,
Verse: 2911    wan ir beider lîp was wünneclich.

Verse: 2912    sîn sun geviel im wol,
Verse: 2913    als einem man sîn kint sol,

Verse: 2914    des schœne wol gerâten hât
Verse: 2915    und alsô gar ze lobe stât:

Verse: 2916    doch geviel im vrouwe ênîte baz.
Verse: 2917    wol bescheinte er in daz:

Verse: 2918    er vuorte si heim ze karnant
Verse: 2919    unde gap sîn lant

Verse: 2920    in ir beider gewalt,
Verse: 2921    daz er ze künege wære gezalt

Verse: 2922    und daz si wære künegîn:
Verse: 2923    er hiez si beide gewaltic sîn.

Verse: 2924    Êrec was biderbe unde guot,
Verse: 2925    ritterlîche stuont sîn muot

Verse: 2926    ê er wîp genæme
Verse: 2927    und hin heim kæme:

Verse: 2928    nû sô er heim komen ist,
Verse: 2929    dô kêrte er allen sînen list

Verse: 2930    an vrouwen ênîten minne.
Verse: 2931    sich vlizzen sîne sinne

Verse: 2932    wie er alle sîne sache
Verse: 2933    wante zuo gemache.

Verse: 2934    sîn site er wandeln began.
Verse: 2935    als er nie würde der man,

Verse: 2936    alsô vertreip er den tac.
Verse: 2937    des morgens er nider lac,

Verse: 2938    daz er sîn wîp trûte
Verse: 2939    unz daz man messe lûte.

Verse: 2940    sô stuonden si ûf gelîche
Verse: 2941    vil unmüezeclîche.

Verse: 2942    ze handen si sich viengen,
Verse: 2943    zer kappeln si giengen:

Verse: 2944    dâ was ir tweln alsô lanc
Verse: 2945    unz daz man messe gesanc.

Verse: 2946    diz was sîn meistiu arbeit:
Verse: 2947    sô was der imbîz bereit.

Verse: 2948    swie schiere man die tische ûf zôch,
Verse: 2949    mit sînem wîbe er dô vlôch

Verse: 2950    ze bette von den liuten.
Verse: 2951    dâ huop sich aber triuten.

Verse: 2952    von danne enkam er aber nie
Verse: 2953    unz er ze naht ze tische gie.

Verse: 2954    dô Êrec fil de roi lac
Verse: 2955    ritterschefte sich bewac,

Verse: 2956    der tugende er dannoch wielt,
Verse: 2957    dâ er sich schône an behielt,

Verse: 2958    swie er deheinen turnei suochte,
Verse: 2959    daz er doch beruochte

Verse: 2960    sîne gesellen alle gelîche
Verse: 2961    daz si vil volleclîche

Verse: 2962    von in selben mohten varn.
Verse: 2963    er hiez si alsô wol bewarn

Verse: 2964    als ob er selbe mit in rite.
Verse: 2965    ich lobe an im den selben site.

Verse: 2966    Êrec wente sînen lîp
Verse: 2967    grôzes gemaches durch sîn wîp.

Verse: 2968    die minnete er sô sêre
Verse: 2969    daz er aller êre

Verse: 2970    durch si einen verphlac,
Verse: 2971    unz daz er sich sô gar verlac,

Verse: 2972    daz niemen dehein ahte
Verse: 2973    ûf in gehaben mahte.

Verse: 2974    des begunde mit rehte
Verse: 2975    ritter unde knehte

Verse: 2976    dâ ze hove betrâgen.
Verse: 2977    die vor der vreude phlâgen,

Verse: 2978    die verdrôz vil sêre dâ
Verse: 2979    unde rûmten imz sâ:

Verse: 2980    wan ez enhâte wîp noch man
Verse: 2981    deheinen zwîvel dar an,

Verse: 2982    er enmüeste sîn verdorben:
Verse: 2983    den lop hete er erworben.

Verse: 2984    ein wandelunge an im geschach:
Verse: 2985    daz man im ê sô wol sprach,

Verse: 2986    daz verkêrte sich ze schanden
Verse: 2987    wider die die in erkanden:

Verse: 2988    in schalt diu werlt gar.
Verse: 2989    sîn hof wart aller vreuden bar

Verse: 2990    unde stuont nâch schanden:
Verse: 2991    in endorfte ûz vremden landen

Verse: 2992    durch vreude niemen suochen.
Verse: 2993    des begunden vluochen

Verse: 2994    die in ane wunden
Verse: 2995    und im guotes gunden.

Verse: 2996    si sprâchen alle: ʽwê der stunt
Verse: 2997    daz uns mîn vrouwe ie wart kunt!

Verse: 2998    des verdirbet unser herre.'
Verse: 2999    disiu rede geschach sô verre
Verse group: (31) 
Verse: 3000    daz si die vrouwen ane kam.
Verse: 3001    als si den itewîz vernam,

Verse: 3002    des wart vil riuwic ir muot,
Verse: 3003    wan si was biderbe unde guot,

Verse: 3004    und gedâhte manegen enden
Verse: 3005    wie si möhte erwenden

Verse: 3006    alsô gemeinen haz.
Verse: 3007    ouch geruochte si erkennen daz

Verse: 3008    daz ez ir schult wære.
Verse: 3009    si begunde dise swære

Verse: 3010    harte wîplîchen tragen.
Verse: 3011    Êrecke entorste siz niht klagen:

Verse: 3012    si vorhte in dâ verliesen mite.
Verse: 3013    nû kam ez alsô nâch ir site

Verse: 3014    daz er umbe einen mitten tac
Verse: 3015    an ir arme gelac.

Verse: 3016    nû gezam des wol der sunnen schîn
Verse: 3017    daz er ir dienest muoste sîn:

Verse: 3018    wan er den gelieben zwein
Verse: 3019    durch ein vensterglas schein

Verse: 3020    und hete die kemenâten
Verse: 3021    liehtes wol berâten,

Verse: 3022    daz si sich mohten undersehen.
Verse: 3023    daz ir von vluochen was geschehen,

Verse: 3024    dâ begunde si denken an.
Verse: 3025    vil gâhes ruhte si hin dan.

Verse: 3026    si wânde daz er sliefe.
Verse: 3027    einen sûft nam si tiefe

Verse: 3028    unde sach in vaste an.
Verse: 3029    si sprach: ʽwê dir, dû vil armer man,

Verse: 3030    und mir ellendem wîbe,
Verse: 3031    daz ich mînem lîbe

Verse: 3032    sô manegen vluoch vernemen sol.'
Verse: 3033    dô vernam Êrec die rede wol.

Verse: 3034    als si der rede hete gedaget,
Verse: 3035    Êrec sprach: ʽvrouwe ênîte, saget,

Verse: 3036    waz sint iuwer sorgen
Verse: 3037    die ir dâ klaget verborgen?'

Verse: 3038    nû wolde sis gelougent hân.
Verse: 3039    Êrec sprach: ʽlât die rede stân.

Verse: 3040    des nemet iu ein zil
Verse: 3041    daz ich die rede wizzen wil.

Verse: 3042    ir müezet mir benamen sagen
Verse: 3043    waz ich iuch dâ hôrte klagen,

Verse: 3044    daz ir mich sus habet verswigen.'
Verse: 3045    si vorhte daz si würde gezigen

Verse: 3046    von im ander dinge
Verse: 3047    und seite imz mit gedinge

Verse: 3048    daz er ir daz gehieze
Verse: 3049    daz erz âne zorn lieze.

Verse: 3050    als er vernam diu mære
Verse: 3051    waz diu rede wære,

Verse: 3052    er sprach: ʽder ist genuoc getân.'
Verse: 3053    zehant hiez er si ûf stân,

Verse: 3054    daz si sich wol kleite
Verse: 3055    unde ane leite

Verse: 3056    daz beste gewæte
Verse: 3057    daz si iender hæte.

Verse: 3058    sînen knaben er seite
Verse: 3059    daz man im sîn ros bereite

Verse: 3060    und ir phert vrouwen ênîten.
Verse: 3061    er jach er wolde rîten

Verse: 3062    ûz kurzwîlen.
Verse: 3063    des begunden si dô îlen.

Verse: 3064    dô wâpente er sich verholne
Verse: 3065    unde truoc verstolne

Verse: 3066    under der wât sîn îsengewant.
Verse: 3067    sînen helm er ûf bant

Verse: 3068    überz houbet alsô blôz.
Verse: 3069    sîn vlîz was ze helne grôz:

Verse: 3070    er tete alsam der karge sol.
Verse: 3071    er sprach: ʽmîn helm enist niht wol.

Verse: 3072    mirst liep daz ichz hân ersehen:
Verse: 3073    und wære mir sîn nôt geschehen,

Verse: 3074    sô wære ich gar geirret.
Verse: 3075    ich sage iu waz im wirret:

Verse: 3076    man sol in baz riemen.'
Verse: 3077    dô enwas aber niemen

Verse: 3078    der sich des mohte verstân
Verse: 3079    wie sîn gemüete was getân.

Verse: 3080    abe einer wende nam er
Verse: 3081    beide schilt unde sper

Verse: 3082    und begunde kroîeren,
Verse: 3083    als er wolde buhurdieren.

Verse: 3084    ritter unde knehte
Verse: 3085    wolden sament rehte

Verse: 3086    mit ir herren rîten:
Verse: 3087    dô hiez er si dâ bîten.

Verse: 3088    gein küchen sande er zestunt
Verse: 3089    daz man den köchen tæte kunt

Verse: 3090    daz si des war næmen,
Verse: 3091    swie schiere daz si kæmen,

Verse: 3092    daz in daz ezzen wære bereit.
Verse: 3093    mit solher rede er ûz reit

Verse: 3094    und gebôt sînem wîbe
Verse: 3095    niuwan bî dem lîbe,

Verse: 3096    der schœnen vrouwen ênîten,
Verse: 3097    daz si muoste vür rîten,

Verse: 3098    und verbôt ir dâ zestunt
Verse: 3099    daz ze sprechenne ir munt
Verse group: (32) 
Verse: 3100    zer reise iht ûf kæme,
Verse: 3101    swaz si vernæme

Verse: 3102    oder swaz si gesæhe.
Verse: 3103    dise kumberlîche spæhe

Verse: 3104    muoste si geloben dô,
Verse: 3105    wan si vorhte sîne drô.

Verse: 3106    nû riten si beide
Verse: 3107    âne holz niuwan heide,

Verse: 3108    unz daz si der tac verlie.
Verse: 3109    dô diu naht ane gie,

Verse: 3110    schône schein der mâne.
Verse: 3111    nâch âventiure wâne

Verse: 3112    reit der guote kneht Êrec.
Verse: 3113    nû wîste si der wec

Verse: 3114    in einen kreftigen walt:
Verse: 3115    den hâten mit gewalt

Verse: 3116    drîe roubære.
Verse: 3117    deiswâr swer in wære

Verse: 3118    zuo den zîten widerriten
Verse: 3119    dem si möhten hân gestriten,

Verse: 3120    sô hâten si den wec behuot
Verse: 3121    daz si im umbe daz guot

Verse: 3122    næmen êre unde lîp.
Verse: 3123    die ersach von êrste daz wîp,

Verse: 3124    wan si verre vor reit.
Verse: 3125    diz was ir êrstez herzeleit

Verse: 3126    daz ir zuo der verte geschach,
Verse: 3127    wan si an ir gebærden sach

Verse: 3128    daz si roubære wâren.
Verse: 3129    si wolde imz mit gebâren

Verse: 3130    gerne kunt hân getân.
Verse: 3131    dô enmohte ers niht verstân,

Verse: 3132    ouch enhete ers selbe niht ersehen:
Verse: 3133    des was im nâch schade geschehen.

Verse: 3134    vrouwe ênîte wart dô
Verse: 3135    beide trûric und unvrô:

Verse: 3136    wan si sach die vreise,
Verse: 3137    daz si vorhte werden weise

Verse: 3138    des aller liebisten man
Verse: 3139    den ie vrouwe gewan,

Verse: 3140    wan ez stuont im angestlîchen.
Verse: 3141    waz möhte sich gelîchen

Verse: 3142    sô nâhen gânder riuwe
Verse: 3143    die si von ir triuwe

Verse: 3144    durch ir mannes liebe leit?
Verse: 3145    dô si in solhem zwîvel reit,

Verse: 3146    ob si imz torste gesagen
Verse: 3147    oder solde gedagen,

Verse: 3148    nû redete si in ir muote:
Verse: 3149    ʽrîcher got der guote,

Verse: 3150    ze dînen genâden suoche ich rât:
Verse: 3151    dû weist al eine wiez mir stât.

Verse: 3152    mîner sorgen der ist vil,
Verse: 3153    wan mir ein unsenftez spil

Verse: 3154    in einer alsô kurzen vrist
Verse: 3155    ze gâhes vor geteilet ist.

Verse: 3156    nû enkan ichz wægeste niht ersehen:
Verse: 3157    waz sol mir armen geschehen?

Verse: 3158    wan swederz ich mir kiese
Verse: 3159    daz ich doch verliese.

Verse: 3160    warne ich mînen lieben man,
Verse: 3161    dâ genim ich schaden an,

Verse: 3162    wan sô hân ich den lîp verlorn.
Verse: 3163    wirt aber diu warnunge verborn,

Verse: 3164    daz ist mîns gesellen tôt.
Verse: 3165    jâ ist einer solhen nôt

Verse: 3166    wîbes herze ze kranc.'
Verse: 3167    nû kam der muot in ir gedanc:

Verse: 3168    ʽbezzer ist verlorn mîn lîp,
Verse: 3169    ein als unklagebære wîp,

Verse: 3170    dan ein alsô vorder man,
Verse: 3171    wan dâ verlür maneger an.

Verse: 3172    erst edel unde rîche:
Verse: 3173    wir wegen ungelîche.

Verse: 3174    vür in wil ich sterben
Verse: 3175    ê ich in sihe verderben,

Verse: 3176    ez ergê mir swie got welle.
Verse: 3177    ez ensol mîn geselle

Verse: 3178    daz leben sô niht enden
Verse: 3179    unz ich ez mac erwenden.'

Verse: 3180    hin umbe si zuo im sach
Verse: 3181    vorhtlîchen unde sprach:

Verse: 3182    ʽsich ûf, lieber herre,
Verse: 3183    ûf genâde verre

Verse: 3184    wil ich dir durch triuwe sagen
Verse: 3185    (dînen schaden enmac ich niht verdagen):

Verse: 3186    dir sint ritter nâhen bî
Verse: 3187    die dir schadent, mugen sî,

Verse: 3188    unser herre ensî der dich ner.'
Verse: 3189    dô sazte Êrec sich ze wer.

Verse: 3190    nû sprach ein roubære:
Verse: 3191    ʽich sage iu liebiu mære

Verse: 3192    dâ von uns wol mac geschehen'
Verse: 3193    (der hâte si von êrste ersehen):

Verse: 3194    ʽich sihe dort rîten einen man:
Verse: 3195    als ich ez verre kiesen kan,

Verse: 3196    er vüeret eine vrouwen.
Verse: 3197    ir muget wol schouwen,

Verse: 3198    an ir geverte sint si rîch:
Verse: 3199    ir kleider sint hêrlîch.
Verse group: (33) 
Verse: 3200    hie endet unser armuot:
Verse: 3201    mich dunket, si vüerent michel guot.

Verse: 3202    nû sult ir herren sîn gemant
Verse: 3203    daz iu diu triuwe sî erkant,

Verse: 3204    waz wir under uns gelobet hân,
Verse: 3205    und sult mir die wal lân

Verse: 3206    an disem roube,
Verse: 3207    und daz mir erloube

Verse: 3208    vor iu iuwer beider munt
Verse: 3209    die êrsten tjost hie zestunt

Verse: 3210    diu wider den ritter sol geschehen,
Verse: 3211    wan ich si von êrste hân gesehen.

Verse: 3212    ist daz ich im benim den lîp,
Verse: 3213    sô wil ich niuwan daz wîp:

Verse: 3214    sîner habe enger ich niht mêre.'
Verse: 3215    dô gewerten si in der êre.

Verse: 3216    den schilt er dô ze halse nam.
Verse: 3217    als im Êrec nâhen kam,

Verse: 3218    daz ros nam er mit den sporn.
Verse: 3219    er sprach: ʽherre, ir habet verlorn

Verse: 3220    beide lîp unde guot.'
Verse: 3221    Êrec durch sînen grimmen muot

Verse: 3222    im dehein antwurt enbôt
Verse: 3223    und stach in von dem rosse tôt.

Verse: 3224    sîn geselle in wolde gerochen hân:
Verse: 3225    dem wart alsam getân.

Verse: 3226    in wâren bein und arme blôz,
Verse: 3227    des Êrec an dem sige genôz.

Verse: 3228    si wâren gewâfent slehte
Verse: 3229    nâch roubære rehte:

Verse: 3230    daz was Êrecke guot.
Verse: 3231    ir iegelîch hete einen îsenhuot

Verse: 3232    zeinem panziere:
Verse: 3233    des hete er si schiere

Verse: 3234    zuo ein ander geleit.
Verse: 3235    dô im von sîner vrümekeit

Verse: 3236    alsô rehte wol geschach,
Verse: 3237    ze vrouwen ênîten er dô sprach:

Verse: 3238    ʽwie nû, ir wunderlîchez wîp?
Verse: 3239    jâ verbôt ich iu an den lîp

Verse: 3240    daz ir iht soldet sprechen:
Verse: 3241    wer hiez iuch daz brechen?

Verse: 3242    daz ich von wîben hân vernomen,
Verse: 3243    daz ist wâr, des bin ich komen

Verse: 3244    vol an ein ende hie:
Verse: 3245    swaz man in unz her noch ie

Verse: 3246    alsô tiure verbôt,
Verse: 3247    dar nâch wart in alsô nôt

Verse: 3248    daz sis muosten bekorn.
Verse: 3249    ez ist doch vil gar verlorn

Verse: 3250    swaz man iuch mîden heizet,
Verse: 3251    wan daz ez iuch reizet

Verse: 3252    daz irz enmuget vermîden:
Verse: 3253    des sult ir laster lîden.

Verse: 3254    swaz ein wîp nimmer getæte,
Verse: 3255    der irz nie verboten hæte,

Verse: 3256    niht langer si daz verbirt
Verse: 3257    wan unz ez ir verboten wirt:

Verse: 3258    sô enmac sis langer niht verlân.'
Verse: 3259    si sprach: ʽherre, enhæte ichz niht getân

Verse: 3260    durch iuwers lîbes gewarheit,
Verse: 3261    ich enhætez iu nie geseit.

Verse: 3262    ich tetez durch mîne triuwe.
Verse: 3263    welt ir nû daz ez mich riuwe,

Verse: 3264    sô vergebet mirz durch iuwer êre.
Verse: 3265    ez geschiht mir nimmer mêre.'

Verse: 3266    er sprach: ʽvrouwe, daz sî getân.
Verse: 3267    ich wil diz ungerochen lân.

Verse: 3268    ob ez iu immer mêr geschiht,
Verse: 3269    ichn vertrage ez iu niht.

Verse: 3270    doch enkumt iuz niht ze heile:
Verse: 3271    ich riche mich an einem teile.

Verse: 3272    ich enlâze iuch niht under wegen,
Verse: 3273    ir enmüezet der rôse phlegen

Verse: 3274    vol unde rehte.
Verse: 3275    ich enwil iuwer ze knehte

Verse: 3276    ze dirre reise niht entwesen.'
Verse: 3277    ʽherre mîn, daz sol wesen'

Verse: 3278    sprach diu vil guote,
Verse: 3279    wan ez si niht enmuote.

Verse: 3280    vil wîplîchen si dô leit
Verse: 3281    dise ungelernet arbeit

Verse: 3282    und dar zuo swaz ir geschach
Verse: 3283    an ir herzen ungemach.

Verse: 3284    der rosse si sich underwant,
Verse: 3285    die zoume nam si in ir hant

Verse: 3286    und reit vor an den wec.
Verse: 3287    diz gebôt Êrec.

Verse: 3288    der pherde si dô phlac
Verse: 3289    dar nâch als ein vrouwe mac:

Verse: 3290    baz si enkunde.
Verse: 3291    sâ zuo der stunde

Verse: 3292    kûme eine wîle,
Verse: 3293    niuwan drî mîle

Verse: 3294    riten sî beide,
Verse: 3295    ê daz ir aber leide

Verse: 3296    von sorgen geschach,
Verse: 3297    wan si vor ir ligen sach

Verse: 3298    vünf roubære.
Verse: 3299    man saget daz ez wære
Verse group: (34) 
Verse: 3300    ein geselleschaft under in
Verse: 3301    und daz si teilten ir gewin

Verse: 3302    mit den die Êrec hete erslagen.
Verse: 3303    der eine begundez den andern sagen.

Verse: 3304    dise vünve und jene drî man
Verse: 3305    von den ich iu vor gesaget han,

Verse: 3306    die heten den walt in ir phlege
Verse: 3307    unde lâgen bî dem wege,

Verse: 3308    swer die einen vermite,
Verse: 3309    daz er den andern gerite.

Verse: 3310    Êrec was vür die drîe komen
Verse: 3311    mit êren, als ir habet vernomen.

Verse: 3312    als er dô disen sô nâhen kam
Verse: 3313    daz sîn der eine war genam,

Verse: 3314    der verre von den andern lac
Verse: 3315    und der schiltwahte phlac,

Verse: 3316    sîns zuorîtens was er vrô.
Verse: 3317    ze sînen gesellen sprach er dô:

Verse: 3318    ʽgehabet iuch vrœlîche:
Verse: 3319    wir werden alle rîche.

Verse: 3320    ich sihe liute rîten
Verse: 3321    den wir wol gestrîten.

Verse: 3322    ez ist niuwan ein man,
Verse: 3323    als ich ez kiesen kan.

Verse: 3324    er vüeret ein ritterlîchez wîp:
Verse: 3325    der ist bekumbert ir lîp.

Verse: 3326    si vüeret driu ros an der hant:
Verse: 3327    si ist, hân ich ez rehte erkant,

Verse: 3328    dem ambet ungezæme.
Verse: 3329    mich wundert wâ er næme

Verse: 3330    sô seltsænen schiltkneht.
Verse: 3331    man sol si im nemen, daz ist reht.

Verse: 3332    als ich ez verre mac gespehen,
Verse: 3333    ich enhân nie schœner wîp gesehen.

Verse: 3334    ir herren, die sult ir mir lân,
Verse: 3335    wan ich si von êrste ersehen hân.'

Verse: 3336    dô sprâchen si alle gelîche,
Verse: 3337    si würde im billîche.

Verse: 3338    ʽvernemet', sprach sîn geselle,
Verse: 3339    ʽwaz ich des roubes welle:

Verse: 3340    niuwan sîn îsengewant.'
Verse: 3341    die andern teilten dâ zehant

Verse: 3342    diu vünf ros under sich.
Verse: 3343    daz was doch ungenædeclich,

Verse: 3344    wan ez diente von rehte
Verse: 3345    Êrecke dem guoten knehte:

Verse: 3346    er kundes wol geniezen.
Verse: 3347    ouch vluren si ir liezen.

Verse: 3348    Êrecke was diu rede unkunt.
Verse: 3349    nû bereite sich einer dâ zestunt

Verse: 3350    engegen im dâ er in sach.
Verse: 3351    vil sorclîchen ungemach

Verse: 3352    vrouwe ênîte gewan.
Verse: 3353    si gedâhte: ʽwarne ich mînen man,

Verse: 3354    sô briche ich aber sîn gebot.
Verse: 3355    er enlâtz durch êre noch durch got,

Verse: 3356    er enneme mir den lîp.
Verse: 3357    ouwê ich sældenlôsez wîp!

Verse: 3358    wære ich nû niuwan tôt,
Verse: 3359    daz næme ich vür dise nôt:

Verse: 3360    sô wære mir verre baz geschehen.
Verse: 3361    sol ich den slahen sehen

Verse: 3362    der mich von grôzer armuot
Verse: 3363    ze vrouwen schuof über michel guot

Verse: 3364    dâ von ich schône gêret bin
Verse: 3365    (ich heize ein rîchiu künegin),

Verse: 3366    daz sol mich geriuwen:
Verse: 3367    wan sô muoz von untriuwen

Verse: 3368    mîn sêle verderben
Verse: 3369    und von rehte ersterben

Verse: 3370    gelîche mit dem lîbe.
Verse: 3371    got rât mir armen wîbe

Verse: 3372    wie ich ez ane vâhe
Verse: 3373    daz ich mich niht vergâhe.

Verse: 3374    ich wæne ez solde verdagen.
Verse: 3375    entriuwen niht, ich sol imz sagen:

Verse: 3376    ze swelher nôt ez mir ergê,
Verse: 3377    ez wirt gewâget alsam ê.'

Verse: 3378    vil drâte si hin umbe sach,
Verse: 3379    zÊrecke si mit vorhten sprach:

Verse: 3380    ʽherre, durch got vernim mich:
Verse: 3381    bewar ez oder man sleht dich.

Verse: 3382    ich sihe vünf gesellen
Verse: 3383    die dich slahen wellen.'

Verse: 3384    als schiere si imz seite,
Verse: 3385    ze wer er sich bereite.

Verse: 3386    ir einer hete sich ûz genomen
Verse: 3387    und was den andern vür komen,

Verse: 3388    daz er tjostierte wider in,
Verse: 3389    ûf sîn selbes ungewin,

Verse: 3390    wan in stach Êrec fil de roi lac
Verse: 3391    daz er underm rosse tôt lac.

Verse: 3392    dannoch wâren ir viere.
Verse: 3393    der einen er schiere

Verse: 3394    ouch tôten von dem rosse stach
Verse: 3395    unde daz sîn sper zebrach.

Verse: 3396    dô enblient erz dem swerte.
Verse: 3397    der strît unlange werte:

Verse: 3398    er begunde vellen
Verse: 3399    die drîe zir gesellen.
Verse group: (35) 
Verse: 3400    alsô dô der eine man
Verse: 3401    den vünven sige an gewan

Verse: 3402    und er wolde rîten,
Verse: 3403    er sprach ze vrouwen ênîten:

Verse: 3404    ʽsaget, ir wîp vil ungezogen,
Verse: 3405    war umbe habet ir aber gelogen?

Verse: 3406    wan ichz iu von êrste vertruoc,
Verse: 3407    nû endûhte iuch dar an niht genuoc,

Verse: 3408    ir entætets aber mêre.
Verse: 3409    und möhte dehein êre

Verse: 3410    man an wîbe begân,
Verse: 3411    ez ensolde iuch niht sô ringe stân,

Verse: 3412    ich ennæme iu hie zehant den lîp.'
Verse: 3413    ʽgenâde, herre!' sprach daz wîp.

Verse: 3414    ʽir sult mich des geniezen lân
Verse: 3415    daz ichz durch triuwe hân getân.

Verse: 3416    noch dulde ich baz iuwern zorn
Verse: 3417    dan iuwer lîp wære verlorn,

Verse: 3418    swaz mir nû von iu geschiht.
Verse: 3419    und hæte ich gebiten iht,

Verse: 3420    herre, sô wæret ir erslagen.
Verse: 3421    nû wil ich immer gerne dagen.

Verse: 3422    nû vergebet mir diz durch got:
Verse: 3423    zebriche ich mêr iuwer gebot,

Verse: 3424    daz rechet sâ zestunt.'
Verse: 3425    Êrec sprach: ʽvrouwe, ich tuon iu kunt,

Verse: 3426    ir gewinnet an iuwerm strîte
Verse: 3427    niuwan übele zîte:

Verse: 3428    irn belîbet râche niht vrî.
Verse: 3429    swies danne iu gedâht sî,

Verse: 3430    sô muoz ez iu ergân.
Verse: 3431    ich wil iuch ze knehte hân

Verse: 3432    die wîle wir sîn ûf disem wege.
Verse: 3433    nû nemet diu ros in iuwer phlege

Verse: 3434    und bewart si alsô schône
Verse: 3435    daz ich iu mit übele iht lône:

Verse: 3436    und wirt ir einez verlorn,
Verse: 3437    ir müezet dulden den zorn

Verse: 3438    des ir gerne enbæret,
Verse: 3439    ob ir wîse wæret.'

Verse: 3440    vrouwe ênîte nam dô diu.
Verse: 3441    vordes wâren ir driu:

Verse: 3442    nû wurden aller ahte.
Verse: 3443    si vuorte si als si mahte:

Verse: 3444    si enkunde niht wol dâ mite.
Verse: 3445    swie verre ez wider vrouwen site

Verse: 3446    und wider ir reht wære,
Verse: 3447    si leit ez âne swære

Verse: 3448    mit senftem gemüete:
Verse: 3449    daz lêrte si ir güete.

Verse: 3450    diu vrouwe grôzen kumber leit,
Verse: 3451    wan daz si ze liebe ir leit

Verse: 3452    in ir herzen verkêrte,
Verse: 3453    als si ir diemuot lêrte.

Verse: 3454    swer ez rehte ahten wil,
Verse: 3455    sô hæten dar an harte vil

Verse: 3456    ze tuone vier knehte,
Verse: 3457    solden si ze rehte

Verse: 3458    aht ros vüeren und bewarn,
Verse: 3459    dâ si eine muoste mite varn.

Verse: 3460    wan daz vrou sælde ir was bereit
Verse: 3461    und daz diu gotes hövescheit

Verse: 3462    ob mîner vrouwen swebete
Verse: 3463    und dâ wider strebete

Verse: 3464    daz ir dehein grôz ungemach
Verse: 3465    von den rossen niene geschach,

Verse: 3466    sô wære kumberlîch ir vart:
Verse: 3467    des wart diu vrouwe wol bewart.

Verse: 3468    ouch muosten durch einen solhen kneht
Verse: 3469    diu ros gerne und durch reht

Verse: 3470    ir ungestüemez streben lân
Verse: 3471    und senfteclîchen mite gân.

Verse: 3472    dô begunden si balde
Verse: 3473    gâhen von dem walde:

Verse: 3474    vil schône der tac ûf gie.
Verse: 3475    als si dô diu naht verlie,

Verse: 3476    dô sach vür sich Êrec
Verse: 3477    wâ in wîste der wec

Verse: 3478    zeinem hûs niht verre,
Verse: 3479    dâ des landes herre,

Verse: 3480    ein rîcher grâve, ûfe saz.
Verse: 3481    nû wâren si beide âne maz

Verse: 3482    alle die naht geriten
Verse: 3483    und hâten kumber erliten.

Verse: 3484    des hûses wâren si vrô,
Verse: 3485    wande si gedâhten dô

Verse: 3486    dâ ze ruowen über tac
Verse: 3487    in einem markete der dar under lac.

Verse: 3488    si begunden hin gâhen
Verse: 3489    dâ si den market sâhen.

Verse: 3490    nû bekam in ûf dem wege
Verse: 3491    ein knabe, der hete in sîner phlege

Verse: 3492    gesoten schultern unde brôt,
Verse: 3493    gewunden, als man im gebôt,

Verse: 3494    und bewart ze vlîze
Verse: 3495    in eine tweheln wîze:

Verse: 3496    ein kandel vuorte er an der hant
Verse: 3497    mit wîne. wem diz wart gesant,

Verse: 3498    des enist mir niht geseit.
Verse: 3499    dô dirre knabe zuo reit,
Verse group: (36) 
Verse: 3500    ze vlîze begunde er schouwen
Verse: 3501    die bekumberten vrouwen.

Verse: 3502    ir gevertes in grôz wunder nam.
Verse: 3503    als er zuo ir geriten kam,

Verse: 3504    si gruozte in vil schône:
Verse: 3505    dô neic er ir ze lône.

Verse: 3506    vürbaz wîste in der wec.
Verse: 3507    nû gap im Êrec

Verse: 3508    mit gruoze guoten morgen,
Verse: 3509    under helme verborgen.

Verse: 3510    der knabe an im dô wol sach
Verse: 3511    daz er grôzen ungemach

Verse: 3512    die naht hâte erliten
Verse: 3513    und gewâfent was geriten,

Verse: 3514    und bewegete in ir arbeit.
Verse: 3515    er sprach: ʽherre, enwærez iu niht leit,

Verse: 3516    ich vrâgete iuch mære
Verse: 3517    war iuwer wille wære.

Verse: 3518    saget mirz durch iuwer diemuot:
Verse: 3519    ich vrâge iuch niuwan durch guot.

Verse: 3520    mich dunket ir sît gast hie:
Verse: 3521    sô was ich in dem lande ie

Verse: 3522    unde bin des grâven kneht.
Verse: 3523    mich dunket gevüege unde reht

Verse: 3524    und bite iuch des verre
Verse: 3525    daz von iu mîn herre

Verse: 3526    dâ mite sî gêeret
Verse: 3527    daz ir ûf sîn hûs kêret

Verse: 3528    und geruowet nâch iuwer arbeit:
Verse: 3529    man ist iu dienstes dâ bereit.

Verse: 3530    unde bite iuch mêre
Verse: 3531    durch die gotes êre:

Verse: 3532    mich dunket daz ir habet geriten
Verse: 3533    und grôze arbeit erliten:

Verse: 3534    und twinge iuch dehein hungernôt,
Verse: 3535    ich vüere hie schultern unde brôt

Verse: 3536    unde vil guoten wîn.
Verse: 3537    nû lâtz in iuwern hulden sîn

Verse: 3538    und heizet die vrouwen bîten
Verse: 3539    unde wider rîten,

Verse: 3540    und enbîzet hie an dirre stat.'
Verse: 3541    er tete als in der knabe bat:

Verse: 3542    des was der kneht vrô.
Verse: 3543    hin vür zer vrouwen îlte er dô,

Verse: 3544    daz er ir diu ros emphie.
Verse: 3545    wider zir gesellen si dô gie.

Verse: 3546    der kneht diu ros zesamene bant:
Verse: 3547    dar zuo leite er sîn gewant.

Verse: 3548    sînen huot nam er in die hant
Verse: 3549    und gienc dâ er wazzer vant.

Verse: 3550    in beiden er sô vil truoc
Verse: 3551    daz man die hende getwuoc.

Verse: 3552    die tweheln leite er ûf daz gras,
Verse: 3553    dar ûf die spîse diu dâ was,

Verse: 3554    vleisch brôt unde wîn:
Verse: 3555    es enmohte nie mêre sîn.

Verse: 3556    als si dô genuoc gâzen
Verse: 3557    und wider ûf gesâzen,

Verse: 3558    Êrec sprach zuo dem knehte:
Verse: 3559    ʽknabe, ir sult von rehte

Verse: 3560    etelîchen lôn emphân
Verse: 3561    des ir zuo uns habet getân.

Verse: 3562    ir habet minne wol versolt.
Verse: 3563    nû enhân ich silber noch golt

Verse: 3564    dâ ich ius gelône mite:
Verse: 3565    geselle, nû tuot des ich iuch bite

Verse: 3566    unde nemet die wal
Verse: 3567    under der rosse zal,

Verse: 3568    ein daz iuz liebiste sî.
Verse: 3569    unde sît gewis dâ bî,

Verse: 3570    kumt uns immer der tac
Verse: 3571    daz ich iuch baz gehandeln mac,

Verse: 3572    des gebristet iu niht an mir:
Verse: 3573    daz phert sult nemen ir

Verse: 3574    durch unsere bete.'
Verse: 3575    der knabe daz vil gerne tete.

Verse: 3576    er hete si im elliu gegeben,
Verse: 3577    wan daz der vrouwen leben

Verse: 3578    dâ mite gesenftet wære:
Verse: 3579    er liez ez durch ir swære.

Verse: 3580    als er dô ein ros genam
Verse: 3581    des in aller beste gezam,

Verse: 3582    dô genâdete er im verre.
Verse: 3583    er sprach: ʽlieber herre,

Verse: 3584    nû gewert mich des ich iuch bite:
Verse: 3585    dâ handelt ir mich wol mite.

Verse: 3586    diu vrouwe lîdet von arbeit
Verse: 3587    mit disen rossen michel leit,

Verse: 3588    daz ich si vüeren müeze:
Verse: 3589    der dienest ist mir süeze.'

Verse: 3590    Êrec sprach: ʽknabe, daz sult ir lân.
Verse: 3591    jâ enist ez doch niht getân

Verse: 3592    garwe âne sache.
Verse: 3593    si muoz mit ungemache

Verse: 3594    leben ze disen zîten.'
Verse: 3595    er sprach: ʽsô wil ich rîten.'

Verse: 3596    ʽgot vergelte iu genâde unde guot:
Verse: 3597    iuwer êre sî von im behuot,

Verse: 3598    daz ir mit sælden müezet leben.
Verse: 3599    knabe, nû rîtet gote ergeben.'
Verse group: (37) 
Verse: 3600    sîner gâbe was er vrô:
Verse: 3601    wider umbe rîten begunde er dô:

Verse: 3602    von vreuden was im vil gâch.
Verse: 3603    Êrec reit müezeclîchen nâch.

Verse: 3604    nû ersach in sîn herre
Verse: 3605    und erkande in verre,

Verse: 3606    wan er was vür daz bürgetor
Verse: 3607    gegangen: dâ saz er vor.

Verse: 3608    vil michel wunder in des nam
Verse: 3609    daz er sô schiere wider kam,

Verse: 3610    und vrâgete in mære
Verse: 3611    wes daz ros wære

Verse: 3612    daz er dâ vuorte an der hant.
Verse: 3613    vil schiere tete er im erkant

Verse: 3614    die rede an ein ende gar.
Verse: 3615    er sprach: ʽherre, nû nemet war

Verse: 3616    wâ si zuo iu rîtent:
Verse: 3617    nû enweiz ich wes ir bîtent

Verse: 3618    daz ir nû niht zer strâze engât:
Verse: 3619    ir missetuot ouch, ob irz lât.

Verse: 3620    jâ muget ir an der vrouwen
Verse: 3621    daz schœniste wîp schouwen

Verse: 3622    die wir ie gesâhen.
Verse: 3623    ir sult si schône emphâhen.'

Verse: 3624    zem wege er dô hin gie,
Verse: 3625    mit schœnem gruoze er in emphie.

Verse: 3626    als er si zuo rîten sach,
Verse: 3627    er gienc engegen in unde sprach:

Verse: 3628    ʽwillekomen, vrouwe und herre'
Verse: 3629    und bat si vil verre

Verse: 3630    daz si in dâ mite êrten
Verse: 3631    und ûf sîn hûs kêrten

Verse: 3632    und daz si wolden dâ bestân.
Verse: 3633    ʽherre, des sult ir uns erlân'

Verse: 3634    sprach der ritter Êrec:
Verse: 3635    ʽuns hât der lange wec

Verse: 3636    getân unhovebære:
Verse: 3637    von müede sîn wir swære.

Verse: 3638    iuwern genâden sî genigen
Verse: 3639    und des mit hulden verzigen.

Verse: 3640    ir sult uns ze disen zîten
Verse: 3641    ze gemache lâzen rîten.'

Verse: 3642    urloubes begunden si dô gern
Verse: 3643    unz er sis muoste gewern.

Verse: 3644    einen knaben er sich dô wîsen bat
Verse: 3645    zem tiuristen wirte in die stat.

Verse: 3646    dâ entwâfente er sich dô.
Verse: 3647    vrouwe ênîte was vil vrô

Verse: 3648    der ruowe der si dô bekam
Verse: 3649    dô man ir diu ros benam.

Verse: 3650    ir was als der sêle
Verse: 3651    der von michæele

Verse: 3652    wirt der hellewîze rât,
Verse: 3653    diu lange dâ gebûwen hât.

Verse: 3654    ein bat hiez er bereiten,
Verse: 3655    wan er von arbeiten

Verse: 3656    von dem gewæfen ûf der vart
Verse: 3657    sweizic unde râmic wart:

Verse: 3658    des belôste er den lîp.
Verse: 3659    als er gebadete und sîn wîp,

Verse: 3660    daz ezzen was bereite.
Verse: 3661    als man in daz seite,

Verse: 3662    den tisch er dô rihten hiez.
Verse: 3663    vrouwen ênîten er niht enliez

Verse: 3664    ensament mit im ezzen,
Verse: 3665    wan er was gesezzen

Verse: 3666    besunder hie und si dort
Verse: 3667    von im an der tweheln ort.

Verse: 3668    nû begunde den grâven riuwen,
Verse: 3669    und gedâhte wider sînen triuwen,

Verse: 3670    daz er die vrouwen verliez,
Verse: 3671    daz er si im niht nemen hiez.

Verse: 3672    manecvalt wart sîn gedanc,
Verse: 3673    als in der vrouwen schœne twanc,

Verse: 3674    wie er si möhte gewinnen.
Verse: 3675    untriuwe riet sînen sinnen

Verse: 3676    daz er dar sô kæme
Verse: 3677    daz er si im benæme.

Verse: 3678    daz was doch wider dem rehte
Verse: 3679    daz er dem guoten knehte

Verse: 3680    sîn wîp wolde hân genomen,
Verse: 3681    dô er in sîn lant was komen,

Verse: 3682    den er bevriden solde
Verse: 3683    ob im iemen schaden wolde.

Verse: 3684    der muot was im von minne komen,
Verse: 3685    wan wir haben vernomen

Verse: 3686    von dem grâven mære
Verse: 3687    daz er benamen wære

Verse: 3688    beide biderbe unde guot,
Verse: 3689    an sînen triuwen wol behuot

Verse: 3690    unz an die selben stunt.
Verse: 3691    dô tete im untriuwe kunt

Verse: 3692    diu kreftige minne
Verse: 3693    und benam im rehte sinne.

Verse: 3694    wan an der minne stricke
Verse: 3695    vâhet man vil dicke

Verse: 3696    einen alsô kargen man
Verse: 3697    den niemen sus gewinnen kan.

Verse: 3698    vil manegen man diu werlt hât
Verse: 3699    der nimmer in dehein missetât
Verse group: (38) 
Verse: 3700    sînen vuoz verstieze
Verse: 3701    ob ins diu minne erlieze:

Verse: 3702    und engæbe si niht sô rîchen muot,
Verse: 3703    sô enwære der werlde niht sô guot

Verse: 3704    noch sô rehte wæge,
Verse: 3705    sô ob man ir verphlæge.

Verse: 3706    nû enhât aber niemen solhe kraft,
Verse: 3707    und ergrîfet in ir meisterschaft,

Verse: 3708    er enmüeze ir entwîchen.
Verse: 3709    swer aber ir gewislîchen

Verse: 3710    ze rehte kunde gephlegen,
Verse: 3711    den enlieze si niht under wegen,

Verse: 3712    im enwære der lôn von ir bereit
Verse: 3713    daz in sîn arbeit

Verse: 3714    niht endorfte riuwen,
Verse: 3715    huote er sîner triuwen

Verse: 3716    baz dan der grâve tæte.
Verse: 3717    der enwas dar an niht stæte,

Verse: 3718    wan in vrou minne betwanc
Verse: 3719    ûf einen valschen gedanc,

Verse: 3720    daz er dem vil biderben man
Verse: 3721    sîn wîp ze nemenne muot gewan.

Verse: 3722    vier ritter er zuo im nam.
Verse: 3723    als er zen herbergen kam,

Verse: 3724    ob dem tische er si vant.
Verse: 3725    von im leite er sîn gewant:

Verse: 3726    mit gruoze begunde er vür si stân.
Verse: 3727    dô enhete Êrec deheinen wân

Verse: 3728    daz er im schaden solde,
Verse: 3729    als er doch gerne wolde.

Verse: 3730    den grâven nam grôz wunder
Verse: 3731    daz si sô besunder

Verse: 3732    an dem tische sâzen
Verse: 3733    und ensament niht enâzen.

Verse: 3734    er sprach in sîner valscheit:
Verse: 3735    ʽherre, enwærez iu niht leit,

Verse: 3736    sô soldet ir mich wizzen lân
Verse: 3737    war umbe diz sî getân.

Verse: 3738    ist disiu vrouwe iuwer wîp?
Verse: 3739    der ist wünneclîch ir lîp

Verse: 3740    und sô wol genæme
Verse: 3741    daz si baz bî iu zæme

Verse: 3742    danne dort an jener stat.
Verse: 3743    wes habet ir si von iu gesat?'

Verse: 3744    sus antwurte im Êrec dô:
Verse: 3745    ʽherre, mîn gemüete stât alsô.'

Verse: 3746    der grâve bat in vürbaz
Verse: 3747    daz erz lieze âne haz

Verse: 3748    ob er zuo ir sæze
Verse: 3749    die wîle daz man æze.

Verse: 3750    des antwurte im Êrec dô:
Verse: 3751    ʽgeruochet irs, herre, ich bins vrô.'

Verse: 3752    er sprach als er zuo ir gesaz:
Verse: 3753    ʽich sage iu, vrouwe, umbe waz

Verse: 3754    ich her zuo iu komen bin:
Verse: 3755    ein teil durch iuwern gewin

Verse: 3756    und benamen durch iuwer êre.
Verse: 3757    mir erbarmte nie sô sêre

Verse: 3758    weder man noch wîp
Verse: 3759    als iuwer wætlîcher lîp.

Verse: 3760    sît ich iuch hiute lîden sach
Verse: 3761    als missezæmen ungemach

Verse: 3762    der einer vrouwen nie gezam,
Verse: 3763    vil nâ ez mînem herzen kam

Verse: 3764    und ouch noch dicke leider tuot.
Verse: 3765    iuwer grôze armuot

Verse: 3766    die verwîze ich iu durch übel niht,
Verse: 3767    wan daz mir leide dran geschiht.

Verse: 3768    nû zæmet ir wærlîche
Verse: 3769    ze vrouwen wol dem rîche.

Verse: 3770    wer gap iuch armen solhem man
Verse: 3771    der enmac noch enkan

Verse: 3772    iuch gêren ze rehte?
Verse: 3773    er hât iuch zeinem knehte.

Verse: 3774    der selbe iuwer geselle
Verse: 3775    (daz in got velle!),

Verse: 3776    der vlîzet sich dar zuo
Verse: 3777    waz er iu leides getuo.

Verse: 3778    und hete mich iuwer got gewert,
Verse: 3779    ir wæret bezzer êren wert.

Verse: 3780    welt ir, noch geschiht iu allez guot.
Verse: 3781    ich sage iu, vrouwe, mînen muot:

Verse: 3782    und ist daz ir sô wîse sît,
Verse: 3783    sô lât irz âne widerstrît:

Verse: 3784    ich wil iu kumbers schaffen rât.
Verse: 3785    ich sage iu wie mîn dinc stât.

Verse: 3786    ich bin dises landes herre:
Verse: 3787    nâhen noch verre

Verse: 3788    envant ich noch daz wîp
Verse: 3789    nie, sô mir der lîp,

Verse: 3790    diu mir gezæme
Verse: 3791    daz ich si næme.

Verse: 3792    nû gevallet ir mir sô wol
Verse: 3793    daz ich iuch gerne machen sol

Verse: 3794    ze vrouwen disem lande:
Verse: 3795    sô habet ir âne schande

Verse: 3796    wol gewehselt iuwer leben.'
Verse: 3797    ʽein vrouwen müeze iu got geben',

Verse: 3798    sprach daz tugenthafte wîp,
Verse: 3799    ʽdiu iuwer lant und iuwern lîp
Verse group: (39) 
Verse: 3800    baz ze rehte ziere.
Verse: 3801    ez müeste iuch harte schiere

Verse: 3802    von rehte geriuwen
Verse: 3803    und wære wider mînen triuwen.

Verse: 3804    als ez diu werlt vernæme
Verse: 3805    und ez ir vür kæme,

Verse: 3806    sô wærez niuwan ir spot.
Verse: 3807    durch daz sô lât die rede durch got,

Verse: 3808    wan iu von rehte baz geschiht.
Verse: 3809    ich entouc ze grævinne niht:

Verse: 3810    ich enhân geburt noch daz guot.
Verse: 3811    swaz ouch mir mîn geselle tuot,

Verse: 3812    daz dulde ich mit rehte.
Verse: 3813    ze wîbe und ze knehte

Verse: 3814    und ze swiu er mich wil hân,
Verse: 3815    des bin ich im alles undertân.

Verse: 3816    herre, waz mac ich sprechen mê?
Verse: 3817    wan ich wolde erweln ê

Verse: 3818    daz ich lebende hie zehant
Verse: 3819    ze pulver würde verbrant

Verse: 3820    und man den zesæte,
Verse: 3821    ê ich ez immer getæte.

Verse: 3822    unser ahte stât gelîche:
Verse: 3823    wir ensîn beide niht rîche,

Verse: 3824    wir komen wol ze mâze.
Verse: 3825    got mir in leben lâze!'

Verse: 3826    als er dise antwurt vernam
Verse: 3827    und ir willen alsam,

Verse: 3828    er sprach: ʽich sage iu mînen muot:
Verse: 3829    dar nâch beweget iuch waz ir tuot.

Verse: 3830    welt ir niht güetlîchen
Verse: 3831    mîner bete entwîchen,

Verse: 3832    sô geschiht ez under iuwern danc.
Verse: 3833    iuwer wer ist mir hie ze kranc.

Verse: 3834    iuwer geselle
Verse: 3835    var swar er welle:

Verse: 3836    ir müezet hie mit mir bestân.
Verse: 3837    diu rede sol ein ende hân.'

Verse: 3838    als si sînen ernest sach
Verse: 3839    und daz erz von herzen sprach,

Verse: 3840    vil güetlîchen sach si in an,
Verse: 3841    den vil ungetriuwen man,

Verse: 3842    und lachete durch schœnen list.
Verse: 3843    si sprach: ʽich wæne iu ernest ist.

Verse: 3844    herre, enzürnet ir niht:
Verse: 3845    wan iu der rede unnôt geschiht.

Verse: 3846    ez was zewâre mîn wân,
Verse: 3847    ir hetet die rede durch schimph getân.

Verse: 3848    wan ez ist iuwer manne site
Verse: 3849    daz ir uns armiu wîp dâ mite

Verse: 3850    vil gerne trieget
Verse: 3851    (ich entar gesprechen: lieget),

Verse: 3852    daz ir uns vil ze guote
Verse: 3853    geheizet wider iuwerm muote:

Verse: 3854    dâ von ich dicke hân gesehen
Verse: 3855    wîben michel leit geschehen.

Verse: 3856    enhæte ich niht ervorht daz,
Verse: 3857    ich hæte iu gantwurtet baz,

Verse: 3858    wan ich, herre, niene bin
Verse: 3859    iedoch sô gar âne sin,

Verse: 3860    und möhte ich mîne sache
Verse: 3861    zêren und ze gemache

Verse: 3862    verwandeln, daz entæte ich.
Verse: 3863    wan mîn leben ist sô kumberlich,

Verse: 3864    als irz selbe habet gesehen.
Verse: 3865    vil rehte wil ich iu bejehen

Verse: 3866    wie mich von êrste mîn man
Verse: 3867    im ze wîbe gewan.

Verse: 3868    ichn bin im niht genôzsam:
Verse: 3869    mînem vater er mich nam,

Verse: 3870    wan der ist wærlîche
Verse: 3871    edel unde rîche.

Verse: 3872    in des hof er dicke reit.
Verse: 3873    nâch kinde gewonheit

Verse: 3874    lief ich dâ hin unde her.
Verse: 3875    eines tages spilte er

Verse: 3876    mit uns. dô schein wol daz kint
Verse: 3877    lîhte ze triegenne sint.

Verse: 3878    mit liste er mich vürz tor gewan:
Verse: 3879    dâ zuhte er mich und vuorte mich dan

Verse: 3880    und hât mich alsô iemer sît.
Verse: 3881    manege kumberlîche zît

Verse: 3882    tuot er mich lîden,
Verse: 3883    wan hie von muoz er mîden

Verse: 3884    daz wesen in sînem lande.
Verse: 3885    schaden unde schande

Verse: 3886    ich armiu zallen zîten wone.
Verse: 3887    swer bezzer mich dâ vone

Verse: 3888    nâch êren lœsen wolde,
Verse: 3889    gerne ich des volgen solde:

Verse: 3890    dar zuo vergultez im got.
Verse: 3891    ich wânte diu rede wære iuwer spot.

Verse: 3892    ist daz ir mir bescheinet
Verse: 3893    ob ir die rede meinet

Verse: 3894    mit etelîcher sicherheit,
Verse: 3895    sô bin ich iuwer bete bereit.'

Verse: 3896    der rede was der grâve vrô.
Verse: 3897    lachende antwurte er ir sô:

Verse: 3898    ʽir enmuget iuch des niht erwern,
Verse: 3899    wan ich wil iu stæte swern.'
Verse group: (40) 
Verse: 3900    sîn vinger wurden ûf geleit,
Verse: 3901    diu vrouwe gap im den eit:

Verse: 3902    ouch gap si im dâ zestat,
Verse: 3903    ze leisten des er gebat,

Verse: 3904    ein ungewissez phant,
Verse: 3905    ir triuwe an sîne hant.

Verse: 3906    als dô diu sicherheit geschach,
Verse: 3907    mit listen vrouwe ênîte sprach:

Verse: 3908    ʽherre, nû râte ich iu wol,
Verse: 3909    als ein vriunt dem andern sol,

Verse: 3910    wan ich nû deheinem man
Verse: 3911    guotes alsô iu gan,

Verse: 3912    ir volget mîner lêre:
Verse: 3913    ez enkumbert iuch niht sêre.

Verse: 3914    sît ir mich genemen welt,
Verse: 3915    dâ mite râte ich daz ir twelt

Verse: 3916    unze vruo morgen:
Verse: 3917    sô muget ir âne sorgen

Verse: 3918    mich genemen und âne strît.
Verse: 3919    sô er an sînem bette lît,

Verse: 3920    sô kumet ir her:
Verse: 3921    wande sô enmac er

Verse: 3922    iu niht geschaden, sô werdet ir
Verse: 3923    iuwers willen an mir

Verse: 3924    unbekumbert gewert,
Verse: 3925    wan hînaht stil ich im daz swert.'

Verse: 3926    si sprach: ʽich bin iu nû holt,
Verse: 3927    wan daz habet ir wol versolt,

Verse: 3928    und müet mich, sult ir dulden
Verse: 3929    schaden von mînen schulden:

Verse: 3930    daz doch benamen muoz ergân,
Verse: 3931    ir entuot als ich gesprochen hân.

Verse: 3932    wande nemet ir mich zehant,
Verse: 3933    ez ist umbe uns sô gewant

Verse: 3934    daz er mich ungerne lât.
Verse: 3935    sîn swert er bî im hât:

Verse: 3936    ich weiz wol daz er schaden tuot.'
Verse: 3937    er sprach: ʽiuwer rât der ist guot,

Verse: 3938    der gevellet mir sô wol
Verse: 3939    daz ich iu gerne volgen sol.'

Verse: 3940    mit schœnen wîbes listen
Verse: 3941    begunde si dô vristen

Verse: 3942    ir êre und ir mannes lîp.
Verse: 3943    vrouwe ênîte was ein getriuwez wîp.

Verse: 3944    sus überredete si den man
Verse: 3945    daz er schiet mit urloube dan

Verse: 3946    ûf solhe ungewisheit,
Verse: 3947    als ich iu dâ hân geseit.

Verse: 3948    als si dô gezzen hâten,
Verse: 3949    in eine kemenâten

Verse: 3950    hiez er in betten beiden
Verse: 3951    und doch diu bette scheiden:

Verse: 3952    er enwolde si bî im ligen lân.
Verse: 3953    slâfen begunden si dô gân.

Verse: 3954    nû lâgen si besunder.
Verse: 3955    diz was iedoch ein wunder,

Verse: 3956    daz er durch deheinen zorn
Verse: 3957    im den muot hete erkorn

Verse: 3958    daz er ein sô schœne wîp meit.
Verse: 3959    von sorgen grôzen kumber leit

Verse: 3960    der vrouwen gemüete
Verse: 3961    durch triuwe und durch güete,

Verse: 3962    wie im diu rede würde kunt:
Verse: 3963    wan er verbôt daz ir munt

Verse: 3964    ze sprechenne iht ûf kæme,
Verse: 3965    swaz si vernæme,

Verse: 3966    als ich iu ê gesaget hân.
Verse: 3967    doch enhete siz niht verlân:

Verse: 3968    dâ mite hete si in verlorn,
Verse: 3969    sô daz er ir durch den zorn

Verse: 3970    ze geselleschefte niht enphlac,
Verse: 3971    wan er sunder âz und lac.

Verse: 3972    nû gedâhte diu guote
Verse: 3973    alsô in ir muote:

Verse: 3974    ʽez ist mir ûf daz zil komen
Verse: 3975    daz mir benamen wirt benomen

Verse: 3976    der aller liebiste man
Verse: 3977    den ie wîp mêr gewan,

Verse: 3978    ez ensî daz ich in warne.
Verse: 3979    ouch weiz ich daz ichz arne,

Verse: 3980    zebriche ich aber sîn gebot.
Verse: 3981    nû rât mir, herre, rîcher got!

Verse: 3982    des enwart mir nie sô nôt.
Verse: 3983    ich weiz wol, ez ist mîn tôt,

Verse: 3984    wan er hât mirz nû zwir vertragen.
Verse: 3985    waz aber von diu, wirde ich erslagen

Verse: 3986    unde nimt er mir den lîp?
Verse: 3987    dannoch lebet manec vrum wîp.

Verse: 3988    ich enbin ouch niht sô klagelîch:
Verse: 3989    sô ist er edel unde rîch,

Verse: 3990    mîn lieber herre.
Verse: 3991    ê im iht gewerre,

Verse: 3992    sô wil ich kiesen den tôt.'
Verse: 3993    ir triuwe ir daz gebôt

Verse: 3994    daz si ze sînem bette gie
Verse: 3995    und bôt sich vür in an ir knie

Verse: 3996    und sagete im die rede gar.
Verse: 3997    von vorhten wart si missevar.

Verse: 3998    als ez im dô wart erkant,
Verse: 3999    ûf stuont er zehant
Verse group: (41) 
Verse: 4000    und bat den wirt wachen.
Verse: 4001    dô begunde er sich ûf machen:

Verse: 4002    des wirtes knehten er seite
Verse: 4003    daz man im diu ros bereite.

Verse: 4004    daz was schiere getân.
Verse: 4005    den wirt bat er zuo im gân.

Verse: 4006    er sprach als er zuo im gie:
Verse: 4007    ʽin iuwerm hûs habet ir uns hie

Verse: 4008    gehandelt schône unde wol:
Verse: 4009    des geltes bin ich iuwer schol.

Verse: 4010    nû vernemet waz irs erholt.
Verse: 4011    ich enhân hie silber noch golt

Verse: 4012    dâ ich iu vergelte mite.
Verse: 4013    nû tuot als ich iuch bite:

Verse: 4014    diu siben ros nemet ir
Verse: 4015    nû ze gelte von mir.'

Verse: 4016    der wirt neic im an den vuoz.
Verse: 4017    als ein man der gewinnen muoz,

Verse: 4018    sô was er herzenlîche vrô.
Verse: 4019    zehant truoc er im dô

Verse: 4020    ze heiles gewinne
Verse: 4021    sant gêrtrûte minne.

Verse: 4022    alsô reit des nahtes dan
Verse: 4023    Êrec der ellende man

Verse: 4024    unde rûmte zehant
Verse: 4025    mit sînem wîbe daz lant.

Verse: 4026    diu hete den grâven betrogen
Verse: 4027    und âne sünde gelogen.

Verse: 4028    ê daz sich Êrec
Verse: 4029    ûf machete ûf den wec,

Verse: 4030    dô gedâhte dar an
Verse: 4031    der vil ungetriuwe man,

Verse: 4032    wenne er zer vrouwen solde komen,
Verse: 4033    ob er si wolde hân genomen.

Verse: 4034    von dem slâfe er ûf erschrac
Verse: 4035    dâ er an sînem bette lac:

Verse: 4036    wan er des vorhte und hete wân,
Verse: 4037    er solde sich versûmet hân.

Verse: 4038    vil lûte schrei er: ʽwâfen!
Verse: 4039    wir haben uns verslâfen.

Verse: 4040    wol ûf, mîne gesellen,
Verse: 4041    die mir helfen wellen!'

Verse: 4042    niunzehene wâren ir über al
Verse: 4043    und er der zweinzegeste an der zal.

Verse: 4044    als er die zuo im genam
Verse: 4045    und zuo den herbergen kam,

Verse: 4046    nâch ungevüegem gruoze
Verse: 4047    sô stiez er mit dem vuoze

Verse: 4048    die tür daz si zebrach.
Verse: 4049    daz was dem wirte ungemach

Verse: 4050    und wolde wâfen hân geschrirn.
Verse: 4051    ʽnû sihstû wol daz wirz birn'

Verse: 4052    sprach der ungetriuwe man:
Verse: 4053    ʽenvürhte dir niht und sage an,

Verse: 4054    waz diutent disiu lieht hie?'
Verse: 4055    diz wâren diu dâ lie

Verse: 4056    der tugenthafte Êrec
Verse: 4057    dô er sich machete ûf den wec.

Verse: 4058    der grâve des niht enweste.
Verse: 4059    ʽwâ slâfent dîne geste?'

Verse: 4060    ʽherre, si sint geriten.'
Verse: 4061    mit zornigen siten

Verse: 4062    sprach der grâve: ʽsi ensint.'
Verse: 4063    ʽlüge ich, herre, ich wære ein kint.'

Verse: 4064    ʽez ist entriuwen dîn spot.'
Verse: 4065    ʽnein ez, herre, sô helfe mir got.'

Verse: 4066    ʽez ist. nû wîse mich dar.'
Verse: 4067    ʽnû heizetz selbe ersuochen gar.'

Verse: 4068    ʽentriuwen, daz ich daz sol.'
Verse: 4069    ʽnû gan ouch ich es iu wol.'

Verse: 4070    ʽwie lange sol ich dich vrâgen?'
Verse: 4071    ʽnû seht selbe wâ si lâgen.

Verse: 4072    war umbe solde ich si iu versagen?'
Verse: 4073    er sprach und wolde in hân erslagen:

Verse: 4074    ʽdû wæne ein abeleitære bist.'
Verse: 4075    ʽherre, si sint geriten, wizze krist.'

Verse: 4076    ʽdaz ist von dînen schulden.'
Verse: 4077    ʽnein ez, bî iuwern hulden.'

Verse: 4078    ʽsô hæten si des tages erbiten.'
Verse: 4079    ʽherre, si sint nû geriten.'

Verse: 4080    ʽsage, sint si iht verre?'
Verse: 4081    ʽnein si entriuwen, herre:

Verse: 4082    si riten an dirre stunt.'
Verse: 4083    ʽwar sint si?' ʽdeist mir unkunt.'

Verse: 4084    dô twanc in sîn untriuwe
Verse: 4085    ze grôzer herzeriuwe.

Verse: 4086    dem slâfe vluochte er sêre.
Verse: 4087    er sprach: ʽmir enwas êre

Verse: 4088    niht ze teile getân,
Verse: 4089    daz ich sus verlorn hân

Verse: 4090    daz schœniste wîp durch gemach
Verse: 4091    die mîn ouge ie gesach,

Verse: 4092    vremde oder kunde.
Verse: 4093    vervluochet sî diu stunde

Verse: 4094    daz ich hînaht entslief.'
Verse: 4095    nâch den rossen er dô rief.

Verse: 4096    er sprach: ʽswer sîne sache
Verse: 4097    wendet gar ze gemache,

Verse: 4098    als ich hînaht hân getân,
Verse: 4099    dem sol êre abe gân
Verse group: (42) 
Verse: 4100    unde schande sîn bereit.
Verse: 4101    wer gewan ie vrumen âne arbeit?

Verse: 4102    mir ist geschehen vil rehte.'
Verse: 4103    nû kâmen ouch die knehte

Verse: 4104    mit den rossen geriten.
Verse: 4105    dô enwart niht langer gebiten.

Verse: 4106    ʽwol ûf, ir herren' sprach er.
Verse: 4107    niuwan schilt unde sper

Verse: 4108    hâten si ze wer genomen:
Verse: 4109    daz was von ir gæhe komen.

Verse: 4110    dô begunde ûf gân der tac,
Verse: 4111    daz si den huofslac

Verse: 4112    und daz spor wol sâhen.
Verse: 4113    nâch im wart michel gâhen.

Verse: 4114    nû was Êrec zuo der wîle
Verse: 4115    geriten wol drî mîle.

Verse: 4116    wan durch vorhte des wîbes,
Verse: 4117    niene sînes lîbes,

Verse: 4118    was im von dem lande gâch.
Verse: 4119    er weste wol, man rite im nâch.

Verse: 4120    als im vor gæhede ûf der vart
Verse: 4121    sô vil ze redenne state wart,

Verse: 4122    er sprach: ʽvrouwe ênîte,
Verse: 4123    ir habet iuch ze strîte

Verse: 4124    ze vaste wider mich gesat.
Verse: 4125    daz ich dâ lâzen bat

Verse: 4126    und ez iu an den lîp verbôt,
Verse: 4127    daz ist mir ein michel nôt

Verse: 4128    daz ir des deste mêre tuot.
Verse: 4129    nû sage ich iu mînen muot:

Verse: 4130    ichn wilz von iu niht lîden,
Verse: 4131    und enwelt ir ez niht mîden,

Verse: 4132    ez gât iu benamen an den lîp.'
Verse: 4133    ʽgenâde, herre' sprach daz wîp:

Verse: 4134    ʽir sult mich des geniezen lân,
Verse: 4135    und enhete ich des niht getân,

Verse: 4136    sô hætet ir den lîp verlorn:
Verse: 4137    von diu enwærez niht guot verborn.

Verse: 4138    ich solz iemêre wol bewarn.'
Verse: 4139    nû hôrte si si zuo varn

Verse: 4140    mit zornigem muote.
Verse: 4141    swie niuwelîch diu guote

Verse: 4142    warnen verlobet hæte,
Verse: 4143    daz gelübede beleip unstæte,

Verse: 4144    wan si zebrach ez dâ zehant,
Verse: 4145    als si betwanc der triuwen bant.

Verse: 4146    dannoch wâren si verre.
Verse: 4147    si sprach: ʽlieber herre,

Verse: 4148    dir rîtet michel her nâch.
Verse: 4149    si wellen dir schaden: in ist sô gâch.'

Verse: 4150    nû endarf niemen sprechen daz:
Verse: 4151    ʽvon wiu kam daz diu vrouwe baz

Verse: 4152    beide gehôrte und gesach?'
Verse: 4153    ich sage iu von wiu daz geschach.

Verse: 4154    diu vrouwe reit gewæfens bar:
Verse: 4155    dâ was er gewâfent gar,

Verse: 4156    als ein guot ritter sol.
Verse: 4157    des gehôrte er noch gesach sô wol

Verse: 4158    ûz der îsenwæte
Verse: 4159    als er blôzer tæte.

Verse: 4160    des was im warnunge nôt
Verse: 4161    und vrumte im dicke vür den tôt.

Verse: 4162    doch ez im solde wesen zorn,
Verse: 4163    er hæte dicke verlorn

Verse: 4164    von unbesihte den lîp,
Verse: 4165    wan daz in warnte daz wîp.

Verse: 4166    nû enhete si imz niht vol geseit
Verse: 4167    ê dar grâve zuo reit.

Verse: 4168    und als er in ane sach,
Verse: 4169    vil unritterlîch er sprach

Verse: 4170    mit ungezæmen grimme
Verse: 4171    nâch unvriuntlîcher stimme:

Verse: 4172    ʽsehet umbe, ir arger diep!
Verse: 4173    wem solde daz wesen liep

Verse: 4174    daz ir in disen landen
Verse: 4175    nâch unser aller schanden

Verse: 4176    vüeret ein edel süeze wîp?
Verse: 4177    und wizzet wol daz ir den lîp

Verse: 4178    mir alzane liezet:
Verse: 4179    wan daz ir geniezet

Verse: 4180    daz ir ritter sît genant,
Verse: 4181    ich hieze iuch hâhen hie zehant.

Verse: 4182    ir habet si under vriunde danc.
Verse: 4183    jâ was ez ein vil arger wanc

Verse: 4184    daz ir nahtes ritet dan.
Verse: 4185    dâ mac man wol kiesen an

Verse: 4186    daz ir si ir vater habet genomen.
Verse: 4187    von wannen wære si iu anders komen?

Verse: 4188    ez möhte an dirre vrouwen
Verse: 4189    ein tôre wol schouwen

Verse: 4190    daz si iu niht enist ze mâze.
Verse: 4191    welt ir daz ich iu lâze,

Verse: 4192    arger schalc, den lîp,
Verse: 4193    sô lât belîben daz wîp.

Verse: 4194    ich wil si ir vriunden wider geben.
Verse: 4195    si ensol niht mê sô swache leben.

Verse: 4196    nû lât si und schabet iuwern wec.'
Verse: 4197    ʽir enthöveschet iuch', sprach Êrec,

Verse: 4198    ʽan mir harte sêre.
Verse: 4199    von wem habet ir die lêre
Verse group: (43) 
Verse: 4200    daz ir scheltet einen man
Verse: 4201    der ie ritters namen gewan?

Verse: 4202    ir sît an swachem hove erzogen.
Verse: 4203    nû schamet iuch: ir habet gelogen.

Verse: 4204    ich bin edeler dan ir sît.'
Verse: 4205    nû huop sich der strît.

Verse: 4206    dô enwart niht langer gebiten:
Verse: 4207    mit zorne si zesamene riten,

Verse: 4208    dâ von der ungetriuwe man
Verse: 4209    sînes valsches lôn gewan,

Verse: 4210    einen stich ze sîner sîten
Verse: 4211    der in ze manegen zîten

Verse: 4212    sît her niht verswar,
Verse: 4213    wan er was underm schilte bar.

Verse: 4214    dar zuo im abe der arm brach.
Verse: 4215    dô er in von dem rosse stach,

Verse: 4216    nû begunde er sîne getriuwen
Verse: 4217    harte sêre riuwen.

Verse: 4218    die vielen über ir herren,
Verse: 4219    daz im iht möhte gewerren.

Verse: 4220    sumelîche wâren dâ,
Verse: 4221    die wolden in sâ

Verse: 4222    rechen mit den swerten:
Verse: 4223    vil unlange die werten.

Verse: 4224    sehse er ir ze tôde sluoc:
Verse: 4225    den was vehtennes genuoc.

Verse: 4226    die andern wâren alle zagen:
Verse: 4227    die vluhen âne nâch jagen.

Verse: 4228    dô was des strîtes ende.
Verse: 4229    âne missewende

Verse: 4230    reit der ritter Êrec
Verse: 4231    vil drâte den wec.

Verse: 4232    er sprach: ʽherre got der guote,
Verse: 4233    habe mich in dîner huote

Verse: 4234    und hilf mir âne schande
Verse: 4235    von disem lande.

Verse: 4236    wirt ez dem lantvolke kunt,
Verse: 4237    daz ziuhet mir allez nâch zestunt

Verse: 4238    und slahent mich: des ist unlanc.'
Verse: 4239    vergebene was doch der gedanc,

Verse: 4240    wan ez nieman vernam
Verse: 4241    ê er vol ûz dem walde kam:

Verse: 4242    daz was sîn grôziu sælekeit.
Verse: 4243    alsô beleip ez ungeseit:

Verse: 4244    die ritter die dâ genâren
Verse: 4245    und bî ir herren wâren,

Verse: 4246    der enwolde deheiner von im komen,
Verse: 4247    von dem man ez hete vernomen:

Verse: 4248    dô engetorstenz die vliehenden zagen
Verse: 4249    vor ir schande niht gesagen,

Verse: 4250    ê daz Êrec der herre
Verse: 4251    kæme von dem lande verre.

Verse: 4252    die ritter dô verbunden
Verse: 4253    dem grâven sîne wunden

Verse: 4254    und vuorten in ûf bâren
Verse: 4255    und die dâ tôt wâren

Verse: 4256    hin heim mit herzeriuwen.
Verse: 4257    sô genôz er sîner untriuwen.

Verse: 4258    als Êrec dô gereit
Verse: 4259    an sîne gewarheit,

Verse: 4260    dâ er den grâven niht entsaz,
Verse: 4261    nû verweiz er vrouwen ênîten daz

Verse: 4262    daz si sîn gebot sô dicke brach.
Verse: 4263    sîn zorn wart grôz und ungemach

Verse: 4264    und unsenfter dan ê.
Verse: 4265    nû gelobete si daz siz nimmer mê

Verse: 4266    vürdermâl getæte:
Verse: 4267    daz enliez si aber niht stæte.

Verse: 4268    swaz Êrec nôt unz her erleit,
Verse: 4269    daz was ein ringiu arbeit

Verse: 4270    unde gar ein kindes spil
Verse: 4271    dâ wider und ich iu sagen wil

Verse: 4272    daz im ze lîden noch geschach.
Verse: 4273    beide nôt und ungemach

Verse: 4274    was im ze teile getân:
Verse: 4275    des enwart er niht erlân,

Verse: 4276    er enlite vil und genuoc.
Verse: 4277    der wec in zehant truoc

Verse: 4278    in ein unkundez lant.
Verse: 4279    des herre was im unerkant.

Verse: 4280    von des selben manheit
Verse: 4281    ist uns wunder geseit.

Verse: 4282    er was ein vil kurzer man,
Verse: 4283    mir ensî gelogen dar an,

Verse: 4284    vil nâ getwerges genôz,
Verse: 4285    wan daz im harte grôz

Verse: 4286    wâren arme unde bein.
Verse: 4287    dâ zuo den brüsten er schein

Verse: 4288    kreftic unde dic genuoc.
Verse: 4289    dar under er ein herze truoc

Verse: 4290    volleclîche manhaft.
Verse: 4291    daz gap im ouch die kraft,

Verse: 4292    wan dâ stât ez allez an:
Verse: 4293    und wizzet rehte, wære ein man

Verse: 4294    gewahsen zwelf klâfter lanc
Verse: 4295    und wære sîn herze kranc

Verse: 4296    und ûf zageheit geborn,
Verse: 4297    daz michel âs wære verlorn.

Verse: 4298    sus enwas dem herren niht.
Verse: 4299    wir müezen sîner geschiht
Verse group: (44) 
Verse: 4300    ein michel teil verdagen.
Verse: 4301    man möhte vil dâ von gesagen,

Verse: 4302    wan daz der rede dâ würde ze vil:
Verse: 4303    dâ von ich iu si kürzen wil.

Verse: 4304    ez hâte der herre guot
Verse: 4305    gelücke unde rîchen muot

Verse: 4306    unde hâte unverzaget
Verse: 4307    den prîs an manegem man bejaget:

Verse: 4308    dar umbe man noch von im seit
Verse: 4309    daz im an sîner manheit

Verse: 4310    unz an den tac nie misselanc.
Verse: 4311    er wære starc oder kranc

Verse: 4312    der im mit übel zuo kam,
Verse: 4313    der wênige ie den sige nam.

Verse: 4314    dehein ritterschaft er versaz
Verse: 4315    (ouch entetez niemen baz)

Verse: 4316    swaz er ir bî sînen zîten
Verse: 4317    ie mohte errîten.

Verse: 4318    dô er den strît niuwen vant,
Verse: 4319    dô wart im aber ir triuwe erkant.

Verse: 4320    als si in gewarnet hâte,
Verse: 4321    nû sâhen si alsô drâte

Verse: 4322    in dort zuo rîten.
Verse: 4323    nû gruozte er vrouwen ênîten.

Verse: 4324    als er Êrecke sô nâhen kam
Verse: 4325    daz er sîniu wort vernam,

Verse: 4326    er sprach: ʽwillekomen, herre,
Verse: 4327    ir nâhen oder verre

Verse: 4328    in disiu lant geriten sît,
Verse: 4329    mich bedunket âne strît,

Verse: 4330    ir muget wol ein degen sîn.
Verse: 4331    daz ist an zwein dingen schîn:

Verse: 4332    ir vüeret, sam mir mîn lîp,
Verse: 4333    daz aller schœniste wîp

Verse: 4334    der ich ie künde gewan:
Verse: 4335    wer gæbe die einem bœsen man?

Verse: 4336    dar zuo sît ir gewâfent wol,
Verse: 4337    als ein guot ritter sol

Verse: 4338    der ze deheinen stunden
Verse: 4339    werlôs wil werden vunden

Verse: 4340    und der âventiure suochet.
Verse: 4341    ob sîn got nû ruochet,

Verse: 4342    der vindet ir hie teil.
Verse: 4343    und gevellet iu daz heil,

Verse: 4344    ich wil iu daz zewâre sagen,
Verse: 4345    ir muget hie den prîs bejagen

Verse: 4346    des ir wol gelobet sît.
Verse: 4347    nû wert iuch, ritter, ez ist zît.'

Verse: 4348    sus antwurte im durch sînen spot
Verse: 4349    Êrec: ʽnû enwelle got,

Verse: 4350    ritter biderbe unde guot,
Verse: 4351    daz ir immer getuot

Verse: 4352    sô vil wider iuwern triuwen.
Verse: 4353    ez müeste iuch her nâch riuwen.

Verse: 4354    jâ butet ir mir iuwern gruoz:
Verse: 4355    wanne würde iu slasters buoz,

Verse: 4356    bestüendet ir mich dar nâch?
Verse: 4357    sô wære iu ze gâch

Verse: 4358    und belibet sîn âne ruom.
Verse: 4359    ir sult ez durch got tuon

Verse: 4360    und mich mit gemache lân,
Verse: 4361    wan ich enhabe iu niht getân.

Verse: 4362    ich hân verre geriten
Verse: 4363    und hân solh arbeit erliten

Verse: 4364    daz aller mînes herzen rât
Verse: 4365    unwilleclîchen stât.'

Verse: 4366    der herre gedâhte: ʽer ist verzaget,
Verse: 4367    sît er sîne arbeit klaget.'

Verse: 4368    er sprach: ʽir wert iuch âne nôt
Verse: 4369    dâ mite daz ich iu dienest bôt.

Verse: 4370    daz enhân ich anders niht getân
Verse: 4371    wan ûf ritterschefte wân.

Verse: 4372    swaz iu nû mê von mir geschiht,
Verse: 4373    dar umbe endürfet ir mir niht

Verse: 4374    an mîne triuwe sprechen,
Verse: 4375    die ich nimmer wil zebrechen.

Verse: 4376    wert iuch durch iuwer schœnez wîp,
Verse: 4377    welt ir behalten den lîp.'

Verse: 4378    als Êrec dô gesach
Verse: 4379    daz im ze vehtenne geschach,

Verse: 4380    sîn ros er wider kêrte,
Verse: 4381    als in sîn ellen lêrte.

Verse: 4382    zesamene riten zwêne man
Verse: 4383    der ietweder nie gewan

Verse: 4384    zageheit dehein teil.
Verse: 4385    ez muoste sterke unde heil

Verse: 4386    under in beiden
Verse: 4387    an dem sige scheiden.

Verse: 4388    diu sper si ûf stâchen
Verse: 4389    daz si gar zebrâchen.

Verse: 4390    diu tjost wart sô krefteclich
Verse: 4391    daz diu ros hinder sich

Verse: 4392    an die hehsen gesâzen.
Verse: 4393    dô muosten si lâzen

Verse: 4394    die zoume von den handen
Verse: 4395    und anders inz enblanden.

Verse: 4396    si erbeizten beide gelîche
Verse: 4397    vil unmüezeclîche

Verse: 4398    und ervuorten diu swert.
Verse: 4399    ir ietweder wart gewert
Verse group: (45) 
Verse: 4400    volleclîchen an der stat
Verse: 4401    des er got lange bat,

Verse: 4402    daz er im sande einen man
Verse: 4403    dâ er sich versuochte an.

Verse: 4404    nû begunden si vehten
Verse: 4405    gelîch zwein guoten knehten.

Verse: 4406    diz huop sich umbe einen mitten tac.
Verse: 4407    Êrec fil de roi lac

Verse: 4408    vorhte laster und den tôt.
Verse: 4409    den schilt er im dar bôt

Verse: 4410    und begunde sich mit listen
Verse: 4411    âne slege vristen.

Verse: 4412    der gedanc was jenem unerkant,
Verse: 4413    unde sluoc im von der hant

Verse: 4414    den schilt unz an den riemen.
Verse: 4415    wande si niemen

Verse: 4416    ûf der heide dô schiet,
Verse: 4417    zuo der sîten ern erriet

Verse: 4418    und sluoc im eine wunden.
Verse: 4419    dô wânde er haben vunden

Verse: 4420    einen zagen an dem gaste.
Verse: 4421    ouch zwîvelte vaste

Verse: 4422    diu schœne vrouwe ênîte,
Verse: 4423    dô im sîn sîte

Verse: 4424    alsô sêre bluote.
Verse: 4425    vil lûte schrê diu guote:

Verse: 4426    ʽouwê, lieber herre mîn,
Verse: 4427    solde ich ez vür iuch sîn!

Verse: 4428    jâ wæne ich iuch verlorn hân.'
Verse: 4429    ʽvrouwe, iuch triuget iuwer wân'

Verse: 4430    sprach der unverzagete man:
Verse: 4431    ʽwan dâ verlür ich mêre an.'

Verse: 4432    vil wol bewârte er ir daz.
Verse: 4433    ein wênic trat er vürbaz:

Verse: 4434    niht langer er im vertruoc,
Verse: 4435    ûf den helm er in sluoc

Verse: 4436    daz der wênige man
Verse: 4437    dâ durch ein wunden gewan

Verse: 4438    und daz er vor im gelac.
Verse: 4439    Êrec fil de roi lac

Verse: 4440    hâte nâch missetân,
Verse: 4441    wan er wolde in erslagen hân.

Verse: 4442    ʽnein', sprach er, ʽritter guot,
Verse: 4443    durch dînen tugenthaften muot

Verse: 4444    unde durch dîn schœne wîp
Verse: 4445    sô lâ mir den lîp

Verse: 4446    und êre got an mir.
Verse: 4447    vil gerne sicher ich dir.

Verse: 4448    nû emphâch mich ze man,
Verse: 4449    und wizzest daz ich nie gewan

Verse: 4450    deheinen herren mêre.
Verse: 4451    wan daz dir diu êre

Verse: 4452    geschiht von dîner manheit,
Verse: 4453    ich wære des tôdes ê bereit

Verse: 4454    êz immer ergienge:
Verse: 4455    dehein edel dich vervienge.

Verse: 4456    sus ist ez mir unmære:
Verse: 4457    swer dîn vater wære,

Verse: 4458    sô edelet dich dîn tugent sô
Verse: 4459    daz ich dîn bin ze herren vrô.'

Verse: 4460    nû hete gewert dirre strît
Verse: 4461    unz an die nônezît,

Verse: 4462    den sumertac alsô lanc.
Verse: 4463    dô Êrecke alsô gelanc,

Verse: 4464    die genâde er an im begie
Verse: 4465    daz er in leben lie.

Verse: 4466    ûf zuhte er in bî der hant:
Verse: 4467    den helm er im abe bant.

Verse: 4468    er sprach: ʽich enmuote mêre
Verse: 4469    von iu deheiner êre,

Verse: 4470    wan daz ir mir âne schamen
Verse: 4471    rehte nennet iuwern namen.

Verse: 4472    ich enmuote ze dirre zît
Verse: 4473    wan daz ich wizze wer ir sît.'

Verse: 4474    er sprach: ʽherre, daz sî getân.
Verse: 4475    ich wil iuch wizzen lân,

Verse: 4476    ich bin künec über îrlant,
Verse: 4477    guivreiz le pitîz genant.'

Verse: 4478    Êrec gevienc sîn niht ze man.
Verse: 4479    ir ietweder klagen began

Verse: 4480    des anderen ungemach.
Verse: 4481    Êrec eine binden brach

Verse: 4482    abe sînem wâpenrocke sâ.
Verse: 4483    nû wâ möhte er anderswâ

Verse: 4484    ein vriuntlîcher binden
Verse: 4485    zuo den zîten vinden?

Verse: 4486    guivreiz le pitîz eine alsam
Verse: 4487    von sînem wâpenrocke nam.

Verse: 4488    ein ander si verbunden
Verse: 4489    ir ietweder die wunden

Verse: 4490    die er mit sîner hant sluoc.
Verse: 4491    diz was vriuntlîch genuoc.

Verse: 4492    hie was vrouwe ênîte mite
Verse: 4493    vil güetlîchen nâch ir site.

Verse: 4494    ze handen viengen si sich dô,
Verse: 4495    ir ietweder was des andern vrô,

Verse: 4496    und sâzen ensamet ûf daz gras,
Verse: 4497    wan in ruowe nôt was.

Verse: 4498    in hete der strît getân vil heiz:
Verse: 4499    beide bluot unde sweiz
Verse group: (46) 
Verse: 4500    hâte si berunnen gar.
Verse: 4501    vrouwe ênîte gienc ouch dar.

Verse: 4502    diu hâte liep bî leide,
Verse: 4503    als ich iu bescheide.

Verse: 4504    nû was si ir mannes siges vrô:
Verse: 4505    sîn wunden weinde si aber dô.

Verse: 4506    nû ervurpte si diu guote
Verse: 4507    von sweize und von bluote

Verse: 4508    mit ir stûchen orte.
Verse: 4509    nâch vriuntlîchem worte

Verse: 4510    sâzen an der heide
Verse: 4511    dise herren beide

Verse: 4512    und kuolten sich durch gemach.
Verse: 4513    der künec zuo dem gaste sprach:

Verse: 4514    ʽvernemetz, herre, vür ein spil
Verse: 4515    daz ich nû reden wil

Verse: 4516    und enlât ez iu niht wesen leit.
Verse: 4517    mich betwanc iuwer manheit

Verse: 4518    daz ich wolde werden iuwer man:
Verse: 4519    dâ ist iu wol gelungen an.

Verse: 4520    nû ist diu vrümekeit an iu schîn
Verse: 4521    daz ichz noch gerner wolde sîn,

Verse: 4522    ob ich wizzen mehte
Verse: 4523    ob irz an dem geslehte

Verse: 4524    alsô wol hætet,
Verse: 4525    und mir daz kunt tætet:

Verse: 4526    sô wære mîner êre
Verse: 4527    sô vil deste mêre.

Verse: 4528    daz mir von iu geschehen ist,
Verse: 4529    des ich unz an dise vrist

Verse: 4530    niene wart betwungen,
Verse: 4531    noch ist mir wol gelungen

Verse: 4532    und wil ez âne klage lân,
Verse: 4533    hâtz ein edel man getân,

Verse: 4534    und wil es immer wesen vrô.'
Verse: 4535    Êrec antwurte im alsô:

Verse: 4536    ʽmîn künne ich iu nennen sol.
Verse: 4537    ich wæne ez vil wol

Verse: 4538    von gebürte wesen mac.
Verse: 4539    mîn vater ist der künec lac,

Verse: 4540    Êrec heize ich.'
Verse: 4541    dô vreute der künec sich.

Verse: 4542    als schiere und er diu mære
Verse: 4543    vernam wer er wære,

Verse: 4544    sîn sitzen wart vil unlanc:
Verse: 4545    von vreuden er ûf spranc

Verse: 4546    und bôt sich an sînen vuoz.
Verse: 4547    er sprach: ʽwie gerne ich wesen muoz

Verse: 4548    iu immer stæte als iuwer man,
Verse: 4549    mit swiu ich iu gedienen kan.

Verse: 4550    iuwer vater ist mir wol erkant.
Verse: 4551    beide lîp unde lant

Verse: 4552    sol iu wesen undertân.
Verse: 4553    ouch sult ir mich geniezen lân

Verse: 4554    daz ich iu stæte triuwe
Verse: 4555    leiste âne riuwe

Verse: 4556    al die wîle daz ich lebe.
Verse: 4557    und gewert mich einer gebe:

Verse: 4558    des man ich iuch sô verre.
Verse: 4559    wâ wart ie triuwe merre

Verse: 4560    dan vriunt sînem vriunde sol,
Verse: 4561    die beide ein ander trûwent wol?

Verse: 4562    bî der man ich iuch daz ir
Verse: 4563    durch mîne liebe ensamet mir

Verse: 4564    ûf mîn hûs rîtet
Verse: 4565    und dâ sô lange bîtet

Verse: 4566    unz daz ir geruowet sît.
Verse: 4567    diz lât wesen âne strît:

Verse: 4568    dâ handelt ir mich wol an,
Verse: 4569    daz ichz immer dienen kan.'

Verse: 4570    Êrec sprach: ʽich wils iuch wern:
Verse: 4571    doch ensult irs niht sô lange gern.

Verse: 4572    ir müezetz âne zorn lân:
Verse: 4573    ich enmac niht langer hie bestân

Verse: 4574    niuwan unze morgen vruo
Verse: 4575    und sage iu war umbe ich daz tuo.

Verse: 4576    ich envar nâch gemache niht:
Verse: 4577    swaz ouch mir des nû geschiht,

Verse: 4578    dar ûf enahte ich niht vil,
Verse: 4579    wan ich dar nâch niht werben wil.'

Verse: 4580    der künec was des gastes vrô.
Verse: 4581    zuo den rossen gienc er dô.

Verse: 4582    er sprach: ʽwir suln rîten.'
Verse: 4583    nû half er vrouwen ênîten

Verse: 4584    daz si ûf ir phert gesaz:
Verse: 4585    mit schœnen zühten tete er daz.

Verse: 4586    er vuorte si vür an den wec.
Verse: 4587    dar nâch reit Êrec.

Verse: 4588    und als si vür daz hûs riten,
Verse: 4589    niht langer daz vermiten

Verse: 4590    sîne juncherren,
Verse: 4591    si enliefen engegen ir herren

Verse: 4592    ûz vür daz bürgetor:
Verse: 4593    dâ emphiengen si in vor

Verse: 4594    mit vrœlîchem schalle,
Verse: 4595    wan sî wâren alle

Verse: 4596    von einem wâne gemeit,
Verse: 4597    daz er nâch gewonheit

Verse: 4598    den ritter hete gevangen.
Verse: 4599    er sprach: ʽezn ist niht ergangen
Verse group: (47) 
Verse: 4600    als ir wænet daz ez sî'
Verse: 4601    unde sagete in dâ bî

Verse: 4602    vil rehte diu mære
Verse: 4603    wiez ergangen wære.

Verse: 4604    er sprach: ʽswem ich nû liep bin,
Verse: 4605    der kêre dar an sînen sin

Verse: 4606    daz er emphâhe schône,
Verse: 4607    daz ich ius immer lône,

Verse: 4608    den aller tiuristen man
Verse: 4609    des ich ie künde gewan.'

Verse: 4610    ouch tâten si gerne daz.
Verse: 4611    Êrec enwart nie baz

Verse: 4612    gehandelet anderswâ
Verse: 4613    dan ouch des selben nahtes dâ.

Verse: 4614    des âbendes dô si gâzen
Verse: 4615    und dar nâch gesâzen,

Verse: 4616    der wirt sprach: ʽherre, ez ist mîn rât
Verse: 4617    daz ir uns einen arzât lât

Verse: 4618    gewinnen zunsern wunden.
Verse: 4619    ist daz ir ze disen stunden

Verse: 4620    ungeheilet scheidet hin,
Verse: 4621    daz dunket mich ungewin.

Verse: 4622    ir sît leider sêre wunt:
Verse: 4623    dar zuo ist iu daz lant unkunt,

Verse: 4624    und mac iu vil wol missegân.'
Verse: 4625    Êrec sprach: ʽnû lât die rede stân,

Verse: 4626    wan ich belîben niene mac
Verse: 4627    niuwan unz an den tac.'

Verse: 4628    nû was im die naht bereit
Verse: 4629a    von êren elliu werdekeit,

Verse: 4629b    wan guivreiz le pitîz
Verse: 4629c    kêrte allen sînen vlîz

Verse: 4629d    dar an daz er sîn schône phlac
Verse: 4629e    unz an den anderen tac.

Verse: 4629f    als er smorgens schiet von dan
Verse: 4629g    als uns der âventiure sage

Verse: 4629h    von dem tugentrîchen zalt,
Verse: 4629i    kam er in einen schœnen walt,

Verse: 4629j    dar in der künec artûs
Verse: 4629k    von tintajôl sînem hûs

Verse: 4629l    was geriten durch jaget,
Verse: 4629m    alse uns crestiens saget,

Verse: 4629n    mit schœner massenîe.
Verse: 4629o    er und sîn kumpânîe

Verse: 4629p    lâgen bî der strâze
Verse: 4629q    alsô ze mâze

Verse: 4629r    ein vierteil einer mîle.
Verse: 4629s    in der selben wîle

Verse: 4629t    kam her walwân geriten
Verse: 4629u    und hete sîn ors wintwaliten

Verse: 4629v    zer poulûne gebunden.
Verse: 4629w    dâ hetez keîin vunden.

Verse: 4629x    durch baneken er dar ûf saz,
Verse: 4629y    her walwân erloubete daz.

Verse: 4629z    beide sîn schilt unde sper
Verse: 4629aa    lente dâ bî, daz nam er

Verse: 4629ab    und reit eine ûf den wec.
Verse: 4629ac    der herre Êrec

Verse: 4629ad    engegen im geriten kam.
Verse: 4629ae    von verre er sîn war nam.

Verse: 4629af    als er in rehte gesach,
Verse: 4629ag    dô kôs er daz er ungemach

Verse: 4629ah    ûf dem wege hete erliten
Verse: 4629ai    unde verre hete geriten

Verse: 4629aj    und berunnen was mit bluote.
Verse: 4629ak    dô wart im des ze muote

Verse: 4629al    daz er engegen ime reit
Verse: 4629am    und sprach in sîner valscheit:

Verse: 4629an    ʽwillekomen, herre, in diz lant.'
Verse: 4629ao    an den zoum leite er sîn hant.

Verse: 4629ap    er entorste in anders niht bestân:
Verse: 4629aq    sus wolde er in gewunnen hân

Verse: 4629ar    und vrâgete wer er wære.


Verse: 4629as    ʽir erbelget âne sache.
Verse: 4629at    ich wolde daz ir ze gemache
Verse: 4629au    mit mir ritet an dirre stunt.
Verse: 4629av    ich sihe wol, ir sît sêre wunt.

Verse: 4629aw    der künec artûs mîn herre
Verse: 4629ax    enliget hie niht verre.

Verse: 4629ay    von im und von der künegîn
Verse: 4629az    sult ir gebeten sîn

Verse: 4629ba    daz ir nû mit mir hin
Verse: 4629bb    rîtet unde dâ bî in

Verse: 4629bc    geruowet nâch iuwerm leide.
Verse: 4629bd    si sehent iuch gerne beide.'

Verse: 4629be    alsus was im gedâht:
Verse: 4629bf    hete er in ze hove brâht,

Verse: 4630    daz er danne wolde sagen,
Verse: 4631    er hete im die wunden geslagen

Verse: 4632    und er solde gevangen sîn.
Verse: 4633    dar an wart volleclîche schîn

Verse: 4634    daz diu werlt nie gewan
Verse: 4635    deheinen seltsænern man.

Verse: 4636    sîn herze was gevieret:
Verse: 4637    eteswenne gezieret

Verse: 4638    mit vil grôzen triuwen
Verse: 4639    und daz in begunde riuwen

Verse: 4640    allez daz er unz her ie
Verse: 4641    zunrehte begie,

Verse: 4642    alsô daz er vor valsche was
Verse: 4643    lûter sam ein spiegelglas

Verse: 4644    und daz er sich huote
Verse: 4645    mit werken und mit muote

Verse: 4646    daz er immer missetæte.
Verse: 4647    des was er unstæte,

Verse: 4648    wan dar nâch kam im der tac
Verse: 4649    daz er deheiner triuwen phlac.

Verse: 4650    sô enwolde in niht genüegen,
Verse: 4651    swaz er valsches gevüegen

Verse: 4652    mit allem vlîze kunde
Verse: 4653    mit werken und mit munde:

Verse: 4654    daz riet elliu sîn ger.
Verse: 4655    dar zuo sô was er

Verse: 4656    küene an etelîchem tage,
Verse: 4657    dar nâch ein werltzage.

Verse: 4658    diz wâren zwêne twerhe site:
Verse: 4659    dâ swachete er sich mite,

Verse: 4660    daz er den liuten allen
Verse: 4661    muoste missevallen

Verse: 4662    und niemen was ze guote erkant.
Verse: 4663    von sînem valsche er was genant

Verse: 4664    keîin der quâtspreche.
Verse: 4665    nû verstuont sich vil gereche

Verse: 4666    Êrec waz er meinte,
Verse: 4667    als er im ouch bescheinte.

Verse: 4668    er sprach: ʽherre,
Verse: 4669    ich hân ze varne verre

Verse: 4670    und enmac ze disen zîten
Verse: 4671    ûz dem wege niht gerîten.

Verse: 4672    wærez an mîner muoze,
Verse: 4673    nâch des küneges gruoze

Verse: 4674    vüere ich tûsent mîle.
Verse: 4675    ir sult mich ze dirre wîle

Verse: 4676    mîne strâze lâzen varn.
Verse: 4677    got müeze iuch, herre, bewarn.'

Verse: 4678    dô sprach der valsche keîin:
Verse: 4679    ʽherre, lât die rede sîn.

Verse: 4680    ir ensult sus hin niht scheiden:
Verse: 4681    ez missezæme uns beiden.

Verse: 4682    ich bringe iuch ze hûse
Verse: 4683    dem künege artûse

Verse: 4684    zewâre oder ich enmac.'
Verse: 4685    Êrec fil de roi lac

Verse: 4686    wart ein teil dâ von beweget.
Verse: 4687    er sprach: ʽich wæne ir enmeget.

Verse: 4688    dâ von ist iu alsô guot,
Verse: 4689    ir habet dar umbe ringen muot:

Verse: 4690    wan welt ir mich dar bringen,
Verse: 4691    ir müezet mich es twingen.

Verse: 4692    doch sît ir vrum, ir bringet mich hin,
Verse: 4693    wan ich iu wol gewunnen bin.'

Verse: 4694    ʽich weiz wol', sprach keîn,
Verse: 4695    ʽdaz ich harte vrum bin.

Verse: 4696    ê ir michs überstrîtet
Verse: 4697    daz ir sus hinnen rîtet,

Verse: 4698    irn gesehet mînen herren,
Verse: 4699    wandez iu enmac gewerren,
Verse group: (48) 
Verse: 4700    ich twinge iuchs güetlîchen.
Verse: 4701    dâ von sult ir entwîchen

Verse: 4702    und mînen herren gesehen.
Verse: 4703    daz muoz benamen geschehen.'

Verse: 4704    daz wart Êrecke alrêst zorn.
Verse: 4705    daz ros ruorte er mit den sporn.

Verse: 4706    ʽziehet zuo iu die hant!'
Verse: 4707    ûf warf er daz gewant

Verse: 4708    und ervuorte daz swert.
Verse: 4709    wan ers wol wære wert,

Verse: 4710    sô wolde er dem argen zagen
Verse: 4711    abe die hant hân geslagen.

Verse: 4712    dô zuhte er si enzît
Verse: 4713    unde vlôch âne strît.

Verse: 4714    swie er ûf wintwaliten
Verse: 4715    dem besten rosse wære geriten

Verse: 4716    daz ie ritter gewan,
Verse: 4717    alsô seine kêrte er dan

Verse: 4718    rehte an die widervart:
Verse: 4719    von Êrecke er ervolget wart.

Verse: 4720    und als er rehte daz gesach
Verse: 4721    (als ez im ze heile geschach),

Verse: 4722    daz er was gewæfens blôz,
Verse: 4723    wie wol her keîin genôz

Verse: 4724    der tugent die Êrec hâte.
Verse: 4725    vil wunderlîchen drâte

Verse: 4726    daz sper er umbe kêrte
Verse: 4727    daz er in niht versêrte.

Verse: 4728    er wante gegen im den schaft
Verse: 4729    und stach in mit solher kraft

Verse: 4730    daz keîin rehte sam ein sac
Verse: 4731    under dem rosse gelac,

Verse: 4732    nâch sînem rehte
Verse: 4733    ungelîch einem guoten knehte.

Verse: 4734    daz ros vuorte Êrec dan.
Verse: 4735    keîn, der schalchafte man,

Verse: 4736    ime vaste nâch lief:
Verse: 4737    lûte er in ane rief:

Verse: 4738    ʽnein, ritter vil guot!
Verse: 4739    durch dînen tugenthaften muot

Verse: 4740    daz mir daz ros hie bestê!
Verse: 4741    oder ich muoz es immer mê

Verse: 4742    geswachet und gehœnet sîn.
Verse: 4743    jâ enist ez weizgot niht mîn.'

Verse: 4744    dô kêrte der guote
Verse: 4745    mit lachendem muote

Verse: 4746    und vernam sîne klage.
Verse: 4747    er sprach: ʽritter, nû sage,

Verse: 4748    wie bistû genant?
Verse: 4749    unde tuo mir erkant

Verse: 4750    dises rosses herren.
Verse: 4751    ez enmac dir niht gewerren:

Verse: 4752    ich wil wizzen dînen namen.
Verse: 4753    dû endarft dich niht sô sêre schamen.

Verse: 4754    ez ist geschehen manegem man
Verse: 4755    der doch nie zagen muot gewan.'

Verse: 4756    keîin sprach: ʽnein, herre!
Verse: 4757    ich bites iuch vil verre:

Verse: 4758    ist daz ir mir genâde tuot,
Verse: 4759    sô sît mir volleclîche guot,

Verse: 4760    alsô daz ir mich des erlât
Verse: 4761    des ir mich gevrâget hât,

Verse: 4762    daz ich mich iu nande.
Verse: 4763    mich hât ûf solhe schande

Verse: 4764    hie brâht mîn zageheit
Verse: 4765    daz doch mir ein herzeleit

Verse: 4766    von den dingen muoz geschehen,
Verse: 4767    sol ich iu mînes namen jehen,

Verse: 4768    wan ich hân wol garnet iuwern spot.
Verse: 4769    nû enbert es durch got.'

Verse: 4770    Êrec sprach: ʽritter, saget an:
Verse: 4771    jâ enist hie nieman

Verse: 4772    niuwan iuwer unde mîn:
Verse: 4773    es enmac dehein rât sîn,

Verse: 4774    oder ir hât daz ros verlorn.'
Verse: 4775    daz sîne mante er mit den sporn,

Verse: 4776    als er dan wold rîten.
Verse: 4777    keîin bat in bîten.

Verse: 4778    er sprach: ʽich wil ez gote klagen
Verse: 4779    daz ich muoz mîn laster sagen.

Verse: 4780    nû sage ich iu wer ich bin.
Verse: 4781    mîn name lûtet keîn.

Verse: 4782    ouch geruochet mîn der künec artûs
Verse: 4783    ze truhsæzen in sînem hûs.

Verse: 4784    sîner swestersüne ein,
Verse: 4785    der edel ritter gâwein,

Verse: 4786    diz ros er mir lêch:
Verse: 4787    mirst leit daz er mirs niht verzêch,

Verse: 4788    wan sô wære mir schande buoz
Verse: 4789    die ich nû dulden muoz.

Verse: 4790    dô mîn herre hiute enbeiz
Verse: 4791    (den tiuvel ich mir selben weiz

Verse: 4792    daz ich mir niht sanfte kunde leben:
Verse: 4793    nâch laster begunde ich streben:

Verse: 4794    des hân ich gewunnen teil),
Verse: 4795    dô riet mir mîn unheil

Verse: 4796    daz ich mir sîn ros lîhen bat.
Verse: 4797    dô lêch er mir ez an der stat.

Verse: 4798    enhete er dô des niht getân,
Verse: 4799    sô wære ich schanden erlân
Verse group: (49) 
Verse: 4800    diu mir sus ist widervarn.
Verse: 4801    nû enmac doch daz nieman bewarn

Verse: 4802    daz im geschehen sol.
Verse: 4803    edel ritter, nû tuot sô wol

Verse: 4804    und gebet mirz wider durch got,
Verse: 4805    oder ich bin aller der spot

Verse: 4806    die mich wider in sehent gân.
Verse: 4807    Êrec sprach: ʽdaz sî getân.

Verse: 4808    ich gibe iuz mit gedingen:
Verse: 4809    ir sult ez wider bringen

Verse: 4810    dem herren walwân von mir.
Verse: 4811    mit iuwern triuwen müezet ir

Verse: 4812    daz geloben wider mich.'
Verse: 4813    keîin sprach: ʽdaz tuon ich'

Verse: 4814    unde tete ouch alsô,
Verse: 4815    wan er was der rede vrô.

Verse: 4816    als er daz ros zuo im gewan,
Verse: 4817    er sprach: ʽich bite iuch, tugenthafter man,

Verse: 4818    sît ir mir sît gewesen guot,
Verse: 4819    daz ir nû volle wol tuot,

Verse: 4820    daz ich iuch müeze erkennen:
Verse: 4821    geruochet iuch mir nennen.

Verse: 4822    ez enschadet iu niht und hilfet mich.
Verse: 4823    iuwern namen den wolde ich

Verse: 4824    wizzen durch iuwer vrümekeit.
Verse: 4825    ez ist mir immer ein leit,

Verse: 4826    muoz ich alsus scheiden hin
Verse: 4827    daz ich iuwers namen unwîse bin

Verse: 4828    und enweiz wie ich iuch nennen sol,
Verse: 4829    sô ich iuwer gedæhte gerne wol.

Verse: 4830    durch got saget mir wer ir sît.'
Verse: 4831    er sprach: ʽnein ich ze dirre zît:

Verse: 4832    ez wirt iu lîhte her nâch kunt.'
Verse: 4833    nû schieden si sich zestunt.

Verse: 4834    ir ietweder reit sînen wec,
Verse: 4835    keîin und Êrec.

Verse: 4836    keîin hin ze hove reit,
Verse: 4837    und twanc in des sîn wârheit

Verse: 4838    daz ers doch niht verdagete,
Verse: 4839    wan daz er rehte sagete

Verse: 4840    sîn schemelîchez mære,
Verse: 4841    wiez im ergangen wære,

Verse: 4842    und gap dem schaden solhen gelimph
Verse: 4843    daz man gar vür einen schimph

Verse: 4844    sîne schande vervie
Verse: 4845    und man sîn ungespottet lie.

Verse: 4846    als in dô solh manheit
Verse: 4847    von dem ritter wart geseit,

Verse: 4848    dô nam si besunder
Verse: 4849    alle michel wunder

Verse: 4850    wer der ritter möhte sîn.
Verse: 4851    dô sprach keîin:

Verse: 4852    ʽich enmohte sîn niht erkennen:
Verse: 4853    er enwolde sich niht nennen.

Verse: 4854    sîne stimme hôrte ich,
Verse: 4855    wan er jach vil wider mich:

Verse: 4856    als ichz dar an kiesen mac,
Verse: 4857    sôst ez Êrec fil de roi lac.'

Verse: 4858    dô rieten si alle gelîche
Verse: 4859    er wærez wærlîche.

Verse: 4860    der künec artûs sprach dô:
Verse: 4861    ʽnû wære ich es harte vrô

Verse: 4862    und lônte ims mit minnen,
Verse: 4863    swer mir in möhte gewinnen.

Verse: 4864    gâwein, daz tuon ich
Verse: 4865    an keîin und an dich.

Verse: 4866    ir habet mich unz an disen tac
Verse: 4867    sô gêret daz ich niene mac

Verse: 4868    iu gesprechen niuwan guot.
Verse: 4869    ist daz ir diz nû tuot,

Verse: 4870    daz wil ich vor im allen hân
Verse: 4871    swaz ir mir liebes habet getân.

Verse: 4872    gâwein, nû wis gemant
Verse: 4873    wiez under uns ist gewant,

Verse: 4874    daz dû mîn næhster vriunt bist,
Verse: 4875    und ensûme dich deheine vrist

Verse: 4876    mêre durch die liebe mîn.
Verse: 4877    sô hilf mir und der künegîn

Verse: 4878    daz wir Êrecken gesehen:
Verse: 4879    sô enmac mir liebers niht geschehen.'

Verse: 4880    gâwein sprach: ʽherre,
Verse: 4881    enmanet mich niht sô verre,

Verse: 4882    wan ich der verte willic bin.
Verse: 4883    jâ enlebet er niht den ich vür in

Verse: 4884    iezuo wolde sehen.
Verse: 4885    und lât mir got sô wol geschehen

Verse: 4886    daz ich im immer kume zuo,
Verse: 4887    ich sage iu, herre, waz ich tuo:

Verse: 4888    ich bringe in, mac ich ins erbiten.'
Verse: 4889    sâ zehant si dô riten.

Verse: 4890    gâweinen brâhte keîn
Verse: 4891    rehte des endes hin

Verse: 4892    dâ er in lâzen hâte.
Verse: 4893    vil wunderlîchen drâte

Verse: 4894    îlten si im beide nâ,
Verse: 4895    allez ûf sîner slâ.

Verse: 4896    und alsô schiere er ûf der vart
Verse: 4897    von in ervolget wart,

Verse: 4898    gâwein der tugentrîche
Verse: 4899    gruozte in minneclîche
Verse group: (50) 
Verse: 4900    nâch vriuntlîcher stimme
Verse: 4901    unde niht mit grimme.

Verse: 4902    dar an er im bescheinte
Verse: 4903    daz erz in guot meinte.

Verse: 4904    er gap im einen guoten tac.
Verse: 4905    als im Êrec fil de roi lac

Verse: 4906    dô genâden began,
Verse: 4907    dâ marhte er sînen namen an,

Verse: 4908    und als er in erkande,
Verse: 4909    zehant er in nande.

Verse: 4910    vaste er in zuo im gevie,
Verse: 4911    als ins diu vreude niht erlie,

Verse: 4912    von liebe diu im geschach,
Verse: 4913    wan er in starc und guot sach.

Verse: 4914    er hiez in willekomen sîn
Verse: 4915    unde sîne vriundîn.

Verse: 4916    er genâdete im vil sêre
Verse: 4917    sô vriuntlîcher êre

Verse: 4918    die er im an sînem rosse bôt:
Verse: 4919    von triuwen gie im nôt

Verse: 4920    daz er imz wider sande.
Verse: 4921    als schiere er in nande,

Verse: 4922    er sprach zuo dem gaste:
Verse: 4923    ʽwir haben iu vil vaste

Verse: 4924    durch den walt geriten nâch.
Verse: 4925    vrâget ir von wiu sô gâch

Verse: 4926    uns sî oder waz ich welle,
Verse: 4927    herre, wîlent geselle,

Verse: 4928    daz sol iuch unverswigen sîn.
Verse: 4929    ich bite iuch, nû lât werden schîn

Verse: 4930    ob iu mîn herre liep sî,
Verse: 4931    unde sage iu wâ bî.

Verse: 4932    dô unser vriunt keîin
Verse: 4933    hin ze hove daz ros mîn

Verse: 4934    mir wider brâhte
Verse: 4935    und er iuwer gedâhte

Verse: 4936    ze alsô grôzer manheit,
Verse: 4937    als er diu mære hete geseit,

Verse: 4938    dô nam uns wunder
Verse: 4939    alle besunder

Verse: 4940    wer ez möhte hân getân:
Verse: 4941    doch rieten wir ûf einen wân

Verse: 4942    iuwern namen mit gelîchem munde.
Verse: 4943    nû hât uns dâ ze stunde

Verse: 4944    gemanôt sô verre
Verse: 4945    diu künegîn und mîn herre

Verse: 4946    daz wir iu îlten hin nâch
Verse: 4947    (dâ von ist uns gewesen gâch)

Verse: 4948    und iuch im bræhten ze hûs.
Verse: 4949    würde iu der künec artûs

Verse: 4950    ie liep oder wert,
Verse: 4951    sô sehet daz er iht werde entwert

Verse: 4952    und geruochet in gesehen.
Verse: 4953    mac daz nû geschehen,

Verse: 4954    sô gewan nie dehein man
Verse: 4955    grœzer liep dan er dar an.

Verse: 4956    diz leistet âne widerstrît,
Verse: 4957    ob ir dienstes willic sît:

Verse: 4958    dar zuo sîn wirs alle vrô.'
Verse: 4959    Êrec antwurte im alsô:

Verse: 4960    ʽnoch hât der künec verschuldet wol
Verse: 4961    daz ich im immer wesen sol

Verse: 4962    mînes muotes undertân,
Verse: 4963    und swâ ich im des abe gân,

Verse: 4964    daz sîn gebot niene geschiht,
Verse: 4965    dâ enwendet michs der wille niht,

Verse: 4966    ich entuo swes er niht wil enbern.
Verse: 4967    disse muoz ich in entwern.

Verse: 4968    mînen willen ich im wol schîn tuo,
Verse: 4969    kumt ez immer dar zuo,

Verse: 4970    als ez doch vil lîhte getuot,
Verse: 4971    daz mir lîp unde guot

Verse: 4972    durch in ze wâgenne geschiht:
Verse: 4973    daz entriuget danne niht,

Verse: 4974    ich enzeige im wol wie er mir ist.
Verse: 4975    er sol mich ze dirre vrist

Verse: 4976    mit hulden lâzen rîten.
Verse: 4977    ich hân ze disen zîten

Verse: 4978    gemaches mich bewegen gar.
Verse: 4979    geruochet, swâ ich hin var,

Verse: 4980    daz ich iuwer dienest müeze sîn.
Verse: 4981    mînem herren und der künegîn

Verse: 4982    sult ir mînen dienest sagen
Verse: 4983    und mich zornes übertragen.'

Verse: 4984    als daz her gâwein ersach
Verse: 4985    daz er sô gar dâ wider sprach,

Verse: 4986    des wart er ein teil unvrô.
Verse: 4987    sînem gesellen wincte er dô

Verse: 4988    unde rûnte im zuo.
Verse: 4989    er sprach: ʽedel ritter, nû tuo

Verse: 4990    tugentlîchen unde wol,
Verse: 4991    als ichz verschulden sol

Verse: 4992    und ouch mîn herre umbe dich:
Verse: 4993    daz selbe râte ich.

Verse: 4994    rît drâte dînen wec
Verse: 4995    unde sage daz Êrec

Verse: 4996    niht erwinden welle.
Verse: 4997    sus hân ich an im, geselle,

Verse: 4998    uns erdâht einen list
Verse: 4999    der doch nû der wægest ist.
Verse group: (51) 
Verse: 5000    sage im, welle er in gesehen,
Verse: 5001    daz müeze alsô geschehen

Verse: 5002    als ich dir wol gesagen kan.
Verse: 5003    heiz inz rûmen von dan

Verse: 5004    dâ er lît in dem walde,
Verse: 5005    und daz er sich balde

Verse: 5006    vür mache ûf den wec
Verse: 5007    dâ der ritter Êrec

Verse: 5008    jenhalp ûz rîten sol.
Verse: 5009    die wîle kan ich in wol

Verse: 5010    ûf dem wege mit listen
Verse: 5011    gesûmen und gevristen

Verse: 5012    daz er niht vür enkumt.'
Verse: 5013    ʽund ist daz ez uns vrumt',

Verse: 5014    sprach der ritter keîin,
Verse: 5015    ʽdaz sol mit guotem willen sîn.'

Verse: 5016    zehant reit er unde tete
Verse: 5017    allez nâch sîner bete.

Verse: 5018    als diz der künec artûs vernam,
Verse: 5019    die tavel man abe nam,

Verse: 5020    und îlte vür vil drâte
Verse: 5021    nâch sînes neven râte

Verse: 5022    und leite sich rehte umbe den wec,
Verse: 5023    daz der ritter Êrec

Verse: 5024    iender kæme dâ bî,
Verse: 5025    er enrite rehte vür sî.

Verse: 5026    gâwein, der tugenthafte man,
Verse: 5027    Êrecken sûmen began

Verse: 5028    mit listen swâ er kunde,
Verse: 5029    unz daz er im die stunde

Verse: 5030    mit kurzewîle abe genam,
Verse: 5031    unz daz der künec wol vür kam.

Verse: 5032    swie ofte er in wider rîten bat,
Verse: 5033    sô sprach er: ʽiezuo an der stat,'

Verse: 5034    unz er mit schœner trügeheit
Verse: 5035    den walt mit im ûz reit

Verse: 5036    dâ der künec umbe den wec lac.
Verse: 5037    und als Êrec fil de roi lac

Verse: 5038    die poulûne alle ersach,
Verse: 5039    niht liebes im dar an geschach,

Verse: 5040    wan daz velt was sô vol.
Verse: 5041    ouch erkande er si wol,

Verse: 5042    wan er si dicke hete gesehen.
Verse: 5043    er sprach: ʽwie ist mir geschehen?

Verse: 5044    ich wæne mich verriten hân.
Verse: 5045    ir enhabet niht wol an mir getân,

Verse: 5046    her gâwein, diz ist iuwer rât.
Verse: 5047    nû hân ich iuwer missetât

Verse: 5048    selten alsô vil vernomen.
Verse: 5049    daz ich dâ her bin komen,

Verse: 5050    des was mir vil ungedâht.
Verse: 5051    ir habet mich übele her brâht.

Verse: 5052    swer hin ze hove kumt
Verse: 5053    daz ez im sô lützel vrumt

Verse: 5054    als ez mir nû hie tuot,
Verse: 5055    dem wære dâ heime alsô guot.

Verse: 5056    swer ze hove wesen sol,
Verse: 5057    dem gezimet vreude wol

Verse: 5058    und daz er im sîn reht tuo:
Verse: 5059    dâ enkan ich nû niht zuo

Verse: 5060    und muoz mich sûmen dar an
Verse: 5061    als ein unvarnder man.

Verse: 5062    ir sehet wol deich ze dirre stunt
Verse: 5063    bin müede unde wunt

Verse: 5064    und sô unhovebære
Verse: 5065    daz ich wol hoves enbære,

Verse: 5066    hetet ir es mich erlân.
Verse: 5067    ir enhabet niht wol an mir getân.'

Verse: 5068    gâwein den zorn mit güete rach.
Verse: 5069    er/hiels in zuo im unde sprach:

Verse: 5070    ʽherre, senftet iuwern zorn.
Verse: 5071    jâ ist ein vriunt baz verlorn

Verse: 5072    bescheidenlîchen unde wol
Verse: 5073    dan behalten anders dan er sol.

Verse: 5074    wirt im ein teil ze zorne gâch,
Verse: 5075    er verstât sich rehtes dar nâch

Verse: 5076    und hât in lieber dan ê.
Verse: 5077    waz mac ich nû gesprechen mê?

Verse: 5078    wan sol ich iuch beswæret hân,
Verse: 5079    daz hân ich doch durch guot getân.

Verse: 5080    ouch rihtet selbe über mich.'
Verse: 5081    alsô versuonte er sich

Verse: 5082    mit im vil tugentlîchen,
Verse: 5083    daz im begunde entwîchen

Verse: 5084    ungemüete unde leit:
Verse: 5085    ez enwart ouch grœzer werdekeit

Verse: 5086    noch volleclîcher êre
Verse: 5087    nie manne erboten mêre

Verse: 5088    dan im dâ ze hove geschach.
Verse: 5089    daz man in dâ gerne sach

Verse: 5090    daz tâten vil wol schîn
Verse: 5091    artûs und diu künegîn

Verse: 5092    mit der massenîe gar.
Verse: 5093    si wâren willekomen dar:

Verse: 5094    man emphienc si wirdeclîche
Verse: 5095    beidiu gelîche,

Verse: 5096    Êrecken und ênîten,
Verse: 5097    die ze manegen zîten

Verse: 5098    unruowe hâten gephlegen
Verse: 5099    ûf unkunden wegen.
Verse group: (52) 
Verse: 5100    ginovêr diu künegîn
Verse: 5101    tete süezen willen schîn,

Verse: 5102    dô ir vrouwe ênîte kam.
Verse: 5103    in ir phlege si si nam

Verse: 5104    und vuorte si von danne
Verse: 5105    besunder von ir manne

Verse: 5106    in ir heimlîche
Verse: 5107    dâ wart vil wîplîche

Verse: 5108    von in beiden geklaget,
Verse: 5109    vil gevrâget und gesaget

Verse: 5110    von ungewonter arbeit
Verse: 5111    die vrouwe ênîte erleit.

Verse: 5112    sô kumberlîcher sache
Verse: 5113    ergazte si mit gemache

Verse: 5114    diu vil edel künegîn
Verse: 5115    die wîle und daz mohte sîn.

Verse: 5116    ouch wart her Êrec
Verse: 5117    von den rittern enwec

Verse: 5118    gevüeret besunder
Verse: 5119    dâ er alsô wunder

Verse: 5120    sîner müede ruowe emphie.
Verse: 5121    diu ritterschaft zuo im gie

Verse: 5122    und entwâfenten in sâ.
Verse: 5123    er gewan vil rîcher knaben dâ,

Verse: 5124    der deheiner dâ ze stunde
Verse: 5125    dem andern niht engunde

Verse: 5126    daz er wære vür in guot.
Verse: 5127    sich vleiz von in ein gelîcher muot

Verse: 5128    swaz im dienest mohte sîn.
Verse: 5129    vil schiere kam diu künegîn

Verse: 5130    in klagen unde schouwen
Verse: 5131    mit allen ir vrouwen.

Verse: 5132    ein phlaster wart mit ir getragen.
Verse: 5133    dâ von wil ich iu sagen

Verse: 5134    wie guot ez ze wunden was:
Verse: 5135    manec verchwunder sîn genas.

Verse: 5136    swem ez wart gebunden
Verse: 5137    über sîne wunden,

Verse: 5138    den geswar si nie mêre,
Verse: 5139    und enheilte niht ze sêre,

Verse: 5140    wan ze rehter mâze genuoc.
Verse: 5141    dehein übel nie dar zuo gesluoc.

Verse: 5142    allez argez ez vertreip:
Verse: 5143    swaz ez guotes vant, daz beleip,

Verse: 5144    und die dâ von genâsen,
Verse: 5145    die überhuop ez mâsen,

Verse: 5146    daz man die lîch ebene sach
Verse: 5147    als dâ nie wunde geschach.

Verse: 5148    mit disem phlaster verbant
Verse: 5149    der küneginne hant

Verse: 5150    des ritteres sîten.
Verse: 5151    diu werlt ze deheinen zîten

Verse: 5152    bezzer phlaster nie gewan.
Verse: 5153    wundert nû deheinen man,

Verse: 5154    derz gerne vernæme
Verse: 5155    von wanne diz phlaster kæme,

Verse: 5156    daz hâte fâmurgân,
Verse: 5157    des küneges swester, dâ verlân

Verse: 5158    lange vor, dô si erstarp.
Verse: 5159    waz starker liste an ir verdarp

Verse: 5160    unde vremder sinne!
Verse: 5161    si was ein gotinne.

Verse: 5162    man enmac diu wunder niht gesagen
Verse: 5163    von ir, man muoz ir mê verdagen,

Verse: 5164    der diu selbe vrouwe phlac.
Verse: 5165    doch sô ich meiste mac,

Verse: 5166    sô sage ich waz si kunde.
Verse: 5167    swenne si begunde

Verse: 5168    ougen ir zouberlist,
Verse: 5169    sô hâte si in kurzer vrist

Verse: 5170    die werlt umbevarn dâ
Verse: 5171    unde kam wider sâ.

Verse: 5172    ich enweiz wer siz lêrte.
Verse: 5173    ê ich die hant umbe kêrte

Verse: 5174    oder zuo geslüege die brâ,
Verse: 5175    sô vuor si hin und schein doch sâ.

Verse: 5176    si lebete ir vil werde:
Verse: 5177    in lufte als ûf der erde

Verse: 5178    mohte si ze ruowe sweben,
Verse: 5179    ûf dem wâge und drunder leben.

Verse: 5180    ouch was ir daz untiure,
Verse: 5181    si wonte in dem viure

Verse: 5182    als sanfte als ûf dem touwe.
Verse: 5183    diz kunde diu vrouwe.

Verse: 5184    und sô si des gern began,
Verse: 5185    sô machete si den man

Verse: 5186    ze vogele oder ze tiere.
Verse: 5187    dar nâch gap si im schiere

Verse: 5188    wider sîne geschaft:
Verse: 5189    si kunde et zoubers die kraft.

Verse: 5190    si lebete vaste wider gote,
Verse: 5191    wan ez warte ir gebote

Verse: 5192    daz gevügel zuo dem wilde
Verse: 5193    an walde und an gevilde,

Verse: 5194    und daz mich daz meiste
Verse: 5195    dunket, die übelen geiste,

Verse: 5196    die dâ tiuvel sint genant,
Verse: 5197    die wâren alle under ir hant.

Verse: 5198    si mohte wunder machen,
Verse: 5199    wan ir muosten die trachen
Verse group: (53) 
Verse: 5200    von den lüften bringen
Verse: 5201    stiure zuo ir dingen,

Verse: 5202    die vische von dem wâge.
Verse: 5203    ouch hâte si mâge

Verse: 5204    tiefe in der helle:
Verse: 5205    der tiuvel was ir geselle.

Verse: 5206    der sande ir ze stiure
Verse: 5207    ouch ûz dem viure

Verse: 5208    swie vil si des wolde.
Verse: 5209    und swaz si haben solde

Verse: 5210    von dem ertrîche,
Verse: 5211    des nam si unangestlîche

Verse: 5212    allles selbe genuoc.
Verse: 5213    diu erde deheine wurz entruoc,

Verse: 5214    ir enwære ir kraft erkant
Verse: 5215    alse mir mîn selbes hant.

Verse: 5216    sît daz sibillâ erstarp
Verse: 5217    und erictô verdarp,

Verse: 5218    von der uns lûcânus zalt
Verse: 5219    daz ir zouberlîch gewalt

Verse: 5220    swem si wolde gebôt,
Verse: 5221    der dâ vor was lange tôt,

Verse: 5222    daz er erstuont wol gesunt.
Verse: 5223    von der ich iu hie zestunt

Verse: 5224    nû niht mêre sagen wil,
Verse: 5225    wan es würde ze vil:

Verse: 5226    sô gewan daz ertrîche
Verse: 5227    (daz wizzet wærlîche)

Verse: 5228    von zouberlîchem sinne
Verse: 5229    nie bezzer meisterinne

Verse: 5230    danne fâmurgân,
Verse: 5231    von der ich iu gesaget hân.

Verse: 5232    von diu enwære er niht wîser man
Verse: 5233    swer im wolde dar an

Verse: 5234    nemen grôz laster,
Verse: 5235    ob ouch si ein phlaster

Verse: 5236    vür in geprüeven kunde.
Verse: 5237    jâ wæne man iender vunde,

Verse: 5238    swie sêre man wolde ersuochen
Verse: 5239    die kraft ûz arzâtbuochen,

Verse: 5240    sô krefteclîche liste
Verse: 5241    die si wider kriste

Verse: 5242    uopte sô des gerte ir muot.
Verse: 5243    daz selbe phlaster machete si guot

Verse: 5244    von allem ir sinne,
Verse: 5245    dâ mite diu küneginne

Verse: 5246    Êrecke die wunden bant.
Verse: 5247    des phlasters güete er wol emphant:

Verse: 5248    wan als er verbunden wart,
Verse: 5249    dô hügete er wider ûf die vart.

Verse: 5250    in dûhte er wære gar genesen
Verse: 5251    und enwolde dâ niht langer wesen,

Verse: 5252    swie vil si in gebâten
Verse: 5253    und rede dar umbe hâten,

Verse: 5254    ritter unde vrouwen
Verse: 5255    die kâmen in schouwen.

Verse: 5256    doch handelten si die naht
Verse: 5257    volleclîche nâch ir maht

Verse: 5258    die werden geste
Verse: 5259    und sô si kunden beste,

Verse: 5260    und heten des gerne vil getân,
Verse: 5261    wolde ins Êrec gehenget hân:

Verse: 5262    des er doch niht entete.
Verse: 5263    des künec artûses bete

Verse: 5264    unde der künegîn
Verse: 5265    enmohte niht vrum gesîn,

Verse: 5266    daz si in mit deheinen listen
Verse: 5267    langer mohte gevristen

Verse: 5268    dan unz morgen vil vruo:
Verse: 5269    dâ enstuont doch dehein bete zuo.

Verse: 5270    alsô ez dô morgen wart
Verse: 5271    und er ouch sîner vart

Verse: 5272    durch niemen wolde abe stân,
Verse: 5273    diz dûhte si alle missetân.

Verse: 5274    nû enbeiz der künec durch in vruo:
Verse: 5275    dar nâch zôch man diu ros zuo.

Verse: 5276    Êrec urloup dô nam,
Verse: 5277    als sînen zühten wol gezam,

Verse: 5278    von rittern und von vrouwen.
Verse: 5279    dô mohte man êrste schouwen

Verse: 5280    an ir aller gebâren
Verse: 5281    daz si in dâ liep wâren,

Verse: 5282    wan dô weinde wîp und man
Verse: 5283    vor leide dô si schieden dan.

Verse: 5284    den künec muote sêre,
Verse: 5285    daz er niht enwolde mêre

Verse: 5286    in dem walde bestân:
Verse: 5287    er vuor gegen karadigân.

Verse: 5288    nû reit der ritter Êrec
Verse: 5289    als in bewîste der wec,

Verse: 5290    er enweste selbe war:
Verse: 5291    sîn muot stuont niuwan dar

Verse: 5292    dâ er âventiure vunde.
Verse: 5293    nû reit er dâ ze stunde

Verse: 5294    ein wênige wîle,
Verse: 5295    kûme eine mîle:

Verse: 5296    dô hôrte er eine stimme
Verse: 5297    jæmerlîchen grimme

Verse: 5298    von dem wege wüefen,
Verse: 5299    nâch helfe rüefen
Verse group: (54) 
Verse: 5300    erbarmeclîchen ein wîp,
Verse: 5301    der was bekumbert ir lîp.

Verse: 5302    als er daz rüefen vernam,
Verse: 5303    michel wunder in des nam

Verse: 5304    waz diu rede möhte sîn.
Verse: 5305    dô was doch sîn manheit schîn.

Verse: 5306    er hiez vrouwen ênîten
Verse: 5307    sîn dâ ze stete bîten

Verse: 5308    und tete si erbeizen ze wege.
Verse: 5309    ir sorge ergap si in gotes phlege,

Verse: 5310    als si der wille lêrte,
Verse: 5311    dô er von ir kêrte.

Verse: 5312    des endes huop sich Êrec
Verse: 5313    durch rûhen walt âne wec

Verse: 5314    unerbûwen strâze,
Verse: 5315    wan daz er die mâze

Verse: 5316    bî des wîbes stimme nam,
Verse: 5317    unz daz er rehte dar kam

Verse: 5318    dâ si von klage michel leit
Verse: 5319    in dem wilden walde erleit.

Verse: 5320    ir riuwigen hende
Verse: 5321    hâten daz gebende

Verse: 5322    unschône abe gestroufet:
Verse: 5323    zekratzet und zeroufet

Verse: 5324    hete sich daz lîplôse wîp,
Verse: 5325    daz ir diu wât und der lîp

Verse: 5326    mit bluote was berunnen.
Verse: 5327    si hâte ouch gewunnen

Verse: 5328    von jâmer solhe swære
Verse: 5329    daz doch niemen wære

Verse: 5330    alsô vestes herzen,
Verse: 5331    hæte er ir smerzen

Verse: 5332    zuo den zîten gesehen,
Verse: 5333    sît ich der wârheit sol jehen,

Verse: 5334    si enmüeste im erbarmen.
Verse: 5335    als er dô die armen

Verse: 5336    in solher ungehabe sach,
Verse: 5337    vil nâch weinende sprach

Verse: 5338    Êrec der tugenthafte man:
Verse: 5339    ʽvrouwe, durch got saget an,

Verse: 5340    waz ist daz ir weinet?
Verse: 5341    wie sît ir sus vereinet

Verse: 5342    in disem walde?
Verse: 5343    durch got saget balde

Verse: 5344    ob ich iu ze staten müge komen.'
Verse: 5345    nû hâte ir benomen

Verse: 5346    diu bitter leides grimme
Verse: 5347    vil nâch gar die stimme:

Verse: 5348    ir herzen sûft daz wort zebrach
Verse: 5349    daz si vil kûme gesprach:

Verse: 5350    ʽweinens gât mir michel nôt.
Verse: 5351    herre, mir belîbet tôt

Verse: 5352    der aller liebiste man
Verse: 5353    den ie wîp gewan.'

Verse: 5354    Êrec sprach: ʽvrouwe, wiest daz komen?'
Verse: 5355    ʽherre, dâ hânt mir in benomen

Verse: 5356    zwêne risen, die vuorten in
Verse: 5357    des gevertes vor mir hin.

Verse: 5358    herre, si enlânt in niht genesen,
Verse: 5359    wan si sint im gewesen

Verse: 5360    vîent nû vil manegen tac.
Verse: 5361    ouwê wie wol ich weinen mac!'

Verse: 5362    ʽvrouwe, sint si iht verre?'
Verse: 5363    ʽnein si, lieber herre.'

Verse: 5364    ʽnû wîset mich nâch in.'
Verse: 5365    ʽherre, hie riten si hin.'

Verse: 5366    mit dem vinger wîste si in die vart
Verse: 5367    dâ er hin gevüeret wart.

Verse: 5368    Êrec sprach: ʽvrouwe, nû gehabet iuch wol,
Verse: 5369    wan ich benamen sol

Verse: 5370    bî im belîben tôt,
Verse: 5371    oder ich hilfe im ûz der nôt.'

Verse: 5372    nû bevalh in diu guote
Verse: 5373    mit worten und mit muote

Verse: 5374    in unsers herren gewalt.
Verse: 5375    ir gebet wart vil manecvalt

Verse: 5376    und getriuwelîch der segen
Verse: 5377    den si tete über den degen.

Verse: 5378    nû was er komen ûf ir slâ
Verse: 5379    und îlte in vil sêre nâ

Verse: 5380    unz er si begunde sehen an.
Verse: 5381    nû heten die zwêne grôzen man

Verse: 5382    weder schilt noch sper
Verse: 5383    noch swert alsô er:

Verse: 5384    des er von rehte genôz.
Verse: 5385    wâfens wâren si blôz.

Verse: 5386    waz ir wer wære?
Verse: 5387    zwêne kolben swære,

Verse: 5388    grôze unde lange:
Verse: 5389    den wâren die stange

Verse: 5390    mit îsen beslagen.
Verse: 5391    ez möhte doch einen zagen

Verse: 5392    immer mêre vergân
Verse: 5393    daz er getorste si bestân.

Verse: 5394    ouch vuorten die unguoten
Verse: 5395    zwô geiselruoten

Verse: 5396    mit vingergrôzen strangen:
Verse: 5397    den si dâ heten gevangen,

Verse: 5398    den triben si dâ mite
Verse: 5399    nâch vreislîchem site.
Verse group: (55) 
Verse: 5400    er reit âne gewant
Verse: 5401    unde blôz sam ein hant.

Verse: 5402    geleit wâren im die hende
Verse: 5403    ze rücke mit gebende

Verse: 5404    und die vüeze unden
Verse: 5405    zesamene gebunden.

Verse: 5406    vil manegen geiselslac er leit
Verse: 5407    dâ er vor in hin reit.

Verse: 5408    si sluogen in âne barmen,
Verse: 5409    sô sêre daz dem armen

Verse: 5410    diu hût hin abe hie
Verse: 5411    von dem houbete an diu knie.

Verse: 5412    si brâchen vaste ritters reht
Verse: 5413    und handelten den guoten kneht,

Verse: 5414    und wære er begangen,
Verse: 5415    an diebes stat gevangen,

Verse: 5416    solher zuht wære ze vil.
Verse: 5417    er was geslagen unz ûf daz zil

Verse: 5418    daz er des bluotes was ersigen
Verse: 5419    unde nû sô gar geswigen

Verse: 5420    daz in schrîens verdrôz.
Verse: 5421    daz bluot regens wîs vlôz

Verse: 5422    des rosses sîten hin ze tal:
Verse: 5423    ez was bluotic über al.

Verse: 5424    der ritter grôze quâle leit,
Verse: 5425    sô unvernomen arbeit,

Verse: 5426    daz nimmer man âne tôt
Verse: 5427    möhte erlîden grœzer nôt

Verse: 5428    danne im dô geschach.
Verse: 5429    als diz Êrec ersach,

Verse: 5430    nû bewegete sritters smerze
Verse: 5431    sô sêre sîn herze

Verse: 5432    daz er bî im ê wære erslagen
Verse: 5433    ê er inz hæte vertragen

Verse: 5434    und daz ez an sîner varwe schein.
Verse: 5435    er sprach zuo den zwein:

Verse: 5436    ʽir herren beide,
Verse: 5437    ichn vrâge iu niht ze leide:

Verse: 5438    durch got muget irz mich wizzen lân,
Verse: 5439    waz hât iu der man getân

Verse: 5440    den ir dâ habet gevangen?
Verse: 5441    saget, waz hât er begangen?

Verse: 5442    ez enschadet iu niht und ist mir liep.
Verse: 5443    weder ist er mordære oder diep?

Verse: 5444    oder wie hât erz umbe iuch verholt,
Verse: 5445    sô swære zuht die er dolt?'

Verse: 5446    des antwurte im der eine
Verse: 5447    (der ahte sîn vrâge kleine):

Verse: 5448    ʽnû waz hâstû tumbe
Verse: 5449    ze vrâgen dar umbe

Verse: 5450    waz er uns habe getân?
Verse: 5451    des enwellen wir dich niht wizzen lân.

Verse: 5452    rehter affe, nû sich
Verse: 5453    dû unwirdest dich

Verse: 5454    daz dû vrâgest alsô vil
Verse: 5455    daz dir niemen sagen wil.

Verse: 5456    nû war umbe jagestû mich?'
Verse: 5457    Êrec sprach: ʽherre, nein ich.'

Verse: 5458    dannoch redete er mit listen
Verse: 5459    und wânde in sô gevristen:

Verse: 5460    ʽich hôrte in rüefen verre.
Verse: 5461    geloubet ir mir, herre,

Verse: 5462    ich enhân ez niht durch übel getân
Verse: 5463    daz ich iu her gevolget hân.

Verse: 5464    mich wundert waz ez wære.
Verse: 5465    daz ensî iu niht swære.

Verse: 5466    doch wil ich iu zewâre sagen
Verse: 5467    (daz enmöhte ich niht verdagen),

Verse: 5468    hât dirre man ritters namen,
Verse: 5469    sô möhtet ir iuch immer schamen

Verse: 5470    daz er des niht geniuzet
Verse: 5471    und iuch niht bedriuzet

Verse: 5472    der grôzen unvuoge.
Verse: 5473    jâ hât er zuht genuoge

Verse: 5474    emphangen, swaz er hât getân:
Verse: 5475    muget ir in durch got lân?'

Verse: 5476    der michel man sus wider sprach:
Verse: 5477    ʽdîn klaffen ist mir ungemach:

Verse: 5478    erlâ mich dîner vrâge.
Verse: 5479    dû setzest enwâge

Verse: 5480    dînen lîp vil sêre.
Verse: 5481    möhte ich an dir dehein êre

Verse: 5482    begân oder deheinen ruom,
Verse: 5483    ich zebræche dich als ein huon.

Verse: 5484    waz vrumet im dîn vrâge?
Verse: 5485    nû nim dir in ze mâge

Verse: 5486    und hilf im: dest im nôt genuoc.'
Verse: 5487    im ze sehenne er in sluoc

Verse: 5488    und hiez in strîchen sînen wec.
Verse: 5489    dannoch wolde in Êrec

Verse: 5490    mit güete überwunden hân
Verse: 5491    daz er den ritter hæte lân.

Verse: 5492    diu bete was vil gar verlorn,
Verse: 5493    wan daz er reizete srisen zorn.

Verse: 5494    dem ritter tâten si dô wê
Verse: 5495    durch sînen haz wirs dan ê,

Verse: 5496    wan si enhâten vorhte noch wân
Verse: 5497    daz er si getorste bestân.

Verse: 5498    und als Êrec der degen balt
Verse: 5499    ersach daz er sîn engalt,
Verse group: (56) 
Verse: 5500    daz muote in harte sêre.
Verse: 5501    nû entwelte er niht mêre,

Verse: 5502    wan undern arm sluoc er
Verse: 5503    mit guotem willen daz sper.

Verse: 5504    daz ros nam er mit den sporn:
Verse: 5505    an si truoc in der zorn.

Verse: 5506    daz huop si dannoch kleine,
Verse: 5507    wan daz der eine

Verse: 5508    von unwirde versûmte sich
Verse: 5509    unz daz im ein sperstich

Verse: 5510    engegen in sîn houbet kam,
Verse: 5511    der im ein ouge benam.

Verse: 5512    der stich ergie mit solher kraft
Verse: 5513    daz im wol ellenlanc der schaft

Verse: 5514    ûz hienc vor dem ougen.
Verse: 5515    swie kleine erz wolde erougen,

Verse: 5516    er stach in zuo der erde tôt,
Verse: 5517    als ez der hövesche got gebôt.

Verse: 5518    als sîn geselle
Verse: 5519    daz grôze gevelle

Verse: 5520    gesach von dem micheln man,
Verse: 5521    mit zorne kêrte er wider dan

Verse: 5522    und begunde den kolben wenden
Verse: 5523    und gap in ze beiden henden.

Verse: 5524    Êrec erbeizete dô:
Verse: 5525    des was der rise vrô

Verse: 5526    und wânde in sâ gewunnen hân.
Verse: 5527    in trouc ob got wil sîn wân.

Verse: 5528    er sluoc sam er wuote:
Verse: 5529    wan daz sich Êrec huote

Verse: 5530    unde sich mit listen
Verse: 5531    wol kunde gevristen,

Verse: 5532    er wære zem êrsten erslagen.
Verse: 5533    sîn snelheit kunde in ûz getragen.

Verse: 5534    den schilt er im dar bôt:
Verse: 5535    über den gienc doch diu nôt.

Verse: 5536    swâ er den schilt erreichte,
Verse: 5537    daz herte bret erweichte

Verse: 5538    daz ez sich wol endriu zekloup
Verse: 5539    unde hôhe ûf stoup

Verse: 5540    swaz dar gehaft wære.
Verse: 5541    der kolbe was sô swære,

Verse: 5542    alsô dicke und er sluoc,
Verse: 5543    daz er sô sêre nider truoc

Verse: 5544    daz er in sô kurzer stunde
Verse: 5545    in niht erziehen kunde:

Verse: 5546    ê er in ze slage vol erreit,
Verse: 5547    Êrecken hete sîn snelheit

Verse: 5548    an in und wider von im getragen.
Verse: 5549    alsô hete er in geslagen

Verse: 5550    wol vierstunt zuo dem beine:
Verse: 5551    ez enhuop in nie sô kleine,

Verse: 5552    er enslüegez im ze jungest abe.
Verse: 5553    dô der ungevüege knabe

Verse: 5554    begunde sîgen ûf diu knie,
Verse: 5555    Êrec im vaste zuo gie.

Verse: 5556    dannoch vaht der vâlant
Verse: 5557    mit unverzageter hant.

Verse: 5558    er sluoc sô manegen grimmen slac
Verse: 5559    daz uns wol wundern mac

Verse: 5560    daz Êrec vor im genas,
Verse: 5561    wan daz der mit im was

Verse: 5562    der dâvîde gap die kraft
Verse: 5563    daz er wart sigehaft

Verse: 5564    an dem risen gôlîâ:
Verse: 5565    der half ouch im des siges dâ

Verse: 5566    daz er in mit gewalte
Verse: 5567    volle gevalte

Verse: 5568    und im daz houbet abe sluoc.
Verse: 5569    dô was dâ vehtens genuoc.

Verse: 5570    als Êrec den sige gewan,
Verse: 5571    dô hâte den gevangen man

Verse: 5572    daz ros in den walt getragen,
Verse: 5573    daz ez niemen kunde gesagen

Verse: 5574    wâ er im ze vindenne wart.
Verse: 5575    doch brâhte in daz ûf die vart:

Verse: 5576    swâ er hin geriten was,
Verse: 5577    dâ wâren boume unde gras

Verse: 5578    von sînem lîbe gar
Verse: 5579    worden harte bluotvar,

Verse: 5580    swâ er ane ruorte
Verse: 5581    dâ in daz ros hin vuorte,

Verse: 5582    wan er was gebunden
Verse: 5583    daz er ze deheinen stunden

Verse: 5584    den boumen mohte entwîchen,
Verse: 5585    er enmüeste sich dran strîchen.

Verse: 5586    dô spürte in der guote
Verse: 5587    allez an dem bluote

Verse: 5588    verre unz daz er in vant.
Verse: 5589    dô lôste er im diu bant

Verse: 5590    von vüezen und von henden
Verse: 5591    und brâhte den ellenden

Verse: 5592    wider ze sînem wîbe
Verse: 5593    mit unganzem lîbe

Verse: 5594    und doch anders gesunden,
Verse: 5595    als er in hete vunden,

Verse: 5596    mit geiseln zeslagen.
Verse: 5597    doch endorfte er nimmer geklagen,

Verse: 5598    sît im daz leben beliben was,
Verse: 5599    wan er dises smerzen wol genas.
Verse group: (57) 
Verse: 5600    als si in ane sach,
Verse: 5601    beide liebe und ungemach

Verse: 5602    vuoren in ir herzen schrîn,
Verse: 5603    doch si niht wol ensament sîn.

Verse: 5604    als in diu guote
Verse: 5605    berunnen sach mit bluote,

Verse: 5606    dâ erlasch ir herze von,
Verse: 5607    wan si was vil ungewon

Verse: 5608    an im der herzesêre.
Verse: 5609    si hâte in nie mêre

Verse: 5610    in solhen zühten gesehen.
Verse: 5611    dâ bî was ir ein liep geschehen,

Verse: 5612    daz ez den sige an leide nam:
Verse: 5613    diz was daz er hin wider kam

Verse: 5614    mit lebendigem lîbe.
Verse: 5615    hie verkêrte sich dem wîbe

Verse: 5616    ir herzen trüebe
Verse: 5617    als ein glas, derz wol schüebe,

Verse: 5618    daz von swarzer varwe
Verse: 5619    bestrichen wære begarwe:

Verse: 5620    sô diu varwe abe kæme,
Verse: 5621    sô würdez genæme

Verse: 5622    und lieht daz ê vinster was.
Verse: 5623    sus wart ir herze ein lûter glas,

Verse: 5624    der erren sorgen beschaben
Verse: 5625    unde wol ze liehte erhaben

Verse: 5626    mit unvalscher wünne,
Verse: 5627    sam si nie leit gewünne.

Verse: 5628    diu zwei gelieben wâren vrô.
Verse: 5629    Êrecke sageten si dô

Verse: 5630    genâde sô manecvalt.
Verse: 5631    si sprâchen: ʽherre, in iuwer gewalt

Verse: 5632    suln wir uns vür eigen geben:
Verse: 5633    von iu sô haben wir daz leben.'

Verse: 5634    Êrec antwurte dem ritter dô:
Verse: 5635    ʽherre, des wære ich immer vrô,

Verse: 5636    hete ich iu vrumes gedienet iht,
Verse: 5637    daz, ob got wil, noch geschiht,

Verse: 5638    swâ ich es niht enhân getân,
Verse: 5639    wan ich es guoten willen hân.

Verse: 5640    ich enbite iuch mêre
Verse: 5641    deheiner slahte êre

Verse: 5642    ze widergelte an dirre zît,
Verse: 5643    wan saget mir wer ir sît.'

Verse: 5644    cadoc er sich nande
Verse: 5645    von tafrîol dem lande

Verse: 5646    und jach im wie daz wære ergangen
Verse: 5647    daz in hæten gevangen

Verse: 5648    die zwêne vâlande:
Verse: 5649    er wolde varn von lande

Verse: 5650    ze britanje in daz lant,
Verse: 5651    daz er dâ würde erkant,

Verse: 5652    er und sîn âmîe
Verse: 5653    von des küneges massenîe.

Verse: 5654    nû was sîn rihte durch den walt:
Verse: 5655    daz was den risen vor gezalt.

Verse: 5656    die wâren im lange vîent genuoc:
Verse: 5657    welh schulde si hin zuo im truoc,

Verse: 5658    des enist mir niht kunt,
Verse: 5659    wan si heten im zuo der stunt

Verse: 5660    lâge al umbe den wec geleit
Verse: 5661    und viengen in dâ er zuo reit.

Verse: 5662    als Êrec hâte vernomen
Verse: 5663    wie im sîn dinc was komen,

Verse: 5664    durch schœnen list er sprach,
Verse: 5665    im ze benemen sîn ungemach:

Verse: 5666    ʽherre, missehabet iuch niht
Verse: 5667    umbe dise geschiht,

Verse: 5668    daz iu die risen hânt getân.
Verse: 5669    jâ enwirt es nieman erlân

Verse: 5670    swer sô manheit üeben wil,
Verse: 5671    in enbringe geschiht ûf daz zil

Verse: 5672    daz er sich schamen lîhte muoz:
Verse: 5673    dar nâch wirt im es buoz.

Verse: 5674    wie dicke ich wirs gehandelt bin!'
Verse: 5675    mit dirre rede trôste er in.

Verse: 5676    er sprach: ʽdiz ist mîn rât,
Verse: 5677    daz ir durch nieman enlât

Verse: 5678    ir enleistet iuwer vart,
Verse: 5679    als si ûf geleget wart,

Verse: 5680    ze britanje in daz lant.
Verse: 5681    dâ ist ez alsô gewant,

Verse: 5682    daz ich iu wil zewâre sagen,
Verse: 5683    ez enmac ein ritter niht bejagen

Verse: 5684    in deheinem lande anderswâ
Verse: 5685    bezzer lop dan ouch dâ.

Verse: 5686    swer ez dâ gevürdern kan,
Verse: 5687    der wirt schiere ein sælic man.

Verse: 5688    nû muote ich einer êre
Verse: 5689    von iu und ouch niht mêre:

Verse: 5690    swenne ir komet in daz lant,
Verse: 5691    sô nemet iuwer vriundîn an die hant

Verse: 5692    und gât vür die künegîn
Verse: 5693    und saget ir den dienest mîn.

Verse: 5694    kündet ir iuwer sache gar,
Verse: 5695    unde daz ich iuch ir dar

Verse: 5696    zingesinde habe gesant.
Verse: 5697    Êrec bin ich genant:

Verse: 5698    vil wol erkennet si mich.'
Verse: 5699    diz lobete er, unde schieden sich.
Verse group: (58) 
Verse: 5700    cadoc vuor hin ze hove und tete
Verse: 5701    al nâch Êreckes bete.

Verse: 5702    er bôt der künegîn êre
Verse: 5703    rehte nâch der lêre,

Verse: 5704    als er im hâte vor gezalt:
Verse: 5705    er ergap sich in ir gewalt.

Verse: 5706    Êrecke wunschte ze lône
Verse: 5707    diu vrouwe mit der krône,

Verse: 5708    diu vil edel künegîn,
Verse: 5709    daz er sælic müeste sîn.

Verse: 5710    ouch schiet harte balde
Verse: 5711    wider ûz dem walde

Verse: 5712    der tugentrîche Êrec
Verse: 5713    unde suochte den wec

Verse: 5714    dâ er vrouwen ênîten
Verse: 5715    sîn gehiez bîten

Verse: 5716    nû hâte er sich ervohten
Verse: 5717    daz im niene mohten

Verse: 5718    die wunden ganz bestân:
Verse: 5719    die wâren wider ûf gegân.

Verse: 5720    des bluotes was er gar ersigen,
Verse: 5721    die slege heten in erwigen

Verse: 5722    daz im diu varwe gar erbleich
Verse: 5723    und im diu kraft sô nâch entweich

Verse: 5724    daz er mit grôzer arbeit
Verse: 5725    hin widere gereit

Verse: 5726    dâ sîn diu vrouwe hâte erbiten:
Verse: 5727    solde er iht vürbaz sîn geriten,

Verse: 5728    sô müeste er beliben sîn.
Verse: 5729    daz wart hier an wol schîn.

Verse: 5730    als sich der halptôte man
Verse: 5731    zuo neigen began,

Verse: 5732    als er erbeizen wolde,
Verse: 5733    wan er ruowen solde,

Verse: 5734    dô was er sô betoubet
Verse: 5735    daz im daz houbet

Verse: 5736    vor den vüezen nider kam.
Verse: 5737    einen solhen val er nam

Verse: 5738    daz er lac vür tôt.
Verse: 5739    nû huop sich ein bitter nôt

Verse: 5740    und alles leides galle
Verse: 5741    von disem valle

Verse: 5742    in vrouwen ênîten muote.
Verse: 5743    von jâmer huop diu guote

Verse: 5744    ein klage vil barmeclîche,
Verse: 5745    herzeriuweclîche.

Verse: 5746    ir wuof gap alsolhen schal
Verse: 5747    daz ir der walt widerhal.

Verse: 5748    nû enhalf ir niemen mêre
Verse: 5749    klagen ir herzesêre

Verse: 5750    niuwan der widergelt
Verse: 5751    den ir der walt ûz an daz velt

Verse: 5752    mit gelîchem galme bôt.
Verse: 5753    der half ir klagen ir nôt,

Verse: 5754    wan ir enwas niemen mêre bî.
Verse: 5755    diu guote, nû viel sî

Verse: 5756    über in unde kusten.
Verse: 5757    dar nâch sluoc si sich zen brusten

Verse: 5758    und kuste in aber unde schrê.
Verse: 5759    ir ander wort was ʽwê ouwê.'

Verse: 5760    daz hâr si vaste ûz brach,
Verse: 5761    an ir lîbe si sich rach

Verse: 5762    nâch wîplîchem site,
Verse: 5763    wan hie rechent si sich mite.

Verse: 5764    swaz in ze leide geschiht,
Verse: 5765    dâ wider entuont die guoten niht,

Verse: 5766    wan daz siz phlegent enblanden
Verse: 5767    ougen unde handen

Verse: 5768    mit trehenen und mit hantslegen,
Verse: 5769    wan si anders niht enmegen.

Verse: 5770    dâ von müeze er unsælic sîn
Verse: 5771    (des wünschet im der wille mîn)

Verse: 5772    swer den wîben leide tuot,
Verse: 5773    wan ez enist manlîch noch guot.

Verse: 5774    frouwe ênîte zurnte vaste an got.
Verse: 5775    si sprach: ʽherre, ist diz dîn gebot

Verse: 5776    daz ein ritter alsô guot
Verse: 5777    durch sînen reinen muot

Verse: 5778    sînen lîp hât verlorn,
Verse: 5779    sô hât ein wunderlîcher zorn

Verse: 5780    dîner genâden barmunge genomen.
Verse: 5781    daz ich hân von dir vernomen

Verse: 5782    daz dû barmherzic sîst,
Verse: 5783    wie swachez bilde dû des gîst

Verse: 5784    an mir vil armen!
Verse: 5785    mahtû dich nû erbarmen

Verse: 5786    über mich, sich, des ist zît.
Verse: 5787    nû warte wâ mîn man lît

Verse: 5788    gar oder halp tôt.
Verse: 5789    nû erbarme dich, des ist nôt,

Verse: 5790    wan ich ein tôtez herze hân.
Verse: 5791    nû sich wie trûric ich stân.

Verse: 5792    erbarme dich, herre, über mich,
Verse: 5793    wan ez ist erbarmeclich

Verse: 5794    daz ich verweisetez wîp
Verse: 5795    langer habe mînen lîp

Verse: 5796    in solhem ellende.
Verse: 5797    wan daz âne missewende

Verse: 5798    allez dîn werc stât,
Verse: 5799    herre, ich zige dich missetât
Verse group: (59) 
Verse: 5800    daz dû mich langer leben lâst,
Verse: 5801    sît dû mir den benomen hâst

Verse: 5802    dem ich eine solde leben.
Verse: 5803    mahtû des, herre, bilde geben

Verse: 5804    daz dir aller herzen grunt
Verse: 5805    ist gesihteclîchen kunt

Verse: 5806    (wan dir enmac niht verborgen sîn),
Verse: 5807    daz tuo durch dîne bermde schîn.

Verse: 5808    unde habe ich mînen man,
Verse: 5809    sît ich in von êrste gewan,

Verse: 5810    verworht an ihtes ihte
Verse: 5811    mit muote oder von geschihte

Verse: 5812    alsô daz ez niht wol gezimt,
Verse: 5813    ob mir in dîn gewalt danne nimt,

Verse: 5814    daz selbe reht vinde ich mir,
Verse: 5815    wan ichs von rehte danne enbir.

Verse: 5816    enhân aber ich des niht getân,
Verse: 5817    des soltû mich geniezen lân:

Verse: 5818    herre, sô erbarme dich
Verse: 5819    durch dîne güete über mich

Verse: 5820    unde heiz mir in leben.
Verse: 5821    wil aber dû mirs niht wider geben,

Verse: 5822    sô wis, herre got, gemant
Verse: 5823    daz aller werlde ist erkant

Verse: 5824    ein wort daz dû gesprochen hâst,
Verse: 5825    und bite dich daz dûz stæte lâst,

Verse: 5826    daz ein man und sîn wîp
Verse: 5827    suln wesen ein lîp,

Verse: 5828    und ensunder uns niht,
Verse: 5829    wan mir anders geschiht

Verse: 5830    von dir ein unreht gewalt.
Verse: 5831    sî dîn erbermde manecvalt,

Verse: 5832    sô hilf ouch mir des tôdes hier.
Verse: 5833    wâ nû hungerigiu tier,

Verse: 5834    beide wolf unde ber,
Verse: 5835    lewe, iuwer einez kom her

Verse: 5836    und ezze uns beide,
Verse: 5837    daz sich sô iht scheide

Verse: 5838    unser lîp mit zwein wegen!
Verse: 5839    und ruoche got unser sêlen phlegen,

Verse: 5840    die enscheident sich benamen niht,
Verse: 5841    swaz dem lîbe geschiht.'

Verse: 5842    der si deheinez komen sach,
Verse: 5843    si rief in aber unde sprach:

Verse: 5844    ʽir tier vil ungewizzen,
Verse: 5845    nû habet ir erbizzen

Verse: 5846    manec schâf unde swîn,
Verse: 5847    armer liute vihelîn,

Verse: 5848    die ius niht engunden
Verse: 5849    noch überwinden kunden.

Verse: 5850    wæret ir nû wîse,
Verse: 5851    ir holtet iuwer spîse

Verse: 5852    hie mit vollem munde,
Verse: 5853    wan ich iu mîn wol gunde:

Verse: 5854    dâ von müeste ich iu wol gezemen.
Verse: 5855    nû kumt, ir muget mich gerne nemen.

Verse: 5856    wâ sît ir nû? jâ bin ich hie.'
Verse: 5857    daz laden si niht vervie

Verse: 5858    daz dehein tier ez vernæme
Verse: 5859    oder dar kæme.

Verse: 5860    ob aber deheinez kæme
Verse: 5861    und ob ez rehte vernæme

Verse: 5862    ir trûrige gebâre,
Verse: 5863    sô weiz ich wol zewâre,

Verse: 5864    swie hungeric ez wære,
Verse: 5865    ez müeste ir die swære

Verse: 5866    ze jungest helfen weinen
Verse: 5867    und daz wol bescheinen

Verse: 5868    daz si zerbarmenne was.
Verse: 5869    über ir willen si genas.

Verse: 5870    alsô si rehte ersach
Verse: 5871    daz ir ze sterben niene geschach,

Verse: 5872    dô begunde si von êrste klagen
Verse: 5873    und hete sich selben nâch erslagen.

Verse: 5874    man sach nie jâmer merre.
Verse: 5875    si sprach: ʽlieber herre,

Verse: 5876    sît ich dich muoz verliesen,
Verse: 5877    sô wil ich hie verkiesen

Verse: 5878    alle man immer mêre
Verse: 5879    wan einen den ich sêre

Verse: 5880    in mînem herzen minne
Verse: 5881    von allem mînem sinne.

Verse: 5882    dem bin ich gâhes worden holt.
Verse: 5883    hæte ich umbe den versolt

Verse: 5884    daz im geviele mîn lîp,
Verse: 5885    dem wolde ich sîn ein stætez wîp.

Verse: 5886    vil lieber tôt, nû meine ich dich.
Verse: 5887    von dîner liebe kumt daz ich

Verse: 5888    alsô verkêre den site
Verse: 5889    daz ich wîp mannes bite.

Verse: 5890    nâch dîner minne ist mir sô nôt.
Verse: 5891    nû geruoche mîn, vil reiner tôt.

Verse: 5892    ouwê wie wol ich arme
Verse: 5893    gezim an dînem arme!

Verse: 5894    dû bist vil wol ze mir gehît.
Verse: 5895    wan nimestû mich enzît?

Verse: 5896    sît daz dû mich doch nemen muost,
Verse: 5897    sô râte ich daz dûz iezuo tuost.

Verse: 5898    ich gezim dir wol ze wîbe:
Verse: 5899    ich hânz noch an dem lîbe,
Verse group: (60) 
Verse: 5900    beide schœne unde jugent,
Verse: 5901    ich bin an der besten tugent.

Verse: 5902    dirn mac mit mir niht wesen ze gâch.
Verse: 5903    nû waz touc ich dir her nâch,

Verse: 5904    sô beide alter unde leit
Verse: 5905    mir schœne unde jugent verseit?

Verse: 5906    nû waz sol ich dir danne?
Verse: 5907    noch zæme ich guotem manne.'

Verse: 5908    dô si der rede vil getete
Verse: 5909    und si den tôt mit ir bete

Verse: 5910    niht mohte überwinden
Verse: 5911    noch ir willen vinden

Verse: 5912    daz er si næme in sînen gewalt,
Verse: 5913    vil wîplîchen si in dô schalt

Verse: 5914    als ir der wille gebôt.
Verse: 5915    si sprach: ʽwê dir, vil übeler tôt!

Verse: 5916    daz dû vervluochet sîst!
Verse: 5917    wie manec bilde dû gîst

Verse: 5918    dîner unbescheidenheit!
Verse: 5919    diu werlt doch wâr von dir seit,

Verse: 5920    dû sîst mit valsche beladen.
Verse: 5921    dû vlîzest dich ûf maneges schaden

Verse: 5922    dem nimmer solde leit geschehen.
Verse: 5923    des hân ich vil von dir gesehen.

Verse: 5924    dû hâst vil bœser râtgeben,
Verse: 5925    wan dû gâhes nimst daz leben

Verse: 5926    einem sô gewanten man
Verse: 5927    den diu werlt niht überwinden kan,

Verse: 5928    und gebiutest einem an sîne stat
Verse: 5929    dem ie diu werlt des tôdes bat

Verse: 5930    unde lâst den werden alt.
Verse: 5931    dû zeigest dînen gewalt

Verse: 5932    unbescheidenlîchen.
Verse: 5933    einen tugentrîchen

Verse: 5934    hâstû hie gevellet
Verse: 5935    unde mich gesellet

Verse: 5936    anders dan dû soldest,
Verse: 5937    ob dû gedienen woldest

Verse: 5938    daz ich dir immer spræche wol.
Verse: 5939    nû enweiz ich war ich armiu sol.

Verse: 5940    unheiles wart ich geborn,
Verse: 5941    wande nû hân ich verlorn

Verse: 5942    beide sêle unde lîp,
Verse: 5943    als von rehte tuot ein wîp

Verse: 5944    von sô grôzer missetât,
Verse: 5945    diu ir man verrâten hât

Verse: 5946    als ich mînen herren hân.
Verse: 5947    des tôdes wære er hie erlân,

Verse: 5948    ob ich in drûf niht hæte brâht.
Verse: 5949    jâ enhæte er im nie gedâht

Verse: 5950    dirre leidigen vart,
Verse: 5951    hæte ich den klagenden sûft bewart

Verse: 5952    den ich nam sô tiefe
Verse: 5953    dô ich wânde er sliefe,

Verse: 5954    des tages dô ich bî im lac.
Verse: 5955    daz vervluochet sî der tac,

Verse: 5956    dô ich die rede ruorte!
Verse: 5957    wan ich mîn heil zevuorte,

Verse: 5958    vil grôze êre und gemach.
Verse: 5959    ouwê wie übele mir geschach!

Verse: 5960    nû waz wolde ich tumbe
Verse: 5961    ze redenne dar umbe?

Verse: 5962    swie mîn herze wolde leben,
Verse: 5963    jâ hâte mir got gegeben

Verse: 5964    daz mîn dinc ze wunsche stuont.
Verse: 5965    ich tete als die tôren tuont,

Verse: 5966    unwîses muotes,
Verse: 5967    die êren unde guotes

Verse: 5968    in selben erbunnen
Verse: 5969    und niht vertragen kunnen

Verse: 5970    sô ir dinc vil schône stât,
Verse: 5971    und leistent durch des tiuvels rât

Verse: 5972    dâ von ir heil zestœret wirt,
Verse: 5973    wan er ir êren gerne enbirt.

Verse: 5974    ouwê liebiu muoter
Verse: 5975    unde vater guoter!

Verse: 5976    nû ist iu ze dirre stunt
Verse: 5977    mîn grôzer kumber vil unkunt.

Verse: 5978    ez was iuwer beider wân
Verse: 5979    mîn dinc vil wol gebezzert hân:

Verse: 5980    ouch was ez vil wænlîch,
Verse: 5981    dô ir mich einem künege rîch

Verse: 5982    gâbet ze wîbe.
Verse: 5983    der wân ist mînem lîbe

Verse: 5984    verkêret zungewinne.
Verse: 5985    in triegent sîne sinne,

Verse: 5986    swem daz ze wendenne ist gedâht,
Verse: 5987    ez enwerde vollebrâht

Verse: 5988    swaz von gote geschaffen ist:
Verse: 5989    dâ vür enhœret dehein list,

Verse: 5990    man enmüeze im sînen willen lân.
Verse: 5991    der muoz ouch an mir ergân:

Verse: 5992    ich muoz et unsælic sîn.
Verse: 5993    daz ist mir wol worden schîn

Verse: 5994    an grimmeclîcher arbeit,
Verse: 5995    der ich vil unz her erleit.

Verse: 5996    er hât mir armen wîbe
Verse: 5997    verteilet an dem lîbe:

Verse: 5998    des bin ich wol innen brâht.
Verse: 5999    wes im zer sêle sî gedâht,
Verse group: (61) 
Verse: 6000    des enmac ich wizzen niht.
Verse: 6001    swaz dem lîbe nû geschiht,

Verse: 6002    ze ringer klage mir daz stât,
Verse: 6003    wirt iedoch der sêle rât.

Verse: 6004    daz ich dicke hân vernomen,
Verse: 6005    des bin ich an ein ende komen:

Verse: 6006    swaz man dem unsæligen tuot,
Verse: 6007    sîn gelücke enwirt doch nimmer guot.

Verse: 6008    swer die linden von dem wege
Verse: 6009    næme ûz unwerder phlege

Verse: 6010    und si in sînen garten sazte
Verse: 6011    und si mit bûwe ergazte

Verse: 6012    daz si in dürrer erde
Verse: 6013    stüende unz dar unwerde,

Verse: 6014    und daz dar ûf tæte
Verse: 6015    daz er gedâht hæte

Verse: 6016    daz er ir wolde warten
Verse: 6017    in sînem boumgarten

Verse: 6018    ze guotem obezboume,
Verse: 6019    dern möhte von einem troume

Verse: 6020    niht sêrer sîn betrogen,
Verse: 6021    wan dâ enwürde niht an erzogen,

Verse: 6022    swie vlîzic man ir wære,
Verse: 6023    daz si bezzer obez bære

Verse: 6024    dan ouch ê nâch ir art,
Verse: 6025    ê daz si ûz gegraben wart

Verse: 6026    ûz bœser erde von dem wege,
Verse: 6027    dâ si schein in swacher phlege.

Verse: 6028    swie schœne und edel ein boum si ist,
Verse: 6029    michel graben unde mist

Verse: 6030    mac man dar an verliesen.
Verse: 6031    des sol man bilde kiesen

Verse: 6032    an mir vil gotes armen,
Verse: 6033    und möhte die werlt erbarmen

Verse: 6034    mîn vil grôzer ungeval:
Verse: 6035    und krônte mich diu werlt al

Verse: 6036    ze vrouwen über elliu wîp,
Verse: 6037    sô hât doch got den mînen lîp

Verse: 6038    sô unsælic getân
Verse: 6039    daz ich kumber muoz hân

Verse: 6040    al die wîle und ich lebe,
Verse: 6041    got ensî der mirs ein ende gebe.

Verse: 6042    sît mir mîn dinc alsô ist komen
Verse: 6043    daz mir got hât benomen

Verse: 6044    den aller liebisten man
Verse: 6045    den ie vrouwe gewan

Verse: 6046    und mîn der tôt niene wil,
Verse: 6047    des selben neme er im ein zil.

Verse: 6048    diu stæte under uns beiden
Verse: 6049    ensol sich sô niht scheiden:

Verse: 6050    den list ich vil wol vinde
Verse: 6051    daz er mich zingesinde

Verse: 6052    sunder danc nemen muoz.
Verse: 6053    war umbe solde ich sînen vuoz

Verse: 6054    sô vlîzeclîche suochen
Verse: 6055    sît er mîn niht wil ruochen?

Verse: 6056    dar umbe ich in sô sêre bat,
Verse: 6057    des mac ich mich an dirre stat

Verse: 6058    selbe vil wol gewern.
Verse: 6059    ich enwils ouch langer niht enbern,

Verse: 6060    ez enwerde vollebrâht.
Verse: 6061    entriuwen, ich hân nû wol gedâht.'

Verse: 6062    diu hant ir gegen der erde sleif,
Verse: 6063    ir mannes swert si begreif

Verse: 6064    und zôch ez ûz der scheide,
Verse: 6065    als si sich vor leide

Verse: 6066    mit im wolde erstechen
Verse: 6067    und kintlîche errechen

Verse: 6068    über sich ir mannes tôt,
Verse: 6069    wan daz irz got verbôt

Verse: 6070    und ir leben gevriste
Verse: 6071    mit genædeclîchem liste

Verse: 6072    dar an daz si begunde
Verse: 6073    dem swerte dâ ze stunde

Verse: 6074    vluochen dô siz gesach.
Verse: 6075    daz ir herze niht zebrach

Verse: 6076    von leide, daz was wunder.
Verse: 6077    sich teilte dô besunder

Verse: 6078    von des jâmers grimme
Verse: 6079    rehte enzwei ir stimme,

Verse: 6080    hôhe unde nidere.
Verse: 6081    der walt gap hin widere

Verse: 6082    vorhteclîch swaz si geschrê.
Verse: 6083    dô lûte dicke: ʽouwê ouwê!'

Verse: 6084    vil lûte schrîende sî sprach,
Verse: 6085    dô si daz swert ane sach,

Verse: 6086    mit klegelîchem munde:
Verse: 6087    ʽouwê, vervluochet sî diu stunde

Verse: 6088    daz man dich ie smiden began!
Verse: 6089    dû hâst getœtet mînen man.

Verse: 6090    daz im der lîp ist benomen
Verse: 6091    daz ist von dînen schulden komen.

Verse: 6092    jâ enhæte er anderswâ noch hie
Verse: 6093    dehein eislîch dinc bestanden nie,

Verse: 6094    wan daz erz tete ûf dînen trôst.
Verse: 6095    sus hâstû mich sîn belôst.

Verse: 6096    er reit vil manege reise
Verse: 6097    sîns lîbes envreise,

Verse: 6098    die er hæte verlân,
Verse: 6099    enwære si dar ûf niht getân
Verse group: (62) 
Verse: 6100    daz mîn lieber herre
Verse: 6101    dir getriute verre.

Verse: 6102    vil dicke er jach dû wærest guot:
Verse: 6103    nû hâstû dich an im missehuot:

Verse: 6104    ich enweiz ob ez dich riuwe.
Verse: 6105    dû hâst dîne triuwe

Verse: 6106    gar an im zebrochen.
Verse: 6107    daz wirt an dir gerochen.

Verse: 6108    ez ensol dich niht sô ringe stân:
Verse: 6109    dû muost noch mordes mê begân.'

Verse: 6110    vil wol bewârte si daz wort
Verse: 6111    unde kêrte daz ort

Verse: 6112    engegen ir brüsten,
Verse: 6113    nâch tôdes gelüsten,

Verse: 6114    als si sich wolde ervallen dran.
Verse: 6115    nû kam geriten ein man

Verse: 6116    der si es erwande,
Verse: 6117    den got dar gesande.

Verse: 6118    diz was ein edel herre,
Verse: 6119    ein grâve: vil unverre

Verse: 6120    sô stuont sîn wesen von dan.
Verse: 6121    oringles hiez der rîche man,

Verse: 6122    von lîmors geborn.
Verse: 6123    den hâte got dar zuo erkorn

Verse: 6124    daz er si solde bewarn.
Verse: 6125    er kam von sînem hûs gevarn,

Verse: 6126    ir ze heile reit er durch den walt:
Verse: 6127    nâch wiu, des enist mir niht gezalt,

Verse: 6128    wan daz ich betrahte
Verse: 6129    in mînes herzen ahte,

Verse: 6130    ez kam von ir sælikeit
Verse: 6131    daz er des tages ie ûz gereit.

Verse: 6132    er vuorte mit im ritter genuoc.
Verse: 6133    von geschihte in truoc

Verse: 6134    in den walt der selbe wec
Verse: 6135    dâ der ritter Êrec

Verse: 6136    in sô grôzem kumber lac
Verse: 6137    und sîn vrouwe ênîte phlac.

Verse: 6138    dannoch dô der herre
Verse: 6139    von in was vil verre,

Verse: 6140    dô gehôrte er daz wîp
Verse: 6141    mit wuofe qüllen ir lîp.

Verse: 6142    und als er ir stimme vernam,
Verse: 6143    von wunder er dar kam,

Verse: 6144    ze diu daz er gesæhe
Verse: 6145    waz wunders dâ geschæhe,

Verse: 6146    iemitten unde si daz swert
Verse: 6147    gegen ir brüsten wert

Verse: 6148    sich ze tœten hete gesat.
Verse: 6149    nû kam er rîtende an die stat,

Verse: 6150    und als er ir gebærde ersach,
Verse: 6151    daz si gegen dem lîbe stach,

Verse: 6152    dô wart im von dem rosse gâch,
Verse: 6153    wan er mohte sich vil nâch

Verse: 6154    an der rede versûmet hân
Verse: 6155    daz der stich wære getân.

Verse: 6156    er vienc si gâhes an sich
Verse: 6157    und erwante den stich.

Verse: 6158    ûz der hant er irz brach,
Verse: 6159    er warf ez von im unde sprach:

Verse: 6160    ʽsaget, wunderlîchez wîp,
Verse: 6161    war umbe woldet ir den lîp

Verse: 6162    selbe hân ersterbet
Verse: 6163    und an iu hân verderbet

Verse: 6164    daz schœniste bilde
Verse: 6165    daz zam oder wilde

Verse: 6166    ie mannes ouge gesach?'
Verse: 6167    vrouwe ênîte kûme sprach:

Verse: 6168    ʽnû sehet ir, lieber herre,
Verse: 6169    selbe waz mir gewerre.'

Verse: 6170    ʽwoldet ir iu selbe tuon den tôt?'
Verse: 6171    ʽherre, des gienc mir doch nôt.'

Verse: 6172    ʽwas er iuwer âmîs oder iuwer man?'
Verse: 6173    ʽbeide, herre.' ʽnû saget an,

Verse: 6174    wer hât in iu erslagen?'
Verse: 6175    nû begunde vrouwe ênîte sagen

Verse: 6176    vil rehte diu mære
Verse: 6177    wiez im komen wære.

Verse: 6178    nû begunde der grâve ahten
Verse: 6179    und bî im betrahten

Verse: 6180    daz er bî sînen zîten
Verse: 6181    nâhen noch wîten

Verse: 6182    nie schœner wîp hete gesehen:
Verse: 6183    ouch begunden ims die ritter jehen.

Verse: 6184    die vrouwen er von im lie.
Verse: 6185    zeiner kurzen sprâche er gie.

Verse: 6186    er sprach ze den gesellen sîn:
Verse: 6187    ʽein dinc ist wol schîn,

Verse: 6188    daz muget ir wol schouwen
Verse: 6189    an dirre vrouwen.

Verse: 6190    swâ si der ritter habe genomen
Verse: 6191    oder swie si her sî komen,

Verse: 6192    si ist benamen ein edel wîp:
Verse: 6193    daz erziuget ir wünneclîcher lîp.

Verse: 6194    nû sprechet, waz ist iuwer rât?
Verse: 6195    ir wizzet wol wiez mir stât,

Verse: 6196    daz ich âne wîp bin.
Verse: 6197    nû rætet vaste mir mîn sin

Verse: 6198    daz ich si ze wîbe neme.
Verse: 6199    mich dunket daz si wol gezeme
Verse group: (63) 
Verse: 6200    ze vrouwen über mîn lant.
Verse: 6201    ich hân kurze an ir erkant,

Verse: 6202    si ist mir genuoc wol geborn.
Verse: 6203    ouch hât si mir erkorn

Verse: 6204    mînes herzen rât ze wîbe.
Verse: 6205    nû bite ich daz ez belîbe

Verse: 6206    in iuwerm râte âne haz
Verse: 6207    (vil gerne wil ich immer daz

Verse: 6208    umbe iuch verschulden unz ich lebe),
Verse: 6209    daz ez iu âne widerstrebe

Verse: 6210    gelîche allen wol gevalle.'
Verse: 6211    nû rieten si imz alle.

Verse: 6212    des râtes was der grâve vrô.
Verse: 6213    vrouwen ênîten trôste er dô

Verse: 6214    vlîzeclîche unde wol,
Verse: 6215    sô man den vriunt nâch leide sol.

Verse: 6216    er sprach: ʽwünneclîchez wîp,
Verse: 6217    war umbe qüllet ir den lîp

Verse: 6218    sô grimmeclîchen sêre?
Verse: 6219    vrouwe, durch gotes êre

Verse: 6220    und ouch durch mich sô tuot daz
Verse: 6221    und gehabet iuch ein lützel baz

Verse: 6222    dan iu doch sî geschehen.
Verse: 6223    ich muoz iu des von schulden jehen

Verse: 6224    daz ir wîplîchen tuot,
Verse: 6225    und dunket mich von herzen guot

Verse: 6226    daz ir klaget iuwern man,
Verse: 6227    wan dâ schînet iuwer triuwe an.

Verse: 6228    doch habet irs nû genuoc getân,
Verse: 6229    wan ez enmac iuch niht vervân.

Verse: 6230    diz ist der schœniste list
Verse: 6231    der vür schaden wæne ich vrum ist,

Verse: 6232    daz man sichs getrœste enzît,
Verse: 6233    wan langiu riuwe niht engît

Verse: 6234    wan einen bekumberten lîp.
Verse: 6235    dar an gedenket, schœnez wîp.

Verse: 6236    und möhtet ir im daz leben
Verse: 6237    mit weinenne wider geben,

Verse: 6238    sô hulfen wir iu alle klagen
Verse: 6239    und iuwer swære gelîche tragen:

Verse: 6240    des enmac doch leider niht geschehen.
Verse: 6241    als ouch ichz hân ersehen,

Verse: 6242    ob ich ez rehte erkiesen kan,
Verse: 6243    sô enwas iuwer man

Verse: 6244    weder sô edel noch sô rîch,
Verse: 6245    sô starc noch sô wætlîch

Verse: 6246    noch sô ahtebære,
Verse: 6247    ir enmüget iuwer swære

Verse: 6248    vol wreden ergetzet:
Verse: 6249    er wirt iu wol ersetzet,

Verse: 6250    ob ir mir gevolgic sît.
Verse: 6251    mich wæne in sæliger zît

Verse: 6252    ze iu got her gesendet hât.
Verse: 6253    iuwer wirt vil guot rât.

Verse: 6254    dâ dicke ein man
Verse: 6255    grôzen schaden nimet an,

Verse: 6256    daz verkêret sich vil ringe
Verse: 6257    ze lieberme dinge,

Verse: 6258    als sich, vrouwe, iuwer wân
Verse: 6259    hiute hie hât getân:

Verse: 6260    der muoz sich verkêren
Verse: 6261    ze michelen êren.

Verse: 6262    sich wandelt iuwer armuot
Verse: 6263    benamen hie in michel guot.

Verse: 6264    ich bin ein grâve genant,
Verse: 6265    joch herre über ein rîchez lant:

Verse: 6266    dar über sult ir vrouwe sîn.
Verse: 6267    sehet, nû wirt iu wol schîn

Verse: 6268    daz iu iuwers mannes tôt vrumt
Verse: 6269    und iu zallem heile kumt,

Verse: 6270    wan iu nû êrste wol geschiht.
Verse: 6271    ich enhân wîbes niht:

Verse: 6272    ze wîbe wil ich iuch genemen.
Verse: 6273    des lebennes mac iuch baz gezemen

Verse: 6274    dan ir mit einem manne vart
Verse: 6275    über lant unbewart,

Verse: 6276    nâch deheinem iuwerm rehte.
Verse: 6277    ritter unde knehte,

Verse: 6278    vrouwen, rîche dienestman,
Verse: 6279    sô ir nie grâve mê gewan,

Verse: 6280    die mache ich iu undertân,
Verse: 6281    muget ir noch iuwer weinen lân.'

Verse: 6282    nû enmohte im diu guote
Verse: 6283    vor grôzem unmuote

Verse: 6284    und vor herzensêre
Verse: 6285    gantwurten mêre.

Verse: 6286    si sprach sô si daz herze twanc:
Verse: 6287    ʽlât, herre, die rede lanc:

Verse: 6288    herre, lât iuwern spot
Verse: 6289    mit mir armen durch got.

Verse: 6290    und sît ir rîche, deist iu guot.
Verse: 6291    erkennet, herre, mînen muot.

Verse: 6292    des wil ich iu kurze bejehen:
Verse: 6293    ez enmac nimmer geschehen

Verse: 6294    deich iuwer wîp werde
Verse: 6295    oder iemens ûf der erde

Verse: 6296    über kurz oder über lanc:
Verse: 6297    ez geschæhe sunder mînen danc,

Verse: 6298    mir engebe got wider mînen man.
Verse: 6299    den êrsten den ich ie gewan,
Verse group: (64) 
Verse: 6300    der müeze mir ouch der jungest sîn.
Verse: 6301    geloubetz, herre, ez wirt wol schîn.'

Verse: 6302    der grâve sprach zen rittern dô:
Verse: 6303    ʽdiu wîp suln reden alsô.

Verse: 6304    dâ von man irz niht wîzen sol:
Verse: 6305    si bekêret sich wol

Verse: 6306    von ir unmuote.
Verse: 6307    ich bringez wol ze guote.'

Verse: 6308    der vrouwen was er vil vrô.
Verse: 6309    die knehte hiez er houwen dô,

Verse: 6310    alle die dâ wâren,
Verse: 6311    eine rosbâren.

Verse: 6312    diu wart vil schiere bereit.
Verse: 6313    dar ûf wart dô geleit

Verse: 6314    Êrec vür einen tôten man.
Verse: 6315    ûf lîmors vuorten si in dan,

Verse: 6316    und gewan im ze wahte
Verse: 6317    alle die er mahte

Verse: 6318    und hiez im lieht gewinnen
Verse: 6319    diu ob im solden brinnen

Verse: 6320    unz daz man in begrüebe.
Verse: 6321    bitterlîcher trüebe

Verse: 6322    gienc vrouwen ênîten nôt,
Verse: 6323    wan si hâte in vür tôt.

Verse: 6324    dem wirte dô von ir geschach,
Verse: 6325    dô er ir schœne rehte ersach,

Verse: 6326    daz er sô lange stunde
Verse: 6327    erbeiten niene kunde

Verse: 6328    unz ir man würde begraben,
Verse: 6329    si enwürde der naht erhaben

Verse: 6330    ze vrouwen sînem lande.
Verse: 6331    swiez doch dûhte schande

Verse: 6332    alle sîne dienestman,
Verse: 6333    sîne boten sande er dan

Verse: 6334    allenthalben in daz lant,
Verse: 6335    daz im kæmen zehant

Verse: 6336    die herren die des ambetes phlegent
Verse: 6337    daz si die gotes ê gewegent,

Verse: 6338    daz si im würde gegeben,
Verse: 6339    wan er entriute nie mê geleben.

Verse: 6340    sô grôz ist der minne maht:
Verse: 6341    er wolde et briuten der naht.

Verse: 6342    bischove und ebbete kâmen dar
Verse: 6343    und diu phafheit vil gar,

Verse: 6344    swaz man der mohte berîten
Verse: 6345    in des tages zîten.

Verse: 6346    swiez der vrouwen wære
Verse: 6347    widermüete und swære,

Verse: 6348    si wart im sunder danc gegeben.
Verse: 6349    ez enhalf ouch niht ir widerstreben:

Verse: 6350    er wolde si ze wîbe hân.
Verse: 6351    got hete den gewalt und er den wân.

Verse: 6352    nû was ouch ezzennes zît.
Verse: 6353    daz liez der wirt âne strît,

Verse: 6354    wan er die naht gerne sach.
Verse: 6355    er gedâhte, des lîhte niht geschach,

Verse: 6356    mit ir vil guote naht hân.
Verse: 6357    ichn ruoche, trüge in sîn wân.

Verse: 6358    der wirt gienc ezzen,
Verse: 6359    und als er was gesezzen,

Verse: 6360    zwêne kappelâne sande er dan
Verse: 6361    und drîe sîner dienestman

Verse: 6362    nâch der vrouwen dâ si phlac
Verse: 6363    ir mannes dâ er ûf der bâre lac,

Verse: 6364    daz si ze tische gienge.
Verse: 6365    doch wæne ichz iht vervienge,

Verse: 6366    wan si si niht ane sach,
Verse: 6367    dô der eine zuo ir sprach.

Verse: 6368    daz tâten si dem wirte kunt.
Verse: 6369    nû sande er nâch ir anderstunt

Verse: 6370    der herren michel mêre.
Verse: 6371    daz tete er durch ir êre,

Verse: 6372    daz si deste gerner kæme
Verse: 6373    swenne si vernæme

Verse: 6374    daz tischgerihte mære.
Verse: 6375    von ir herzen swære

Verse: 6376    nam si der boten deheine war.
Verse: 6377    der wirt sprach: ʽich muoz selbe dar.'

Verse: 6378    alsô er dô zuo ir kam,
Verse: 6379    bî der hant er si nam

Verse: 6380    und hiez si mit im ezzen gân.
Verse: 6381    des bat diu vrouwe sich erlân.

Verse: 6382    si sprach: ʽob ich nû æze
Verse: 6383    und sô schiere vergæze

Verse: 6384    des aller liebisten man
Verse: 6385    den ie wîp mê gewan,

Verse: 6386    daz wære ein unwîplîch maz:
Verse: 6387    ouwê wie zæme mir daz?'

Verse: 6388    er sprach: ʽwaz ist daz ir saget?
Verse: 6389    âne nôt ir iuch sô sêre klaget.

Verse: 6390    ir habet verlorn einen man
Verse: 6391    den ich iu, ob mirs got gan,

Verse: 6392    harte wol ersetze:
Verse: 6393    vil gerne ich iuchs ergetze

Verse: 6394    mit lîbe und mit guote.
Verse: 6395    des wære mir ze muote,

Verse: 6396    wan daz ir mich dâ von nement
Verse: 6397    mit gebærden die iu missezement,

Verse: 6398    daz iuch disen langen tac
Verse: 6399    nieman getrœsten mac.
Verse group: (65) 
Verse: 6400    ez ist ein unbiderber strît,
Verse: 6401    dâ ir doch ane sô stæte sît.

Verse: 6402    iuwer schade enist niht sô grôz:
Verse: 6403    ich bin vil wol sîn übergenôz

Verse: 6404    oder doch wol als vrum als er.
Verse: 6405    vrouwe mîn, nû tuot her.

Verse: 6406    ich wil geben in iuwer hant
Verse: 6407    mich unde mîn lant

Verse: 6408    und sô kreftigez guot
Verse: 6409    daz ir iuwer armuot

Verse: 6410    und leides müget vergezzen.
Verse: 6411    noch gât dan mit mir ezzen.'

Verse: 6412    si sprach: ʽdaz ensol got wellen,
Verse: 6413    daz ich mînen gesellen

Verse: 6414    alsô muoz hân verlorn'.
Verse: 6415    des wart vil tiure dô gesworn:

Verse: 6416    ʽê erwel ich daz ich der erde
Verse: 6417    mit im bevolhen werde.

Verse: 6418    ich hân immer manne rât
Verse: 6419    sît mir in got benomen hât.'

Verse: 6420    er sprach: ʽnû lât die rede sîn
Verse: 6421    immer durch die liebe mîn

Verse: 6422    und gât dan ezzen mit mir,
Verse: 6423    wan ichs benamen niht enbir.'

Verse: 6424    swie vil er doch si gebat,
Verse: 6425    sô enwolde si niht von der stat,

Verse: 6426    unz er si alsô betwanc:
Verse: 6427    er zôch si hin sunder danc,

Verse: 6428    wan si enmohte im niht gestrîten.
Verse: 6429    er ensazte si niht besîten:

Verse: 6430    ir wart ein valtstuol vor gesat
Verse: 6431    ze tische engegen, als er bat,

Verse: 6432    daz er die vrouwen
Verse: 6433    deste baz möhte schouwen.

Verse: 6434    er bat si dicke ezzen.
Verse: 6435    nû enmohte si aber niht vergezzen

Verse: 6436    ir lieben gesellen.
Verse: 6437    trehene begunde si vellen:

Verse: 6438    der tisch wart von ir ougen naz
Verse: 6439    al des endes dâ si saz.

Verse: 6440    von jâmer want si ir hende,
Verse: 6441    diu vil ellende,

Verse: 6442    ir klage was vil stæte.
Verse: 6443    swie vil der wirt gebæte

Verse: 6444    daz si sichs wolde mâzen,
Verse: 6445    nû enmohte sis niht gelâzen.

Verse: 6446    nû sprach er aber zir:
Verse: 6447    ʽvrouwe, ir machet iu und mir

Verse: 6448    den jâmer al ze vesten
Verse: 6449    und mînen lieben gesten

Verse: 6450    die her durch vreuwen komen sint.
Verse: 6451    und enwæret ir niht ein kint,

Verse: 6452    ir möhtet iuwer klage lân,
Verse: 6453    und kundet ir iuch rehte entstân,

Verse: 6454    wie rehte schône in kurzer vrist
Verse: 6455    iuwer dinc gehœhet ist,

Verse: 6456    doch iuch lützel noch bedrôz.
Verse: 6457    ich gesach nie wunder sô grôz

Verse: 6458    daz ir niht enkunnet gedagen
Verse: 6459    und niht enmuget wol vertragen

Verse: 6460    daz iuwer dinc nû vil wol stât
Verse: 6461    unde sich verkêret hât

Verse: 6462    ze guoter handelunge.
Verse: 6463    swem alsô gelunge

Verse: 6464    als iu hie muoz gelingen,
Verse: 6465    er möhte baz gesingen

Verse: 6466    danne weinen unde klagen.
Verse: 6467    ich muoz doch die rihte sagen,

Verse: 6468    iuwer jâmer ist alze vester.
Verse: 6469    hiute wider gester

Verse: 6470    sô stât iuwer dinc doch ungelîch.
Verse: 6471    ê wâret ir arm, nû sît ir rîch:

Verse: 6472    vor wâret ir niemen wert,
Verse: 6473    nû hât iuch got êren gewert:

Verse: 6474    ê wâret ir vil unerkant,
Verse: 6475    nû sît ir gewaltic über ein lant:

Verse: 6476    ê in swacher schouwe,
Verse: 6477    nû ein rîchiu vrouwe:

Verse: 6478    vor muostet ir ûz der ahte sîn,
Verse: 6479    nû sît ir ein mehtic grævîn:

Verse: 6480    ê vuoret ir wîselôs,
Verse: 6481    unz iuwer sælde mich erkôs:

Verse: 6482    vor wâret ir aller genâden bar,
Verse: 6483    nû habet ir die êre gar:

Verse: 6484    ê litet ir michel arbeit,
Verse: 6485    dâ von hât iuch got geleit:

Verse: 6486    vor hetet ir ein swachez leben,
Verse: 6487    nû hât iu got den wunsch gegeben:

Verse: 6488    vor muoste iu vil gewerren,
Verse: 6489    nû lobet unsern herren

Verse: 6490    daz er iuchs hât übertragen
Verse: 6491    und lât iuwer tumbez klagen:

Verse: 6492    ê lebetet ir âne êre,
Verse: 6493    der habet ir nû mêre

Verse: 6494    dan dehein iuwer lantwîp.
Verse: 6495    ir kestiget den lîp,

Verse: 6496    welt ir wizzen, âne nôt.
Verse: 6497    iu ist ein arm man tôt:

Verse: 6498    des sît ir ergetzet mit mir.
Verse: 6499    den selben wehsel möhtet ir
Verse group: (66) 
Verse: 6500    immer gerne trîben.
Verse: 6501    ich rietez allen wîben,

Verse: 6502    wanz enmöhte in niht gewerren
Verse: 6503    daz si einen rîchen herren

Verse: 6504    næmen vür einen solhen man.
Verse: 6505    iuwer tumpheit ich iu verban.

Verse: 6506    nû ezzet durch den willen mîn.'
Verse: 6507    dô sprach diu edel künegîn:

Verse: 6508    ʽherre, ir habet mir genuoc gesaget,
Verse: 6509    daz wære doch als guot verdaget.

Verse: 6510    vil kurze ich iu antwürten wil.
Verse: 6511    ir muget wol rede verliesen vil.

Verse: 6512    bî dem eide geloubet daz,
Verse: 6513    in mînen munt kumt nimmer maz,

Verse: 6514    mîn tôter man enezze ê.'
Verse: 6515    nû enmohte der grâve mê

Verse: 6516    im selben meister gesîn,
Verse: 6517    er entæte sîn untugent schîn:

Verse: 6518    sîn zorn in verleite
Verse: 6519    ze grôzer tôrheite

Verse: 6520    und ûf grôzen ungevuoc,
Verse: 6521    daz er si mit der hant sluoc

Verse: 6522    alsô daz diu guote
Verse: 6523    harte sêre bluote.

Verse: 6524    er sprach: ʽir ezzet, übel hût!'
Verse: 6525    beide stille und überlût

Verse: 6526    sô dûhtez si alle gelîche,
Verse: 6527    arme unde rîche,

Verse: 6528    ein michel ungevuoge.
Verse: 6529    ouch wizzenz im genuoge

Verse: 6530    under sîniu ougen:
Verse: 6531    die andern redetenz tougen,

Verse: 6532    ez wære tœrlîch getân
Verse: 6533    und er möhtez gerne lâzen hân.

Verse: 6534    er wart dar umbe gestrâfet vil:
Verse: 6535    si wizzen imz unz ûf daz zil

Verse: 6536    daz der schalchafte man
Verse: 6537    vil sêre zürnen began.

Verse: 6538    ir strâfen was im ungemach.
Verse: 6539    vil unsenfteclîche er sprach:

Verse: 6540    ʽir herren, ir sît wunderlich,
Verse: 6541    daz ir dar umbe strâfet mich

Verse: 6542    swaz ich mînem wîbe tuo.
Verse: 6543    dâ bestât doch niemen zuo

Verse: 6544    ze redenne übel noch guot,
Verse: 6545    swaz ein man sînem wîbe tuot.

Verse: 6546    si ist mîn und bin ich ir:
Verse: 6547    wie welt ir daz erwern mir,

Verse: 6548    ich entuo ir swaz mir gevalle?'
Verse: 6549    dâ mite gesweicte er si alle.

Verse: 6550    dô diu vrouwe wart geslagen,
Verse: 6551    ir gebærde ensuln wir iuch verdagen:

Verse: 6552    von dem slage wart si vrô
Verse: 6553    und ouch des tages nie mê wan dô.

Verse: 6554    wâ si die vreude möhte nemen?
Verse: 6555    daz muget ir gerne vernemen,

Verse: 6556    wan slege tuont selten iemen vrô.
Verse: 6557    ir vreude schuof sich alsô:

Verse: 6558    si wære gerner tôt gewesen
Verse: 6559    tûsentstunt dan genesen:

Verse: 6560    und als si den slac emphie
Verse: 6561    (wan er von mannes krefte gie),

Verse: 6562    dô hete si gedingen unde trôst
Verse: 6563    si würde des lîbes belôst,

Verse: 6564    und swaz si mêre gespræche
Verse: 6565    daz erz mit slegen ræche

Verse: 6566    unz er si gar erslüege.
Verse: 6567    des wart vil ungevüege

Verse: 6568    ir klage, und schrê wider dem site,
Verse: 6569    und wânde den tôt gedienen mite.

Verse: 6570    si stuont von im vil verre
Verse: 6571    und sprach: ʽgeloubet, herre,

Verse: 6572    ich enahte ûf iuwer slege niht
Verse: 6573    und swaz mir von iu geschiht,

Verse: 6574    unde nemet ir mir den lîp,
Verse: 6575    ichn wirde doch nimmer iuwer wîp.

Verse: 6576    des nemet iu ein zil.'
Verse: 6577    der rede treip si sô vil

Verse: 6578    unz er si anderstunt
Verse: 6579    sêre sluoc an den munt.

Verse: 6580    sînen slac si niht envlôch:
Verse: 6581    vil sêre si sich drunder zôch,

Verse: 6582    daz si ir mêre emphienge.
Verse: 6583    si wânde ir wille ergienge.

Verse: 6584    si sprach: ʽwê mir vil armen wîbe!
Verse: 6585    wære mîn geselle bî lîbe,

Verse: 6586    diz bliuwen wære vil unvertragen.'
Verse: 6587    dô si sô lûte begunde klagen,

Verse: 6588    Êrec fil de roi lac
Verse: 6589    dannoch unversunnen lac

Verse: 6590    in des tôdes wâne,
Verse: 6591    und doch des tôdes âne.

Verse: 6592    geruowet was er etewaz
Verse: 6593    unde doch niht vil baz.

Verse: 6594    er lac in einem twalme
Verse: 6595    und erschrihte von ir galme

Verse: 6596    als der dâ wirt erwecket,
Verse: 6597    von swærem troume erschrecket.

Verse: 6598    er vuor ûf von der bâre
Verse: 6599    in vremder gebâre
Verse group: (67) 
Verse: 6600    und begunde mit den ougen sehen.
Verse: 6601    in wunderte waz im wære geschehen,

Verse: 6602    und enweste wie er dar kam.
Verse: 6603    anderstunt er si vernam,

Verse: 6604    wande si vil dicke schrê:
Verse: 6605    ʽouwê, lieber herre, ouwê!

Verse: 6606    dîner helfe ger ich âne nôt,
Verse: 6607    wan dû bist et aber leider tôt.'

Verse: 6608    als si in dô nande,
Verse: 6609    zehant er si erkande

Verse: 6610    und vernam wol daz si wære
Verse: 6611    in etelîcher swære,

Verse: 6612    er enweste wie oder wâ.
Verse: 6613    er enlac niht langer dâ:

Verse: 6614    als er erkande ir stimme,
Verse: 6615    ûf spranc er mit grimme

Verse: 6616    und rûschte vaste under si.
Verse: 6617    nû hiengen dâ nâhen bî

Verse: 6618    swerte vil an einer want:
Verse: 6619    der kam im einez in die hant.

Verse: 6620    er hâte zornes genuoc.
Verse: 6621    des êrsten rûsches er sluoc

Verse: 6622    den wirt selbe dritten
Verse: 6623    (under den saz er enmitten):

Verse: 6624    die andern gâben die vluht.
Verse: 6625    dâ warte niemen deheiner zuht:

Verse: 6626    man sach dâ niemen hôher stân:
Verse: 6627    ʽherre, welt ir vür gân,'

Verse: 6628    wande swem der wec wart,
Verse: 6629    der huop sich an die vart

Verse: 6630    (ez was in sô geschaffen),
Verse: 6631    die leien vür die phaffen:

Verse: 6632    swie hôhe er wære beschorn,
Verse: 6633    er wart dô lützel ûz erkorn,

Verse: 6634    ez wære abbet oder bischof.
Verse: 6635    hie vlôch aller der hof.

Verse: 6636    zen türn wart vil enge
Verse: 6637    von grôzem gedrenge:

Verse: 6638    der kneht vür sînen herren dranc.
Verse: 6639    der wec dûhte si vil lanc

Verse: 6640    der zen türn ûz gie.
Verse: 6641    ich enkam ze solher brûtlouft nie:

Verse: 6642    ein schrit was in ein raste.
Verse: 6643    si begunden vaste

Verse: 6644    vliehen unde wenken.
Verse: 6645    ez lâgen under benken

Verse: 6646    vil guoter knehte
Verse: 6647    wider ritter rehte.

Verse: 6648    eines dinges vil geschiht,
Verse: 6649    des enwundert mich niht,

Verse: 6650    swer sînem lîbe vorhte treit,
Verse: 6651    daz er durch sîne gewarheit

Verse: 6652    dicke vliuhet grôzen schal
Verse: 6653    ûf die burc ûz dem tal.

Verse: 6654    sô vluhen dise ûz dem hûs
Verse: 6655    und sluffen ze loche sam diu mûs.

Verse: 6656    in wart daz wîte bürgetor
Verse: 6657    beidiu dar inne und ouch dâ vor

Verse: 6658    ze wênic und ze enge,
Verse: 6659    sô daz si mit gedrenge

Verse: 6660    vielen über mûre
Verse: 6661    gelîch einem schûre,

Verse: 6662    wan si diu grimme vorhte treip.
Verse: 6663    lîmors liutlôs beleip.

Verse: 6664    vliehens gienc in michel nôt,
Verse: 6665    wan si vorhten den tôt.

Verse: 6666    ir vluht was âne schande.
Verse: 6667    swer inz ze laster wande,

Verse: 6668    der überspræche sich dar an.
Verse: 6669    nû sprechet, swâ ein tôter man,

Verse: 6670    mit bluotigen wunden,
Verse: 6671    gerêwet, in gewunden

Verse: 6672    houbet unde hende,
Verse: 6673    vüeze an einem gebende,

Verse: 6674    mit einem swerte alsô bar
Verse: 6675    ûf ein ungewarnte schar

Verse: 6676    in aller gæhe liefe
Verse: 6677    und wâfen über si riefe,

Verse: 6678    er vlühe swem et wære
Verse: 6679    der lîp ze ihte mære:

Verse: 6680    und wære ich gewesen bî,
Verse: 6681    ich hete gevlohen, swie küene ich sî.

Verse: 6682    sîn torste dâ niemen bîten
Verse: 6683    âne vrouwen ênîten.

Verse: 6684    den tôten si vil gerne sach:
Verse: 6685    ze liebe wart ir ungemach

Verse: 6686    allez verkêret
Verse: 6687    und ir vreude gemêret.

Verse: 6688    bî der hant er si vienc:
Verse: 6689    vil genôte er suochende gienc,

Verse: 6690    unz daz er sîn îsengewant
Verse: 6691    joch schilt unde sper vant,

Verse: 6692    und wâfente sich als ê,
Verse: 6693    sam im nie würde wê.

Verse: 6694    sîner rosse envant er niht:
Verse: 6695    ʽouwê dirre geschiht!

Verse: 6696    suln wir nû ze vuoze gân?
Verse: 6697    daz haben wir selten ê getân.'

Verse: 6698    nû müeze got gesenden
Verse: 6699    disen ellenden,
Verse group: (68) 
Verse: 6700    Êrecke und ênîten,
Verse: 6701    ros dâ si ûfe rîten.

Verse: 6702    als er der rosse niene vant,
Verse: 6703    nû tete er als im was gewant.

Verse: 6704    sînen schilt nam er
Verse: 6705    und in die winstern hant daz sper,

Verse: 6706    an sîner zesewen sîten
Verse: 6707    vuorte er vrouwen ênîten

Verse: 6708    und gâhte vür daz bürgetor.
Verse: 6709    dâ wart ime vor

Verse: 6710    sîn ros engegen brâht,
Verse: 6711    des im doch niender was gedâht

Verse: 6712    noch jenem der ez reit,
Verse: 6713    alse doch sîn sælikeit

Verse: 6714    volleclîche dar an schein.
Verse: 6715    ez hete des wirtes garzûn ein

Verse: 6716    gevüeret ze wazzer.
Verse: 6717    dar ûf sazer.

Verse: 6718    sîne rotruange er sanc,
Verse: 6719    vil ebene stuont sîn gedanc,

Verse: 6720    wande er enweste niht
Verse: 6721    umbe dise geschiht.

Verse: 6722    nû reit er ûf den burcwec.
Verse: 6723    daz ros erkande Êrec

Verse: 6724    dô erz aller verrest sach.
Verse: 6725    vil liebe im dar an geschach.

Verse: 6726    ez vuocte et gotes wille.
Verse: 6727    nû stuont er vil stille

Verse: 6728    unz im daz ros sô nâhen kam
Verse: 6729    daz erz bî dem britel nam

Verse: 6730    wider in sîne phlege,
Verse: 6731    unde huop sich after wege.

Verse: 6732    vür sich sazte er die künegîn
Verse: 6733    (ez enmohte dô niht bezzer sîn),

Verse: 6734    vrouwen ênîten,
Verse: 6735    und gedâhte rîten

Verse: 6736    allez vür sich durch daz lant.
Verse: 6737    nû was der wec im unerkant:

Verse: 6738    ouch irte daz sîne vart
Verse: 6739    daz diu naht vinster wart:

Verse: 6740    ouch vorhte er in dem lande
Verse: 6741    schaden unde schande

Verse: 6742    von dem lantvolke gewinnen,
Verse: 6743    swenne si würden innen

Verse: 6744    waz er getân hâte.
Verse: 6745    nâch vrouwen enîten râte

Verse: 6746    (wan si in den wec lêrte)
Verse: 6747    ûf die strâze er kêrte

Verse: 6748    die er gebâret dar reit:
Verse: 6749    daz geschach durch gewarheit.

Verse: 6750    ez wâren disiu driu lant
Verse: 6751    an ein ander gewant

Verse: 6752    unde nâhen genuoc,
Verse: 6753    daz dâ er den grâven sluoc,

Verse: 6754    und aber des wênigen man
Verse: 6755    von dem er die wunden gewan,

Verse: 6756    und des künec artûses gewalt.
Verse: 6757    disiu driu enschiet niuwan der walt

Verse: 6758    dâ er enmitten inne reit
Verse: 6759    nâch dirre arbeit.

Verse: 6760    und als si kâmen in den walt
Verse: 6761    ûz der sorgen gewalt

Verse: 6762    wider ûf ir kunden wec,
Verse: 6763    nû vrâcte der künec Êrec

Verse: 6764    vrouwen ênîten mære
Verse: 6765    wie er komen wære

Verse: 6766    in des grâven gewalt
Verse: 6767    den ich iu geslagen hân gezalt.

Verse: 6768    nû tete si im die sache
Verse: 6769    ir ougen zungemache

Verse: 6770    allez weinende kunt.
Verse: 6771    dô endete sich zestunt

Verse: 6772    diu swære spæhe
Verse: 6773    und diu vremde wæhe

Verse: 6774    der er unz an den tac
Verse: 6775    mit ir âne sache phlac,

Verse: 6776    daz er si mit gruoze meit
Verse: 6777    sît er mit ir von hûse reit.

Verse: 6778    durch daz diu spæhe wart genomen,
Verse: 6779    des ist er an ein ende komen

Verse: 6780    und westez rehte âne wân.
Verse: 6781    ez was durch versuochen getân

Verse: 6782    ob si im wære ein rehtez wîp.
Verse: 6783    nû hâte er ir lîp

Verse: 6784    ersichert genzlîchen wol,
Verse: 6785    als man daz golt sol

Verse: 6786    liutern in der esse,
Verse: 6787    daz er nû rehte wesse

Verse: 6788    daz er an ir hæte
Verse: 6789    triuwe unde stæte

Verse: 6790    unde daz si wære
Verse: 6791    ein wîp unwandelbære.

Verse: 6792    er druhte si an sîn bruste,
Verse: 6793    vil dicke er si kuste

Verse: 6794    vol minneclîchen
Verse: 6795    und bat die tugentrîchen

Verse: 6796    daz si wolde vergeben
Verse: 6797    als ungeselleclîchez leben

Verse: 6798    unde manege arbeit
Verse: 6799    die si ûf der verte leit.
Verse group: (69) 
Verse: 6800    bezzerunge er ir gehiez,
Verse: 6801    die er benamen wâr liez.

Verse: 6802    nû vergap si imz an der stat,
Verse: 6803    wan er sis vriuntlîchen bat.

Verse: 6804    si sprach: ʽlieber herre,
Verse: 6805    jâ enmuote mich sô verre

Verse: 6806    dehein ander ungemach,
Verse: 6807    der vil âne zal geschach.

Verse: 6808    ez huop mich allez ringe
Verse: 6809    wider deme dinge

Verse: 6810    daz ich iuch muoste mîden:
Verse: 6811    solde ich daz langer lîden,

Verse: 6812    dar umbe müeste ich doch mîn leben
Verse: 6813    alsô schiere hân gegeben.'

Verse: 6814    dô diz wunder ergie
Verse: 6815    ûf lîmors, nû sehet hie

Verse: 6816    wâ ein garzûn entran.
Verse: 6817    der lief durch den walt dan,

Verse: 6818    dar umbe daz erz zuo der stunt
Verse: 6819    dem wênigen künege tæte kunt

Verse: 6820    der dâ was sô unverzaget.
Verse: 6821    ich hân iu ê von im gesaget:

Verse: 6822    er was guivreiz genant,
Verse: 6823    der selbe der mit sîner hant

Verse: 6824    Êrecke sîne wunden sluoc.
Verse: 6825    dem was der wec wol kunt genuoc,

Verse: 6826    er begunde sêre gâhen.
Verse: 6827    ouch was ez im vil nâhen:

Verse: 6828    ir zweier gewalt
Verse: 6829    enschiet niuwan der walt.

Verse: 6830    er bôzete an daz bürgetor.
Verse: 6831    dâ twelte er unlange vor,

Verse: 6832    er wart vil drâte in gelân.
Verse: 6833    nû gienc er vür den künec stân

Verse: 6834    und begunde im sagen
Verse: 6835    wie der grâve oringles wære erslagen,

Verse: 6836    und daz hæte ein tôter man getân.
Verse: 6837    nû begunde sich guivreiz verstân

Verse: 6838    ze jungest an dem mære
Verse: 6839    daz ez Êrec wære.

Verse: 6840    nochdan was er niht entslâfen.
Verse: 6841    vil lûte schrê er: ʽwâfen!

Verse: 6842    welh ein schade muoz ergân,
Verse: 6843    und sol den lîp verlorn hân

Verse: 6844    der beste ritter der darf leben!
Verse: 6845    im enwelle got genâde geben,

Verse: 6846    wirt ez dem lantvolke kunt,
Verse: 6847    si ermürdent in zestunt.

Verse: 6848    ouwê, möhte ich im vor gesîn,
Verse: 6849    daz würde mînem vriunde schîn.

Verse: 6850    doch wirt ez versuochet,
Verse: 6851    ob es got geruochet.'

Verse: 6852    nû wâfente er sich drâte
Verse: 6853    und swaz er ritter hâte.

Verse: 6854    nû wart ir wol in der zal
Verse: 6855    drîzec ritter über al.

Verse: 6856    diu ros brâhte man in dô.
Verse: 6857    zwîvelhaft und unvrô

Verse: 6858    sô kêrte der künec balde
Verse: 6859    engegen deme walde,

Verse: 6860    daz er dem ellenden man
Verse: 6861    ûz dem lande hulfe dan.

Verse: 6862    nû gerieten si beide einen wec,
Verse: 6863    an dirre sîten Êrec

Verse: 6864    unde jenenthalp er,
Verse: 6865    der eine hin, der ander her,

Verse: 6866    daz si enmohten bewarn
Verse: 6867    si enmüesten ein ander widervarn:

Verse: 6868    alsô vuoctez diu geschiht.
Verse: 6869    nû enweste ir deweder niht

Verse: 6870    umbe des andern reise:
Verse: 6871    des kam Êrec in vreise.

Verse: 6872    dô si noch wâren verre,
Verse: 6873    der ellende herre

Verse: 6874    wart vil wol gewar
Verse: 6875    der gewâfenten schar,

Verse: 6876    wan der schal und der dôz
Verse: 6877    was von den schilten grôz.

Verse: 6878    er sprach ze vrouwen ênîten:
Verse: 6879    ʽvrouwe, ich hœre rîten

Verse: 6880    engegen uns ein michel her.
Verse: 6881    nû enwil ich âne wer

Verse: 6882    alsô zagelîchen
Verse: 6883    ûzem wege niht entwîchen.

Verse: 6884    harte ringe ist mîn kraft:
Verse: 6885    doch gibe ich in ritterschaft

Verse: 6886    zeteslîcher mâze.
Verse: 6887    nû erbeizet zuo der strâze

Verse: 6888    unz ir gesehet wiez ergê.'
Verse: 6889    ich wæne der vrouwen ê

Verse: 6890    lützel leider geschach,
Verse: 6891    wan si sîn unkraft gesach.

Verse: 6892    in den wec hielt er.
Verse: 6893    enmitten riten si dort her.

Verse: 6894    der mâne bôt in schœne naht
Verse: 6895    der dô der wolken was endaht.

Verse: 6896    nû wart sîn der künec gewar,
Verse: 6897    wan er was der vorderst an der schar.

Verse: 6898    er sach in halten in den wec.
Verse: 6899    nû bereite sich Êrec
Verse group: (70) 
Verse: 6900    ie mitten ze wer.
Verse: 6901    nû sî got der in ner!

Verse: 6902    waz welt ir daz der künec tuo?
Verse: 6903    wan er bereite sich ouch dar zuo,

Verse: 6904    als er tjostieren solde,
Verse: 6905    ob er niht verzagen wolde,

Verse: 6906    des ich in vil sicher sage:
Verse: 6907    er enwas doch niht ein zage.

Verse: 6908    daz bescheinte er wol dâ
Verse: 6909    und ouch dicke anderswâ.

Verse: 6910    diu sper begunden si neigen
Verse: 6911    und ir kraft erzeigen.

Verse: 6912    zesamene liezen si gân:
Verse: 6913    dô wart ein rîchiu tjost getân.

Verse: 6914    die vil guoten knehte.
Verse: 6915    nû trâfen si vil rehte

Verse: 6916    beide nâch ir gemerke.
Verse: 6917    nû half niuwan sîn sterke

Verse: 6918    den baz geruoweten man
Verse: 6919    daz er den prîs dâ gewan

Verse: 6920    und im alsô wol geschach.
Verse: 6921    Êrecken er dâ nider stach

Verse: 6922    hinderz ors an daz gras
Verse: 6923    als lanc sô der schaft was.

Verse: 6924    über in erbeizete er dô:
Verse: 6925    des wart vrouwe ênîte unvrô.

Verse: 6926    diz was Êrecke nie geschehen:
Verse: 6927    ez enmöhte ouch nieman gejehen,

Verse: 6928    er enwelle in liegen an,
Verse: 6929    daz in ie dehein man

Verse: 6930    gestæche zuo der erde:
Verse: 6931    ouch wæres der werde

Verse: 6932    vil wol über worden dâ zestunt,
Verse: 6933    unde wære er gesunt.

Verse: 6934    sus was entwichen im diu kraft,
Verse: 6935    daz er muoste meisterschaft

Verse: 6936    dulden von des küneges hant.
Verse: 6937    den helm er im abe bant

Verse: 6938    und wolde in vol hân erslagen.
Verse: 6939    daz enmohte diu vrouwe niht vertragen.

Verse: 6940    dâ si dort stuont verborgen
Verse: 6941    in grôzen sorgen,

Verse: 6942    si entwelte deheine wîle,
Verse: 6943    si spranc ûz dem zîle

Verse: 6944    und begunde sich vellen
Verse: 6945    über ir gesellen.

Verse: 6946    si sprach: ʽnein, ritter guot,
Verse: 6947    gewünne dû ie ritters muot,

Verse: 6948    niht erslach mir mînen man!
Verse: 6949    und gedenke dar an:

Verse: 6950    er ist wunt sêre,
Verse: 6951    dû bist sus gar âne êre,

Verse: 6952    swaz dû im nû mê getuost,
Verse: 6953    wan dû es sünde haben muost.

Verse: 6954    in hât der künec guivreiz,
Verse: 6955    ob ich sînen namen weiz,

Verse: 6956    verwundet in die sîten.'
Verse: 6957    guivreiz vrouwen ênîten

Verse: 6958    bî der stimme erkande,
Verse: 6959    ouch half ez daz si in nande.

Verse: 6960    vil gâhes stuont er hôher dan.
Verse: 6961    er sprach: ʽvrouwe, saget an

Verse: 6962    wer dirre ritter sî,
Verse: 6963    unde saget mir dâ bî

Verse: 6964    wâ von ir mich erkennet:
Verse: 6965    ich binz den ir dâ nennet.

Verse: 6966    ich wæne mir übele sî geschehen.
Verse: 6967    vrouwe, ir sult mir verjehen

Verse: 6968    wiez umbe iuch sî gewant:
Verse: 6969    ist dirre herre Êrec genant

Verse: 6970    und ir vrouwe ênîte?
Verse: 6971    daz ich iht ze lange bîte:

Verse: 6972    wan ich bin durch in ûz komen,
Verse: 6973    und sage iu wie ich hân vernomen

Verse: 6974    von im mir leidiu mære,
Verse: 6975    daz er bekumbert wære

Verse: 6976    ûf lîmors hie nâhen bî.
Verse: 6977    ich vürhte er iu erslagen sî,

Verse: 6978    ich enschine ie mitten ûf der vart,
Verse: 6979    als ez mir gesaget wart,

Verse: 6980    ich und mîne gesellen,
Verse: 6981    daz wir im helfen wellen.

Verse: 6982    ich sûme mi1ch in dem walde:
Verse: 6983    ich solde im komen balde:

Verse: 6984    ez ist schade, wirt er erslagen.'
Verse: 6985    nû begunde si imz aber sagen

Verse: 6986    unde wortzeichen geben:
Verse: 6987    des beleip im daz leben.

Verse: 6988    daz hüetelîn si im abe bant:
Verse: 6989    dô wart er im rehte erkant.

Verse: 6990    vil gerne er in ane sach:
Verse: 6991    mit guotem willen er sprach:

Verse: 6992    ʽsît willekomen, herre,
Verse: 6993    und saget ob iu iht werre

Verse: 6994    oder waz wære diu geschiht.'
Verse: 6995    Êrec sprach: ʽmir enwirret niht:

Verse: 6996    ich bin anders wol gesunt,
Verse: 6997    wan dâ ich von iu wart wunt.'

Verse: 6998    des wart guivreiz vil vrô.
Verse: 6999    sîn houbet entwâfente er dô.
Verse group: (71) 
Verse: 7000    von vreuden dise zwêne man
Verse: 7001    liefen ein ander an

Verse: 7002    und kusten sich mit triuwen.
Verse: 7003    guivreiz stuont mit riuwen

Verse: 7004    umbe Êreckes ungemach,
Verse: 7005    der im von sîner tjost geschach.

Verse: 7006    als er daz begunde klagen,
Verse: 7007    Êrec sprach: ʽdes sult ir gedagen

Verse: 7008    und ûz iuwer ahte lân.
Verse: 7009    ir enhabet an mir niht missetân.

Verse: 7010    swelh man tœrlîche tuot,
Verse: 7011    wirts im gelônet, daz ist guot.

Verse: 7012    sît daz ich tumber man
Verse: 7013    ie von tumpheit muot gewan

Verse: 7014    sô grôzer unmâze
Verse: 7015    daz ich vremder strâze

Verse: 7016    eine wolde walten
Verse: 7017    unde vor behalten

Verse: 7018    sô manegem guoten knehte,
Verse: 7019    dô tâtet ir mir rehte.

Verse: 7020    mîn buoze wart ze kleine,
Verse: 7021    dô ich alters eine

Verse: 7022    iuwer aller êre wolde hân:
Verse: 7023    ich solde baz ze buoze stân.'

Verse: 7024    dô man der rede gar gesweic,
Verse: 7025    guivreiz vrouwen ênîten neic

Verse: 7026    und hiez si willekomen sîn.
Verse: 7027    des genâdete im diu künegîn.

Verse: 7028    nû si wurden wol gewar
Verse: 7029    daz im niht tœtlîches war,

Verse: 7030    des wâren si gemeine vrô.
Verse: 7031    ûf sâzen si dô

Verse: 7032    und riten doch unverre.
Verse: 7033    guivreiz der herre

Verse: 7034    vuorte si ûz dem wege
Verse: 7035    in gemelîcher phlege

Verse: 7036    an einen wisevlecken.
Verse: 7037    durch den herren Êrecken

Verse: 7038    beliben si dâ die naht
Verse: 7039    ze ruowe nâch sîner unmaht.

Verse: 7040    si wurden dâ berâten,
Verse: 7041    als si des state hâten,

Verse: 7042    mit vil guotem viure.
Verse: 7043    daz enwas in dâ bortiure:

Verse: 7044    dâ was waldes genuoc,
Verse: 7045    der in niuwan an daz viur truoc.

Verse: 7046    dô si dâ bî gesâzen
Verse: 7047    und ein teil vergâzen

Verse: 7048    kumberlîcher arbeit
Verse: 7049    und Êrec hâte geseit

Verse: 7050    waz kumbers er hete erliten
Verse: 7051    sît daz er was von im geriten,

Verse: 7052    dô si beide zeiner stunt
Verse: 7053    von ein ander wurden wunt

Verse: 7054    (daz selbe enhân ich niht verdaget,
Verse: 7055    ich enhabe ius gesaget

Verse: 7056    sô vil als ichs weste),
Verse: 7057    dise lieben geste

Verse: 7058    begunden si vil verre klagen
Verse: 7059    und gote grôze genâde sagen

Verse: 7060    daz Êrec dannoch lebete,
Verse: 7061    wan im vil dicke swebete

Verse: 7062    sîn lîp in solher wâge,
Verse: 7063    als ûf des meres wâge

Verse: 7064    ein schefbrüchiger man
Verse: 7065    ûf einem brete kæme dan

Verse: 7066    ûz an daz stat gerunnen.
Verse: 7067    ofte hete er gewunnen

Verse: 7068    ein leben zwîvelîchez
Verse: 7069    und disem wol gelîchez:

Verse: 7070    nû hete in an der genâden sant
Verse: 7071    ûz kumbers ünden gesant

Verse: 7072    got und sîn vrümekeit,
Verse: 7073    daz er nû allez sîn leit

Verse: 7074    hâte überwunden,
Verse: 7075    daz er ze disen stunden

Verse: 7076    vol vrœlîchen saz.
Verse: 7077    got helfe im nû vürbaz:

Verse: 7078    im ist noch gelungen âne strît.
Verse: 7079    nû was ouch slâfennes zît.

Verse: 7080    dô giengen die knehte
Verse: 7081    spehen sament rehte

Verse: 7082    welh stat in dâ töhte
Verse: 7083    dâ man in betten möhte.

Verse: 7084    als si dô giengen suochen,
Verse: 7085    nû sâhen si drî buochen

Verse: 7086    enhalp bî dem viure stân,
Verse: 7087    breit unde wol getân,

Verse: 7088    gelîche lanc gewahsen,
Verse: 7089    mit rîchen loupvahsen,

Verse: 7090    mit wol zebreiten esten.
Verse: 7091    den vil lieben gesten

Verse: 7092    betten si dar under,
Verse: 7093    under eine besunder

Verse: 7094    Êrecke und vrouwen ênîten,
Verse: 7095    die ze manegen zîten

Verse: 7096    bî ein ander niht enlâgen
Verse: 7097    noch geselleschefte phlâgen

Verse: 7098    mit slâfe und mit mazze.
Verse: 7099    dem unbescheiden hazze
Verse group: (72) 
Verse: 7100    wart ein ende gegeben
Verse: 7101    und kurn in ein bezzer leben.

Verse: 7102    dem wirte betten sî
Verse: 7103    under die næhsten dâ bî

Verse: 7104    (diu selbe stuont enmitten),
Verse: 7105    den rittern under die dritten.

Verse: 7106    ʽnû sage waz wære ir bettewât?'
Verse: 7107    entriuwen, als ez der walt hât,

Verse: 7108    schœnez loup und reinez gras,
Verse: 7109    sôz in dem walde beste was.

Verse: 7110    waz touc daz lange vrâgen,
Verse: 7111    wan daz si doch lâgen?

Verse: 7112    diu naht ein süezez ende nam.
Verse: 7113    als in dô der tac kam,

Verse: 7114    nû riten si von dan.
Verse: 7115    der vil wênige man,

Verse: 7116    guivreiz ir wirt, vuorte sî
Verse: 7117    ze bezzerm gemache dâ bî,

Verse: 7118    ûf eine sîne veste
Verse: 7119    dâ er si bewart weste

Verse: 7120    ze vollem gemache.
Verse: 7121    von aller guoten sache

Verse: 7122    sô was daz selbe hûs vol,
Verse: 7123    rehte als ich iu sagen sol.

Verse: 7124    ez stuont enmitten in einem sê:
Verse: 7125    der gap im genuoc und dannoch mê

Verse: 7126    der aller besten vische
Verse: 7127    die ie ze küneges tische

Verse: 7128    dehein man gebrâhte,
Verse: 7129    swelher hande man gedâhte.

Verse: 7130    dar zuo was dâ daz beste jaget
Verse: 7131    dâ von uns ie wart gesaget.

Verse: 7132    ez hete der künec umbe den sê
Verse: 7133    wol zwô mîle oder mê

Verse: 7134    des waldes in gevangen
Verse: 7135    und mit mûre umbegangen:

Verse: 7136    dar in engienc dehein tor mê
Verse: 7137    niuwan ûz gegen dem sê.

Verse: 7138    mit mûre was der selbe kreiz,
Verse: 7139    als ich iu ze sagen weiz,

Verse: 7140    gelîche endriu gescheiden.
Verse: 7141    daz ein teil von den beiden

Verse: 7142    hâte rôtwildes genuoc:
Verse: 7143    swarzwilt daz ander teil truoc.

Verse: 7144    in dem dritten teile dâ bî,
Verse: 7145    vrâget ir waz dar inne sî?

Verse: 7146    dâ wâren inne besunder
Verse: 7147    niuwan kleiniu kunder,

Verse: 7148    vühse hasen und diu gelîche.
Verse: 7149    ez was et vil volleclîche

Verse: 7150    erziuget dirre wiltban
Verse: 7151    und alsô daz dehein man

Verse: 7152    der doch gerne wolde jagen
Verse: 7153    nimmer dörfte geklagen

Verse: 7154    daz er wildes niht envunde.
Verse: 7155    ouch hete der wirt der hunde

Verse: 7156    die smannes willen tâten
Verse: 7157    diz jagehûs wol berâten.

Verse: 7158    swenne er dar ûz sach maneges site
Verse: 7159    daz er rande dâ mite,

Verse: 7160    swâ er bî den zinnen saz,
Verse: 7161    sô ensâhenz jene niht vil baz

Verse: 7162    die dâ mite randen.
Verse: 7163    wer solde im aber daz enblanden

Verse: 7164    swenne er möhte mit den vrouwen
Verse: 7165    abe dem hûse schouwen

Verse: 7166    loufen die hunde?
Verse: 7167    wan ze swelher stunde

Verse: 7168    daz rôtwilt ersprenget wart,
Verse: 7169    sô was sîn jungeste vart

Verse: 7170    ie ze wazzer in den sê,
Verse: 7171    unde wart ouch nimmer mê

Verse: 7172    erloufen niender anderswâ
Verse: 7173    wan under dem hûse dâ.

Verse: 7174    und swes muot begunde gern
Verse: 7175    jagen swîn oder bern,

Verse: 7176    der vant ze dem genieze
Verse: 7177    vil starke breite spieze,

Verse: 7178    und wolde er den hasen jagen,
Verse: 7179    als ir ê hôrtet sagen,

Verse: 7180    der mohte vinden
Verse: 7181    den wunsch von hasenwinden.

Verse: 7182    nû jage selbe swaz dû wilt.
Verse: 7183    hie sint hunde unde wilt

Verse: 7184    und swaz ze jagenne ist nütze,
Verse: 7185    netze und guot geschütze,

Verse: 7186    und swes vürbaz gert dîn muot.
Verse: 7187    hie was diu kurzwîle guot.

Verse: 7188    penefrec was diz hûs genant,
Verse: 7189    dâ man dehein gebresten vant

Verse: 7190    unde volleclîchen rât,
Verse: 7191    vische unde wiltbrât,

Verse: 7192    beide semeln unde wîn.
Verse: 7193    swaz dâ mêre solde sîn,

Verse: 7194    vil lützel des dâ gebrast.
Verse: 7195    dar umbe hete den werden gast

Verse: 7196    der wirt ze ruowe dar brâht,
Verse: 7197    wan im was des wol gedâht

Verse: 7198    daz er dâ mit sînem wîbe
Verse: 7199    wider kæme ze lîbe.
Verse group: (73) 
Verse: 7200    ouch was dâ guot geræte
Verse: 7201    von rîcher bettewæte.

Verse: 7202    sîner vrümekeit ze lône
Verse: 7203    sô wart er dâ vil schône

Verse: 7204    gewirdet und gehalten:
Verse: 7205    vil schône wart gewalten

Verse: 7206    sîn und der künegîn.
Verse: 7207    wer sol nû sîn arzât sîn,

Verse: 7208    der heile sîne wunden?
Verse: 7209    dar zuo hete er dâ vunden

Verse: 7210    vrouwen vil rîche,
Verse: 7211    edele, wætlîche,

Verse: 7212    des küneges swester zwô.
Verse: 7213    die wâren doch des vil vrô

Verse: 7214    und in ir herzen gemeit
Verse: 7215    daz er in alsô gereit

Verse: 7216    daz er ir dienest muoste nemen.
Verse: 7217    der arzâte mohte in wol gezemen.

Verse: 7218    si heilten sîne wunden,
Verse: 7219    wan siz wol kunden.

Verse: 7220    ouch phlac sîn diu guote
Verse: 7221    mit vil getriuwer huote,

Verse: 7222    vrouwe ênîte.
Verse: 7223    dâ von wart sîn sîte

Verse: 7224    schône unde vol heil.
Verse: 7225    si heten des phlasters ein teil

Verse: 7226    dâ von ich ê gesaget hân,
Verse: 7227    daz dâ fâmurgân

Verse: 7228    hâte gemachet mit ir hant.
Verse: 7229    des hâte in ze gebe gesant

Verse: 7230    vrouwe ginovêr ein teil.
Verse: 7231    daz was ouch dises mannes heil.

Verse: 7232    ûf dem hûs ze penefrec
Verse: 7233    dâ entwelte der künec Êrec,

Verse: 7234    unz er vol geheilet was
Verse: 7235    und sîner wunden genas,

Verse: 7236    rehte vierzehen naht.
Verse: 7237    als im dô sînes lîbes maht

Verse: 7238    volleclîche wider wart,
Verse: 7239    dô hügete er wider ûf die vart.

Verse: 7240    swie guot gemach dâ wære,
Verse: 7241    im was dâ vil swære.

Verse: 7242    der tugenthafte man
Verse: 7243    zewâre er gedâhte von dan

Verse: 7244    wol alsô balde
Verse: 7245    als er in einem walde

Verse: 7246    wære âne obedach,
Verse: 7247    eine âne allen gemach,

Verse: 7248    dâ den unvalschen degen
Verse: 7249    beide wint unde regen

Verse: 7250    harte sêre muote.
Verse: 7251    daz kam von dem muote

Verse: 7252    daz im dehein werltsache
Verse: 7253    was vor dem gemache

Verse: 7254    dâ er ritterschaft vant
Verse: 7255    und dâ er mit sîner hant

Verse: 7256    die sêre muoste urborn.
Verse: 7257    diz leben hâte er erkorn.

Verse: 7258    im was dâ mitelîhte baz:
Verse: 7259    ez was sîn slâf und sîn maz.

Verse: 7260    die vierzehen naht, daz ist wâr,
Verse: 7261    dûhten in als manec jâr.

Verse: 7262    er enwolde dâ niht tweln mê
Verse: 7263    und wære geriten, möhte er, ê.

Verse: 7264    ouwê vrouwen ênîten!
Verse: 7265    waz sol doch si nû rîten,

Verse: 7266    diu schœne guote wol geborn?
Verse: 7267    wan si hâte ir phert verlorn,

Verse: 7268    als ir ê wol hôrtet sagen,
Verse: 7269    dô der grâve oringles wart erslagen

Verse: 7270    ûf lîmors und dô von dan
Verse: 7271    Êrec mit ir sô kûme entran.

Verse: 7272    daz siz nû verlorn hât,
Verse: 7273    des solde doch werden rât.

Verse: 7274    si wirt es wol ergetzet,
Verse: 7275    wan man irz ersetzet,

Verse: 7276    daz si diz nimmer darf geklagen.
Verse: 7277    mit einem, als ich iu wil sagen,

Verse: 7278    daz doch nie dehein man
Verse: 7279    dehein schœnerz gewan

Verse: 7280    noch solde beschouwen.
Verse: 7281    diz gâben ir die vrouwen,

Verse: 7282    des küneges swester zwô,
Verse: 7283    unde wâren des vil vrô

Verse: 7284    daz siz geruochte von in nemen.
Verse: 7285    ouch mohte sis vil wol gezemen.

Verse: 7286    vrâget iemen mære
Verse: 7287    ob ez schœner wære

Verse: 7288    dan daz si unz her geriten hât?
Verse: 7289    ir ahte vil ungelîche stât.

Verse: 7290    alsô was ez gezieret:
Verse: 7291    rehte geparrieret,

Verse: 7292    schilthalben garwe
Verse: 7293    mit volblanker varwe,

Verse: 7294    daz niht wîzers mohte sîn,
Verse: 7295    und alsô schœne daz der schîn

Verse: 7296    den ougen widerglaste.
Verse: 7297    ez enmohte niemen vaste

Verse: 7298    deheine wîle ane gesehen:
Verse: 7299    des hôrte ich im den meister jehen.
Verse group: (74) 
Verse: 7300    nû hete diu ander sîte
Verse: 7301    dirre ze widerstrîte

Verse: 7302    gekêret allen ir vlîz.
Verse: 7303    alzan genzlîchen wîz

Verse: 7304    sô disiu schilthalben was
Verse: 7305    von der ich iu nû dâ las,

Verse: 7306    alse swarz was disiu hie
Verse: 7307    dâ diu wîze abe gie.

Verse: 7308    ez was et swarz unde wîz.
Verse: 7309    dirre mislîche vlîz

Verse: 7310    was schône underscheiden:
Verse: 7311    zwischen den varwen beiden

Verse: 7312    was ein strich über geleit
Verse: 7313    wol eins halben vingers breit.

Verse: 7314    der strich grüene was
Verse: 7315    unde lieht sam ein gras.

Verse: 7316    an dem mûle er ane vie,
Verse: 7317    als ein penselstrich er gie

Verse: 7318    zwischen den ôren dane,
Verse: 7319    vil ebene über die mane,

Verse: 7320    engegen den goffen über den grât,
Verse: 7321    unz dâ daz phert ende hât,

Verse: 7322    zwischen den brüsten nider alsam,
Verse: 7323    als ez doch wol gezam.

Verse: 7324    diz wâren seltsæniu dinc.
Verse: 7325    umbe ietweder ouge gienc ein rinc

Verse: 7326    der selben varwe, daz ist wâr.
Verse: 7327    weich und reit was im daz hâr,

Verse: 7328    nâch dem teile gevangen
Verse: 7329    dâz hin was gehangen,

Verse: 7330    ze rehte dic und niht tief:
Verse: 7331    niht vol ez an diu knie enswief.

Verse: 7332    der zoph was vür daz houbet lanc,
Verse: 7333    halp swarz, halp blanc,

Verse: 7334    als in diu grüene varwe schiet.
Verse: 7335    der zagel alsam geriet.

Verse: 7336    sît ich nû gesaget hân
Verse: 7337    wie daz phert wære getân,

Verse: 7338    wiez anders wære gestalt
Verse: 7339    daz sol iu werden gezalt.

Verse: 7340    ez was erwünschet alsô:
Verse: 7341    weder ze nider noch ze hô,

Verse: 7342    weder ze kurz noch ze lanc,
Verse: 7343    weder ze grôz noch ze kranc.

Verse: 7344    sîn dürre houbet ez truoc
Verse: 7345    nâch sînem rehte hôch genuoc,

Verse: 7346    mit ragenden ôren niht lanc,
Verse: 7347    daz eine swarz, daz ander blanc:

Verse: 7348    daz swarze ein wizzer rinc bevie,
Verse: 7349    ein swarzer umbe daz wîze gie:

Verse: 7350    sîn kel dic und ûf gezogen,
Verse: 7351    ze rehter mâze gebogen,

Verse: 7352    kleine dâ si anz houbet gie:
Verse: 7353    geschaffen dort unde hie

Verse: 7354    daz es iuch wol möhte lüsten:
Verse: 7355    starc und wêt zen brüsten:

Verse: 7356    mit dürrem gebeine,
Verse: 7357    ze grôz noch ze kleine:

Verse: 7358    diu wâren vlach unde sleht,
Verse: 7359    als einem tiere ûfreht.

Verse: 7360    ez hâte, sêt ichz loben muoz,
Verse: 7361    kurzen vezzel, hôhen vuoz:

Verse: 7362    die wâren ouch ze rehte gar,
Verse: 7363    alle swarz gelêche var.

Verse: 7364    und enwischetez nimmer kneht,
Verse: 7365    sô wærez doch schœne und sleht.

Verse: 7366    alsô was sên geschaft
Verse: 7367    daz von sêner meisterschaft

Verse: 7368    ein werltwêser man
Verse: 7369    der aller dinge ahte kan

Verse: 7370    niht bezzers betrahte,
Verse: 7371    ob er in sêner ahte

Verse: 7372    aht ganzer jâre saêze
Verse: 7373    unde niht vergæze

Verse: 7374    wan daz erpruofte sên muot
Verse: 7375    ein phert schœne und volle guot:

Verse: 7376    alsô was ez gestalt.
Verse: 7377    und ob er danne den gewalt

Verse: 7378    von dem wunsche hæte,
Verse: 7379    daz ez belibe stæte

Verse: 7380    swes er dar zuo gedæhte,
Verse: 7381    und swenne erz vollebræhte,

Verse: 7382    daz erz vür sich stalte
Verse: 7383    und er von sênem gewalte

Verse: 7384    dar abe næme
Verse: 7385    swaz dar an im missezæme,

Verse: 7386    alsô was ez vollekomen
Verse: 7387    daz er dar abe niht hete genomen

Verse: 7388    alse grôz als umbe ein hâr.
Verse: 7389    giht ieman: ʽer enhât niht wâr',

Verse: 7390    dem bescheide ich die rede baz,
Verse: 7391    daz er rehte erkenne daz

Verse: 7392    diu rede wese ungelogen.
Verse: 7393    ez was dâ heime niht erzogen.

Verse: 7394    ich sage iu wie ez dar was komen.
Verse: 7395    ez hete der wirt selbe genomen

Verse: 7396    einem wilden getwerge
Verse: 7397    vor einem holen berge,

Verse: 7398    dô er nâch sêner gewonheit
Verse: 7399    ze walde nâch âventiure reit.
Verse group: (75) 
Verse: 7400    ez hâte ez vil vaste
Verse: 7401    gebunden zeinem aste:

Verse: 7402    dô was ez gegangen dan.
Verse: 7403    alsô vant ez dirre man:

Verse: 7404    abe dem aste er ez nam.
Verse: 7405    als daz getwerc wider kam

Verse: 7406    und ez daz phert niene vant
Verse: 7407    an dem boume darz ez bant,

Verse: 7408    grôz was sên ungemach.
Verse: 7409    und als ez daz phert ersach

Verse: 7410    in vremder gewalt,
Verse: 7411    dô wart vil manecvalt

Verse: 7412    sên schrêen und sên weinen,
Verse: 7413    und begunde wol bescheinen

Verse: 7414    des pherdes güete:
Verse: 7415    mit grôzem ungemüete

Verse: 7416    wan ez vil starke.
Verse: 7417    driu tûsent marke

Verse: 7418    bôt ez im von golde
Verse: 7419    daz er imz lâzen solde.

Verse: 7420    nû versprach er swaz ez im bôt.
Verse: 7421    sêner habe was im unnôt:

Verse: 7422    alsô vuorte erz von dan.
Verse: 7423    nû huop der wênige man

Verse: 7424    von jâmer alsô grôzen schal
Verse: 7425    daz im der berc engegen hal.

Verse: 7426    daz satellên daz dar ûf lac,
Verse: 7427    swer daz mit golde widerwac,

Verse: 7428    nâch sênem rehte erz niht engalt.
Verse: 7429    dâ von enwirt iu niht mê gezalt,

Verse: 7430    daz ich die rede iht lenge,
Verse: 7431    wan ez was doch zenge

Verse: 7432    einem gewahsen man.
Verse: 7433    und als erz ûz dem walde dan

Verse: 7434    ze penefrec brâhte,
Verse: 7435    er gapz den ers gedâhte,

Verse: 7436    sênen swesteren zwein:
Verse: 7437    dar an ez vil wol schein

Verse: 7438    daz er si liep hâte,
Verse: 7439    wan ez truoc sanfte und drâte

Verse: 7440    unde sage iu rehte wie.
Verse: 7441    swennez den vuoz zer erde lie,

Verse: 7442    sô trat ez alsô lêse
Verse: 7443    daz niemen wære sô wêse

Verse: 7444    der ze deheiner stunde
Verse: 7445    den trit gehœren kunde.

Verse: 7446    swer dar ûfe gesaz,
Verse: 7447    zewâre sage ich iu daz,

Verse: 7448    daz er dar ûfe lebete
Verse: 7449    rehte sam er swebete.

Verse: 7450    wan daz ez niht rehte kæme
Verse: 7451    und ein teil missezæme

Verse: 7452    von einem pherde alsô vil
Verse: 7453    ze sprechen (des ichz lâzen wil),

Verse: 7454    sô möhte ich wunder von im sagen:
Verse: 7455    sus wil ich lobes mê gedagen.

Verse: 7456    wan sagen swaz si wellen,
Verse: 7457    si mugen vil gezellen

Verse: 7458    unde sprechen ir muot,
Verse: 7459    ez enkam doch phert nie sô guot

Verse: 7460    in deheines mannes gewalt:
Verse: 7461    waz sol iu mê dâ von gezalt?

Verse: 7462    als uns der meister seite,
Verse: 7463    ein vrouwen gereite

Verse: 7464    wart ûf daz phert geleit,
Verse: 7465    dâ meisterlêcher arbeit

Verse: 7466    vil werkes ane lac.
Verse: 7467    ez hete geworht vil manegen tac

Verse: 7468    der wercwêseste man
Verse: 7469    der satelwerkes ie began,

Verse: 7470    ein meister, hiez umbrêz.
Verse: 7471    der doch allen sênen vlêz

Verse: 7472    dar leite vür wâr
Verse: 7473    wol vierdehalbez jâr,

Verse: 7474    unz er in vollebrâhte
Verse: 7475    dar nâch als er gedâhte.

Verse: 7476    daz ich iu rehte seite
Verse: 7477    von diseme gereite,

Verse: 7478    wie daz erziuget wære,
Verse: 7479    daz würde ze swære

Verse: 7480    einem alsô tumben knehte:
Verse: 7481    und ob ichz aber rehte

Verse: 7482    iu nû gesagen kunde,
Verse: 7483    sô wærez mit einem munde

Verse: 7484    iu ze sagenne al ze lanc.
Verse: 7485    ouch tuot daz mênem sinne kranc,

Verse: 7486    daz ich den satel nie gesach:
Verse: 7487    wan als mir dâ von bejach

Verse: 7488    von dem ich die rede hân,
Verse: 7489    sô wil ich iuch wizzen lân

Verse: 7490    ein teil wie er geprüevet was,
Verse: 7491    als ich an sênem buoche las,

Verse: 7492    sô ich kurzlêchest kan.
Verse: 7493    ʽnû swêc, lieber hartman:

Verse: 7494    ob ich ez errâte?'
Verse: 7495    ich tuon: nû sprechet drâte.

Verse: 7496    ʽich muoz gedenken ê dar nâch.'
Verse: 7497    nû vil drâte: mir ist gâch.

Verse: 7498    ʽdunke ich dich danne ein wêser man?'
Verse: 7499    jâ ir. durch got, nû saget an.
Verse group: (76) 
Verse: 7500    ʽich wil dir diz mære sagen.'
Verse: 7501    daz ander lâze ich iuch verdagen.

Verse: 7502    ʽer was guot hagenbüechên.'
Verse: 7503    jâ. wâ von möhte er mêre sên?

Verse: 7504    ʽmit liehtem golde übertragen.'
Verse: 7505    wer mohte iuz doch rehte sagen?

Verse: 7506    ʽvil starke gebunden.'
Verse: 7507    ir habet ez rehte ervunden.

Verse: 7508    ʽdar ûf ein scharlachen.'
Verse: 7509    des mac ich wol gelachen.

Verse: 7510    ʽsehet daz ichz rehte errâten kan.'
Verse: 7511    jâ, ir sêt ein weterwêser man.

Verse: 7512    ʽdû redest sam ez sê dên spot.'
Verse: 7513    wê, nein ez, durch got.

Verse: 7514    ʽjâ stât dir spotlêch der munt.'
Verse: 7515    ich lache gerne zaller stunt.

Verse: 7516    ʽsô hân ichz doch errâten?'
Verse: 7517    jâ, dâ si dâ trâten.

Verse: 7518    ʽich hân lêhte etewaz verdaget?'
Verse: 7519    jâ enwizzet ir hiute waz ir saget.

Verse: 7520    ʽenhân ich danne niht wâr?'
Verse: 7521    niht als grôz als umbe ein hâr.

Verse: 7522    ʽhân ich danne gar gelogen?'
Verse: 7523    niht, iuch hât sus betrogen

Verse: 7524    iuwer kintlêcher wân.
Verse: 7525    ir sult michz iu sagen lân.

Verse: 7526    sehet wie grôz ein grûz sê:
Verse: 7527    sô vil enwas dâ niht holzes bê.

Verse: 7528    er was von helfenbeine
Verse: 7529    und von edelem gesteine

Verse: 7530    joch von dem besten golde
Verse: 7531    daz ie werden solde

Verse: 7532    geliutert in dem viure:
Verse: 7533    valsch was im tiure.

Verse: 7534    von disen mâterjen drin
Verse: 7535    sô hâte des meisters sin

Verse: 7536    geprüevet diz gereite
Verse: 7537    mit grôzer wêsheite.

Verse: 7538    er gap dem helfenbeine
Verse: 7539    und dâ bê dem gesteine

Verse: 7540    sên gevellige stat,
Verse: 7541    als in diu gevuoge bat.

Verse: 7542    er muosete dar under
Verse: 7543    danne golt besunder,

Verse: 7544    daz muostez werc zesamene haben.
Verse: 7545    an disem gereite was ergraben

Verse: 7546    daz lange liet von troiâ.
Verse: 7547    zaller vorderst stuont dâ

Verse: 7548    wie des wart begunnen
Verse: 7549    daz si was gewunnen

Verse: 7550    unz daz si wart zestœret:
Verse: 7551    dâ mite was dâ gehœret.

Verse: 7552    dâ engegen ergraben was
Verse: 7553    wie der herre ênêas,

Verse: 7554    der vil listige man,
Verse: 7555    über sê vuor von dan,

Verse: 7556    und wie er ze kartâgô kam,
Verse: 7557    und wie in in ir genâde nam

Verse: 7558    diu rêche vrouwe dêdô,
Verse: 7559    unde wie er si dô

Verse: 7560    vil ungeselleclêchen liez
Verse: 7561    und enleiste ir niht des er gehiez:

Verse: 7562    sus wart diu vrouwe betrogen.
Verse: 7563    an dem hindern satelbogen

Verse: 7564    sô was einhalp ergraben
Verse: 7565    ir vil starkez missehaben

Verse: 7566    und wie si im boten sande,
Verse: 7567    swie lützel si ins erwande.

Verse: 7568    bescheidenlêche stuont hie
Verse: 7569    swaz er dinges begie

Verse: 7570    daz sagebære wesen mac
Verse: 7571    von der zêt unz an den tac

Verse: 7572    daz er laurente betwanc.
Verse: 7573    daz wære ze sagenne ze lanc

Verse: 7574    wie er si in sênen gewalt gewan.
Verse: 7575    jenhalp stuont dar an

Verse: 7576    wie er vrouwen lavêniam
Verse: 7577    zêlêchem wêbe nam,

Verse: 7578    und wie dâ ze lande was
Verse: 7579    gewaltic herre ênêas

Verse: 7580    âne alle missewende
Verse: 7581    unz an sêns lêbes ende.

Verse: 7582    dâ mite der satel was bedaht,
Verse: 7583    daz was ein phelle wol geslaht,

Verse: 7584    sô er beste wesen solde
Verse: 7585    von sêden und von golde.

Verse: 7586    der phelle was ze rehte tief:
Verse: 7587    vil nâch er zuo der erde swief.

Verse: 7588    dâ stuonden an besunder
Verse: 7589    al der werlde wunder

Verse: 7590    und swaz der himel besliuzet.
Verse: 7591    ob iuchs niht verdriuzet,

Verse: 7592    sô wil ich iu ir ein teil sagen
Verse: 7593    und doch michels mê verdagen.

Verse: 7594    diu vier elementâ
Verse: 7595    stuonden schênbære dâ

Verse: 7596    in ir sundervarwe,
Verse: 7597    und in iegelêchem garwe

Verse: 7598    swaz dem undertænic ist:
Verse: 7599    diz meisterte ouch starker list.
Verse group: (77) 
Verse: 7600    diu erde von den vieren
Verse: 7601    stuont mit ir tieren,

Verse: 7602    swaz der dehein man
Verse: 7603    in sênem muote erkennen kan

Verse: 7604    an walde oder an gevilde,
Verse: 7605    zam oder wilde:

Verse: 7606    dâ stuont diu menschlêch geschaft,
Verse: 7607    geworht von solher meisterschaft

Verse: 7608    sam ez wolde sprechen
Verse: 7609    und bildes reht brechen.

Verse: 7610    dâ bê daz mer swebete:
Verse: 7611    dar inne sam er lebete

Verse: 7612    der visch, bê dem besunder
Verse: 7613    elliu merwunder

Verse: 7614    und swaz dâ bûwet smeres grunt.
Verse: 7615    der tæte mir der namen kunt,

Verse: 7616    ich wolde si gerne erkennen
Verse: 7617    und kunnen genennen.

Verse: 7618    dar zuo suochet iu einen man
Verse: 7619    der iu si wol genennen kan:

Verse: 7620    envindet ir des danne niht
Verse: 7621    (daz ouch vil lêhte geschiht),

Verse: 7622    sô volget mênem râte
Verse: 7623    und machet iuch ûf drâte,

Verse: 7624    vart selbe zuo dem mer:
Verse: 7625    dâ vindet ir inne des ein her.

Verse: 7626    gât an daz stat stân
Verse: 7627    unde bitet si gân

Verse: 7628    ûz ziu an den sant:
Verse: 7629    dâ werdent si iu erkant.

Verse: 7630    enhilfet danne daz niht
Verse: 7631    (daz aber lêhte geschiht),

Verse: 7632    sô suochet selbe den grunt:
Verse: 7633    dâ werdent si iu danne kunt

Verse: 7634    mit grôzem schaden, mit lützelm vrumen.
Verse: 7635    nû râte ich mênen vriunden sumen

Verse: 7636    daz si die niugerne lân
Verse: 7637    und hie heime bestân.

Verse: 7638    swes ein man wol al den tac
Verse: 7639    sô rehte lêhte engelten mac

Verse: 7640    und nimmer mêr geniezen,
Verse: 7641    des lât iuch, vriunt, erdriezen.

Verse: 7642    dâ stuont ouch daz dritte bê.
Verse: 7643    vrâget ir waz daz sê?

Verse: 7644    der luft in sêner ahte.
Verse: 7645    die vogele maneger slahte

Verse: 7646    swebeten dar inne,
Verse: 7647    geweben mit solhem sinne,

Verse: 7648    rehte sam si lebeten
Verse: 7649    und ûf zen lüften strebeten.

Verse: 7650    daz viur mit sênen trachen
Verse: 7651    und mit andern sachen

Verse: 7652    die des viures müezen leben,
Verse: 7653    die sach man ouch dar inne sweben.

Verse: 7654    diu ende ein lêste bevie
Verse: 7655    diu nider zuo der erde gie:

Verse: 7656    diu was einer hende breit,
Verse: 7657    mit edelem gesteine beleit.

Verse: 7658    daz lachen was doch rêch genuoc
Verse: 7659    daz jûpiter ze decke truoc

Verse: 7660    und diu gotinne jûnô,
Verse: 7661    dô si in ir rêche hô

Verse: 7662    in dem brûtstuole sâzen:
Verse: 7663    daz möhte sich gemâzen

Verse: 7664    disem sateltuoche als vil,
Verse: 7665    daz ich iu sagen wil,

Verse: 7666    sam der mâne der sunnen.
Verse: 7667    ir sult mir des wol gunnen

Verse: 7668    daz ich iu sage die wârheit.
Verse: 7669    beide guot und gemeit

Verse: 7670    wâren die stegereife,
Verse: 7671    breite goltreife,

Verse: 7672    gebildet nâch zwein trachen.
Verse: 7673    si kunde wol gemachen

Verse: 7674    des goltsmides hant
Verse: 7675    der sichs ze vlêze underwant.

Verse: 7676    die zagele si ze munde bugen,
Verse: 7677    ir vedern stuonden sam si vlugen,

Verse: 7678    ir ougen wâren steine,
Verse: 7679    vier jâchande kleine.

Verse: 7680    wes was dirre deweder,
Verse: 7681    darmgürtel joch stêcleder?

Verse: 7682    ir müestetz werc wol besehen
Verse: 7683    ê ir westet wes ir soldet jehen,

Verse: 7684    ob ez von golde wære durchslagen
Verse: 7685    oder mit sêden undertragen.

Verse: 7686    daz ez borten solden sên,
Verse: 7687    daz enwürde iu an den bilden schên

Verse: 7688    oder irn begriffetz mit der hant,
Verse: 7689    ez wære iu immer unerkant.

Verse: 7690    die rinken wâren silberên,
Verse: 7691    dar umbe daz man wêzen schên

Verse: 7692    vor dem golde sæhe,
Verse: 7693    veste unde spæhe.

Verse: 7694    harte guot was daz panel,
Verse: 7695    niht eines kalbes vel,

Verse: 7696    der ich doch manegez hân gesehen:
Verse: 7697    dâ enkunde niemen an erspehen

Verse: 7698    leder eines nagels breit:
Verse: 7699    ez was guot und gemeit,
Verse group: (78) 
Verse: 7700    als ez dem satele gezam
Verse: 7701    und im wol ze mâze kam,

Verse: 7702    gevüllet prêslêchen wol,
Verse: 7703    linde sam ein boumwol,

Verse: 7704    daz ez daz phert niht zebrach.
Verse: 7705    swaz man sên vor dem satel sach,

Verse: 7706    daz was gesteppet dicke.
Verse: 7707    ze guotem aneblicke

Verse: 7708    was dar an entworfen sus
Verse: 7709    wie tispê und pêramus,

Verse: 7710    betwungen von der minne,
Verse: 7711    behert rehter sinne,

Verse: 7712    ein riuwic ende nâmen
Verse: 7713    dô si zem brunnen kâmen.

Verse: 7714    daz die vasen solden sên,
Verse: 7715    daz was ein netze guldên,

Verse: 7716    gebriten von goltdræten
Verse: 7717    vesten unde stæten,

Verse: 7718    über die goffen zebreit.
Verse: 7719    dar umbe wâren geleit

Verse: 7720    edel steine genuoge,
Verse: 7721    ziegelêcher vuoge,

Verse: 7722    dâ sich die maschen strihten,
Verse: 7723    kriuzewês sich schihten.

Verse: 7724    an iegelêches knophes stat
Verse: 7725    was ein rubên ûf gesat

Verse: 7726    in lâsûrvarwe kasten.
Verse: 7727    die steine dar ûz glasten

Verse: 7728    einer hande garwe,
Verse: 7729    vol liehter varwe.

Verse: 7730    guot und gevüege
Verse: 7731    was daz vürbüege,

Verse: 7732    starc unde vil gemeit,
Verse: 7733    ein borte zweier vinger breit,

Verse: 7734    nâch dem zoume vollekomen
Verse: 7735    dar an daz phert was genomen.

Verse: 7736    ez wâren verworht dar inne
Verse: 7737    mit schœnem sinne

Verse: 7738    die einlif edelen steine:
Verse: 7739    der zwelfte der was eine

Verse: 7740    vor in den zoum geleit
Verse: 7741    in ein schêben, diu was breit,

Verse: 7742    diu nider vür den zoph gie
Verse: 7743    und vor dem houbete hie.

Verse: 7744    der liehte carbunculus,
Verse: 7745    dâ behielt er sên ambet sus,

Verse: 7746    wan im daz lieht ist geslaht,
Verse: 7747    ob im ie ze vinsterre naht

Verse: 7748    ze rêtenne geschæhe,
Verse: 7749    daz man dâ von gesæhe.

Verse: 7750    die einlif wâren hie in geleit,
Verse: 7751    an daz vürbüege zebreit,

Verse: 7752    zwischen den gehangen
Verse: 7753    guote goltklangen:

Verse: 7754    die hôrte man verre klingen.
Verse: 7755    von sus getânen dingen

Verse: 7756    was der satel vollebrâht
Verse: 7757    und baz dan ichs hân gedâht.

Verse: 7758    deiswâr ouch bedunket mich
Verse: 7759    reht unde billich

Verse: 7760    daz er mit vollem mære
Verse: 7761    harte schœner wære

Verse: 7762    dan dehein ander gereite,
Verse: 7763    wan er mit wârheite

Verse: 7764    dem schœnisten wêbe wart gegeben
Verse: 7765    diu in den jâren mohte leben,

Verse: 7766    der edeln vrouwen ênêten.
Verse: 7767    nûst zêt daz si rêten,

Verse: 7768    wan in sint diu ros komen.
Verse: 7769    hânt si dâne urloup genomen

Verse: 7770    von dem ingesinde?
Verse: 7771    jâ, von kinde ze kinde

Verse: 7772    und von des küneges swestern.
Verse: 7773    man ensolde willen vestern

Verse: 7774    vor noch sêt beschouwen
Verse: 7775    an deheinen andern vrouwen

Verse: 7776    zaller slahte guote.
Verse: 7777    zuht was in ir huote.

Verse: 7778    die vrouwen hânt ez alsô brâht
Verse: 7779    daz ir von rehte wirt gedâht

Verse: 7780    in der vorderisten zal
Verse: 7781    swâ guoter wêbe wirdet wal.

Verse: 7782    swâ mite ein wêp gedienen sol
Verse: 7783    daz si gote und der werlde wol

Verse: 7784    von schulden muoz gevallen,
Verse: 7785    des phlâgen si âne gallen,

Verse: 7786    mên vrouwe filledâmûr
Verse: 7787    und ir swester genteflûr.

Verse: 7788    nû riten si von dan,
Verse: 7789    ênête und dise zwêne man,

Verse: 7790    der wirt selbe und Êrec.
Verse: 7791    daz phert truoc dô den wec

Verse: 7792    sô sanfte vrouwen ênêten
Verse: 7793    daz ze deheinen zêten

Verse: 7794    eins hâres sanfter niht enlebet
Verse: 7795    der ûf dem ebenwâge swebet,

Verse: 7796    sô er den wint ze wunsche hât
Verse: 7797    und im sên schef âne angest gât.

Verse: 7798    si gedâhten rêten dâ zehant
Verse: 7799    ze britanje in daz lant
Verse group: (79) 
Verse: 7800    zem künege artûse.
Verse: 7801    ûf welhem sênem hûse

Verse: 7802    si in benamen vunden,
Verse: 7803    daz enwesten si zuo den stunden.

Verse: 7804    der künec guivreiz dô sprach
Verse: 7805    dô in ze rêtenne geschach:

Verse: 7806    ʽwir vinden in ze karidôl
Verse: 7807    oder benamen ze tintajôl.'

Verse: 7808    sus riten si nâch wâne,
Verse: 7809    und doch der gewisheit âne,

Verse: 7810    unz hin umbe mitten tac.
Verse: 7811    nû truoc si der huofslac

Verse: 7812    ûf einer schœnen heide
Verse: 7813    an eine wegescheide:

Verse: 7814    welh ze britanje in daz lant
Verse: 7815    gienge, daz was in unerkant.

Verse: 7816    die rehten strâze si vermiten:
Verse: 7817    die baz gebûwen si riten.

Verse: 7818    und dô si nâch der wêle
Verse: 7819    geriten wol vünf mêle,

Verse: 7820    ein burc si sâhen vor in stân,
Verse: 7821    michel unde wol getân.

Verse: 7822    und als si guivreiz ersach,
Verse: 7823    daz wart im vil ungemach

Verse: 7824    und begunde in vaste beswæren
Verse: 7825    daz si dar komen wæren.

Verse: 7826    ʽnû sage, von wiu?' daz weiz ich wol
Verse: 7827    und sagez sô ichz sagen sol.

Verse: 7828    des enist noch niht zêt.
Verse: 7829    wie gebitelôs ir sêt!

Verse: 7830    wer solde sên mære vür sagen?
Verse: 7831    ich enwil iuch niht verdagen

Verse: 7832    wie diu burc geschaffen wære:
Verse: 7833    daz vernemet an dem mære.

Verse: 7834    vil guot was daz burcstal:
Verse: 7835    als uns der âventiure zal

Verse: 7836    urkünde dâ von gêt,
Verse: 7837    sô was ez zwelf huoben wêt.

Verse: 7838    ez was ein sineweller stein
Verse: 7839    dâ niender bühel ane schein,

Verse: 7840    ebene sam er wære gedrân,
Verse: 7841    und ouch rehte getân

Verse: 7842    nâch des wunsches werde,
Verse: 7843    ûf von der erde

Verse: 7844    entwahsen wol den mangen.
Verse: 7845    den berc hete in gevangen

Verse: 7846    ein burcmûre hôch und dic.
Verse: 7847    ein ritterlêcher aneblic

Verse: 7848    ziertez hûs innen.
Verse: 7849    ez rageten vür die zinnen

Verse: 7850    türne von quâdern grôz,
Verse: 7851    der vuoge niht zesamene slôz

Verse: 7852    dehein sandic phlaster:
Verse: 7853    si wâren gebunden vaster,

Verse: 7854    mit êsen und mit blêe,
Verse: 7855    ie drêe unde drêe

Verse: 7856    nâhen zesamene gesat.
Verse: 7857    dâ enzwischen was diu stat

Verse: 7858    gezimbers niht lære.
Verse: 7859    dâ sâzen die burgære

Verse: 7860    nâch grôzer ir werdekeit.
Verse: 7861    alsô was daz hûs zebreit

Verse: 7862    mit den türnen. nâch ir zal
Verse: 7863    sô was ir drêzec über al.

Verse: 7864    sus was daz hûs gevieret:
Verse: 7865    die türne gezieret

Verse: 7866    obene mit goldes knophen rôt,
Verse: 7867    der iegelêcher verre bôt

Verse: 7868    in daz lant sênen glast.
Verse: 7869    daz bewêste den gast

Verse: 7870    dem dar ze varne geschach,
Verse: 7871    daz er den schên verre sach

Verse: 7872    und er des hûses ûf der vart
Verse: 7873    des tages niht verirret wart.

Verse: 7874    ein wazzer drunder hin vlôz,
Verse: 7875    des val gap michelen dôz,

Verse: 7876    wan ez durch ein gevelle lief.
Verse: 7877    daz selbe tal was alsô tief,

Verse: 7878    swer ûf die zinnen sitzen gie
Verse: 7879    und er ze tal diu ougen lie,

Verse: 7880    den dûhte daz gevelle
Verse: 7881    sam er sæhe in die helle:

Verse: 7882    der swindel in ze tal zôch,
Verse: 7883    sô daz er wider in vlôch.

Verse: 7884    an der anderen sêten
Verse: 7885    dâ man zuo mohte rêten,

Verse: 7886    dâ stuont ein stat vil rêche,
Verse: 7887    bezimbert rêchlêche,

Verse: 7888    diu einhalp anz wazzer gie.
Verse: 7889    anderhalp daz undervie

Verse: 7890    ein boumgarte schœne und wêt,
Verse: 7891    daz weder vor noch sêt

Verse: 7892    dehein schœner wart gesehen:
Verse: 7893    des hôrte ich im den meister jehen.

Verse: 7894    als Êrec daz hûs ersach,
Verse: 7895    ze sênem gesellen er sprach,

Verse: 7896    ob er die burc erkande,
Verse: 7897    und bat in daz er si nande.

Verse: 7898    sus antwurte im der herre:
Verse: 7899    ʽich erkenne si: wir sên verre
Verse group: (80) 
Verse: 7900    geriten von unser strâze.
Verse: 7901    daz ez got verwâze!

Verse: 7902    iedoch sô manege zête
Verse: 7903    sô ich disen wec rête,

Verse: 7904    sô ist mir bœslêch geschehen:
Verse: 7905    ich hân mich übele übersehen,

Verse: 7906    gezeiget zuo der winstern hant.'
Verse: 7907    er sprach: ʽbritanje daz lant

Verse: 7908    des endes verre hin lêt.
Verse: 7909    kêre wir wider enzêt:

Verse: 7910    ich bringe iuch wider ûf den wec.'
Verse: 7911    dô sprach der künec Êrec:

Verse: 7912    ʽwie zæme uns daz, vil edel man,
Verse: 7913    daz wir sus riten dan?

Verse: 7914    sêt wir sô nâhen komen sên,
Verse: 7915    sô volget durch den willen mên,

Verse: 7916    daz ich die burc müeze sehen.
Verse: 7917    daz sol benamen geschehen.

Verse: 7918    diz hûs ist sô wünneclich
Verse: 7919    und alsô schœne daz ich

Verse: 7920    ûzen dar an kiuse wol,
Verse: 7921    ist ez etewes innen vol

Verse: 7922    daz man sol gerne schouwen,
Verse: 7923    ez enist niht âne vrouwen.

Verse: 7924    ich wil daz hûs erkunnen:
Verse: 7925    des sult ir mir wol gunnen.'

Verse: 7926    ʽmirst leit daz ich ius gunnen sol.
Verse: 7927    wê dan sô irz bevindet wol!'

Verse: 7928    ʽwaz meinet ir, künec guivreiz?'
Verse: 7929    ʽich enmeine niht wan daz ich weiz.'

Verse: 7930    ʽdurch got, nû saget waz?'
Verse: 7931    ʽnû kêret wider. daz kumt uns baz.'

Verse: 7932    ʽmich wundert waz ir meinet.'
Verse: 7933    ʽez wirt iu wol bescheinet,

Verse: 7934    und welt ir niht erwinden.'
Verse: 7935    ʽich muoz ez benamen ervinden.

Verse: 7936    ez enist niht wirsers dan der tôt.'
Verse: 7937    ʽsô kumt ir lêhte in die nôt

Verse: 7938    die iuwer vriunt enmugen verklagen.'
Verse: 7939    ʽmuget ir mirz durch got nû sagen?

Verse: 7940    mich wundert waz ez müge sên.'
Verse: 7941    ʽdâ erwindet durch die liebe mên.

Verse: 7942    ich dienez immer als ich sol.'
Verse: 7943    ʽdaz enzæme mir niht wol:

Verse: 7944    wan sô möhtet ir haben wân
Verse: 7945    daz ich durch vorhte hæte lân

Verse: 7946    dise selben reise.
Verse: 7947    ouch enist dehein freise

Verse: 7948    ir enmöhtent si mich wizzen lân:
Verse: 7949    und wære si danne sô getân

Verse: 7950    dar umbe ich solde erwinden,
Verse: 7951    daz lieze ich an mir vinden.'

Verse: 7952    ʽher künec', sprach guivreiz,
Verse: 7953    ʽich sagez rehte als ichz weiz:

Verse: 7954    diu vreise enist niht ze ringe,
Verse: 7955    und ûf daz gedinge

Verse: 7956    als iuwer munt gesprochen hât,
Verse: 7957    daz ir dise reise lât,

Verse: 7958    sô wil ich iuchz wizzen lân.
Verse: 7959    diz hûs heizet brandigân,

Verse: 7960    und ist vil manec ritter guot
Verse: 7961    durch sênen genendigen muot

Verse: 7962    ûf âventiure her komen,
Verse: 7963    die alle dar an hânt genomen

Verse: 7964    schaden zuo den schanden,
Verse: 7965    die besten von allen landen.

Verse: 7966    des ist nû gewesen lanc
Verse: 7967    daz ir deheinem nie gelanc,

Verse: 7968    wan allen gelêche,
Verse: 7969    sô daz sê klegelêche

Verse: 7970    alle hie sint erslagen.
Verse: 7971    waz mac ich iu mêre sagen?

Verse: 7972    wan ich wil unde muoz
Verse: 7973    mich bieten an iuwern vuoz,

Verse: 7974    daz ir erwindet durch mênen rât.
Verse: 7975    ein âventiure hie stât

Verse: 7976    ze solhem gewinne
Verse: 7977    daz ich in mênem sinne

Verse: 7978    des vil grôze angest hân,
Verse: 7979    ez müeze iu alsam ergân

Verse: 7980    als ez allen den ergie
Verse: 7981    die noch her kâmen ie.'

Verse: 7982    Êrec sus antwürten began:
Verse: 7983    ʽsô wære ich ein verzaget man

Verse: 7984    und hete des missewende,
Verse: 7985    ich enweste der rede ein ende,

Verse: 7986    solde ich sus erwinden.
Verse: 7987    muget ir mich lân bevinden,

Verse: 7988    waz ist ez oder wie hât ez namen?
Verse: 7989    ich müeste mich wol immer schamen,

Verse: 7990    solde ich vürhten ichn weiz waz.
Verse: 7991    nû war umbe tuot ir daz

Verse: 7992    daz ir sô lange mich verdaget
Verse: 7993    daz ir mirs niht ein ende saget?

Verse: 7994    wan swaz doch mir dâ von geschiht,
Verse: 7995    benamen ichn erwinde niht

Verse: 7996    unz ich die rede baz enweiz.'
Verse: 7997    dô sprach der künec guivreiz:

Verse: 7998    ʽnû wil ich iuch wizzen lân
Verse: 7999    wie diu âventiure ist getân,
Verse group: (81) 
Verse: 8000    und rehte wiez dar umbe stât,
Verse: 8001    sêt irs enwellet haben rât.

Verse: 8002    sist joie de la curt genant.'
Verse: 8003    daz selbe wort ist unerkant

Verse: 8004    under tiutschen liuten:
Verse: 8005    durch daz wil ichz diuten:

Verse: 8006    des hoves vreude sprichet daz.
Verse: 8007    ouch sagete er im vürbaz.

Verse: 8008    er sprach: ʽmuget ir warten?
Verse: 8009    seht ir den boumgarten

Verse: 8010    der under dem hûse lêt?
Verse: 8011    dâ hât sich nû vil manege zêt

Verse: 8012    ein ritter gehalten inne.
Verse: 8013    si stât ze solhem gewinne

Verse: 8014    als ich iu rehte wil sagen.
Verse: 8015    swer si hie sol bejagen,

Verse: 8016    daz hât er im ze rehte
Verse: 8017    daz er si an im ervehte.

Verse: 8018    der wirt ist sên œheim.
Verse: 8019    als noch ie an im schein,

Verse: 8020    sô enlebet sên gelêche
Verse: 8021    niender in dem rêche

Verse: 8022    von sterke und ouch von manheit.
Verse: 8023    swaz im noch ritter widerreit,

Verse: 8024    die si wolden bejagen,
Verse: 8025    die hât er alle erslagen:

Verse: 8026    im enmohte niht wider sên.
Verse: 8027    noch erwindet durch die liebe mên.'

Verse: 8028    dô sprancte der künec Êrec
Verse: 8029    vil sêre lachende ûf den wec.

Verse: 8030    er sprach: ʽedel ritter, nû wol dan!
Verse: 8031    und ist ez niuwan ein man

Verse: 8032    an dem si ze gewinne stât,
Verse: 8033    des möhte werden guot rât.

Verse: 8034    wâ mite machet irz sô grôz?
Verse: 8035    weder ist er berc oder berges genôz,

Verse: 8036    daz man in alsô vürhten sol?
Verse: 8037    ich wânde daz hûs wære vol

Verse: 8038    gewürmes und wilder tiere
Verse: 8039    diu uns alsô schiere

Verse: 8040    âne wer den lêp næmen,
Verse: 8041    sô wir dar kæmen.

Verse: 8042    noch hân ich ze lebene wân.
Verse: 8043    er enwirt doch des niht erlân,

Verse: 8044    ob es got geruochet,
Verse: 8045    ez enwerde an im versuochet.

Verse: 8046    sleht er mich, sô bin ich tôt:
Verse: 8047    daz ist der werlde ein ringiu nôt.'

Verse: 8048    guivreiz der künec guot
Verse: 8049    erkande in wol alsô gemuot

Verse: 8050    daz er benamen vollerite
Verse: 8051    und daz durch niemen enmite.

Verse: 8052    dâ von geschach im ungemach.
Verse: 8053    dô erz hûs von êrste ane sach,

Verse: 8054    ez enhalf dehein widerstrêten,
Verse: 8055    er enwolde vollerêten.

Verse: 8056    nû huoben si sich ûf den wec.
Verse: 8057    und als der künec Êrec

Verse: 8058    mit sênem schœnen wêbe,
Verse: 8059    ze vreise sênem lêbe,

Verse: 8060    nû reit gegen brandigân,
Verse: 8061    die stat die er drunder sach stân,

Verse: 8062    dâ was inne vreuden vil,
Verse: 8063    tanz und aller slahte spil

Verse: 8064    daz jungen liuten wol gezam.
Verse: 8065    und als er zuo geriten kam

Verse: 8066    und si die schœnen ênêten
Verse: 8067    dâ vür sâhen rêten

Verse: 8068    und nâch ir die zwêne man,
Verse: 8069    nû sâhen si die vrouwen an

Verse: 8070    und begunde menlêch des jehen
Verse: 8071    daz er unz dar nie gesehen

Verse: 8072    deheine vrouwen hæte
Verse: 8073    von lêbe und ouch von wæte,

Verse: 8074    von pherde und von gereite,
Verse: 8075    sô schœne und sô gemeite.

Verse: 8076    sâ zuo den stunden
Verse: 8077    si alle begunden,

Verse: 8078    wêp und man beide,
Verse: 8079    von nâhe gândem leide

Verse: 8080    ir vreuden entwêchen
Verse: 8081    und vil jæmerlêchen

Verse: 8082    klagen daz wünneclêche wêp,
Verse: 8083    und daz verliesen sênen lêp

Verse: 8084    solde ein alsô vrumer man,
Verse: 8085    wan dâ enzwêvelten si niht an.

Verse: 8086    si sprâchen: ʽherre, rêcher got,
Verse: 8087    war umbe geschuof dên gebot

Verse: 8088    einen sô vollekomen man?
Verse: 8089    dâ wære vol dên genâde an

Verse: 8090    daz dû in hætest bewart
Verse: 8091    vor dirre leidigen vart,

Verse: 8092    daz er iht wære komen,
Verse: 8093    wan hie wirt im der lêp benomen.

Verse: 8094    ouwê dû vil armez wêp!
Verse: 8095    wie dû qültest dênen lêp,

Verse: 8096    ob dû möhtest wizzen wol
Verse: 8097    waz dir hie geschehen sol!

Verse: 8098    wie dêniu liehtiu ougen
Verse: 8099    mit trüebe suln verlougen
Verse group: (82) 
Verse: 8100    daz si sô spillêchen stânt
Verse: 8101    unde kumbers niht enhânt,

Verse: 8102    unde dên vil rôter munt,
Verse: 8103    der die liute hie zestunt

Verse: 8104    dir engegen lachen tuot!
Verse: 8105    und wie dû dênen gelphen muot

Verse: 8106    mit leide verkiusest,
Verse: 8107    sô dû dênen man verliusest!'

Verse: 8108    si klageten et alle.
Verse: 8109    diz geschach niht mit schalle:

Verse: 8110    ez wart mit murmel getân,
Verse: 8111    daz er sichs iht solde entstân.

Verse: 8112    der rede tâten si genuoc.
Verse: 8113    manec wêp sich zen brüsten sluoc,

Verse: 8114    die andern sêre weinten.
Verse: 8115    waz si dâ mite meinten,

Verse: 8116    daz weste der tugentrêche
Verse: 8117    und entete dem niht gelêche

Verse: 8118    als er dar umbe iht weste.
Verse: 8119    Êrec der muotveste

Verse: 8120    bedâhte sich vrœlêch und wol,
Verse: 8121    alsam der unverzagete sol

Verse: 8122    den man niht lêhte entsprechen mac.
Verse: 8123    deheines swachen gelouben er phalc.

Verse: 8124    er enwolde der wêbe liezen
Verse: 8125    engelten noch geniezen.

Verse: 8126    swaz im getroumen mahte,
Verse: 8127    dar ûf enhete er dehein ahte.

Verse: 8128    ern was dehein wetersorgære:
Verse: 8129    er sach im als mære

Verse: 8130    des morgens über den wec varn
Verse: 8131    die iuweln sam den mûsarn:

Verse: 8132    ouch hiez er selten machen
Verse: 8133    dehein viur ûz der spachen,

Verse: 8134    daz man im dar an sæhe.
Verse: 8135    er enphlac deheiner spæhe:

Verse: 8136    ez was umbe in sô gewant,
Verse: 8137    im was der tisch in der hant

Verse: 8138    als mære enge sô wêt,
Verse: 8139    und swaz ungelouben gêt

Verse: 8140    dâ enkêrte er sich niht an.
Verse: 8141    er was ein alsô vester man,

Verse: 8142    swie in daz volc untrôste,
Verse: 8143    daz in daz niht belôste

Verse: 8144    sêner manlêchen stætekeit
Verse: 8145    gegen einem hâre breit,

Verse: 8146    und emphienc ez allez vür spot.
Verse: 8147    er gedâhte: ʽdie wêle und mich got

Verse: 8148    wil in sêner huote hân,
Verse: 8149    sô enmac mir niht missegân:

Verse: 8150    und enwil er mirs niht bêten,
Verse: 8151    sô mac ich ze disen zêten

Verse: 8152    alsô mære sterben,
Verse: 8153    sô der lêp doch muoz verderben.'

Verse: 8154    er was et herzen sorgen vrê.
Verse: 8155    nû reit er zuo und gruozte sê

Verse: 8156    mit lachendem munde.
Verse: 8157    nû huop er dâ ze stunde

Verse: 8158    ein vil vrœlêchez liet.
Verse: 8159    nû murmelte aber diu diet:

Verse: 8160    ʽnû schênet du enwizzest wol
Verse: 8161    waz dir hie geschehen sol.

Verse: 8162    nû enist doch leider dar niht lanc
Verse: 8163    daz dên vrœlêchez sanc

Verse: 8164    ein vil riuwic ende gêt:
Verse: 8165    daz geschiht ê morgen ze dirre zêt.

Verse: 8166    möhtestû wizzen und dên wêp
Verse: 8167    daz dû dênen gelphen lêp

Verse: 8168    solt als unlange hân,
Verse: 8169    sô liezestû dên singen stân.'

Verse: 8170    alsô reit von in dan
Verse: 8171    der vil unverzagete man

Verse: 8172    ûf daz hûs ze brandigân.
Verse: 8173    dâ wart im sên reht getân,

Verse: 8174    sô daz man in vil schône emphie.
Verse: 8175    der wirt engegen im gie

Verse: 8176    verre vür daz bürgetor:
Verse: 8177    dâ saluierte er in vor,

Verse: 8178    mit im die burgære.
Verse: 8179    liep unde swære

Verse: 8180    was er im ze gaste.
Verse: 8181    er vorhte et des vil vaste,

Verse: 8182    im würde der lêp dâ benomen:
Verse: 8183    anders was er im willekomen.

Verse: 8184    daz tete der herre wol schên
Verse: 8185    den zwein und der künegên,

Verse: 8186    wan man ir ze rehte phlac.
Verse: 8187    dannoch was ez hôher tac.

Verse: 8188    als dise werden geste
Verse: 8189    gesâzen ûf der veste,

Verse: 8190    nû kurzte in die stunde
Verse: 8191    der wirt sô er beste kunde

Verse: 8192    und sêne burgære
Verse: 8193    mit sô manegem mære

Verse: 8194    daz si niht enmohte betrâgen.
Verse: 8195    bê einer wêle begunde er vrâgen

Verse: 8196    ob si zen vrouwen wolden gân.
Verse: 8197    diu vrâge was in liep getân.

Verse: 8198    alsô vuorte er si dan,
Verse: 8199    die vrouwen und die zwêne man,
Verse group: (83) 
Verse: 8200    ûf eine stiege,
Verse: 8201    der meister enliege,

Verse: 8202    in ein sô schœne palas,
Verse: 8203    dô diu gotinne pallas

Verse: 8204    rêcheste hie en erde,
Verse: 8205    des genuocte si zir werde

Verse: 8206    ob si wære berâten
Verse: 8207    mit solher kemenâten.

Verse: 8208    ez was vil wol gezieret,
Verse: 8209    sinewel, niht gevieret,

Verse: 8210    guot unde reine,
Verse: 8211    von edelem steine,

Verse: 8212    der ie mê von marmel kam,
Verse: 8213    als ez ir ougen wol gezam

Verse: 8214    und als ez der wunsch gebôt,
Verse: 8215    gel grüene brûn rôt

Verse: 8216    swarz wêz weitên,
Verse: 8217    dirre mislêche schên

Verse: 8218    sô gebent und sô geliutert was
Verse: 8219    daz er glaste sam ein glas

Verse: 8220    geworht mit schœnen witzen.
Verse: 8221    hie sâhen si inne sitzen

Verse: 8222    den wunsch von den wêben.
Verse: 8223    wer möhte iu die geschrêben

Verse: 8224    und geloben ze rehte gar?
Verse: 8225    man enmohte sô wünneclêcher schar

Verse: 8226    nie gelêches iht beschouwen.
Verse: 8227    ez wâren ahzec vrouwen,

Verse: 8228    alle gelêche gekleit.
Verse: 8229    si hâten an sich geleit

Verse: 8230    eine wât rêche,
Verse: 8231    und doch unvrœlêche,

Verse: 8232    nâch vil kostlêchem site.
Verse: 8233    hie erzeigeten si vil lêhte mite

Verse: 8234    daz in daz herze wære
Verse: 8235    in etelêcher swære,

Verse: 8236    wan man si ouch selten lachen sach.
Verse: 8237    ez wâren ir röcke und ir dach

Verse: 8238    von swarzem samête.
Verse: 8239    dehein ermel noch ir sête

Verse: 8240    enwas in gebrêset:
Verse: 8241    als ichs bin bewêset,

Verse: 8242    sô was in zuo den zêten leit
Verse: 8243    hôchvart unde stolzheit.

Verse: 8244    ir houbet wâren gebunden
Verse: 8245    sô si beste kunden,

Verse: 8246    mit wimpeln, die wâren wêz.
Verse: 8247    dâ enschein ane dehein ander vlêz

Verse: 8248    wan sleht und unwæhe,
Verse: 8249    âne goldes spæhe.

Verse: 8250    dô die geste in giengen,
Verse: 8251    dise vrouwen si emphiengen

Verse: 8252    baz dan si wâren gemuot,
Verse: 8253    als dicke der bescheiden tuot

Verse: 8254    der sênes leides nieman
Verse: 8255    engaltet swâ erz bewarn kan.

Verse: 8256    der wirt zuo in sitzen gie:
Verse: 8257    dô sâzen die geste hie,

Verse: 8258    Êrec mit vrouwen ênêten
Verse: 8259    und guivreiz dâ besêten.

Verse: 8260    diu ougen liez er über gân.
Verse: 8261    nû dûhte in einiu wol getân,

Verse: 8262    diu ander schœner dâ bê:
Verse: 8263    diu dritte swachete aber sê:

Verse: 8264    vor ir was diu vierde
Verse: 8265    in lêbes gezierde:

Verse: 8266    der vünften er des prêses jach,
Verse: 8267    unz er die sehsten ersach:

Verse: 8268    diu sibende erlaschte dise gar,
Verse: 8269    unz er der ahten tete war:

Verse: 8270    diu niunde in dûhte gekrœnet,
Verse: 8271    diu zehende baz geschœnet

Verse: 8272    mit dem gotes vlêze:
Verse: 8273    der selben zitewêze

Verse: 8274    sô was diu einlifte getân,
Verse: 8275    hæte si diu zwelfte lân:

Verse: 8276    diu drêzehende wære vollekomen,
Verse: 8277    enhete irz diu vierzehende niht benomen:

Verse: 8278    diu vünfzehende was ein wunschkint:
Verse: 8279    doch was ir aller schœne ein wint

Verse: 8280    wider die sehzehenden vrouwen:
Verse: 8281    noch mohte er gerner schouwen

Verse: 8282    die sibenzehenden diu dâ saz:
Verse: 8283    doch geviel im diu ahzehende baz

Verse: 8284    dan diser vrouwen dehein,
Verse: 8285    unz im diu niunzehende erschein:

Verse: 8286    dô muoste im wol gevallen
Verse: 8287    diu zweinzegest vor in allen.

Verse: 8288    wer möhte si gar geschrêben?
Verse: 8289    diu swachest under den wêben

Verse: 8290    diu zierte wol ein rêche
Verse: 8291    mit ir wætlêche.

Verse: 8292    als er der wünneclêchen schar
Verse: 8293    rehte getete war,

Verse: 8294    nû gedâhte er in sênem muote:
Verse: 8295    ʽrêcher got der guote,

Verse: 8296    hier an ist mir erkant
Verse: 8297    daz dû von schulden bist genant

Verse: 8298    der vil wunderlêche got,
Verse: 8299    daz dên gewalt und dên gebot
Verse group: (84) 
Verse: 8300    an ein alsô enge stat
Verse: 8301    sô manec wêp hât gesat

Verse: 8302    dâ mite vil manec wêt lant,
Verse: 8303    als dir selbem ist erkant,

Verse: 8304    vil schône gezieret wære:
Verse: 8305    daz lâstû vreuden lære.'

Verse: 8306    ze dem gedanke er stille dagete.
Verse: 8307    der wirt ie mitten sagete

Verse: 8308    den vrouwen niuwiu mære
Verse: 8309    war umbe der gast wære

Verse: 8310    mit sênem wêbe dar komen.
Verse: 8311    als diz die vrouwen heten vernomen,

Verse: 8312    hie mite wâren si zehant
Verse: 8313    ir herzeleides gemant

Verse: 8314    des in allen was geschehen.
Verse: 8315    daz man si ê hete gesehen

Verse: 8316    wünneclêche vreudenvar,
Verse: 8317    des verlougenten si gar.

Verse: 8318    daz bluot ir hiufeln entweich:
Verse: 8319    dô wurden nase und wengel bleich.

Verse: 8320    daz machete in der ougen regen.
Verse: 8321    nû enweste Êrec der degen

Verse: 8322    wiez hier umbe was gewant,
Verse: 8323    unz imz guivreiz tete erkant.

Verse: 8324    er sprach: ʽmuget ir schouwen
Verse: 8325    wie dise edeln vrouwen

Verse: 8326    mit jâmer qüllent den lêp?
Verse: 8327    si wâren der ritter wêp

Verse: 8328    die dâ hie sint erslagen.
Verse: 8329    wan kunde doch ich iu gesagen,

Verse: 8330    daz ir dise reise hætet lân?
Verse: 8331    alsô muoz hie bestân

Verse: 8332    diu schœne vrouwe ênête,
Verse: 8333    missegât iu an dem strête.'

Verse: 8334    nû bewegete der vrouwen smerze
Verse: 8335    Êrecke sô gar sên herze,

Verse: 8336    sêt in der lêp was gestalt
Verse: 8337    sô gar in vreuden gewalt,

Verse: 8338    daz ir jugent und ir leben
Verse: 8339    sô gar den sorgen was ergeben,

Verse: 8340    wan in durch ir triuwe
Verse: 8341    der jâmer was als niuwe

Verse: 8342    als dô si sên begunden.
Verse: 8343    ie under stunden

Verse: 8344    sâhen si den ellenden man
Verse: 8345    mit jâmervarwen ougen an

Verse: 8346    und klageten sênen genæmen lêp
Verse: 8347    und erbarmte in daz sên wêp

Verse: 8348    solde bê in dâ bestân,
Verse: 8349    wan des wâren si gewis âne wân.

Verse: 8350    sus gedâhte der ellende:
Verse: 8351    ʽgot sê der daz wende

Verse: 8352    daz ich sô iht gevar
Verse: 8353    daz ich dise vreudenlôse schar

Verse: 8354    iht mêre mit mênem wêbe
Verse: 8355    sô daz ich iht belêbe.'

Verse: 8356    hie heten die geste beide
Verse: 8357    vil swære ougenweide,

Verse: 8358    wan in tete der vrouwen swære wê.
Verse: 8359    nû ist zêt daz man gê.

Verse: 8360    der wirt vuorte si ezzen.
Verse: 8361    nû enwart dâ niht vergezzen

Verse: 8362    si enheten alles des die kraft
Verse: 8363    daz man dâ heizet wirtschaft.

Verse: 8364    nû hânt si vol gezzen
Verse: 8365    und sint dar nâch gesezzen

Verse: 8366    und redeten aller hande.
Verse: 8367    der künec von dem lande

Verse: 8368    vrâgte si ob iht mære
Verse: 8369    ûf ir wege wære.

Verse: 8370    dô sageten im die geste
Verse: 8371    swaz ietweder weste

Verse: 8372    daz doch sagebære geschach.
Verse: 8373    Êrec ouch zem wirte sprach:

Verse: 8374    ʽwirt und lieber herre,
Verse: 8375    nâhen unde verre

Verse: 8376    hânt mir die liute vor gezalt
Verse: 8377    wunder vil manecvalt

Verse: 8378    von dises hûses êre.
Verse: 8379    desn vrâge ich nû niht mêre,

Verse: 8380    wan ichz selbe hân ersehen
Verse: 8381    und muoz von schulden mite jehen:

Verse: 8382    si hânt benamen die wârheit.
Verse: 8383    ouch ist mir mære geseit

Verse: 8384    daz hie ein âventiure bê
Verse: 8385    mit starkem gewinne sê

Verse: 8386    von einem guoten knehte.
Verse: 8387    nû weste ich gerne rehte

Verse: 8388    wiez hier umbe wære gewant:
Verse: 8389    daz tuot mir, herre wirt, erkant.'

Verse: 8390    der künec ein wêle des gesweic:
Verse: 8391    daz houbet im ze tal seic,

Verse: 8392    und saz ein teil in riuwen.
Verse: 8393    daz kam von sênen triuwen,

Verse: 8394    und benamen bê sêner vrümekeit
Verse: 8395    was im des gastes vrâge leit,

Verse: 8396    wan er hete ouch ê vernomen
Verse: 8397    daz er dar wære komen

Verse: 8398    ûf der âventiure gewin.
Verse: 8399    daz beswârte sênen sin,
Verse group: (85) 
Verse: 8400    und gedâhte manegen enden
Verse: 8401    wie er daz möhte erwenden

Verse: 8402    und wie er im den rât erkür
Verse: 8403    daz er den lêp iht verlür

Verse: 8404    und im den muot benæme,
Verse: 8405    als in beiden zæme.

Verse: 8406    ze jungest er in ane sach,
Verse: 8407    belangen er zuo ime sprach:

Verse: 8408    ʽherre, ich wil iu râten wol,
Verse: 8409    als ich mênem gaste sol,

Verse: 8410    dem liebisten den ich ie gewan,
Verse: 8411    dar nâch und ich iu guotes gan,

Verse: 8412    daz ir der vrâge habet rât
Verse: 8413    und si gar ûz der ahte lât

Verse: 8414    umbe dise âventiure.
Verse: 8415    ez ist vert und hiure

Verse: 8416    unde nû wol zwelf jâr,
Verse: 8417    als ich iu sage vür wâr,

Verse: 8418    michel schade dâ von geschehen:
Verse: 8419    ouch habe wir beide gesehen

Verse: 8420    sô vil ander dinge
Verse: 8421    diu uns sus genuoc ringe

Verse: 8422    die zêt mugen gemachen:
Verse: 8423    nû reden von andern sachen.'

Verse: 8424    êrc im antwürten began
Verse: 8425    als ein unverzageter man,

Verse: 8426    des herze doch vil stæte was
Verse: 8427    und vester dan der adamas,

Verse: 8428    von dem man solhe kraft seit:
Verse: 8429    unde würde der geleit

Verse: 8430    zwischen zwein bergen stehelên
Verse: 8431    (wie möhtez wunder grœzer sin?),

Verse: 8432    die zemüele er kleine
Verse: 8433    ê man ez dem steine

Verse: 8434    iender möhte erkiesen an.
Verse: 8435    dannoch hâte dirre man

Verse: 8436    ze qücheit stæteren muot
Verse: 8437    dâ von daz einer slahte bluot

Verse: 8438    disen stein geweichen mac:
Verse: 8439    sô enkunde ouch âne stôdes slac

Verse: 8440    niht sênen muot betwingen
Verse: 8441    noch ûf zageheit bringen.

Verse: 8442    der rede begunde er lachen.
Verse: 8443    er sprach: ʽvon swelhen sachen

Verse: 8444    ich niht gevrâgen entar,
Verse: 8445    die sint ouch ze griulêch gar.

Verse: 8446    daz ich dar nâch gevrâget hân,
Verse: 8447    daz enhân ich niht dar ûf getân

Verse: 8448    daz ich des iht gesinne
Verse: 8449    daz ich dar an gewinne

Verse: 8450    sunderprês vür alle die
Verse: 8451    die noch her kâmen ie,

Verse: 8452    wan daz mich des betrâget,
Verse: 8453    swenne man mich dâ von vrâget,

Verse: 8454    beide wêp unde man,
Verse: 8455    daz ich ins niht gesagen kan,

Verse: 8456    und ich doch hie gewesen bin:
Verse: 8457    dar an velschent si mênen sin.'

Verse: 8458    nû wânte der wirt er meintez sô.
Verse: 8459    dâ von begunde er in dô

Verse: 8460    dise rede wizzen lân,
Verse: 8461    als ich iu ê gesaget hân,

Verse: 8462    rehte zuo der mâze
Verse: 8463    als im ûf der strâze

Verse: 8464    sên geselle sagete,
Verse: 8465    und ob der iht verdagete,

Verse: 8466    ze vollen sagete er im daz
Verse: 8467    und beschiet in des baz.

Verse: 8468    er sagete, der boumgarte
Verse: 8469    der wære gevestent harte,

Verse: 8470    und swie er wære unumbegeben,
Verse: 8471    dar in endorfte niemen streben

Verse: 8472    dem ze ihte mære
Verse: 8473    lêp und êre wære.

Verse: 8474    er sprach: ʽdâ wonet inne
Verse: 8475    mit sêner vriundinne

Verse: 8476    ein ritter sô manhaft
Verse: 8477    daz doch er mit sêner kraft

Verse: 8478    alle die erslagen hât
Verse: 8479    die des enwolden haben rât

Verse: 8480    von tumbes herzen stiure,
Verse: 8481    si ensuochten âventiure.

Verse: 8482    ich sage iu, swelh ritter guot
Verse: 8483    her kumt ûf den selben muot,

Verse: 8484    der suoche wan die porte:
Verse: 8485    bê dem êrsten worte

Verse: 8486    sô vindet er si offen stân.
Verse: 8487    er mac drin rêten oder gân:

Verse: 8488    die andern belêbent hie vor.
Verse: 8489    sô besliuzet sich daz tor:

Verse: 8490    diu rede muoz sich scheiden
Verse: 8491    danne under in beiden,

Verse: 8492    wan swaz ir dewederm geschiht,
Verse: 8493    si enhânt et scheidæres niht.

Verse: 8494    ich enweiz wiez nû ergê:
Verse: 8495    wol ein halp jâr oder mê

Verse: 8496    ist des daz im niemen enkam,
Verse: 8497    sêt daz er den lêp benam

Verse: 8498    rittern die ich genennen kan.
Verse: 8499    er sluoc benamen hie drê man
Verse group: (86) 
Verse: 8500    sô man si beste erkande
Verse: 8501    in deheinem lande.

Verse: 8502    der eine venegus hiez,
Verse: 8503    der et niht des enliez

Verse: 8504    daz ze manheit gezôch,
Verse: 8505    opinâus der nie gevlôch,

Verse: 8506    libaut der dritte man,
Verse: 8507    der vordes manegen prês gewan:

Verse: 8508    der was von winden geborn.
Verse: 8509    und hânt die den lêp verlorn,

Verse: 8510    sô endurfet irs niht versuochen.
Verse: 8511    und welt ir es geruochen,

Verse: 8512    sô gibe ich iu den besten rât,
Verse: 8513    deist daz ir vehtens abe stât.

Verse: 8514    sô gemuot ist der starke man,
Verse: 8515    swem er noch gesigete an,

Verse: 8516    dem sluoc er abe daz houbet.
Verse: 8517    ob ir des niht geloubet,

Verse: 8518    und welt irz danne selbe ersehen,
Verse: 8519    sô muoz iu alsam geschehen.'

Verse: 8520    dô sprach der künec Êrec:
Verse: 8521    ʽich weste wol, der sælden wec

Verse: 8522    gienge in der werlde eteswâ,
Verse: 8523    rehte enweste ich aber wâ,

Verse: 8524    wan daz ich in suochende reit
Verse: 8525    in grôzer ungewisheit,

Verse: 8526    unz daz ich in nû vunden hân.
Verse: 8527    got hât wol ze mir getân

Verse: 8528    daz er mich hât gewêset her
Verse: 8529    dâ ich nâch mênes herzen ger

Verse: 8530    vinde gar ein wunschspil
Verse: 8531    dâ ich lützel wider vil

Verse: 8532    mit einem wurfe wâgen mac.
Verse: 8533    ich suochtez unz an disen tac:

Verse: 8534    gote lop, nû hân ichz vunden
Verse: 8535    dâ ich wider tûsent phunden

Verse: 8536    wâge einen phenninc.
Verse: 8537    diz sint genædeclêchiu dinc,

Verse: 8538    daz ich hie vinde solh spil.
Verse: 8539    die rede ich iu baz bescheiden wil.

Verse: 8540    ich hân von iu ê vernomen
Verse: 8541    daz dirre herre ist vollekomen

Verse: 8542    an degenlêcher manheit.
Verse: 8543    des ist sên êre vil breit

Verse: 8544    und ze ganzem lobe erkant
Verse: 8545    über elliu disiu lant,

Verse: 8546    wan er hât wunder getân.
Verse: 8547    dâ wider ich leider niht enhân

Verse: 8548    begangen solher dinge,
Verse: 8549    mên êre enwege ringe.

Verse: 8550    dâ von ein ritter wirt erkant,
Verse: 8551    des hât mir noch mên hant

Verse: 8552    vil lützel erworben:
Verse: 8553    an lobe ich bin verdorben

Verse: 8554    unz an disen tac.
Verse: 8555    dâ von ich gerne wâgen mac

Verse: 8556    mêne kranken êre,
Verse: 8557    daz sich diu hie mêre

Verse: 8558    daz ich vol ze lobe stê
Verse: 8559    oder daz si gar zegê.

Verse: 8560    ob mir got der êren gan
Verse: 8561    daz ich gesige an disem man,

Verse: 8562    sô wirde ich êren rêche.
Verse: 8563    und merket wie ungelêche

Verse: 8564    uns giltet daz selbe spil.
Verse: 8565    ez giltet im unnâch sô vil

Verse: 8566    zem zwelften teile als ez mir tuot.
Verse: 8567    er setzet wider valsche guot,

Verse: 8568    sên golt wider êre.
Verse: 8569    ez enprêset in borsêre,

Verse: 8570    wirt im des siges an mir verjehen,
Verse: 8571    wan sôst im dicke baz geschehen.

Verse: 8572    ouch bin ich schiere verklaget.
Verse: 8573    vür wâr sê iu daz gesaget,

Verse: 8574    er enwirt des niht erlân,
Verse: 8575    ich enwelle in bestân.'

Verse: 8576    der wirt sprach: ʽsaget, herre mên,
Verse: 8577    wes soldet ir mir nû lieber sên

Verse: 8578    danne ir iu selben sêt?
Verse: 8579    nû gân wir slâfen, des ist zêt.

Verse: 8580    geleben wir morgen den tac,
Verse: 8581    ich bringe iuch an in, ob ich mac.

Verse: 8582    doch râte ich iu mit triuwen daz
Verse: 8583    daz ir iuch noch bedenket baz:

Verse: 8584    daz selbe dunket mich ein sin,
Verse: 8585    wan unde komet ir dar in,

Verse: 8586    sô riuwet ir mich sêre,
Verse: 8587    wan sô gesehet ir uns nie mêre.

Verse: 8588    des selben nemet iu ein zil.'
Verse: 8589    ʽherre, alsô got wil'

Verse: 8590    sprach der ritter Êrec.
Verse: 8591    dâ mite giengen si enwec

Verse: 8592    slâfen ze kemenâten.
Verse: 8593    diu was wol berâten

Verse: 8594    mit rêcher bettewæte
Verse: 8595    und mit anderem geræte.

Verse: 8596    si was vol behangen
Verse: 8597    mit guoten umbegangen:

Verse: 8598    der gemæle was von golde rêch.
Verse: 8599    dar zuo was der esterêch
Verse group: (87) 
Verse: 8600    mit guoten teppechen gespreit,
Verse: 8601    als ez des wirtes rêcheit

Verse: 8602    wol vür bringen mohte
Verse: 8603    und sênen êren tohte,

Verse: 8604    wan er was herre über daz lant,
Verse: 8605    der künec êvreins genant.

Verse: 8606    er gebôt den kameræren
Verse: 8607    daz si ir vlêzic wæren,

Verse: 8608    als man rêcher künege sol.
Verse: 8609    des wurden schône unde wol

Verse: 8610    gêret dise geste drê.
Verse: 8611    guivreiz der künec dâ bê

Verse: 8612    in einer kemenâten lac
Verse: 8613    dâ man sên wol ze rehte phlac.

Verse: 8614    Êrec und vrouwe ênête
Verse: 8615    hâten guote zête

Verse: 8616    dâ si ensamet lâgen
Verse: 8617    und guoter minne phlâgen

Verse: 8618    unz in erschein der morgen.
Verse: 8619    manlêcher sorgen

Verse: 8620    enwas sên herze niht gar vrê,
Verse: 8621    wan man wil daz er niht sê

Verse: 8622    gar ein vollekomen man
Verse: 8623    der im niht vürhten enkan,

Verse: 8624    und ist zen tôren gezalt.
Verse: 8625    ez enwart nie herze alsô balt,

Verse: 8626    im enzæme rehtiu vorhte wol.
Verse: 8627    swie gerne ein man daz vürhten sol

Verse: 8628    dâ von sên lêp en wâge stât,
Verse: 8629    habe doch solher vorhte rât

Verse: 8630    diu zagelêch sê.
Verse: 8631    der vorhte was sên herze vrê.

Verse: 8632    sêt im der tac ze kamphe stuont,
Verse: 8633    er tete als die wêsen tuont,

Verse: 8634    wan hie gehôrte vorhte zuo.
Verse: 8635    ûf stuont er vil vruo.

Verse: 8636    mit vrouwen ênêten er kam
Verse: 8637    dâ er messe vernam

Verse: 8638    in des heilegen geistes êre,
Verse: 8639    und vlêhete got vil sêre

Verse: 8640    daz er im behielte den lêp.
Verse: 8641    des selben bat ouch sên wêp.

Verse: 8642    ze vlêze begunde er sich bewarn,
Verse: 8643    alsam ein ritter der sol varn

Verse: 8644    kemphen einen vrumen man.
Verse: 8645    nâch der messe schiet er dan.

Verse: 8646    dô was der imbêz bereit,
Verse: 8647    grôz wirtschaft die er alle meit.

Verse: 8648    deheines vrâzes er sich vleiz:
Verse: 8649    abe einem huone er gebeiz

Verse: 8650    drêstunt, des dûhte in genuoc.
Verse: 8651    ein trunc man im dar truoc

Verse: 8652    und tranc sant jôhannes segen.
Verse: 8653    zehant wâfente sich der degen

Verse: 8654    und bereite sich als er solde,
Verse: 8655    sam er enmitten wolde

Verse: 8656    in den boumgarten rêten.
Verse: 8657    nû enwart vrouwen ênêten

Verse: 8658    sorge nie mê sô grôz:
Verse: 8659    der regen ir von den ougen vlôz.

Verse: 8660    nû was diu stat des mæres vol:
Verse: 8661    die liute westen alle wol,

Verse: 8662    als ir ê habet vernomen,
Verse: 8663    daz ein ritter dar was komen

Verse: 8664    der sich des ûz hete getân
Verse: 8665    daz er wolde bestân

Verse: 8666    den in dem boumgarten.
Verse: 8667    des muoste gewarten

Verse: 8668    der künec êvreins von brandigân.
Verse: 8669    ouch enwolden hinder im bestân

Verse: 8670    sêne burgære:
Verse: 8671    diu burc beleip liute lære

Verse: 8672    âne die trûrigen schar,
Verse: 8673    diu beleip dar ûfe gar,

Verse: 8674    wan den was sô leide geschehen
Verse: 8675    daz si des niht enwolden sehen

Verse: 8676    daz si beswârte mêre.
Verse: 8677    von al ir herzesêre

Verse: 8678    was doch diz ir meistiu nôt
Verse: 8679    daz ir enruochte der tôt.

Verse: 8680    nû wâren die gazzen in der stat
Verse: 8681    und diu dach gar besat

Verse: 8682    von den liuten die des biten
Verse: 8683    wenne er kæme geriten.

Verse: 8684    enmitten reit Êrec
Verse: 8685    nider jenen burcwec

Verse: 8686    der in zem boumgarten truoc.
Verse: 8687    nû hôrte er untrôstes genuoc

Verse: 8688    und ir stille liezen.
Verse: 8689    die liute im niht gehiezen

Verse: 8690    baz oder dehein senfter nôt,
Verse: 8691    wan daz im gewis wære der tôt.

Verse: 8692    des begunden si sô vil gesagen,
Verse: 8693    und wolde er immer verzagen

Verse: 8694    von bœsen geheizen, von starker drô,
Verse: 8695    sô wære er verzaget dô.

Verse: 8696    diz vernam er vür ein spil
Verse: 8697    und enahtez lützel noch vil

Verse: 8698    ob uns daz buoch niht liuget,
Verse: 8699    sô was alsô erziuget
Verse group: (88) 
Verse: 8700    der selbe boumgarte,
Verse: 8701    daz es uns mac wundern harte,

Verse: 8702    witzige unde tumbe.
Verse: 8703    ich sage iu daz dar umbe

Verse: 8704    weder mûre noch grabe engie
Verse: 8705    noch in dehein zûn umbevie,

Verse: 8706    weder wazzer noch hac,
Verse: 8707    noch iht daz man begrêfen mac.

Verse: 8708    dâ gienc alumbe ein eben ban
Verse: 8709    und enkunde doch dehein man

Verse: 8710    dar in gân noch gerêten,
Verse: 8711    niuwan zeiner sêten,

Verse: 8712    an einer vil verholnen stat.
Verse: 8713    dâ gienc ein engez phat:

Verse: 8714    daz enweste der liute niht vil.
Verse: 8715    swer ouch zuo dem selben zil

Verse: 8716    von geschihte in kam,
Verse: 8717    der vant dâ swes in gezam

Verse: 8718    von wünneclêcher ahte,
Verse: 8719    boume maneger slahte,

Verse: 8720    die einhalp obez bâren
Verse: 8721    und andersêt wâren

Verse: 8722    mit wünneclêcher blüete:
Verse: 8723    ouch vreute im daz gemüete

Verse: 8724    der vogele süezer dôz.
Verse: 8725    ouch enstuont dâ diu erde blôz

Verse: 8726    gegen einer hande breit,
Verse: 8727    diu enwære mit bluomen bespreit,

Verse: 8728    die missevar wâren
Verse: 8729    und süezen smac bâren.

Verse: 8730    nû was der wâz alsô guot
Verse: 8731    von dem obeze und von der bluot

Verse: 8732    und der vogele widerstrêt
Verse: 8733    den si uopten zaller zêt

Verse: 8734    und solh diu ougenweide,
Verse: 8735    swer mit herzeleide

Verse: 8736    wære bevangen,
Verse: 8737    kæme er dar in gegangen,

Verse: 8738    er müeste ir dâ vergezzen.
Verse: 8739    des obezes mohte man ezzen

Verse: 8740    swie vil oder swâ er wolde:
Verse: 8741    er muoste unde solde

Verse: 8742    daz ander dâ belêben lân.
Verse: 8743    ez was dar umbe alsô getân,

Verse: 8744    ez enmohte niemen ûz getragen.
Verse: 8745    hœret ir iht gerne sagen

Verse: 8746    wâ mite der boumgarte
Verse: 8747    beslozzen wære sô harte?

Verse: 8748    ich weiz wol daz unmanec man
Verse: 8749    den list ze disen zêten kan

Verse: 8750    dâ mite diz was getân.
Verse: 8751    man sach ein wolken drumbe gân

Verse: 8752    dâ niemen durch enmohte komen,
Verse: 8753    wan als ir habet dâ vernomen.

Verse: 8754    nû reit der wirt selbe vor in
Verse: 8755    gegen dem boumgarten hin,

Verse: 8756    daz er in wêste an die stat
Verse: 8757    zuo dem ritter als Êrec bat,

Verse: 8758    ze dem verholnen bürgetor.
Verse: 8759    hie beleip daz volc allez vor

Verse: 8760    âne vrouwen ênêten.
Verse: 8761    ouch muoste mite rêten

Verse: 8762    guivreiz der herre:
Verse: 8763    ir menige enwart niht merre

Verse: 8764    niuwan dise viere.
Verse: 8765    nû kâmen si vil schiere

Verse: 8766    daz si daz begunden ane sehen
Verse: 8767    des si von schulden muosten jehen

Verse: 8768    ez wære ein seltsæne dinc.
Verse: 8769    hie was gestalt ein wêter rinc

Verse: 8770    von eichênen stecken.
Verse: 8771    des wunderte Êrecken.

Verse: 8772    ir iegelêch was sus bedaht,
Verse: 8773    ein mannes houbet drûf gestaht,

Verse: 8774    wan einer der was lære.
Verse: 8775    wâ von daz wære?

Verse: 8776    dâ hienc ein grôz horn an.
Verse: 8777    Êrec dô vrâgen began

Verse: 8778    wiez hier umbe wære getân.
Verse: 8779    ʽdâ wærez iu bezzer verlân',

Verse: 8780    sprach der wirt zem gaste,
Verse: 8781    ʽund mac iuch riuwen vaste

Verse: 8782    daz ir her komen sêt.
Verse: 8783    iuch hât verleitet iuwer strêt.

Verse: 8784    nû sehet selbe die wârheit
Verse: 8785    daz ich niht hân misseseit.

Verse: 8786    ob irz noch geloubet,
Verse: 8787    sehet, daz sint diu houbet:

Verse: 8788    diu hât der ritter abe geslagen.
Verse: 8789    ouch wil ich iu mêre sagen:

Verse: 8790    der stecke der noch lære stât,
Verse: 8791    der ist der iuwer gebiten hât,

Verse: 8792    dâ wol iuwer houbet ûfe stân.
Verse: 8793    würdet ir aber des erlân

Verse: 8794    oder dehein ander man
Verse: 8795    der disem ritter gesigete an,

Verse: 8796    daz doch niht geschehen mac
Verse: 8797    (ez sûmet sich sô manegen tac),

Verse: 8798    der solde blâsen diz horn
Verse: 8799    (dar zuo ist ez erkorn)
Verse group: (89) 
Verse: 8800    drêstunt vil lûte,
Verse: 8801    dâ mite er daz dûte

Verse: 8802    daz er gesiget hæte.
Verse: 8803    des êre würde stæte,

Verse: 8804    unde würde ouch erkant
Verse: 8805    über elliu disiu lant

Verse: 8806    vür alle ander man.
Verse: 8807    waz sol diu rede? dâst doch niht an.

Verse: 8808    ich wæne er iender sê geborn
Verse: 8809    dem ze blâsen sê geschehen diz horn:

Verse: 8810    alle ritter die nû sint,
Verse: 8811    daz ist et wider in ein wint.

Verse: 8812    sêt daz dûs entwesen enwilt,
Verse: 8813    edel ritter, got sê dên schilt

Verse: 8814    und müeze dir der sêle phlegen:
Verse: 8815    dir enmac et niemen des gewegen,

Verse: 8816    ez ensê ein ende umbe dênen lêp.'
Verse: 8817    alsô dô daz schœne wêp

Verse: 8818    dirre vreise war genam
Verse: 8819    unde dar zuo vernam

Verse: 8820    disen grôzen untrôst,
Verse: 8821    dô wart ir herze belôst

Verse: 8822    liebes unde vreuden gar,
Verse: 8823    ob si deheine bræhte dar.

Verse: 8824    diu kraft ir zuo der varwe entweich,
Verse: 8825    und wart tôtvar und bleich

Verse: 8826    und viel vor leide in unmaht.
Verse: 8827    der liehte tac wart ir ein naht,

Verse: 8828    wan si gehôrte noch gesach.
Verse: 8829    swie dicke ir leide geschach,

Verse: 8830    als ir gebærde verjach,
Verse: 8831    sô enwart ir herzen ungemach

Verse: 8832    nie zir lebenne merre.
Verse: 8833    der wirt und ir herre

Verse: 8834    die labeten si dô
Verse: 8835    und wurden mit ir unvrô.

Verse: 8836    als si ûf sehen began
Verse: 8837    und sich widere versan,

Verse: 8838    Êrec vil manlêchen sprach:
Verse: 8839    ʽvrouwe, lât den ungemach,

Verse: 8840    mên süeziu ênête.
Verse: 8841    ir weinet zunzête.

Verse: 8842    waz gât iu solher klage nôt?
Verse: 8843    weder bin ich siech oder tôt?

Verse: 8844    jâ stân ich bê iu wol gesunt.
Verse: 8845    ir möhtet beiten an die stunt

Verse: 8846    daz ir mich sæhet bluotvar
Verse: 8847    oder mênen schilt zehouwen gar

Verse: 8848    oder mênen helm verschrôten
Verse: 8849    und mich dar under tôten.

Verse: 8850    dannoch hetet ir guote zêt.
Verse: 8851    nû heizet ez doch ein strêt

Verse: 8852    daz under uns sol geschehen.
Verse: 8853    wem noch des siges werde gejehen,

Verse: 8854    desn hân wir dehein gewisheit.
Verse: 8855    ouch ist mir daz vür wâr geseit,

Verse: 8856    got sê als guot als er ie was.
Verse: 8857    hei wie dicke er noch genas

Verse: 8858    dem er genædic wolde wesen!
Verse: 8859    wil er, sô trûwe ich wol genesen.

Verse: 8860    iuwer weinen ist mir swære:
Verse: 8861    und westet ir wie mir wære,

Verse: 8862    sô endörftet ir niht sô sêre klagen,
Verse: 8863    wan ich wil iu zewâre sagen,

Verse: 8864    enhæte ich aller manheit
Verse: 8865    niender eines hâres breit,

Verse: 8866    wan der die ich von iu hân,
Verse: 8867    mir enmöhte nimmer missegân.

Verse: 8868    swenne mich der muot iuwer mant,
Verse: 8869    sôst sigesælic mên hant

Verse: 8870    wan iuwer guote minne
Verse: 8871    die sterkent mêne sêne,

Verse: 8872    daz mir den vil langen tac
Verse: 8873    niht widere gewesen mac.'

Verse: 8874    hie muoste er sich scheiden
Verse: 8875    von sênen gesellen beiden

Verse: 8876    und eine rêten vürbaz.
Verse: 8877    vil sêre muote si daz

Verse: 8878    und hâten sorcsamen muot,
Verse: 8879    ênête und der künec guot,

Verse: 8880    umbe den herren Êrecken.
Verse: 8881    in wêste vür die stecken

Verse: 8882    der wirt selbe mit der hant
Verse: 8883    ûf einen stêc den er dâ vant:

Verse: 8884    der was grasic und niht breit.
Verse: 8885    si beliben alle, er eine reit.

Verse: 8886    ich enweiz wie ez im ergie:
Verse: 8887    ez enwas et ritter nie

Verse: 8888    mê guntrœstet dan er wart.
Verse: 8889    er vuor ein angestlêche vart.

Verse: 8890    des trûrte sên geselleschaft.
Verse: 8891    nû bewar et in diu gotes kraft,

Verse: 8892    daz im der lêp belêbe:
Verse: 8893    des helfet sênem wêbe

Verse: 8894    durch got biten alle,
Verse: 8895    daz im der sige gevalle.

Verse: 8896    hin reit der künec Êrec
Verse: 8897    eine den grasigen wec

Verse: 8898    wol drêer rosseloufe lanc
Verse: 8899    durch bluomen und durch vogelsanc
Verse group: (90) 
Verse: 8900    in jenen boumgarten vort.
Verse: 8901    nû sach er vor im dort

Verse: 8902    eine pavelûne stân,
Verse: 8903    rêch unde wol getân,

Verse: 8904    beide hôch unde wêt,
Verse: 8905    zweier slahte samêt,

Verse: 8906    von strichen swarz unde wêz
Verse: 8907    und gemâl en allen vlêz.

Verse: 8908    dâ stuonden entworfen an
Verse: 8909    beidiu wêp unde man,

Verse: 8910    und die vogele sam si vlügen,
Verse: 8911    doch si die liute dar an trügen,

Verse: 8912    diu tier wilde unde zam,
Verse: 8913    ob iegelêchem sên nam,

Verse: 8914    diu bilde von golde.
Verse: 8915    daz der knoph wesen solde,

Verse: 8916    daz was ein wol geworht ar,
Verse: 8917    von golde durchslagen gar.

Verse: 8918    si was gespannen überz gras.
Verse: 8919    an dirre pavelûne was

Verse: 8920    êre und gevüere.
Verse: 8921    dise zeltsnüere

Verse: 8922    wâren sêdên garwe
Verse: 8923    und niht von einer varwe,

Verse: 8924    rôt grüene wêz gel
Verse: 8925    brûn, geworht sinewel.

Verse: 8926    hie under er gesitzen sach
Verse: 8927    ein wêp, als im sên herze jach,

Verse: 8928    daz er bê sênen zêten
Verse: 8929    âne vrouwen ênêten

Verse: 8930    nie dehein schœner hete gesehen.
Verse: 8931    wan der muoste man et jehen

Verse: 8932    daz ir wünneclêcher lêp
Verse: 8933    geprêset wære über elliu wêp

Verse: 8934    diu dô wâren oder noch sint.
Verse: 8935    ênête was des wunsches kint,

Verse: 8936    der an ir nihtes vergaz.
Verse: 8937    diu vrouwe diu nû hie saz

Verse: 8938    was vil schône gekleit.
Verse: 8939    ane hâte si geleit

Verse: 8940    einen mantel hermên langen:
Verse: 8941    dâ hete si sich in gevangen.

Verse: 8942    daz dach ein rêcher samêt was,
Verse: 8943    var als ein brûnez glas,

Verse: 8944    vil wol gezobelt vür die hant.
Verse: 8945    ein wimpel ir hâr zesamene bant.

Verse: 8946    welh ir roc wære?
Verse: 8947    des vrâget ir kamerære:

Verse: 8948    ich gesach in weizgot nie,
Verse: 8949    wan ich niht dicke vür si gie.

Verse: 8950    ouch enmohte si Êrec niht gesehen:
Verse: 8951    daz muoste dâ von geschehen

Verse: 8952    daz dâ vor alumbe hie
Verse: 8953    der mantel dâ si sich in vie.

Verse: 8954    daz bette dâ si ûfe saz,
Verse: 8955    wol erziuget was daz:

Verse: 8956    die stollen grôz silberên,
Verse: 8957    von guotem gewürhte der schên.

Verse: 8958    dô er si dâ sach sitzen,
Verse: 8959    mit zühteclêchen witzen

Verse: 8960    sô erbeizete der gast.
Verse: 8961    sên ros bant er an einen ast.

Verse: 8962    an den stam leinte er
Verse: 8963    beide schilt unde sper

Verse: 8964    sênen helm er abe bant
Verse: 8965    und sturzte in ûf des schiltes rant.

Verse: 8966    des hüetelêns wart sên houbet blôz,
Verse: 8967    wan sên zuht was vil grôz.

Verse: 8968    alsô gienc er vür si stân.
Verse: 8969    daz wære ir lieber verlân,

Verse: 8970    wan si vorhte irz gewerren.
Verse: 8971    doch gruozte si den herren,

Verse: 8972    wan sis diu gewonheit niht erlie
Verse: 8973    mit solhen worten si in emphie:

Verse: 8974    ʽherre, ich gruozte iuch gerne wol,
Verse: 8975    wan daz nieman dem andern sol

Verse: 8976    bieten ungetriuwen gruoz.
Verse: 8977    wan daz iu sol unde muoz

Verse: 8978    schade und laster hie geschehen,
Verse: 8979    sô hæte ich gerne iuch gesehen.

Verse: 8980    wes rât hât iuch her brâht?
Verse: 8981    oder habet ir iuz selbe erdâht

Verse: 8982    durch iuwers herzen gelust?
Verse: 8983    sô traget ir under iuwer brust

Verse: 8984    einen ungetriuwen râtgeben,
Verse: 8985    wan er hât verrâten iu daz leben.

Verse: 8986    herre, gât durch got von mir stân.
Verse: 8987    ez muoz iu an den lêp gân,

Verse: 8988    und ersiht iuch mên herre:
Verse: 8989    er ist von uns unverre'.

Verse: 8990    ê si die rede getæte
Verse: 8991    und in gewarnet hæte,

Verse: 8992    nû gehôrte er eine stimme
Verse: 8993    starc unde grimme,

Verse: 8994    diu lûte sam ein horn dôz,
Verse: 8995    wan im was der drozze grôz,

Verse: 8996    von dem si gie. diz was ir man.
Verse: 8997    von ir was er geriten dan,

Verse: 8998    gewâfent daz im nihtes gebrast
Verse: 8999    und alsô wol sam der gast,
Verse group: (91) 
Verse: 9000    durch jenen boumgarten,
Verse: 9001    baneken unde warten

Verse: 9002    ob er iht ze tuone vunde.
Verse: 9003    nû ersach er dâ ze stunde

Verse: 9004    disen gâst vor der vrouwen stân
Verse: 9005    daz dûhte in tœrlêch getân

Verse: 9006    und wolde im versmâhen,
Verse: 9007    und begunde gâhen

Verse: 9008    wider umbe zuo dem vremden man.
Verse: 9009    nû gesach in Êrec dan

Verse: 9010    rêten von verre.
Verse: 9011    des boumgarten herre

Verse: 9012    was lanc unde grôz,
Verse: 9013    vil nâch risen genôz.

Verse: 9014    der underwant sich grôzer drô.
Verse: 9015    sên ros was grôz unde hô,

Verse: 9016    starc rôt zundervar.
Verse: 9017    der varwe was sên schilt gar:

Verse: 9018    sên wâpen roc alsam was,
Verse: 9019    er selbe rôt, als ich ez las,

Verse: 9020    gewâfent nâch sênem muote.
Verse: 9021    ich wæne sên herze bluote

Verse: 9022    swenne er niht ze vehtenne vant:
Verse: 9023    sô mordic was sên hant.

Verse: 9024    nû reit er zuo dem gaste
Verse: 9025    und gruozte in ein teil vaste,

Verse: 9026    gelêch einem übelen man.
Verse: 9027    er sprach: ʽvalschære, nû sage an,

Verse: 9028    wer hiez iuch der vrouwen sô nâhen gân?'
Verse: 9029    ʽwaz hân ich dar an missetân?'

Verse: 9030    ʽez ist et vil tœrlich.'
Verse: 9031    ʽherre, wes scheltet ir mich?

Verse: 9032    ʽdâ dunket ir mich ze balt.'
Verse: 9033    ʽherre, ir sprechet iuwern gewalt.'

Verse: 9034    ʽsaget, wer brâhte iuch her?'
Verse: 9035    ʽguote vriunt.' ʽnû saget doch, wer?'

Verse: 9036    ʽmên herze und mên selbes muot.'
Verse: 9037    ʽdâ enriet ez iu dehein guot.'

Verse: 9038    ʽez hât mich noch gewêset wol.'
Verse: 9039    ʽdaz endet sich hie.' ʽez ensol.'

Verse: 9040    ʽzwiu sihe ich iuch gewâfent sên?'
Verse: 9041    ʽherre, dâst der harnasch mên.'

Verse: 9042    ʽwiltû vehten wider mich?'
Verse: 9043    ʽwelt dan ir, sô wil ouch ich.'

Verse: 9044    ʽwes ist dir, tumber gouch, gedâht?'
Verse: 9045    ʽdes werdet ir wol innen brâht.'

Verse: 9046    ʽez wirt dir ein vil leidez spil.'
Verse: 9047    ʽir sprechet niht: ob got wil.'

Verse: 9048    ʽwie versmâhet dir mên rede sô?'
Verse: 9049    ʽich enahte niht ûf iuwer drô

Verse: 9050    und wil si wol genôzen
Verse: 9051    zwein bergen grôzen.

Verse: 9052    die swuoren bê ir sinnen
Verse: 9053    daz si wolden gewinnen

Verse: 9054    in selben ein gezæmez kint.
Verse: 9055    ein grôzez, als ouch si dâ sint.

Verse: 9056    dô verhancte des got
Verse: 9057    daz ez wart der liute spot,

Verse: 9058    und gebâren eine veltmûs.
Verse: 9059    ouch sint verbrunnen grôziu hûs

Verse: 9060    von wênigem viure.
Verse: 9061    in ist daz ellen tiure,

Verse: 9062    die sô gremelêch wellen sên.
Verse: 9063    daz selbe sol hie werden schên.

Verse: 9064    ê wir uns hiute scheiden,
Verse: 9065    unser einem oder uns beiden

Verse: 9066    ist daz giuden gar gelegen.'
Verse: 9067    ʽjâ, des wil ich dir verphlegen'.

Verse: 9068    alsô jach der rôte man.
Verse: 9069    mit dirre rede schiet Êrec dan.

Verse: 9070    vil drâte er hin wider gie
Verse: 9071    dâ er sên ros stânde lie.

Verse: 9072    sinen helm er ûfe bant
Verse: 9073    und bereite sich zehant.

Verse: 9074    ûf sên ros er drâte saz.
Verse: 9075    der ander des ouch niht vergaz,

Verse: 9076    ern bereite sich alsam.
Verse: 9077    ir ietweder den schilt nam

Verse: 9078    und lêmte in an sich vaste.
Verse: 9079    dem wirte und dem gaste

Verse: 9080    begunden schenkel vliegen.
Verse: 9081    si erzeicten âne triegen

Verse: 9082    einen grimmeclêchen zorn.
Verse: 9083    diu ros si nâmen mit den sporn

Verse: 9084    und liezen zesamene strêchen
Verse: 9085    vil genendeclêchen

Verse: 9086    von aller ir krefte.
Verse: 9087    die eschênen schefte

Verse: 9088    wurden dô geneiget
Verse: 9089    und in diu vart erzeiget

Verse: 9090    zen vier nageln gegen der hant.
Verse: 9091    ir mezzen wart dô wol bewant,

Verse: 9092    wan si gerieten beide:
Verse: 9093    hie wart diu sperweide

Verse: 9094    vor dem lêbe durch gesant
Verse: 9095    durch beide schilte unz an die hant.

Verse: 9096    die starken schefte ganz beliben,
Verse: 9097    swie sêre si würden dar getriben.

Verse: 9098    wider zugen si diu sper
Verse: 9099    in manlêcher ger
Verse group: (92) 
Verse: 9100    und riten von ein ander dan,
Verse: 9101    die zwêne gelêch gemuote man,

Verse: 9102    durch tjostieren mêre.
Verse: 9103    diu ros wurden aber sêre

Verse: 9104    und vaste mit den sporn gemant
Verse: 9105    und wider zesamene gesant.

Verse: 9106    hie huop sich herzeminne
Verse: 9107    nâch starkem gewinne.

Verse: 9108    si minneten sunder bette:
Verse: 9109    diu minne stuont ze wette,

Verse: 9110    sweder nider gelæge,
Verse: 9111    dem wart der tôt wæge.

Verse: 9112    mit scheften si sich kusten
Verse: 9113    durch schilte zuo den brusten

Verse: 9114    mit solher minnekrefte
Verse: 9115    daz die eschênen schefte

Verse: 9116    kleine unz an die hant zekluben
Verse: 9117    und daz die spiltern ûfe stuben.

Verse: 9118    mit der manne laste
Verse: 9119    kâmen diu ros sô vaste

Verse: 9120    zesamene gestôzen
Verse: 9121    daz den kamphgenôzen

Verse: 9122    wurden ir houbet
Verse: 9123    vil sêre betoubet

Verse: 9124    und daz diu ros gelêche
Verse: 9125    an daz ertrêche

Verse: 9126    hinder sich gesâzen.
Verse: 9127    die zoume wurden lâzen,

Verse: 9128    und erbeizten zuo der erde.
Verse: 9129    got herre, nû gewerde

Verse: 9130    des künec Êreckes phlegen!
Verse: 9131    wan er bestât einen degen

Verse: 9132    der hât ellen unde kraft:
Verse: 9133    des bin ich umbe in angesthaft.

Verse: 9134    nû schieden si beide
Verse: 9135    diu swert von der scheide

Verse: 9136    und wurfen si umbe in der hant.
Verse: 9137    hie gienc ez über der schilte rant

Verse: 9138    dô si zesamene trâten.
Verse: 9139    die grimmen slege si tâten.

Verse: 9140    die schilte buten si dar:
Verse: 9141    die wurden ouch alsô gar

Verse: 9142    unz anz gestelle zeslagen,
Verse: 9143    daz si ir niht mêre getragen

Verse: 9144    vor den armen mohten
Verse: 9145    und in ze wer entohten.

Verse: 9146    dô wurfen si die von der hant.
Verse: 9147    nû schirmte in daz êsengewant

Verse: 9148    vor dem tôde dicke.
Verse: 9149    die heizen viures blicke

Verse: 9150    vrumten diu wâfen
Verse: 9151    swâ si ein ander trâfen.

Verse: 9152    hie ergie sô manec grimmer slac
Verse: 9153    daz die werlt wol wundern mac

Verse: 9154    von helmen und von swerten
Verse: 9155    daz si ez erwerten.

Verse: 9156    vil ofte kam ez dar an
Verse: 9157    daz der harte grôze man

Verse: 9158    den minnern vor im dan sluoc
Verse: 9159    vaste und verre genuoc:

Verse: 9160    sô sluoc in aber Êrec
Verse: 9161    her widere den selben wec.

Verse: 9162    der kêre si sô vil tâten
Verse: 9163    unz daz si gar vertrâten

Verse: 9164    beide bluomen unde gras,
Verse: 9165    daz dâ niht grüeners enwas

Verse: 9166    dan umbe mitte winterzêt.
Verse: 9167    alsô werte dirre strêt

Verse: 9168    von morgen unz nâch mittem tage.
Verse: 9169    ʽgeselle hartman, nû sage,

Verse: 9170    wie erwerte inz der lêp?'
Verse: 9171    die kraft gâben in ir wêp.

Verse: 9172    diu dâ gegenwürtic saz,
Verse: 9173    diu geschuof ir manne daz:

Verse: 9174    ob im dehein zwêvel geschach,
Verse: 9175    swenne er si wider ane sach,

Verse: 9176    ir schœne gap im niuwe kraft,
Verse: 9177    sô daz er unzagehaft

Verse: 9178    sêne sterke wider gewan
Verse: 9179    und vaht als ein geruoweter man.

Verse: 9180    des enmohte er niht verzagen.
Verse: 9181    sô wil ich iu von Êrecke sagen:

Verse: 9182    Êrec, ze swelhen zêten
Verse: 9183    er gedâhte an vrouwen ênêten,

Verse: 9184    sô starcten im ir minne
Verse: 9185    sên herze und ouch die sinne,

Verse: 9186    daz er ouch mit niuwer maht
Verse: 9187    nâch manlêcher tiure vaht.

Verse: 9188    dô si diz lange genuoc getriben
Verse: 9189    unde beide ganz beliben,

Verse: 9190    dô gedâhte der grôze dar an:
Verse: 9191    ʽmirst zorn daz dirre kleine man

Verse: 9192    alsô lange vor mir wert.'
Verse: 9193    mit grimme begreif er daz swert

Verse: 9194    und gedâhte et vellen
Verse: 9195    sênen kamphgesellen.

Verse: 9196    er warf ez umbe in der hant:
Verse: 9197    der vil michel vâlant

Verse: 9198    enkunde sich erbarmen:
Verse: 9199    sên herze gap den armen
Verse group: (93) 
Verse: 9200    krefteclêcher sterke genuoc.
Verse: 9201    mit guotem willen er ez sluoc:

Verse: 9202    ûf den helm er in erriet,
Verse: 9203    dâ die swarte daz mittel schiet,

Verse: 9204    und sluoc ez alsô vaste
Verse: 9205    daz von dem slage erglaste

Verse: 9206    ein breitiu vlamme vriurên,
Verse: 9207    daz daz viur möhte sên

Verse: 9208    gevangen mit einem schoube.
Verse: 9209    got lône im derz geloube,

Verse: 9210    wan ich niht drumbe geswern enmac.
Verse: 9211    dirre grimmeclêche slac

Verse: 9212    Êrecke in sên houbet erschal,
Verse: 9213    daz er vil kûme meit den val.

Verse: 9214    sêniu ôren und diu ougen
Verse: 9215    begunden ir ambetes lougen,

Verse: 9216    daz er gehôrte noch gesach.
Verse: 9217    wan daz daz swert enzwei brach,

Verse: 9218    ez wære gewesen sên ende.
Verse: 9219    vil schiere der ellende

Verse: 9220    sêne kraft herwider gewan,
Verse: 9221    daz er gesach und sich versan

Verse: 9222    und gehôrte alsam ouch ê.
Verse: 9223    schade und schame tete im wê,

Verse: 9224    daz sên ie dehein man
Verse: 9225    solhe oberhant gewan.

Verse: 9226    daz er von sêner meisterschaft
Verse: 9227    in sô grôze unkraft

Verse: 9228    sênes lêbes was komen,
Verse: 9229    des wart râche hie genomen.

Verse: 9230    der gedanc an sên schœne wêp
Verse: 9231    der kreftigete im den lêp.

Verse: 9232    sênen schaden begunde er anden
Verse: 9233    und gap ze beiden handen

Verse: 9234    daz swert mit grimmen muote
Verse: 9235    und vaht im nâch dem bluote

Verse: 9236    ûf daz herte stahelwerc.
Verse: 9237    doch er wider in schine ein berc,

Verse: 9238    dô et im der wer zeran,
Verse: 9239    dô muoste er vor im dan

Verse: 9240    sênen slegen entwêchen.
Verse: 9241    daz tete er unlasterlêchen.

Verse: 9242    wan ich weiz benamen daz
Verse: 9243    und deheine sache baz,

Verse: 9244    er enwære vergebene niht gebert,
Verse: 9245    er enhæte sich gewert,

Verse: 9246    wære im daz swert ganz beliben.
Verse: 9247    alsus wart er getriben

Verse: 9248    mit gewalte von dem gaste.
Verse: 9249    Êrec begunde et vaste

Verse: 9250    rechen den grôzen slac.
Verse: 9251    er ensluoc niht sam er ê phlac,

Verse: 9252    sên slege wâren grimmeclêch,
Verse: 9253    zagen slegen ungelêch.

Verse: 9254    er gap slac umbe slac,
Verse: 9255    daz slac neben slage lac.

Verse: 9256    sus berte er daz êsengewant
Verse: 9257    unz im daz swert vor der hant

Verse: 9258    von den slegen erglüete
Verse: 9259    und daz im sên güete

Verse: 9260    umbe die ecke vaste entweich.
Verse: 9261    sên brûniu varwe diu wart bleich

Verse: 9262    und muoste bresten sam jenes ê.
Verse: 9263    nû waz welt ir daz er tuo mê?

Verse: 9264    daz im sên in der hant beleip,
Verse: 9265    dâ mite warf er den er dâ treip

Verse: 9266    ûf sêne brust sô vaste
Verse: 9267    daz jener von dem laste

Verse: 9268    vil nâch gestrûchet was
Verse: 9269    und gevallen ûf daz gras.

Verse: 9270    iedoch gestuont der vâlant
Verse: 9271    und gesach im êtel die hant

Verse: 9272    und daz swert zebrochen.
Verse: 9273    ʽnû wirde ich wol gerochen'

Verse: 9274    gedâhte im der rôte man.
Verse: 9275    mit grimme lief er in an

Verse: 9276    und wolde in allen gâhen
Verse: 9277    in vaste zuo im vâhen,

Verse: 9278    ûf heben unde stôzen
Verse: 9279    mit sênen kreften grôzen,

Verse: 9280    daz er aller zevüere.
Verse: 9281    nû hete ouch ze sênem gevüere

Verse: 9282    Êrec in sêner kintheit
Verse: 9283    zengellande, sam man seit,

Verse: 9284    vil wol gelernet ringen
Verse: 9285    zandern behenden dingen.

Verse: 9286    ouch half in daz man êsengewant
Verse: 9287    vil müelêchen mit der hant

Verse: 9288    an dem manne mac begrêfen.
Verse: 9289    des begunde er im entslêfen,

Verse: 9290    daz sên wille niht ergie.
Verse: 9291    vor in die gürtel er in vie,

Verse: 9292    unden er sich von im bôt:
Verse: 9293    dô was dem andern dar zuo nôt

Verse: 9294    daz er in zuo im vienge,
Verse: 9295    doch des niht ergienge.

Verse: 9296    Êrec sên kraft erzeicte.
Verse: 9297    als sich jener neicte,

Verse: 9298    dô sazte er sên ahselbein
Verse: 9299    daz ez an jenes brüsten schein,
Verse group: (94) 
Verse: 9300    sô daz er in niht zuo im liez.
Verse: 9301    vil vaste er in von im stiez

Verse: 9302    unde zuhte in wider dan
Verse: 9303    sô gâhes daz der michel man

Verse: 9304    sîgen begunde.
Verse: 9305    von swaere er niht enkunde

Verse: 9306    sich erholn, er ensuochte die erde.
Verse: 9307    hie beviel in der werde,

Verse: 9308    Êrec der wunderære
Verse: 9309    machete im sô swære

Verse: 9310    als et in wol luste.
Verse: 9311    er kniete im ûf die bruste

Verse: 9312    und gap im sô manegen stôz
Verse: 9313    daz jenen lebennes verdrôz

Verse: 9314    der dâ under ime lac:
Verse: 9315    aller wer er gar verphlac.

Verse: 9316    als er zwîveln began,
Verse: 9317    dô bat im der rôte man

Verse: 9318    den minnern einen vride geben.
Verse: 9319    er sprach: ʽritter, lât mich leben

Verse: 9320    eine wênige stunt
Verse: 9321    und nemt mir danne den gesunt.'

Verse: 9322    ʽwelt ir mir des siges jehen?'
Verse: 9323    ʽdes enmac noch niht geschehen.'

Verse: 9324    ʽwaz ist danne daz ir welt?'
Verse: 9325    ʽedel ritter, dâ twelt

Verse: 9326    unde saget mir wer ir sît.'
Verse: 9327    sus antwurte der obene lît:

Verse: 9328    ʽdaz habet ir selten ê gesehen,
Verse: 9329    ouch ensolz mir niht geschehen:

Verse: 9330    wan dâ ergienge ein wunder an,
Verse: 9331    swenne sich der ober man

Verse: 9332    müeste dem undern ergeben.
Verse: 9333    welt ir eine wîle leben,

Verse: 9334    sô volget guotem râte
Verse: 9335    und saget mir vil drâte

Verse: 9336    von wanne ir sît oder wer,
Verse: 9337    und dar zuo swes ich vürbaz ger.'

Verse: 9338    sus antwurte im der rôte man:
Verse: 9339    ʽiuch triuget diu rede, wan dâst niht an.

Verse: 9340    swie ir mir habet an gesiget
Verse: 9341    und mit gewalte obe liget,

Verse: 9342    ioh wil ê werden erslagen,
Verse: 9343    ir enmüezet mir sagen

Verse: 9344    wer ir sît oder welher hande.
Verse: 9345    ja mac mir disiu schande

Verse: 9346    von solhem manne sîn geschehen
Verse: 9347    dem nimmer siges wirt gejehen

Verse: 9348    und daz ich mich ê toeten lan.
Verse: 9349    hâtz ein unadels man getân,

Verse: 9350    sô enwolde ich durch niemen leben.
Verse: 9351    hât aber ez mir got gegeben

Verse: 9352    daz irs wert von gebürte sît,
Verse: 9353    sô geruochet lâzen den strît,

Verse: 9354    wan sô tuon ich iu sicherheit
Verse: 9355    daz ich gerne bin bereit

Verse: 9356    allem iuwerm gebote.
Verse: 9357    ich man iuch verre bî gote

Verse: 9358    inwer triuwe, und wizzet dâ bî,
Verse: 9359    ob des niht ensî,

Verse: 9360    daz hie mîn leben endet,
Verse: 9361    wan sô bin ich geschendet.

Verse: 9362    mioh bedunket des vil verre
Verse: 9363    daz mir daz minner werre

Verse: 9364    ob ich mit êren sterbe
Verse: 9365    dan an êren verderbe.'

Verse: 9366    des antwurte im der guote
Verse: 9367    mit lachendem muote:

Verse: 9368    ʽich wil mich lâzen twingen
Verse: 9369    vil gerne an disen dingen.

Verse: 9370    dochz wider dem site sî getân,
Verse: 9371    sô wil ich iuchz wizzen lân:

Verse: 9372    mîn vater ist ein künec rîch,
Verse: 9373    mîn muoter wol sîn gelîch,

Verse: 9374    über Destrigâles lant,
Verse: 9375    Êrec bin ich genant.'

Verse: 9376    ʽsol ich des gewis wesen?'
Verse: 9377    ʽjâ ir.' ʽsô lât mich genesen

Verse: 9378    und nemet mîne sicherheit.
Verse: 9379    sehet, der bin ich iu bereit:

Verse: 9380    sô muget ir dienest von mir hân,
Verse: 9381    des iu sus muoz abe gân,

Verse: 9382    ob ich von iu wirde erslagen.
Verse: 9383    ich wil iu mînen namen sagen.

Verse: 9384    Mâbonagrîn heize ich.'
Verse: 9385    Êrec erbarmte sich,

Verse: 9386    alsô daz er in leben lie.
Verse: 9387    als er die sicherheit emphie,

Verse: 9388    nû half er im ûf bî der hant.
Verse: 9389    ir ietweder enbant

Verse: 9390    des andern wâfenriemen,
Verse: 9391    wan in enhalf ander niemen,

Verse: 9392    und entwâfenten ir houbet.
Verse: 9393    hie wurden si beroubet

Verse: 9394    hazlîches muotes:
Verse: 9395    êren unde guotes

Verse: 9396    gunden si ein ander wol,
Verse: 9397    als ein geselleschaft sol.

Verse: 9398    si sâzen zesamene ûf daz gras,
Verse: 9399    wan ir ietweder was
Verse group: (95) 
Verse: 9400    vil müede von dem strîte.
Verse: 9401    nû redeten si zuo der zîte

Verse: 9402    vil und maneger slahte
Verse: 9403    von ietwederes ahte

Verse: 9404    und daz in ensamt geschach.
Verse: 9405    der künec Êrec dô sprach:

Verse: 9406    ʽiuwer dinc ich wol vernomen hân,
Verse: 9407    daz hie der künec von Brandigân,

Verse: 9408    der wirt, ist iuwer oeheim.
Verse: 9409    ez enist iuwer dinge dehein,

Verse: 9410    ich enhabes etewaz vernomen
Verse: 9411    und ensî es an ein ende komen

Verse: 9412    wie ez umbe iuch sû gewant.
Verse: 9413    wan ein dinc ist mir unerkant:

Verse: 9414    sô lange ir hinne gewesen sît,
Verse: 9415    saget, wie vertribet ir die zît?

Verse: 9416    iu enwære mê der liute bî?
Verse: 9417    swie wünneclîch et hinne sî

Verse: 9418    und swie deheiner slahte guot
Verse: 9419    Sô sêre ringe den muot

Verse: 9420    Sô dâ liep bî liebe lît,
Verse: 9421    als ir und iuwer wîp sît,

Verse: 9422    Sô sol man wærlîchen
Verse: 9423    den wîben doch entwîchen

Verse: 9424    zetelîcher stunde.
Verse: 9425    ich hân ez ûz ir munde

Verse: 9426    heimlîchen vernomen
Verse: 9427    daz hin varn und wider komen

Verse: 9428    âne ir haz mac geschehen.
Verse: 9429    swie sis niht offenlîche enjehen,

Verse: 9430    si wellent daz man in niuwe sî
Verse: 9431    und niht zallen zîten bî.

Verse: 9432    ouch zæme disiu vrouwe baz,
Verse: 9433    diu disiu jâr hinne saz,

Verse: 9434    under anderen wîben.
Verse: 9435    wie ir mohtet belîben

Verse: 9436    ein alsô wætlîcher man,
Verse: 9437    wie mich des verwundern enkan!

Verse: 9438    wan bî den linten ist sô guot.
Verse: 9439    nû weder habet ir disen muot

Verse: 9440    von iemannes gebote?
Verse: 9441    oder welt irs lôn haben von gote ?

Verse: 9442    Oder sult ir immer hinne sîn?'
Verse: 9443    des antwurte im Mâbonagrîn:

Verse: 9444    ʽich wil iu des ein ende geben.
Verse: 9445    ich enhan mir ditze leben

Verse: 9446    von deheinem vrîen muote erkorn,
Verse: 9447    wan er nie wart geborn

Verse: 9448    der liute gerner sehe.
Verse: 9449    nû loset durch welhe spæhe

Verse: 9450    ich mir daz selbe leben erkôs.
Verse: 9451    ich enwolde werden triuwelôs,

Verse: 9452    sô muoste ich ez behalten
Verse: 9453    und solde ich hinne alten,

Verse: 9454    mir enschüefe sîn got rât,
Verse: 9455    als er von sînen genâden hât.

Verse: 9456    hiute nimt ez ende,
Verse: 9457    ein teil mit missewende,

Verse: 9458    daz ich lîhte sol verklagen.
Verse: 9459    herre, nû wil ich iu sagen

Verse: 9460    wem ich umbe ditze leben
Verse: 9461    mîne triuwe hân gegeben.

Verse: 9462    ez kam alsô daz ich gereit
Verse: 9463    hie vor in mîner kintheit

Verse: 9464    von hinnen in ein ander lant.
Verse: 9465    dâ ich dise vrouwen vant

Verse: 9466    in ir muoter gewalt,
Verse: 9467    ein kint wol einlif jâr alt,

Verse: 9468    von edelem künne:
Verse: 9469    ouch ensach ich groezer wüune

Verse: 9470    nie an kindes lîbe
Verse: 9471    von manne noch von wîbe,

Verse: 9472    als mir mîn sin dô verjach.
Verse: 9473    und dô si mîn ouge ersach

Verse: 9474    so edel und sô wünneclich,
Verse: 9475    dô nam si mîn herze an sich,

Verse: 9476    wan wir dô beidiu wâren
Verse: 9477    junc von gelêchen jâren.

Verse: 9478    zehant ich umbe ir minne warp.
Verse: 9479    der selbe gewerp ouch niht verdarp.

Verse: 9480    wande si mit mir entran.
Verse: 9481    als ich si dô brâhte dan

Verse: 9482    ûf diz selbe hûs her heim,
Verse: 9483    dô enwolde mir mên œheim

Verse: 9484    des niht langer beiten,
Verse: 9485    ich enmüeste swert leiten.

Verse: 9486    dô nam ich swert hie inne.
Verse: 9487    als dô mên vriundinne

Verse: 9488    und ich ze tische sâzen,
Verse: 9489    dô wir wol halp gâzen,

Verse: 9490    dô begreif si mich sus verre.
Verse: 9491    si sprach: ʽgedenket, lieber herre,

Verse: 9492    waz ich durch iuch habe getân'
Verse: 9493    und bat si des geniezen lân.

Verse: 9494    vil tiure wart ich gemant,
Verse: 9495    und hiez mich loben an ir hant

Verse: 9496    ze leisten swes si bæte.
Verse: 9497    des lobete ich ir stæte,

Verse: 9498    als mich et diu liebe twanc:
Verse: 9499    ouch enhete ich des deheinen gedanc
Verse group: (96) 
Verse: 9500    daz si mich ihtes bæte
Verse: 9501    wan daz ich sanfte tæte.

Verse: 9502    doch wære si gewert
Verse: 9503    swes si hæte gegert,

Verse: 9504    swaz ich bringen möhte
Verse: 9505    und mir ze tuone töhte,

Verse: 9506    und tuon noch swes si gert ze mir.
Verse: 9507    des selben bin ich gewis an ir.

Verse: 9508    swaz si wil daz wil ouch ich,
Verse: 9509    und swaz ich wil des wert si mich.

Verse: 9510    wie möhte diu geselleschaft
Verse: 9511    hân deheiner liebe kraft

Verse: 9512    under manne und wêbe,
Verse: 9513    diu niuwan mit dem lêbe

Verse: 9514    schênent gesellen guot,
Verse: 9515    und dâ sich scheidet sô ir muot

Verse: 9516    daz daz eine lützel oder vil
Verse: 9517    gert des daz ander niht enwil?

Verse: 9518    dâz diu ungevuoge geschiht,
Verse: 9519    des enist under uns zwein niht.

Verse: 9520    von hiute über hundert jâr
Verse: 9521    gewancte ichs nimmer umbe ein hâr,

Verse: 9522    ir wille ensê mên bestez heil,
Verse: 9523    wan daz ist der meiste teil

Verse: 9524    rehter vreude die ich hân,
Verse: 9525    swâ ich iht des mac begân

Verse: 9526    dâ ir wille an geschiht:
Verse: 9527    des selben enwenket si mir niht.

Verse: 9528    von diu swenne ich niht entæte
Verse: 9529    gerne swie si bæte,

Verse: 9530    dâ missetæte ich an mir
Verse: 9531    michels harter dan an ir.

Verse: 9532    und als diu sicherheit ergie,
Verse: 9533    von vreuden si mich umbevie.

Verse: 9534    si sprach: ʽwol mir daz ich lebe
Verse: 9535    alsô wünneclêcher gebe

Verse: 9536    der mich got hât gewert.
Verse: 9537    allez des mên herze gert,

Verse: 9538    daz hân ich umbevangen.
Verse: 9539    ez ist mir wol ergangen.

Verse: 9540    ouch wil ich mich vermezzen,
Verse: 9541    wir haben hie besezzen

Verse: 9542    daz ander paradêse.
Verse: 9543    die selben stat ich prêse

Verse: 9544    vür alle boumgarten.
Verse: 9545    als ir selbe muget warten,

Verse: 9546    hiest inne michel wünne
Verse: 9547    von aller vogele künne

Verse: 9548    und von missevarwer bluot:
Verse: 9549    hie wærez wesen inne guot.'

Verse: 9550    si sprach: ʽhie wil ich inne
Verse: 9551    mich nieten iuwer minne.

Verse: 9552    diz ist diu gâbe der ich bite:
Verse: 9553    hie beherte ich wol mite

Verse: 9554    deich iuwer müge belêben
Verse: 9555    âne angest vor andern wêben:

Verse: 9556    daz ir hie inne mit mir sêt,
Verse: 9557    wir zwei, unz an die zêt

Verse: 9558    daz iu hie inne ein man
Verse: 9559    gesige alters eine an,

Verse: 9560    alsô daz ez vor mir geschehe,
Verse: 9561    daz ich die wârheit selbe sehe.'

Verse: 9562    nû war umbe tete si daz?
Verse: 9563    daz wil ich iu bescheiden baz.

Verse: 9564    des enhâte si deheinen wân
Verse: 9565    daz ez immer möhte ergân

Verse: 9566    oder man in iender vunde
Verse: 9567    der mich überwunde.

Verse: 9568    sô rehte tiure dûhte ich sê.
Verse: 9569    ouch bin ichs noch gewesen vrê

Verse: 9570    unze hiute an disen tac,
Verse: 9571    daz ich vil wol erziugen mac,

Verse: 9572    ob irz niht wol geloubet.
Verse: 9573    sehet et ir diu houbet?

Verse: 9574    diu hân ich elliu abe geslagen.
Verse: 9575    ouch wil ich iu mêre sagen:

Verse: 9576    der stecke der dâ lære stât,
Verse: 9577    daz er niht houbetes ûf enhât,

Verse: 9578    und dâ daz horn hanget an,
Verse: 9579    der beitet eines niuwen man:

Verse: 9580    den solde ich mit iu hân bestat
Verse: 9581    und iuwer houbet drûf gesat.

Verse: 9582    des hât uns beide got erlân.
Verse: 9583    ich wæne hiute erworben hân

Verse: 9584    ein schadelôse schande,
Verse: 9585    sêt mich von disem bande

Verse: 9586    hât erlœset iuwer hant.
Verse: 9587    got der hât iuch her gesant.

Verse: 9588    hiute ist mênes kumbers zil:
Verse: 9589    nû var ich ûz und swar ich wil.

Verse: 9590    und sê iu daz vür wâr geseit:
Verse: 9591    ir sêt ze grôzer sælikeit

Verse: 9592    disem hove her komen,
Verse: 9593    wan mit mir was im benomen

Verse: 9594    elliu sên wünne gar,
Verse: 9595    und was et schœner vreuden bar.

Verse: 9596    sêt daz in mên abe gie
Verse: 9597    sô enwart et hie nie

Verse: 9598    deheiner slahte spil erhaben:
Verse: 9599    durch daz in lebende was begraben
Verse group: (97) 
Verse: 9600    mên jugent unde mên geburt,
Verse: 9601    sô ist et joie de la curt

Verse: 9602    genzlêchen nider gelegen.
Verse: 9603    nû suln si ir aber phlegen,

Verse: 9604    wan nû hânt si wider ir trôst.
Verse: 9605    ez hât von michelm sêre erlôst

Verse: 9606    iuwer ellenthaftiu hant
Verse: 9607    diz vil riuwige lant

Verse: 9608    und gar ze vreude gekêret:
Verse: 9609    des sêt ir immer gêret.

Verse: 9610    herre, nû sult ir ûf stân
Verse: 9611    unde vrœlêchen gân

Verse: 9612    blâsen daz selbe horn,
Verse: 9613    wan daz ist dar zuo erkorn,

Verse: 9614    ob mich iemen überwunde,
Verse: 9615    daz erz dâ ze stunde

Verse: 9616    dâ mite tæte den liuten kunt
Verse: 9617    daz erz bliese drêstunt.

Verse: 9618    daz ist dâ nû gehangen,
Verse: 9619    unz michs mac belangen,

Verse: 9620    ungeblâsen manegen tac,
Verse: 9621    daz ich dises heimuotes phlac.'

Verse: 9622    nû nam erz abe dem stecken
Verse: 9623    und bat ez Êrecken

Verse: 9624    blâsen. dâ ze stunde
Verse: 9625    sazte erz ze munde.

Verse: 9626    vil michel wart der horndôz,
Verse: 9627    wan ez was lanc unde grôz.

Verse: 9628    als si dô über al
Verse: 9629    hôrten disen hornschal,

Verse: 9630    die vor dem boumgarten
Verse: 9631    des siges solden warten,

Verse: 9632    nû sâhen si alle ein ander an,
Verse: 9633    wan dâ enwas dehein man,

Verse: 9634    der des hete deheinen wân
Verse: 9635    daz ez sus wære ergân

Verse: 9636    daz der ritter mâbonagrên
Verse: 9637    solde überwunden sên,

Verse: 9638    und rieten die burgære
Verse: 9639    daz ez ein trüge wære,

Verse: 9640    unz inz Êrec anderstunt
Verse: 9641    mit dem horne tete kunt,

Verse: 9642    und dô zem dritten mâle.
Verse: 9643    nû wart âne twâle

Verse: 9644    wider dem alten site getân.
Verse: 9645    der künec êvreins von brandigân

Verse: 9646    der nam vrouwen ênêten
Verse: 9647    und vuorte si besêten

Verse: 9648    ze jenem boumgarten in.
Verse: 9649    daz enweste niemen dâ âne in

Verse: 9650    wâ man in solde komen,
Verse: 9651    daz geleite enwære von im genomen.

Verse: 9652    nû êlten si alle
Verse: 9653    mit vrœlêchem schalle

Verse: 9654    dâ si die herren sâhen an.
Verse: 9655    hie wurden dise zwêne man,

Verse: 9656    Êrec und mâbonagrên,
Verse: 9657    von aller dirre menigên

Verse: 9658    schône gesaluieret
Verse: 9659    und der tac gezieret

Verse: 9660    mit vrœm wêcsange.
Verse: 9661    dâ wider und in lange

Verse: 9662    daz herze was getrüebet,
Verse: 9663    sô wart nû vreude güebet

Verse: 9664    und Êrec schône gêret,
Verse: 9665    sên prês wol gemêret.

Verse: 9666    si riefen dâ ze stunde
Verse: 9667    mit gelêchem munde

Verse: 9668    beide man unde wêp:
Verse: 9669    ʽritter, gêret sê dên lêp!

Verse: 9670    mit sælden müezest immer leben!
Verse: 9671    got hât dich uns ze trôste gegeben

Verse: 9672    und in daz lant gewêset.
Verse: 9673    wis gevreuwet und geprêset,

Verse: 9674    aller ritter êre!
Verse: 9675    jâ hât dich immer mêre

Verse: 9676    got und dên ellenthaftiu hant
Verse: 9677    gekrœnet über elliu lant.

Verse: 9678    mit heile müezest werden alt!'
Verse: 9679    hie was diu wüene manecvalt.

Verse: 9680    ouch enwas zuo den zêten
Verse: 9681    der schœnen vrouwen ênêten

Verse: 9682    herzenleides niht geschehen.
Verse: 9683    des swer ich wol und wil es jehen

Verse: 9684    daz disen vrouwen beiden
Verse: 9685    ir gemüete was gescheiden,

Verse: 9686    diu under der pavelûne saz
Verse: 9687    unde dirre der dâ baz

Verse: 9688    an dem strête gelanc:
Verse: 9689    in sweic der munt, ir herze sanc.

Verse: 9690    diu eine vreuden krône truoc,
Verse: 9691    diu ander hâte leides genuoc

Verse: 9692    geladen mit herzensêre
Verse: 9693    dâ von daz si niht mêre

Verse: 9694    in dem boumgarten solde sên
Verse: 9695    und ir âmês mâbonagrên.

Verse: 9696    ouch want si die hende
Verse: 9697    umbe solhe missewende

Verse: 9698    diu ir manne dô geschach.
Verse: 9699    als si vrouwe ênête gesach
Verse group: (98) 
Verse: 9700    dort sitzen unde weinen,
Verse: 9701    nû begunde si dô bescheinen

Verse: 9702    ein wêplêch gemüete.
Verse: 9703    ir vil grôziu güete

Verse: 9704    betwanc et die süezen
Verse: 9705    daz si si muoste grüezen,

Verse: 9706    swie doch jener swære.
Verse: 9707    manec wehselmære

Verse: 9708    sageten si dô beide
Verse: 9709    von liebe und ouch von leide

Verse: 9710    und geselleten sich dâ mite
Verse: 9711    nâch wêplêchem site.

Verse: 9712    von lande und von ir mâgen
Verse: 9713    begunden si dô vrâgen

Verse: 9714    und sich mit rede engesten
Verse: 9715    und sageten swaz si westen.

Verse: 9716    ze künde rechenten si sâ
Verse: 9717    daz si genifteln wæren nâ.

Verse: 9718    nû wie möhtez næher sên?
Verse: 9719    sêt daz der herzoge êmaên,

Verse: 9720    der herre von tulmein,
Verse: 9721    vrouwen ênêten œheim,

Verse: 9722    dirre vrouwen veter was.
Verse: 9723    ouch wâren si beide, als ich ez las,

Verse: 9724    von einer stat ze lûte erborn.
Verse: 9725    sehet, hie wart trûren verkorn.

Verse: 9726    zesamene hielsen si sich dô
Verse: 9727    und wâren beide ein ander vrô:

Verse: 9728    daz si dâ mite bescheinten,
Verse: 9729    wan si von vreuden weinten.

Verse: 9730    daz weinen schiere ende nam,
Verse: 9731    und lachten, daz in baz gezam.

Verse: 9732    ze handen sich dô viengen
Verse: 9733    die vrouwen unde giengen

Verse: 9734    dâ si ir herren vunden.
Verse: 9735    vor vreuden si enkunden

Verse: 9736    diz niht langer verdagen,
Verse: 9737    si enmüesten offenlêche sagen

Verse: 9738    daz si genifteln wæren.
Verse: 9739    nâch disen niuwen mæren

Verse: 9740    jâhen si alle gelêche
Verse: 9741    daz si got wunderlêche

Verse: 9742    zesamene hæte gesant
Verse: 9743    in ein alsô vremdez lant.

Verse: 9744    nû vuoren wêp unde man
Verse: 9745    ûz dem boumgarten dan.

Verse: 9746    diu houbet, als ir hôrtet sagen,
Verse: 9747    diu drinne wâren abe geslagen,

Verse: 9748    diu nam man abe den stecken
Verse: 9749    (des êre got Êrecken),

Verse: 9750    unde wurden boten gesant
Verse: 9751    nâch der phafheit in daz lant

Verse: 9752    daz man si begrüebe nâch êren.
Verse: 9753    hie begunde sich êrste mêren

Verse: 9754    diu vreude ûf brandigân.
Verse: 9755    diz was von schulden getân.

Verse: 9756    wan alsô schiere diz erschal
Verse: 9757    in daz lant über al,

Verse: 9758    von solhem mære
Verse: 9759    daz des hoves vreude wære

Verse: 9760    widere gewunnen
Verse: 9761    der in was zerunnen,

Verse: 9762    des küneges mâge und dienestman
Verse: 9763    die vuoren ze hove alle dan

Verse: 9764    mit den lantvrouwen
Verse: 9765    die niuwen genâde schouwen.

Verse: 9766    hie samenten sich die besten.
Verse: 9767    der wirt mit sênen gesten,

Verse: 9768    die er dar mohte bringen,
Verse: 9769    erbiten und betwingen,

Verse: 9770    si macheten ein hôchzêt
Verse: 9771    diu mit wirtschefte sêt

Verse: 9772    werte vier wochen.
Verse: 9773    mit vreuden wirt zebrochen

Verse: 9774    diu swære gewonheit
Verse: 9775    die er durch sênen neven leit:

Verse: 9776    der wirt er hie ergetzet
Verse: 9777    und ist im wol ersetzet

Verse: 9778    mit vil wünneclêcher kraft.
Verse: 9779    Êrec und sên geselleschaft

Verse: 9780    was dâ zen hôchzêten:
Verse: 9781    die enliez der künec niht rêten.

Verse: 9782    doch was er âne vreude hie,
Verse: 9783    alsô daz er sên herze nie

Verse: 9784    von swærem kumber brâhte.
Verse: 9785    swenne er dar an gedâhte,

Verse: 9786    sô entweich im aller sên muot,
Verse: 9787    als ez dem erbarmherzen tuot:

Verse: 9788    dem ervollent dicke diu ougen
Verse: 9789    offenlêch und tougen,

Verse: 9790    swenne er iht des gesiht
Verse: 9791    daz wol zerbarmenne geschiht.

Verse: 9792    ouch was diz genuoc erbarmeclêch:
Verse: 9793    ez enwart nie man sô vreuden rêch,

Verse: 9794    dem doch iht erbarmen sol,
Verse: 9795    ich enwizze daz benamen wol,

Verse: 9796    hæte er die nôt ersehen,
Verse: 9797    im wære ze weinenne geschehen.

Verse: 9798    im erbarmte diu ellende schar,
Verse: 9799    die ahzec vrouwen die dâ gar
Verse group: (99) 
Verse: 9800    ir vreuden weise wâren,
Verse: 9801    als dâ an ir gebâren

Verse: 9802    was vil riuweclêche schên,
Verse: 9803    den der rôte mâbonagrên

Verse: 9804    ir âmêse hâte erslagen.
Verse: 9805    beide trûren unde klagen

Verse: 9806    daz was ir ambet alle tage.
Verse: 9807    rehte alsam der hase en jage

Verse: 9808    schiuhet sêne weide,
Verse: 9809    sô vluhen si daz von leide

Verse: 9810    daz si dar inder kæmen
Verse: 9811    dâ si vreude vernæmen.

Verse: 9812    ouch enwolden si den man
Verse: 9813    zallem ir lebenne an

Verse: 9814    mit ir danke nie gesehen
Verse: 9815    von dem in leide was geschehen.

Verse: 9816    nû half in Êrec trûric sên.
Verse: 9817    daz wart doch hier an wol schên

Verse: 9818    daz er ze deheinen zêten
Verse: 9819    mit vrouwen ênêten

Verse: 9820    sênes dankes von in kam.
Verse: 9821    mit guotem trôste er in benam

Verse: 9822    ir herzeleides etewaz.
Verse: 9823    nû waz tuot dem manne baz

Verse: 9824    wan der in nâch leide trœstet wol?
Verse: 9825    des ist vriunt vriundes schol.

Verse: 9826    doch begunde er in râten,
Verse: 9827    daz si vil gerne tâten,

Verse: 9828    daz si dâ niht mê beliben
Verse: 9829    und si ir jâr baz vertriben

Verse: 9830    und daz si urloup næmen
Verse: 9831    unde mit im kæmen

Verse: 9832    zem künege artûse,
Verse: 9833    wan si dâ ze hûse

Verse: 9834    nimmer wolden werden vrô.
Verse: 9835    urloubes gerten si dô.

Verse: 9836    daz enwas dem wirte niht leit,
Verse: 9837    wan im was wol daz geseit

Verse: 9838    daz si hæten des gejehen,
Verse: 9839    in wære sô leide dâ geschehen

Verse: 9840    daz si ûf dem hûs ze brandigân
Verse: 9841    nie dehein vreude möhten hân.

Verse: 9842    nû wolde er in gerne urloup geben,
Verse: 9843    ob si ze bezzerunge ir leben

Verse: 9844    möhten verkêren,
Verse: 9845    und ob nâch sênen êren

Verse: 9846    si wolden vreude walten,
Verse: 9847    sô sæhe er si ungerne alten

Verse: 9848    inder wan in sêner phlege.
Verse: 9849    vil gerne bereite er si after wege.

Verse: 9850    der wirt ir willen huote:
Verse: 9851    sêt er si nâch ir muote

Verse: 9852    riuweclêchen kleite,
Verse: 9853    ros ouch dar nâch bereite

Verse: 9854    sô daz ir varwe beider,
Verse: 9855    pherde unde kleider,

Verse: 9856    gelêch und wol zesamene schein,
Verse: 9857    swarz riuwevar al ein.

Verse: 9858    diu hôchzêt hete ende.
Verse: 9859    nû schiet der ellende

Verse: 9860    mit disen vrouwen von dan.
Verse: 9861    dâ geschach im hovelêchen an

Verse: 9862    daz er si von danne nam
Verse: 9863    dâ in wesen niht enzam.

Verse: 9864    nû saz der wirt von brandigân
Verse: 9865    ûf ein schœne kastelân

Verse: 9866    unde die sêne
Verse: 9867    ûf ir ros von rabêne,

Verse: 9868    sô si si heten beste,
Verse: 9869    und kondewierten die geste

Verse: 9870    von dem hûs genuoc verre.
Verse: 9871    sô bat si Êrec der herre

Verse: 9872    mit heile dâ belêben.
Verse: 9873    dan reit er mit den wêben

Verse: 9874    und brâhte si ze hûse
Verse: 9875    dem künege artûse.

Verse: 9876    dar was er michel willekomen,
Verse: 9877    und wart des guot war genomen

Verse: 9878    daz si sô gelêche wâren gekleit
Verse: 9879    und ze pherden bereit,

Verse: 9880    und begunden des von schulden jehen
Verse: 9881    daz si nie enhæten gesehen

Verse: 9882    deheine seltsænern schar,
Verse: 9883    sô manege vrouwen in einer var.

Verse: 9884    und die dar umbe enwesten,
Verse: 9885    die vrâgeten von den gesten

Verse: 9886    wiez umbe si wære gewant,
Verse: 9887    unz inz Êrec tete erkant.

Verse: 9888    hie emphie der valsches vrêe
Verse: 9889    von al der massenêe

Verse: 9890    sêner arbeit ze lône
Verse: 9891    alsô der êren krône

Verse: 9892    daz er zem prêse wart geseit
Verse: 9893    daz von grôzer manheit

Verse: 9894    nieman zer werlde kæme
Verse: 9895    tiurre oder baz genæme,

Verse: 9896    wan nie manne von den landen
Verse: 9897    sô grôz dinc wære erstanden

Verse: 9898    von rêcher âventiure.
Verse: 9899    wan daz vrou sælde ir stiure
Verse group: (100) 
Verse: 9900    gap sêner ammen diu sên phlac
Verse: 9901    dô er in der wagen lac,

Verse: 9902    sô enmöhtez nimmer sên geschehen.
Verse: 9903    als si die vrouwen heten gesehen,

Verse: 9904    daz dûhte si ein vremdiu sache.
Verse: 9905    nû vuorte si ze gemache

Verse: 9906    diu vil edel künegên.
Verse: 9907    ir sêle müeze sælic sên,

Verse: 9908    wan si vil gerne âne bete
Verse: 9909    vol tugentlêche tete.

Verse: 9910    nû weste der künec artûs
Verse: 9911    die geste gerne in sênem hûs.

Verse: 9912    und als er in beite sêt
Verse: 9913    sô lange unz in des dûhte zêt

Verse: 9914    daz er möhte zuo in gân,
Verse: 9915    hie was Êrec und walwân

Verse: 9916    joch guivreiz, si drêe
Verse: 9917    und diu ander massenêe

Verse: 9918    under ein ander vil vrô.
Verse: 9919    zuo in sprach der künec dô:

Verse: 9920    ʽir herren, wir suln gân schouwen
Verse: 9921    unser niuwekomen vrouwen,

Verse: 9922    und trœsten si nâch ir leide.'
Verse: 9923    ûf stuonden si dô beide,

Verse: 9924    der künec artûs und Êrec.
Verse: 9925    bê handen giengen si den wec

Verse: 9926    in ir kemenâten.
Verse: 9927    dô was diu baz berâten

Verse: 9928    mit vrouwen dan vordes ie.
Verse: 9929    der wirt zuo in sitzen gie:

Verse: 9930    die andern sazten sich ouch sâ,
Verse: 9931    der eine hie, der ander dâ.

Verse: 9932    und als si der künec ersach
Verse: 9933    lêden umbe ir ungemach

Verse: 9934    gelêche klage, gelêche riuwe,
Verse: 9935    gelêcher stæte, gelêcher triuwe,

Verse: 9936    gelêcher schœne, gelêcher jugent,
Verse: 9937    gelêcher zuht, gelêcher tugent,

Verse: 9938    gelêcher wæte, gelêcher güete,
Verse: 9939    gelêcher ahte, gelêcher gemüete,

Verse: 9940    diz dûhte in wêplêch und guot
Verse: 9941    und bewegete im den muot

Verse: 9942    und muoste im wol gevallen.
Verse: 9943    er sprach vor in allen:

Verse: 9944    ʽÊrec, lieber neve mên,
Verse: 9945    dû solt von schulden immer sên

Verse: 9946    geprêset unde gêret,
Verse: 9947    wan dû hâst wol gemêret

Verse: 9948    unsers hoves wünne.
Verse: 9949    swer dir niht guotes günne,

Verse: 9950    der enwerde nimmer mêre vrô.'
Verse: 9951    ʽâmen' jâhen si alle dô,

Verse: 9952    wan si im guotes gunden.
Verse: 9953    si wurden überwunden,

Verse: 9954    diu vil riuwigen wêp,
Verse: 9955    daz si ir muot und ir lêp

Verse: 9956    ze vreuden verkêrten
Verse: 9957    und den künec dar an êrten

Verse: 9958    daz er in die wât nam
Verse: 9959    diu in ze vreuden niht enzam,

Verse: 9960    und kleite si mit solher wât
Verse: 9961    sô si ze vreuden beste stât,

Verse: 9962    von sêden und von golde.
Verse: 9963    Êrec der êren holde

Verse: 9964    und guivreiz le pitêz
Verse: 9965    die wurden dô en allen vlêz

Verse: 9966    gêret und enthalten
Verse: 9967    und ir alsô gewalten

Verse: 9968    als ir namen wol gezam,
Verse: 9969    unz daz Êrecke ein mære kam

Verse: 9970    daz sên vater wære tôt.
Verse: 9971    nû was des sênem lande nôt

Verse: 9972    daz er sich abe tæte
Verse: 9973    solher unstæte

Verse: 9974    und daz er heim vüere:
Verse: 9975    daz wære gevüere

Verse: 9976    sênen landen und sêner diet.
Verse: 9977    mit urloube er dô danne schiet

Verse: 9978    von dem künege artûse,
Verse: 9979    ze varne heim ze hûse.

Verse: 9980    dô er von dem hove schiet,
Verse: 9981    dô trôste er nôtige diet

Verse: 9982    die sênes guotes ruochten,
Verse: 9983    und ob siz nimmer gesuochten,

Verse: 9984    nâch iegelêches ahte
Verse: 9985    und als erz haben mahte,

Verse: 9986    alsô daz si einen gemeinen segen
Verse: 9987    mit triuwen tâten über den degen,

Verse: 9988    daz got sêner êren wielte
Verse: 9989    und im die sêle behielte.

Verse: 9990    ouch schiet der wênige man,
Verse: 9991    der künec guivreiz, mit im dan,

Verse: 9992    engegen sênem rêche.
Verse: 9993    nû wurden si wirdeclêche

Verse: 9994    gekondewieret beide
Verse: 9995    unz an ir wegescheide.

Verse: 9996    nû schieden si sich under in,
Verse: 9997    als ich des gewis bin,

Verse: 9998    sô nie gesellen zwêne baz,
Verse: 9999    âne nêtlêchen haz,
Verse group: (101) 
Verse: 10000    guivreiz gegen êrlant,
Verse: 10001    Êrec gegen karnant.

Verse: 10002    nû was den sênen wol kunt
Verse: 10003    beidiu der tac und diu stunt

Verse: 10004    wenne er ze lande solde komen.
Verse: 10005    zehant heten sich ûz genomen,

Verse: 10006    sô man si von dem lande
Verse: 10007    zen tiuristen erkande,

Verse: 10008    sehs tûsent oder mêre.
Verse: 10009    durch ir herren êre,

Verse: 10010    wan si in gerne sâhen,
Verse: 10011    sô êlten si in emphâhen

Verse: 10012    engegen im wol drêe tage.
Verse: 10013    ez ensê daz er missesage,

Verse: 10014    sô enmac niemen des gejehen
Verse: 10015    daz er ie habe gesehen

Verse: 10016    dehein willeclêchern antvanc.
Verse: 10017    als si ir schuldic triuwe twanc,

Verse: 10018    sô emphiengen si in alle
Verse: 10019    mit zühteclêchem schalle,

Verse: 10020    mit rossen bedahten,
Verse: 10021    und die ez haben mahten

Verse: 10022    unde ritter wâren genant,
Verse: 10023    die heten besunder zuo ir hant

Verse: 10024    ir baniere rêche,
Verse: 10025    der kovertiure gelêche,

Verse: 10026    undersniten wæhe
Verse: 10027    mit vil vremder spæhe.

Verse: 10028    daz gevilde hie geverwet was
Verse: 10029    rôt wêz gel und als ein gras

Verse: 10030    von ir sêdênen wât,
Verse: 10031    sô si diu werlt beste hât.

Verse: 10032    sus emphiengen die von karnant
Verse: 10033    ûz destrigâles lant

Verse: 10034    ir herren der wider kam,
Verse: 10035    als einem rêchen künege zam,

Verse: 10036    in sênem künecrêche.
Verse: 10037    dô hâte er sæliclêche

Verse: 10038    in manegem lande daz bejaget,
Verse: 10039    als uns diu wârheit von im saget,

Verse: 10040    daz niemens lop enstuont sô hô
Verse: 10041    under den die et lebeten dô

Verse: 10042    von manlêcher getât.
Verse: 10043    an sênem lobe daz stât

Verse: 10044    daz er genant wære
Verse: 10045    Êrec der wunderære.

Verse: 10046    ez was et sô umbe in gewant
Verse: 10047    daz wêten über elliu lant

Verse: 10048    was sên wesen und sên schên.
Verse: 10049    sprechet ir: wie mohte daz sên?

Verse: 10050    waz von diu, schein der lêp nû dâ,
Verse: 10051    sô was sên lop anderswâ.

Verse: 10052    alsô was sên diu werlt vol:
Verse: 10053    man sprach et niemen dô sô wol.

Verse: 10054    als in got heim gesande,
Verse: 10055    ze vreuden sênem lande

Verse: 10056    gebôt er ein hôchzêt,
Verse: 10057    daz vordes noch sêt

Verse: 10058    in dem selben lande nie
Verse: 10059    dehein sô wünneclêche ergie

Verse: 10060    und von herren alsô grôz.
Verse: 10061    dar kam vil manec sên genôz,

Verse: 10062    die ich iu gerne nande,
Verse: 10063    ob ich ir namen erkande.

Verse: 10064    hie emphienc er lobelêche
Verse: 10065    die krône von dem rêche

Verse: 10066    der sên vater, der künec lac,
Verse: 10067    unz an in mit êren phlac,

Verse: 10068    wan er vil manege tugent begie.
Verse: 10069    ouchn wart dehein vrumer vater nie

Verse: 10070    mit sênem sune baz ersat.
Verse: 10071    wer zæme baz an sêner stat?

Verse: 10072    got segene im sên rêche:
Verse: 10073    er hât ez billêche.

Verse: 10074    wir suln im sên wol gunnen,
Verse: 10075    wan er hâts wol begunnen

Verse: 10076    mit vreuden und mit wirtschaft.
Verse: 10077    man mohte et dâ grôze kraft

Verse: 10078    von rittern und von vrouwen
Verse: 10079    wol sehs wochen schouwen.

Verse: 10080    swie lange si werte,
Verse: 10081    swes man ze vreuden gerte

Verse: 10082    wie vil des menlêch dâ vant!
Verse: 10083    hie sazte er sô sên lant

Verse: 10084    daz ez vil vridelêchen stuont.
Verse: 10085    er tete sam die wêsen tuont,

Verse: 10086    die des gote genâde sagent
Verse: 10087    swaz si êren bejagent

Verse: 10088    und ez von im wellent hân.
Verse: 10089    sô triuget manegen ein wân

Verse: 10090    der in benamen beswêchet,
Verse: 10091    sô er sich des muotes rêchet,

Verse: 10092    ob im iht guotes widervert,
Verse: 10093    daz im daz sê beschert

Verse: 10094    niuwan von sêner vrümekeit,
Verse: 10095    unds gote dehein genâde seit.

Verse: 10096    wie lêhte ein ende des geschiht!
Verse: 10097    alsô entete der künec niht.

Verse: 10098    sêt in got hâte gêret,
Verse: 10099    dô wartz ouch im gekêret
Verse group: (102) 
Verse: 10100    ze lobe in allen stunden.
Verse: 10101    des wart er schœne ervunden

Verse: 10102    als im sên herze gerte,
Verse: 10103    wan im sên êre werte

Verse: 10104    unze an sênen tôt,
Verse: 10105    als ez der himelvoget gebôt,

Verse: 10106    âne alle missewende.
Verse: 10107    in dem ellende

Verse: 10108    hâte vrouwe ênête
Verse: 10109    erliten übele zête:

Verse: 10110    daz hât si wol bewendet,
Verse: 10111    wan sich daz hie endet,

Verse: 10112    und muoz sich verkêren
Verse: 10113    ze gemache unde zêren

Verse: 10114    und ze wünne manecvalt.
Verse: 10115    ze wunsche wurden si beide alt,

Verse: 10116    wan si got hâte gesant
Verse: 10117    ze vreuden in ir eigen lant,

Verse: 10118    ir vater und ir muoter.
Verse: 10119    der künec selbe huoter

Verse: 10120    ir willen swâ er mohte,
Verse: 10121    und doch als im tohte,

Verse: 10122    niht sam er ê phlac,
Verse: 10123    dô er sich durch si verlac,

Verse: 10124    wan er nâch êren lebete
Verse: 10125    und sô daz im got gebete

Verse: 10126    mit veterlêchem lône
Verse: 10127    nâch der werlde krône,

Verse: 10128    im und sênem wêbe,
Verse: 10129    mit dem êwigen lêbe.

Verse: 10130    durch got des bitet alle
Verse: 10131    daz uns der lôn gevalle

Verse: 10132    der uns gote gehulde
Verse: 10133    (deist goldes übergulde)

Verse: 10134    nâch disem ellende.
Verse: 10135    hie hât diz liet ein ende.

---

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.